❤️ بسم الله الرحمن الرحيم ❤️
رواية الفتاه المنحوسه البارت الحادي عشر والثاني عشر والثالث عشر بقلم سحر حسين عزت حصريه وجديده
المصيبه 11
و كانت المفاجأة ليا لما روحت لحد الورشه و لقتها مقفوله قولت لنفسي استني عم صالح لما يجي بس لسه بدري طبعا أنا خرجت من المدرسه علي طول بس كنت عايزه يجي معايا عشان يكون ولي امري بس طبعا لقيت كل ده هفضل في الشارع وانا حتي مش معايا رقمه فا قررت اروح و لما يجي معاد الشغل ابقي اجي و ساعاتها ابقي احكيله و اطلب منه أن هو يجي معايا المدرسه المهم فعلا روحت و غيرت هدومي و دخلت عشان انام و لسه بقعد علي السرير لقيت تلفوني رن و كانت نمره غريبه استغربت اووي يا ترى مين المهم رديت و قولت
الو
لقيت واحد بيرد عليا و بيقول
الو الانسه هدي معايا
رديت باستغراب
ايوه مين
قالي
انا الظابط طارق فكراني
اول ما قالي اسمه حسيت أن قلبي بيرقص في مكانه و كنت مبسوطه لدرجه اني حسيت نفسي طايره في السما المهم رديت و قولت
 |
ايوه طبعا فكره حضرتك
رد و قالي
طيب كويس
رديت بسرعه و قولت
خير هو في حاجه ولا ايه وربنا انا معملتش حاجه خالص والله
لقيته ضحك و قالي
متخافيش مفيش حاجه انا بس كنت بطمن عليكي عشان انتي من اخر مره ما تصلتيش بيا فا قولت اتصل انا عشان اطمن
اول ما قالي أنه كلمني عشان يطمن عليا مش عارفه ليه حسيت بيقولي وحشتيني وكنت عايز اسمع صوتك عشان كده اتصلت انا حسيته بيقولي كده عارفه انكوا هتقولوا اني بتلكك بس مش مشكله انا بتلكك المهم رديت و قولت
طيب الحمدلله أن مفيش حاجه انا بس مردتش اتصل عشان عارفه أن حضرتك مشغول
رد و قالي
يا ستي يعني هي الدقيقه اللي هتكلميني فيها مش هتخرب الدنيا
ضحكت و قولت
ماشي أن شاءالله هبقي اتصل اطمن عليك
ردت و قالي
اتمني كده وان شاء الله انا تحت امرك في اي وقت و في اي حاجه
رديت و قولت
شكرا لحضرتك يا طارق باشا
ضحك و قالي
طارق باشا دي قدام الناس ماشي انما لما نكون لوحدنا قوليلي يا طارق بس من غير باشا ولا حتي حضرتك
فرحت اوووي بس في نفس الوقت قولت اتقل شويه و قولت
لا ازاي برضوا الاحترام واجب حتي لو لوحدنا
رد و قالي
لا ليه مفيش بين الاخوات الرسميه دي مش احنا اخوات برضوا ولا ايه
كلمه اخوات دي كسرت قلبي بجد و نزلتني من السما اللي كنت طايره فيها الي سابع ارض و كسرت بخاطري اووي حطمت كل احلامي و كسرت سعادتي كل ده حصل في اقل من ثانيه المهم رديت و قولت
اه طبعا ده شرف ليا أن يكون عندي اخ زيك
رد و قالي
متقوليش كده بالعكس الشرف ليا انا والله طيب انا لازم اقفل عشان عندي شغل و أن شاءالله هبقي اكلمك تاني و اطمن عليكي مع سلامه
