رواية حين تقع في الحب الجزء الثالث البارت الاول والثاني للكاتبه ندي علي حبيب حصريه وجديده

رواية حين تقع في الحب الجزء الثالث البارت الاول والثاني للكاتبه ندي علي حبيب حصريه وجديده 

فكرين البارت الاخير لما نور راحت لغسان الفيلا يحتفلو فعيد ميلادها احنا بنكمل من هنا .

في الصباح في فيلا غسان الالفي 

صحيت نور تاني يوم بسكل رهيب لقت غسان حضنها بتملك حولت تتحرك بس مفيش فايده 

نور قربت من ودنه بهمس :حبيبي عوزه اقوم 

غسان بنوم :هششش مفيش صحيان 

نور رفعت ايدها وبدأت تمشيها علي وشه ورموشه ودا خلي غسان يغمض عينه اكتر :طب انا بطني وجعتني ولازم اقوم اسال علي الولاد 

غسان قام بسرعه بص عليها بقلق

بطنك وجعتك ازاي فيها ايه حسه بولاده ولا بأيه وبدء يحسس علي بطنها فين الوجع 

نور ابتسمت ربنا يخليك ليا شويه تعب زي كل يوم 

غسان قرب منها وباسها برقه ويخليكي ليا يا حببتي طيب ارتاحي 

نور شدت الروب اللي واقع علي الارض لبسه وقامت : انا كويسه بس ايه بقي مش هناكل انا جعانه وبنتي جعانه وبابا مش راضي يقوم 

غسان حط ايده ورا رقبته ونام علي السرير تاني :اممم ومراتي وبنتي عوزين ياكلو ايه 

نور بجوع :عوزين ناكل سمك سنجاري ونجيب العيله كلها معانا 

غسان شدها وقعت في حضنه :انتي ملكي لوحدي النهارده لحد مانرجع بليل 

نور بدأت تمسح في رقابته ببتسامه 

غسان بستغراب :بتمسحي ايه 

نور ببرائه :دا روج سابت علي رقبتك 

غسان حطت ايده علي رقابته بضحك :الواحد علشان يقضي ليله مع مراته دا اللي يحصل فيه انا الرائد غسان الالفي بيتعلم عليا بروووج 

نور بضحك وغرور  :مش عجبك ولا ايه يا حضرت الرائد 

غسان بمشاكسة وهو بيعض خدها ورقابتها :عجبني ونص هو انا اشتكيت 

نور بعدت بضحك :طيب انا هدخل اخد دش واخرج وانت تجيب لينا السمك علشان نلحق نعمله 

غسان غمز بعينه :حلو اووي 

نور استغربت ودخلت الحمام 

في الحمام 

نور حطه ايدها علي وسطها بستغراب:هو ايه اللي حلو اووي انا قولت ايه 

غسان من برا بوقاحه :دا القميص يا حببتي حلو اووي غلطان ان بقول الحقيقه 

نور بخجل :قليل الادب ودخلت قفلت ستارة البانيو واخدت دش 

وغسان طلب سمك وبدء يجهز حاجته في المطبخ 

**************

في الجمالية في منزل منير علي سفرة الطعام 

عاصي بغضب:يعني راحت فين ازاي بابا يخدها كدا 

نسمه :يا روحي ما هي زمانها جايا دلوقتي مش هتتاخر 

عاصي ومربع ايده بتزمر:طيب ما انتي قولتي كدا بليل ومجتش هما راحو يعملو ايه اصلاً 

نسمه بتفكير :راحو راحو يجيبو لبس للبيبي وزمانهم رجعين 

عاصي بشك ورفع صبعه في وشها  :انتي مش بتضحكي عليا صح 

نسمه بتوتر:هضحك ليه انا بقول الحقيقه 

عاصي :ماشي انا هنزل العب مع اسر كوره في الشارع 

نسمه باست خده:انزل بس متبعدش بعيد عن البيت اتفقنا 

عاصي نزل ومردش عليها 

نفين ايجة من المطبخ بقلق:ها يا نسمه ردو عليكي يابنتي طمنيني يطمنك ياربنا 

نسمه بقلق  :التلفونات مقفوله ومحدش بيرد ...... بس استني امبارح كان عيد ميلاد نور فا ممكن غسان يكون عامل ليها مجأه 

