نوفيلا يومًا_ما فتاة_من_ورق بقلم بسمه_السباعي الجزء_الثاني حصريه وجديده على مدونة النجم المتوهج للروايات والمعلومات

 نوفيلا يومًا_ما فتاة_من_ورق بقلم بسمه_السباعي الجزء_الثاني حصريه وجديده على مدونة النجم المتوهج للروايات والمعلومات 

نوفيلا يومًا_ما فتاة_من_ورق بقلم بسمه_السباعي الجزء_الثاني حصريه وجديده على مدونة النجم المتوهج للروايات والمعلومات 

فارس : هلأ انتو التنتين خرج الواحد يوثق فيكن ؟

فرحة : اي اكيييد.

سوسن : طبعا فارس نحنا متل خواتك.

فارس : انا مغروم بصبيه و بدي طريقه حلوة اعترفلا فيها.

فرحة : شووو ؟!

سوسن : فارس مغروووم !

فارس : شبك انتي وياها رح تاكلوني

فرحة : لي ما خبرتنا من زمان

سوسن : بدك تحكيلنا كل شي عن الكنة المستقبلية

فارس : بس اعطيني كاسة مي لأنو نشفتو ريقي

فرحة : ههههه تفضل

فارس : مغروم بالصبيه اللي بتشتغل بمحل النضارات يلي جنبنا

فرحة : اي اسما زينة

فارس : بتعرفي كل شي انتي

سوسن : اكيد بتعرف لانو ما بتخلي حدا ما بتحكي معو و بتدخل فيه ههههه

فرحة : اسكتي سوسن خليه يكمل 

فارس : و صرلنا ٣ شهور منسلم على بعض و منبتسم لبعض يعني اعجاب متبادل

فرحة : اي حلو كتير 

سوسن : يعني عم تفكر تخطبها ؟

فارس : اي ان شاء الله ناوي كمل حياتي معها 

فرحة : شو رأيكن نطلب الغدا و نخليها تجي تتغدا معنا

سوسن : فرحة مجنونة انتي اصحي نحنا بالشغل مو بالبيت لحتى تناديها

فارس : كلام سوسن صحيح بعدين حتى هي عندها شغل هلأ

فرحة : طيب ماشي

فارس : المهم اعطوني طريقه حلوة اعترفلا فيها 

سوسن : هلأ انا لما جمال حبني كانت باطله هديك الساعة اجا  و دجني كل شي بصراحة و انا حبيت صراحتو ريتو الله اخدني قبل ما حبها لهالصراحه اللي صارت سبب مشاكلي بالحياه 

فارس : ههههههه و انتي فرحة كيف اعترفلك مهند ؟

فرحة : مهند 

سوسن : فارس شبك !!

فارس : انا اسف

فرحة : مو مشكله 

فارس : انا ما بقصد ذكرك بس كنت حابب اعرف الطريقه

فرحة : اذا بتحبها عن جد ما في داعي لكل الطرق ، اطلب تقعد معها بمكان عام و احكي معها بهدوء و لطف و حنيه ، البنت بعمرو ما همها الطريقه كل اللي بيهمها الحب الصادق الحقيقي 

فارس : معك حق

فرحة : بالاذن انا طالعه شم هوا برا

سوسن : ما تتأخري لأنو الاستاذ جبران بيكون شايفنا بالكاميره

فرحة : بعرف

*طلعت من المكتب و عيوني مدمعين .. شو هالوجع اللي تركتو بقلبي يا مهند .. شو هالكسر اللي زرعتو بعيوني .. بعد ما كان اسمك مصدر سعادتي .. هلأ صار اهم سبب لإبكي و ينقلب مزاجي للأسوأ...

#بقلم_فتاة_من_ورق_بسمه_السباعي

سوسن : ليش ذكرتها فيه ؟

فارس : والله ما قصدي كل همي اعرف الطريقه و بس

سوسن : بعرف ما قصدك بس هلأ رجعتلها كل الزعل و القهر اللي عم نحاول ننسيها ياه 

فارس : عم فكر روح جبلها شي تاكلو مشان تسامحني 

سوسن : هههههه 

فرحة : ههههههه سمعتك اي اي جبلي شي اكلو ما رح سامحك اذا ما جبتلي اكل .

فارس : ههههه من عيوني .

فرحة : بطريقك مر سلم على زينة

فارس : اكيد .. اصلا كل روحتي مشان سلم على زينة بطريقي .

سوسن : الله يتمملكن على خير

فارس : آمين 

فرحة : آمين ، رح اتصل بأمي اكيد بتكون صحيت.

سوسن : و انا رح اتصل بجمال .

