نوفيلا يومًا_ما فتاة_من_ورق بقلم الكاتبه بسمه_السباعي الجزء_الثالث حصريه وجديده على مدونة النجم المتوهج للروايات والمعلومات

 نوفيلا يومًا_ما فتاة_من_ورق بقلم الكاتبه بسمه_السباعي الجزء_الثالث حصريه وجديده على مدونة النجم المتوهج للروايات والمعلومات 

نوفيلا يومًا_ما فتاة_من_ورق بقلم الكاتبه بسمه_السباعي الجزء_الثالث حصريه وجديده على مدونة النجم المتوهج للروايات والمعلومات 

*فقدت صوابي لما شفت مهند .. صرت ارجف و عض شفافي من العصبيه و التوتر .. و رجعت بذاكرتي لقبل سنة ...

************************************************

ام روعة : فرحة شبك ماما ؟

فرحة : ما بعرف موجوعة كتير حاسة امعائي عم تتقطع.

ام روعة : ما ارتحتي على الدوا اللي عطيتك ياه ؟

فرحة : ما ارتحت ولا ثانيه بترجاكي خلي البابا ياخدني على المشفى

ام روعة : هلأ نايم ما بدي صحيه 

فرحة : بترجاكي ماما انسي عشقك الو و خوفك عليه هلأ و فكري فيني رح موووت 

ام روعة : طيب طيب رح صحيه 

*رغم الوجع الكبير اللي حسيت فيه بهداك اليوم إلا انو كشفلي اكبر كذبة بحياتي لما وصلت على المشفى...

ابو روعة : شو دكتور طمنا 

الدكتور : معها التهاب حاد بالأمعاد اعطيتها مسكن و كتبتلها على هاد الدوا معافاية ان شاء الله 

ابو روعة : الله يعافيك

ام روعة : ايمتى فينا نطالعها من المشفى دكتور ؟

الدكتور : لما يخلص السيروم اللي بإيدها

ام روعة : شكرا دكتور

الدكتور : ولو واجبي 

*كنت متسطحه بالمشفى على التخت و عم اتأمل سقف الغرفة .. يا ترى لو عرفت شو صاير معي يا مهند رح تخاف عليي متل ما بخاف عليك ؟ ما بعتقد لانو انا بحبك اكتر ما انت بتحبني بمليون مرة .

ابو روعة : الحمد لله على سلامتك فروحة

فرحة : الله يسلمك بابا 

ام روعة : يلا حبيبتي البسي جاكيتك صار فينا نطلع هلأ بما انو خلص السيروم

فرحة : الحمد لله ما رح نام بالمشفى 

ام روعة : الحمد لله

*لبست جاكيتي و طلعت من الغرفة .. وقفت جنب غرفة الطوارئ لبين ما يجيبولي ماما و بابا الدوا .. سمعت صوت طفل عم يبكي التفتت و كانت اكبر مفاجأة بحياتي...

فرحة : مهند !!

مهند : فرحة

فرحة : انت شو عم تعمل هون ؟

مهند : انتي شو عم تعملي هون خير ؟

فرحة : تعبت شوي اعطوني مسكن و هلأ طالعه ، انت فيك شي ؟

مهند : انا لا .. انا منيح

فرحة : شبك مهند لي متوتر ؟

مهند : فرحة انا .. انا

فرحة : انت شو ؟

هبة : مهند حبيبي خبرني الدكتور انو تحاليل ايهم كلها سليمة الحمد لله و صار فينا نرجع على البيت .

فرحة : حبيبي و ايهم و بيت !!! مهند شو عم يصير ؟

هبة : عفوا مين انتي ؟

فرحة : انتي مين و كيف عم تنادي خطيبي بكلمة حبيبي ؟

هبة : خطيبك ؟

فرحة : اي مهند خطيبي 

هبة : شو هالحكي مهند ؟

مهند : هبة انا كنت بدي خبرك بس

هبة : بس شووووو شو ايمتى ناوي تخبرني ؟ لما تعزمني على عرسك على هي الشرشوحة خرابة البيوت ؟

فرحة : احترمي حالك لو سمحتي انا لهلأ مو فهمانة شي ما بسمحلك تغلطي عليي طالما مضحوك عليي متل مو مضحوك عليكي .

هبة : رح فهمك .. هالرجال المحترم بيكون زوجي ابو ابني ايهم .

فرحة : متزوج و عندك ولد ؟

مهند : فرحة انا كنت بدي خبرك بس خفت اخسرك .

هبة : خفت تخسرها بس ما خفت تخسرني انا ام ابنك ؟ يا خسارة العشرة فيك .