نفين :طب ما احنا المره اللي فاتت فكرنا انها مع غسان واختطفت 

نسمه :بس يا ماما المره دي غسان مش في الشغل المهم متقلقيش هو قاسم قالي هيسأل البواب بتاع فيلة القاهره ولو هناك هنعرف تمم 

نفين بارتياح قليل :يارب جيب المخبي لطيف بينا ويكونو كويسين وميجبش حاجه وحشه ابداً تزعل حد 

نسمه :يارب 

نفين طبطبت علي نسمه من ضهرها :المهم انتي قومي اشربي يا نسمه كوبايه لبن ولا حاجه علشان اللي في بطنك يا بنتي 

نسمه :حاضر يا ماما وقامت دخلت تجيب كوباية لبن 

ونفين طلعت البلكونه تطمن علي عاصي واسر 

***************

في شركة منير الالفي لتصدير 

منير قاعد علي مكتبه :المحاصيل اللي المفروض تتصدر لاميركا اتصدرت ولا لسه 

نوال السكرتيره وقفه ومعاها نوته بتسجل فيها  :في الطريق يا فندم لسه قدمها حوالي 5 ايام وتوصل 

منير  بنفي :لاء طبعاً حولو تخلي الشحنه توصل بدري 

نوال :تمم يا فندم 

منير :في اي اجتماعات النهارده 

نوال :بعد ما كسبنا الصفقه ومضينا عقد الشركه الصينيه الكل عوزين يتعاقدو مع الشركة بتاعتنا وكميه المسجات والايملات كبيره جداً وفي كذا اجتماع مع كذا شركة 

منير :تمم بس ترجمو الايميلات وسيبو اي رسايل او اجتماعات في حان وصول غسان 

نوال بفرحه :هو غسان بيه راجع الشركه من امتي 

منير بتذمر :دي حاجه متدخليش فيها ويلا روحي كملي شغلك 

نوال طلعت بفرحه ان غسان هيرجع الشركة تاني 

منير اتصل بالبواب ببتسامه :الو ازيك يا راجل ياطيب 

البواب ببتسامه  :ازيك ياحج منير وازاي صحتك 

منير :بخير الحمد الله في نعمه المهم كنت عاوز اعرف في حد في الفيلا اللي عندك 

البواب:اه حضرت الظابط والمدام بتاعته هنا من بليل 

منير بارتياح :تمم طمنتني يطمنك ربنا

البواب :احنا في الخدامه علطول يا حج 

منير :اصيل يا حسن والله وقفل وبدء شغل 

*******************

في القسم 

قاسم قاعد هو واحمد بيشوف القاضيه الجديده و الترحيلات 

احمد :الحمد الله انا مش في الترحيلات 

قاسم بتفكير وفي ايده دفتر كبير  :ايوا بس كل العيال اللي راحه دي غسان لو شافهم مش هيخليهم يروحو 

احمد بستغراب:اشمعنا 

قاسم حك دقنه بتفكير :دول مستجدين لسه وغسان عمره ما هيوديهم علشان لو راحو وحصل هجوم دول مش مدربين علي ايدو لسه من اول هجوم هيموتو كلهم 

احمد :طب والعمل ايه الكتيبه راحه بعد بكرا يعني حتي مفيش وقت اننا نغيرهم ولا اننا نكلم اللواء امجد حتي 

قاسم بحتيار :مش عارف ولو غسان معرفش عليه يعند ويطلع من كتايب الحربيه ولو معرفش هيعمل ايه 

احمد بتريقه:بس دول للحرب بس اكيد مش هيقبلو يطلعو لحماية الكتيبه 

قاسم :بص احنا نستني لما غسان يرجع ونعرف منه ايه اللي هيحصل تمم 

احمد :انا بقول كدا برضو 

قاسم فونه رن بص عليه وابتسم 

قاسم ببتسامه:الووو 

نسمه بتوتر:ايه ياروحي عرفت حاجه عن غسان ونور 

احمد بهمس :هستأذن انا 

قاسم :اذنك معاك يا باشا 

قاسم :الوو اسمعي يا روحي التوتر غلط عليكي اناي متقلقيش هما اكيد بخير هتصل بابويا دلوقتي هو اكيد كلم البواب وعرف مكانهم تمم 

