نوفيلا يوما ما بقلم فتاة_من_ورق بسمه_السباعي الجزء_الخامس حصريه وجديده على مدونة النجم المتوهج للروايات والمعلومات

نوفيلا يوما ما بقلم فتاة_من_ورق بسمه_السباعي الجزء_الخامس حصريه وجديده على مدونة النجم المتوهج للروايات والمعلومات 

نوفيلا يوما ما بقلم فتاة_من_ورق بسمه_السباعي الجزء_الخامس حصريه وجديده على مدونة النجم المتوهج للروايات والمعلومات 

*بصباح اليوم التاني...

فرحة : بدك شي ماما

ام روعة : من هلأ رايحه على الشغل ؟

فرحة : لا بدنا نروح نشتري ورد لسوسن و اخد الاولاد لعندها .. اليوم بدها ترجع على بيتها

ام روعة : سلميلي عليها

فرحة : الله يسلمك ، يلا عامر و مريم انزلو

عامر : باي تيتا

ام روعة : الله معكن حبيباتي

________________________________________________

#بقلم_فتاة_من_ورق_بسمه_السباعي

زينة : الو

فارس : زينة و اخيرا رديتي عليي ، وينك انتي 

زينة : بالبيت

فارس : هيك بكل بساطة بتخبريني انك بالبيت بدون أيا مبرر لغيابك ، مبارح نطرتك ساعتين بالشارع و اتصلت فيكي كتير تليفونك مسكر فهميني شبك

زينة : مريضه شوي

فارس : سلامتك .. خوفتيني عليكي كتير

زينة : عن جد خايف عليي فارس

فارس : الانسان بيقدر يمثل بكل شي الا بمشاعرو لانو المشاعر مو بالايد

زينة : بحياتي ما حدا خاف عليي

فارس : زينة انا بخاف عليكي من نسمه الهوا صدقيني لو بعرف عنوان بيتك كنت اجيت من مبارح لشوفك و اتطمن عليكي

زينة : لا فارس .. قصدي ما في داعي انا منيحه كتير و بكرى رح داوم و شوفك

فارس : انتبهي على حالك و ايا شي بتحتاجيه احكي معي

زينة : ان شاء الله .. باي

فارس : الله معك

*سكرت التليفون مع زينة و كل همي انها تصير احسن و تداوم و ارجع شوفها...

________________________________________________

#بقلم_فتاة_من_ورق_بسمه_السباعي

فرحة : صباح الخير ام السوس

سوسن : صباح النور

عامر : صباح الخير ماما

مريم : جبنالك ورد معنا

سوسن : صباح النور يسلمو ايديكن يا روحي

مريم : بابا اشتقتلك كتير

جمال : و انا اشتقتلك حبيبتي ، و اشتقت لعامر .. عامر كيفك بابا

عامر : منيح .. ماما انتي منيحه ؟

سوسن : منيحه يا روحي منيحه كتير بشوفتكن

فرحة : تفضلي هالظرف سوسن

سوسن : شو هاد ؟

فرحة : نقوطك

سوسن : نقوط شو .. شو المناسبة

فرحة : ههههه يا جدبة هاد راتبك جابو مبارح الاستاذ جبران 

سوسن : هههههه يسلمو ايديكي

فرحة : بالاذن ما بدي اتأخر على الشغل .. لم توصلي على البيت خبريني

سوسن : اكيد

فرحة : جمال

جمال : نعم

فرحة : انتبه على سوسن

جمال : سوسن بعيوني

فرحة : ان شاء الله .. باي

سوسن : الله معك

عامر : باي خالة

*طلعت من المشفى اخدت تاكسي و رحت على المكتب...