************************************************

ام روعة : الو

فرحة : صباح الخير ماما

ام روعة : صباح النور

فرحة : صحيتو انتي و بابا ؟

ام روعة : اي صحينا و عم نشرب القهوة اللي تركتيلنا ياها 

فرحة : صحه و هنا

ام روعة : على قلبك

فرحة : شو طابخة اليوم 

ام روعة : بعرف متصله لتسألي هالسؤال 

فرحة : ههههه بدي سايرك محتاره شو احكي

ام روعة : بدي اطبخ باميه

فرحة : يا لطيف شو طيبه انطروني لإرجع منتغدا سوا

ام روعة : بس ترجعي بتتغدي لحالك لأنو ابوكي جوعان و بدو الغدا بسرعه 

فرحة : اي كالعاده

ام روعة : شو ؟

فرحة : ولا شي ماما عن اذنك عندي شغل هلأ

ام روعة : اذنك معك .

************************************************

#بقلم_فتاة_من_ورق_بسمه_السباعي

فرحة : حكيتي مع جمال ؟

سوسن : ما رد اكيد لسا نايم .

فرحة : الله يعينك على هالرجال 

سوسن : انا غبيه انا تحديت اهلي مشان كمل عمري معو و هو ما ترك طريقه ليكرهني باللحظه اللي تحديت اهلي فيها كرمالو

فرحة : بالنهايه هاد نصيبك سوسن و هلأ بعد ما صار عندك ولدين ما عاد فيكي تتركيه ، بدك تصبري و تتحملي و تتذكري انو هاد خيارك و انتي مسؤوله عنو .

سوسن : بعرف مو ناسيه و ما رح انسى ، المهم انتي شبك 

فرحة : ولا شي كالعاده امي كل همها رضا ابي بحياتها ما فكرت انا شو بحب .

سوسن : كل الكبار بالعمر هيك

فرحة : لا سوسن امي من زمان ما بيهمها غيرو ما بعرف لي خلفتنا انا و اختي روعة اذا هي بحياتها ما اهتمت فينا متل ما بتهتم بأبي

سوسن : ما بعرف شو مزعلك المفروض تكوني فرحانة انو بيحبو بعض و بيهتمو ببعض

فرحة : بابا ما بيحب امي ولا عمرو حبها ، هو بيحب حالو و بيحب اهتمامها المبالغ فيه و هي بدها رضاه ليرضى لدرجه بعمرها ما سألتنا انا و روعة اذا زعلانين او لا ، زوجت روعة على الغربة لتنساها و انا صارت معي قصه مهند ولا مرة سألتني لي عم تبكي ، بعرف ما في بحياتي مأساة بس قلة المحبة من الأهل بتخليكي تكرهي حالك بدون ما تكرهين .

سوسن : ما في حدا بيكره اهلو.

فرحة : بس في كتير بيكرهو حالن بسبب اهلن.

سوسن : الله يعيننا و يقوينا على هالحياة

فرحة : آمين 

أمجد : مرحبا يعطيكن العافيه

فرحة : اهلا 

أمجد : في الي حواله من حلب بدي استلما

فرحة : اعطيني رقم الحواله

أمجد : تفضلي

فرحة : من مين واصلتك ؟

أمجد : من اهلي 

فرحة : هويتك

أمجد : تفضلي 

*صرت اتأمل صورتو بالهويه و اتطلع فيه و ارجع اتطلع بالهويه...

فرحة : يا الله لي الهويه بتطالع الواحد شبه صحن المجدره و هو بالحقيقه حلو.

*اجت عيني بعين الشب ابتسملي و ابتسمتلو و كملت شغلي...

أمجد : حكيتي شي ؟

فرحة : لا ابدا عم احكي مع حالي .

أمجد : تمام.

فرحة : وقع هون استاذ أمجد.

أمجد : اي وين ؟

فرحة : هوون

أمجد : تم

فرحة : تفضل هي المبلغ

أمجد : شكرا يعطيكي العافيه 

فرحة : الله يعافيك

*حطيت ورق بالطابعة و التفتت شفت الشب لسا واقف و عم يتطلع فيي و يبتسم...

