❤️ بسم الله الرحمن الرحيم ❤️
رواية الفتاه المنحوسه بقلم سحر حسين عزت البارت الثالث حصريه وجديده
رواية الفتاه المنحوسه بقلم سحر حسين عزت البارت الثالث حصريه وجديده
رواية الفتاه المنحوسه بقلم سحر حسين عزت البارت الثالث حصريه وجديده
رواية الفتاه المنحوسه بقلم سحر حسين عزت البارت الثالث حصريه وجديده
رواية الفتاه المنحوسه بقلم سحر حسين عزت البارت الثالث حصريه وجديده
المصيبه الثالثه
تعالوا بقي احكي ليكم عن المصيبه اللي بعد كده اه ما انا كل يوم بمصيبه جديده بدأت أحس أن كلام عمتي كان صح بس ده مجرد احساس مش عارفه بقي هو صح ولا لا انا هسيبكوا انتوا تحكموا في الاخر، المهم ندخل في الموضوع علي طول طبعا بعد اللي حصل معايا بعد ستي "نعمه" ما توفت انت عارفينه اني روحت البيت و معايا شنطه الفلوس و حاولت اتواصل مع "علي" كتير بس مكنش بيرد عليا خالص فين و فين بعد ما رد عليا و اول ما رد عليا قولتله
الو يا علي انا هدي
رد و قالي
ايوه يا هدي عامله ايه و ماما عامله ايه طمنيني عليها
رديت و قولت
الحمدلله بس ستي نعمه اتوفت
رد بصدمه كبيره و قالي
ايه ... ماتت ماما ماتت ازاي
رديت باستغراب اه مستغربه قال يعني كانت فارقه معاك اووي المهم رديت و قولت
اه اتوفت قبل العمليه ....
و بعدين سكت شويه وهو بدأ يعيط حسيت انه دموعه دي مجرد تمثيل مقدرتش امسك نفسي و قولت
انا عايزه اعرف انت كنت مستني ايه عشان تنزل تشوفها حرام عليك كان نفسها تشوفك حتي لو لمره واحده ايه يا اخي طول السنين دي كلها مشغول و هاتوا تقدر تقولي عملت ايه بشغلك ده وانت سايب امك هنا لوحدها يا ساتر انت ازاي قلبك حجر كده
رد بعصبية و قالي
انتي اتجننتي انتي ازاي تتكلمي معايا كده اصلا انتي نسيتي نفسك ولا ايه
رديت بعصبية انا كمان لا ما انا مش هسكت يعني و قولتله
 |
انت بتتعصب عليا عشان معايا حق يا اخي ده انت حتي مكنتش معرفها انك متجوز دي امك لو معرفتش امك خبر جوازك هتعرف مين
رد بصدمه و قالي
ايه انتي قولتلها أن انا اتجوزت
رديت عليه باستغراب
هو ده اللي يهمك اه انا اللي قولتلها انك اتجوزت كونت عايزين اعمل ايه يعني سألت عليك و كانت فكره ان انت اللي جايب الفلوس قولتلها لا دي مراته و مقدرتش تستحمل الخبر و اتوفت بعديها على طول
رد عليا رد مكنتش متخيله أن هيقولك كده
رد و قال
يبقي امي ماتت بسببك انتي ...وانتي اصلا تدخلي ليا في حياتنا ليه ...........
و طبعا النقط دي شتيمه بس ما علينا رديت و قولت
اولا احترم نفسك ... ثانيا بتقول مين اللي دخلني حياتكوا هي فين حياتك دي انت سبت امك و مهنش عليك حتي تخدها معاك لما ظبط امورك و جي دلوقتي ترمي تأثيرك من امك عليا انا
رد و قالي
انتي شكلك منحوسه فعلا زي ماما ما كانت بتقولي عليكي
وبعد كده قفل في وشي المكالمه و هنا فضلت افكر في اخر كلمه دي حتي انتي يا تيته "نعمه" قولتي عليا كده بعد كل اللي عملته معاكي ماشي ربنا يسامحك بقي، و بعدين افتكرت أن انا مقولتش حاجه عن الفلوس طيب ارن تاني ولا اعمل قولت لا انا هبعت رساله وخلاص.