جمال : عامر ما سلمت عليي اختك حضنتني و انت حتى مرحبا ما قلتلي

عامر : بدك توعدني ما عاد تضرب امي

جمال : بوعدك

سوسن : الله لا يحرمني منكن

جمال : و ما يحرمنا منك و تضلي منوره البيت

________________________________________________

#بقلم_فتاة_من_ورق_بسمه_السباعي

فرحة : صباح الخير فارس

فارس : صباح النور ، كيف صارت سوسن ؟

فرحة : الحمد لله احسن

فارس : الحمد لله

فرحة : شبك ما على طبيعتك

فارس : زينة ما اجت مبارح .. ما التقينا

فرحة : ليش 

فارس : مريضه

فرحة : سلامتها بكرى بتصح و بترجع بتشوفها

فارس : ان شاء الله ، بدي اخد رأيك

فرحة : بشو 

فارس : عم فكر اعملها تنسيقه ورد يوصلولها ياها بكرى على الشغل و بدي منك تختاري معي شو رأيك بهي التنسيقه ؟

فرحة : يا الله ايمتى بدي اوصل لمرحله فوت على الشغل و الاقي ورد على المكتب او كاسة قهوه ، صرلي كذا سنه بشتغل هون بحياتي ما صار معي هيك موقف 

فارس : هلأ بدك تساعديني ولا بدك تندبي حظك ؟

فرحة : بساعدك بساعدك برأيي تاخدلها هي .. البنات بيحبو الورد الاحمر

فارس : يسلمو معناها رح اختار الزهريه

فرحة : مشكلتك غليييظ لي بتاخد رأيي اذا بدك تعمل عكسو

فارس : ههههه مشان توصلي لهي المرحله من العصبيه .. عم امزح معك رح اطلب اللي اخترتيها

فرحة : اي هيك ها فروسه هلأ كحلتا

فارس : ما تسمعك زينة عم تقوليلي فروسه لتقطعك بأسنانها

فرحة : بتغار مني ؟

فارس : كتيييير

فرحة : واو معناها اكتب على الكرت اختيار الفرحة المرحة

فارس : بدك توقعيني بمصايب الها اول ما الها اخر يا مرحة 

فرحة : هههههه رايحه اشتري بزر 

فارس : و انتي طالعة من الدوام بتشتري

فرحة : لااا بدي اشتريه هلأ و اقعد تحت المكتب و اكلو

فارس : انتي ما رح تهدي لحتى تتقلعي ههههه

فرحة : ههههه باي

*طلعت من المكتب و بعد ما مشيت خطوتين رن تليفيوني...

************************************************

فرحة : الو

روعة : كيفك فروحتي

فرحة : هلأ صرت منيحه لما سمعت صوتك روريتي

روعة : كذابه لو هالحكي صحيح كنتي بتتصلي فيني

فرحة : والله ما كان عندي وقت صار معي مصيبه بخبرك فيها بعدين على رواق بس احزري بمين التقيت 

روعة : مين 

فرحة : ورد تسميع ههههه

روعة : ورد تسميييع

فرحة : ههههه اي

روعة : وين التقيتي فيه

فرحة : بالمكتب 

روعة : حلو كتير شو حكيتو

فرحة : ولا شي تذكرنا بعض و سلمنا على بعض و عطاني رقمو و راح

روعة : اتصلتي فيه ؟

فرحة : اكيد لا 

روعة : ليش لا فروحتي لإيمتى بدك تضلي مسكره على قلبك

فرحة : قلب شو روريتي هلأ بيطلع متل مهند متزوج و عندو ولد و بدو يكذب عليي شوي ههههه

روعة : مو كل اصابعك متل بعض

فرحة : خلينا نغير الموضوع ما بدي ينخرب مزاجي

روعة : متل ما بدك بس يوم الجمعة رح نحكي مطولا بهالموضوع

فرحة : ان شاء الله ، ايمتى بدك تجي لعنا انتي ؟

روعة : انا مشان هيك متصله فيكي

فرحة : شو في ليش 

روعة : حكيت الصبح مع امك و خبرتها انو حابه انزل اجازه لعندكن حزري شو كانت رده فعلا

فرحة : شو

روعة : قالتلي لا امي ما صرلك ٧ شهور جايه زياره و ابوكي بيوجعو راسو من اصوات ولادك و ما مستعده شوف ابوكي مزعوج