فرحة : في شي ؟

أمجد : لا ابدا

فرحة : المبلغ صار معك فيك تمشي

أمجد : هههه تمام

فرحة : باي استاذ أمجد الباب من هون

أمجد : شكرا ، باي

فرحة : باااي ههههه

سوسن : شبو هاد 

فرحة : ما بعرف صفنت فيه و عم قارن بينو و بين صورتو بالهويه صدق حالو

سوسن : ليش لهي الدرجة الاختلاف ؟

فرحة : لا بس متفاجأة كيف الصورة بالهويه بتغير الانسان هههههه

سوسن : هههههه معك حق انا لهلأ بحاول اخفي هويتي عن عيون جمال مشان ما يتمسخر

فرحة : لابقلو جمال بيك يحمد ربو انك لهلأ صابرة عليه

سوسن : الله يجبر خاطرك

________________________________________________

#بقلم_فتاة_من_ورق_بسمه_السباعي

فارس : مرحبا

زينة : اهلا .. اهلا فارس

فارس : كيفك زينه 

زينة : منيحة ، قصدي هلأ صرت منيحة

فارس : و انا كمان هلأ صرت منيح ، بقدر شوفك بعد الدوام ؟

زينة : وين ؟

فارس : بهي الجنينه اللي قبالنا ، حابب احكي معك

زينة : اي اكيد 

فارس : معناها بشوفك

زينة : ان شاء الله

فارس : سلام

زينة : مع السلامه 

*طلع فارس من المحل صرت نط من فرحتي .. بعدين تذكرت انو في كاميرات رجعت قعدت مكاني و صرت اضحك...

________________________________________________

#بقلم_فتاة_من_ورق_بسمه_السباعي

*رجع فارس على المكتب بعد ما جبلنا الغدا .. بلش يحكيلنا عن زينة و اديه عشقانها .. حسيت بالغيرة ، مو لأنو فارس عشقان بس غرت لأنو ما حدا حبني بهي الطريقة .. الشخص الوحيد اللي حبيتو بحياتي طلع اكبر كذاب و كسرني ...

سوسن : فرحة .. فروووح

فرحة : اي

سوسن : وين شاردة ؟

فرحة : ولا شي 

سوسن : كيف ولا شي فارس عم يسألك اذا سامحتيه 

فرحة : ههههه ولو فارس اكيد سامحتك نحنا اخوة

فارس : طمنتيني معناها عجبك الاكل لو ما عاجبك ما كنتي سامحتيني

فرحة : هههههه

*الساعة ٤ خلص دوامنا و كل حدا مننا راح بطريق...

________________________________________________

#بقلم_فتاة_من_ورق_بسمه_السباعي

فارس : مساء الخير

زينة : مساء النور

فارس : تأخرت عليكي ؟

زينة : لا ابدا انا هلأ وصلت

فارس : زينة

زينة : نعم

فارس : هههههه

زينة : شبك ؟

فارس : بعتذر بس متوتر شوي

زينة : ههههه مو مشكله حتى انا متوتره

فارس : صرنا تنين ، زينة انا ما بعرف احكي مقدمات .. بدي تعرفي انو انا معجب فيكي ، لا ما بس معجب فيكي انا ميت فيكي

زينة : بعيد الشر

فارس : انتي بتبادليني نفس الشعور يعني ميته فيني ؟ بقصد بتقبلي بإعجابي ؟ ما هيك يا فارس .. بتمنى ما يكون شعوري من طرف واحد

زينة : ههههه بكفي توتر فارس لو شعورك من طرف واحد انا ما كنت معك هلأ .

فارس : الحمدلله و اخيرا لقيت البنت اللي رح كمل حياتي معها

زينة : يمكن بكير شوي على هالتفكير صح ؟ خلينا نتعرف على بعض اكتر وقتها منقرر اذا رح نكمل حياتنا سوا او لا

فارس : اي منتعرف اصلا من لما شفتك و انا مستني اللحظه اللي نتعرف فيها على بعض.

________________________________________________

#بقلم_فتاة_من_ورق_بسمه_السباعي

فرحة : ماما .. بابا انا اجيت.

ام روعة : وطي صوتك ابوكي نايم.

فرحة : تركتكن نايمين و رجعت لقيتكن نايمين.

ام روعة : الاكل على الطاوله تغدي و اجلي الجليات و صحينا بعد ساعه.

فرحة : طيب ماشي.

*الوحده بشعه كتير .. الوحده بتقتل .. كل يوم بصحى بيكون عندي امل انو اليوم احسن بس من هاللحظه صرت متأكده انو ما في شي رح يصير احسن.

________________________________________________

#بقلم_فتاة_من_ورق_بسمه_السباعي

*وصلت على البيت شفت ولادي فارشين الارض بدفاترهن و عم يكتبو واجباتهن...

سوسن : رجعتكن خالتو سعاد من المدرسة صح ؟

عامر : اي ماما 

سوسن : ابوكن صحي شي ؟

مريم : لا ماما لهلأ نايم

سوسن : استغفر الله ، كملو واجباتكن رح اعمل الغدا مشان نتغدا سوا

عامر : اجي ساعدك ماما

سوسن : لا حبيبي كمل واجباتك.

