❤️ بسم الله الرحمن الرحيم ❤️
رواية الفتاه المنحوسه بقلم سحر حسين عزت البارت الثاني حصريه وجديده
رواية الفتاه المنحوسه بقلم سحر حسين عزت البارت الثاني حصريه وجديده
رواية الفتاه المنحوسه بقلم سحر حسين عزت البارت الثاني حصريه وجديده
رواية الفتاه المنحوسه بقلم سحر حسين عزت البارت الثاني حصريه وجديده
رواية الفتاه المنحوسه بقلم سحر حسين عزت البارت الثاني حصريه وجديده
المصيبه التانيه
تعالوا بقي احكي ليكم عن المصيبه التانيه اللي حصلت معايا بصوا بقي زميله ستي اه صح اسمها "نعيمه" قالت لي
تعالي يا هدي يا بنتي عيشي معايا انا عايشه لوحدي وانتي كده لوحدك
بصراحه انا فرحت اووي علي الاقل مش هبقي لوحدي لحد كده انتوا تعرفوه،ء انما الجديد بقي أني لما روحت اعيش معاها ستي "نعمه" دي معندهش فلوس بس عندها ابن مسافر بره بيبعت ليها فلوس اول باول و دول اللي بنصرف منهم، المهم فضلنا عايشين مع بعض لحد ما بقي عمري أربعة عشر سنه يعني 14 سنه و هنا تبدأ ستي "نعمه" تتعب قوي خدتها و روحنا المستشفى والدكتور هناك قالي
الست نعمه لازم تفضل نايمه علي ظهرها و متعملش اي مجهود
خدتها و روحنا البيت و فعلا عملت زي ما الدكتور قالي وكنت بفضل قاعده معاها في الاوضه بتعتها و كنت بذاكر معاها عشان لو احتاجت حاجه، المهم في يوم من الايام الباب خبط روحت فتحت و ياريتني ما فتحت الباب .. المهم لقيت واحد واقف قدامي ماسك ورق في ايده و معاه اتنين من الشرطه اه والله زي ما بقولكوا كده لمهم الراجل قالي
مش ده منزل الست نعمه
رديت و قولتله
 |
اه فعلا بس هي تعبانه شويه خير
قالي
طيب انتوا لازم تخرجوا من هنا فوراً عشان البيت جايله ازاله
مكنتش فاهمه و بعدين قاتلوا
ايوه يعني ايه ازاله
رد عليا حد من ظباط و قالي
يعني البيت هيقع في أي وقت عشان كده لازم تسيبوا البيت النهارده
و هنا ياريتني ما فهمت دخلت عشان اقول لستي "نعمه" و كنت خايفه من أن البيت يقع علينا في أي وقت، المهم دخلت فعلا و قولتلها كده بعد شويه خت هدومي انا و هي و روحنا بيت ستي انا ستي اللي بجد
قولت الحمدلله اهو بيت نتلم فيه بدل ما نكون في الشارع يعني بس الحلو ما بيكملش ستي "نعمه" تعبت اكتر خدتها و رحنا المستشفى والدكتور هناك قالي
لازم تعمل عمليه في العمود الفقري ضروري جدا ولازم تفضل هنا لفتره قبل العمليه
مكنتش عارفه اعمل ايه فضلت اعيط و مش عارفه افكر في اي حاجه و طبعا لما روحنا بيت ستي ما بقاش ابنها بيبعت فلوس، هنا فكرت و قولت لازم أقوله انها نقلت محل الاقامه عشان يبعت الفلوس علي بيت ستي و فعلا عملت كده و كان بيبعت الفلوس بس الفلوس كانت يدوب بتكفي مصاريف المستشفى طيب والعملية هنعمل فيها أي قررت انزل اشتغل بس انا بنت 14 سنه اشتغل اي، و بعد ما لفيت كتير مفيش شغل فقولت اكلم ابنها ده يجي يفضل معاها و احكيله علي كل حاجه بس هو رد و قالي
الو
رد عليا باستغراب و قال
الو .... مين معايا
قولتله
انا هدي
لقيته عارفني و بيقولي
اه ازيك يا هدي عامله ايه
قولتله
انت تعرفني
ضحك و قال
اه ماما قالتلي عليكي المهم ماما فين بقالي يومين مش بسمع صوتها
قولتله
ستي نعمه تعبانه قوي و في المستشفى و لازم تعمل عمليه و محتاجين فلوس وانا مش عارفه اعمل ايه
رد برخامه و قال
والله وانا اضمن منين أن كلامك ده صحيح مش يمكن تكون تمثيله منك عشان تاخدي فلوسي و خلاص
قولت لنفسي لا ناصح قوي و بعدين رديت و قولت انا هثبتلك أن هي فعلا تعبانه
و بعديها علي طول قفلت في وشه السكه من غير حتي سلام و بعد كده اتصلت بيه فديوا وكان اول مره اشوفه اه هو زي القمر بس شكله رخم المهم رديت و قولتله