فرحة : هههههه اي ما تعودتي عليها امك من يوم يومها ما في شي بيهمها غير ابوكي .. كل الامهات بيحبو ولادهن اكتر الا امك بتحب ابوكي اكتر من اولادها

روعة : صار عمري ٢٨ سنه و انا لهلأ ما فهمت شو السر اللي مخليها تحب ابوكي بهي الطريقه مع انو متزوجين تقليدي

فرحة : ما بعرف بس بوعدك اعرف ، انا رح وصل على المكتب بحكي معك بعدين

روعة : ليش وين كنتي 

فرحة : طلعت اشتريت بزر

روعة : بزر بالمكتب فرحة بزررر 

فرحة : اي بزر شو يعني 

روعة : الله يهديكي

فرحة : و يهديكي هههههه باي

روعة : باي

************************************************

#بقلم_فتاة_من_ورق_بسمه_السباعي

*وصلت و قعدت تحت مكتبي و صرت اكل بزر...

فارس : فرحة الفاره اطلعي

فرحة : بس لخلص البزرات

فارس : الاستاذ جبران بيكون شايفك من الكاميره

فرحة : اي عادي يشوفني شو بدو يعمل يعني بدو يخصم من راتبي يخصم

فارس : لا بيقلعك

فرحة : بيقلعني من الباب برجع من الشباك ههههه

فارس : مصيبه انتي مصيبه

فرحة : خلص يا غليظ بدي اعرف اتهنى بهالبزرات

فارس : اي تهني 

________________________________________________

#بقلم_فتاة_من_ورق_بسمه_السباعي

*بعد مرور ٣ أيام...

*رجع اجتمع بالمكتب الثلاثي المرح...دخلنا على المكتب انا و سوسن و كان فارس بإنتظارنا...قربت من مكتبي رميت شنتتي عليه و تفاجأت بصندوق مليان ورد على مكتبي...

فرحة : فااااارس انت جايبن 

فارس : شو مفكره حالك زينة لحتى جبلك هيك ورد

سوسن : شو حلويييين ، ليكي في كرت اقرأي شو مكتوب عليه

*سحبت الكرت قرأتو و صرت اضحك بجنون...

سوسن : من مين الكرت

فارس : فرحة احكيلنا من مين الكرت

سوسن : و فرطه ان شاء الله حاجه تضحكي و احكي 

فرحة : اسمعو اسمعو

فارس : سمعينا

فرحة : مكتوب "اذا انتي نسيتيني انا بعمري ما نسيتك و لساتني منتظر اتصالك .. توقيع ورد تسميع الصالح" هههههه

فارس : حتى هو لقب حالو ورد تسميع ههههه

سوسن : رساله كلها رومنسيه على شو عم تضحكي يا هبله

فرحة : رومنسيه .. انا نسيت الرومنسيه من زمان و صرت حسها كذب بكذب لدرجه انو صارت تضحكني

سوسن : انتي صرتي مريضه نفسيا بسبب مهند

فارس : اذا مهند كسرك هالشي ما بيعني انو الكل متلو

فرحة : انتو لإيمتى بدكن تضلو تذكروني بمهند

سوسن : لما انتي تنسيه بالاول

فرحة : ملاحظه انك عم تتمادي معي ؟

سوسن : فرحة شبك انا عم احكي مشانك

فرحة : ما بدي تحكو مشاني ما بدي حدا يحكي معي بالاساس

سوسن : فرحة وين رايحة فرحة

فارس : تركيها سوسن هلأ بترجع

سوسن : شو حكيت معها لحتى تزعل هيك

فارس : لساتها متأثره بقصه مهند و ما رح تنساه لحتى يجي حب جديد يخلي قلبها يرجع يدق 

سوسن : الله يجبر خاطرها

________________________________________________

#بقلم_فتاة_من_ورق_بسمه_السباعي

*طلعت من المكتب و قعدت بالحديقه .. ما قدرت امنع دموعي .. عم حس كل شي ضدي .. و عم حس أيا حدا عم يجرب يتقرب مني هو مجرد شخص بدو يكسرني و يئذيني ..