اول ما قفل السكه كنت هموت من الوجع اللي في قلبي و لقيت دموعي بتنزل من عيوني لوحدها و فضلت اعيط و لا كأني ميتلي ميت و مش قادره اوصف اللي انا كنت حاسه بيه فضلت كده لحد ما جه وقت الشغل قومت غسلت وشي و خرجت لبس ومن كتر الحزن مركزتش طلعت ايه ولا لبست ايه المهم خلصت و نزلت و طول ما انا ماشيه في طريق بفكر في كلامه كل كلمه قالها بترن في وداني لحد ما روحت الورشه و اول ما شافني عم صالح قالي باستغراب
خير مالك يا بنتي في ايه
طبعا باين عليا مهما حاولت اخبي المهم رديت و قولت
مفيش حاجه
قالي
لا فيه قوليلي يا بنتي انا زي ابوكي
اول ما قالي كده رفعت راسي و بصيت في وشه و بعدين قعدت علي ربتي و حطيت ايدي علي وشي و انهرت في العياط من غير ما اعمل حساب لاي حاجه المهم ميل عم صالح عليا و مسكني من كتفي و قومني و قالي
تعالي يا بنتي اقعدي هنا و ارتاحي
و جبلي كرسي و لما قعت راح جاب كرسي تاني و حطه قدامي و قعد و قالي
خير يا بنتي في ايه
بصيت عليه و مكنتش عارفه ارد أقوله ايه المهم افتكرت مشكله المدرسه و قولتله
في مشكله معايا في المدرسه و مش عارفه اعمل ايه و المديره طلبه مني والي امري وانا اهلي متوفين
بصلي و قالي
بسيطه أن شاءالله انا بكره هاجي معاكي وان شاء الله كل حاجه هتكون تمام الموضوع ما يستاهلش كل الزعل ده يا شيخه
رديت و قولت
لا الفكره كلها اني افتكرت بابا لما قولتلي انا زي ابوكي
قالي
كان عندك كام سنه لما اتوفي ابوكي
رديت و قولت
كان عندي يوم
رد باستغراب و قال
نعم
قولت
ايه في أيه
قالي باستغراب
يوم واحد بس
رديت و قولت
اه والله ابويا اتوفي يوم ولاتي
قالي
يعني انتي ما شوفتيش ابوكي
ردت و قولت
اه
قالي و هو بيضحك
امال ايه افتكرت ابويا دي
بصيت له و لقيت نفسي بضحك و قولت
مش عارفه
فضل يضحك و قالي
طيب يلا قومي اغسلي و شك و يلا عشان عندنا شغل كتير انهارده
و فعلا قومت و لما قومت طلع تلفونه من جيبه و رجع و قالي
خدي يا هدي اكتبي نمرتك هنا
خت منه التلفون و سجلت نمرتي و بعد كده رجعتله تلفونه تاني و روحت اغسل وشي و عشان نروح نشتغل المهم اليوم عدا و روحت و غيرت هدومي و نمت و تاني يوم صحيت علي نمره تلفون رديت وانا نايمه خالص و قولت
ايوه مين
لقيت صوت راجل كبير هو كان عم صالح بس عشان انا نايمه معرفتهوش في الاول المهم قالي
انا عمك صالح يا هدي انتي لسه نايمه اصحي يلا عشان نروح المدرسه
رديت و قولت
عم صالح مين و مدرسه ايه
قالي
يا بت يلا اصحي انتي كده مش هتدخلي المدرسه تاني
سكت و كملت نوم و هو كان معايا علي التلفون لسه و لما مردتش راح مزعق فيا جامد و انا هنا بدأت اصحي و اركز شويه و رديت و قولت
في ايه و مين معايا
قالي
يا بت انا عمك صالح يلا قومي عشان المدرسه
قولت
