روايه اعمي ولكن الفصل الثامن حتى الفصل العشرون بقلم الكاتبه إسراء محمود حصريه وجديده

روايه اعمي ولكن الفصل الثامن حتى الفصل العشرون بقلم الكاتبه إسراء محمود حصريه وجديده 

روايه اعمي ولكن البارت الثامن حتى البارت العشرون بقلم الكاتبه إسراء محمود حصريه وجديده 

روايه اعمي ولكن الحلقه الثامنه حتى الحلقه العشرون بقلم الكاتبه إسراء محمود حصريه وجديده 

روايه اعمي ولكن الجزء الثامن حتى الجزء العشرون بقلم الكاتبه إسراء محمود حصريه وجديده 

روايه اعمي ولكن الفصل الثامن حتى الفصل العشرون بقلم الكاتبه إسراء محمود حصريه وجديده 

في الصباح الباكر استيقظت ندي علي صوت هاتفها.

ندي بنعاس..الو .

جاسم ..احلي الو ديه ولا ايه .

ندي بصدمه ..جاسم ..انت جبت رقمي منين.

جاسم..انتي نسيتي اني ظابط شرطه ولا ايه لا كدا انتي بتقللي من قدراتي.

ندي ..لا بس استغربت.

جاسم ..وانا زيك بظبط مستغرب من امبارح ان الصاروخ اللي شوفته امبارح دا كان انتي .

ندي بغضب..قصدك ايه يعني اني كونت وحشه .

جاسم ..لا خالص يا بوص قطع لسان اللي يقول عنك وحشه .

ندي ..ايوة كدا اتعدل .

جاسم..بقولك ايه .

ندي ..ايه .

جاسم ..عايز اشوفك.

ندي بسخريه ..ليه ان شاء الله ميكونش وحشتك مثلا .

جاسم ..مثلا.

ندي ..احنا هنستعبط.

جاسم ..وايه يعني ديه فتره الاستعباط بعد كدا ندخل في الجد بقا .

خجلت ندي من تلميح جاسم ..جاسم انت بتعمل كدا ليه علشان غيرت طريقه لبسي وبقيت البنت اللي انت عايزاها .

جاسم..مش شرط علشان غيرتي لبسك يا ندي انتي مختلفه ممكن دا اللي شددني ليكي انا مقدرش حاليا اقولك انا بعمل كدا ليه لان انا نفسي مش فاهم انا بعمل كدا ليه كل اللي فاهمه اننا نكمل كدا بدون شكل للعلاقه نعرف بعض ونشوف ساعتها ايه مسمي العلاقه ديه .

ندي ..نعم مش فاهمه قصدك يعني انت تشوف اذا كونت هعجبك ولا لا ولو لا فاخلاص انت مش واعدني بحاجه.

جاسم ..ندي افهمي انا لو شايفك رخيصه زي ما انتي مفكره كونت

 لعبت عليكي يومين لحد ما اوصل اللي انا عايزه وخلاص خلصنا لكن انا شايفك غاليه وانك صعب حد يوصلك ودا اللي استفزني وخلاني عايز اوصلك بأي شكل ومع الوقت بقيت بحس بشعور غريب ومش عايز افهمه دلوقتي علشان ميكونش تسرع عايز كل حاجه تمشي بهدوء اعتبريني صديق زميل لحد ما نفهم بعض .

ندي بتردد ..ماشي يا جاسم.

جاسم..طيب هعدي عليكي انهاردة نروح مكان حلو نقعد فيه ونكلم بس قبل اي حاجه لازم اطلع استأذن من والدتك.

ندي ..تمام هستناك .

جاسم ..اه صح .

ندي ..ايه تاني .

جاسم ..البسي لبس عادي يعني بنطلون وتيشرت تمام .

ندي ..اشمعنا .

جاسم..هتعرفي بعدين يلا سلام يا مزه.

ندي ..بيئة سلام .

استيقظت ليان علي صوت هاتفها فأجابت بنعاس .

ليان ..الو .

يامن ..شكل الجميل لسه نايم .

ليان..ايوة ومش قادره حتي اقوم من السرير عايزة انام اووي انا طول الفتره اللي فاتت مكونتش بنام .

يامن ..ليه يا ليان ممكن تقوليلي ليه عملتي كدا .

ليان ..ما قولتلك كانت شويه مشاكل عندنا في البيت وخلاص .

يامن ..مع اني مش مقتنع بس ماشي هفضل ازن عليكي لحد ما تقولي .

ليان..طيب .

يامن ..هتيجي الجمعيه انهاردة.

ليان ..والله لسه مش عارفه بس مكسله اووي.

يامن ..طيب احسن تعالي نخرج.

ليان ..نروح فين .

يامن..معرفش بس تعالي نتقابل وبعدين نفكر.

ليان ..اشطا هقوم البس اهو .

يامن ..تمام وانا هاجيلك تحت البيت .

ليان..اشطا .

اتجهت ليان سريعا نحو الحمام واغتسلت ومن ثم ارتدت ثيابها المكونه من فستان طويل بكُم وتركت لشعرها العنان ثم نزلت من غرفتها متجهة الي الصالون لكي تري والدها وعندما دخلت غرفه الصالون لم تجده سألت عنه الداده وقالت لها انه في المكتب اتجهت نحو غرفه المكتب وفتحت الباب دون استئذان وجدت والدها ارتبك وأغلق الهاتف سريعا .

ليان بغمزه..ايه دا بتكلم مين يا شقي .

عاصم ..يا بت اتلمي هكون بكلم مين يعني.

ليان ..واحده كدا او كدا ممكن تكون عرفتها.

عاصم ..هو انا فاضي اجري يا بت من هنا شكلك فايقه انهاردة ونزله تطلعيهم عليا .

ليان ..فايقه جدا.

عاصم ..اكيد يامن صح.

ليان بخجل ..ايوة .

عاصم ..ودلوقتي خارجه معاه صح.

اومأت ليان دون ان تتكلم .

اقترب عاصم من ابنته ..بصي يا ليان انا عمري ما أكره انك تحبي وتتحبي بس خايف عليكي تنجرحي او تنكسري يامن راجل عنده ظروف خاصه و ...

قطعته ليان ..انا عارفه كل دا وحافظه كل الكلام دا ومش عايزة اسمعه يامن انا بحبه عنده ظروف معندهوش ظروف انا بحبه كدا بكل حاجه فيه ممكن ظروفه ديه اللي شداني ليه اكتر ودا مش مجرد اعجاب يا بابا والله ..انا عارفه مشاعري ..انا بحبه وعايزة افضل معاه و بس.

عاصم ..تمام يا حبيبتي المهم خلي بالك مفيش حب من غير وجع.

ليان ..وانا حبي هيتغلب علي اي وجع ممكن يقابلني ومش هسمح ان الوجع ينتصر علي الحب .

عاصم ..هو دا المهم.

سمعت ليان صوت الهاتف يعلن عن وصول يامن ..يلا يامن وصل باي باي يا عصوم.

عاصم ..باي..باي ..يا مجنونه.

ركضت ليان الي الخارج لكي تقابل محبوبها كما أطلقت عليه .

وقف يامن امام الفيلا وهو ينتظر ليان بشوق .

خرجت ليان واقتربت منه ببطئ ورفعت يديها لكي تسلم عليه ام يامن فاجذبها من ذراعها واخذها في احضانه.

يامن وهو يضمها اليه اكثر ..خليكي كدا ومن غير ما تسألي ليه بعمل كدا ممكن .

احتضنته ليان ..ممكن .

أبتعد عنها بعد فتره .

يامن ..هاا نروح فين .

ليان ..عند مامتك .

يامن ..نعم .

ليان ..ايوة عايزة اتعرف عليها مش ممكن اقدر اساعدكم.

يامن ..ليان متضغطيش عليا .

ليان ..لا هضغط ديه مامتك وانت متعرفش قيمه الأم أو انك تعيش من غير ام يامن انت ممكن تكون اتحرمت منها 20 سنه او اكتر بس لسه عندك فرصه انك تقرب منها وتفضل جمبها ارجوك اديها فرصه تقرب منك وادي لنفسك فرصه انك تسامحها.

يامن..أوقات بحس اني سامحتها وان ملهاش ذنب هي كمان كانت ضحيه زي بظبط بس بردو بفتكر انها رفضت ابنها رمته لداده بتاعته كل ما افتكر انها متعرفش عني حاجه بتضايق المفروض ديه امي يعني عارفه عني اقل تفاصيل حياتي مش بيبقى بايدي لما بتعصب عليها او بزعق في وشها انا ببقا محتاج لحضنها بس بفوق نفسي وبفكر نفسي انها اكيد هترفضني زي زمان صعب يا ليان انك تبقي عايزة تحضني امك وتبقي مستنيه الاذن منها .

جففت ليان دموعه ..انسي كل دا يا يامن وسيب نفسك انهاردة لاحساسك سيب نفسك لقلبك هاا ايه رايك.

يامن ..موافق..خلاص هتصل بالداده اعرفها علشان تقول لماما .

ليان ..اشطا .

ابتعد يامن قليلا واتصل بالداده وحكي لها من ليان وأنهم سوف يأتون بعد نصف ساعه ثم أغلق معها وعاد الي ليان المتحمسه بأن تساعد يامن ، ركب يامن سياره ليان وبدأت ليان تقود السياره باحتراف وهي تتحدث مع يامن لكي تقلل من هذا التوتر الواضح عليه .

عند سما

استيقظت سما علي صوت ادهم .

ادهم ..مامي ..يا ..مامي .

سما ..في ايه يا ادهم.

ادهم..في عمو برا بيسأل عنك انا سمعت صوته قبل كدا يا مامي بس مش فاكر فين .

سما ..طيب يا ادهومي روح انت اقعد معاه برا علشان عيب نسيب الضيف كدا ومامي هتغير هدومها وتخرج حالا .

ادهم وهو يقبل والدته..اوكي مامي .

خرج ادهم الي الخارج اما سما فاتجهت نحو الحمام سريعا وغسلت وجهها وخرجت وارتدت عبائة استقبال وارتدت حجبها وخرجت وكانت الصدمه الكبري عندما رأت مازن يجلس بجانب ادهم ويلعبون.

سما ..مازن ايه إللى جابك هنا ..وجيت هنا ازاى.

مازن ..طيب قولى الاول ازيك يا مازن ..تشرب ايه..اي حاجه.

سما ..لا أعرف الاول جبت عنوانى منين وبعدين نسأل الأسئلة ديه.

مازن ..شكلك نسيتى انى ظابط شرطه واقدر اعرف كل حاجه عنك من مكالمه واحده زى ما عرفت من مكالمه واحده انك ارمله .

سما ..ادهم حبيبي ادخل أوضتك.

ادهم ..ماشي يا مامي.

دخل ادهم غرفته اما سما فكانت غاضبه وبشده .

سما ..انت مين انت علشان تسأل عنى مين علشان تسأل اذا كونت متجوزه او لا بصفتك ايه تيجي لحد هنا بتعمل ليه كل دا .

مازن ..علشان حبيتك يا سما..ومتقوليش ايه السرعه ديه الحب مالهوش وقت او معاد ..اكيد خايفه من كلام الناس من وجودى هنا بس انا جيت علشان عايز اعرف عنك كل حاجه عايز تديني فرصه وتدي لنفسك فرصه يا سما .

سما..وانا مش موافقه يا مازن ..انا خلاص جربت الجواز وانتهى ومش عايزة اجرب دا تانى اتفضل ومن غير مطرود انا مش عايزة راجل تانى فى حياتى.

مازن ..طيب فكري يا سما قبل ما تاخدي قرار .

سما ..انا متاكده من قراري ومش هرجع فيه .

مازن ..طيب يا سما انتى حره.

خرج مازن وهو حزين ومكسور نعم أحبها ولم يحب قبلها ولن يحب بعدها أحبها برغم ظروف حياتها ..

اما سما فاخذت تبكي فهى معجبه بشخصيته ودائما تشعر بإنجذاب نحوه لكن تجربتها المأساوية تمنعها من إعادة نفس الشئ مره اخري .

خرج ادهم من غرفته واحتضن سما اخذت سما تبكي في حضنه .

عند جاسم

وصل جاسم أمام منزل ندي ترجل من السياره ثم اتجه نحو المنزل وطرق الباب فتحت له والده ندي

والده ندي..انت جاسم صح .

جاسم..ايوة حضرتك تعرفيني.

والدة ندي ..اه ندي حكيالي عليك.

جاسم ..وحكت ايه بقا .

والده ندي ..كل خير.

جاسم ..يا خوفي من كل خير ديه .

والده ندي ..لا اطمن اتفضل ادخل ندي بتلبس بس وخارجه.

جاسم ..تمام براحتها.

جلس جاسم في الصالون واتجهت والده ندي الي المطبخ لتحضر له عصير أخذ جاسم يتطلع إلي صور ندي وهي طفله جذب انتباه صوره عائليه ويتضح عليهم الفرح ولكن يوجد أحد مقصوص من الصوره مما أدهشه ولكن قطع وصله تفكيره دخول ندي الي غرفه الصالون .

ولكن ما ادهشه أكثر عندما رأي ندي كانت ندي ترتدي شميز زيتي مثله فاكان جاسم يرتدي قميص زيتي وبنطال اسود وهي مثله ولكن المختلف هي عيون ندي الخضراء والميكيب البسيط وشعرها المسدول خلفها .

جاسم بصفير..واووو.

ندي..ديه اقل حاجه عندي يا جاسم بيه .

جاسم ..اكتر من كدا هتعملي فيا ايه .

ندي ..ناويه اجننك.

جاسم ..لا انا مش قدك .

ندي ..هنشوف .

دخلت عليهم والدة ندي ...يلا يا ندي انتي وجاسم انا حضرت الفطار وعملتلك يا جاسم شويه عصير انما ايه يستاهل بوقك.

اقترب جاسم منها وقبل يديها ..تسلم ايديكي الحلوين دول .

والدة ندي ..تسلم يا حبيبي ...يلا علي السفره.

ذهبت ندي وجاسم الي السفره وجالسوا يأكلون...اخذ جاسم يشاكس ندي ويلعب في شعرها.

ندي ..بس بدل ما اقطعلك ايدك .

جاسم..هدي اعصابك يا بوص.

ندي ..والله لو ماما مش اقعده كونت علمت عليك .

جاسم ..تعلمي علي مين يا ماما دا انا جاسم علي سن ورمح .

ضحكت ندي بسخريه واكملت فطارها.

جاسم..يلا بقا يا ندي ..هستأذن منك يا امي اخدها ساعتين كدا واجيبها ..

والدة ندي ..ماشي يا حبيبي متتاخروش.

جاسم ..ماشي ..يلا يا ندي .

قبلت ندي والدتها ونزلت مع جاسم الي السياره .

ندي ..هنروح فين.

جاسم ..اصبري علي رزقك وهتشوفي .

ندي..طيب لما نشوف اخرتها معاك .

جاسم ..اخرتها فل .

ام عند ليان ويامن وصلوا الي الفيلا التي يسكن بها يامن مع والدته .

ليان ..دا بيتك .

يامن ..ايوة مالك مستغربه ليه .

ليان ..اصلي متوقعتش انك غني كدا .

يامن ..البركه في امي بقا عملت كل دا لما اتحدت اللي المفروض يكون ابويا .

ليان ..تمام يلا ننزل استنى هاجي اساعدك .

نزلت ليان مسرعه واتجهت نحو باب السياره خاصته وفتحته له ومسكت يده واخرجته من السياره كانت كوثر تتابع كل هذا من شرفتها.

نزلت كوثر درجات الفيلا وذهبت نحو الداده .

كوثر بلهفه ..افتحي الباب يا داده يامن وليان جم .

الدادة..حاضر يا كوثر هانم .

ذهبت الدادة نحو الباب وفتحت الي يامن.

امسك يامن يد الداده وقبلها ثم امسك يد ليان .

يامن ..احب اعرفك يا ليان ديه امي اللي ربتني واللي شالت همي من وانا صغير يعتبر هي كل اهلي ..وديه يا داده ليان صاحبه الجمعيه اللي بروح ليها.

الداده ..صاحبه الجمعيه بس .

نغزها يامن مما اخجل ليان ..قبلت ليان يد الداده..شكرا جدا لتربيتك ليامن ونعمه التربيه .

الداده..دا ابني حته مني مقدرش اني اهمل فيه .

ليان ..ربنا يخليكم لبعض .

الدادة..اتفضلوا كوثر هانم مستنياكم.

اقتربت ليان وامسكت يد يامن ودخلوا الي الصالون اقتربت كوثر منها.

كوثر بحب ..ازيك يا حبيبتي انا والدة يامن .

ليان ببتسامه ..وانا ليان صاحبه الجمعيه وصديقه يامن .

كوثر ..اتشرفت بيكي يا حبيبتي.

ليان ..انا اكتر .

كوثر ..ازيك يا بني .

يامن بصعوبه..الحمد لله .

اقتربت كوثر وقبلة رأسه..يارب دايما كويس .

احس يامن بشعور غريب يريد أن يحتضنها يريد أن يقول له عما في داخله يريد أن يسامحها لكن ذكريات الماضي تسيطر عليه.

فاق علي يد ليان وهي تجلسه.

كوثر ..قوليلي يا حبيبتي مش بتلاقي صعوبه في اداره الجمعيه.

ليان ..لا خالص يا طنط لاني حبه الجمعيه جدا فابعمل دا كله بحب وعمري ما ازهق منها .

كوثر ..في حد بيساعدك اكيد .

ليان ..ايوة صاحبتي ندي دايما معايا وفي مديره ماسكه الجمعيه.

كوثر ..ربنا يديكي علي قد الخير اللي بتعمليه.

ليان ..يارب .

كوثر ..مامتك بتساعدك اكيد في اداره الجمعيه.

ليان بحزن .. مامتي متوفيه من زمان بابا بيديني الدعم دا .

كوثر بشفقه..ربنا يرحمها يا حبيبتي .

ليان ..اللهم امين .

كوثر.. يامن دايما بيروح الجمعيه ودلوقتي عرفت ليه.

ليان بخجل ..يامن كمان بيساعدني كتير في شغل الجمعيه .

امسك يامن يد ليان وقبلها..انتي اللي دايما بتساعديني دايما بتخرجيني من الضلمه اللي انا فيها غيرتيلي حياتي يا ليان حياتي قبلك مكانش ليها معني دلوقتي في سبب كبير يخليني اعيش واكمل حياتي وهو انتي .

أدمعت اعين ليان ..انت اللي غيرتني يا يامن ..انا كونت شايفه ان الدنيا دايما بتاخد مني كل حاجه حلوة ومبتديش غير الوحش بس انت كونت اول حاجه حلوة الدنيا تدهاني.

اما كوثر فاعلمت ان ابنها وقع في الحب تمنت أن يدوم حبهم .

كوثر ..طيب ايه مفيش خبر حلو .

ليان ..خبر ايه .

كوثر..يعني خطوبه فرح اي حاجه نفرح بيكم بقا .

خجلت ليان كثيرا..عن اذنك يا طنط هروح الحمام .

اتجهت ليان سريعا الي الخارج من الخجل اقتربت كوثر من يامن .

كوثر..بتحبها .

يامن ..معرفش .

كوثر ..يعني ايه متعرفش اومال الكلام دا كله لمين.

يامن ..خايف.

كوثر ..من ايه .

يامن ..خايف تسبني خايف تحس بالعجز معايا انتي مش شايفه حالتي عامله ازاي هي ليه تحب واحد عاجز زي وهي ممكن تحب واحد احسن مني مليون مره ...

قطعه صوت ليان ..بس انا حبيتك انت يا يامن ..وانت مش عاجز ..انا حباك كدا من غير أسباب حبه ظروفك حبه اني اكون جنبك علي طول مش مهم الناس مش مهم اي حاجه المهم انت ...انت وبس .

صدم يامن من كلام ليان الجمت لسانه ولم يستطيع الرد عليها .

ام عند جاسم وندي دخلوا cairo festival.

ندي ..واو كان نفسي اجي هنا اوي .

جاسم ..اي خدمه يا ستي .

ندي ..يلا نلعب.

جاسم.. طيب نقعد شويه نتكلم وبعدين نلعب ايه رايك .

ندي ..اشطا .

جلسوا في كافيه...وطلبوا عصير .

جاسم ..ابدأ انا بقا يا ستي ..انا جاسم الشافعي ظابط شرطه ماسك جهاز حساس جدا في الداخليه حياتي كلها كانت بنات وبار وارجع في نص الليل كدا كدا محدش هيسأل انا كونت فين لان والدي ووالدتي ماتوا في حادثه بقيت كل يوم بقضي وقت مع بنت شكل ابقى كداب لو قولتلك اني مبسوط كدا عمري ما حسيت اني مرتاح بس اهو فراغ وبضيع وقتي فيه .

ندي ..انت مجربتش تقرب من ربنا احنا كلنا بشر وكلنا خطائين .

جاسم ..صعب يا ندي ارجع بعد كل الأخطاء ديه .

ندي ..لا مش صعب ربنا فاتح بابه دايما حاول واسعي وهتلاقي ربنا واقف معاك وبيفتحلك بابه ليك عمر ما ربنا هيقفل بابه في وش حد ربنا تواب رحيم يا جاسم .

جاسم..هحاول يا ندي ...انتي بقا .

ندي ..انا بقا ندي محمد القاضي ..عايشه مع مامتي دايما من ساعة ما والدي سافر ومرجعش..خريجة طب نفسي بس مكملتش شغل في المستشفي لاني حسيت ان انا عايزة اللي يعالجني الاول وبعدين ابدا اساعد الناس واعلاجهم..اتخطبت من سنتين لدكتور زميلي في المستشفي ودا كان سبب أكبر اني مكملش في الطب ومكملش في أي حاجه .

جاسم ..ليه ..هو عمل ايه .

ندي ..عمل ايه قول معملش ايه ...البيه كان فاكرني من البنات اللي يعرفهم لما لقا إنه صعب يوصلي خاطبني وفي يوم كان عندي شغل زيادة في المستشفي و ...

فلاش باك .

كانت ندي تجلس في المشفي تفكر في حل لإخراج هؤلاء المرضى منن ما هم فيه .سمعت دقات علي باب الغرفه اندهشت لان الوقت متاخر ولم يتبقي احد في المشفي سمحت للطارق بالدخول.

دخل سليم وهو خطيب ندي واغلق الباب .

ندي ..سليم انت لسه هنا مروحتش.

اقترب سليم وجلس بجانبها..ايوة يا حبيبتي قولت استناكي.

ندي ..طيب كويس ..انا خلاص خلصت هاخد حاجتي ونمشي.

عندما حاولت ندي الوقوف امسك يدها بقوه وارجعها مره اخري الي الكنبه.

ندي ..في ايه يا سليم سيب ايدي علشان اخد حاجتي ونمشي .

اقترب سليم منها ونظر الي شفتيها بشهوه ..مش قادر يا ندي اصبر حتي اخد اي تصبيره.

حاولت ندي إبعاده ولكن فشلت ..ابعد يا سليم ..مينفعش كدة.

قبلها سليم بقوه حتي نزفت شفتاها بقوه .

ندي بصريخ..ابعد عني ارجوك .

مزق سليم ملابسها بقوه وبدأ يقبلها بشراسه.

ندي بصريخ ..حد يلحقني ابعد عني يا حيوان .

ولكن لا حياه لمن تنادي ..في هذه اللحظه كان يوجد عامل النظافه في هذا الدور وسمع صوت الصريخ ذهب مسرعا الي غرفه ندي وصدم من المشهد .

ابتعد سليم عن ندي عندما فتح عامل النظافه الباب.

سليم ..انت ازاي تفتح الباب من غير ما تخبط .

عامل النظافه وهو رجل مسن..انت اللي بتعمل ايه حرام عليك بنات الناس دول.

ندي بصوت ضعيف ..الحقني ارجوك .

اقترب عامل النظافه منها وخلع الجاكيت ولف به ندي اما سليم فهرب من الغرفه سريعا.

عامل النظافه ..انتي كويسه يا بنتي عملك حاجه .

اخذت ندي تبكي بانهيار حتي فقدت الوعي .

وعندما فاقت رأت والدها الغاضب .

ندي ..بابا شوفت سليم ....

ولكن اخرستها صفعه من والدها وبقوة.