*مسحت دموعي بإيدي و بعتت رساله ل ورد...

فرحة : "شكرا على الوردات الحلوين كلك ذوق"

*بعد ثواني وصلتني رساله من ورد...

ورد : "حلوين بس مو احلى منك"

*تنهدت بعد ما قرأت رسالتو و رديت عليه...

فرحة : "اذا بدك تستمر صداقتنا ما تحكيني بهي الطريقه"

ورد : "بعتذر .. بتقبلي عزيمتي على فنجان قهوه بكرى بما انو بكرى جمعه يعني عطله"

فرحة : "بفكر و بردلك خبر"

ورد : "ناطرك"

*سكرت التليفون و صرت اتطلع على ايدي اليمين تحديدا مكان المحبس...

فرحة : ليش هيك عملت فيني يا مهند .. بسببك صرت خاف من كل الناس .. صرت حس اذا حدا قلي مرحبا عم يكذب عليي .. ليش كسرت قلبي بهالبساطه و هلأ مكمل حياتك عادي ولا كأنو في شي ..

*بقيت بالحديقه لحتى خلص وقت الدوام .. رجعت على البيت

________________________________________________

#بقلم_فتاة_من_ورق_بسمه_السباعي

*طلعت سوسن من المكتب و بقيت انا عم رتب المكتب قبل ما اطلع لشوف زينة .. بعد لحظات رن تيليفوني...

************************************************

فارس : الو

ام فارس : كيفك ابني

فارس : الحمد لله بخير كيفك انتي

ام فارس : الحمد لله .. كمان اليوم رح تتأخر لترجع ؟

فارس : اي طالع مع زينة .. تغدي انتي اذا جوعانة لا تستنيني

ام فارس : كيف اتغدى لحالي يا ابني .. بيكفي طلعات مع هالبنت .. اليوم لازم تاخد رقم امها مشان احكي معها و روح اطلبلك ياها ، على الاقل هيك بتصير بتجي بتتغدا معنا هي كمان منو منتونس فيها و منو ما عاد تتأخر برجعتك 

فارس : بوعدك اليوم احكي معها بهالموضوع

ام فارس : الله يرضى عليك

فارس : بدك شي امي

ام فارس : سلامتك حبيبي

فارس : سلام

ام فارس : الله معك

************************************************

*كملت ترتيب المكتب بسرعة تعطرت و طلعت...

________________________________________________

#بقلم_فتاة_من_ورق_بسمه_السباعي

سوسن : مرحبااا

عامر : اهلين ماما

مريم : اشتقنالك ماما

سوسن : و انا اشتقتلكن كتير حبيباتي .. وينو البابا ؟

عامر : رجعنا من المدرسه و راح

سوسن : ما فهمت لوين راح ؟

عامر : ما قلنا بس قلي انتبه على اختك

سوسن : هلأ الساعه ٤ و نص و انتو صرلكن من الساعه ١ بالبيت لحالكن 

عامر : اي

مريم : ماما انا جوعانه كتير

سوسن : رح بدل تيابي و اعملكن غدا

*رحت على غرفتي و انا متفاجأه بتصرف جمال .. اتصلت فيه لحتى افهم وين راح ما رد...

سوسن : خير ان شاء الله.

________________________________________________

#بقلم_فتاة_من_ورق_بسمه_السباعي

*وصلت على البيت عيوني منفخه من كتر البكي .. توقعت رساله اعتذار من سوسن او رساله من فارس يطلب مني ارجع على المكتب بس توقعي ما كان بمحلو أبدا .. و يلي مو متوقعتو صار و هو انو تجي امي و تسألني شبك...