نسمه :تمم يا حبيبي بس طمنا علشان خطري 

قاسم :حاضر والله هكلمهم واطمنك علطول انتي بتعملي ايه واخبار البيبي ايه 

نسمه حطت ايدها علي بطنها ببتسامه  :انا بشرب حليب اهو والبيبي كويس وبيقولك وحشتني يابابا 

قاسم بضحك:هو اللي بيقول ولا يكون امه 

نسمه بثقه:محصلش هو طبعا

قاسم بمعاكسه:طب بوسيه ليا بقي علي ما ارجع اكمل انا 

نسمه ضحكت بخجل :حاضر 

قاسم :يلا هقفل انا دلوقتي 

نسمه :خلي بالك علي نفسك تمم 

قاسم :حاضر يا حببتي وقفل 

********************

في منزل عمر 

عمر شايل فرحه بيمشي بيها وبيلعبها وهي بتضحك ومبسوطه اووي 

عمر :نورهان اخلصي يا حبيبتي يلا خدي فرحه اتاخرت علي الشغل 

نورهان طلعت من الحمام لبسه بورنص ولفه شعرها بفوطه :خلصت يا روحي هاتها يلا علشان ما تتاخرش علي الشغل 

عمر بتوهان :شغل مين هو في حد يشوف مراته كدا ويروح الشغل بوضو دا يبقي مش مقدرها 

نورهان بضحك بخجل :عمر يا روحي فرحه مش هتنام علشان لسه صاحيه وانت متاخر علي الشغل وبعدين متزعلش ياعم انت مقدر اووي 

عمر عض علي شفته السفليه :طب خدي بنتك واخفي من قدامي 

نورهان خدت فرحه ومشيت بمياعه من قدامه 

عمر اخد محفظته والمفاتيح :صبرك يارب عليها ونزل علي تحت ركب عربيته وراح علي الشغل 

ونورهان لبست بجامه عباره عن شورت قصير جنب ابيض وجنب اسود وتيشرت كت جنب ابيض وجنب اسود وعملت شعرها ديل حصان 

نورهان بصت لفرحه :طيب انا كنت عوزه البسك شبهي بس انتي صعننونه البسك ايه بقي 

فرحه بتبص عليها وبتضحك وبتلاعب ايدها برجليها 

نورهان فتحت الدولاب وطلعت سلبته بكم سودا :حلوه دي بس اسمعي انا شعري اطول من شعرك يا فروحه علشان كدا مش هعرف اعملك ديل حصان بس المشكله مش في كدا عرفه المشلكة كانت فين اقولك بقي و بدأت تلبسها المشكله ان وانا حامل فيكي كان عندي حموضه ديماً اقول ليه يقولو شعر البيبي طويل ومشاء الله جيتي قرعه يا روحي سبحااااانه والله 

نورهان بصت عليها :انتي مصدومه ليه اكيد بابا كان اقرع وهو صغير انا كنت بشعر والله بس شوفي الوقتي بقي ياهوووووو ليه شعر لما اجي ابوسه بيدخل بوقي وضحك وضحكت فرحه علي اساس بتضحك ليها 

*********************

في فيلة احمد 

سلوي صحيت بكسل وكانت لبسه عبايه استقبال جميله جداً ورقيقه 

سعاد كانت قاعده في الصالون ولبسه نطاره القرأه وبتقرء الجريده بصت علي سلوي 

سعاد بصريخ :اعاااااا مين ورميت الجريده 

سلوي بخضه :في ايه اهدي دا انا سلوي 

سعاده بخضه : ااااه اصل كنت لبسه نظاره القرأه شوفتك كبيره اتخضيت 

سلوي قعدت وحطت ايدها علي قلبها :والله انتي اللي هتقطعيني الخلف 

سعاد :خلف ايوا فكرتيني كنت عوزه اسالك انتي احد دلوقتي محملتيش ليه يابت هو ابني مقصر ولا ايه 

سلوي برقت :مقصر احم احم يا ماما انا لسه متجوزه من 3 شهرر ملحقتش يعني 

سعاد :لاء ازاي الكلام دا انا كنت حامل في احمد من تاني اسبوع انا لازم اخدك عند دكتور اعرف الغلط من مين 