محمد القاضي ..انا شكلي معرفتش اربيكي.. ازاي تعملي كدا يا ندي تخوني ثقتي فيكي وتخلي وشي في الطين وتسمحي ولواحد زي دا يبعتلي صورك وانتي معاه ويطلب فلوس بدل ما يفضحك..يا خساره تربيتي فيكي ..يا خساره .

وخرج والدها وهو منكس الرأس.

اما والدتها فاخذت تبكي بصمت .

ندي ..يا ماما والله انا معملتش كدا هو اللي اتهجم عليا حتي عامل النظافه شاهد.

والدتها ..عامل نظافة مين مفيش حد شافكم غير الممرضه الصبح لقتك مغمي عليكي في أوضتك.

ندي بصدمه ..ازاي ..لا في حد انقذني..لا انا متاكده .

والدتها ..ادي اخره دلعي فيكي يا ندي .

ندي ببكاء ..ابوس ايدك يا ماما صدقيني ارجوكي صدقيني .

انتهي الفلاش باك .

ندي..وبعدها بابا سافر وقال مش عايز يشوف وشي تاني اما ماما فأنا حكتلها كل اللي حصل وهي صدقتني اما سليم بعد ما خد الفلوس من بابا هرب وعامل النظافه مشوفتهوش تاني اختفي ومن ساعتها وانا بلبس لبس محتشم .

جاسم ..دا حيوان وخساره فيه كلمه راجل .

ندي..حسبي الله ونعمه الوكيل انا الحمد لله راضيه ودا كان اختبار من ربنا .

امسك جاسم يديها..متزعليش نفسك يا ندي بكرا باباكي يعرف الحقيقه ويرجع تاني ليكم .

ندي..يارب يا جاسم.

جاسم ..يلا تعالي نلعب .

ندي ..يلا .

ذهب جاسم وندي بدأوا اللعب بحماس لعبوا الكثير من الالعاب ومن ثم اشتري لها جاسم عروسه .

ندي ..ميرسي جدا يا جاسم علي اليوم دا .

جاسم ..انا اللي اول مره احس بالشعور دا بجد.

خجلت ندي ونزلت من السياره واتجهت مسرعه نحو المنزل .

اما جاسم فكان يبتسم علي عفويتها.

انتهي البارت

اسفه جدا علي التاخير بس كونت تعبانه شويه الفتره اللي فاتت ديه ودا بارت كبير تعويض عن غيابي .

الفصل التاسع

يامن بعد فتره ..انتي عارفه يا ليان كلامك دا هيوصلك لايه .

ليان ..عارفه وموافقه يا يامن ...مش مهم اي حاجه المهم اني افضل معاك ..مش عايزة اضيعك من ايدي وارجع أندم...مش مهم اي حاجه..ومش عايزة افكر في حاجه المهم اني انام كل يوم وانا مطمنه اني هصحي القيك جمبي هصحي القي شخص يحتويني يفهمني يقدرني ..مش عايزة غيرك يا يامن .

اقترب يامن منها بدموع ..مكونتش متوقع انك تحبيني ومكونتش متوقع اني احبك .. كونت بقول مستحيل يكون في حب في الزمن دا ..مستحيل واحده تحب واحد بظروفي.. مستحيل اني احبك وانا مشوفتكيش كونت بقول في كذا سبب يخلينا منحبش بعض ..بس متوقعتش اني احبك بسرعه ديه ..ممكن علشان كونت فاقد الامل اني القي حد يهتم بيا ..ممكن علشان حسيت انك امي قبل ما تكوني حبيبتي ..ممكن علشان كونت قافل علي نفسي ..بس كل اللي اعرفه يا ليان اني بحبك ..بحبك وبس ..حتي لو في يوم جيتي وبعدتي...هفضل احبك .

ليان ..متسمحش ليا اني ابعد ...امسكني ورجعني ليك ..وبعدين مفيش قوه في العالم تخليني ابعد عنك يا يامن انا قابله بيك بكل ظروفك .

يامن ..في حاجات كتير مع الوقت هتخليكي تبعدي ..بس انا متاكد اني هقدر ارجعك ومش هسمح ليكي ابدا تسيبيني مش بعد ما لقيتك يا ليان .

ليان ..بحبك .

ابتسم يامن ..وانا كمان .

اقتربت كوثر منهم واحتضنتهم ..كدا اقدر اقول مبروك وبقلب جامد.

ابتسم يامن وليان وابتسمت كوثر .

في مكتب جاسم في قسم المخابرات العامه يدخل عليه احد العساكر .

جاسم ..بص يا هاني عايزك تدور علي كل حاجه تخص سليم غريب وتجيبلي كل التفاصيل عنه من اول ما اتولد لحد دلوقتي وعايز الحاجات ديه تكون في مكتبي كمان 24 ساعه لاني معنديش وقت .

هاني ..تمام يا فندم في حاجه تانيه .

جاسم ..لا شكرا يا هاني المهم اول ما توصل لحاجه عرفني .

هاني ..تمام يا فندم .

خرج هاني من غرفه جاسم واتجه يبحث عن أدق التفاصيل عن سليم غريب اما جاسم فأخرج هاتفه واتصل بندي وعلي وجهه ابتسامه عريضه .

ندي ..ايه هو كل شويه هتقرفنا بقا ولا ايه .

جاسم..اممم يعني انا بقرفك بقا .

ندي ..ايوة جدا وبعدين انا ورايا شغل يا بيه .

جاسم ..انتي فين اصلا مش انا روحتك البيت .

ندي ..ايوة انا لسه في البيت بس بجهز شويه حاجات وهنزل اروح الجمعيه .

جاسم ..طيب اجي اوديكي.

ندي ..هي شغلانه بقا .

جاسم ..حاجه زي كدا ما تيجي نستعبط شويه وواصلك.

ندي ..طيب افكر .

جاسم ..لا مفيش تفكير انا هعدي عليكي ونروح سوا .

ندي ..اشطا .

جاسم ..خلاص مسافه السكه واكون عندك .

ندي ..اوك سلام .

جاسم ..سلام.

كان يهم بالخروج ولكن قطعه صوت هاتفه فأجاب بتذمر .

جاسم ..الو .

نانسي ..ايه نستني .

جاسم ..عايزة ايه يا نانسي .

نانسي ..في ايه يا جاسم بتكلمني كدا ليه .

جاسم ..مالي ما انا اهو بكلمك.

نانسي ..بس دا مش اسلوبك ومن امتي وانت بتكلمني بالطريقه ديه .

جاسم ..نانسي انا مش ناقصك اخلصي عايزة ايه ورايا حاجات .

نانسي ..طيب عايزة اشوفك.

جاسم ..مش فاضي يا نانسي.

نانسي ..لا بقا كدا في واحده جديده .

جاسم..مفيش يا نانسي جديده ولا قديمه انا توبة خلاص .

نانسي ..نعم يا عنيا ..من امتي انا توبة ديه .

جاسم..نانسي التزمي حدك وخودي بالك انتي بتكلمي مع مين انا جاسم يا ماما فافكري كدا براحه واعقلي كلامك لاني مش هسمحلك تغلطي معايا يا نانسي .

نانسي ..وانا مش هسيبك يا جاسم لغيري .

جاسم ..من امتي وانا كونت ليكي اصلا .

نانسي ..من زمان اووي وانت عارف إحنا اللي بنا مش علاقه جسد وبس يا جاسم عارف اني بحبك من زمان .

جاسم ..حب من طرف واحد يا نانسي وانا من الاول ومصارحك انك مجرد جسم عجبني ومتعه يوم او اتنين ولما هزهق هرميها .

نانسي ..بس الكلام دا مش معايا انا يا جاسم .

جاسم ..لا معاكي يا شاطره ومع غيرك ..عموما انا مش فاضي لنقاش التافه دا يا نانسي ورايا شغل يلا سلام .

وأغلق جاسم الهاتف دون انا ينتظر منها رد.

ام عند نانسي فاكانت تستشيط غضبا من هذا المغرور ..اخذت أنفاسها المسلوبه من الغضب واخذت تفكر في خطه تجعل جاسم يقع في شبكها مره اخري .

في مكان آخر كان يجلس مازن حزين يفكر فيما حصل..وكيف رفضه دون أن تفكر في الأمر ولو لمره ..اخذ ينظر لنفسه في المرآه بغضب .

مازن بغضب ..انا متسرع ..وغبي هتبص لواحد زي ليه ..اكيد لسه بتحب جوزها اكيد .

امسك مازن بزجاجه البرفان خاصته والقها نحو المرأه فاتهشمت الي قطع صغيره دخلت والده مازن الغرفه بفزع .

هدي ..في ايه يا حبيبي انت كويس.

مازن بغضب..ماما سيبيني لوحدي دلوقتي .

هدي بقلق ..طيب قولي فيك ايه ممكن اقدر اساعدك .

مازن بسخريه ..لا في ديه مش هتعرفي تساعديني عارفه ايه الحل يا امي انك تموتيني..مكونتش اعرف ان وجع الحب صعب اووي كدا...لو كونت اعرف مكونتش حبيت ولا حطيت نفسي في الموقف المهين دا ..عارفه لما تحسي انك مذلوله قدام شخص علشان يحبك وفي الاخر يقولك لا ويديلك ضهره ..اه هي موعدتنيش بحاجه بس انا حبيتها مش ذنبي ان قلبي اختارها ومش ذنبي ان مشاعري مش بايدي ومش ذنبي اني مش هعرف انساها ..كل اللي عايز اعرفه هي ليه عملت فيا كدا ليه رفضتني انا فيا ايه وحش علشان متقبلش بيا.

احتضنته هدي واخذت تمرر يديها فوق شعره ..اهدي يا حبيبي هي متستهالكش ومتستهلش حبك ليها والحياه مش بتقف علي حد يا مازن انت لسه صغير وهتقابل بنات تانيه وهتحب وتتحب بس كل حاجه وليها معادها لو هي مكانتش من نصيبك يبقا ربنا شيالك الخير ليك ..وبعدين علي قد ما الحب حلو علي قد ما وجعه صعب عايز تحب ماشي بس كون متاكد انك قد وجع الحب لانه صعب اووي يا بني .

مازن ..انا مش عايز غيرها يا امي مش عايز غيرها .

هدي ..ادعي ربنا هو قادر يغير الظروف وان شاء الله هتكون من نصيبك وقلبها هيحن ليك .

مازن ..تفتكري بجد ممكن في يوم توافق .

هدي ..وليه لا انا ابني مش اي حد دا ظابط قد الدنيا .

مازن.. ربنا يباركلي فيكي يا امي وميرحمنيش منك ابدا .

هدي ..ولا يحرمني منك يا قلبي ولا اشوفك ابدا مقهور او حزين.

مازن ..يارب يا امي .

في غرفه مظلمه كانت تجلس سما تبكي بقهره فاهي بدأت تعجب بمازن لكن هي لن تثق في رجل ثانيه لن تفتح قلبها مره اخري

فاقت سما علي صوت طرقات صغيره علي باب الغرفه جففت دموعها سريعا وسمحت لصغيرها بدخول .

ادهم ..مامي انتي اقعده لوحدك هنا ليه .

سما ..معلش يا دومي محتاجه اريح شويه مامي تعبانه .

ادهم ..مامي انتي زعلانه من مازن .

سما ..وانت عرفت مازن منين .

ادهم ..ما انا ومازن بقينا صحاب وهو وعدني هيجي يشوفني كتير ويلعب معايا .

سما..لا مش هيجي تاني .

ادهم..ليه بس يا مامي انا حبيت مازن اووي .

سما ..علشان هو بيضايق مامي .

ادهم..خلاص طالما بيضايقك يا مامي انا هزعل منه ومش هلعب معاه تاني .

سما قبلته سما ..تعالي يلا انا العب معاك .

ادهم..يس يلا يا مامي نلعب سوا .

خرجت سما ومعاها ادهم وجلست تلعب معه لكي تنسي مازن ولو لفتره قليله .

في مكان آخر عند عاصم في المشفي اتي له هاتف فأجاب.

عاصم .. الو في جديد.

الشخص..لا مفيش بس خلي بالك الحكومه اكيد هتحط عنيها عليك .

عاصم ..لا متخافش انا مظبط كل حاجه.

الشخص ..تمام المهم الشحنه ديه تدخل صح ديه بملايين ياما كدا حياتك وحياة بنتك قصدها.

عاصم ..لا بلاش بنتي مش مهم انا المهم بنتي محدش يلمسها هي ملهاش ذنب وانت عارف كدا كويس .

الشخص ..عارف بس انت عارف بنتك ديه عملت في ابني ايه .

عاصم ..هي معملتش حاجه هي قالتله انها مش بتحبه علشان متظلمهوش مش ذنبها انه حبها هي مكدبتش عليه ولا وعدته بحاجه .

الشخص ..لا وعدته انها تكون بتتعامل معاه بالشكل اللي كانت بتتعامل بيه دا معاناه انها متقبلاه وعايزاه.

عاصم ..انت عارف بنتي بتتعامل بطيبه وود مع الكل دا اسلوبها وهي مبتعرفش تتعامل باسلوب تاني او انها تفهم اللي قدامها عايز منها ايه.

الشخص ..احنا مش هنتكلم دلوقتي يا عاصم في اللي فات خلينا في اللي جي وكلامي واضح اووي الشحنه توصل وتجيلي حياتك انت وبنتك في امان غير كدا متلومش غير نفسك .

وأغلق الهاتف في وجهه دون انا ينتظر الرد .

ام عاصم فأخذ يسب هذا الرجل بأبشع الألفاظ.

نزلت ندي الدرج عندما اتصل بها جاسم يخبرها انه بالأسفل .

ندي ..كل دا تأخير يا باشا .

جاسم ..ما انتي عارفه شغلي عامل ازاي .

ندي ..وانت عارف اني معنديش وقت ولازم اخلص الشغل دا انهاردة قبل بكرا .

جاسم..شغل ايه .

ندي ..في رحله طالعه بعد بكرا ولازم اجهز وراقها واسامي الناس اللي طالعين .

جاسم ..اه بس حلوه الجمعيه ديه انا بقول اجي اعيش معاكم احسن واعتبريني يا ستي حاله من اللي عندكم.

ندي ..طيب ايه رايك تعالي انا أفقلعك عينك وتبقا اعمي بجد وحقيقي .

جاسم ..عنيفة أووي.

ندي ..مش جديد عليا .

جاسم .بس بحبه .

ندي..هو ايه.

جاسم بضحكه..عنفك.

ندي..ممكن اسالك سؤال.

جاسم ..بتهربي من الموضوع بس اشطا اسألي .

ندي..والله ما بهرب بس فضولي هياكلني.

جاسم..اوك يا ستي اسألي .

ندي ..اتغيرت فجأه ليه .

جاسم ..نفس السؤال دا اسئليه لنفسك يا ندي وهتلاقي انك متغيرتيش انتي رجعتي لطبيعيتك

ممكن الكل مستغرب جاسم الدنجوان اللي مقطع السمكه وديلها فجأه يعتزل كل حاجه كان بيعملها ..انا مكونتش الشخص دا يا ندي ..انا قبل موت اهلي كونت مش ببص علي بنت حتي الارتباط مكانش في دماغي كونت بغض بصري طول ما انا في الشارع اتغيرت اه اتغيرت لما لقيت الحياه خلاص بتخلص فجأه قولت لازم اعيش حياتي زي كل الشباب اللي في سني بقيت بسهر كل يوم في مكان كل يوم بنام في حضن بنت شكل بقيت مش بفكر في الموت اللي فوقني كان يامن..يامن حسسني ان الموت حواليا اني ممكن اموت فجأه

لقيت العيشه اللي انا عايشها مش مريحه نهائي وان حياتي قبل كدا كانت احلي لقيت اني بخسر آخرتي واقعدت افكر الدنيا ولا الاخره بس لما فكرت عرفت ان الدنيا فانيه اللي باقي عملك الصالح يا تدخلي النار يا الجنه ساعتها فكرت تاني انا عملت ايه كويس ملقتش حاجه واحده عملتها كويسه في حياتي ساعتها فوقت يا ندي وقررت اني مش هرجع تاني لطريق اللي كونت فيه .

كانت ندي تستمع ودموعها تهطل بغزاره .

جاسم ..ندي انتي بتعيطي انا قولت حاجه تزعلك .

ندي ..لا يا جاسم بس استغربت وكلامك أثر فيا بجد ربنا يبارك فيك ويثبتك.

جاسم ..يارب يا ندي .

ندي ..يلا وصلنا هنزل انا بقا .

جاسم ..محتاجه مساعده .

ندي ..لا يلا روح علي شغلك ..اه صح ما تيجي معانا الرحله .

جاسم ..عندي شغل لو عرفت اكيد هاجي .

ندي بحزن ..طيب ..سلام .

جاسم..سلام .

اتجهت ندي نحو الجمعيه واكملت الاجرات وجلست مع الأطفال القليل من الوقت ثم ذهبت اخذت تفكر في كلام جاسم واللي أثر فيها جدا وفوقها علي حاجات كتير وقررت انها هتفكر في خطوه الحجاب .

عند ليان ويامن

ليان ..انا لازم امشي بقا الوقت أتأخر.

يامن ..طيب استني اجي اوصلك للباب.

ليان ..ملهوش لزوم.

يامن ..تعالي عايز اصلا اقولك حاجه .

ليان ..اوك .

اتجهت معه ليان نحو الباب.

يامن ..هتقولي لباباكي عني صح.

ليان ..اكيد ولا انت عندك.رأي تاني .

يامن ..لا معنديش رأي تاني انا بحبك وعايزك.

ليان ببتسامه عريضه ..وانا بحبك .

يامن..طيب بعد الكلمه ديه المفروض اعمل ايه يعني بعد كدا محدش يحاسبني علي افعالي 

ليان بخجل ..طيب بطل تكسفني شويه .

يامن ..هفكر .

ليان ..بارد .

يامن بمرح ..كفايه يا سيدي شكرا .

ضحكت ليان ..طيب انا همشي بقا .

يامن ..بقولك انا جي بكرا لباباكي.

ليان ..نعم ليه .

يامن ..علشان اطلب ايديكي مثلا فوقي شويه يا حبيبتي .

ليان.. بسرعه ديه .

يامن ..خير البر عاجله ايوة بسرعه ديه.

ليان ..طيب خلاص هقولوا وهاكد عليك ..هتيجي الرحله صح .

يامن ..علي حسب لو انا اتوافق عليا بكرا هاجي لو متوافقش عليا مش جي .

ليان ..لا هتيجي في الحالتين ودا أمر ويلا انا همشي .

يامن ..ماشي سلام .

ليان..سلام.

وذهبت ليان الي منزلها.

أتي لجاسم هاتف

جاسم ..الو يا باشا.

م ..ايه متابع القضيه كويس ولا مقضيها خروجات.

جاسم ..لا متخافش كله تمام .

م..طيب المهم الشحنه خلاص اكيد هيدخلها والد ليان عايزك تحط ليان وباباها تحت المراقبة.

جاسم ..انت شاكك ان ليان عارفه .

م ..لا انا متاكده انها مش عارفه بس حطها تحت المراقبة بردو احتياط .

جاسم..ماشي يا باشا اومرك.

عند ليان دخلت المنزل بمراحها المعتاد .

ليان ..يا خلق ..يا ناس ..يا بني ادمين ياللي عايشين في البيت دا .

عاصم والداده ..في ايه يا بنتي خضتينا .

ليان ..كدا محدش يستقبلني من برا ايه موحشتكمش .

عاصم ..لا وحشتينا طبعا بس براحه يا حبيبتي انا مش حمل خضه.

ليان ..سوري يا بابا بس فرحانه .

عاصم..خير ان شاء الله .

الداده..يامن صح .

ليان ..انتي عرفتي منين .

الداده ..وانا يستخباء عليا حاجه .

ليان ..اه عليكي يا داده بتعرفيني من عيني .

الداده ..طبعا مش بنتي بردو .

ليان ..طبعا بنتك ونص .

عاصم ..طيب فاهميني في ايه وايه دخل يامن بالحوار.الفصل العاشر

عاصم ..مش موافق .

ليان وهي بتضحك..انت بتهزر صح يا بابا .

عاصم..لا مش بهزر ودا آخر كلام عندي .

واستدار لكي يذهب ولكن اوقفه صوت ليان القوي .

ليان ..بس دا قراري انا ..انا قررت اني عايزة يامن ومش هقبل ان حد يبعدني عنه .

عاصم..يعني هتطلعي عن طوعي يا ليان .

ليان بدموع ..ارجوك يا بابا انا مليش غيرك متخيرنيش بينك وبين يامن .

عاصم ..ساعتها هتختاري يامن صح .

انكست ليان رأسها.

عاصم ..لو عايزة يامن يا ليان يبقا انسي ان ليكي اب .

ليان ببكاء ..لا يا بابا ارجوك انا بحبه اووي اوعي تعمل فيا كدا دا اول شخص احبه اوعي تبعده عني يا بابا هموت والله ساعتها .

عاصم ..انا بعمل دا لمصلحتك.

ليان ..انهي مصلحه ديه في اني ابعد عن حبيبي لو علي ظروفه انا قولتلك الصبح انا قبله بيها وهقدر اتعايش معاه ارجوك يا بابا اديلوا فرصه .

عاصم وهو يتكلم مع نفسه ..ياااه يا ليان لو تعرفي اني كونت اتمني اليوم دا بس انا بعمل كل دا علشان مصلحتك لو كانت واقفه علي ظروف يامن كونت وافقت انما السبب أكبر من كدا بكتير .

ليان بدموع ..علشان خاطري يا بابا متحكمش عليا بالموت انا حياتي مش هتبقا حلوة من غير يامن حياتي مش هيبقا ليها معني وانا مش معاه مفيش ليان بدون يامن انا معرفتش قيمه نفسي ولا قيمه الحياه غير معاه انا لما فكرت ابعد عنه شويه يا بابا كونت بموت كونت حاسه ان روحي مش معايا لا معاه بقيت مرتبطه بيه يا بابا بقت روحي مرتبطه بروحه نفسي اللي بتنفسه بتنفسه علشان يامن مترفضش وتبعدني عنه ارجوك يا بابا .

بدأ عاصم يحن الي ابنته نعم يعترف انه كان قاسي معاها كثيرا ..ماشي يا ليان انا هديلوا فرصه بس علشان خاطرك لكن لو حسيته مش كويس او مش دا الراجل اللي آمنه علي بنتي ساعتها يبقا من حقي أرفض ومن غير ما تسألي ليه .

ليان ببتسامه ..ماشي خلاص وانا موافقه .

قبلها من جبينها وتركها وصعد إلي غرفته ام ليان فاتجهت نحو غرفتها وهي مبتسمه فقد وافق ابها مبدئيا علي يامن وذهبت لكي تخبره .

ام عاصم فاكان غاضب وبشده كلما يتذكر بكاء ابنته وانه غضب عليها كثيرا يغضب أكثر من نفسه وضعفه لهولاء الرجال الذي لا يوجد في قلبهم رحمه ولا شفقه للغير .

عاصم ..من هنا ورايح هعمل اي حاجه هتكون في مصلحه بنتي وبس وهفكر فيها هي وبس دا اهم حاجه لازم اعملها بعد ما اخلص من العمليه ديه.

ام ليان فاذهبت نحو غرفتها سريعا وهى مازلت تبكي فاهى لا تصدق حتى الآن ان والدها وافق اخذت هاتفها واتصلت بيامن فأجاب سريعا .

ليان ..ازيك يا يامن.

يامن ..الحمد لله انتى عامله ايه.

ليان..الحمد لله بخير .

يامن ..مال صوتك .

ليان..مفيش .

يامن ..لا فى في ايه .

ليان..بابا .......

يامن..متعيطيش يا حبيبتى هو خلاص وافق .

ليان ..مش مصدقه يا يامن انه عاملني بالاسلوب دا .

يامن ..هو خايف عليكي يا حبيبتي مش اكتر ومن حقه يخاف انتي رايحه تقوليلوا بحب اعمي وعايزة اجوزه عايزة رده فعله تكون ايه .

ليان ..بس دا مكانش رايه الصبح لما عرف ان في مشاعر اتجهاك .

