❤️ بسم الله الرحمن الرحيم ❤️
رواية الفتاه المنحوسه الفصل الثامن والتاسع والعاشر بقلم سحر حسين عزت حصريه وجديده
المصيبه الثامنه
اول ما دخلت الزنزانه الست الكبيره بتاعت المره اللي فاتت اكيد فكرنها المهم اول ما شافتني قامت و قفت و قالت
اهلا وسهلا بيكي يا حلوه شرفتي
وهي قامت من هنا والكل راح واقف بس مش عارفه ليه اول ما وقفت رحت جريت عليها و حضنتها و فضلت اعيط من غير ما احس تقريبا كنت محتاجه الحضن ده اووي مش مهم من مين بس فعلا كنت محتاجه الحضن ده اووي المهم الست دي اتفعلت معايا ودي كانت مفاجأة كبيرة بالنسبة ليا لقتها بتحضني و بتقولي
اهدي يا بنتي مالك بس في ايه
من كتر ما كنت خايفه مكنتش عارفه اتكلم راحت قالتلي
طيب عيطي لحد ما ترتاحي و متخافيش انا معاكي
مش عارفه ليه أو حتي ازاي بس انا كنت مرتاحه جدا في حضنها جدا اول مره اجرب الاحساس ده بس كنت مبسوطه جدا و مرتاحه اووي مع انها غريبه عني بس فعلا ارتحت المهم بعد ما خلصت عياط و حسيت نفسي بدأت اهدي قولتلها
انا اسفه جدا بس ....
ما لحقتش اكمل الكلامي و راحت قالتلي
 |
ولا يهمك و متخافيش انا موجوده جامبك و مش هخلي حد يقرب لكي طول ما انتي هنا بس قوليلي بقي انتي هنا ليه
و راحت مسكتني من ايدي و قعدنا في الارض و بعدين قالتلي
احكيلي مالك بقي وانتي هنا ليه
و فعلا بدأت اتكلم واحكي كل حاجه حصلت معايا اول مره وتاني مره و مش عارفه ليه لما اتكلمت كل الستات ضحكت بس بصراحه هي راحت مزعقه ليهم و قالت ليهم
اللي هسمع صوتها هجبها من شعرها
و فعلا الكل سكت و راحت بصتلي و قالتلي
كملي يا بنتي
ردت و قولت
بس و ده كل اللي حصل معايا لحد دلوقتي
ردت و قالت
متخافيش يا هبله موضوعك عبيط و هتخرجي منه بسهوله وكل العياط ده عشان اللي انتي قولتيه ده
ردت باستغراب و قولت
يعني كل اللي انا قولته ده عادي
ضحكت و قالت
اه يا قلبي كل ده بسيط جدا و علي رأي المثل اللي يشوف بلاوي الناس تهون عليه بلوته
ردت و قولت
ازاي كل ده بسيط
ردت عليا و هي بتضحك و قالت
شايفه كل الستات دي كل واحده من دول ليها قصه و حكايه لو عرفتي قصتهم هتعرفي قد ايه موضوعك بسيط جدا و مش كده هتحمدي ربك علي اللي بيحصل معاكي كمان
ردت و انا عندي فضول كبير
و ايه قصتهم
راحت شاورت لوحده و قالت لها احكي يا ام نسمه انتي جيتي ليه
اتكلمت ام نسمه و قالت
منه لله جوزي هو السبب اللي جابني هنا بص يا ستي انا جوزي كان مدمن مخدرات و باع كل حاجه معانا عشان كيفه و لو مش معاه فلوس كان بيفضل يضرب فيا انا و البنات وانا عندي 3 بنات و صغيرين و علي طول كان بيطلعني استلف فلوس من الناس عشان الهباب اللي بيشربه و عشان الناس عارفه أن هو مش بيدفع مكنش حد بيقبل يديلو فلوس و عشان كده كنت بستلف انا منهم وطبعا كله كان بوصلات امانه لحد ما الفلوس بقت كتيره وعشان كلها باسمي انا اتحبست وهو هرب منه لله
ردت وانا مستغربه
هو في جوز يعمل في مراته و عياله كده منه لله فعلا
ردت الست و قالت اه صح اسمها المعلمه عصمت قالتلي
هاااا ايه رايك عايزه تعرفي حاجه تانيه ولا كفايه عليكي قصه واحده