سلوي حطت ايدها علي راسها :حرام اللي بيحصل دا والله 

سعاد :استني احكيلك انا اتعرفت علي ابو احمد ازاي 

سلوي بخضه :لا لا لا انا حفظت الحكايه دي زي اسمي والله والله حفظاها انا هقوم اكلم احمد اشوفه هيجي امتي وارجع تحكي موضوع جديد ماشي وجريت 

سعاد بتفكير:انتي حره بس هو انا حكيتها كام مره دول8،9 مرات بس ومسكت الجريده تاني تقرء فيها 

سلوي طلعت الحديقه رنت علي احمد 

احمد بحب:حببت قلبي اللي وحشاااااني موووت بتعملي ايه 

سلوي :وحشاك اه بأمارة ما روحت الشغل من غير ما تصحيني 

احمد :لقيتك نايمه تعبانه مردتش اصحيك يا جميل المهم بتعملي ايه انتي وامي 

سلوي بضحك :بسمع قصة ازاي اتعرفت علي باباك يا احمد انا والله حفظت القصه دي زي اسمي 

احمد بضحك :معلش ياروحي خديها علي قد عقلها 

سلوي :ربنا يخليها يارب بحد البيت من غيرها ملوش اي طعم 

احمد :يارب يا روحي يارب 

سلوي:طيب قبل ما اقفل هات لب وانت جاي بس هاته من الب الابيض دا يا احمد تمم 

احمد :عيوني يا روح احمد 

سلوي:تسلملي عيونك يا روحي يلا سلام علشان مش عوزه اعطلك 

احمد :يلا يا روحي وانا مش هتاخر وقفل 

حين تقع في الحب 3

البارت الثاني 

للكاتبه /ندي علي حبيب 

في فيلا غسان الالفي 

نور طلعت من الحمام لفه حولين جسمها فوطه وبطنها باينه من الفوطه نور خطت خطوتين برا الحمام والم بطنها شد عليها جامد غمضت عيونها بالم شديد وحطت ايدها علي بطنها ولسه هتتحرك لقت سائل مائي بينزل علي رجليها 

نور بخضه ووجع :بولد بولد واطلقت صرخه خليت غسان طلع عندها جري 

نور بعياط ووجع :غسااااااااان ااااااااه تعاااااالي 

غسان بخصة بعد ما شاف الميه :اهدي اهدي دي ولاده هشيلك بس اهدي خدي نفس 

نور بصراخ ووجع :اوعي تلمسني ابعد لو اتحركت هولد الثانيه دي وبدأت تتمسك في غسان اللي هيموت من الخوف والقلق عليها شالها حطها علي السرير براحه 

غسان وهو بيطلع قميص واسع ليها لبسه ليها وهي بتصرخ :بس اهدي خدي نفس وبدء يطلع نفس علشان تعمل زيه اهدي انا هتصل بدكتوره تيجي اهدي ومسك فونه واتصل علي دكتوره 

نور بصريخ ووجع :مش قااااااااادره استحمل غساااااان مش قادره همووووووت 

غسان مسك منديل وبدء ينشف عرقها ونور بترجع ضهرها ورا والدموع ماليه وشها :عوزه مااااااماااااا مش قااادره هموووت مش قادره اقاوم 

غسان بحزن وخوف :اهدي يا روحي خدي نفس شهيق زفير يلا يلا 

نور بدأت تعمل كدا وفضلت حوالي نص ساعه في الوجع لحد ما الدكتوره وصلت جري 

الدكتوره شافت حالت نور :المفروض كانت تتنقل المستشفي 

غسان بغضب :هو دا اللي حصل اخلصي مراتي بتموت شوفي شغلك واي حاجه محتاجها قولي وانا هجيبها 

نور بصريخ :مش قاااادره هموووت خلصوني بقااااااااا

الدكتوره بدأت تكشف علي نور 

الدكتوره : اضغطي اكتر لو سمحتي سعديني علي ما راس الطفله تطلع 

نور بوجع وصريخ :اكتر من كدا مش هقدر انا بموووت 

غسان قعد جنبها ينشف عرفها من وشها ورقابتها ووشعرها كله عرق :يلا انتي هتقدري يلا يلا نور 