يامن ..مكانش فاكر اكيد انك واخدها جد اووي كدا واتصدم لما فتحتيه في الحوار و انا بكرا لما اقعد معاه ويعرفني كويس اكيد هيثق فيا .

ليان ..اوعي تخيب املي فيك اوعي تسبني اوعي يا يامن تكسرني في يوم من الأيام.

يامن..هحاول يا حبيبتي معملش اي حاجه تزعلك...يلا نامي بقا انتي وراكي بكرا كذا حاجه وأولهم انا جي بكرا عايزك تتشيكي كدا حتي لو مش هشوفك بس هحس .

ليان ..حاضر يا حبيبي هنام.

يامن ..تصبحي علي خير يا حبيبتي .

ليان ..وانت من اهل الجنه .

يامن ..يارب انا وانتي .

ليان ..يارب .

يامن ..سلام .

ليان ..سلام .

استيقظت ليان في الصباح الباكر واتصلت باصدقائها لكي تخبرهم بموعد المساء .

ندي ..انتي صاحبه مش جدعه علي فكره.

ليان ..ليه بس انا والله لسه عارفه بليل .

سما ..بردو كونتي عرفتينا بليل .

ليان ..معلش والله نمت علي طول زي المقتولين.

ندي ..خلاص يا بنتي هنسامحك المرادي علشان احنا قلبنا ابيض بس مش اكتر ولا اقل.

ليان.. ياااه يا بنتي علي كرم اخلاقك مش عارفه اودي الكرم دا كله فين .

ندي..علشان تعرفي بس .

ليان ..عرفت خلاص ...يلا منك ليها قوموا البسوا وتعالوا.

سما ..بس انا شايفه ان المفروض ديه اقعده عائليه ليكم انتوا وبس .

ليان ..لا هتيجوا انتوا اخواتي وعيلتي ولازم تكونوا موجودين..يلا منك ليها مش ناقصه هبل هي .

ندي ..خلاص يا ستي متزوقيش هنقوم نلبس اهو ونيجي .

سما ..تمام وانا كمان هقوم البس والبس ادهم واجي .

ليان ..تمام وانا هستناكم .

سما وندي ..اشطا باي .

ليان ..باي .

أغلقت ليان الهاتف ثم نزلت دراجات السلم متجهه لغرفه الصالون ولكن لم تجد والدها .

ليان باستغراب..داده بابا فين.

الداده..خرج يشم هواء شويه .

ليان ..مقالش رايح فين .

الداده ..معرفش والله.

ام في مكان آخر كان يجلس عاصم والد ليان إمام قبر زوجته يبكي بحرقه .

عاصم..الدنيا جت عليا كتير يا همس اول مره احس اني عاجز بشكل دا حتي عاجز اني افرح بنتي واجوزها اللي بتحبه بسبب ايه بسبب خوفي الخوف دا اوحش حاجه ممكن اتخيلها لما كل حاجه بتعمليها وانتي خايفه احساس صعب اووي حتي انك متلاقيش حد فهمك جنبك يسندك ويقولك انت قدها وهتقدر تعدي اللي فات الموت حرمني منك بدري وحتي مش عايز يرحمني ويجي ياخدني ليكي كل يوم بتمني اموت ولا اني اكسر بنتي وانهاردة انا حاسس اني بسلمها بايدي لجهنم لو اتفتحت مش هتتقفل لو عرف اخويا انها اجوزت هتكون نهايتها بس مقدرش اكسر فرحتها ولا اكسرها خايف عليها ومش عارف اعمل ايه او اتصرف ازاي خليكي جمبي يا همس وحسسيني بوجودك ارجوكي انا محتاجلك.

ظل يبكي علي قبرها بحرقه علي فراقها له .

في مكان آخر كان يجلس يامن في غرفته يفكر في ليان عفويتها ، حبها للحياه ، حبها لناس ، طيبه قلبها ، و اهم حاجه سذاجتها.

قطع وصله تفكيره صوت طرقات خفيفه علي غرفته سمح للطارق بالدخول .

كوثر..ممكن ادخل .

يامن ..اتفضلي.

كوثر ..كونت عايزة اكلم معاك شويه.

يامن ..ايه هي.

كوثر ..قبلت تديني فرصه تاني ليه .

يامن بتوتر ..ومين قالك اني قبلت اديكي فرصه .

كوثر ببتسامه ..توترك دا يثبت انك ادتني فرصه وفرصه كبيره كمان.

يامن ..الصراحه اه بس كل الفضل يرجع لليان.

كوثر..ليان ديه بجد مفيش منها اتنين مشوفتش في حنيتها ولا طيبه قلبها .

يامن .. ولسه لما تعرفيها اكتر هتحبيها .

كوثر ..طالما انت حبتها يا بني يبقا انا كمان حبيتها .

ابتسم يامن..ايه مش هتطلعيلي حاجه البسها انهاردة ولا ايه .

كوثر ..من عنيا .

اتجهت كوثر نحو الخزانه وأخرجت منها قميص بالون الأسود وبنطال اسود ثم ذهبت الي غرفتها وآخرجت جيبه سوداء وبلوزه بيضاء وطرحه تجمع بين الونين .

تجهز الجميع وخرجت كوثر ويامن وهما ممسكين بيد بعضهم خرج يامن وكان جاسم ينتظره في السياره.

جاسم ..يا عم يا عم ايه الحلاوه ديه .

يامن ..انا طول عمري شيك .

جاسم ..اتنيل انت انا قصدي علي القمر اللي جنبك ديه عارف لو هي مش امك كونت اجوزتها.

يامن...اتلم يا حيوان هي حصلت امي .

جاسم ..ما هي اللي قمر وكانت مختفيه عننا .

كوثر ..دا انت اللي سكر والله ودمك خفيف .

يامن ..ايه انزل من العربيه واسيبكم تحبه في بعض شويه .

جاسم ..ايوة روح هات كوبيتين عصير ليمون وتعالي يا شاطر .

يامن ..لا كدا هديك بوكس ينسيك اسمك .

جاسم ..لا خلاص حرمت اهو وهركز في الطريق.

يامن ..ايوة احسن ..فين مازن .

جاسم ..مازن مش عارف متضايق حتي مش مركز في شغله وخد اجازه .

يامن ..ليه ايه اللي حصل.

جاسم ..والله مقالش حاجه بس شكل الموضوع فيه سما .

يامن..تفتكر يكون قالها حاجه .

جاسم ..افتكر وجدا وبذات ان مازن اللي في قلبه علي لسانه.

يامن ..يبقا هي اكيد رفضت علشان كدا هو اختفي فجأه .

جاسم ..انا هبقا اروح اشوفه وافهم هو فيه ايه .

يامن ..تمام وانا لو عرفت ممكن اروح معاك .

جاسم ..اشطا .

بعد قليل من الوقت كان يهبط يامن وجاسم وكوثر والده يامن .

دخل الجميع الي الصالون واستقبلتهم الداده وبعد قليل من الوقت هبط والد ليان وجلس معاهم.

يامن..اهلا يا عمى احب اعرفك على عيلتي ديه والدتى مدام كوثر ودا جاسم اخويا وصاحبي.

عاصم ..اهلا بيكم بس فين والدك.

يامن ..احم والدى والدتى منفصلين من زمان وهو حاليا مسافر برا .

عاصم ..اممم وانت بتشتغل ايه .

يامن ..انا كنت مدير شركه قبل ما تحصلي الحادثه وافقد نظري وحاليا والدتي عندها شركه وبيدخلنا منها دخل كويس .

عاصم .. تمام .

كوثر ..اومال فين عروستنا.

عاصم ..نازله دلوقتي.

دخلت ليان وكانت ترتدي فستان ازرق طويل وضيق من فوق واسع من تحت وتركت لشعرها العنان ودخلت بجانبها ندي التي كانت ترتدي فستان قصير من الون الابيض ام سما فاكانت ترتدي جيبه سوداء وبلوزه قصيره من الون البينك وطرحه بيضاء.

اتجهت ليان نحو كوثر وقدمت لها العصير ثم يامن الذي ابتسم لها ثم جاسم وجلست بجانب والدها .

يامن ..انا جي طالب ايد ليان من حضرتك واتمني ان حضرتك توافق وانا هشيلها فوق رأسي.

عاصم بعد تفكير ..انتي ايه رايك يا ليان.

ليان ..اللي تشوفه حضرتك.

عاصم ..يبقا علي بركه الله انا موافق .

ابتسم يامن بخفه وبدلته ليان الابتسامه .

يامن ..نقرا الفاتحه.

عاصم ..تمام .

بدا الجميع في قراه الفاتحه كان جاسم يغتلس النظر الي ندي ويتبادلون الابتسامات والنظرات ام سما فاكانت حزينه فامازن لم يأتي اليوم وكانت ليان فرحه فاخيرا تحقق حلمها اخرج يامن علبه سوداء وملفوفه بشريطه حمراء وفتحها وكان خاتم الماس في غايه الروعه

يامن ..ممكن يا ليان تقبلي مني الهديه ديه .

ليان بفرحة ..حلو اووي يا يامن.

يامن..طيب ممكن صباعك بقا علشان ادخله .

ليان ..اساعدك .

يامن ..لا هعرف لوحدي.

ادخله يامن في اصبعها ثم رفع يديها الاثنتين وقبلهما.

ابتسمت ليان بفرحة وسعاده.

انتهي اليوم وذهب الجميع الي منزله.

كاد يتجه عاصم الي غرفته ولكن اوقفه صوت ابنته .

ليان ..بابا هو حضرتك لسه مش راضي عن يامن .

عاصم ..لو مش راضي عنه يا ليان مكونتش قبلت انه ياخد اغلي ما عندي.

ليان ..طيب ليه حضرتك رفضته من الاول .

عاصم ..هتعرفي دا بعدين المهم دلوقتي ادخلي استريحي بكرا انتي عندك رحله .

ليان ..تمام يا بابا تصبح علي خير.

عاصم ..وانتي من اهل الخير يا حبيبتي.

ذهبت ليان الي غرفتها واستلقت علي سريرها واخذت تفكر في يامن حتي غلبها النعاس .

ام عاصم فأسمع صوت هاتفه يرن.

عاصم ..نعم.

الشخص ..شكلك مستغني عن بنتك .

عاصم ..ليه .

الشخص ..احنا هنستعبط يا عاصم بتوافق علي العريس ليه انا قولتلك بنتك مش هتكون غير لابني .

عاصم ..وانت عايزني اجوزها لمريض نفسي زي ابنك .

الشخص ..عاصم التزم حدك كويس ابني مكانش كدا بنتك اللي وصلته للحاله ديه .

عاصم ..وانت عارف ان بنتي رفضته عادي زي بقيت الشبان اللي اتقدملها ورفضتهم.

الشخص ..وفي الاخر توافق تجوز اعمي .

عاصم ..هي حره والاعمي دا عجبها يبقا ليه أرفض.

الشخص ..علشان ابن اخوك مثلا .

عاصم بسخريه ..اخويا ايه ..اخويا اللي ورطني معاه في شغل المخدرات والسلاح..ولا اخويا اللي عايز ينهبني...ولا اخويا اللي عايز ياخد كل حاجه انا بملكها حتي بنتي عينه عليها ...فين الأخوه في كدا يا ياسر .

ياسر ..انت عارف انك انت اللي سمعت حاجات بالغلط مكانش المفروض تسمعها علشان كدا اتورط.

عاصم ..كان بايدك تخرجني من الحوار دا لو مكانش علي هواك .

ياسر ..ليه ديه شحنه كبيره وهيجيلك منها خير كتير .

عاصم ..وانا عمري ما ادخل بيتي ولا اكل بنتي من مال حرام .

ياسر ..الشحنه داخله بكرا علشان تكون عارف لو اتمسكت يبقا انسي بنتك خالص .

عاصم ..قولتلك ملكش دعوه بيها شغلك معايا انا .

ياسر ..انا عرفتك خلاص يا اخويا فكر في كلامي كويس سلام .

أغلق في وجهها الهاتف دون أن ينتظر الرد ظل عاصم يفكر في حل ولكن لا يوجد حل آخر فالوقت قد فات .

في الصباح الباكر نزلت ليان دراجات السلم برشاقه واتجهت نحو الصالون .

ليان ..بابا انا ماشيه هرجع بكرا الصبح .

عاصم ..تمام يا لي لي خودي بالك من نفسك .

ليان ..بابا مالك وشك مصفر في حاجه .

عاصم ..لا يا بنتي تلاقيني نسيت الدواء بتاعي هطلع اخده وهكون كويس .

ليان ..خلاص انا ممكن اقعد معاك طالما انت تعبان .

عاصم ..لا مينفعش روحي رحلتك وهترجعي تلاقيني في استقبالك.

ليان ..تمام .

قبلته ليان من جبينه ثم ركضت الي الخارج كان بانتظراها يامن وجاسم وندي .

اقتربت ليان من يامن وقبلته من جبينه .

ليان..صباح الخير.

رد يامن بقبله على جبينها ..صباح النور.

ليان..جاهز انهاردة لانى مش هرحمك .

يامن ..جاهز .

ليان ..جاسم انت هتيجي معانا .

جاسم ..للاسف لا عندي شغل مهم .

ليان ..تتعوض ان شاء الله في الرحله الجايه.

جاسم ..ان شاء الله يلا اوصلكم.

ليان ..يلا .

ركب الجميع السياره وندي صامته فاهي حزينه لان جاسم لن يأتي معاها .

وصل الجميع إلى اتوبيس الرحله وركبوا وبدا الاتوبيس في التحرك .

انتهي البارت ؟؟؟؟

توقعاتكم بالأحداث اللي جايه ؟؟؟

روايه اعمي ولكن

للكاتبه /esraa mahmoud

ليان..يامن عايز يجي يتقدملي بكرا .

عاصم بصدمه ..ايه .

ليان..ايه يا بابا في حاجه .

عاصم ..انا مش موافق .

🤩🤩🤩🤩🤩🤩🤩

روايه اعمي ولكن

الفصل الحادي عشر

بعد فتره ليست بقليله كان الاتوبيس يقف أمام فيلا في السخنه .

نزل الجميع وهما متحمسون لهذة التجربه .

يامن بهمس ..هو احنا مش هنعرف نكون لوحدنا خالص وهتتشغلي بيهم ولا ايه .

ليان ..يعني هو انا مشغوله شويه هخلص اللي ورايا بس وهكون معاك .

يامن .. طيب خلصي بسرعه معاهم عايزك ليا لوحدي .

ليان بخجل ..طيب هحاول .

ليان ..بصوا يا شباب النظام هيكون ايه الفيلا هنا مجهزه بحمام سباحه وفي جنينه كبيره مجهزه بألعاب للاطفال وفي بليل حفلات تبع القريه البحر متاح دخوله بس ممنوع نزوله بسبب ان مفيش حد هيكون معاكم وانا كدا مش هكون مطمنه .

الجميع ..لا كدا كفايه جدا شكرا جدا لحضرتك .

ليان ..المهم انكم تتبسطوا دلوقتي نطلع نريح شويه وبعدين هنقسم نفسنا وهشوف كل واحد عايز يعمل ايه وهنعمله .

الجميع ..تمام .

ليان..ندي وسما عايزاكم.

اقتربت ندي وسما الي ليان .

سما ..في ايه .

ليان ..مع ان شكلك متغير انهاردة ومش في المود بس معلش عايزاكي معايا .

سما ..مفيش حاجه يا ليان شوفي بس انتي عايزاني في ايه وانا معاكي .

ليان ..بصي انتي هتروحي معاهم البحر علشان لو عايزين يروحوا لاني مش هقدر آمن عليهم غير معاكي .

سما ..تمام.

ليان ..وانتي يا ندي عايزاكي في الفيلا هنا مع الأطفال ومديرة الجمعيه هتشرف علي اللي هينزل البسين وانا هروح اتفق علي الحفلات بتاعت بليل واشتري اكل وكل المستلزمات اللي ممكن نحتاجها .

ندي ..تمام يا لي لي .

ليان ..يلا فكوا كدا و انطلقوا .

ندي وسما .. اوك .

في مكان آخر كان يجلس جاسم بحماس فاكل شئ يمشي كما خطط له آتاه هاتف فأجاب .

م..هااا جاهز العمليه كمان كام ساعه بظبط .

جاسم ..متخافش جاهز وكل حاجه متظبطه وكانك موجود بظبط .

م ..انا مش عايزك تقبض علي عاصم دلوقتي.

جاسم ..اشمعنا .

م..عايز الاول الشحنه تعدي من الشركه واول ما العربيه تبدأ تتحرك علي الطريق عايز يكون في كمين وساعتها يتقبض علي الشحنه .

جاسم ..بس موضوع الكمين في الوقت المتأخر دا عادي .

م..عادي بس هيكون احسن بكتير من انكم اتقبضوا علي عاصم وساعتها بردو مش هنكون عملنا حاجه انا عايز الاول اللي ورا عاصم يظهر لو مظهرش ساعتها نقبض عليه .

جاسم ..تمام تحت امرك .

م..ربنا معاكم يا شباب لما تخلص طمني تمام .

جاسم ..تمام .

أغلق جاسم مع هذا الشخص الغامض في نفس اللحظة دخل هاني .

هاني ..اسف يا فندم علي التاخير بس كنت بحاول اطلع باي ثغره توصلنا لسليم .

جاسم ..يعني ايه موصلتش لاي حاجه .

هاني ..كل اللي وصلة ليه انه سافر بعد ما ساب المستشفي علي طول واهله..اهله متوفين ملهوش غير اخت وهي مجوزه وعايشه برا واحتمال كبير يكون مسافر هناك .

جاسم ..طيب وعامل النظافه .

هاني ..لسه ببحث عنه لاني روحت عنوان بيته القديم ولقيته نقل هحاول اجيب عنه تفاصيل اكتر وهرد علي حضرتك.

جاسم ..تمام يا هاني اول ما توصل لحاجه عرفني.

هاني ..تمام يا فندم بعد اذن حضرتك .

جاسم ..اتفضل .

خرج هاني من الغرفه وظل جاسم يفكر كيف سيصل إلي هذا الشيطان سليم .

كانت ليان منشغلة في كتابة نظام اليوم وتجهيزات للحفلات اتي يامن من خلفها واحتضنها.

ليان بشهقه..خضتني .

يامن بهمس..اممم ما لقيتك مشغوله ونسياني خالص .

ليان ..ما قولتلك ورايا حاجات كتير.

يامن ..طيب يلا نهرب في اي مكان .

ليان ..عندي مكان خطير .

يامن ..هو مش فارق معايا المكان انا اصلا مش هشوفوا اللي فارق معايا هو انتي .

ليان ..المفروض اعمل ايه بعد الكلام دا يعني .

يامن..تبوسيني مثلا .

ليان بشهقه..يا قليل الادب .

يامن ..هو حد كان قالك عليا محترم .

ليان ..دا اللي كنت فكراه .

يامن ..انا مع الناس محترم معاكي انتي لا خالص.

ليان ..طيب ابعد بقا عايزة اشوف هعمل ايه .

يامن ..مش هسيبك بوسه الاول .

ليان ..يامن اتلم .

يامن ..اخدها الاول وبعدين هتلم.

ليان بهمس ..يامن مينفعش .

اقترب منها يامن وقبلها بشغف وحب كانت ليان مصدومه وخجله في نفس اللحظه ولكن مع الوقت تجوبت معه واحاطت عنقه بقوه قطعهم صوت شهقه كبيره تخرج من ندي .

ابتعدت ليان سريعا عن يامن بخضه .

ندي ..انا اسفه وخرجت سريعا .

ليان وهي تنظر إلي يامن بعتاب..ينفع كدا .

يامن بتلذذ ..اممم ينفع وينفع اووي كمان .

ليان ..طيب ابعد بقا .

يامن ..لا يلا علي المكان اللي كونا هنروحه.

ليان ..لا خلاص ما انت فضحتني .

يامن ..يلا يا ليان ربنا يهديكي .

ليان ..طيب .

خرجت ليان ويامن سويا وذهبوا إلي مكان خالي من الناس وملئ بالمناظر الطبيعيه أخذت ليان تشرح ليامن عن منظر المكان.

ليان ..ايه رايك نتجنن شويه .

يامن ..بتفكري في ايه .

ليان ..انا هربط الاسكرف بتاعي علي عيني ونمسك ايد بعض ونجري سوا .

يامن ..ولو وقعنا.

ليان ..مش مهم نقع سوا .

يامن ..اشطا .

ربطت ليان عينها بالاسكرف وامسكت يد يامن .

ليان ..مستعد .

يامن ..مستعد .

ليان .. 1..2..3..

ظلت تركض هي ويامن وهما ممسكين بيد بعضهم لبعض وصوت ضحكتهم يملاء المكان حتي وقعوا علي العشب .

ليان ..الله بجد كان حلو اووي .

يامن ..بحبك يا مجنونه .

ليان ..وانا كمان .

ضمها يامن اليه بقوه وفعلت ليان المثل.

في مكان آخر كانت تسير سما وهي تفكر بمواقفها مع مازن ..اخذت تتذكر مرحه ...ضحكته ..وسامته. فاقت عندما اصطدمت باحد من الخلف .

سما ..سوري.....

ولكن الصدمه الجمتها عندما رأت مازن يقف أمامها.

سما بتوتر ..مازن .

مازن بصدمه ..سما انتي ايه اللي جابك هنا .

سما ..انت ايه اللي جابك هنا انت بتيجي ورايا في كل حتي انا قولتلك مش عايزاك مبتفهمش ليه مش عايزاك يا اخي .

مازن بصدمه ..أولا يا هانم انا مش بجري وراكي زي ما انتي فاكره..انا هنا بتفسح و معرفش اني ممكن اشوفك هنا ..وانا عندي كرامه يا سما مش هجري وراكي وانتي قولتي مش عايزاني بس ساعتها يا سما متزعليش لما تيجي تندمي واقولك خلاص مبقتش عايزك .

سما ..عمري ما هندم.

مازن..يبقا تخميني صح انتي لسه بتحبي جوزك .

سما ..ايوة لسه بحبه وعمري ما نسيته ولا هحب غيره.

مازن بوجع..تمام يا سما اسف لو ازعجتك .

تركها وذهب ام سما فاوقفت تتذكر كلامها المهين له ولرجولته ندمت كثيرا لما قالته لكن هي لا تريد أن تعيد تجربتها مره اخره.

ام مازن فاكان موجوع الي ابعد درجه فاقد اهانته لثاني مره ذهب نحو الفندق وأخذ ملابسه وركب سيارته وعاد الي القاهره مره اخري.

ام ندي فاكانت تشغل تفكيرها عن جاسم باي طريقه فاهي بدأت تميل إليه .

جاء المساء وكان الجميع مبسوطين معادا سما وندي .

ام ليان ويامن فاكانوا يرقصون سويا بجنون .

ليان وهي تتمايل ..بحبك .

يامن ..وانا اكتر.

ليان ..انا مش عايزة اروح .

يامن ..ولا انا .

ليان ..طيب خلاص ايه رايك نهرب منهم ونفضل هنا .

يامن ..كان نفسي بس ورايا حاجات كتير وبعدين مينفعش صاحبه الجمعيه نفسها مترجعش ولا ايه .

ليان ..يوووه بقا مش عايزة اسيبك انا مبسوطه اننا طول اليوم مع بعض .

يامن..نجوز بس ومش هسيبك للحظه.

ليان ..بتحبني لدرجاتي .

يامن ..فوق ما تتخيلي.

ليان ..انا بحبك اكتر بكتير يا يامن ضعف حبك مرتين بس مش عارفه حاسه بخوف يا يامن قلبي مش مرتاح.

يامن ..متخافيش انا دايما جمبك.

ليان ..مش خايفه طول ما انت معايا.

يامن ..يارب اكون قد الثقه ديه .

ليان ..متاكده انك قدها .

يامن ..طيب ركزي في الرقص بقا.

ليان..طيب .

ام عند عاصم فاكان يجيب علي الهاتف بعصبيه .

عاصم ..ياسر مش انا اللي هستلم الشحنه كفايه انها داخله باسمي اي حد من اللي عندك يستلمها يا ياسر .

ياسر بخبث ..رجلتي خط أحمر مش هقدر استغني عنهم .

عاصم ..وانا اللي اخوك عادي تستغني عني .

ياسر ..انت لسه بتوهم نفسك وبتقول اني اخوك قولتلك ابويا كان بيكره ابوك .

