❤️ بسم الله الرحمن الرحيم ❤️
رواية الفتاه المنحوسه بقلم سحر حسين عزت البارت الرابع حصريه وجديده
 |
رواية الفتاه المنحوسه بقلم سحر حسين عزت البارت الرابع حصريه وجديده
المصيبه الرابعه
تعالوا بقي اقولكوا ايه الحاجات المهمه اللي لقتها في ورق ستي اول حاجه لقتها هي شهادة ميلادي استنوا لما اخدها الظابط الاول وارجع اقولكم لقيت ايه تاني ، روحت انا والعسكري و معايا شهاده ميلادي و ورقه تانيه مهمه جدا اي هي انا هقول لكم .... ورقه ستي عاملها تثبت أن شقه ستي بتاعتي يعني هي كاتبه الشقه باسمي انا و في ورقه تانيه مكتوب فيها بخط ايد ستي
"انا حكمت أقر باني كتبت هذه الشقه و كاتبه فيها العنوان الشقه لحفيدتي و كتبه اسمي بيع و شراء بمعنى أن هذه الشقه بتاعت هدي رسمي وانا بكامل قويا العقليه لعدم رميها في شارع من قبل خالها ايمن"
مش هضحك عليكوا فرحت جدا جدا أن ستي عملت كده و الظابط لما شاف الورق ده قالي
طيب يا استاذه هدي دلوقتي الشقه دي بتاعتك رسمي مبروك
رديت وانا فرحانه جدا و قولت
الله يبارك في حضرتك يا فندم يعني انا كده مش هتحبس
ضحك الظابط و قالي
مين قالك انك هتتحبسي الموضوع كله كانت في قضية مع خالك و كنت هتفضلي في الشارع
رديت و انا مبسوطه
يعني انا دلوقتي مش هكون في الشارع الحمدلله
و بعد كده سكت شويه و قولت
طيب و القضيه هعمل فيها ايه
ابتسم الظابط و رجع ظهره لوره و قال
مفيش قضيه ولا حاجه
رديت باستغراب
يعني ايه مفيش قضيه
ردت الظابط و قال
يعني كده القضيه سقطت من قبل ما تبداء اصلا
رديت و قولت
الحمدلله يعني كده خلاص اروح
رد الظابط و هو بيرفع ايده نحيه الباب و قال
ياريت اتفضلي
ما صدقت قالي كده طلعت اجري وانا مبسوطه جدا جدا واخيرا حاجه حلوه حصلت معايا في حياتي روحت وللاسف الشديد كنت ناسيه حاجه مهمه جدا وهي .... بالظبط الفلوس بتاعت "علي" مهي لسه معايا اعمل فيها ايه المهم سبتها عندي لحد ما يرجع ياخدها، وعشت حياتي بس الفلوس بتاعتي انا خلصت و مش عارفه اعمل ايه واصرف و اتعلم ازاي يارب اعمل ايه المهم كنت بروح المدرسه و هناك كانت في مدرسه اسمها "بسمه" وهي طيبه جدا و لما كنت مضايقه فضلت قاعده معايا و قالتلي
مالك يا هدي في حاجه معاكي
رديت و انا محروجه اقول لها اني مش معايا فلوس و عشان كده قولت لها
انا بدور علي شغل يا ابله بسمه
ردت عليا و قالتلي
ايوه بس انتي لسه صغيره هتشتغلي ايه
رديت و قولت
مهي دي المشكله انا عايزه اشتغل بس مين هيشغل واحده في سني
ردت و قالت
طيب انا هتصرف و أن شاءالله هجبلك شغل قريب
قالتلي كده و بعدين مشيت وانا روحت البيت وروحت اصلي عشان ادعي ربنا أن يرزقني بشغل و اعرف اعيش منه، بعد كده لقيت عمتي "صفاء" بتتصل بيا و بتقولي
هدي يا حبيبتي عامله ايه
استغربت جدا ان دي عمتي لدرجه ان بصيت علي التلفون عشان اتأكد انها عمتي دي اول مره تقولي يا حبيبتي رديت و قولت
نعم يا عمتي في حاجه ولا ايه
ردت و قالت
في كل غير يا حبيبتي انا عايزاكي تجيلي عشان عايزاكي في موضوع مهم
هنا بقي استغربت اكتر معقوله هي دي عمتي لا اكيد في حاجه غلط ردت و قولت
انا .... انتي عايزاني انا اللي اجيلك متأكده يا عمتي
ردت و قالت
ايوه يا بنتي انتي انا هستناكي متتأخريش عليا سلام