اه عم صالح طيب انا صحيت خلاص هقوم البس اهو
قالي
طيب يلا و علي الله تنامي تاني
قولت
لا والله خلاص صحيت هو حد هيعرف ينام منك يا عم صالح
قولت كده من غير ما اركز في كلامي المهم قالي
طيب لما اشوفك يا هدي سلام
و بعد كده قفل وانا ركزت و قولت لنفسي ليلتك سوده يا هدي يعني الراجل بيساعدك وانتي تبقي قليله الادب معاه كده انا خت عليه اووي ربنا يسترها بقي و يجي معايا المدرسه فعلا و ميكنش زعل مني بعد ما خلصت كلام مع نفسي قومت خرجت لبس المدرسه و روحت خت دوش و غسلت سناني و سرحت شعري و جهزت نفسي و نزلت و روحت عند الورشه لقيت عم صالح قاعد مستنيني هناك و معاه كيس كده فيه سندوتشات و اول ما شافني قالي
ايه كل ده نوم
رديت و قولت
معلش كنت تعبانه من الشغل الكتير
ردت و قالي
لا والله هو اللي احنا فيه ده شغل امال لما ندخل في الحاجات الكبيره هتعملي ايه
رديت و انا ببص الاتجاه تاني و بقول
ربنا يسترها بقي
قالي
طيب يلا عشان منضيعش وقت كتير
قولت
طيب يلا
قالي
طيب خدي ده
مديت ايدي و مسكت الكيس و قولت
ايه ده
قالي
سندوتشاتك
هو قالي كده وانا فضلت اضحك ضحك و لقيت نفسي بقوله
شكرا يا بابا
و بعدين بصلي و ابتسم و عيونه دمعت و قالي
كان بقالي كتير مسمعتش كلمه بابا دي و حشتني اووي
ابتسم و قولت
وانا اول مره في حياتي اقولها اصلا
قالي
طيب خلاص من هنا ورايح ابقي قوليلي بابا علي طول
ضحكت و قولت
والله لو هتجبلي سندوتشات علي طول هقولك يا بابا علي طول
فضل يضحك المهم مشينا و روحنا المدرسه و فضلنا واقفين جانب بعض لحد الطبور ما خلص و بعدين روحنا مكتب المديره و اول ما دخلنا و عم صالح شاف المديره و شه جاب الوان و لا كأنه شاف عفريت و نفس الكلام المديره و كان باين عليهم انهم بيكرهوا بعض جدا و اللي حصل بعد كده كان مصيبه فعلا ..............
❤️ بسم الله الرحمن الرحيم ❤️
الفتاه المنحوسه :
بقلم سحر حسين عزت
البارت 12
المصيبه 12
اول ما دخلنا المكتب كانت المديره قاعده مكانها عادي و قولتلها
يا ميس اسماء ده بابا
اول ما رفعت راسها و بصت علي عم صالح اتحولت و كأنها شافت عفريت حرفياً و هو كمان و مره واحده قامت من مكانها و بعدين عينك ما تشوفش غير النور رفع ايديها و شاورت عليه و قالت
انت ايه اللي جابك هنا
بصلي عم صالح و بعدين بص لها و سكت وانا واقفه و مش فاهمه حاجه المهم قولتلها
يا ميس ده بابا
بصتلي و قالتلي
نعم ده ابوكي ازاي يعني انتي مش اسمك هدي عبد المجيد
رديت و قولت
اه بس .....
راح بصلي عم صالح و قبل ما اكمل كلامي قالي
هدي استني بره
روحت قولت
حاضر بعد ازنكوا
و بعدين خرجت بره المكتب و قفلت الباب و بصراحه فضلت واقفه بره حاولت اسمع حاجه بس معرفتش ...