عاصم ..مش معني ان ابوك كان بيكره ابويا هتحاسبني علي دا يا ياسر.

ياسر ..انت عارف كويس يا عاصم ابوك خطف امي ازاي وخلاها تسيب ابويا وترحلوا .

عاصم ..دا كان زمان يا ياسر فوق احنا في دلوقتي ازاي تخاطر بيا ومش قادر تخاطر بحد من رجالتك .

ياسر ..الماضي مرتبط بالحاضر يا عاصم وجه الوقت اللي انتقم فيه صح وعمري ما هسيب الفرصه ديه.

عاصم ..انت اوسخ شخص شوفته .

ياسر ..عارف متنساش الشحنه كمان ساعه خلي بالك علي نفسك يا ....اخويا.

وظل يضحك بسخريه حتي أغلق عاصم الهاتف وهو غاضب .

تجهز عاصم بتوتر وذهب نحو شركته منتظر الطائرة الخاصه المحمله بالشحنه.

في هذه اللحظه كان جاسم وبعض قوات الشرطه يحضروا الي الكمين ام جاسم فاتحرك نحو الشركه هو وبعض من القوات لكي يراقب الشحنه عن قرب .

هبطت الطائرة واستلمها عاصم هو ورجاله أخذ يدقق في حجم الشحنه وكانت الصدمه الكبري فالشحنه مليئة بالمخدرات والأسلحة وبكميات لم يتوقعها .

عاصم ..الحاجه هتنزل من الباب الخلفي هتلاقوا عربيه كبيره مستنياكم حطوا فيها الحاجه .

الرجاله.. تمام.

اخذوا الرجال يحملون البضاعه في السياره ام عاصم فخرج سريعا وركب سيارته وقادها نحو الفيلا .

ام جاسم فأرسل بعض الحراس خلف عاصم لكي يراقبوه ام جاسم وبعض القوات المتبقية ساروا خلف الشحنه .

وصلت الشحنه امام الكمين خرج جاسم من سيارته ببتسامه .

جاسم.. معانا إذن بالتفتيش.

واحد من الرجاله ..تفتيش ايه .

جاسم ..العربيه هيكون ايه يا روح امك .

واحد من الرجاله ..وليه الغلط بس .

جاسم ..هو انت اللي هتعرفني الغلط من الصح افتح العربيه.

فتح السياره باستسلام اخذوا يفتشون حتي رأي جاسم السلاحه والمخدرات محمله تحت صناديق الفاكهه.

جاسم ..قولي ايه دا .

الرجاله ..احنا ملناش دعوه بالحاجه ديه كل اللي اعرفه اني هوصل فاكهه .

جاسم ..انت فاكرني ايه ياض واحد لسه متخرج ولا ايه انا رائد لو انت متعرفش مين هو الرائد جاسم يبقا اعرف كدا وفوق بقا هفكرك مين اللي ورا الحاجات ديه .

حاول احد من هؤلاء الرجاله الهرب ولكن أطلق جاسم رصاصه علي قدمه مما ادت الي وقعوه .

احد الرجال ..اااااه ...مش قادر ...رجلي.

جاسم وهو ينظر الي أحد العساكر ..مش انا اللي يضحك عليه انت وهو خودهم علي السجن وظبطهم لحد ما اجي والشحنه ديه وصلها المخابرات.

احد العساكر...تحت امرك يا فندم .

ابتسم جاسم بفرح فاقد تم الامر كما خطط له .

اتصل علي هذا الشخص الغامض .

جاسم ..تم يا كبير .

م..عاش.

ام ياسر فاعلم أن الشحنه تم القبض عليها أخذ يدور بغضب ... واتصل بعاصم وكان هاتفه غير متاح .

ياسر ..وعاصم الكلب مش بيرد كمان انا هوريك يا عاصم انت وبنتك .

في الصباح الباكر كان الجميع يركب الاتوبيس للرجوع إلي القاهره .

وصلت ليان إمام الفيلا وركضت لكي تري والدها فاهي كدا اشتاقت إليه كثيرا .

دخلت الفيلا واتجهت نحو غرفتها وألقت بجسدها علي السرير وامسكت بهاتفها لكي تتطمئن علي يامن بعتت له ماسج وكان المحتوي...وصلت البيت .

ولكن لم يجيب فاعتقدت انه خلد الي النوم اتجهت نحو خزانتها وغيرت ملابسها واتجهت نحو غرفه والدها وجدته جالس امام النافذة ينظر بشرود و واضح علي ملامحه الشحوب والحزن .

ليان بقلق ..بابا مالك .

عاصم ..انتي جيتي امتي انا منامتش خالص وكنت مستنيكي .

ليان ..انا جيت بقالي شويه بس شكلك كنت سرحانه فامخدتش بالك.

عاصم ..اه فعلا.

ليان ..مالك يا بابا انت تعبان .

عاصم ..لا يا حبيبتي كنت قلقان عليكي .

ليان..متخافش كان معايا يامن طول ما هو معايا خليك مطمن.

عاصم ..المهم انك اتبسطي.

ليان ..جدا جدا يا بابا .

عاصم ..دا المهم ايه رايك ننزل نحضر الفطار سوا .

ليان ..اشطا.

نزل عاصم وليان الي المطبخ وظلوا يمرحوا ويجهزوا الفطار سويا .

عاصم ..الفول بتاعي مفيش حد هيعرف يعمله من الخدم ابدا .

ليان ..ريحته باينه .

عاصم ..يلا اقعدي يا حبيبتي ناكل.

ليان ..يلا يا بابا .

جلسوا يأكلون سويا ويضحكون في جو يغلفه الحب والمرح أخذ عاصم ينظر الي ابنته في خوف وهو لا يعلم ما ستتعرض له عما قريب لحظت ليان نظراته .

ليان ..بابا في حاجه انا حساك متغير الفتره ديه .

عاصم ..لا يا حبيبتي متشغليش دماغك شويه مشاكل في الشغل مش اكتر ولا اقل .

ليان ..ما انا قولتلك يا بابا جيب حد يساعدك في الشغل .

عاصم ..انتي عارفه اني بحب ادير الشغل بنفسي ولما بقعد منه بتعب .

ليان ..انت عنيد اووي بس لو تعبت تاني مفيش شغل خالص .

عاصم ..ياريتها تيجي علي التعب وبس يا ليان .

ليان ..مش فاهمه قصدك ايه.

عاصم ..لا متشغليش دماغك ركزي بس انتي في حياتك واتبسطي.

ليان ..حاضر .. ثم اكملت ..بابا انا هقوم اتصل بيامن علشان يعدي علينا يتغداء معانا .

عاصم ..تمام يا حبيبتي .

اتجهت ليان الي غرفتها وجلبت هاتفها واتصلت بيامن ولكن لا يوجد رد استمرت ليان في الاتصال لفتره طويله ولكن يامن لا يجيب اخذت تفكر ومن ثم اتصلت بكوثر.

ليان ..ازيك يا طنط عامله ايه .

كوثر ..الحمد لله يا حبيبتي انتي عامله ايه .

ليان ..الحمد لله .

كوثر ..خير يا حبيبتي في حاجه .

ليان..انا بتصل علي يامن مش بيرد هو عند حضرتك .

كوثر ..لا يامن اصلا مجاش.

ليان ..نعم المفروض انه كان مروح .

كوثر ..معرفش هو مجاش حتي انا افتكرته معاكي .

ليان ..طيب انا هتصل يا طنط بجاسم اكيد يعرف حاجه عنه .

كوثر ..تمام يا حبيبتي لو عرفتي حاجه ابقي طمنيني .

ليان ..تمام .

اتصلت ليان بجاسم ولكن لا يوجد رد.

عاصم ..في حاجه يا لي لي .

ليان ..جاسم ويامن مش عارفه اوصلهم ويامن مروحش .

عاصم ..ممكن يكونوا مع بعض و .....

قطع وصله حديثهم صوت جرس الباب اتجهت ليان لكي تفتح الباب وكانت الصدمه .

ليان بصدمه..يامن .

تواقعتكم ايه اللي حصل ؟؟؟؟

و ايه رايكم في البارت ؟

روايه اعمي ولكن

للكاتبه/ esraa mahmoud

🤩🤩🤩🤩🤩🤩🤩🤩

الفصل الثاني عشر

فتحت ليان الباب وكانت الصدمه عندما رأت عدد كبير من الشرطه وعلي راسهم يامن بالزي الرسمي لضابط الشرطه .

ليان بصدمه ..يامن.

يامن بصرامة.. معانا إذن بالقبض علي والدك عاصم توفيق .

ليان ..نعم ...انت ازاي بتشوف ...ازاي ظابط ...وليه تاخد بابا .

يامن ..ليان كل حاجه هتعرفيها بعدين دلوقتي انا بقوم بمهمتي لو سمحت اتفضل معانا يا استاذ عاصم من غير شوشره .

ليان بصريخ..مش هتاخد بابا من هنا غير لما افهم انت مين ..انت اكيد مش يامن ..انت مين .

يامن ..انا يامن ظابط شرطه كنت بقوم بمهمتي وهي اني اقرب منك علشان اقدر اجمع معلومات اكتر عنكم وحاليا انا مش فاضي لشرح الموضوع اكتر من كدا ورايا شغل لازم اخلصه .

يامن للقوات..اتفضلوا خدوا عاصم بيه.

اتجهت القوات والقت القبض علي عاصم .

ليان بصريخ..لا ...لا بابا لا ...بابا عمل ايه علشان تاخده.

يامن ..والدك متهم في شحنه مخدرات وسلاح.

ليان بصريخ ..انت كداب ..كداب بابا مش ممكن يعمل كدا .

يامن ..لا عمل.

نظرت ليان الي والدها الذي احني رأسه بندم .

ليان ..لا ...مش ممكن...لا ...انت يا بابا ..انتوا الاتنين عملتوا فيا كدا ليه ..ليه .

يامن ..ليان انتي لازم تتقبلي الوضع دا.

اخذت تضربه ليان بكل قواتها..امشي من هنا ..مش عايزة اسمع منك حاجه ..امشي ..انت كداب ..وخاين ..خونت ثقتي فيك ..امشي .

تحرك يامن ببرود ومعه عاصم ام ليان فاجلست علي الارض تبكي بقهره.

ليان بصريخ وهي تضرب قلبها بكل قواتها ...ااااااااااااااه موقفتش ليه قبل ما اشوف اللي حصل دا ...موقفتش ليه وانا اغلي اتنين عندي خانوا ثقتي فيهم ...موقفتش ليه قبل ما تحب واحد كداب ...ليه لسه بدق ...ليه....ااااااه ...يارب ارحمني بقا ....ارحمني .

واخذت تأخذ نفسها بصعوبه حاولت جاهده ان تتحرك لكي تجلب دوائها ولكن بدون فائدة

ام في سياره البوكس.

عاصم ..ليه عملت فيها كدا يا يامن ليان متستاهلش كل ده.

يامن ..لازم كنت اقوم بمهمتي.

عاصم ..ليان حبيتك ...انت نسيت .

ابعد يامن نظره ونظر الي الناحيه الاخري.

عاصم ..ليان زمانها منهاره مش عايزها توصل للحاله اللي وصلت ليها لما والدتها ماتت.

يامن بقلق..ليه هي حصلها ايه واقتها.

عاصم ..ليان بيجلها ازمه ...مش بتعرف تاخد نفسها كويس ولازم يتعلق ليها اكسجين بسرعه.

يامن ..ومقولتش ليه من الاول .

عاصم ..كل حاجه حصلت فجأه انزل روح لليان.

يامن وقف العربيه ونزل منها بسرعه وركب تاكسي وراح ناحيه الفيلا.

في نفس اللحظه كانت ليان تصارع مرضها وحيده اخذت تحاول ان تنظم أنفاسها ولكن استسلمت لهذه السحابه السوداء وفقدت وعيها.

وصل يامن في مده قصيره وركض نحو الفيلا وجد باب الفيلا مازال مفتوح وليان واقعه أمامه ويتضح علي وجهها الشحوب الحاد وشفتيها زرقاء .

يامن بقلق ..ليان ...ليان فوقي.

ولكن لا يوجد استجابه حملها يامن سريعا وتحرك بها نحو الخارج وركب التاكسي مره اخري .

يامن ..بسرعه علي المستشفي بسرعه .

زاد الساق من سرعه السياره ووصل بهم الي المشفي .

حملها علي ذراعيه بقوه وصرخ ..حد يساعدني بسرعه .

اتي العديد من الدكاتره واخذوها الي غرفه الطوارئ وعلقوا لها جلسه اكسجين وبعض المحاليل.

الدكتور..المريضه اتعرضت لصدمه كبيره قصرت علي نفسيتها وبتالي جالها ضيق تنفس هتفضل معانا انهاردة .

يامن ..تمام في خطر علي حالتها .

الدكتور.. لا .

يامن ..تمام شكرا .

اخرج الهاتف وهاتف جاسم .

يامن ..جاسم عايزك تتصل بندي ضروري وتخليها تيجي علي المستشفي .

جاسم..في ايه .

يامن ..ليان تعبانه شويه ومحتاجه حد جمبها.

جاسم ..انا قولتلك يا صاحبي بلاش انت تروح وتعرفها انك مش اعمي وان كل دا تمثيل علشان تقبض علي باباها.

يامن ..هي كدا كدا هتعرف .

جاسم..ماشي يا يامن انت حر انا هتصل بندي واقولها .

يامن ..تمام وحقق مع عاصم .

جاسم ..حاضر .

يامن ..سلام .

اتجه يامن نحوها وجلس امامها وأخذ يربط علي شعرها ويقبل يديها.

يامن..غصب عني يا ليان ...المفروض مكونتش احبك ..بس الحب مش بأيدينا حبيتك وعلقتك بيا وانا عارف انه مستحيل نكمل سوا ..شغلي اجبرني اني اعمل المهمه ديه وقولت هو شهرين وهخلص مكونتش اعرف في الشهرين دول هحبك...سامحيني ..يا حبيبتي ...سامحيني .

ابتعد يامن عندما سمع طرقات علي الباب ودلوف ندي الي الغرفه وكانت الصدمه الكبري عندما رأته يري ويقف امامها بالزي الميري.

ندي بصدمه..يامن .

يامن ..مش وقت صدمه يا ندي انا ورايا شغل كتير ليان دلوقتي تعبانه خليكي جمبها.

ندي..انت ازاي بتشوف .

يامن ..انا اصلا مش اعمي .

ندي بصدمه ..يعني كل دا كان تمثيل وانت وصاحبك ضحكتوا علينا .

يامن..ندي ديه كانت مهمه ولازم كنا نعملها .

ندي..في الآخر اسمك كداب ..تعرف يا يامن انا كنت بحترمك اووي دلوقتي قليه من نظري جدا كلكم جنس واحد .

يامن ..التزمي حدك يا ندي انا مراعي الصدمه اللي انتي فيها .

ندي ..صدمه ايه ..انت وصلت ليان للحاله ديه تاني بعد ما كانت خلاص خفت..انت رجعتها لورا تاني ..انت ضحكت عليها ..ووهمتها بالحب..هو مشاعر الناس بنسبالكم لعبه ...تلعب بيها شويه وخلاص زهقت فاترميها..وتحت مسمي اصل دا شغل .. اتفضل يا يامن باشا روح شغلك بس مش عايزة اشوفك جمب ليان تاني.

يامن ..مش انتي اللي هتحددي اكون جمبها ولا لا انا همشي بس علشان اكمل شغلي للاخر ولما ارجع ليا كلام مع ليان .

ندي ..وانا متاكده ان ليان مش هتوافق حتي تبص في وشك .

يامن.. هنشوف .

وخرج يامن من الغرفه وهو في قمه عصبيته فاندي وجهته بالحقيقة.

ام عند جاسم وعاصم.

جاسم ..احكيلي ايه اللي حصل بظبط .

عاصم.. انا عاصم توفيق ..ليا أخ من الام اسمه ياسر ابراهيم جوهر ..في مره كنت رايح ليه الشركه علشان في شحنه المفروض هتدخل عن طريقي بس مكونتش عارف الشحنه ديه ايه وبالصدفه وانا معدي سمعته بيكلم مع شخص في التيليفون وبيقولوا ان كل حاجه تحت السيطره وان الشحنه هتدخل كامله عن طريق شركتي وان لو حصل حاجه انا اللي هيتقبض عليا ومفيش دليل عليهم ..لما دخلت ووجهته هددني بنتي اللي معنديش اغلي منها وقالي اعمل العمليه ديه بس ومش هدخلك في اي حاجه تاني لحد اخر لحظه وانا بحاول معملش العمليه بس كل يوم كان تهديدهم ليا بيزيد..اهم حاجه يا بني ليان بنتي هو عايز ليان وحاطط عينه عليها انا مش مهم المهم بنتي .

جاسم ..متخافش يا عاصم بيه يامن حاطط حراسه عليها وندي معاها ..واحنا عارفين انك انت ملكش ذنب بس احنا عايزين نمسك عليهم حاجه او يكون معانا دليل قوي نحبسهم بيه .

عاصم ..المهم بنتي دلوقتي كويسه .

جاسم ..اطمن كويسه وهتفوق وناخدك ليها .

عاصم ..شكرا جدا لحضرتك .

جاسم ..انا هخليك هنا تنام في مكتبي أمان ليك .

عاصم ..ماشي يا بني .

خرج جاسم وجلس عاصم يفكر في ابنته وحالتها الآن وأخذ يتذكر النوبات اللي بتجلها وفتره الاكتئاب اللي دخلت فيها لما مامتها ماتت بكاء عاصم علي ابنته .

عاصم ببكاء ..انا السبب يا بنتي ...انا اللي رجعتك تاني لحالتك ديه ..انا السبب يا ليان .

أخذ يبكي ويتضرع الي الله لكي يحمي ابنته .

خرج جاسم واتجه نحو غرفه يامن وجده منكس رأسه بقهر وانكسار.

جاسم ..يامن مالك .

يامن ..عارف اول مره اتمني اني اكون اعمي فعلا..اتمنيت اكون فعلا يامن الاعمي اللي معندهوش حد غير ليان الطيبه اللي بتحبه بجد ..جاسم انا بموت ..بتقطع روحي مش فيا روحي مع ليان في المستشفي ...انت مشوفتش حالتها يا جاسم ..كانت زي الميتين في ايدي ..ليان انا كسرتها اووي ..موتها بايدي ..خذلتها اووي يا جاسم ..وعدتها اني مش هخون ثقتها فيا وخونتها ...اااااه يا جاسم ..قلبي بيوجعني اووي ...اووي .

جاسم.. اهدي يا يامن ..ان شاء الله هتقوم من اللي هي فيه وهتسامحك...وهتقدر ان دا مكانش بإرادتك.

يامن..كان لازم اسيب الشغل من اول ما اعترفت اني بحبها .

جاسم..انا حذرتك وقولتلك اتحكم في نفسك وفي حبك ليها قولتلك قلل من وجودك معاها .

يامن بعصبيه ..مقدرتش لما بعدت عني فتره كنت بموت حسيت اني مش عايش يا جاسم ومن يومها وأنا اعترفت قدام نفسي اني بحبها ووعدت نفسي اني هعيش معاها حتي ولو كام يوم بس اعيش شويه وهي جمبي انا من غيرها ولا حاجه انا قسيت عليها انهاردة جامد بس مكانش بإرادتي كان لازم اعمل كدا علشان اقدر اخلص المهمه بنجاح.

جاسم ..متزعلش نفسك يا صاحبي انت لسه مكلمتش معاها .

يامن ..نظرتها ليا كانت كافيه اووي وردت بيها علي كلام كتير كان ممكن تقولوا .

جاسم ..روح ليها يا صاحبي واستني لما تفوق واكلم معاها .

يامن ..الاحسن لما تخف شويه مش عايز اللي حصلها يقرر تاني .

جاسم ..تمام يا صاحبي بس هون علي نفسك.

يامن ..انا هروح يا جاسم وانت خد عاصم بيه يشوف بنته .

جاسم..حاضر .

خرج يامن واتجه نحو سيارته وقادها بسرعه هائله ثم اتجه نحو الفيلا وصعد الدرج واتجه نحو غرفه والدته فاسمحت له بدخول .

يامن ..ممكن تاخديني في حضنك.

فتحت كوثر ذراعيها الي ابنها..طبعا.

ركض يامن نحو والدته واحتضنها..انا تعبان اووي يا امي تعبان.

كوثر .. قولتلك قولها يا حبيبي قولتلك واجها بالحقيقه قبل ما تقولها انك بتحبها انت غشيتها يا بني رفعتها لسابع سماء ونزلتها لسابع ارض كسرت جناحها خلتها مكسوره في عيون نفسها قبل عيون الناس اللي عملته فيها مكانش سهل يا يامن ومش سهل ان ليان تقبله او تسامحه .

يامن..عارف يا امي ودا اللي تعبني اكتر تعبان اني عملت فيها كدا ملقتش غير ليان اللي احبها اوحش حاجه يا امي وجع الحب وحش اووي .

كوثر ..مفيش حب من غير وجع محدش فينا يا بني حياته وردي لازم تلاقي ابتلات كتير ولازم تقوم وتكمل وتعافر حتي لو كنت خسرت حبايب كتير .

يامن ببكاء..بس ديه ليان ...ديه روحي يا امي ...هكمل حياتي من غيرها ازاي...هي اكيد مش هتقبل تكمل معايا.

كوثر ..كلمها يا يامن اتواجه معاها حاول تشرحلها ممكن تسامح وتتفهم وضعك.

يامن ..بتكره الكدب والخيانه وانا عملت الاتنين.

كوثر ..ادعي ربنا يا بني هو قادر علي كل شئ .

يامن ببكاء..يارب مليش حد في الدنيا غيرها ومحبتش حد في حياتي غيرها خليها تسامحني وترجعلي .

في مكان آخر استيقظت ليان وهي تصرخ ركضت نحوها ندي بخوف .

ندي ..اهدي يا ليان انا جمبك يا حبيبتي متخافيش .

ليان بدموع..كان كابوس صح ...انا قولت انه كابوس وان كل اللي كنت فيه كدب ..واهو انا صحيت ..بس انا فين ..انا ايه اللي جابني هنا .

ندي ..اهدي يا حبيبتي كل حاجه هتبقا كويسه هنعدي كل حاجه مع بعض .

ليان..يعني يامن كان بيضحك عليا صح ..يعني مكانش حلم ..يعني بابا تاجر مخدرات يا ندي .

نكست ندي رأسها فاهي لم تجد اجابه لكي تجيب علي أسئلتها .

ليان بعصبيه ..ردي عليا..يا ندي ..انا استحق يحصلي كدا...لدرجاتي وحشه علشان كل شويه اتعاقب في اللي بحبهم ..ليه كلهم بيمشوا يا ندي ويسبوني انا مستاهلش ان حد يفضل علشاني ...ليه يا ندي بيكسروني كدا ليه .

ندي ..اكيد في سوء تفاهم وانتي لما تقعدي مع باباكي هتفهمي.

ليان ..ويامن يا ندي .

ندي ..يامن زيه زي غيروا يا ليان قولتلك كلهم جنس **** فامتزعليش علي واحد كداب وبيخدع بشكل دا .

ليان ..انا حبيته.

ندي ..كلميه يا ليان افهمي منه .

ليان بدموع..مش عايزة اشوفوا ومش عايزة اشوف حد سبوني لوحدي انا عايزة افضل لوحدي وبس .

ندي ..طيب اهدي علشان خاطري.

ليان ..اخرجي برا يا ندي وسبيني لوحدي ارجوكي .

خرجت ندي وهي تبكي علي صديقتها وعلي الحاله التي وصلت إليها عندما التفت رأت عاصم وجاسم قادمون نحوها .

عاصم ..انا هدخل لبنتي.

جاسم..تمام هستني حضرتك هنا .

دخل عاصم الي ابنته ام جاسم فالاحظ نظرات ندي الغاضبه.

اقتربت ندي من جاسم بعصبيه ...انت ليك عين تيجي هنا .

جاسم ..انا عملت ايه يا ندي .

ندي بسخريه ..لا والله عملت ايه .. ضحكت عليا بكام كلمه وصاحبك خدع صاحبتي وانت وهو وصلتوا ليان للي هي فيه وتقولي بكل بجاحه عملت ايه.