و فعلا بعت الرساله و بقول فيها
"فلوسك زي ما هيا و معايا شوف هتاخدها ازاي"
بس و بعد كده دخلت عشان انام ما انا كنت تعبانه طول اليوم بس كده لسه اليوم مخلصش ولا حتي المصيبه خلصت، المهم بعد شويه يعني تقريبا ساعه لقيت حد بيخبط عليا متوقعين مين ..... لا لا مستحيل يجي في بالكوا انا هريحكوا الشرطه، اه وربنا هي الشرطه و الظابط بيقولي
مش دي شقه حكمت
اه "حكمت" دي اسم ستي رديت و قولت
اه هي بس الله يرحمها و انا حفيدتها خير
قالي الظابط
طيب ياريت تتفضلي معانا
رديت وانا مش فاهمه حاجه قولت
اتفضل فين
رد الظابط و قالي
قسم الشرطه طبعا
هنا بقي اتاكد اني منحوسه مهو اللي بيحصل ده مش طبيعي يعني كنت مصدومه جدا بس روحت معاهم و هناك فهمت أن خالي رفع عليا قضيه عشان أخرج من الشقه، وانا حتي مش معايا اي حاجه عشان أثبت أن "حكمت" دي ستي فعلا اعمل ايه بقي لا و كمان الظابط قالي
ايمن يقرب لك اي
رديت بصدمه و قولت
المفروض خالي
رد الظابط و قالي بصدمه
ايه خالك ازاي يعني
قولت
اه والله خالي والمفروض أن هو توائم امي
رد الظابط و قال
هو ليه كل كلامك المفروض انتي مش متاكده
رديت و قولت
لا مش متأكده أن هو خالي ازاي يبقي خالي و يعمل مع بنت اخته كده ده انا لوحدي في الدنيا و بعد كل ده مش عايز يسبني لوحدي
رد الظابط و قالي
يعني انتي كده عايشه مع مين
رديت و قولت
لوحدي عايشه لوحدي
رد باستغراب و قول
معندكيش حد من أهلك موجود خالص ازاي
رديت بابتسامه بسيطة و قولت
لا كان عندي خالي اللي هو رافع عليا قضيه دلوقتي و عندي كمان عمتي بس قالتلي انا مش عايزاكي يعني لوحدي و محدش عايزني
رد الظابط و قول
طيب كويس تعرفي مكان عمتك دي فين
رديت باستغراب و قولت
اه عارفه بس ليه ؟
لقيت الظابط بصلي جامد كده و قالي
طيب هاتي عنوان عمتك
اديتوا عنوان عمتي وبعدها سبني و خرج من المكتب وانا بقيت لوحدي و كنت تعبانه جدا روحت رايحه علي الكنبه الموجودة في المكتب و نمت و محستش بنفسي ولا حتي بالوقت فين و فين حسيت بحد بيصحيني و بيقولي
يلا اصحي بقي كفايه نوم
صحيت و فتحت عيني لقيت الظابط واقف قدامي و عمتي كانت قاعده على كرسي المكتب و اول ما شوفتها جريت عندها و قولتلها
ازيك يا عمتي ونبي قولي ليهم انا مين
بصتلي عمتي و بعدين بصت للضابط و قالت
دي هدي بنت اخويا
رد الظابط و قال
طيب معاكي اي إثبات شخصي ليها
ردت عمتي و قولت
لا مش عندي هي عملت ايه بالظبط
بصلي الظابط و قال
انا عايز اي إثبات شخصي ليكي و لازم تثبتي أن الشقه دي شقه ستك وان ايمن ده خالك فعلا
ردت عمتي و قالت
اده هو ايمن بيقول انها مش بنت اخته اما هو قليل الاصل صحيح
بصلها الظابط و قالها
طيب هو مش معترف ببنت أخته طيب وانتي ازاي تسيبي بنت اخوكي تعيش في الدنيا لوحدها كده انتي بقي كده اللي عندك اصل
ردت عمتي و قالت
الله يسامحك يا باشا معك حق ما انت متعرفش حاجه
رد الظابط بعصبية و قالها
حاجه اي اللي تخليكوا تعملوا كده مع بنتكوا
ردت عمتي "صفاء" الله يسامحها و قالت
اصلها نحس يا باشا
رد الظابط و قالها
اي الجنان ده نحس ازاي يعني
ردت عمتي و قالت
اه والله يا باشا انا هحكيلك
خبط الظابط بايده علي المكتب بعصبية و قال
لا تحكي لي ولا احكيلك احنا مش قاعدين في المصطبه هنا انا عايز اي إثبات ليها يا اما تاخديها عندك
ردت عمتي بسرعه و قالت
لا لا يا باشا اخدها عندي فين انا هقولك ما تروحوا شقة ستها و دوروا هناك علي اي حاجه تخصها اكيد هتلاقي عشان هي كانت عايشه مع ستها من صغرها
بصلي الظابط و قال
طيب روحي يا هدي مع العسكري و دوري علي اي إثبات شخصي ليكي عايز شهاده ميلاد ليكي
رديت و قولت
حاضر
و فعلا روحنا شقة ستي و فضلت ادور علي حاجه ليا هنا و الحمدلله لقيت و لقيت حاجات تانيه مهمه جدا جدا ....
تابعووووووني
تعليقات
إرسال تعليق