رديت و قولت
اه انا عايزه اسمع قصه تانيه
ضحكت و قالت خلاص يا ام محمد قولي انتي هنا ليه
رديت و قولت
و انتي يا معلمه عصمت حضرتك هنا ليه
ضحكت و قالت
لا انا قصتي قصه و موالي موال مش بحب اتكلم عن حياتي يا بت
قولتلها
طيب براحتك
المهم راحت ام محمد كانت لسه هتتكلم راح الباب اتفتح و العسكري داخل و نده عليا و قالي
تعالي الظابط طارق عايزك
قومت بسرعه و قولت
اخيرا
قالت ليا المعلمه عصمت
كده انتي مصدقتي ولا ايه يا بت
قولتلها
هجيلك تاني بس هجيلك زياره مش اكتر
قالت لي
يلا روحي و اوعي تيجي هنا تاني لا زياره ولا غيره
فرحت و خرجت من الزنزانه مع العسكري لحد مكتب طارق و اول ما دخلت قالي
تعالي يا هدي اتفضلي اقعدي
رديت و قولتله
مش مهم اقعد المهم بعد اذنك في أي خبر جديد
ضحك و قالي
انا قولتلك متخفيش وان شاء الله خير
رديت و قولت
ايوه يعني ايه
قالي
يعني مرات علي اعترفت أن انتي ملكيش علاقه بالموضوع ده خالص
ضحكت و قولتله
بجد وربنا يعني انا كده خلاص براءه
ضحك و قالي
اه انتي كده براءه
قولت
يعني امشي
قالي
اه امشي براحتك محدش هيمنعك
روحت عند الباب و بعدين وقفت و رجعت أقوله
انا متشكره جدا يا طارق باشا
ضحك و بص في الارض و بعدين قالي
ولا يهمك ده شغلي انا معملتش حاجه
ابتسم و بعدين رجعت عند الباب مره تانيه و بعد شويه وقفت ورجعت تاني عشان أقوله
عايزه اطلب من حضرتك طلب تاني ممكن
قالي اتفضلي
اولا انا مش بدخل في أمور شغلك بس عايزه طلب منك انك تساعد الستات اللي في الزنزانه فيهم ناس بريئه كتير و محتاجين حد يقف معاهم و يصدقهم بس مش اكتر
لقيته بصلي و كان لسه هيتكلم روحت قولت
انا اسفه لو تجاوزت حدودي مع حضرتك بعد ازنك انا لازم امشي و اتمني انك متزعلش مني مره تانيه
روحت خارجه من الباب بسرعه و مشيت من غير ما ابص ورايا و جريت من القسم علي طول وانا كنت مبسوطه جدا أن الحمدلله خرجت من هنا وكنت اتمني اني مرجعش هنا تاني بس في نفس الوقت كنت بتمني اني اشوف طارق تاني المهم روحت علي البيت عشان ارتاح شويه و اول ما دخلت دخلت علي الحمام اخد دوش عشان فعلا مكنتش طايقه نفسي من القاعده في الزنزانه و بعد ما خرجت دخلت قعت علي السرير افكر في حياتي انا لزم اشتغل الفلوس معايا خلصت و مش معايا غير دهب امي و ستي بس انا مش عايزه اصرف منهم حاجه عايزه اشتغل عشان اكمل دراسه و كنت ناسيه أن انا بقالي يومين او ثلاثه مرحتش المدرسه المهم نمت و فضلت نايمه لحد تاني يوم صحيت بدري عشان المدرسه لبست لبس المدرسه و نزلت علي طول وبعد الطابور روحت عند مس بسمه بس هي اول ما شافتني دورت وشها الناحية التانية و عملت نفسها متعرفنيش ضحكت و بصراحه مهتمتش اووي عشان عارفه أن هي كمان اقتنعت اني منحوسه المهم دخلت فصلي وانا معنديش صحاب المهم جت السكرتيرة و قالتلي أن المديريه عايزاكي في مكتبها و فعلا نزلت عند المديره و قالتلي
انتي غايبه من المدرسه بقالك كام يوم و ده اخر تحذير ليكي بعد كده هعملك رفض من المدرسه خالص
قولتلها
انا اسفه انا بس كان عندي .....