جاسم ..ندي متخدنيش بذنب حد تاني .

ندي ..انتوا الاتنين واحد يا جاسم مشوفتش في قذرتكم انتوا مش بني ادمين زينا .

جاسم ..ندي اهدي وبلاش تخربي الدنيا بسبب سوء تفاهم .

ندي ..مش عايزة اشوف وشك تاني يا جاسم .

جاسم ..واللي بنا يا ندي .

ندي ..مكانش في حاجه بنا اصلا من الاول كان مجرد صداقه او ممكن اقل كمان من كدا .

جاسم ..انتي بتقسي عليا يا ندي جامد .

ندي ..وانت كسرتني وخذلتني فيك بس هتوقع ايه من واحد كل يوم مع بنت وسهران في البارات.

جاسم ..قولتلك توبة يا ندي توبة ايه يا شيخه مبتحسيش..بتعايري الواحد بذنوبه اللي تاب منها ..حرام عليكي يا ندي ..ولو انا وحش اووي كدا فانتي اوحش مني بكتير وانا اللي مش عايز اشوفك تاني ويا خساره الوقت اللي ضاع معاكي .

وتحرك جاسم للخارج وارسل بعض القوات تنتظر عاصم والد ليان ام ندي فاجلست تبكي بقهر فاهي لم تكن تريد أن تنطق بهذا الكلام السخيف .

دخل عاصم واقترب نحو ابنته التي كانت تنظر بشرود في سقف الغرفه.

عاصم ..ليان حبيبتي انتي اقوي من كدا وكله هيبقا تمام بس تاكدي اني معملتش حاجه تغضب ربنا يا بنتي وربنا شاهد عليا.

لم تتحرك ليان ولو للحظه فقط سمحت لدموعها تنهمر.

عاصم ..يامن بيحبك يا بنتي هو كان بيعمل شغله حاولي تسامحي يا ليان وتنسي.

زادت دموع ليان في الانهمار .

عاصم ..عارف انك مش طايقه تشوفيني واكيد نزلت من نظرك كتير بس انا جيت اطمن عليكي واقولك اني بريئه يا بنتي واني معملتش كدا بإرادتي .

وتحرك عاصم نحو الباب ولكن قطعه صوت ابنته .

ليان ببكاء..انا مصدقاك يا بابا وعارفه انك اكيد مظلوم وعمرك ما تعمل حاجه تغضب ربنا مننا.

ركض عاصم نحو ابنته واخذها في احضانه...بس هي ديه كفايه عندي كفايه انك مصدقاني يا بنتي مش عايز اي حاجه تاني بعد كدا .

ليان بقوه..انا هثبت برائتك يا بابا وهطلعك من ألسجن.

عاصم ..اوعي يا ليان تعرضي نفسك للخطر يا بنتي.

ليان..متخافش عليا يا بابا مش هعمل غلط تاني كفايه غلطتي في اختياري لناس.

عاصم ..ادي فرصه ليامن يشرحلك..

ليان ..اللي بنا خلاص انتهي علي كدا .

عاصم ..تمام يا بنتي مش هضغط عليكي بس فكري تاني في الموضوع.

ليان..مفيهوش تفكير يا بابا دا قراري كل اللي بنا انتهي .

عاصم..مش عايزك تندمي بعد كدا .

ليان ..عمري ما أندم.

عاصم ..تمام يا بنتي انتي حره ...انا لازم امشي.

ليان ..متخافش يا بابا هخرجك قريب اووي .

عاصم ..قولتلك بلاش تتهوري.

ليان ..متخافش.

خرج عاصم والقلق مسيطر عليه .

ام ليان فامسحت دموعها واخذت تشجع نفسها لكي تثبت برائة والدها .

روايه اعمي ولكن

ممكن تقبلي 

الفصل الثالث عشر

دخلت ندي غرفتها وارتمت علي السرير واخذت تبكي بحرقه هي تعلم انها جرحته ولكنها ولاول مره تعترف امام نفسها انها وقعت في عشقه احبت مغرور ..احبت كداب ..ومخادع.

اخذت تاكسر كل ما تراه او تلمسه

ندي بصريخ..ليه دايما اختياري غلط ليه ..كل ما احب واحد يضحك عليا ..ليه .

دخلت والدتها علي صوتها .

والدة ندي ..ندي في ايه يا حبيبتي اهدي يا ندي اهدي يا حبيبتي .

ندي ..ليه بيحصل فيا كدا يا ماما ..حبيته ليه يا ماما ..قلبي دق ليه تاني لشخص غلط ..ليه كل واحد احبه لازم يسبني ليه ...

اخذتها والدتها في حضنها ..مشاعرك مش بايدك يا ندي الحب والكره مش بايدينا .. لو بتحبيه سامحيه يا ندي علي اي غلط عمله بس لو الغلط دا ينفع تسامحي فيه.. اسمعي قلبك يا ندي وشوفيه بيقولك ايه واعمليه كفايه تفكير في جاسم انه شبه سليم جاسم غير سليم وعمره ما يخونك.

ندي ..حاضر يا ماما هفكر تاني في الموضوع .

والدتها ..يلا قومي صلي ركعتين تهدي بيهم نفسك وان شاء الله خير.

ندي ..حاضر يا ماما .

تحركت ندي نحو المرحاض وتوضاءت واخذت تتدعي ربها.

ام جاسم فاكان يستشيط غضبا اتاه اتصال وكانت المتصله نانسي.

جاسم بعصبيه..نانسي انا مش فايق ليكي ومش ناقص قرف علي الصبح .

نانسي بدموع ..جاسم انا تعبانه من غيرك ارجوك تعالي حتي شوفني مش عايزة اكتر من كدا ارجوك يا جاسم.

جاسم..نانسي قولتلك اللي بينا انتهي .

نانسي ..ماشي بس تعالي شوفني.

جاسم ..تمام يا نانسي دقايق وهكون عندك .

نانسي..اوك مستنياك .

أغلق جاسم معاها واتجه نحو منزلها ام نانسي فاتجهت نحو الخزانه وأخرجت ملابس مثيره وارتدتها ووضعت الكثير من الميكيب والعطور .

ام ليان فاخرجت من المشفاء واتجهت نحو المنزل.

الداده بشهقه..لي لي ايه اللي جابك دلوقتي وفي الوقت دا انا كنت هجيلك بكرا يا بنتي .

ليان..ملهوش لزوم يا داده انا كويسه .

الداده .. لسه عارفه من البواب اللي حصل وبيقولي ان يامن مش اعمي وانه قبض علي باباكي بس انا مصدقتهوش.

ليان ..اه يامن مش اعمي وظابط..وانا اللي هبله ومغفله وبيضحك عليها ..انا كنت لعبه في ايده يا داده..استغل طيبتي وحبي ليه علشان يدخل بيتي ويعرف أسراره ويوصل لبابا ..انا اكبر مغفله في العالم.

الداده..انتي اديتلوا فرصه يكلم .

ليان ..مفيش فرص يا داده هو قالي انتي كنتي مجرد مهمه وخلصت هيعوز ايه تاني مني .

اخذتها الداده في حضنها ..اهدي يا بنتي وان شاء الله خير .

ليان ..ان شاء الله انا هطلع انام ورايا كذا حاجه بكرا.

الداده ..تمام يا حبيبتي.

ذهبت ليان نحو غرفتها ونظرت الي صورتها هي ويامن المعلقه علي الحائط..انت اكبر كداب شوفته في حياتي ..هخرجك من قلبي وهرميك..وهنسي اي حاجه كانت بنا يا يامن ..مش هكون ليان الضعيفه والغبيه اللي استغلتها..هكون اقوي من كدا وهدوس عليك برجلي .

شالت ليان الصوره ورمتها في احد الادراج وخلعت دبلتها ورمتها معاها في نفس الدرج .

في الصباح الباكر استيقظت ليان علي صوت الهاتف.

ليان ..الو .

ندي..انتي ازاي تسيبي المستشفي من غير ما تقوليلي .

ليان ..ملهاش لازمه يا ندي .

ندي ..يعني ايه ملهاش لازمه انتي لسه تعبانه.

ليان ..انا كويسه يا ندي وخرجت علشان اعرف اجيب حق ابويا وهوصل لدليل برائته.

ندي ..ليان اعقلي ومتعرضيش نفسك للخطر.

ليان ..قولتلك يا ندي انا هجيب حق بابا وبس وبعدين حياتي هتفرق في ايه قوليلي هتفرق في ايه يامن وطلع بيضحك عليا بابا وفي السجن ولو معرفتش اجيب دليل هيفضل طول حياته في السجن ماما وماتت اعيش لمين يا ندي فاحياتي مش مهمه .

ندي..عيشي علشاني .

ليان ..انتي بكره تحبي وتجوزي سبيني يا ندي الحق بابا دا الحاجه اللي هتخليني اعيش ومقوياني .

ندي ..تمام هاجي معاكي .

ليان..لا مش هتيجي انا هروح لوحدي انا هسافر النهاردة البلد .

ندي ..انتي كدا بترمي نفسك في جهنم .

ليان ..مفيش جهنم اكتر من اللي عايشه فيها.

ندي..تمام يا ليان انتي حره .

أغلقت ندي مع ليان واخذت تفكر في حل لكي توقف به ليان.

ام عند جاسم فاستيقظ في الصباح ونظر بجانبه وجد نانسي تتوسد صدره العاري..اخذ يسب نفسه .

جاسم ..ايه اللي عملتوا دا انا كنت توبت.

استيقظت نانسي من حركه جاسم ..اممم حبيبي انت صحيت .

جاسم ..نانسي قومي اللي حصل امبارح دا مكانش ينفع يحصل .

نانسي ..ليه مينفعش يحصل ما هو كل مره بيحصل وعادي بتكون مبسوط .

جاسم ..علشان حبيت يا نانسي حبيت واحده تانيه ومينفعش أخونها.

نانسي..وطالما حبيت واحده تانيه ايه اللي جابك عندي.

جاسم ..حصلت بنا مشكله ولقيتك بتتصلي وجتلك والكاسين اللي شربتهم هنا خلوني مش في وعي .

نانسي بكسره.. بس انا بحبك.

جاسم..وانا مش بحبك يا نانسي .

نانسي..طيب ادينا فرصه نقرب.

جاسم..نانسي مش هينفع انتي لو احتاجتيني في حاجه اتصلي بيا وهتلاقيني جمبك .

نانسي بدموع..ماشي يا جاسم .

قام جاسم وارتدي ثيابه وخرج في عجله .

ام نانسي فاخذت تبكي بشده علي كسرت قلبها فاهي احبته وبشده.

اخذت ليان تجمع القليل من ملابسها وارتدت بنطال اسود وبلوزه زيتي وجمعت شعرها علي هيئه ذيل حصان ونزلت دراجات السلم برشاقه

الداده..انتي لسه مصممه تسافري .

ليان ..ومش هرجع غير لما يكون معايا اثبات ان بابا برئ .

الداده .. ليان عاصم بيه لو عرف هيزعل جامد وممكن يحصله حاجه.

ليان ..مش لازم اي حد يعرف يا داده ...وبذات يامن وبابا .

الداده .. حاضر يا بنتي بس خودي بالك من نفسك .

ليان ..حاضر يا داده .

اتجهت ليان نحو باب الفيلا وفتحت الباب وكانت الصدمه عندما رأت يامن يقف أمام الباب .

ليان ..لو سمحت حاسب عايزة اعدي .

يامن ..مش قبل ما نكلم .

ليان ..نعم هو في بنا كلام اصلا .

يامن ..ليان انتي لازم تسمعيني .

ليان..مش لازم علي فكره وانا مش فاضيه .

يامن ..من امتي وانتي بالبرود دا .

ليان ..من امتي بجد بتسال ...ههههه ...من اول ما شوفتك واقف قدامي بالبدله الميري وبتشوف ...من امتي من اول ما عرفت اني هبله وبيضحك عليا ..من امتي من اول ما دست علي قلبي بكل قوتك بس علشان شغلك .. شغلك اللي استغليت فيه مشاعري ..شغلك اللي خدعت بيه الناس ودخلت بيتهم علي اساس انك جاي تجوز بنتهم وانت جاي اصلا علشان تراقبهم وتجمع منهم معلومات ...

يامن..ليان انا مدخلتش البيت علشان الشغل انا جيت اتقدمتلك علشان بحبك .

ليان بسخريه ..العب غيرها ..مبقتش بتاكل معايا ...بتحبني بأمره ايه يا حضره الظابط ..بأمره انك خدعتني وكدبت عليا ..بأمره انك جيت خدت بابا وانت عارف ومتأكد انه مظلوم .. انا اللي حبيته مات يا يامن وادفن وعيط عليه شويه وخلاص خلص ..إنما اللي واقف قدامي دا ظابط معندهوش ولا مشاعر ولا قلب شخص بارد من جوا ومن برا معرفش عنه حاجه ومش عايزة اعرف كداب و ممكن يعمل اي حاجه علشان شغله فالشخص دا معرفهوش ومعنديش طاقه اني اعرفه .

واخذت ليان شنطتها وحاولت الذهاب لكن قاطعها صوت يامن .

يامن ..انتي لسه بتحبيني .. واكيد هتسامحيني في يوم من الأيام .

ليان بسخريه ..مين ضحك عليك وقالك كدا حتي بص علي ايدي دبلتك مش في ايدي دبلتك رمتها زي ما رميت كل حاجه تفكرني بيك .

يامن بغضب ..ليان انتي المفروض تقدري اني كنت مجبور اقوم بشغلي .

ليان .. وانا مش مجبوره اني اسامحك ومتفكرش اني ممكن اسامح .

يامن ..طيب انتي رايحه فين .

ليان..وانت مالك .

يامن ..ليان انتي رايحه فين في خطر علي حياتك والشنطة ديه واخدها ورايحه فين .

ليان ..سلام يا يامن قولتلك مش هرد .

وذهبت نحو سيارتها ووضعت حقيبتها وركبت السياره وانطلقت بها بسرعه .

ام يامن فاوقف يستوعب ما حصل ثم ركب سيارته وتحرك وراها .

عند سما كانت تتحدث مع ندي وهي مندهشة من قم الحاجات التي حصلت .

سما .. كل دا حصل في يومين بس .

ندي ..ما انتي اللي اختفيتي لوحدك .

سما ..كنت محتاجه اقعد مع نفسي شويه .

ندي ..مازن مش كدا.

سما ..مازن ايه .

ندي ..متحوريش بتحبيه صح .

سما بحزن ..بحبه بس مش هينفع .

ندي ..ليه مش هينفع يا سما .

سما ..مازن لسه في بداية حياته يعني احسنله يجوز ويحب واحده معهاش عيل وكانت مجوزه قبل كدا وعندها عقده من الرجاله ومن الجواز الاحسن يحب ويجوز واحده تانيه .

ندي ..بس هو بيحبك انتي .

سما ..ندي هو لسه ملحقش يحبني .

ندي ..الحب مش بيجي بوقت ولا بتفكير بيجي مره واحده من غير تحذير فجأه بتلاقي نفسك وقعتي في حب شخص ممكن يكون غلط ومش مناسب بس قلبك اختاره .

سما ..وطالما انتي عارفه كدا معذبه جاسم معاكي ليه .

ندي ..جاسم كدب زيه زي يامن الاتنين واحد .

سما ..ندي دا شغله وهو مضحكش عليكي وقالك انا بشتغل دكتور وهو بيشتغل ظابط جاسم ملهوش ذنب في كل اللي بيحصل دا .

ندي ..مش عارفه يا سما وبعدين قولتله كلام وحش اووي في آخر مره .

سما ..بتهيالي لو كلمتيه ممكن يحن ويسامح علي كام كلمه اللي مكانش ليهم لازمه دول .

ندي ..مليش وش اني اكلمه .

سما ..يعني ليكي وش انك تهزقيه وتقوليلوا الكلام دا وملكيش وش تعتذري .

ندي ..ما هو صعب اقول انا اسفه .

سما ..لا انتي عايزه اقعده مينفعش كدا .

ندي ..خلاص هحاول اشوف حجه اكلموا بيها .

سما ..تمام .

ندي ..مش هتكلمي مازن .

سما ..انا هسيبه فتره انا محتاجه اروح لدكتور نفسي اتعالج الاول من تجربتي الأولي وبعدين اشوف مازن.

ندي ..تمام يا سما بس حاولي علي الاقل تفهميه وهو قبل او رفض الاختيار هيكون بايده هو .

سما ..مينفعش اقولوا مش عايزاه يشفق عليا .

ندي .. مفيهاش شفقه يا سما .

سما ..لا يا ندي خليه شايفني اني لسه بحب جوزي وخلاص وهو مع الوقت هينساني .

ندي ..انتي حره بس هتندمي.

سما ..إن شاء الله مندمش .

ندي ..طيب يلا سلام .

سما ..سلام .

أغلقت سما وندي اتصلت ندي علي جاسم بعد تردد .

جاسم ..ايه في كلام نسيتي تهينيني بيه .

ندي ..لا .

جاسم ..اومال متصله ليه لاحسن تكوني حسيتي بغلطك وهتعتذري .

ندي ..بردو لا .

جاسم ..نعم يا اختي اومال متصله ليه .

ندي ..كنت هسال علي عمو عاصم .

جاسم ..متصله علشان كدا .

ندي ..اه .

جاسم ..عموما هو كويس واقاعد في مكتبي .

ندي ..كويس .

جاسم ..في حاجه عايزة تقوليها .

ندي ..اه ..قصدي ..لا ..ولا اقولك ..اه .

جاسم ..اه ولا لا .

ندي ..انا اسفه .

جاسم ..هي صعبه اووي كدا .

ندي ..لا بس متعودتش اغلط واعتذر .

جاسم ..يعني ديه أول مره .

ندي ..اه من زمان اووي معتذرتش لحد .

جاسم ..يعني امي دعايلي بقا .

ندي ..ايوة طبعا مش كفايه اني بكلمك .

جاسم ..مغروره .

ندي ..دا الطبيعي .

جاسم ..طيب اقفلي ورايا شغل .

ندي ..تمام سلام .

جاسم ..سلام يا ..يا .

ندي ..يا ايه .

جاسم ..بودي جارد .

ندي بغضب..تاني.

جاسم ضحك .. خلاص سلام يا حبيبتي .

واغلق دون أن ينتظر ردها ام ندي فاظلت واقفه مكانها لا تعي شئ هل قال لها حبيبتي ..هل يبادلها نفس المشاعر اخذت تفكر دون أي اجابه .

عند ليان بعد وقت طويل وصلت الي البلد ويامن وراها يتابعها دون انا تلاحظ نزلت ليان من السياره واتجهت نحو فيله عمها وطرقت الباب فتح ياسر .

ياسر بصدمه ..ليان .

ليان ..مفاجأه مش كدا .

ياسر ..ايه اللي جابك .

ليان ..مش هدخلني الاول ولا ايه يا عمو .

ياسر ..اتفضلي يا بنت اخويا .

ضحكت ليان بسخريه ودخلت .

ياسر ..ايه اللي جابك يا بنت اخويا.

ليان ..اممم ..ايه اللي جابك يا بت يا ليان ..ايه اللي جابك ..اللي جابني يا عمي اني لقيتك خايف عليا وحاطط ناس تراقبني فاقولت اجيلك تحميني وانا في بيتك احسن فاقومت الصبح لميت هدومي وقولت اجي اقعد عندكم .

ياسر بتوتر ..انا مين قالك اني خليت حد يراقبك .

ليان .. سلامه عقلك يا عمي ..انت مش معين ابن البواب ..سالم مش كدا .

ياسر ..اه صح نسيت اني عينته اصلي كنت خايف عليكي .

ليان ..ما انا قولت كدا بردو .

ياسر وهو بينده علي زوجته ..يا ام عمران تعالي .

جات ام عمران وهي أمرأه حقوده مثل زوجها تكره ليان كثيرا لانها كانت السبب الأساسي في عقده ابنها ودخوله الي مصحه نفسيه وهي في منتصف الخمسينات ولكن مهتمه بنفسها ...نعم يا ياسر ..ايه اللي جاب البت ديه هنا .

ليان ..ايه دا مرات عمي وحشتيني ..بس ايه السؤال اللي كلكم بتسالوه دا هو عيب اجي اقعد معاكم شويه بعد اللي حصل في بابا .

ام عمران ..و ايه اللي حصل .

ليان ..مش ولاد الحرام استغلوا بابا ودخلوه في شغلانه مشبوها لا وأيه اتقبض عليه امبارح واترمي في السجن.

ام عمران .. انا قولت انك انتي وابوكي مش ساهلين تلاقيه هو اصلا بيشتغل من زمان في الشغل المشبوه دا .

ليان ..مستحيل بابا يعمل كدا .

ام عمران ..وليه لا انتوا أغنياء اووي اكيد جبتوا الفلوس بطريقه ديه .

ليان ..ما انتوا بردو اغنياء اووي ايه بتجيبوا الفلوس من الشغل المشبوه دا ولا انت ايه رايك يا عمي .

ياسر بتوتر ..انا رأي انك تتطلعي تريحي من السفر لحد ما نحضر الغداء.

ليان ..انا بردو بقول كدا .

ام عمران ..انتي هتفضلي اقعده معانا هنا كتير .

ليان ..هو في حاجه يا مرات عمي مش عجباكي لو هكون بتقل عليكم امشي .

ام عمران بسخريه ..لا طبعا يا حبيبتي ازاي انتي تنورينا .

ليان ببتسامه سمجه ..بنورك .

وتحركت ليان نحو غرفتها ام ياسر فاخذ يدور حول نفسه ويفكر كيف يتخلص من ليان .

ام ليان فاضحكت بشده عندما دخلت غرفتها فاهي نجحت في اول خطه ليها وهي دخولها للمنزل دون شك بها .

ام يامن فاكان في الخارج ينتظر خروج ليان ولكن رأي البواب وهو ياخذ حقيبتها من السياره ويدلف الي الداخل اتصل يامن بجاسم .

يامن..اعرفلي كل حاجه عن العنوان دا .

جاسم ..تمام .

بعد قليل من الوقت آتاه اتصال .

يامن ..هااا عرفت .

جاسم ..اه ديه فيله ياسر بيه اخو عاصم .

يامن ..وايه اللي ممكن يجيب ليان هنا .

جاسم..شكل ليان بدأت تلعب بنار وكدا خطر عليها .

يامن ..ديه اجننت رسمي .

جاسم ..خليك وراها وراقبها .

يامن ..تمام يا جاسم وانت امسك مكاني .

جاسم ..ماشي يا صاحبي .

اتصل يامن باحد العساكر واخبره بأن يأتي له بملابس من البيت وبعض النقود ثم اتصل باحد السمسارات لكي ياجر الشقه التي امام الفيلا .

انتهي الفصل .

توقعاتكم ورأيكم .

روايه اعمي ولكن

للكاتبه / Esraa Mahmoud

٩

🤩🤩🤩🤩🤩🤩🤩🤩🤩🤩🤩🤩🤩🤩🤩🤩🤩🤩

الفصل الرابع عشر

عم الليل علي أرجاء المدينه نزلت ليان دراجات السلم برشاقه وذهبت نحو مائده الطعام لكي تأكل.

ام عمران ..وه وه وه ما تتحشمي شويه في لبسك .

ليان وهي تنظر إلي ملابسها فاكانت ترتدي تيشرت بنص كم وبنطلون برامودا .

ليان..مالوا لبسي ما هو محترم اهو .

ام عمران ..البسي عبايه وحطي علي شعرك الحلو دا حته قماشه .

ليان بتريقه ..قماشه ..اسمها طرحه او اسكرف .. واكملت في سرها ..تعليم مجاني بصحيح.

ام عمران ..مفرقش الاسم بس اتحشمي في لبسك .

دخل ياسر علي الصوت ..في ايه يا وليه بتتخانقي معاها ليه.

ام عمران ..مش شايف لبسها .

ياسر ..سيبيها هي حره .

ليان وهي تجلس علي السفره ..انا قولت كدة بردو يا عمي .

وشرعت في الاكل بشراسه تحت نظراتهم المندهشه فاكيف لها ان تاكل وتضحك ووالدها في السجن.

ليان ..ايه مش هتاكلوا ولا هتفضلوا تبصولي كدا كتير.

ياسر بتوتر ..لا هناكل اهو .

