نوفيلا يومًا_ما بقلم فتاة_من_ورق بسمه_السباعي الجزء_الرابع حصريه وجديده على مدونة النجم المتوهج للروايات والمعلومات

 نوفيلا يومًا_ما بقلم فتاة_من_ورق بسمه_السباعي الجزء_الرابع حصريه وجديده على مدونة النجم المتوهج للروايات والمعلومات 

نوفيلا يومًا_ما بقلم فتاة_من_ورق بسمه_السباعي الجزء_الرابع حصريه وجديده على مدونة النجم المتوهج للروايات والمعلومات 

عامر : ماما .. ماما

مريم : ماما كمان اليوم ما رح تودينا على المدرسه ؟

عامر : ماما اصحي رح نتأخر على المدرسه

مريم : عامر في دم كتير نازل من انف الماما

عامر : ماما .. ماما اصحي عم ينزل دم من انفك لازم تغسلي .. مامااااا

________________________________________________

#بقلم_فتاة_من_ورق_بسمه_السباعي

فرحة : فارس

فارس : نعم

فرحة : تأخرت سوسن

فارس : اتصلي فيها

فرحة : بعد نص ساعة بتصل

فارس : اتصلي هلأ مشان تستعجليها خليها تجي قبل ما يوصل الاستاذ جبران

فرحة : معك حق

************************************************

عامر : الو

فرحة : كيفك عمورة

عامر : مين معي 

فرحة : انا فرحة

عامر : خالة فرحة انا مو منيح

فرحة : خير حبيبي شبك ؟

عامر : الماما ما عم تصحى

فرحة : يمكن سهرت مبارح كتير حاول تصحيها

عامر : صحيناها انا و مريم بس ما عم تصحى و نازل من انفها دم

فرحة : ما تخاف حبيبي انا شوي و بكون عندكن انتبه على مريم

عامر : طيب

************************************************

فرحة : فارس اتصل بالاسعاف بسرعه و اعطيهن عنوان بيت سوسن

فارس : شو في ؟

فرحة : ما بعرف سوسن ما عم تصحى ، انا رايحه لعندها باي

فارس : ان شاء الله خير

________________________________________________

#بقلم_فتاة_من_ورق_بسمه_السباعي

*وقفت تاكسي و رحت على بيت سوسن .. وصلنا انا و الاسعاف .. هنن اخدو سوسن على المشفى و انا طلعت لحتى اخد الاولاد لعند امي...

فرحة : يلا حبيباتي بسرعه

عامر : بس رح لبس مريم بوتها

فرحة : انا بلبسها ياه البس بوتك انت

*شفت تليفون سوسن على الطاوله .. حملتو و خبيتو بشنتايتي...

فرحة : هيك صرتي جاهزه وقفي عند الباب حبيبتي 

مريم : شكرا

عامر : انا كمان جاهز

فرحة : انزلو انا رح اقفل الباب

مريم : خالة فرحة الماما ماتت

فرحة : لا حبيبتي هي تعبانه شوي بس

عامر : بس كان نازل من انفها دم

فرحة : بتكون متحسسه و عطست كتير لهيك نزل دم من انفها

عامر : يا رب ما تموت

مريم : يا رب

فرحة : امين يا رب

*وصلت على البيت فتحت الباب و دخلت...

فرحة : ماما

ام روعة : اهلين فرحة جايه بكير اليوم

فرحة : سوسن بالمشفى و انا رايحه لعندها ، جبت عامر و مريم مشان ما يضلو لحالهن بالبيت

ام روعة : خير شبها ؟

فرحة : ما بعرف هلأ بروح على المشفى و بفهم كل شي ، باي

ام روعة : الله معك طمنيني

فرحة : اكيد 

*التفتت على الاولاد شفتهن ماسكين ايدين بعض و الدمعه بعيونهن...