نور بدأت تضغط علي نفسها وبصريخ لحد ما نزلت الطفله نور اطلقت تنهيدت راحه ورجعت راسها لورا بتعب واضح 

الدكتور ببتسامه :مشاء الله بنتوته زي القمر تتربي في عزكم انشاء الله 

غسان بخوف :نور يا دكتوره نور شوفيها الاول 

الدكتوره بدأت تخيط جرح نور وعقمته :مدام نور بالف خير ترتاح شويه هي بس وبلاش اي اجهاد في الفتره دي وكمان 4 ايام تحاول تمشي علي رجلها لو خطوات 

غسان حاسب الدكتوره ووشكرها ومشيت ورجع لنور لقاها حضنه الطفله في حضنها بشوق وعياط 

غسان حضنهم الاتنين وباس راس نور :الف سلامه عليكي يا نور عيوني 

نور بتعب وهي سنده راسها علي صدر غسان :انا تعبانه اووي يا غسان مش قادره اتحرك 

غسان اخد الطفله وباس راسها وبدء ينضفها ويلبسها هدومها نيمها جنب نور 

نور ببتسامة تعب وهي بتبص عليهم :حبيبه يا غسان هسميها حبيبه 

غسان ببتسامه :حبيبه يا قلب غسان وراح عندها هشيلك علشان تخدي شاور وتلبسي وترتاحي علشان نعرف العيله 

نور هزت راسها بتعب وغسان شالها وحط مايه في البانيو 

غسان :يلا تعالي 

نور بتعب وخجل:غسان اطلع برا انا هاخد شاور لوحدي 

غسان :يابنتي بطلي ام الكسوف دا انا هعمل ايه يعني انتي تعبانه وانا هساعدك

نور بخجل :لاء اطلع خليك مع حبيبه وانا هخلص وانادي عليك 

غسان وهو طالع :هطلع علشان تعبانه بس وغمز ليها 

نور بخجل بعد ما طلع :وقح وبدأت تاخد شاور 

وغسان فضل يبص علي شكل حبيبه وهي نايمه ببتسامه وعلي شكلها الصغير 

بعد وقت 

نور وهي في الحمام :غسااان غساان تعالي انا خلصت 

غسان قام بسرعه وراح ليها كانت لبست بورنص الشاور :استعنا علي الشقي بالله وشالها طلعها برا حطها علي السرير 

نور بوجع :براحه قدر ان لسه ولده من ساعة 

غسان باس ايدها :معلش حقك عليا وبدأت حبيبه في البكاء 

نور حملت الصغيره بحب وبصت لغسان :جعانه 

غسان :انتي ولا هي 

نور بتعب :انا وهي 

غسان :طب نأكلها الاول وبعد كدا ناكل احنا 

نور هرت راسها بتعب ونور بدات تطعم الصغيره بوجع ووجها من شدة الالم بيتعرق وغسان ماسك ايدها بقوة وبيمسح وجهها من العرق 

غسان :نور انا هكلم قاسم اعرفه يعرف العيله انك ولدتي علشان اكيد قلقانين 

نور هزت راسها وهو اتصل بقاسم 

*********************

في سقة قاسم 

قاسم كان طالع من باب الشقة ومعاه نسمه نازلين يفطرو والولاد معاهم لقي فونه برن طلعه 

قاسم :دا غسان الوو ايه يابني قلقتنا عليك مشيت ولا عرفت حد ولا سبت رساله حتي وامك كانت هتموت من القلق عليك وعلي مراتك 

غسان بزهق :مش هنخلص من ام الحوار ياعم اهدي كدا واسمعني العيال عاملين ايه الاول 

قاسم :العيال بخير عاصي نام مع اسر امبارح بس فضل يسال فين بابا وفين ماما طول اليل 

غسان :احنا كنا هنرجع النهارده بس حصل ظرف ونور ولدت ومعرفناش نروح مستشفي وولدت في البيت 

قاسم بفرحه :احلف نور ولدت نسمه صرخه بفرحه 

نسمه :خليها تكلمني واساله نور عماله ايه الاول 

قاسم :اهدي اهدي الوو غسان هي عامله ايه الاول واخبار الطفله ايه 

غسان :الحمد الله الاتنين بخير بس احنا هنفضل هنا لحد ما نور تعرف تمشي علشان الطريق المهم خلي بالك من عاصي 