ثواني و انا هخليك تشوف بنفسك أن انا كدابه ولا لا بص
روحت لفيت كاميرا التلفون عشان يشوف ستي "نعمه" و هي نايمه علي السرير المستشفى و تعبانه فعلا بعد كده قالي
يا حبيبتي يا ماما انا اسف يا هدي بصي انا مش هعرف انزل دلوقتي بس هبعتلك الفلوس مع حد خالي تلفون بتاع ماما معاكي عشان اعرف اوصلك تمام
رديت باستغراب و قولتله
يعني انت مش هتنزل
قالي
للاسف مش هعرف عندي شغل كتير هنا بس اكيد هنزل قبل يوم العمليه هي هتكون امته بالظبط
قولتله
الدكتور قالي المفروض انها هتكون الاسبوع الجاي
رد و قالي
تمام كويس قوي أن شاءالله هكون موجود
قولتله
ماشي اشوفك علي خير
قفلت معاه و كنت مبسوطه و محدش يسالني ليه ماشي المهم بعد يومين بالظبط في حد اتصل بيا و قالتلي
الو
هي واحده و صوتها ناعم جدا قولتلها
الو
قالتلي
هدي معايا
قولتلها اه انتي مين
قالتلي
مش مهم المهم علي بعتلك فلوس بتاعت عمليه ماما نعمه
قولتلها باستغراب
علي مين
قالتلي
مش هدي معايا
قولتلها
اه والله انا هدي
قالتلي
طيب تمام المهم بس قابلني عشان انا مشغوله
قولتلها
ماشي هقبلك فين
المهم ادتني مكان في الشارع عشان اروح و اخد منها الفلوس و فعلا روحت و بعد شويه يعني يجي بتاع ساعه كده تقريبا و بعدين جت عربيه شكلها حلو اوي و نزلت منها واحده زي القمر و لبسه لبس جامد اوي و قالتلي
انتي هدي
قولتلها وانا ببص عليها من فوق لتحت بتفرج علي لبسها
اه انا هدي
قالتلي
طيب اتفضلي الفلوس اهي
ادتني شنطه سوده فيها الفلوس و بصراحه كان عندي فضول اعرف هي مين قبل ما تمشي و قولتلها
انتي مين وتقربي لعلي ايه
ضحكت كده و قالتلي
انا مراته
و بعدين سابتني و راحت تركب العربيه روحتلها و قولتلها
طيب مش هتروحي تشوفي حماتك دي تعبانه قوي
قالتلي
بعدين بعدين
و سابتني و مشيت بصراحه مستغربتش من كلامها معايا اللي خله ابنها يعمل كده هتكون مراته ازاي يعني و هنا حسيت اني مضايقه قوي و محدش يسالني ليه ماشي، المهم خت الفلوس و روحت جري علي المستشفى عشان افرح ستي "نعمه" أن فلوس العمليه جهزت واول ما دخلت عليها قولتلها
يا ستي نعمه انا جبت الفلوس ابنك علي بعت فلوس العمليه
ردت عليا بفرحه كبيرة و قالت
هو رجع هو فين انا عايزه اشوفه
قولتلها
لا يا ستي نعمه اهدي شويه هو مجاش هو بعت الفلوس بس و قالي أن هو هيجي قبل العمليه متخافيش
ردت بحزن و قالت
يعني هو بعت الفلوس بس انا مش عايزه فلوسه انا عايزه اشوفه ده سافر من 15 سنه و مجاش ولا مره واحده
بصراحه صعبت عليا قوي و قولتلها
معلش يا ستي هو اكيد مشغول بس أن شاءالله بكره يرجع و تشوفيه و تفرحي بيه
ردت و قالت
امال هو بعت الفلوس مع مين يا هدي
رديت و قولتها
بعتها مع مراته
بصتلي جامد قوي و قالتلي
ايه مراته
قولتلها
اه مراته جت و ادتني الفلوس و مشيت
و فجاه حطت اديها علي قلبها و قالت
اه يا قلبي يعني كمان اجوز من غير ما يعرفني ليه كده بس يا ابني
رديت و قولتلها
هو انتي متعرفيش أن هو متجوز
فجأة بدأت تتنفس بصعوبه و وشها بقي ازرق و اديها ساقعه قوي روحت جريت اقول لدكتور و بعدين هو جه جري و قالي
اطلعي بره
خرجت و هما قفلوا الباب و بعد شويه خرج الدكتور و قالي البقاء لله ستك اتوفت
فضلت بصه للدكتور من غير ما اتكلم ولا كلمه واحده و بعدين بصيت علي الشنطه طيب انا اعمل ايه دلوقتي، المهم فضلت معاها لحد ما دفنتها جامب ستي الله يرحمهم هما الاتنين بقي ورجعت بيت ستي و معايا الفلوس
وبعد كده
تعليقات
إرسال تعليق