ام روعة : ما تخافو تيتا الماما رح تصير منيحه

عامر : يا رب

مريم : انا خايفه عليها تموت

ام روعة : بعيد الشر ، غسلو ايديكن مشان تتغدو معنا انا و جدو 

عامر : شكرا تيتا لما ترجع الماما هي بتطعمينا

ام روعة : بتاكلو هلأ معي و لما ترجع الماما بتاكلو مره تانيه اتفقنا

عامر : اي

ام روعة : ابوكن راح على المشفى يعني ؟

عامر : ما بعرف

مريم : تيتا نحنا من زمان ما شفنا البابا ، من لما ضرب الماما راح و لهلأ ما رجع

عامر : اسكتي مريم

ام روعة : طيب حبيباتي غسلو ايديكن و الحقوني على المطبخ ، لا حول ولا قوة الا بالله

________________________________________________

#بقلم_فتاة_من_ورق_بسمه_السباعي

جبران : مرحبا

فارس : اهلين استاذ جبران

جبران : شو وين فرحة و سوسن ؟

فارس : سوسن بالمشفى و فرحة معها

جبران : نسيو انو عندي رقم يتصلو عليه و ياخدو اذن ؟

فارس : الموضوع صار فجأة 

جبران : فرحة و سوسن مخصوم من راتبن و بتفهمن اذا بيتكرر هالتصرف يعتبرو حالن مفصولين 

فارس : تمام

جبران : تفضل راتبك و هالظرفين فيهن رواتب سوسن و فرحة ، يعطيك العافية

فارس : الله يعافيك

*خبيت الظروفة بالجرار...

فارس : الله يعينك على حالك لو كنت بشوفك كل يوم كنت تركت الشغل عندك من زمان .. لا تعامل ولا اخلاق

________________________________________________

#بقلم_فتاة_من_ورق_بسمه_السباعي

فرحة : يعطيكي العافيه

الممرضة : الله يعافيكي 

فرحة : سوسن خالد ، من شوي جابوها الاسعاف وين ممكن لاقيها ؟

الممرضة : بالطوارئ

فرحة : شكرا

الممرضة : العفو

*دورت بعيوني على سوسن لحتى لقيتها .. مركبينلها وحدة دم .. و لساتها مسكرة عيونها ...

فرحة : شو وضعها دكتور ؟

الدكتور : فقدت دم لهيك اغمى عليها 

فرحة : ايمتى بتقدر تطلع ؟

الدكتور : بكرى ان شاء الله

فرحة : ان شاء الله

*طلعت برا المشفى .. فتحت تلفون سوسن و اتصلت بجمال...

************************************************

جمال : الو سوسن

فرحة : سوسن ؟ سوسن رح تنحرم منها سيد جمال

جمال : مين معي ؟

فرحة : انا فرحة رفيقة سوسن 

جمال : شبها سوسن

فرحة : عم تموت بسببك انت واحد بلا ضمير و بلا احساس انت ما بتستاهل ولا تضحية من سوسن و ما بتستاهل تشوف ضفرها من يوم و رايح ، بوعدك اذا بيصرلها شي رح خليك تتخ بالسجن

جمال : فرحة فهميني شبها سوسن و وينها هلأ 

فرحة : بالمشفى

جمال : شوي و بكون عندها

*سكرت التليفون و رجعت قعدت جنب سوسن...

سوسن : مي  .. بدي مي

فرحة : تفضلي حبيبتي اشربي

سوسن : وين ولادي

فرحة : ما تخافي هن عند امي

سوسن : صرلي زمان هون ؟

فرحة : صرلك ساعة

سوسن : ما بتذكر شي ما بتذكر شو صار معي

فرحة : فقدتي دم لهيك اغمى عليكي 

سوسن : الله لا يسامحك يا جمال

فرحة : ما تبكي حبيبتي رح يتحاسب على كل شي عملو فيكي .. المهم هلأ تصيري احسن مشان الاولاد

سوسن : ان شاء الله

*بعد دقايق دخل جمال و الدمعه بعينو...

جمال : سوسن حبيبتي شبك ؟ شو صاير معك ؟

*قعد جمال على ركبو و مسك ايد سوسن .. و سوسن التفتت للجهة التانيه لحتى ما تطلع فيه ..

فرحة : بالاذن انا طالعة احكي تليفون.

سوسن : ما تتأخري فرحة

فرحة : اكيد

________________________________________________

#بقلم_فتاة_من_ورق_بسمه_السباعي

*وقفت بره و اتصلت بفارس...

************************************************

فرحة : كيفك فارس

فارس : انا منيح طمنيني عن سوسن

فرحة : الحمد لله صحيت و فتحت عيونها و حكت معي بس وجهها اصفر و شاحب لانها فقدت دم

فارس : الله يعافيها

فرحة : اجا الاستاذ جبران ؟

فارس : اي و سأل عنك و عن سوسن و خصم من رواتبكن لانو طلعتو بدون اذن 

فرحة : يبلط البحر كمان .