*حملت ايهم و طلعت من المشفى بدون ما التفت ورايي...

مهند : هبة .. هبة استني .

فرحة : طالما خايف على زعلها لي تقربت مني و حبيتني و خطبتني ؟ لي خبيت عني انك متزوج و عندك ولد ؟

مهند : فرحة انا ما كنت بدي اخسرك 

فرحة : ما فكرت باللحظة اللي رح اعرف فيها ؟ ما فكرت انو وقتها رح تخسرني للأبد ؟

مهند : فرحة

فرحة : ما عاد تنطق اسمي بحياتك شمتت المشفى فيني و طالعتني وحدة خرابة بيوت قدام ام ابنك يا عيب عليك .

*شلحت المحبس من ايدي رميتو بوجه مهند و مشيت...

ابو روعة : فرحة شبك بابا ؟

فرحة : ما في شي بنحكي بالبيت .

************************************************

#بقلم_فتاة_من_ورق_بسمه_السباعي

فارس : فرحة .. فرحة عم تسمعيني ؟

فرحة : اي فارس 

فارس : اهدي مهند راح .. جبتلك مي و عصير بارد مشان تروقي

فرحة : انا منيحة شكرا الك

فارس : انا اسف فرحة

فرحة : لي عم تتأسف ؟

فارس : عم اتأسف لانو زعلان عليكي و ما بقدر اعمل شي لتصيري احسن و تنسي وجعك 

فرحة : فارس 

فارس : نعم

فرحة : اكتر شخص بيقدر يكسر البنت و يدمرها هو الشخص اللي بتحبو ، انا حبيت مهند بجنون ، بالبداية هو اعطاني حب و اهتمام بتحلم فيه كل بنت و لما كسب قلبي و محبتي  و خطبني بلش يتغير لانو ضمن حبي .. بهي اللحظة انا ما عاد اقدر اكرهو او ابعد عنو صرت حبو اكتر و اهتم فيه لحتى احصل على شوية اهتمام متل اهتمام البدايات و بالاخر اهداني اكبر كسر بنكسرو بحياتي .. فارس انا بدي اطلب منك طلب .

فارس : تفضلي 

فرحة : اذا عن جد بتحب زينة حافظ عليها .. كون سند إلها .. حسسها بالأمان و حسسها انك رايدها و شاريها .. ما تخلي حدا ياخدها منك ، حاوطها بحنيتك و حسسها بقوتك لحتى هي تقوى فيك ، ما تخليها تندم انو اختارتك و ما تحاول بيوم تقسى عليها او تبكيها .

فارس : رح يضل كلامك ببالي طول العمر ، انا هلأ فهمت ادي جرحك كبير من مهند ، بإذن الله رح تكون زينة اسعد انسانة معي .

فرحة : ان شاء الله ، انا رح غسل وجهي و برجع ، الله يعينا على البهدلة اللي رح تجينا من الاستاذ جبران .

فارس : دخيلك بهدلة و بتقطع ههههه

فرحة : قولتك ههههه

*غسلت وجهي و رجعت قعدت على مكتبي .. حاولت اتصل بسوسن لإتطمن عليها بس لسا تليفونها مسكر....

________________________________________________

#بقلم_فتاة_من_ورق_بسمه_السباعي

عامر : ماما اصحي تأخرنا على المدرسة

سوسن : ما بدي ابعتكن على المدرسة اليوم

مريم : ليش ماما

سوسن : بدي تضلو جنبي اليوم بدي اشبع منكن من زمان ما قعدنا مع بعض انا و انتو

عامر : الله يخليلنا ياكي

سوسن : و يخليلي ياكن حبيباتي ، غسلو وجهكن مشان نفطر سوا

مريم : حاضر ماما

*رحت على الحمام وقفت قبال المراية صرت اتفرج على وجهي .. هيك صرت انا ؟ هي نهاية الحب اللي حبيتك ياه يا جمال ؟ ... غسلت الدم اللي نازل من انفي و شفافي ... ادي صعب ينكسر الانسان من الشخص الوحيد اللي كان معتبرو سندو و شايف الدنيا كلا فيه ..

************************************************

*انتهى الدوام و ما عرفنا خبر عن سوسن .. مشينا انا و فارس بإتجاه الميكرو .. هو بدو يشوف زينة و انا بدي كمل طريقي على البيت...

