نوفيلايومًا_ما فتاة_من_ورق بقلم بسمة_السباعي الجزء الاول حصريه وجديده على مدونة النجم المتوهج للروايات والمعلومات

المقدمة_واقعية

يمر العمر الثقيل حينما يحتضن يديك من تحب و يخبئها بين يديه لتدفأ من برد الدنيا .. ‏تذوب الهموم حينما تنظر إليك عينان تحبهما ويحبانك .. ‏تمتلئ روحك كل دقيقة معه بزاد وطاقة للعمر الطويل والأيام الصعبة .. ‏ويظل عزائك في مشقاتك أنه هنا .. فتطيب الأيام وتخفف من أثر قسوتها بجانبه .. فالروح تميل لمن يتفهمها .. لمن يشعرها دوما أنها تستحق .. لمن يتمسك بها حتى مع نفاذ السبعين عذرا .. لمن يهون عليها قسوة الحياة وصعوبتها .. ولمن يرافقها ويترفق بها

قصه_مستوحاه_من_الواقع

يومًا_ما

فتاة_من_ورق

بسمه_السباعي

الجزء_الآۆلْ

بينما كانت تلعب مع حزنها لعبة الاختباء .. نسي الحزن قوانين اللعبة ، وركن إلى ملامحها ، وسكن فيها.

*الصبح الساعه ٧ إلا دقيقه فتحت عيوني و بقيت عم اتأمل السقف..

فرحة : تلاته ، تنين ، واحد ، هلأ..

*رنت الساعه مشان اصحى على شغلي ، طفيت المنبه و تجلست من تختي ، كالعاده مو بحاجة منبه لحتى اصحى انا ابدا مو متل البنات يلي بتصحيهن امهن و هنن بيقولولها خلينا ننام كمان عشر دقايق..

*طلعت من غرفتي و مشيت بإتجاه المطبخ بشعري المنكوش و بيجامتي اللي بنطلونها ابدا مو مطابق لبلوزتها ، حطيت ركوة القهوة على النار و مشيت غسلت وجهي و فرشيت اسناني..

فرحة : شو هالجمال يا فرحة السواد اللي تحت عيونك زاد حسنك حسن ههههه صباح الخير يا انا.

*لبست قميص و بنطلون عاديين ، شربت فنجان القهوة و تركت الباقي لأمي و أبي لما يصحو بيشربوها ، اخدت شنتايتي و طلعت من البيت..

فرحة : صباح الخير عمو رشاد.

رشاد : صباح النور عمو فرحة.

فرحة : رغيفي جاهز ؟

رشاد : طبعا اكيد تفضلي.

فرحة : يسلمو عمو.

*كل يوم الصبح كالعاده بشتري رغيف خبز بفطرو و انا ناطره الميكرو ، اي اي رغيف خبز شو بدي اكذب عليكن و قلكن بفطر زيتونة و ربع خيارة و بطلع من البيت مستعجلة ههههه اذا ما شبعت حالي ما بركز بشغلي.

*وصل الميكرو فتحت الباب و طلعت ، قعدت جنب وحده عم تاكل اضافيرها و تكتب بتليفونها ، ما بعرف شو صرلي بس عيني لحالها راحت على شاشه تليفونها و صارت تتابع معها..

************************************************

=حبيبي اليوم معزومين عند بيت عمتي.

_مين عمتك اللي كانت بدا تخطبك لإبنها ؟

=اي

_ما في تروحي.

=ابنها خطب و تزوج و ابنو على الطريق ، و عمتي عازمه كل صبايا العيله معقوله بس انا ما روح ؟

_انا قلت ما في تروحي يعني ما في تروحي.

=شو بدي ابقا بالبيت لحالي ؟

_ابقي لحالك و ما تروحي لعندها

************************************************

فرحة : شو هالرجال هاد اكتبيلو انا عم خبرك ما عم اخد اذنك.

شروق : عفوا ؟ عم تحكي معي الي ؟

فرحة : اي عم احكي معك اصحي على حالك و شوفي كيف عم يتحكم فيكي حبيه بس ما تسمحيلو يتعدا حدو.

شروق : انتي كيف بتسمحي لحالك تطلعي على محادثتي.

فرحة : و انتي كيف بتسمحي لحالك تبقي هيك طرطوره ؟

شروق : طرطوره شو ، شو هالناس ما عاد تستحي ، نزلني على اليمين اخي نزلني.

الشوفير : تفضلي بس حاسبينا قبل ما تنزلي.

شروق : تفضل.

فرحة : ههههه الله معك طرطوره.

________________________________________________

#بقلم_فتاة_من_ورق_بسمه_السباعي

سوسن : جمال .. جمال حبيبي الفطور جاهز.

جمال : ما بدي افطر

سوسن : كل يوم بتعذبني هيك بترجاك اصحى و افطر بدي توصلني على شغلي و توصل الاولاد على المدرسه

جمال : خليهن يغيبو اليوم و انتي روحي بتاكسي انا نعسان كتير و بدي نام.

سوسن : يا الله شو عايش على مهلك.