قفلت عمتي التلفون وانا مش مصدقه لا اكيد عمتي اتجننت ما هو مش طبيعي يعني المهم روحت وانا بصراحه مش هضحك عليكوا خايفه جدا و الغريب انها كانت بتتعامل معايا حلو قوي و عملت لي عصير انا قولت اكيد العصير ده في حاجه يمكن تكون حاطه في سم يالهوي تفتكروا مش شاربه المهم ردت و قولت
خير يا عمتي
ردت و قالت
بصي يا قلب عمتك بصراحه كده مصاريف ولاد عمتك كتيره وانا ما بقاش معايا فلوس و كنت محتاجه منك قرشين بس وانا هجبهملك اخر الشهر ده يا قلبي
اول ما قالتلي كده فضلت اضحك ضحك بشكل غريب بقي انتي يا عمتي عايزه مني انا فلوس المهم ردت و قولت
ايوه يا عمتي بس انا مش معايا فلوس خالص والله
ردت عليا بعد ما ملامح وشها اتغيرت و قالت
بقي كده يعني انتي مش معاكي فلوس علي عمتك برضوا
ردت و انا بضحك و قولت
اه والله يا عمتي يعني انا هكدب عليكي ليه
ردت و قالت
ليه امال دهب امك راح فين طب ده اخويا كان ملبسها دهب بطول درعها
بصتلها و كنت مصدومه
امي انا كان عندها دهب امال هو راح فين فعلا المهم انا فضلت ساكته افكر في كلامها وهي قالتلي
ليكون خالك المعفن ده خده و سافر بيه
هنا بقي ردت و قولت
او يمكن اده لمراته
ردت عمتي و قالت
تفتكري ممكن بردو هو معفن و يعملها سبحانه الله انا عمري ما حبيته تحسي طماع كده يا ساتر عليه ..... يعني انتي يا هدي دلوقتي مش معاكي فلوس خالص
ردت و قولتلها
لا والله يا عمتي ده انا كنت بفكر اشتغل عشان اعرف اصرف علي نفسي
و مديت ايدي اخد العصير عشان اشربه لقتها مدت ايديها هي و خدت مني الكوبايه و قالتلي
طيب يا حبيبتي كفايه عليكي كده و يلا عشان تلحقي تروحي بدري مع السلامه
و بعد كده قامت و خدت الصينيه معاها و مشيت و سابتني لوحدي و بعدين حسيت بأحراج روحت قومت و مشيت و طول الطريق بفكر هو الدهب ده فين هل فعلا ممكن يكون خالي خده ولا لا طيب هو فش شقت ستي ولا في بيت ابويا، و هنا سكت شويه هو فين بيت ابويا ده من ساعه ما اتولد وانا عايشه عند ستي فين بيت ابويا المهم روحت و فضلت ادور هنا و هنا لحد ما لقيت صندوق صغير انا عارفه أن ده بتاع ستي كنت بشوفها بتحط فيه حاجات بس مش عارفه المفتاح بتاعه فين المهم فضلت ادور واخيرا لقيته تحت المرتبه بتاعت ستي و فتحته الحمدلله و لقيت فيه ورق الشقه ابويا و كان في شويه دهب و دول بتاع ستي عشان كانت بتلبسهم ساعات، المهم اهتميت اكتر بالورق بتاع الشقه و حاولت ادور علي مكانها في كل مكان و للاسف معرفتش اوصل المهم تاني يوم روحت المدرسه و لقيت ابله "بسمه" بتقولي
هدي انا لقيت لكي شغل
ردت وانا فرحانه و قولت
بجد فين يا ابله
ردت و قالت
في محل ملابس عند واحده صاحبتي و متخافيش هي كويسه جدا
قولتلها
مش مشكله اي مكان انا موافقه المهم اشتغل و خلاص
قالتلي
خلاص بعد المدرسه هبقي اخدك و روح معاكي عشان تشوفيه المكان و اعرفك عليها
رديت و قولتلها
تمام ماشي يا ابله بعد ازنك
سبتها و مشيت وانا كنت مبسوطه جدا واخيرا هشتغل و هصرف علي نفسي المهم جيب بعد المدرسه روحت ل ابله "بسمه" عشان نروح الشغل و هي للاسف كانت مشغوله و فضلت مستنياها اكتر من ساعه و بعد ما خلصت فعلا خدتني وروحنا عند صاحبتها في المحل بس كان المحل مقفول و فضلنا واقفين قدامه شويه كتير و كانت ابله "بسمه" بتتصل بيها كتير بس هي مش بترد عليها اصلا و هنا ابله "بسمه" خافت راحت تسأل عليها واحد من صحاب المحلات اللي جامبها و للاسف قالها .................
تابعووووووني
البارت الرابع من هنا
تعليقات
إرسال تعليق