اللي بيحصل جوه المكتب
قالت اسماء
انت بتعمل ايه هنا و تعرف البنت دي منين
قالها
انا زي ابوها
ردت اسماء و قالت
لا حنين اووي
قال
اسماء البنت دي ملهاش حد في الدنيا أهلها كلهم ماتوا و مفيش في حياتها حد غير بعد ازنك ممكن ما تخليها في المدرسه
قالت اسماء
اه دلوقتي بس عرفت البنت دي طلعه فاشله لمين
قالها
ماشي يا ستي ممكن بقي تقفي انتي جانبها عشان ما تفضلش فاشله و تبقي ناجحه زيك
اتكلمت بعصبية و قالت
ايوه انا ناجحه مش فاشله زيك و البنت دي لو فضلت جانبك انت هتعلمها فشلك الاحسن لو خايف عليها ابعد عنها
غمض عيونه من غضبه بعد كده اتكلم بهدوء و قال
انا مش هنا عشان اتكلم في فشلي ولا نجاحي انا هنا عشان هدي مش اكتر و انا بطلب منك انك ترجعيها المدرسه تاني
لفت وشها الاتجاه التاني و قالت
اطلع بره يا صالح و لو فعلا خايف علي البنت دي ابعد عنها
بص في الارض و بعدين رفع عينه و بص عليها و قالها
ربنا واحده يعلم مين فينا الفاشل و مين فينا الناجح وربنا مش هيسيب هدي حتي لو انتي مش عايزاها كل اللي انا بطلبه منك انك ترحمي بنت يتيمه
قالت اسماء بسخريه
أخرج من هنا يا ناجح و ملكش دعوه انا هتعامل معاها ازاي
ابتسم و قالي
بعد كل السنين دي كلها ولسه زي ما انتي مع السلامه يا اسماء
بعد كده فتح عم صالح الباب و خرج وانا كنت واقفه بره و اول ما شافني قالي
انا همشي يا بنتي و عايزك تسمعي كلام الاستاذه اسماء
رديت و قولت
طيب حاضر بس هو ايه اللي حصل
حط ايده علي راسي و قالي كل خير يا بنتي مع سلامه و هستناكي في الورشه بعد المدرسه
و قرب مني و قالي في وداني
معلش استحميليها شويه
و بعد كده مشي عم صالح و انا دخلت المكتب و قولت للاستاذه اسماء
ميس اسماء اطلع فصلي ولا اطلع بره خالص
بصتلي و بعدين راحت تقعد مكانها و قالتلي
هو انتي فعلا اهلك كلهم ماتوا
بصراحه اضايقت جدا منها المهم قولتلها
اه بس الحمد الله ربنا بعتلي عن صالح عشان يكون ابويا في الدنيا
قالت
انا مش عايزاكي تثقي في الراجل ده يا هدي
قولت
بعد اذن حضرتك يا مس اسماء انا مسمحش لحد يتكلم وحش عن بابا صالح انا معرفش في ايه بينك و بينه بس انا اعتبرت الشخص ده ابويا
اتعصبت و قالت
انا مفيش حاجه بينه و بين الشخص ده ولا هيكون فيه انتي فاهمه
اتكلمت ببرود وقولت
حضرتك مقولتليش اطلع فصلي ولا لا
بصتلي جامد كده و بعدين قالتلي
اطلعي علي فصلك يا هدي و عايزاكي تعرفي انا عيني عليكي انت فاهمه
رديت و قولت
بعد ازنك يا ميس
و بعد كده خرجت و روحت علي الفصل و خلصت اليوم الدراسي عادي جدا مفيهوش حاجه تتحكي يعني المهم روحت الورشه و اول ما روحت و شوفت عم صالح قالي
هاا يا بنتي انتي كويسه
قولت
اه انا كويسه الحمدلله بس قولي انت تعرفها منين
بصلي و ابتسم و قالي
لا دي قصه طويله و مش عايزه اتكلم فيها ولا حابب افتكر فيها حاجه
قولت
برحتك بس دي شكلها مش بتحبك خالص
قالي
اه انا عارف انا اصلا محدش حبني غير مراتي حبيبتي ربنا يرحمها
قولت
اه صح انا افتكرت حاجه مهمه اووي
قالي
خير افتكرت ايه
قولت
انا شوفت في مكتب ميس اسماء صوره ليها و كانت معاها في صوره مراتك
ضحك و قالي
معقوله لسه موجوده معاها
استغربت و قولت
انا مش فاهمه حاجه خالص
قالي