فارس : ترك راتبك و راتب سوسن معي 

فرحة : اذا طلعت بكير من عند سوسن بجي باخد راتبي 

فارس : تمام

فرحة : عن اذنك فارس امي عم تتصل فيي بدي طمنها عن سوسن

فارس : الله معك

________________________________________________

#بقلم_فتاة_من_ورق_بسمه_السباعي

جمال : سوسن بترجاكي سامحيني ، تطلعي بعيوني عاتبيني صرخي عصبي بس سامحيني 

سوسن : هلأ صرت بدك سامحك ؟ بعد شو جمال ؟ بعد ما خربت حياتنا

جمال : سامحيني و بوعدك لما نرجع على البيت صير انسان تاني

سوسن : انا ما بدي تصير انسان تاني ، انا بدي ترجع جمال القديم اللي بيحبني و بيخاف عليي

جمال : بوعدك ارجع متل اول و احسن بس سامحيني و صيري منيحه

سوسن : ان شاء الله

*رجعت لعند سوسن .. لسا جمال ماسك ايدها و الدمعه بعينو .. ما بعرف شو حكا معها لحتى قبلت تطلع بعيونو بس اللي بعرفو و متأكده منو انو جمال بحياتو ما رح ينصلح...

فرحة : كيفك هلأ ام السوس ؟

سوسن : الحمد لله ، تطمنتي على الاولاد ؟

فرحة : اي تغدو و هلأ عم يلعبو بغرفتي هههه

سوسن : الله يخليلي ياكن

فرحة : و يخليلنا ياكي 

جمال : الاولاد عند اهلك ؟

فرحة : اي

جمال : اذا بدك تروحي على البيت روحي انا رح ابقا جنب سوسن

سوسن : اي فرحة روحي ارتاحي انا منيحه

فرحة : طيب اذا بدك شي اتصلي فيني

سوسن : الله لا يحرمني منك

فرحة : و ما يحرمنا منك ام السوس ، باي

سوسن : باي

________________________________________________

#بقلم_فتاة_من_ورق_بسمه_السباعي

ورد : مساء الخير

فارس : مساء النور اهلا و سهلا

ورد : بدي اسأل عن الصبيه اللي كانت هون مبارح 

فارس : بتقصد فرحة ؟

ورد : اي

فارس : شبها ؟

ورد : بدي رقمها 

فارس : بعتذر منك ما بقدر اعطيك رقمها هي بكرى بتكون موجودة بتقدر تجي و تاخد رقمها منها شخصيا 

ورد : خير ان شاء الله

فارس : في شي يعني ؟

ورد : لا بس

فرحة : مرحبااا

فارس : اهلين فرحة

فرحة : اعطيني راتبي مستعجله بدي ارجع على البيت

فارس : فرحة الاستاذ طلب رقمك

فرحة : عفوا ؟ 

ورد : كيفك فرحة

فرحة : اهلين

ورد : انا ورد الصالح كنت معك بالمدرسة تذكرتيني ؟

فرحة : ورد الصالح .. ورد الصالح .. ايييي ورررد تسميع هلأ تذكرك كانت كل يوم تطالعك الانسة تسمع الدرس لهيك سميناك ورد تسميع ههههه

فارس : ههههه

ورد : ههههه الله يسامحك

فرحة : كيفك 

ورد : الحمد لله كيفك انتي .. متغيره كتير

فرحة : انت كمان متغير كتير لدرجة انو مبارح طول الوقت عم حاول اتذكرك 

فارس : فرحة تفضلي راتبك و راتب سوسن بكرى اذا شفتيها اعطيها ياه ، صارت الساعه ٤ لازم نسكر المكتب

فرحة : يسلمو ، عن اذنك ورد انا مستعجله

ورد : هاد رقمي احكي معي لما تكوني فاضيه

فرحة : ان شاء الله ، باي

فارس : بايات

ورد : الله معك

فارس : استاذ ورد بدنا نسكر

ورد : عفوا عفوا ، سلام

فارس : الله معك

*سكرت المكتب و طلعت بسرعه لحتى شوف زينة...

______________________________________

بقلم_فتاة_من_ورق_بسمه_السباعي

فرحة : هههه يا الله الدنيا شو صغيرة هلأ بعد كل هالعمر ارجع التقي بصديق المدرسة و مين ورد تسميع هههههه

تابعووووووني 

الجزء الخامس من هنا

بداية النوفيلا من هنا