*دخلت على غرفتي شفت جمال بعدو نايم .. حسيت بغصه و قهر كبير .. لأيمتى بدي ضل هيك ؟ كل شي عليي و هو همو سهرو...

سوسن : جمال .. جمااااااال

جمال : اي شوفي ليش عم تصرخي ؟

سوسن : الساعه ٤ و نص اصحى بيكفي 

جمال : و تصير ٦ شو يعني 

سوسن : قوم شوفنا اقعد معنا انا و الاولاد اسألنا عن حالنا شو هاللامبالاة اللي عايش فيها ولا كأنك متزوج و عندك اولاد 

جمال : انا هيك و اذا ما عاجبك الطريق لبيت اهلك معروف

سوسن : شو يعني عم تعايرني لأنو ما فيني اشكي لأهلي عنك ؟

جمال : ما حدا ضربك على ايدك و قلك وقفي بوجهن مشاني 

سوسن : انت عديم احساس و اناني و ما بتستاهل كل شي عملتو و عم اعملو مشانك 

جمال : اخرسي سوسن ما بدي زعلك

سوسن : ما بدك تزعلني ؟ و كل اللي عم تعملو شووو

جمال : قلتلك اخرسي شايف صرتي ترفعي صوتك

سوسن : ما رح اخرس و بدي ارفع صوتي لانو العيشه معك صارت بتقرف

جمال : انا العيشه معي صارت بتقرف ؟ صار الك لسان تحكي و تصرخي فيه يا بنت الكلب

سوسن : ما بسمحلك تسب ابي و كل كلمه بتقلي ياها بتكون راجعه الك 

جمال : قصدك انا ابن كلب

سوسن : افهما متل ما بدك تفهما

جمال : انتي صار بدك تربايه من اول و جديد

*اي .. ضربني .. هي مو اول مره بتعلم اصابع جمال على خدي .. كل لحظه و كل ثانيه كان عم يثبتلي ادي انا غلطانه بإختياري الو ..

مريم : عامر انا خايفه

عامر : ما تخافي مريم انا معك

مريم : خايفه على ماما كتير يا ريتك اكبر يا عامر و تدافع عن ماما

عامر : انا كبير و رح دافع عنها

*ركضت على غرفه امي و ابي و حاولت ادفش ابي و ابعدو...

عامر : بعد عنهااا

جمال : عم تعلمي الاولاد يوقفو بوجهي كمان 

سوسن : ما علمت حدا بس انت لو فيك ذرة رجوله ما بتعيش ولادك هيك شعور 

جمال : بسيطه حسابك ما خلص 

*طلع جمال من البيت و تركنا انا و الاولاد عم نبكي...

عامر : ما تبكي ماما من يوم و رايح رح احميكي منو

مريم : انا كمان ماما رح صير احميكي منو

سوسن : الله يخليلي ياكن يا روحي انتو

*حسيت بالامان من ابني اللي صفو تالت و بنتي اللي صفها اول و ما قدرت حس بالامان ولا يوم من الانسان اللي اخترتو و وقفت بوجه اهلي كرمالو....

*بعد ساعتين بعتت رساله لفرحة...

************************************************

سوسن : فرحة انا تعبانه شوي ما رح داوم بكرى ، تصبحي على خير.

************************************************

*طفيت تليفوني حضنت اولادي و نمت...

________________________________________________

#بقلم_فتاة_من_ورق_بسمه_السباعي

*باليوم التاني وصلنا على المكتب انا و فارس...

فارس : صباحو

فرحة : صباح النور 

فارس : غريب تأخرت سوسن

فرحة : مو مداومة اليوم خبرتني مبارح انها تعبانه شوي

فارس : خير ؟

فرحة : ما بعرف حاولت افهم منها ما وصلتها رسائلي جربت اتصل فيها تليفونها مسكر 

فارس : ان شاء الله خير

فرحة : ان شاء الله ، شو صار معك مبارح انت و زينة ؟

فارس : يا لطيف يا فرحة شو بتنحب هالزينة ، وحده غيرها كانت تركتني و مشيت على قد ما توترت ههههه

فرحة : هههههه خبرني تفاصيل 

فارس : وصلت على الجنينه شفتها قاعدة على الكرسي

فرحة : اي

مهند : صباح الخير 

فرحة : مهند !! انت شو جابك ؟

مهند : فرحة بدي احكي معك 

فرحة : ما عاد في شي نحكيه اطلع لبرا مهند .. لبرااااا

مهند : فرحة

فرحة : لبرااااااا

فارس : خلص يا رجل اطلع امشي معي 

*فقدت صوابي لما شفت مهند .. صرت ارجف و عض شفافي من العصبيه و التوتر ...

تابعووووووني 

الجزء الثالث من هنا

بداية النوفيلا من هنا