مش مهم تفهمي المهم انك تدخلي و تكملي شغلك يا ست هدي
قولت
ماشي
و فعلا دخلت وانا مش فاهمه حاجه لو حد فيكوا فهم حاجه يقولي المهم و الغريب واحنا شغالين لحظت عربيه شكلها غريب هقولكم عارفين العربيات اللي هي الازاز بتاعها اسود في اسود وهي كلها سوده اصلا المهم حاولت ابص و اركز من بعد اشوف مين قاعد فيها بس طبعا ما شوفتش حاجه و لما روحت اقول لعم صالح و عقبال ما جه كانت مشيت المهم كملنا شغلنا وانا الحمد لله كل يوم بتعلم حاجه جديده و بقيت شاطره اووي وانا حابه الموضوع ده جدا اه انا برجع هلكانه بس بجد فرحانه جدا المهم خلصت شغل و روحت وغيرت هدومي و دخلت عشان انام لقيت شباك الاوضه بتاعي مفتوح روحت عشان اقفله و هناك لحظت العربيه اللي انا قولتلكوا عليها تحت البيت عندي و لما بصيت من الشباك تقريبا الشخص ده شافني و عشان كده مشي بسرعه بيني و بنكوا انا خوفت علي نفسي اووي كده الشخص ده عايزني انا مش عم صالح اه بصراحه انا قولت ده عايز عم صالح عشان كده انا مكنتش مهتمه بس لما يوصل لحد البيت كده الموضوع يقلقني المهم قفلت الشباك و روحت جري علي التلفون و تصلت بعم صالح هو اول واحد جه في بالي المهم فتح و قالي
عايزه ايه يا هدي حرام عليكي ده انا يا دوب كنت لسه هنام
قولت
اسمع بس يا بابا صالح
قالي
اسمع ايه بس خير
قولت
انت فاكر العربيه اللي كنت بقولك عليها الصبح دي
قالي
بقي ده وقته يا هدي عشان تتصلي بيا و تقولي عربيه
قولت
طيب اسمعني بس العربيه جت هنا
اتكلم معايا و كأني مجنونه و قالي
جت هنا فين ده حلم يا بابا اضغطي وانتي نايمه كويس بس
اتكلمت وانا خايفه و قولت
يا بابا صالح انا بتكلم بجد انا خايفه اووي
لما لقاني بتكلم بجد قالي
طيب اهدي بس و متخافيش و قوليلي هي كانت فين بالظبط
قولت
والله كانت تحت بيتي وانا في الشقه لوحدي و مش عارفه اعمل ايه انا خائف اووي
قالي
طيب اقفلي يا بنتي وانا هتصرف
و فعلا اقفل معايا وانا كنت مرعوبه روحت خت التلفون و روحت عند الشباك و فضلت واقفه هناك وانا ماسكه التلفون في أيدي واول ما احس بحركه في الشارع اترعب و فضلت واقفه وراي الستاره و مره واحده لقيت عم صالح بيتصل و يقولي
ايوه يا هدي انتي لسه صاحيه
قولت
اه و انا هعرف انام بعد اللي حصل ده
قالي
لا نامي و طمني انا تحت البيت اهو و مش همشي من هنا
استغربت و قولت
بجد يا بابا صالح
قالي اه والله يلا ابعدي عن الشباك و روحي نامي
بصيت من الشباك و فعلا لقيته واقف تحت فرحت جدا جدا و اول ما شوفته حسيت بالأمان بس قولت
و معقوله يا بابا حضرتك هتفضل قاعد تحت كده
قالي
اه ملكيش دعوه انا واخد علي النوم في الشارع ادخلي انتي نامي عشان في مدرسه بكره ولا نسيتي اسماء
ضحكت و قولت
اه صح طيب يا بابا صالح انا هنام تصبح على خير
قالي
وانتي من أهله
و بعدين فعلا قفل وانا بصيت عليه و بعد لحظات روحت علي السرير عشان انام و روحت في النوم بشكل في طبيعي و قومت الصبح و اول حاجه عملتها روحت عند الشباك و بصيت عليه بس مكنش موجود روحت لبست بسرعه لبس المدرسه و نزلت اجري لحد تحت و اول ما نزلت في الشارع فضلت انده عليه يا بابا صالح .... بابا صالح .... بابا صالح ..... يا بابا حسيت بخوف شديد اووي وكنت مرعوبه بس كملت نداه لحد ما كان ...............