وجلس الجميع ياكل اتي هاتف لياسر فتضح علي وجهه التوتر واستاذن وذهب نحو غرفه المكتب كل هذا تحت أنظار ليان .

ليان ..الحمد لله شبعت.

ام عمران ..انتي كدا كلتي.

ليان ..اه الحمد لله..هروح اشرب واطلع انام .

إم عمران بصوت منخفض ..احسن بردو اهو نخلص منك .

ليان ..سمعاكي يا مرات عمي بس بردو مش هتعرفي تخلصي مني.

وذهبت نحو غرفه المكتب واخذت تتصنت  .

ياسر ..مش عارف بنته جت هنا ليه خايف تكون شكه فيا .

ثم اكمل..لا انا مش محسساها بحاجه بس هي واضح من مجيئها المفاجاه .

ياسر ..ايوه متخافش مش سايب دليل ورايا  ....والورق كله في الحفظ والصون.....تمام انا  لازم اقفل علشان ما تحسش بحاجه ..سلام .

ركضت في الوقت دا ليان نحو غرفتها ودخلت واغلقت علي نفسها .

ليان في سرها ..قربت اووي اوصل لبرائة بابا .

عند يامن كان يتابع اغلب الأحداث من شرفته ومعه بعض الأدوات التي يستخدمها لكي يعلم بتفاصيل ليان.

يامن..مش هسيبك ترمي بنفسك في جهنم وهقف اتفرج يا ليان هفضل في ضهرك حتي لو انتي رفضتي.

بعد قليل من الوقت عم الصمت المكان نزلت ليان دراجات السلم ببطئ وذهبت نحو مكتب عمها وفتحته ببطئ ودخلت اخذت تفتش المكتب بخفه وجدت بعض الادراج مغلقه ولها مفتحهها الخاص اخذت تسب وتلعن ياسر في سرها ثم استدارة وخرجت من غرفه المكتب وذهبت نحو غرفتها واخذت تفكر في حل لكي تصل الي هذه المفاتيح .

في الصباح الباكر كانت تتجه سما الي عياده الدكتوره النفسيه .

الدكتوره ..اهلا وسهلا مدام سما .

سما .. اهلا بيكي .

الدكتوره ..شكلك مجهده شويه .

سما ..يعني بقالي فتره مش بنام كويس .

الدكتوره ..اممم طيب نبدا من اول فين .

سما ..انا هحكيلك قصتي من الاول ......

وبدأت سما في سرد قصه زوجها التعيس بأكمله ثم حكت قصه مازن .

الدكتوره..غلط يا سما مازن غير جوزك اللي مات مش كل الرجاله زي بعضها في رجاله رحيمه بجوزتهم وفي رجاله لما بتحب بتكون مستعده انك  تطلبي منها طلب وهي هتنفذه في ساعتها ومازن شكله حبك بس هو صريح شويه ومتسرع محاولش انه يجبها ليكي براحه وزي ما بيقولوا حب يدخل من الباب علي طول محبش انه يستغلك او يلعب بيكي .

سما ..بس اشمعنا انا ..انا ارمله و معايا عيل هيحبني علي ايه ..في مليون بنت تانيه احلي مني ومجوزوش .

الدكتوره ..مش بالجمال ولا بتفكير دا بالقلب يا سما القلب لو حب متقدريش تخليه يختار مين اللي مناسب ليه ومين لا متقدريش تتحكمي فيه وتقوليلوا يحب كذا ويكره كذا المشاعر مش بايدينا اللي بيحركنا هي مشاعرنا وقلوبنا والمفروض اننا نسيب نفسنا ليها .

سما بانهيار ..صعب ..صعب اعيشه معايا كل دا ..صعب يستحمل واحده خايفه من كل حاجه ..عندها شك كبير فيه ..الجواز ثقه وانا مش هقدر اثق فيه مش هقدر اقرر غلطتي تاني .

الدكتوره وهي تحاول تهداتها ..اهدي يا سما كل حاجه وليها حل بس بالهدوء .

سما ..انا مش عارفه اعمل حاجه انا حبيته بس بالمنطق مينفعش نكون لبعض .

الدكتوره.. مفيش حاجه اسمها منطق في الحب انتي المفروض تشاوري قلبك وبس مش عقلك .

سما ..بس هو مستحيل يسامحني .

الدكتوره ..لو بيحبك هيسامحك .

سما ..هفكر الاول .

الدكتوره ..هتندمي بعد كدا .

سما ..لا ان شاء الله هفكر الاول في الموضوع وازاي هقوله .

الدكتوره..تمام وهتيجيلي كل اسبوع علشان نتخلص من الخوف اللي عندك دا .

سما ..تمام انا مش عارفه اشكرك ازاي .

الدكتوره ..دا واجبي .

سما ..سلاموا عليكم .

الدكتوره ..وعليكم السلام .

خرجت سما واتجهت نحو بيتها وهي تفكر كيف ستقول لمازن الحقيقيه .

استيقظ مازن علي صوت والدته .

مازن ..في ايه يا ماما .

هدي .. قوم يلا معندناش وقت .

مازن ..وقت لايه .

هدي .. انهاردة رايحين لخالتك .

مازن..اشمعنا .

هدي.. هو لازم يكون في سبب علشان نروح.

مازن..بذات معاكي انتي لازم يكون في سبب خشي في الموضوع علي طول .

هدي ..رايحين نطلب ايد بنتها نوال .

مازن ..نعم .

هدي .. ايوة وانا خلاص قولتلها وهنروح مش هتصغرني معاها .

مازن ..ماما انتي نسيتي اني راجل يعني ليا حريه الاختيار انا مش بنت يا امي .

هدي .. ما سبتك تختار وشكلك حبيت بنت منيله واديك من ساعتها مدمر وانا مش هسيبك كدا .

مازن ..انا كويس يا ماما ومش محتاج اظلم واحده تانيه معايا علشان بس انساها .

هدي ..انا قولت هنروح بليل لخالتك نطلب نوال وخلاص ومفيش كلام تاني في الموضوع دا .

مازن ..يا ماما مينفعش .

هدي .. مازن متتناقش كتير مش هغير رأي .

وخرجت دون أن تنتظر رده أخذ يدور فى أرجاء الغرفه بعصبيه .

استيقظت ندي علي صوت هاتفها وكانت ليان .

ندي بعصبيه ..ليان الندله انتي صاحبه انتي ...مكلمتنيش من ساعة ما روحتي هناك وقلقاني عليكي وانتي قاعده مع تاجر المخدرات دا ومراته الحربايه .

ليان ..طيب اهدي بس وهفهمك كل حاجه .

ندي ..اهو هديت قوليلي عملتي ايه .

ليان بهمس.. لسه مفيش اي حاجه بس اللي وصلتله ان في حد وراه و هيكون صعب اووي اننا نمسك عليه حاجه وهو محرص اووي من ساعة لما جيت هنا.

ندي ..طيب بتاكلي ولا حرمينك من الاكل وهما بيعملولك ايه .

ضحكت ليان بصوت عالي ..ايه جو الافلام الاكشن القديمه ديه مفيش حد بيعملي حاجه  يا بنتي هي بس ام اربعه واربعين ديه مش طايقاني كالعاده يعني .

ندي ..وعمران دا عرفتي عنه حاجه .

ليان ..معرفش غير انه تعبان نفسيا وكان دخل مستشفي من فتره بعيده وبعدين متجبيش السيره ديه بجد انسان مريض نفسي .

ندي ..يلا خلصتي منه .

ليان ..فعلا ..احم يامن عمل ايه مع بابا .

ندي ..معملش حاجه يامن اصلا مش ظاهر.

ليان ..اومال فين .

ندي ..معرفش بس هو غالبا سافر او واخد اجازه ...انتي قلقانه عليه ولا ايه .

ليان ..لا طبعا انا مش طايقاه .

ندي ..عليا بردو دا انا نودي صاحبتك .

ليان بتوتر ..بطلي رخامه انا عمري ما ارجعله بعد اللي حصل .

ندي .. حاولي تفتكري ليه حاجه حلوة تخليكي تسامحيه .

ليان ..مفيش يا ندي كله كان كدب افتكر ايه افتكر الكدب اللي كان بيكدبه عليا وانا زي الساذجه كنت بصدقه .

ندي ..بس مشاعره اكيد مش كدب .

ليان ..انا مش عارفه اصدق ايه اللي مكانش كدب في العلاقه ديه  .

ندي ..سبيها علي ربنا يا ليان وهو هيحلها من عنده .

ليان ..سيبها عليه والله ..يلا انا لازم اقفل ام اربعه واربعين بتنادي .

ندي ..تمام يا حبيبتي خودي بالك من نفسك .

ليان..حاضر ..سلام .

ندي ..سلام .

اغلقت ندي مع ليان الهاتف واتجهت نحو الخارج وشعرها مبعثر وبنطلون الترينج واحده مرفوعه والتانيه لا وقفت مصدومه عندما رأيت جاسم يضحك بشده ...ركضت نحو الداخل وهي تسب نفسها بأبشع الالفاظ بدلت ثيابها ومشتت شعرها  وخرجت .

ندي بتحذير ..اوعي تضحك بدل ما هاجي ابوظلك وشك اللي فرحان بيه دا .

جاسم وهو يحاول التحكم في ابتسامته ولكن انفجر مره اخري .

ندي ..جاسم بطل ضحك قولت .

جاسم ..شكلك كان مسخره .

ندي ..اكدب بقا انا علي طول قمر في كل حالاتي .

جاسم ..الا الحاله اللي شوفتك بيها ديه انتي كنتي بتحاربي جوا .

ندي بإحراج  ..جاسم اتلم  .

جاسم ..طلعتي بتكسفي اهو زي البنات الطبيعيه .

ندي ..وحد قالك اني مش بنت .

جاسم ..محدش قالي انا شوفت بنفسي .

ندي ..ثقيل .

جاسم ..زيك .

ندي ..انت كنت جاي ليه .

جاسم ..كنت جاي اخطفك يا ستي .

ندي..فين .

جاسم ..السخنه .

ندي ..نعم .

جاسم..ايوة السخنه اجهزي انتي والبسي فستان شيك وهاتي معاكي لبس زياده علشان هنبات .

ندي ..ليه طيب .

جاسم ..هتشوفي لما تيجي يلا انا لازم امشي .

ندي ..طيب اقعد شويه .

جاسم ..لا هروح اشوف عاصم بيه وبعدين هطلع أجهز .

ندي ..تمام هستناك بليل .

جاسم ..تمام .

مشي جاسم وهو مبتسم ومتحمس .

نزلت ليان الدرج وهي تكتسب البرود .

ليان ..نعم ..كنتي بتنادي.

ام عمران ..تعالي يا اختي اشتغليلك شويه مش قعده تاكلي وتشربي اعملي شويه .

ليان ..باكل وبشرب من بيت عمي مش مالك هو علشان تكلمي .

  ام عمران ..من امتي وانتي بالبجاحه ديه غريبه اووي .

ليان ..بنتعلم بقا يا مرات عمي  .

وخرجت ليان من المطبخ وذهبت نحو غرفتها ولكن سمعت صوت عمها وهو يقول في الهاتف انه سوف يخرج في منتصف الليل لكي يتقابلوا ويعطيه الأوراق .

فرحت ليان فاها هي تقترب من نقطه النهايه قطعها صوت طرقات الباب .

في مكان آخر عند مازن كان يجلس هو ووالدته ووالد نوال وخالته ومن ثم دخلت نوال وهي تحمل في يدها قهوه .

هدي ..طبعا يا اختي انتي عارفه احنا جايين هنا ليه .

ناديه ..اه طبعا عارفه بس مازن مالوا شكله كانه جاي غصب عنه .

هدي وهي تخبط مازن في رجله .. لا طبعا ازاي ديه عجباه نوال اووي وهو اللي فتحني في الموضوع اصلا.

ناديه ..ونوال عجبها مازن اووي .

ام مازن فاكان في عالم تاني يتذكر رده فعل سما عندما اعترف بحبه لها و حبها لزوجها المتوفي تنفس بعمق ثم نظر الي والد نوال .

مازن ..عمي انا طالب ايد نوال لو حضرتك معندكش اي اعتراض عليا .

مصطفي وهو والد نوال ..طبعا لا يا مازن انا فرحت اووي انك انت طلبت ايد نوال ديه اغلي حاجه عندي ومش هلاقي احسن منك اديلوا بنتي .

مازن ..يبقا نقرا الفاتحه .

مصطفي ..نقرا الفاتحه .

اخذت هدي وناديه يزغرطون ام نوال فاكانت تنظر إلي مازن بفرح لانه تحقق حلم حياته .

عند ندي وجاسم

اتي الليل وكانت ندي ترتدي فستان بينك قصير ورفعه شعرها كحكه لفوق ولبسه جزمه كعب سوداء وجهزت شنطه صغيره حطت فيها الحاجات المهمه اللي ممكن تحتاجها رن عليها جاسم فانزلت له .

وقف جاسم مندهشا عندما رفعه وجهه وراه هذه الكتلة المتفجره الانوثه والجمال .

جاسم بصفير ..ايه الجمال دا انتي مين .

ندي ..ايه انا مين ديه فوق يا بابا .

جاسم ..الصوت غير الشكل .

ندي ..قصدك ايه ..هااا قولي قصدك ايه .

جاسم ..قصدي انك مزه اووي انهاردة ومش عارف هسوق ازاي وانتي قاعده جمبي .

ندي ..زي بقيت البني ادمين .

جاسم ..فصيله خلي عندك رومانسيه شويه .

ندي ..لا مش بحبها الصراحه اووي بحسها محن .

جاسم ..محن امشي يا ندي هتشيليني اركبي يا ماما العربيه .

ركبت ندي السياره هي وجاسم وبدا جاسم في التحرك .

ندي ..مش هتقولي ليه خلتني البس كدا ورايحين ليه السخنه .

جاسم ..اسكتي ومتبوظيش المفاجاه عيشي  اللحظه بالحظتها بطلي حشريه شويه .

ندي ..ما انا فضولي هيموتني كدا .

جاسم ..معلش استحملي شويه .

ندي ..هحاول بس موعدكش .

جاسم ..لما نشوف .

عند ليان سمعت صوت طرقات علي الباب فاذهبت لتفتح وكانت الصدمه .

ليان بصدمه ..يامن .

يامن وهو ينظر لها بتحذير بان تصمت .

خرج ياسر وام عمران .

ياسر ..مين حضرتك .

يامن ..انا جاركم الجديد ساكن في البيت اللي قدامكم .

ياسر .. اهلا بيك يا استاذ ....

يامن ..اسمي يوسف .

ياسر ..عاشت الاسامي اتفضل .

يامن وهو يدخل الي الداخل ..يزيد فضلك .

ياسر ..بس انا فاكر اني شوفتك قبل كدا.

يامن..مفتكرش انا كنت مسافر برا ولسه راجع من يومين ولقيت البيت اللي قدامكم فاستجارته .

ياسر ..وانت هتفضل مقيم هنا علي طول .

يامن ..لسه مش عارف .

ياسر ..طيب اعرفك ديه ليان بنت اخويا ..وديه ام عمران مراتي.

يامن ..أهلا بيكم اتشرفت بمعرفتكم .

ام عمران ..الشرف لينا .

ام ليان فاظلت صامته فاهي مازلت مندهشه من قدوم يامن  .

يامن ..طيب استاذن انا علشان مزعجوش .

ياسر ..لا طبعا احنا لسه معملناش معاك الواجب لازم تقعد تتغداء معانا.

يامن ..لا كدا كتير اووي .

ياسر ..لا والله انت في بلدي لازم تتغداء معانا .

يامن ..تمام مفيش مشكله .

ام عمران ..يلا يا ليان تعالي حضري معايا الاكل .

ليان بتوتر ..اه حاضر .

ذهبت معاها ليان وبدأت في تحضير الاكل ام يامن وياسر اخذوا يتكلمون عن احاول البلد .

بعد الغداء

ياسر ..ليان وصلي يوسف للحمام .

ليان ..حاضر .

ذهبت ليان مع يامن .

ليان ..ايه  اللي جابك هنا .

يامن ..بحرسك .

ليان ..مش محتاجه حراسه .

يامن ..وانا شايف انك محتاجه حراسه طالما مبتفكريش بعقل .

ليان ..يعني انت اللي بتفكر اووي .

يامن ..ما انتي بتخليني مغصوب اني اعمل حاجات مكانتش من ضمن خطتي .

ليان..طيب اخلص وامشي مش عايزاهم يحسوا بحاجه .

يامن .. ليان متعمليش حاجه من غير ما اكون انا معاكي فيها .

ليان ..ملكش دعوه انت ملكش صله بيا .

يامن ..ليان انا حذرتك وخلاص .

ليان..طيب .

خرج يامن واستاذن منهم للذهاب وانصرف .

ام ليان فاركضت نحو غرفتها سريعا واخذت تبكي .

ام ياسر فاحاول تذكر متي رأي يامن واين ولكن دون جدوى .

عند جاسم وندي وصلوا الي السخنه امام البحر فتح جاسم الباب لندي مسك يدها وأخذ يجذبها وهي مندهشه من الورود المتناثره علي الارض وبعض الشموع والاسهم حتي وصلت امام طوله مزينه بالشموع والورد وعليها جميع الأصناف التي تحبها .

ندي بدهشه وفرحه ..جاسم ..ايه الجمال دا ..دا كتير عليا اووي .

جاسم ..مفيش حاجه تكتر عليكي يا نور عيوني .

ندي بصدمه ..ايه ..نور عيونك .

جاسم ..ايوة نور عيوني ..وحبيبتي ..وروحي ..والنفس اللي بتنفسه ..بقيت مش بعرف اعدي يومي غير معاكي ..لو هتقبلي بيا يا ندي هكون اكتر راجل محظوظ في العالم .

ندي بدموع ..انت اللي هتقبل بيا يا جاسم وهتثق اني معملتش حاجه حرام وانه حاول ياخد جسمي غصب عني .

جاسم ..هشششششش ..انا واثق فيكي اكتر من نفسي والكلب ده هجيبه وهحاسبه علي اللي عملوا فيكي .

ندي ..خلاص يا جاسم انسي مش عايزاك تعرض نفسك للخطر .

جاسم ..مفيش خطر عليا يا ندي ومتخافيش .

ندي ..تمام .

جاسم وهو يركع علي  رجله وفي نفس اللحظه تضئ  انوار في السماء بجملة "Will you marry me  "

جاسم ..تقبلي تجوزيني .

ندي ..........

روايه اعمي ولكن

ممكن تقبلي 

الفصل الخامس عشر

اؤمت ندي برأسها ..موافقه .

احتضنها جاسم بقوه وأخذ يلف بها عددت لفات .

جاسم..انا بحبك ..بحبك .

ندي..وانا كمان .

جاسم ..اجي امتي لمامتك .

ندي ..في اي وقت .

جاسم ..خلاص آخر الاسبوع .

ندي ..تمام .

جاسم ..يلا ناكل بقا .

ندى ..ايوة يلا انا جعانه اووى .

جاسم ..وانا جدا .

جلست ندى وجاسم يأكلون ويضحكون .

فى مكان آخر .

تسللت ليان نحو الخارج وذهبت نحو بيت يامن وطرقت الباب .

يامن..انتى مجنونه ايه إللى جابك هياخدوا بالهم.

ليان ..كله نايم.

يامن ..طيب ادخلى.

دخلت ليان ونظرت له بغضب ..انت ايه إللى جابك ورايا انا مش قولتلك مالكش دعوه بيا .

نظره لها ببتسامه ..اكدبي وقولى انك مفرحتيش لما شوفتيني.

ليان بتوتر..اكدب ليه يعنى...انا فعلا مفرحتش لما شوفتك .

يامن..كدابه اووى .

ليان بتوتر..انا همشي .

جذبها يامن اليه فجأه .. وحشتك صح .

ليان بتوتر ..لا

يامن اقترب من شفايفها..بس انتي وحشتيني .

وقبلها على شفتيها بقوه وكانت الصدمه عندما بدلته ليان القبله بشوق جارف التفت يد ليان حول رقبه يامن واخذت تقبله بشوق جارف ظلوا هكذا وكل منهم لا يريد أن يبتعد.

ابتعدت ليان ونظرت له بغضب وصفعته وركضت نحو الخارج وهى تبكى.

نظر يامن بحزن فاهى تحاول ان تداري مشاعرها نحوه .

دخلت ليان غرفتها واخذت تبكي بشده ..ليه كل ما بحاول انساك القيك قدامى ليه مش عارفه اخرجك من قلبي رغم كل إللى عملته ليه لسه بفتكر ليك كل لحظه حلوة حتى لو كانت كدبه انا تعبت من التناقض إللى انا فيه بجد تعبت ظلت ليان تبكي حتى غفت مكانها .

في مكان آخر كانت سما تفكر في قرارها وهي تتذكر الحظات التي جمعتها بمازن اعترافه لها بالحب توعده لها بأنها ستندم دموعه المنحبسه في عينيه اخذت تبكي علي حالها وما وصلت إليه بسبب تجربتها الفاشله.

عند مازن كان يجلس وينظر الي السقف وهو يتذكر سما وبنت خالته ونظرت الفرح التي كانت في عينها لانه تقدم لها .

مازن ..انا غبي مكانش ينفع اروح انا كدا بخون الاتنين واحده حبتها بجد والتانيه حبتني من زمان وكانت منتظراني يارب انا تعبت ..كنت فاكر الحب اني مجرد ما احب هتكون ليا لكن اكتشفت اني لازم ادوق من كأس الوجع الاول لازم اتعب الاول بس يا تري هوصل فعلا لحاجه ترضيني حاجه تفرحني حاجه تقدر تنسيني الوجع اللي عايشه وتانيب الضمير اللي عايش فيه اغلب وقتي ولا هفضل عايش من غير قلب طول حياتي.

في الصباح الباكر استيقظت ليان علي صوت زغريط تحت نزلت ليان مسرعه وكانت الصدمه لها عندما رأت ابن عمها عمران .

ليان بصدمه ..عمران .

عمران ببتسامه بلهاء ..ليان انتي جيتي امتي يا بنت عمي .

ليان ..بقالي يومين هنا .

عمران..اتوحشتك اوي.

ليان ..تسلم يا عمران ...بس انت خرجت ازاي وامتي.

ام عمران بندفاع..ليه يا اختي كنتي فكراه مجنون ولا مخبول في عقله دا انا ابني عقله يوزن بلد بس هقول ايه عليكي انتي اللي خلتيه يوصل للي وصله دا واول ما عرفوا انه كويس خرجوه.

ليان في سرها ..جايين يخرجوه دلوقتي مش كانوا استنوا لحد ما اخلص مهمتي وامشي .

عمران.. ليان روحتي فين.

ليان ..مفيش يا عمران انا تعبانه شويه وطلعه اريح عن اذنكم.

ام عمران ..اذنك معاكي يا حلوة .

ذهبت ليان نحو غرفتها وجلست تفكر في هذه المصيبه إلتي حلت علي رأسها.

في مكان آخر استيقظ جاسم بنشاط وذهب نحو غرفه ندي بشوق جارف وطرق الباب فتحت الباب ندي بشعرها المبعثر وملابسها الغير مهندمه.

ندي ..في ايه علي الصبح سبني انام شويه .

جاسم ..ما انا مش قادر مشوفكيش مش كفايه انك نايمه في اوضه تانيه بعيد عني .

ندي ..نعم يا اخويا وانت كنت عايزني انام معاك في الاوضه .

جاسم ..وايه يعني .

ندي ..انت شكل ماشيك البطال مع اللي كنت تعرفهم أثر عليك .

جاسم ..ندي انا بحبك واكيد عارف انه مينفعش بس بقيت مش قادر انك تكوني بعيده عني .

ندي ..وانا كمان بحبك يا جاسم بس ارجوك اصبر لحد الفرح وهكون بتاعتك وملكك لحد اخر نفس فيا .

جاسم..طيب تصبيره.

ندي ..لا مفيش .