و لسه كنت هكمل كلامي سكتتني و قالت
مش عايزه اسمع اعذار كدابه بعد كده مش هدخلك المدرسه من غير والي امرك
الكلمه دي وجعت قلبي اوووي وفضلت افكر فيها المهم خرجت من المكتب وانا مش سامعه اي حاجه ولا اي حد و متأثره اووي من كلمه والي امرك هو انا مين والي امري و طلعت الفصل اخذت شنطتي و مشيت وهو اصلا كان موعد المروح وانا ماشيه لقيت راجل كبير قالي ............
❤️ بسم الله الرحمن الرحيم ❤️
الفتاه المنحوسه :
بقلم سحر حسين عزت
البارت العاشر
المصيبه العاشره
بعد ما خلصت المدرسه روحت جري عند الورشه و كانت المفاجاه ليا لما شوفت الورشه مفتوحه والحمدلله عم صالح قاعد قدمه والله كنت فرحانه اووي أنه عايش اول ما شوفته روحت جري عنده و هو قالي
ايه يا ست هانم التأخير ده كده من اول يوم
من فرحتي مكنتش عارفه ارد فضلت بصه عليه و مبتسمه مش اكتر الحمدلله اول مره ميبقاش شوي وحش علي حد المهم قالي
مالك متنحه ليه كده يلا عشان ورانا شغل كتير اوي
ضحكت و قولت
حاضر وانا جاهزه
و بعدين قام من علي الكرسي و كان هيدخل و بعدين وقفت تاني وبصلي و قالي
انتي فطرتي الاول ولا لا
قولتله
اه الحمدلله كلت
قالي
طيب كويس تعالى معايا
المهم دخل و بعدين انا دخلت وراه و قولتله
هنعمل ايه دلوقتي
جابلي مريله و قالي
خدي البسي دي الاول
ختها من ايده و بعد ما لبستها قولتله
هاا فين الشغل
بصلي و ضحك و بعدين قالي
حلو الحماس اللي في الاول ده ربنا يسترها ويفضل للآخر
رديت وانا فعلا كلي حماس
متخافش هتشوف بنفسك
قالي
طب تعالي
و بعدين مشي شويه قدامي وانا طبعا وراه المهم و قف قدام خشب كتير اووي محطوط فوق بعضه وراح جاب منشار يدوي و قالي
خدي
مديت ايدي و خت المنشار و انا بقوله
ايه ده
ضحك و قالي
ايه اول مره تشوفي منشار يدوي
ضحكت و قولتله
لا طبعا شوفته قبل كده انا قصدي هعمل بيه ايه
قالي و هو بيبتسم
شايفه الخشب ده كله
رديت و انا مصدومه و بقول من جوايا ربنا يسترها المهم قولت
اه شايفه ماله بقي
قالي
حضرتك هتقطعيه نصين بالمنشار
قولت وانا بشارو بايدي علي نفسي
انا
قالي
ايوه اول حاجه لازم تتعلميها هو الشغل اليدوي وبعدين تتعلمي الشغل علي المكن
رديت و قولت
هي دي البدايه يعني.