❤️ بسم الله الرحمن الرحيم ❤️
الفتاه المنحوسه :
بقلم سحر حسين عزت
البارت 13
المصيبه 13
فضلت انده عليه لحد ما جه من ورايه و قالي
ايه يا بت الهيصه اللي انتي عامله علي الصبح دي
بصيت بسرعه و رديت وانا دموعي نزلت من غير كلام و بعد كده قولت
انت كنت فين ده كله
قالي
كنت بلف حول البيت اشوف حد واقف كده او كده
قولت
حرام عليك يا بابا صالح انا قولت انت زهقت و مشيت
ضحك و قالي
هو انتي فعلا تزهقي بلد مش انا بس .. بس اعمل ايه بقي اعتبرتك بنتي و غصب عني لازم استحملك
ضحكت و قولت
بقي انا ازهق بلد ماشي يا بابا صالح
ضحك و قالي
طيب يلا عشان منتأخرش على المدرسه
قولت
يلا بينا
و فعلا فضلنا ماشين في الطريق و كان بابا صالح طول الطريق كان بيبص حواليه و معظم الوقت كان بيبص وراه فضل كده لحد ما وصلنا المدرسه و بصراحه انا قولت أنه خلاص هيمشي دخلت من الباب وكنت بصه عليه و كنت عايزه أقوله ما تمشيش و تسبني بس مقدرتش أقوله كده المهم دخلت و فضلت طول يوم خايفه كنت خايفه أنه يمشي و حاجه تحصل معايا في الطريق وانا لو حدي و مكنتش عارفه اركز في أي حاجه ولا مع اي حد المهم اول ما خلص وقت المدرسه كنت خايفه أخرج من المدرسه و عشان كده فضلت قاعده في الفصل لوحدي لحد ما اتصل بيا بابا صالح و قالي
انتي فين يا هانم المدرسه كلها طلعت اشمعنا انتي
رديت بفرحه و قولت
اده انت جيت
قالي
جيت منين يا هبله انتي انا مستناكي من ساعاتها
قولت باستغراب
اده انت كل ده تحت
قالي
يلا يابت انزلت انا تعبت من القاعده
قولت وانا فرحانه
هواه هنزلك جري انا جايه يا بابا مع سلامه
قفلت معاه و اخت الشنطه بتاعتي و نزلت جري وانا بجري فرحانه و بعيط في نفس الوقت اول مره احس بالإحساس ده أن في حد خايف عليا بجد و بيعمل ايه حاجه عشاني الاحساس ده جميل جدا نزلت و اول ما نزلت قولت
انا اسفه اني اتاخرت عليك بس بحسبك مشيت
قالي
انتي عبيطه يا بت
قولت
ماشي يلا عشان نمشي عندنا شغل كتير يا بيه
ضحك و قالي
يا سلام يا بنت علي أساس هتموتي علي الشغل اووي
قولت
اه طبعا امال ايه
قالي
طيب بس قبل ما نروح الورشه في مشوار مهم لازم نروحه الاول
قولت
خير هنروح فين
قالي
تعالي بس
و مشينا و من غير ما يقولي احنا رايحين على فين المهم بعد شويه لقيت نفسنا واقفين قدام قسم الشرطه و هنا قولت
احنا بنعمل ايه هنا يا بابا
قالي
لازم نبلغ يا بنتي
بصيت و قولت
انت زهقت مني ولا ايه
قالي
لا طبعا و متخافيش انا هفضل احميكي لحد ما اموت
قولت
ونبي يا بابا بلاش الكلمه دي تاني
قالي
ماشي بس برضوا لازم نبلغ اسمعي كلامي
قولت
ماشي
قالي
يلا
دخلنا القسم و اول ما دخلنا لقيته بيسأل علي الظابط طارق و اول ما عرف أنه في مكتبه قالي