زينة : مرحبا

فارس : اهلا و سهلا

فرحة : اهلا زينة كيفك

زينة : الحمد لله و انتي 

فرحة : الحمد لله ديرو بالكن على بعض انتي و فارس ما تزعلو بعض 

فارس : زينة بعيوني ما بزعلها 

زينة : ههههه ان شاء الله 

فرحة : اجا الميكرو بشوفكن بكرة باي

زينة : باي 

فارس : الله معك 

*طلعت بالميكرو و صرت فكر .. معقول يجي يوم و انحب مرة تانية بس بطريقة بتشبه طريقة فارس ؟ معقول يجي يوم و ينجبر قلبي بعد كل شي بشع عشتو ؟

________________________________________________

#بقلم_فتاة_من_ورق_بسمه_السباعي

زينة : مبين انو فرحة مقربة منك كتير .

فارس : فرحة متل اختي صرلنا ٤ سنين منشتغل مع بعض

زينة : ما بعرف بس

فارس : بس شو ؟

زينة : ولا شي

فارس : كأنو عم تغاري ؟

زينة : لا ليش لحتى غار ، عادي زميلتك بالعمل بس تفاجأت شوي 

فارس : من شو تفاجأتي ؟

زينة : يعني صرلكن ٤ سنين بتعرفو بعض معقول ولا حدا منكن فكر بالتاني ؟ 

فارس : هههه زينة انا بعمري ما شفت فرحة اكتر من اخت و حتى هي ما بتشوفني اكتر من اخ ، الله يساعدها و يجبر خاطرها

زينة : ليش ؟

فارس : كانت مخطوبة لشب و اكتشفت بالصدفة انو متزوج و عندو ولد و من يومها لهلأ و هي عايشة بصدمة كبيرة و رافضة تفكر ولو تفكير بالحب و الزواج

زينة : الله يجبر خاطرها .

فارس : امين.

________________________________________________

#بقلم_فتاة_من_ورق_بسمه_السباعي

*وصلت على البيت كالعاده امي و ابي عم ياخدو قيلولتن .. دخلت على غرفتي رميت شنتتي بالارض و تسطحت على تختي...

فرحة : سنة من الفراق ما كانت كافيه لأنسى التفاصيل الصغيره اللي جمعتنا ، ولا بدايه علاقة جديده رح تخليني ارجع أنا فرحة القديمه ، نحنا كذابين لما منقول نسينا يمكن الوقت عنجد بس يمر عالوجع بخليه يخف و بالتدريج يختفي ، بس رح تضل الندبة موجودة كل العمر ، نحنا منتناسى لنقدر نكفي مو أكتر ، لنقدر كل يوم نصحى و نبلش يومنا و نشوف الناس و كأن شيئا لم يكن ، بس الذكريات ما بتموت بتضلها تاكل فينا لحتى هيي تموتنا ، انا مستحيل انسى انو بسببك يا مهند ضحكت من قلبي و بنفس الوقت مستحيل انسى انو بسببك انكسرت اكبر كسر و بكيت من كل قلبي.

*سكرت تليفوني بعد ما كتبت هالحكي على الملاحظه و نمت .. نمت لإنسى صورة وجهو لمهند اللي شفتا اليوم .. نمت لحتى ما ارجع اتذكر نبرة صوتو .. بدي اتحرر منو لبلش حياة جديده ما فيها وجع متل ما بتمنى.

________________________________________________

#بقلم_فتاة_من_ورق_بسمه_السباعي

*بعد مرور ساعه...

ام روعة : فرحة .. فرحة اصحي

فرحة : اي ماما

ام روعة : ليش ما تغديتي ؟

فرحة : رجعت تعبانه شوي نمت بدون ما حس على حالي

ام روعة : تليفونك رن كتير كمان ما حسيتي عليه ؟

فرحة : لا

ام روعة : غسلي وجهك و تعالي تغدي 

فرحة : يلا لاحقتك 

*فركت عيوني بايدي و مسكت تليفوني .. ٣ مكالمات فائته من سوسن و رسالة...

===============

سوسن : حكيني ضروري.

===============

فرحة : خير ان شاء الله.

************************************************

سوسن : الو

فرحة : كيفك ام السوس

سوسن : منيحه الحمد لله

فرحة : شبو صوتك ؟ 

سوسن : فرحة انا تعبانه كتير

فرحة : حبيبتي سوسن شبك ؟

سوسن : الدنيا ضايقة فيني كتيرمن القهر حاسة قلبي رح يوقف

فرحة : بعيد الشر عنك شو صاير متخانقة مع جمال ؟

سوسن : ضربني و طلع من البيت و لهلأ ما رجع ولا اتصل حتى .