قالي
ايوه لازم نبدأ من هنا عشان ترتاحي بعدين
قولت
طب ليه مينفعش نبدأ بالعكس
قالي
لا طبعا يلا و بطلي كسل
المهم سابني و مشي وبعد ثواني رجع و معاه متر و قالي
خدي المتر ده وانا هقولك علي مقاسات تقيسي الاول و بعدين تقطعي
بصيتله و بعدين خت المتر و مش عارفه ليه حاسه ان الموضوع صعب جدا بس حابه اني اجرب المهم بداء يقولي وانا اعمل وطبعا مفيش اي واحده طلعت مظبوطه و بعدين بدأ يمسك هو كمان واحد و يعمل جامبي وانا اشوفه وعمل زيه فين و فين لحد ما عملت واحده صح و المقاسات كانت مظبوطه بعد تعب كبير و وقت طويل بس الحمدلله عملت حاجه صح كنت مبسوطه جدا لدرجه ان قولتله
انا ممكن اخد القطعه دي معايا وانا مروحه ده اول نجاح في حياتي ممكن
ضحك و قالي
بعد ما طلعتي عيني بس هتتعملي صح في الاخر خديها بس المهم انها متكنش اخر حاجه صح تعمليها ماشي يا هدي
ضحكت و قولتله
لا متخافش انت لسه ما تعرفتيش يا عمو صالح
المهم دخل ايده في جيبه و طلع محفظته و طلع منها 200 جنيه و قالي
خدي
قولتله
ايه ده
قالي
اليوميه بتاعتك
قولتله وانا مبسوطه جدا
ايه يعني ده مصروفي
قالي
اه مصروفك مبروك عليكي يا بنتي
ختها منه وانا فرحانه اووي و بعدين قولتله
ايوه بس ده كتير اووي
قالي
متخديش علي كده ده بس عشان اول يوم انما بعد كده هتتحسبي علي التأخير و كمان لو بوظتي حاجه هخصمها منك اتفقنا
قولتله
اتفقنا و ربنا يسترها بقي
قالي
طيب يلا روحي ارتاحي شويه و حطي تلج علي ايدك عشان اول مره تشتغلي كده
قولت
لا عادي مش وجعاني
قالي
ما هي مش هتوجعك دلوقتي بس هتحسي بيها لما جسم يبرد
بصيت عليه وانا مش فاهمه حاجه المهم قولتله
تمام انا همشي مع السلامه يا عمو صالح
قالي
مع سلامه هستناكي بكره و اوعي تتأخري زي النهارده ماشي
قولت له
حاضر اول ما هخرج من المدرسه هاجي علي طول
قالي
ماشي يلا روحي على طول
قولت
ماشي سلام
المهم خرجت من الورشه وانا فرحانه جدا و مسكه الفلوس في ايدي و كل شويه ابص عليها ده اول قبض ليا حسيت نفسي بدأت اعمل لنفسي شخص عارفه هتقولوا كده من اول يوم هقول اه عادي مهو احلي حاجه اول يوم في كل حاجه المهم اول ما دخلت البيت دخلت اوضه النوم و حطيت الفلوس دي في صندوق بتاع ستي و قولت انا مش هصرف الفلوس دي مهما حصل و خرجت هدوم النوم من الدولاب و دخلت خت دوش و خرجت وانا بسرح شعري مش قادره احرك ايدي خالص لا عارفه ارفعها ولا حتي امسك المشط و هنا افتكرت كلام عم صالح اه لما جسمي يبرد روحت جري و حاولت افتح التلاجه و خرجت منها تلج هي اصلا مفيهاش غير تلج المهم خت تلج و فضلت ماسكه شويه كتير كده و طبعا فضلت اتوجع جامد و في نفس الوقت كنت بنام علي نفسي خلاص مش قادره استحمل الوجع ولا تعب المهم نمت وانا ماسكه التلج و تاني يوم صحيت على المنبه و لقيت التلج ساح و ايدي بقت احسن بس جسمي واجعني و مش قادره اروح المدرسه و فعلا قومت طفيت المنبه و كملت نوم اه عارفه أن انا مش مركزه في الدراسه خالص و عارفه أن هبقي فشله جدا بس خلاص كنت نمت و صحيت تاني علي معاد الشغل والحمد لله بقيت كويسه قومت و لبست قميص و بنطلون و الكاب و بقيت شبه الرجاله و روحت علي طول علي الورشه و لما شافني عم صالح قالي باستغراب
انتي مرحتيش المدرسه انهارده ولا ايه
قولت
بصراحه لا مقدرتش خالص
قالي
هو ده اللي كنت خايف منه
قولت
معلش ده بس عشان كان أول يوم وانا مقدرتش بس بعد كده مش هغيب تاني
قالي
ماشي يلا عشان نكمل شغل .