تعالي
قولت باستغراب
هو حضرتك تعرف الظابط طارق منين
قالي
يا بنتي ده ظابط الغلابه
مفهمتش الجمله اووي بس ما علينا روحنا عند مكتبه و بابا صالح كلم العسكري اللي قدام الباب و قاله
بعد اذنك لو سمحت انا عايز ادخل الظابط طارق
رد العسكري و قاله
طيب استني لحظه اعرفه بس مين حضرتك
قاله
قوله عمك صالح و هو هيعرف
قاله
طيب ثانيه واحده
و فعلا سبنا و دخل و بعد ثواني طلع و قال
اتفضلوا
دخلنا و اول ما شاف بابا صالح قام من علي كرسي و راح لحد عنده و سلم عليه و خده بالحضن و قاله
عم صالح عامل ايه يا راجل يا طيب
رد عليه و قاله
انا الحمدلله بخير يا ابني طمني عنك
رد و قال
انا بخير الحمدلله بس اقولي انت هنا عشان تطمني عني ولا في حاجه معاك
قاله
بصراحه هو في حاجه بس مش معايا مع هدي بنتي
رد باستغراب
هدي بنتك
بص بابا صالح و طارق ناحية الباب و هنا انا دخلت المكتب و كنت بصه في الارض و اول ما دخلت بصلي طارق و قالي باستغراب
هدي خير يا هدي انتي كويسه في حاجه معاكي
استغراب بابا صالح و قاله
اده انتوا تعرفوا بعض
بص عليه طارق و قاله
اه اعرفها كويس جدا انما قولي حضرتك تعرفها منين
قاله
هدي بقت بنتي دلوقتي
رد باستغراب
مش فاهم
رد عليه بابا صالح و قاله
لا دي قصه كبيره المهم دلوقتي احنا هنا عشان حاجه تانيه و عايزين المساعده منك
كل ده وانا ساكته ماشي المهم بصلي طارق و قالي
انا تحت امركوا اتفضلوا
راح بصلي بابا صالح و قالي
تعالي يا بنتي
المهم قاعدنا و بدأ بابا صالح يتكلم و يحكي كل حاجه وانا ساكته و كل شويه طارق يبص عليا وانا واخده بالي من تحت لتحت يعني ومش عايزه ابص عليه ومحدش يقولي ليه بس اللي حاسه بيه اني مش عايزه ابصله ليه وربنا معرفش ما علينا المهم بعد ما بابا صالح خلص كلامه بصلي طارق وقالي
ليه يا هدي لما حصل معاكي حاجه زي كده متصالتيش بيا ليه علي طول
رديت وانا بصه علي بابا صالح و قولت
مردتش أزعج حضرتك انا عارفه انك مشغول
استغرب كلامي و اني بتكلم وانا مش ببص عليه المهم قالي
تمام
و راح بص لبابا صالح و قالي
متخفش يا عمي أن شاءالله خير وانا بنفسي هشوف الموضوع ده
قاله بابا صالح
ده عشمي فيك يا ابني
رد عليه و قاله
ربنا يخليك يا عمي
و راح بصلي و قالي
في اي مشاكل بينك و بين حد يا استاذه هدي
رفعت راسي و سكت شويه بعد ما سمعت كلمه استاذه يعني كده رجعنا غرب عن بعض تاني بعد شويه رجعت بصيت في الأرض تاني و قولت
لا انا معنديش مشاكل مع حد انا عايشه في حالي
قالي
تمام بعد اذنكوا ثواني
و سبنا و خرج من المكتب و قبل ما يقفل الباب وراه وقف بص عليا وانا هنا بصيت عليه بس كانت نظرته ليا كلها استغراب و كأنه كان بيسأل ميت سؤال في الثانيه دي المهم بعد ثواني بصيت علي بابا صالح و هو خرج و قفل الباب وراه و هنا بابا صالح قالي