جاسم ..انا مش بسالك اصلا انا بعمل علي طول اقترب جاسم منها بشده كادت ندي تهم بالاعتراض ولكنه ابتلع عباراتها في قبله عميقه بث فيها اشواقه لها كان يقبلها بجنون عاشق بدالته القبله بجنون واخذت تعبث في خصلات شعره الاسود الكثيف الي ان بعثرته وهو مطبق علي خصرها بشده كأنه يخاف ان يفقدها ويفوق من هذه اللحظه ظلوا هكذا لبعض الدقائق حتي سمعوا صوت صفير قادم ابتعدوا سريعا وكانت المفاجاه عندما رأت بعض السياح يقفون يصفقون لهم بحرارة ركض جاسم وندي كل منهم الي غرفته في خجل .

عند ندي في الغرفه اخذت تبتسم وهي تتذكر قبلتهما الأولي والتي بث فيها جاسم عشقه لها .

ام جاسم فأخذ يضحك علي هذا الموقف المحرج الذي وقع فيه .

ام عند ليان فأخذت تتذكر موقفها مع عمران .

فلاش باك .

كانت ليان تجلس في حديقه عمها وهي ممسكه بالهاتف وتتراسل مع ندي وتضحك بشده اتي عمران وجلس بجانبها ومسد علي شعرها.

ليان بصدمه ..عمران ..في ايه .

عمران ..مالك اتخضيتي ليه انا مش قصدي اخضك .

ليان وهي ترجع للخلف بظهرها.. كنت عايز حاجه .

عمران ..انتي ليه بتخافي مني.

ليان ..لا مش خايفه بس انت نظراتك غريبه.

عمران ..غريبه ازاي.

ليان ..معرفش ...عن اذنك .

وحاولت التحرك ولكن ادارها له بشده وبجنون.

عمران بعصبيه ..لما اكون بكلمك متمشيش.

ليان ..سيب ايدي انت مجنون .

عمران ..ايوة مجنون ..مجنون بيكي ..من اول يوم اتولدتي فيه وانتي بتاعتي يا ليان ..

ليان بدموع ..سيبي ايدي انت بتوجعني .

عمران ..وانتي دايما بتوجعيني ببرودك دا معايا ..انا بحبك يا ليان بحبك.

ليان ..وانا عمري ما هحبك انت متوحش.

عمران ..متوحش علشان بحبك وأخذ يقترب منها ويحاول أن يقبلها.

اخذت تسدد له الضربات وتحاول أن تفلت منه حتي رآها والدها وأخذ يضربه وبشده .

عمران بجنون ..محدش هياخدها مني ..ليان بتاعتي انا وبس..

اتصل والدها بالمشفي لكي تهدأ من ثورته اتت سياره الاسعاف واعطته المهدء وحاولته الي الطب النفسي.

نزلت من ليان دمعه خوف

ام عند يامن فاكان الغضب يتطاير من عينيه عندما علم بقصه عمران وأخذ يفكر في حل لكي يطمن علي ليان .

عند ليان كانت تمر من أمام باب عمها سمعته وهو يتحدث في الهاتف.

ياسر..هقابلك علي الفجر ...ومعايا الورق والفلاشه ....لا متخافش هي اكيد هتروح كمان يومين لان المحكمه آخر الاسبوع...لا ليان مش شكه مش باين عليها حاجه ...تمام الفجر عند الطريق الصحراوي .

ذهبت ليان مسرعه نحو غرفتها وهي تستعد لاخذ الفلاشه والورق.

سمعت صوت الهاتف وكان المتصل يامن .

ليان ..الو .

يامن .. اوعي تتهوري يا ليان وتعملي حاجه من ورايا قوليلي بتفكري في ايه .

ليان ..وانت مالك .

يامن ..ليان مفيش نقاش في دا وقولي بتفكري في ايه.

ليان ..هبعتلك رساله باللي هعمله .

أغلقت ليان مع يامن وارسلت له رساله بالتفاصيل.

اتي الليل ونزلت ليان لتاكل .

دخلت المطبخ وأخرجت كوب من البن واخذت تشرب ولكن سمعت صوت خلفها واوقعت الكوب فاتهشم لاجزاء صغيره .

عمران ..انا اسف يا ليان مش قصدي اخوفك .

ليان بخوف ..تمام..حاولت أن تخرج ولكن وقف أمامها.

ليان بتوتر ..في ايه .

عمران ..متخافيش مني يا ليان انا مش هعملك حاجه ومش هقرر اللي عملته تاني بس اديني فرصه علي الاقل اكون صديق ليكي.

ليان..انا اسفه يا عمران بس انا مش هقدر اثق فيك .

وتركته ليان وذهبت .

عم السكون في البيت ارتدت ليان ملابس سوداء واغلقت الغرفه خلفها وتحركت الي بيت يامن .

يامن ..ليان اقعدي هنا وانا هتحرك.

ليان ..لا رجلي علي رجلك انا اللي هظهر براءه بابا .

يامن ..ليان دا شغلي انا مش شغلتك.

ليان بسخريه..شغلك شغلك اللي ضحكت عليا بيه ..شغلك اللي استغلتني علشانه..يامن انت اكتر شخص ماثقش فيه انا اللي هروح لوحدي ولو احتاجت حاجه انا هتصل بشرطه ومش هتصل بيك .

يامن ..يبقا مش هتخرجي يا ليان يا هخرج معاكي يا لا .

ليان ..انت بتهددني.

يامن..اه واعتبريه زي ما تعتبريه.

ليان بنفخ..اوووف بقا .

ابتسم يامن علي طفولتها وتذمرها.

اتي الفجر وبدأت ليان ويامن في التحرك ولكن رآهم عمران وذهب وراهم في استغراب

يامن ..جاسم فوق كدا وكلمني.

جاسم ..في حاجه يا يامن .

يامن ..قوم وابعتلي قوات علي العنوان اللي هبعته ليك دا .

جاسم ..حاضر .

اغلق يامن مع جاسم ونظر الي ليان الذي يتضح عليها التوتر والخوف .

امسك يدها وضغط عليها بقوه ..انا معاكي متخافيش وهثبت براءة باباكي وهخرجه.

ليان بدموع ..انا خايفه ان كل اللي بنعمله دا ميجيش بفايده وبابا يفضل في السجن .

يامن ..مش هسمح ب دا يا ليان مش هسمح اني اكون سبب في وجع ليكي تاني مش هقرر غلطتي ابدا حتي لو كان التمن روحي .

نظرت له ليان بقلق حاولت اخفاءه..عمر ما حاجه هتنسيني اللي عملته عمري ما هقدر اسامحك يا يامن .

يامن ..هتسامحيني يا ليان انا متاكد .

ليان ..انت بتحلم دلوقتي مش هتنقاش نخلص اللي ورانا ونثبت براءة بابا وبعدها مش عايزة اشوفك قدامي تاني.

يامن ..تمام يا ليان انتي حره .

ام في سياره عمران كان يتاكل من الغيظ فاكيف لمحبوبته ان تركب السياره مع شخص غريب وفي هذا التوقيت.

وصل ليان ويامن الي المكان المطلوب ووقفوا بعيدا اخذت ليان تصور بالهاتف ما تراه.

يامن ..مش هيفيد بحاجه التصوير بس لازم يكون في صوت .

ليان ..طيب انا هنزل .

حاول يامن منعها ولكن دون جدوى تحركت ليان الي الخارج ام في سياره عمران كانت الصدمه عندما رأي والده يقف مع رجل هيئه مريبه.

اقتربت ليان منهم بشكل خطير واخذت تنصت وتسجل .

عند ياسر كان يتكلم مع شخص غريب .

ياسر..هنعمل ايه في عاصم خايف يتكلم ويجيب سيرتنا في النص.

الشخص ..هيخاف عارف ان الكلمه بموته.

ياسر ..هو كدا كدا هيموت فاممكن يكلم احنا نموته احسن ونخفي سرنا معاه .

الشخص ..انت خايف علي نفسك علشان انت بس اللي في الصوره .

ياسر ..وانت كمان معايا انت نسيت انك شريك في الشحنه ديه وان ديه مش اول شحنه تدخلها .

الشخص ..انت هتبدا تهبل في الكلام ولا ايه .

ياسر .. انت متحاولش تلعب من ورايا احنا الاتنين في مركب واحده.

ولكن هنا رن هاتف ليان برقم ندي والذي اصدح صوتا عالي تحرك يامن بسرعه من السياره وركض ياسر وهذا الشخص باسلحتهم وراها.

اتي صوت من خلفها والسلاح موجه إلي رأسها.

ياسر..اقفي مكانك يا بنت اخويا .

نظرت له ليان بخوف ثم نظرت إلي يامن وهي تحذره بأن لا يقترب.

ياسر ..ايه خايفه ...ولا مصدومه من اللي سمعتيه...اه انا السبب في حبس ابوكي وهكون السبب في موتك .

ليان ..انت اوسخ بني ادم شوفته في حياتي .

ياسر ..مش جديده سمعتها كتير.

ليان ..مش خايف اني اكشفك.

ياسر ..وانتي متوقعه اني هستني تكشفيني طلقه واحده ومحدش هيعرف لجثتك مكان.

ليان..علي اساس الدنيا سايبه ومفيش حكومه.

ياسر..محدش يقدر يعملي حاجه .

هنا خرج يامن واقترب من ليان..لا يا ياسر بيه حسابتها غلط .

ياسر ..يوسف.

يامن ..لا يامن ظابط شرطة.

ياسر ..طيب نزل سلاحك يا شاطر بدل ما اقتلها.

يامن ..متقدرش تقرب نحايتها.

نظر ياسر الي الشخص الذي معه وشاور له بأن يذهب ويبقي رجالته مع ياسر .

ذهب الشخص مسرعا وظل الكثير من الرجال المواجهين أسلحتهم نحو يامن وياسر ممسك بليان وموجه سلاحه نحوها.

ياسر..عايزة تقولي حاجه قبل ما تموتي يا حلوة.

ليان .. حبيت نفسك اكتر من اخوك الغل والحقد اللي جواك عماك ونساك ان في آخره ووقت حساب وفي جنه ونار والنار اتعملت لأمثالك نسيت ان كما تدين تدان وان اللي بتعمله هيتردلك..دلوقتي بقا سهل الاخ يقتل أخوه او يحبسه بقا سهل تذل اخوك وترفع علي بنت اخوك سلاح وتقتلها..كنت فاكره الدنيا حلوة واني قد ايه اتحرمت من ان يكون ليا أخ أو أخت يحموني لكن اكتشفت ان ربنا كان ليه رأي تاني ووراني مثال قوي ان مش كل الاخوات سند ومش كلهم بيحبوا الخير لبعض انت عندك نقص ومرض مش ذنبنا احنا نهائي في المرض والنقص اللي عندك لكن الذنب الوحيد اننا مشوفناش كرهك لينا ولا حقدك وغلك نحياتنا.

ياسر..كفايه ..انتوا السبب ..انتي وابوكي السبب ..وكل اللي انتوا فيه انتوا اللي وصلته نفسكم ليه ..اتشهدي علي روحك .

لكن في هذا الوقت دخلت الشرطه واستغل يامن هذه اللحظه وابعد يد ياسر ورفعها لفوق وبدأ الاشتباك مع عناصر الشرطه ورجال ياسر .

حاولت ليان الهرب ولكن هنا سمعت صوت رصاصه وجسد يسقط بقوه.

التفت وكانت الصدمه لها ..............

انتهي البارت .

توقعتكم ورأيكم ؟؟؟

روايه اعمي ولكن

للكاتبه / esraa mahmoud

🤩🤩🤩🤩🤩🤩🤩🤩🤩🤩🤩🤩🤩🤩🤩🤩🤩🤩🤩🤩🤩🤩🤩🤩🙂🙂🙂🙂🙂🙂🙂🙂🙂🙂🙂🙂

الفصل السادس عشر

حاولت ليان الهرب ولكن هنا سمعت صوت رصاصه وجسد يسقط بقوه التفت ببطء وخوف وكانت الصدمه لها وللجميع كان هو عمران سقط جسده بجانبها غارق في دمائه

سقطت ليان امامه بدهشه ورفعت رأسه علي قدمها

ليان بدموع ..ليه يا عمران.. انقذتني ليه ...انت ذنبك ايه في كل دا .

تكلم عمران وهو يتلفظ أنفاسه الاخيره .. مش ..ذ..نبي ولا...ذنبك...انا عشت عمري يا ليان...م..محدش..بيموت ناقص عمر..سامحيني علي اي حاجه ع ...عملتهالك..من غير قصد ..واعرفي ..اني ..حبيتك اووي .

ليان بدموع ..مسمحاك يا عمران ...اهدي دلوقتي نروح المستشفي وهتكون كويس .

ابتسم عمران..خلاص يا ...ليان ...قصتي انتهت ..اشهد ان لا اله الا الله..واشهد ان محمد رسول الله.

واغمض عمران عينيه للأبد ...هنا سقط جاسر بقوه واخذ يتكلم بشكل هيستري.. عمران فوق ...انت مش هتموت.. لا مش هتموت..انا مقتلتكش....عمران رد عليا .

نظر يامن الي القوات الذين أتوا لتو وامر بالقبض عليه .

يامن ..خدوه واتصلوا علي الإسعاف حالا .

تم القبض علي جاسر الذي مازال يتكلم بشكل هيستري وكلام غير مفهوم .

ام ليان فامازلت في حاله صدمه تنظر إلي عمران وتبكي في صمت .

اقترب يامن منها وجلس جوارها..ليان قومي يلا هوصلك الفيلا ترتاحي شويه .

وكانت الصدمه عندما ارتمت ليان عليه واحتضنته واجهشت في البكاء

اخذ يامن يربط علي شعرها بحنان بالغ..حتي غفت علي كتفه..حملها يامن بحنان واتجه نحو السياره ووضعها بها وعاد مره اخري الي مسرح الجريمه كانت سياره الاسعاف اتت واخذت عمران امر يامن القوات بالتحفظ علي الأسلحة واخذ البصمات وركب سيارته وقادها نحو الفيلا.

وصل إلي مسمعها خبر قتل ابنها علي يد زوجها والقاء القبض عليه ظلت تصرخ بهستريه حتي فقدت الوعي وانتقلت الي المشفي.

فتحت ليان عينها بكسل شديد وكانت الصدمه عندما رأت والدها يربط علي شعرها بحنان

ليان بعدم تصديق..بابا انت هنا ولا انا بحلم.

عاصم ببتسامه..ايوه انا هنا يا قلب بابا.

ارتمت ليان في احضانه واجهشت في البكاء ..انا نجحت يا بابا نجحت وخرجتك من السجن .

عاصم ..وانا كنت متأكد انك هتنجحي يا لي لي انا بنوتي قويه وبتعرف تاخد حقها كويس .

ليان .. لا انا مش قويه انا ضعيفه اووي يا بابا..انا لو قويه مكانش يامن عمل فيا كدا مكانش قدر يضحك عليا مكونتش اتكسرت بسببه بالشكل دا انا بموت كل يوم يا بابا بموت لما اشوفه قريب مني واكسر فيه بموت لما بشوف ضعفي ليه ..انا مش عارفه انساه ومش عارفه اكون قويه ومش قادره اكسره .

عاصم ..وليه العذاب دا يا حبيبتي سامحيه ..اديلوا فرصه وادي لنفسك فرصه تانيه تثقي فيه .

ليان ..انت كدا كانك بتقولي دوسي علي كرامتك وسامحي ..اسامحه علي ايه انه ضحك عليا ورسم عليا الحب ..ولا اسامحه انه دخل بيتنا وسرق ورق وحاجات ضددك علشان يقدر يحبسك ولا اسامحه انه جه بكل برود خدك وحطك في البوكس اسامحه علي ايه ولا ايه احنا قصتنا انتهت عايزة معجزه علشان نعرف نرجع تاني زي الاول.

عاصم ..سامحيه يا ليان علشان قلبك اللي لسه بيدق ليه وعايزة دايما جمبه.

ليان ..وانا قلبي مهانش عليه لما خده مني وداس عليه بدم بارد ومشي.

عاصم ..دا شغله يا ليان وكان لازم يعمل كدا .

ليان بسخريه..شغله انه يلعب بقلوب الناس ويضحك عليهم ويدخل بيتهم يسرق منه معلومات .

عاصم ..فكري كويس يا ليان قبل ما الوقت يفوت وهتندمي.

ليان ..انا خلاص خدت قراري يا بابا انا علي اخر الشهر هسافر تبع الجمعيه واهو فرصه هنساه وارجع تاني زي الاول .

عاصم ..مش هتنسيه يا ليان مش هتعرفي.

ليان ..لا هعرف .

عاصم..هسيبك دلوقتي تهدي وتفكري في كلامي وانا هقوم اريح علشان بكرا هروح استلم جثه عمران.

وقد تذكرت في هذا الوقت كل ما مر امامها فجأه واخذت تجهش في البكاء ثانية ..عمران مات بسببي يا بابا هو كان بينقذني انا المفروض انا اللي كنت اموت .

عاصم ..محدش ليه يد في ده غير جاسر واهو هياخد جزاءه .

ليان ..طيب وام عمران عرفت .

عاصم ..ربنا يشفيها يا بنتي اللي عرفته انها اتشلت من الصدمه.

ليان ..مع انها كانت ست عقربه بس ربنا يشفيها ويبرد نار قلبها علي ابنها .

عاصم ..يارب ..يلا انا هسيبك بقا.

ليان ..ماشي .

كان يجلس في الأسفل منتظر ان ينزل والدها ويخبره انها بخير نهض مسرعا واتجه نحو عاصم في لهفه

يامن ..هي كويسه دلوقتي .

عاصم ببتسامه حزينه.. لو بتسأل عن صحتها فاكويسه لكن لو بتسأل عن ليان نفسها فاهي مدمره..ليان من زمان وهي بتكتم في نفسها مبتقولش هي فيها ايه غير لما بتيأس انها مش هترجع تاني زي الاول اول مره اشوف ليان متمسكه في حضني كدا موجوعه بشكل دا اول مره اشوفها بتشتكي جامد ..ليان اكسرت ومش عارفه  ترجع زي الاول هي حبتك يا يامن بس خذلانك ليها كانت كسره جامده ليها حاول يا بني ترجعها تاني انت في ايدك تخلي ليان تسامحك.

ادمعت اعين يامن من حديث عاصم عن محبوبته تركه دون اجابه وخرج من الفيلا كانت ليان تنظر من الشرفه ورأته يخرج مدمع العينين نظر لها بحزن وركب سيارته وذهب مسرعا كأنه يهرب من شبح الماضي..بكت ليان بشده وهي تدعي الله ان يربط علي قلبها.

اتخذت قرارها بأنها سوف تعطيه فرصه..من أجل حبها له ومن أجل ابنها الذي يفتقد وجود والده...

فاقت علي صوت ابنها .

ادهم ..ماما هو مازن مش هيجي تاني خالص.

سما ببتسامه .. لا هيجي يا حبيبي وهيبقا بعد كدا معانا علي طول .

ادهم بفرح..بجد يا مامي.

قبلته سما بحب ..بجد يا روح مامي .

ادهم ..طيب هو مازن شكله عامل ازاي يا مامي.

سما ..جميل اووي يا روح مامي مازن انا مش عارفه اوصفه بس بكرا تعمل العمليه وتشوفه بنفسك. 

ابتسم ادهم بفرح وهو يبني أحلام له هو ومازن ووالدته.

ام مازن فاكان يجلس في حيره من أمره لا يفكر في شئ غير سما وحبه لها لكن تذكر نوال التي تحبه بجنون كيف له أن يكسرها وهو أكثر حد يعرف وجع الكسره من الحبيب فاق علي اثر تيليفونه وكان جاسم .

مازن ..الو يا جاسم .

جاسم ..ايه يا بني مش بتسأل وبطلت تيجي الشغل .

مازن ..معلش يا جاسم تعبان شويه .

جاسم..تعبان ازاي يا بني وانت قاري فاتحتك .

مازن ..انت مش عارف اللي فيها يا جاسم.

جاسم ..انت اللي وافقت يا مازن محدش غصبك كان في مليون طريقه تقدر ترفض بيها العروسه ديه من غير ما تجرح نفسك او تجرحها.

مازن ..حتي لو عملت كدا مش هيتغير حاجه سما مش عايزاني في حياتها.

جاسم..لو كنت استنيت شويه كان ممكن تقدر تقنعها بأي شكل .

مازن ..خلاص يا جاسم كنت عايز ايه اخلص .

جاسم ..طيب يا سيدي انا لما عرفت انك هتعمل خطوبتك آخر الاسبوع قولت اكلمك واقولك نعملها سوا ايه رايك .

مازن ..هي فكره حلوه بس يا جاسم انت عارف ان ندي وسما صحاب واكيد سما هتيجي ودا هيكون صعب عليا اووي .

جاسم ..انت لازم تتعود علي دا يا مازن انتوا هتتقابله كتير لازم تكون مستعد ل دا وعموما براحتك.

مازن ..خلاص انا موافق .

جاسم ..تمام جدا يا باشا انا هقفل بقا .

مازن ..تمام سلام.

أغلق مازن الهاتف وتنهد بتعب ..هاتف خطيبته لكي يخبرها بالاحداث الجديده .

مازن .. الو يا نوال .

نوال بكسوف ..الو يا حبيبي .

مازن بملل..انا اتصلت علشان اعرفك ان خطوبتنا هتكون آخر الاسبوع مع جاسم صاحبي .

نوال ..انا موافقه علي اي حاجه مش انت خلاص وافقت .

مازن .. اه بس لو انتي مش عايزة نقدر نعملها لوحدنا .

نوال..لا طبعا موافقه انا لما صدقت اننا هنجوز يا مازن.

مازن ..طيب انا مشغول دلوقتي يا نوال عايزة  حاجه .

نوال بحزن..لا شكرا سلام .

مازن ..سلام .

أغلق مازن وجلس علي السرير في حزن .

وصل خبر خطوبته الي ماسمعها وضعت يدها علي بطنها ببطء ..مش هتنازل عنك يا جاسم..مش هسيبك تضيع مننا تاني..مش هخلي ابني يتحرم من ابوه .

اتي يوم خطوبه جاسم وندي ومازن و نوال

كانت ليان تمسك بيد ندي وتبتسم في حزن حاولت اخفاءه .

ندي ..مالك يا لي لي .

ليان ..مفيش يا ندي انا مبسوطه اهو دا يوم لازم افرح فيه .

ندي ..اضحكي علي اي حد غيري انا بفهمك من نظره عينك .

ليان..النهاردة خلينا مبسوطين ننسي الهم دا شويه وبعد كدا لينا اقعده سوا وهحكيلك علي كل حاجه .

ندي ..تمام يا ستي هاا شكلي حلو.

نظرت لها ليان ببتسامه عريضه واعين دامعه..زي القمر ..ثم احتضنتها بحب واضح ..يارب يكون خير ليكي ومشوفكيش ابدا زعلانه .

ندي ..انا متاكده ان جاسم بيحبني ومش هيضايقني تاني يا ليان حاسه ان ربنا عوضني بيه عن تجربتي الاوله .

ليان ..ربنا رحيم بينا اووي يا ندي وعوضه جميل جدا بس احنا يكون عندنا ثقه فيه ونستني.

ندي ..وربنا هيعوضك يا ليان ان شاء الله.

سمعوا صوت السياره ثم دلوف جاسم ابتسمت ليان له وخرجت سريعا لكن صدمت عندما رأته يركب في السياره ظلوا بعض الوقت ينظرون إلي بعضهم في عتاب خرجت ندي وجاسم ونظرت ندي الي ليان بحزن لكن بدلتها ليان ببتسامه عريضه ثم ركبت معهم في السياره لكي لا تحزنها كانت تجلس بجواره حاولت تتهرب من نظراته إليها ولكن قطعها صوت ندي.

ندي ..كلمتي سما شوفتيها فين .

ليان ..اه كلمتها وكانت نزله من البيت .

ندي ..طيب كويس .

اتجه مازن الي منزل نوال وقف كثيرا يفكر بتراجع لكن دلف إليها.

اقتربت منه نوال ببتسامه..شكلي حلو .

حاول مازن ان يبدلها نفس الابتسامه..زي القمر.

نوال بفرح..بجد يعني عجبتك .

أشار برأسه بمعني نعم امسك يدها ونزل بها الي السياره وسط زغاريط والدتها وخالته وصل مازن وجاسم في نفس اللحظه ودخلوا سويا الي القاعه وسط فرح البعض وألم البعض الآخر.

جلست ندي وجاسم في فرح واخذوا يتهامسوا .