و فعلا دخلنا نشتغل علي طول بس انهارده مع المنشار جابلي حاجه تانيه يعلمني عليها و هي اسمها الفاره بس مش هشرح كتير بقي المهم اشتغل و كنت حاسه ان انهارده متعبتش كتير زي امبارح و بعد ما خلصنا ادني 200 جنيه تاني كنت فرحانه و قولت لنفسي الحمدلله و اخيرا الدنيا ضحكتلي بس الحلو مش بيكمل روحت البيت ونفس النظام وتاني يوم خرجت عشان اروح المدرسه واول ما دخلت الصبح روحت علي الطبور علي طول بس المديره خرجتني من الطبور اه والله زي ما بقولكوا كده ندهت عليا في الاذاعه و قالتلي
روحي علي مكتبي و ما تحضريش الطبور
و فعلا خرجت من طبور وانا وسط المدرسه كلها ماشيه وانا راسي في الارض و مكسوفه جدا و شكلي وحش اووي المهم روحت و فضلت قاعده في المكتب مستنيه المديره كنت بلف في المكتب و كانت المفاجأة لما لقيت صوره المديريه و معاها واحده تانيه و مش هتتخيلوا مين التانيه دي الست التانيه كانت مرات عمو صالح و دي كانت مفاجأة كبيرة ليا المهم بعد حوالي عشر دقائق لقتها دخله و شكلها مضايقه جدا و اول ما شوفتها بالمنظر ده افتكرت أنها قالت ليا لو غبت تاني هتخرجني من المدرسه ضربت بايدي علي راسي و اول ما قعدت علي مكتبها قالتلي
فين ولي امرك
قولت اقولها أن اهلي كلهم ماتوا عشان اصعب عليها و فعلا قولت
انا مليش حد يا ميس
بس لقتها بتقولي
اتصرفي و هاتيلي اي حد من أهلك لو عايزه تكملي تعليمك تاني
هي بصراحه شديده اووي المهم قولتلها
حاضر أن شاءالله بكره هجيب لحضرتك حد
لقتها بتقولي
خلاص يلا مع سلامه و بكره تيجي مع اللي هتجبيه
كنت مصدومه و قولتلها
يعني امشي
قالتلي
اه بره
و يا دوب لسه هخرج من المكتب لقيت ميس بسمه و قالتلي
انتي ماشيه يا هدي
قولت لنفسي هتقف معايا بس حصل العكس قولتلها
اه همشي
قالتلي
طيب
و بعدين دخلت و كملت شغلها عادي خالص ولا كأنها تعرفتي مشيت لحد الورشه و كانت المصيبه لما روحت لحد هناك و لقيت ...........
تابعووووني
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
البارت الرابع من هنا
الفصل الثامن والتاسع والعاشر من هنا
الفصل الحادي عشر والثاني عشر والثالث عشر من هنا
أدخلوا واعملوا متابعة لصفحتي عليها كل الروايات بدون لينكات بمنتهي السهوله من هنا 👇 ❤️ 👇
❤️💙🌺🌹🌹❤️💙🌺🌹❤️💙🌺🌹❤️💙🌺🌹❤️
تعليقات
إرسال تعليق