قاسم :عاصي في عنيا بس خلي بالك من نفسك انت و متقلقش انا هعرف العيله وقفل 

عاصي :ماما ولدت النونه 

نسمه بفرحه :ايوا يا حبيبي ولدت النونه 

عاصي :وانتي بتجيبى دي امتي وشاور علي بطنها 

نسمه :دا لسه شويه صغنونين ويجي 

اسر :وماما عامله ايه يا بابا 

قاسم :كويسه يا حبيبي 

عاصي :طيب هما هيجو امتي 

قاسم :هما هيفضلو شويه لحد ما ماما تقوم بسلامه وتقدر تمشي وهيجو علطول 

عاصي :ماشي انا نازل العب شويه بقي 

نسمه :افطر الاول وبعدين انزل ألعب

نزلو تحت وقاسم عرف ابوه وامه ان نور ولدت وفرحو جدا 

نفين بقلق:بس المفروض يجو علشان نكون جنبهم علي الاقل 

قاسم :ما هو كان جي بس نور مش قادره تمشي والطريق والهز وكدا غلط 

نفين :مش مشكله يومين كمان المهم يجو بسلامه 

منير :يارب المهم يلا اعدو افطرو ولعد الفطار نكلهم فديو ونشوف المولوده ونطمن علي نور

نسمه بفرحه:هروح اعرف نورهان وارجع الاول 

قاسم :نسمه اعدي كلي الاول علشان اللي في بطنك وبعدين عرفيهم كلهم 

نسمه قعدت تاكل معاهم وتاكل الولاد 

*******************

في شقة نورهان 

نورهان وعمر نايمين وفرحة صاحيه بتلعب في شعر عمر 

عمر بنوم :بس يا بابا نامي 

فرحه بتلعب في شعره وبتشده وبتريل علي ودنه 

عمر بغضب :نورهااااااان 

نورهان قامت بخضة :في ايه ايه اللي حصل بتزعق ليه 

عمر بعصبيه وهو نايم :شيلي بنتك عني علشان عاوز انام مش ام يوم الاجازه يحصل فيا كدا 

نورهان شات فرحه في حضنها :تعالي يا روح ماما انتي جعانه انتي عوزه تكلي ولا تضربي بابا 

فرحه :بابا 

نورهان بفرحه وهي بتضرب ضهر عمر :عمرررر قوووم بسرعه 

عمر قام :في ايه من صباحية ربنا عوزه ايه انتي وبنتك 

نورهان :عمر فرحه بتقول بابا وبصت لفرحه قولي يا روحي ماما 

فرحه :بابا 

عمر شالها بفرح وباسها :قلب وعقل وعمر بابا 

نورهان بغيظ :هي اصلا لولا انا مكنتش قالت 

عمر :ليه انشاء الله هي قالت لوحدها 

نورهان :لاء انا علطول بقولها ابوكي بيعمل وابوكي بيسوي فا اخدت الكلمة مني 

عمر :وابوها بيعمل وبيسوي ايه يا نورهان هانم ما ابوها قاعد في حاله اهو 

نورهان :خلاص ياعم مكنتش كلمة وبصو علي فرحه اللي نامت وهما بيتكلمو 

عمر :يا فرج ربنا وقام شالها ونيمها في سريرها 

نورهان :شيلتها من جنبي ليه 

عمر بخبث:النهارده اجازتي يا نوري وفرحه نامت يعني ايه 

نورهان بتوتر:ايوا يعني ايه

عمر وهو يقترب منها :يعني حني عليا يحن عليكي ربنا 

نورهان :ااوو

قاطعها عمر بقبلة يبث فيها عشقة وحبه ليها طوال فترة زواجهم وذهبو في بحور عشقهم الذي لا ينتهي 

**********************

في فيلا احمد 

احمد كان نايم وسلوي علي صدره وهو حضنها الباب خبط بقوة قامو مفزوعين 

سلوي بخضه :احمد في ايه مين 

سعاد :قومو يلا الضهر اذن هتفضلو نايمين لحد امتي 

احمد بيمسح وشه بغضب وبيبص لسلوي :انا فكرت حاجه حصلت في البيت او حد جري ليه حاجه والله 