*جهزت حالي و جهزت اولادي و طلعنا من البيت ، وقفت اول تاكسي مرت وصلت اولادي على المدرسه و كملت طريقي بإتجاه شغلي...

الشوفير : وين قلتيلي وصلك اختي ؟

سوسن : عند مكتب جبران للصرافه.

الشوفير : والله ما حدا عايش غيركن انتو اللي الكن ناس بره و عم يحولولكن.

سوسن : ما حدا حوللي انا بشتغل بالمكتب.

الشوفير : انتي مطلقه ولا ارمله ؟

سوسن : وانت شو دخلك ، نزلني عاليمين.

الشوفير : شبك شو حكينا سألت هالسؤال مشان اذا كنتي وحده من التنين اخطبك و حط راتبي على راتبك و نعيش .

سوسن : قلتلك نزلني عاليمين الله ينزع صباحك .

*رميتلو اجرتو للشوفير و نزلت معصبه...

سوسن : كيف صايره هالبلد ما عاد حدا فكر قبل ما يحكي ، يا ريتني ما تزوجت من الاساس ولا حملت كل هالمسؤوليات لحالي و جمال مقضيها نوم الصبح و سهره بالليل.

________________________________________________

#بقلم_فتاة_من_ورق_بسمه_السباعي

ام فارس : فارس يلا ماما رح تتأخر على شغلك.

فارس : يسعد صباحك ست الكل.

ام فارس : و صباحك يا عيوني الله لا يحرمني من طلتك.

فارس : و ما يحرمني منك.

ام فارس : اعطيني كيس الخبز من جنبك و سمي بالله.

فارس : الله يسلم ايديكي ، بسم الله.

ام فارس : صحه و عافيه.

فارس : على قلبك.

ام فارس : ايمتى بدي افرح فيك و صير صحيك انت و مرتك لتفطرو معي.

فارس : الله كريم ، جبلك معي شي و انا راجع امي ؟

ام فارس : ما بدي غير سلامتك يا عيوني.

فارس : ادعيلي.

ام فارس : الله يحميك و يرجعلي ياك بالسلامه يا رب.

________________________________________________

#بقلم_فتاة_من_ورق_بسمه_السباعي

*وصلنا على المكتب بنفس الوقت انا و سوسن...

فرحة : صباح الخير ام السوس.

سوسن : صباح النور.

فرحة : ليش الحلو مكشر هيك.

سوسن : من هالشعب اللي ما عاد عندو لا عقل ولا تفكير.

فرحة : ههههه اي طولي بالك لو تعرفي شو صار معي اليوم بتعصبي اكتر.

سوسن : ما بدي اعرف مو ناقصني تعصيب.

فارس : صباح الخير.

فرحة : صباح النور.

سوسن : صباح النور.

فرحة : و هيك اكتمل الفريق رح اعمل تلت فناجين قهوه قبل ما يبلشو يجو اصحاب الحوالات.

فارس : يسلم ايديكي فرحة.

فرحة : و ايديك.

سوسن : خليلي ياها سادة فرحة.

فرحة : بعرف رح اعملك ياها سادة لانو ما بتحبي تشربي شي حلو و انتي معصبه ههههه

سوسن : ما تسمعيني حكي فرحة قلتلك مو ناقصني تعصيب.

فرحة : طيب طيب ماشي ههههه

*قعدنا ورا مكاتبنا و شربنا القهوه ، كنت ملاحظه انو سوسن متوتره كتير لهيك حاولت قد ما فيي خفف عنها.

فرحة : شو بدنا نطلب غدا اليوم ؟

فارس : من هلأ عم تفكري بالغدا فرحة ههههه

فرحة : لا عم فكر كيف طالعكن من جو الاكتئاب.

سوسن : انا ما بدي اطلب شي اليوم و ما بدي اكل حتى فطور ما افطرت.

فرحة : سوسن حبيبتي كلو إلا الاكل ، انا ما عم افهم شو ذنبو الاكل الطيب بالمشاكل شو ذنبو نحرمو من انو ناكلو اذا كنا معصبين ، يعني انا مثلا ببكي و انا عم اكل بضحك و انا عم اكل بعصب و انا عم اكل ، الاكل هو السعاده الوحيده بهالدنيا لي نحرم حالنا منو.

فارس : لازم نزوجك لواحد عندو مطعم مشان تضلي تاكلي لتنفزري.

فرحة : لا تفتح سيره الزواج هي السيره الوحيده اللي بتسدلي نفسي هههههه

فارس : هههههه معناها لما تقرري تعملي ريجيم خبريني مشان افتح سيره الزواج و تنسد نفسك.

سوسن : ليش فرحة بحاجه ريجيم مو شايفها بتاكل قدي و قدك و ما بتسمن.

علي : صباح الخير .

فرحة : صباح النور.

علي : بدي حول ٥٠ الف لحماه.

فرحة : عطيني هويتك.

علي : تفضلي.

فرحة : لمين بدك تحولها ؟

علي : أمل السعيد.

فرحة : تمام ، عطيني المبلغ.