فرحة : الله يكسر ايديه ضبي تيابك و خدي اولادك و روحي لعند اهلك

سوسن : مفكرة الروحه لعند اهلي شي سهل بعد ما حاربتن كرمال جمال 

فرحة : بس يا سوسن انتي الك سنين عم تتعذبي معو كل كم يوم بيضربك و بيهينك لانك ضعيفة و ما وراكي سند ، مفكره اهلك رح يقسو فيكي ؟ هلأ اي رح يسمعوكي حكي بس ما رح يقلعوكي اذا رحتي لعندن و شافوكي بهالحاله

سوسن : انتي ما بتعرفي اهلي كتير قاسين خصوصي اني وقفت بوجهن كرمالو

فرحة : والله هاد زوجك بدو تربايه من اول و جديد ليحس بقيمه المرة اللي عندو

سوسن : انا ما بدي شي بس بدي ياه يرجع يعاملني متل اول ما تعرفنا والله بشعلو اصابعي العشرة شموع

فرحة : ما رح يرجع متل اول لانو حصل على قلبك و حبك ، الرجال بس يأمنو انو البنت صارت تحبن بيتغيرو بيكشرو عن انيابن و بيورجوكي وجهن الحقيقي و بيصيرو يحسسوكي انك تقيله عليهن لحتى يطفشوكي و بيرجعو يدورو على غيرك و يبدو بداية جديده و يعيدو نفس السيناريو

سوسن : بس انا تعبانه كتير فرحة تعبانه منو و من حالي و من اللحظه اللي اخترت يكون هو عيلتي ، حاسه حالي رح موت

فرحة : بعيد الشر عنك ام السوس اذا متي مين بدو يسمعني حكي بالمكتب كل يوم هههههه

سوسن : هههههه

فرحة : اي هيك اضحكي ، داومي بكرى لنحكي اكتر و ناخد رأي فارس شو بدنا نعمل مع زوجك الغبي

سوسن : اذا صحيت نشيطة رح داوم

فرحة : انتبهي على حالك

سوسن : و انتي كمان ، تصبحي على خير

فرحة : و انتي من اهل الخير

*سكرت الخط مع فرحة حطيت ايدي على قلبي .. صرت حس بنخزات قوية ما حسيت فيها من قبل .. اخدت مخدتي و رحت نمت جنب اولادي.

________________________________________________

#بقلم_فتاة_من_ورق_بسمه_السباعي

*بصباح اليوم التاني...

فرحة : صباح الخير فارس النشيط 

فارس : هههه صباح النور

فرحة : واصل بكير اليوم

فارس : اي شو نسيتي اليوم رح يجي الاستاذ جبران يعطينا رواتبنا .

فرحة : بنسى كل شي و ما بنسى يوم الراتب هههه

فارس : مشان تأمني على اكلك ههههه

فرحة : بتموتو اذا ما سمعتني حكي انت و سوسن

فارس : صحيح كمان اليوم غايبه سوسن ؟

فرحة : حكت معي مبارح قالتلي اذا صارت احسن رح تداوم من هون لساعه ببين

فارس : ان شاء الله تداوم و نرجع نجتمع .

فرحة : ان شاء الله

ورد : صباح الخير 

فرحة : صباح النور

فارس : صباح الورد

ورد : بدي ابعت حواله على تركيا

فارس : اي تفضل لمين الحواله ؟

ورد : لأختي

فارس : هويتك لو سمحت

*صرت اتأمل هالشب و انا حاسه اني بعرفو .. 

فرحة : يا الله وين شايفتو ؟ معقول شفتو بالمكتب قبل هالمرة ؟

*فجأة التفت الشب عليي و ابتسم...

ورد : يعطيكن العافية

فارس : الله يعافيك

فرحة : الله يعافيك .. فارس 

فارس : نعم

فرحة : شو اسمو الشب ؟

فارس : ورد بس مو متذكر ورد شو 

فرحة : ورد .. ورد .. ورد .. والله هالاسم مو غريب عليي

فارس : اي اطلعي من هالابواب ست فرحة و قولي انو اجاكي الحب من اول نظرة 

فرحة : اسكت فارس شو بيفهمك انت .. ورد .. ورد .. ورد

فارس : بيكفي تعيدي اسمو ناقص تقولي بيحبني ما بيحبني هههههه

فرحة : غليظ ما بإيدك

________________________________________________

#بقلم_فتاة_من_ورق_بسمه_السباعي

عامر : ماما .. ماما

مريم : ماما كمان اليوم ما رح تودينا على المدرسه ؟

عامر : ماما اصحي رح نتأخر على المدرسه

مريم : عامر في دم كتير نازل من انف الماما

عامر : ماما .. ماما اصحي عم ينزل دم من انفك لازم تغسلي .. مامااااا

تابعووووووني 

الجزء الرابع من هنا

بداية النوفيلا من هنا