ام روعة : فرحة حبيبتي شبك

فرحة : ما فيني شي ماما

ام روعة : بس عيونك عم تحكي انو في شي 

فرحة : غريب .. هاليوم غريب كتير .. رفقاتي اللي توقعت يسألو عني ما سألو و انتي اللي ما بتذكر ايمتى سألتيني شبك هلأ جايه و عم تطمني عليي

ام روعة : لانو ولا مره حسيت انك بحاجتي غير هالمره

فرحة : بس انا دايما بحاجتك ماما 

ام روعة : خبريني حبيبتي شبك

فرحة : بالاول انتي خبريني 

ام روعة : عن شو 

فرحة : خبريني ليش طول عمرك بتهتمي لبابا اكتر ما تهتمي فينا انا و روعة .. ليش كل حياتنا مبنيه على راحتو و سعادتو  .. هلأ انا بعرف هي واجبات الزوجه اتجاه زوجها بس مو لهالدرجه

ام روعة : لما خطبني ابوكي كان عمري ١٥ سنه .. بتذكر يوما مسكتني امي و قالتلي زوجك اذا بيقلك موتي بتموتي .. زوجك اذا ما سمعتي كلامو و مشيتي تحت امرو و سخرتي حياتك لراحتو رح تطلع عينو لبرا و يتزوج عليكي .. اخدت بنصيحه امي و سمعت كلامها و طبقتو لدرجه صرت حس حالي عبده .. هه و يا ريت قدرت مليلو عينو .. دايما كنت اكشفو عم يحكي مع نسوان و لما فاتحو بالموضوع يقلي انتي ما دخلك .. كنت اسكت و اصبر و ابكي بيني و بين حالي لانو حتى دموعي ما بيحب يشوفها .. و هيك صرت متعوده يكون مسيطر عليي بس ما عاد الو حب بقلبي و بعد هالعمر ما عاد فيني اتركو .. اصلا ما عندي مكان روح عليه.

فرحة : يا عمري يا ماما عشتي كل هالشي لحالك بدون ما تحسسينا حتى 

ام روعة : سامحوني اذا قصرت بحقكن بس انا شخصيتي اضعف من انو اقدر وازن بين اهتمامي فيكن و اهتمامي فيه .. لانو ابوكي لهلأ ما بيقبل نقص من اهتمامي فيه ولا شوي.

فرحة : الله يخليلنا ياكي 

ام روعة : دورك هلأ خبريني شبك ؟

فرحة : في شب كان معي بالمدرسه و هلأ طلع بحياتي صدفه و صار بدو يتقرب مني

ام روعة : اي ؟

فرحة : بس انا رافضه هالفكره نهائيا

ام روعة : مهند مجرد شخص سيء مر بحياتك لا تسمحيلو يخرب حياتك هيك .. الله رح يعوضك عن كل وجع عشتيه و كل لحظه بكيتي فيها .. خلي قلبك يرجع يدق يمكن هالشب هو الشخص المناسب الك و انتي مو حاسه.

فرحة : هيك رأيك

ام روعة : اي حبيبتي هيك رأيي

فرحة : رح حاول

ام روعة : رايحه اعملك شراب التوت نشربو على البرنده بما انو ابوكي نايم

فرحة : الله يخليلي ياكي

ام روعة : و يخليلي ياكن انتي و اختك روعة

*طلعت امي من الغرفة .. مسكت تليفوني و بعتت رساله ل ورد...

فرحة : "قبلت عزيمتك على فنجان قهوه بكرى .. حدد المكان و الساعه و بعتلي ياهن برساله"

*كنت ناطره حدا يحكي معي بهدوء و يشجعني لحتى ارجع حب عن جديد و الحمد لله اجت امي و شجعتني بالوقت المناسب....

________________________________________________

#بقلم_فتاة_من_ورق_بسمه_السباعي

فارس : ما قلتيلي عجبتك الدرة ؟

زينة : اي كتير طيبه

فارس : صحه و هنا

زينة : على قلبك ، فارس

فارس : عيونو

زينة : بدي خبرك سر .. بعرف هالسر رح يفرقنا عن بعض بس صار الوقت المناسب لحتى تعرفو

فارس : سر شو ؟

زينة : فارس انا .. انا

فارس : انتي شو ؟ احكي زينة

تابعووووووني 

الجزء السادس والأخير من هنا

بداية النوفيلا من هنا