انتي تعرفي الظابط طارق منين
ابتسمت و قولت
لا دي قصص طويله اووي هحكيلك بس لما نخرج من هنا
قالي
ماشي بس هو في حاجه بنكوا
توترت جدا لما قالي كده ردت و قولت
حاجه ! حاجه زي ايه لا طبعا مفيش حاجه بنا
رد باستغراب و قالي
طيب براحه مالك في ايه
رديت
مفيش حاجه انا بس استغربت من كلامك مش اكتر
قالي
ماشي مع اني مش مصدقك بس تمام هسيبك لما تحكيلي انتي
قولت
تمام ماشي
المهم دخل طارق و قال
ان شاء الله في ظرف 24 ساعه هيكون الشخص ده قدمنا بس لحد ما ده يحصل ممكن اعرف بكل حاجه بتحصل معاكوا ده بعد اذنكوا طبعا
رد بابا صالح و قال
اكيد طبعا يا ابني و احنا متشكرين جدا و معلش تعبينك معانا
رد الظابط طارق و قال
لا ولا تعب ولا حاجه
بصلي بابا صالح و قالي
يلا يا بنتي مش عايزين نعطل طارق باشا اكتر من كده
و فعلا قومنا احنا الاتنين و هو كمان قام و قال
اسمحلي يا عم صالح اوصلكوا
رد بابا و قال
يا بني مش عايزين نتعبك معانا
رد و قال
لا تعب ولا حاجه يا راجل يا طيب اتفضلوا
و فعلا خرجنا و روحنا نركب معاه عربيته الشخصيه و طبعا أنا كنت قاعده وراي و بابا قعد جانبه و فضلوا يتكلموا وانا مكنتش مركزه في كلامهم و لحظت فجأة أن طارق بيبص عليا في المرايا بتاعت العربيه و هنا اتوترت جدا و غصب عني ابتسمت و مش عارفه ازاي المهم هو كمان ابتسم و مره واحده قال
طبعا هنوصل الاستاذه هدي الاول صح يا عمي
رد بابا و قال
اكيد نطمن عليها و بعدين روحني انا بقي لحسن منمتش من امبارح
ردت و قولت
اسفه يا بابا تعبتك معايا
قالي
تعبك راحه يا قلب أبوكي
المهم بعد تقريبا عشر دقائق و صنا عند البيت و انا نزلت من العربيه و وقفت و قولت
مع السلامه يا بابا متشكره جدا يا طارق باشا معلش تعبت حضرتك
رد و قالي
تعبك راحه يا ست البنات
رد بابا و قالي
يلا اطلعي و ارتاحي شويه وانا هبقي اطمن عليكي و لو حصل حاجه كلميني
قولت
ماشي
و فعلا مشيت لحد مدخل العماره و وقفت ابص عليه و اعملهم باي باي و لما اتحركوا و انا بدأت اطلع لحظت العربيه الغريبه واقفه علي اخر الشارع بس من الناحيه تانيه خوفت جدا و خوفت اطلع روحت جريت عشان الحق بابا و طارق و كانت العربيه التانيه بتجري ورايا بس للاسف انا ...............
تابعووووني
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
البارت الرابع من هنا
الفصل الثامن والتاسع والعاشر من هنا
الفصل الحادي عشر والثاني عشر والثالث عشر من هنا
أدخلوا واعملوا متابعة لصفحتي عليها كل الروايات بدون لينكات بمنتهي السهوله من هنا 👇 ❤️ 👇
❤️💙🌺🌹🌹❤️💙🌺🌹❤️💙🌺🌹❤️💙🌺🌹❤️
تعليقات
إرسال تعليق