سلوي وهي في صدمتها :احمد انا ممكن اجي فجأة تلاقيني موت من الخضة 

احمد بضحك اخدها في حضنة وباس خدها :بعد الشر عنك يا روحي 

سلوي ببتسامه :تصدق اتعودت علي الخبطه دي كل يوم 

احمد بضحك:وحده وحده الموضوع هيبقي روتين 

سلوي وهي في حضنه رفعت وشها ليه :بقولك ايه تعالي نروح نزور ماما النهارده وحشاني اووي 

احمد بتفكير :هوديكي بس مش هعد معاكي علشان عمدي شويه شغل

سلوي :لو هتتاخر في الشغل بلاش نروح النهارده 

احمد باس خدها :لاء يا حبيبتي انتي عوزه تروحي روحي وانا راجع هاجي اخدك 

سلوي :و هاخد ماما سعاد بدل ما تفضل لوحدها تيجي تعد مع ماما 

احمد ابتسم بعشق وباس راسها :ربنا يخليكي ليا يا سوسو 

سلوي بحب:ويخليك ليا يارب 

احمد :هدخل اخد شور علشان نفطر هزت سلوي راسها واحمد دخل وسلوي ظبطت السرير ولكت الهدوم علقيتها وطلعت هدوم لاحمد وقاعدت علي السرير مستنياه يطلع علشان تاخد شور هي كمان 

*************************

في فيلا غسان الالفي 

غسان قاعد بيشتغل علي الاب توب ونور بترضع حبيبه ونايمه علي السرير 

نور بتعب :غسان 

غسان بتركيز في لاب :....

نور بصت عليه بتعب :غسااان 

غسان بنتباه :هاا نعم بتنادي 

نور :انت مش معايا خالص 

غسان قفل الاب وراح عندها :معاكي يا قلبي بس كان في حاجه مهمه لازم اشوفها بنفسي علي لاب المهم عوزه ايه 

نور بتعب :عوزاك تعدل ضهري علي المخده علشان مش عرفه ارضع حبيبه 

غسان راح قعد وراها وسند ضهرها علي صدره وهي ارتاحت ورضعت الصغيره براحه اكتر 

نور :غسان انا مش متخيله ان الولاده الطبيعي صعبه كدا 

غسان :علشان انتي ولدتي هنا يعني من غير بنج ولا اي حاجه ودا اللي صعب الامر عليكي 

نور بتعب :ايوا فعلاً بس ديما ماما كانت تقول يوم وجع في ولاده طبيعي ولا سنين في ولادة قيصري 

غسان وهو يقبل شعرها :الحمدالله انها عديت علي خير 

نور شالت حبيبه ونيمتها جنبها بهدوء :غسان انا هموت جوع وحبيبه اخدت كل طاقتي في الرضاعه يعني هموت واكل 

غسان :اخيرا نطقتي بالجوع ثواني ويكون عندك ارتاحي انتي بس وقام 

نور مسكت ايده بحب وهو بصلها بستغراب : ربنا يخليك ليا انت فعلا احلي حاجه في دنيتي 

غسان ابتسم ليها وباس خدها بعمق:ويخليكي ليا يارب ونزل عمل كوبايه لبن كبيره وشوربة خضار وفراخ مسلوقه وبعد وقت طلع ليها وفي ايده الصانيه اللي عليها الاكل وبدء يأكلها بحب وهزار شديد 

تفتكرو الحياه هتفضل جميله كدا ولا هيحصل حاجه؟؟؟

يتبع 

لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم 

البارت الثالث والرابع من هنا

البارت الخامس والسادس من هنا

البارت السابع والثامن من هنا

البارت التاسع والعاشر من هنا

الجزء الثاني بالكامل من هنا

أدخلوا واعملوا متابعة لصفحتي عليها كل الروايات بمنتهي السهوله بدون لينكات من هنا 👇 ❤️ 👇 

صفحة روايات ومعلومات ووصفات

❤️💙🌺🌹❤️💙🌺🌹❤️💙🌺🌹❤️💙🌺🌹❤️💙🌺🌹❤️💙🌺🌹