ام نوال ومازن فاكانوا يرسمون ابتسامه مزيفه .

بدأت الخطوبه براقصه سلو لكلا من العرسان..بدا جاسم وندي يرقصون بحب .

جاسم ..انا مبسوط اووي .

ندي ..وانا كمان.

جاسم..مش مصدق انك بتكلمي وبتكسفي زي البنات .

ندي ..لا بقولك ايه انا ممكن اتحول تاني زي الاول واديك بوكس يفوقك ويفكرك بندي القديمه .

جاسم ..لا وعلي ايه يا وحش كدا حلو اووي .

ندي ..ايوة كدا اتعدل.

ام مازن و نوال كان مازن يرقص وعقله شارد في التفكير في سما وقع نظره عليها وهي تدلف الي الفرح بحماس ولكن كانت الصدمه لها .

دلفت سما الي القاعه وهي تعزم انها سوف تتجه إلي مازن وتخبره بقرارتها ولكن وقفت مصدومه وهي تري محبوبها يرقص مع غيرها بحب لم تكن تعلم انه يخطب غيرها نظرت له بأعين دامعه وعدم تصديق ركضت سريعا الي الحمام واخذت تبكي بشده .

ام مازن فابتعد سريعا عن نوال كأمن صعقته عقربه..ثم نظر لها في اعتذار ..اسف مش هقدر أرقص .

تفهمت نوال واتجهوا الي الكوشه.

خرجت ليان الي الحديقه لتستنشق بعد الهواء واخذت تفكر في كل ما مرت به من وجع وابتلاءت وسؤال واحد يدور في عقلها لماذا انا التي دائما تعاني لماذا الجميع يحاولون اذائ بشتي الطرق لماذا دائما خافه من المستقبل ...لكن فجأه تذكرته فجأه تمنت لو ان كل هذا لم يحصل تمنت أن يكون اعمي ..قطع عليها خلوتها صوته ونبرته الحزينه نعم اشتاقت إليه كثيرا لكن لن تسامحه مهما حدث لن تضعف امامه مره اخري..لن تكون فريسته ثانية .

يامن ..لسه بتهربي مني يا ليان لسه بتحاولي تداري حبك ليا لحد امتي هتهربي من المواجه لحد امتي جواكي مسامحني لكن انتي مصممه انك تكابري ومتسامحيش ...لحد امتي هفضل اجيلك واطلب منك السماح وانتي بتذليني ومش عايزة تسامحي مبسوطه وانتي شايفاني مذلول قدامك مبسوطه وانتي شايفاني ضعيف ومكسور ليكي اعمل ايه علشان ترضي عني وتسامحي. 

ليان بغضب ..انا مش بهرب يا يامن انا بحاول لآخر لحظه اني القي سبب اسامحك بيه القي سبب واحد يخليني اقتنع باللي عملته فيا

انت ضحكت عليا وخذلتني وجاي تقولي سامحي وانسي وارمي ورا ضهرك علشان انا اعتذرتلك كتير فامعلش تعالي علي نفسك وسامحي لو انت شايف انك ضعيف دلوقتي وانت بتعتذر عن غلط انت ارتكبته في حقي فأنا علي كدا اداس عليا علي كدا مبقاش فيا حاجه تاني علشان تكسرها انت رخصتني ودوست عليا برجليك الاتنين من غير ما تفكر لثواني اني انسانه زي زيك .. قولي هثق فيك ازاي وانت مثلة بجدارة انك اعمي ودخلت بيتي علشان تعرف تاخد معلوماتك براحتك وتوصل انك تحبس بابا وانت متاكد انه هو مش مجرم بس لمجرد انك توصل للمجرمين الحقيقين.. مهما كان انت في نظري مجرم زيك زي عمي بظبط انتوا الاتنين اشتركتوا في كدبه كبيره الفرق انك ظابط وهو تاجر سلاح بس انتوا الاتنين مجرمين في حقوقنا وهو انكم بتفكروا في شغلكم وبس مش بتفكروا هتذوء اللي حواليكم ازاي او هتجرحوهم ازاي المهم انك تنجح يا سيادة الظابط في شغلك وتكبر فيه لكن مش مهم احنا نتوجع ولا نكسر ولا حتي منعرفش نكمل حياتنا تاني زي الاول المهم انك تكون انت بس مرتاح ...وعموما يا يامن بيه انت قريب اووي هتخلص مني مش هتكون مستعد تاني تمثل او انك تحاول تضحك عليا تاني بشويه كلام عايزني اصدقه .

يامن بعدم فهم ..اخلص منك ازاي.

ليان ..انا هسافر .

لم تعطيه فرصه بأن ينصدم وبدأت بالتحرك نحو القاعه امسك يداها بعنف.

يامن ..مش هسمح ب دا يا ليان مش هسمح انك تضيعي مني تاني .

ليان ..انا ضعت منك خلاص والحمد لله اني متعلقتش بيك اكتر من كدا .

يامن ..يعني ايه .

ليان ..يعني اني بطلت احبك يا يامن بقيت لما بشوفك مش بحس من ناحيتك بحاجه غير باشمئزاز عارف  يعني ايه ...انصحك تحاول تنساني بقا ..اصل انا هبني حياه جديده وهنساك نهائي.

يامن بصدمه ..اشمئزاز .

ليان.. ايوه مصدوم ليه .

يامن ..عندك حق مصدوم ليه اتمنالك حياه احسن يا ليان وانا هشوف حياتي عندك حق مش هتشوفي وشي تاني .

تحرك يامن ودخل الي القاعه ام ليان فاوقفت تاكسي وذهبت سريعا وهي تبكي.

دخلت نانسي الي القاعه وهي تنظر نحو جاسم الذي يقف مع بعض أصدقاءه ذهبت نحوه فاقترب منها وجذبها بعيدا عن الناس بقليل .

جاسم ..عايزة ايه .

نانسي ..جيت ابارلك...مبروك هتبقا أب .

روايه اعمي ولكن

ممكن تقبلي 

الفصل السابع عشر

نانسي: جيت أبارك لك بس مش علي الخطوبه ...مبروك هتبقا أب .

وقف جاسم مندهش يحاول أن يستوعب ما سمعه للتوء..وكل ما يدور في عقله أهي تهزئ ام تمزح معه ..أقالت هذا الهراء فقط لكي تبعده عن ندي وتجعله يتزوج بها ..ام فعلا سيصبح أب..أيصدق قلبه الذي يقول لا وبشده هذه كاذبه..ام عقله الذي يقول له لن تتخلص من أخطاء الماضي بسهوله قطع عليه وصلة تفكيره العميق ندي التي وضعت يدها فوق كتفه وقالت.

ندي ..ايه يا حبيبي واقف هنا وسايبني ليه ...ثم نظرت الي نانسي وابتسمت..مش هتعرفني اكيد قريبتك.

جاسم بتردد..اه..قصدي لا..هي قريبتي اه بس كانت مسافره برا ولسه راجعه لما عرفت اني هخطب وحبت تعملهالي مفاجأه.

نانسي بخبث ..بس شكلها مفاجأه مش حلوة .

ندي ..لا ازاي ..اكيد حلوة اكيد ..المهم انتي اسمك ايه .

نانسي ..انا نانسي .

ندي ببتسامه ..اسمك حلو اووي يا نانسي ..طيب انا اسفه اكيد مش حبه اسيبك وعايزة اتعرف عليكي اكتر بس لازم انا وجاسم نرجع تاني الكوشه علشان هنلبس الشبكه .

نانسي..لا ولا يهمك انا اصلا كنت همشي مليش في جو الدوشه دا انا بس اجي ابارك لجاسم واكيد هنتقابل تاني كتير .

ندي ..اكيد طبعا.

نانسي ..مبروك مره تانيه وفرصه سعيده اني اتعرفت عليكي .

ندي..انا اسعد .

كل هذا وجاسم مازال منشغل بتفكيره لا يعرف ماذا يفعل كأن عقله توقف .

ندي ..لطيفه اووي نانسي .

جاسم ..اه جدا ...يلا نروح نلبس الشبكه .

ذهبوا نحو الكوشه لكي يرتدوا الشبكه ..

حاولت أن تتماسك وتخرج تشارك صديقتها فرحتها وان تخفي حزنها ولكن في كل مره تفشل ودموعها تسبقها اخذت تنظر لنفسها في المراءه وكل ما يدور في عقلها لماذا خطب غيرها..الم يكن يبدلها نفس المشاعر..طب لماذا قال لها أنه يريد أن يتزوجها..ام هي مغفله ..عزمت الأمر وحاولت أن تخفي دموعها واتجهت نحو ندي وهي تنظر إلي مازن ..كان مازن يتهرب من النظر في وجهها..كان يعلم انه رد لها اهانتها له ولرجولته..لكن قلبه يرفض وبشده ان يراها تتالم..يريد انا يذهب ويحتضنها وان لا يهتم بالجميع ..ولكن نوال ماذا سيقول لها هي أيضا تحبه وبشده ..هل يجرح قلبها لأجل محبوبته التي جرحته وبشده ام يتمسك بالتي تحبه دون انتظار مقابل حسم الأمر وامسك بيد نوال تحت أنظار سما بدأ كل من العروسين ان يلبس محبوبته الشبكه ..كانت سما تتألم وبشده وهي تراه يلبسها دبلته..بدأت دموعها في الهطول نظرت له نظره اخيره بادلها مازن النظره ولكنه التفت سريعا الي نوال ولم يعطيها اهتمام خرجت سما سريعا من القاعه وهي تمسح دموعها وتلوم نفسها علي حبها..علي نظرتها له..علي ضعفها الذي ظهر أمامه.

كان يريد مازن ان يخرج وراها..ان يقول لها أنه مازال يحبها..انه يريدها ولكن لم يطاوعه كبريائه.

دخلت ليان الفيلا وهى تبكي بشده

وعندما رأت والدها ارتمت فى احضانه تبكي وتتكلم دون التفكير في الكلام ..كان نفسي يا بابا يتمسك بيا اكتر كان نفسي يشدنى لحضنه ويقولي مش هتسافري ومش هتبعدي عنى ..كان نفسي احس بالاهتمام وبحبه ليا اكتر ..هو انا مستحقش انى احب واتحب ..ليه يا بابا قلبي مسامحه برغم كل اللي عمله فيا..ليه يا بابا لسه عايزاه ..ليه.

اخذ يهدها عاصم ويشدد من احتضنها..علشان انتى بتحبيه يا ليان والحب الحقيقي يا بنتى مش بيتنسي..سامحتيه علشان بتحبيه بس انتى مصممه تقاوحي وتقومى مشاعرك ..يامن حاول معاكى كتير بس انتى عايزاه يعتذر بالطريقه إللى انتى عايزاها مش مهم ان هو شخصيه مختلفه وان اكيد عنده كبرياء ورجولته متسماحش بانه يهين نفسه كل شويه بدون جدوى كان لازم تتمسكي بحبك اكتر من كدا يا ليان انتى بايدك تريحي نفسك وتريحيه بس انتى رفضه فكري مع نفسك يا ليان وشوفي هتقدري تكملى حياتك من غير يامن ومع شخص تانى غيره ولا لا لو الاجابه اه فانتى حره لو لا فكري ازاى ممكن تصلحي كل إللى فات وتنسي الماضي بكل الوحش اللي فيه  وتبدأى  معاه صفحه جديدة .

ليان..تمام يا بابا ...هحاول افكر في الموضوع .

عاصم ..يلا يا لي لي  على الاوضه علشان تنامى وانا هفضل جمبك لحد ما تنامى.

ليان بدموع ورجاء..نام معايا النهاردة يا بابا .

عاصم ..تمام يا حبيبتي.

اخذها عاصم فى حضنه وأخذ يربط على شعرها حتى نامت بعمق.

كان يجلس يتذكر ذكرياتهم سويا ابتسامتها ..خجلها..  طفولتها.. وبرائتها نظرتها المشفقه علي حاله ... حبها له وتعلقها به ..وفجأة تذكر اليوم الذي كسر فيه كل شئ..اليوم اللي اتمحت فيه ابتسامتها وتحولت الي نظره كسره وحزن ..اليوم الذي قتل فيه برائتها وحولها لقسوه وكره لم يراه في ليان قط ..وكل هذا هو السبب به ..تذكر كلامها له بأن يبتعد عنها نهائيا وأنها ستتركه وتسافر...هل لهذه الدرجه لما تعد تحبه..هل نسته...هل تريد فعلا ان تبتعد عنه ام قالت هذا لتجرحه مثل ما جرحها...كانت العديد من الاسئله تدور في ذهنه ولا يوجد لها أجابه..هل يتركها تذهب دون التمسك بها لآخر لحظه..ام يحاول مرارا وتكرارا حتي تلين له وتسامحه وتعطيه فرصه آخره...توقف عندما وجد يد والدته تربط علي كتفه بحنان.

يامن ..انتي لسه صاحيه يا ماما منمتيش ليه .

كوثر..انام ازاي يا بني وانا عارفه ان فيك هم..انام ازاي وانت بتتالم ومش لاقي اللي يداوي جرحك..اوعي تفتكر اني مش حاسه بيك..انا حاسه بالمك وفهماه..عارفه يعني ايه انك تحب حد اووي وتجرحه من غير ارادتك بس هو خلاص مش قادر يسامحك ولا قادر ينسي.

يامن بدموع.. هي مش بتحاول حتي تسامحني محاولتش تحط نفسها مكاني ولا تعرف وضعي الحساس في الداخليه اه اذيتها بس حاولت اعوضها حاولت أصلح كل اخطائي.

كوثر ..الفكره انك كان لازم تشوف ليان بتحب ايه بظبط وممكن يخليها تسامحك..كان لازم تفكر ليان بتحب الاعتذار يكون ازاي لان كلمه آسف بعد فوات الأوان ملهاش اي لازمه..البنت يا يامن بتحب تحس انك متمسك بيها عايزها بتحب تحس بالأمان والسند..محتاجه احتواء وحنيه...بتزعق بتقول كلام جارح طبيعي علشان ليان مكسورة..والمكسور يا بني بيحاول يكسر كل اللي حواليه..حاول تاني وتالت ورابع متسبش حبك يضيع واتمسك بيها .

يامن ..بس ليان بطلت تحبني .

كوثر ..ليان لو بطلت تحبك مش هتبقا فارق معاها مش هتبقا عايزة تكسرك ومش هتتهرب من عيونك..ليان لو مش بتحبك مكانتش اهتمت انها تقولك انها مسافره هي زي اللي بتقولك امنعني امسكني وقولي لا متسافريش محتاجك جمبي...المهم انت هتقدر تعمل كدا .

ابتسم يامن لمجرد تعلقه بأمل انها مازلت تحبه..هقدر يا ماما وهحاول زي ما انتي قولتي.

كوثر ..يلا يا حبيبي اطلع نام وريح وفكر ازاي هترجع ليان تاني ليك .

قبلها يامن من رأسها  ..ربنا يديمك يا امي وميحرمنيش منك ابدا .

تحرك يامن الي اعلي وهو يفكر كيف يجعل ليان تسامحه.

كانت تجلس في غرفتها محتضنه نفسها تبكي وحيده..نعم هي أخطأت..نعم هي كسرته..ولكن كيف وبهذه السرعه يخطب غيرها..تمنت لو امها بجانبها تحتضنها وتقبلها وتقول لها كل شئ سيكون علي ما يرام يا صغيرتي..كانت تود شخص يحتويها يقول لها ان كل هذا مجرد كابوس وسوف تستيقظ منه...قامت بهدوء وخلعت ثيابها وجلست تحت الماء تشاركها قطرات الماء البكاء..توضأت وتحركت نحو سجدتها وبدأت تصلي وعندما سجدت اخذت تبكي وبشده..تشكي لله همها تشاركه حزنها ويومها السئ..تدعوه بأن كل هذا يمر سريعا..وان يمنحها الصبر والقوه...وبعد وقت طويل من الدعاء والصلي نامت سما علي سجدتها ولازالت دموعها تهطل .

كان يسوق سيارته بسرعه قويه وهو يتذكر دموعها يتذكر نظره انكسارها هروبها لمجرد ان ظهر انكسارها له ..هي لا تستحق كل هذا الألم..كان يضرب المقود وبشده.

مازن.. انا غبي...غبي علشان كسرتها وكسرت نفسي معاها..وعشمت بنت كل ذنبها انها حبتني..انا مستحقش كل الحب دا منهم ..

كاد أن يقوم بحادث  ولكنه استطاع أن يصل الي بيته بسلام  .

كان يوصلها الي بيتها وهو مازال يفكر كيف سيواجه هذه المصيبه وكيف سيقول لندي بأنه من الممكن أن يكون اب..وهل هي ستتقبل هذا ام ستتركه..قطعة ندي وصلة أفكاره.

ندي ..مالك يا جاسم سرحان في ايه .

جاسم بكدب ..مفيش يا حبيبتي..بس بفكر في يامن وليان شكلهم اتخانقوا تاني لانهم روحوا بدري.

ندي ..عندك حق فعلا انا زعلانه اووي علي علاقتهم الاتنين بيحبوا بعض بس بيكابروا .

جاسم..فعلا يلا اطلعي انتي دلوقتي علشان الوقت أتأخر وانا لما اروح هتصل بيكي اطمنك.

ندي ..تمام يا حبيبي سلام .

اوقفها جاسم وامسك يدها بحب وقبلها..بحبك يا ندوشه.

ابتسمت له ندي بخجل وركضت الي داخل..اما جاسم فاتحرك سريعا نحو منزل نانسي وأخذ يطرق الباب بشده.

خرجت له نانسي وهي ترتدي ملابس النوم..كنت عارفه انك هتيجي .

امسكها جاسم بشده وادخلها للداخل وأغلق الباب ...بقولك ايه يا زباله الكلام اللي قولتيه النهاردة دا هعديه بمزاجي لكن الطفل اللي في بطنك دا لو اصلا في طفل وديه مش اشتغاله منك علشان تبعدي بيني وبين ندي .

اخذت نانسي تضحك وبشده كأنه قال لها نكته ثم نظرت له ..لا بجد ضحكتني قال لو في طفل اصلا عموما الصبح نروح للدكتور اللي انت عايزة وهو يقول اذا كنت حامل ولا لا وبالمرة جيب معاك ندي علشان تعرف ان خطيبها هيبقا اب .

امسكها جاسم من شعرها بشده ..اوعي تجيبي سيره ندي علي لسانك ولو الطفل دا مني يا نانسي ساعتها هيكون ليا تصرف تاني مش هيعجبك ولو قولتي حاجه لندي مش هيكفيني فيكي عمرك كله فاهمه .

اخذت تترجاءه بأن يترك شعرها ..سيبني يا جاسم ...اه ..سيبني يا اخي بقا .

ابتعد عنها جاسم وهو يحاول السيطره علي غضبه ..بكرا الصبح هكون عندك واخدك لدكتور اعرفه كويس وبعدها هشوف هعمل ايه معاكي.

نانسي ..اي حركة هتعملها يا جاسم مش هتعجبني ندي هتكون عارفه كل حاجه وهتندم علي كل اللي عملته فيا  دلوقتي.

جاسم..مش انا اللي اتهدد يا شاطره والاحسن تحاولي متقوليش حاجه لحد علشان ساعتها هزعلك يا نانسي اووي .

وتركها وذهب وهو غاضب يفكر فيما يفعل .

اشرقت شمس يوما جديد ولم ينام لحظه واحده من التفكير في المصيبه التي وقعت علي رأسه..تحدث مع عياده مختصه وأخذ موعد لها..ولكن اوقفه صوت رنين الهاتف كانت المتصله ندي .

ندي بغضب ..متصلتش عليا ليه يا جاسم امبارح .

جاسم ..معلش يا ندي نسيت .

ندي..يعني ايه نسيت انا فضلت سهرانه مستنياك..

ولما متصلتش ..قولت اتصل انا ولما اتصلت تيليفونك كان مغلق .

جاسم بغضب..ندي انا مش فايق لجو الخناقات ديه علي الصبح انا فيا اللي مكفيني.

ندي ..ما انا عايزة افهم في ايه من امبارح وانت ملامح وشك متغيره وكأنك مخبي عني حاجه ومش عايز تقولي .

جاسم .. ضغط شغل يا ندي..شغل .

ندي ..ماشي يا جاسم سلام.

أغلقت ندي الهاتف واخذت تبكي هي لا تعلم لماذا يعملها بهذا الشكل كانت تتوقع اول يوم لهم بعد الخطبه سوف يكون مختلف لكن كل أحلامها تحطمت...كانت تريد بعض اهتمام فقط..كانت تريد انا بحتوي غضبها بكلمه حلوة او بمبرر مقنعه..كانت تريده انا يشاركها همه..لم تكن تتوقع غضبه عليها.

اخذ جاسم يكسر باي شئ يراه أمامه حتي يقلل من الضغط والتفكير ..وبدأ يتحرك خارج الشقه ويذهب لنانسي لياخذها الي الطبيب .

استيقظت علي صوت طفلها وهو يملس علي شعرها .

ادهم ..مامي انتي ايه اللي نيمك في الأرض.

سما.. مفيش يا روح ماما كنت بصلي ونمت .

اخذ يربط علي خدها ..انتي كنتي بتعيطي تاني .

سما ..لا طبعا هعيط ليه .

ادهم ..طيب مش هنروح لمازن .

سما بغضب..لا مفيش مازن تاني يا ادهم .

ادهم ..ليه .

سما بحزن ..مازن خلاص هيجوز ومش هينفع احنا نروحله او نبقا في حياته علشان اكيد هنسببله مشاكل .

ادهم..مش ممكن هو يكون عايزنا احنا .

سما بدموع..مستحيل يكون عايزنا لو كان عايزنا مكانش عمل كدا مكانش خطب مكانش قدر ينساني بسرعه ويتعامل بالجفاء اللي شوفته امبارح دا .

احتضنها ادهم بحب ظلت سما تبكي لفتره لا تعلم مدتها .

وصل جاسم الي بيت نانسي طرق الباب بشده .

نانسي بصراخ ..ايه الأسلوب دا لاحظ اني حامل ومحتاجه راحه ونوم وانت جاي من بعد الضهر ليه وتخبط بشكل الهمجي دا  .

جاسم ..اسكتي خالص علشان انا علي أخري يا نانسي خلينا نخلص من الحوار دا يلا البسي علشان نروح لدكتور.

نانسي ..ماشي يا جاسم .

دخلت نانسي بدلت ملابسها وذهبت معه الي الطبيب .

في العياده دخلت نانسي وجاسم الي الطبيب .

الدكتور ..اهلا يا مدام ...اهلا جاسم بيه .

جاسم ..اهلا ..ممكن حضرتك تخلص وبلاش سلامات وندخل في الموضوع علي طول .

الدكتور..تمام..حضرتك عايزنا نعمل ايه بظبط .

جاسم ..تحليل حمل ..وعايز اعرف الجنين عمره قد ايه .

الدكتور ..تمام يا جاسم بيه .

بدأ الدكتور في أخذ عينه من نانسي واعطاءها لمعمل التحاليل .

جاسم ..النتيجه هتظهر امتي .

الدكتور ..بكرا .

جاسم ..نعم بكرا ايه ...مينفعش النهاردة.

الدكتور ..مش بايدي يا جاسم بيه .. معمل التحاليل اللي بيحدد المعاد انا مليش يد فيه .

جاسم ..تمام شكرا .

ذهب جاسم ونانسي من عند الطبيب وهم في صمت تام.

استيقظ مازن من النوم علي صوت الهاتف وكان يامن .

مازن ..الو يا يامن.

يامن ..فوق كدا وتعالالي .

مازن ..في جديد حصل .

يامن ..لازم تروح سيناء جه أمر بأنك وشويه ظباط هتحاولوا تقبضوا علي عناصر إرهابية هناك  .

مازن ..مينفعش الموضوع يتأجل شويه .

يامن ..بقولك أمر يا مازن مش بايدي اعمل في حاجه .

مازن ..تمام يا يامن هكون عندك خلال ساعه علشان اعرف التفاصيل .

كانت تري ملابسها مليئة بالدماء ويامن يقف بعيد عنها كلما اقتربت منه يبعد عنها بدأت تشعر بالاختناق والظلام يغطي المكان اخذت تصرخ وتنادي يامن ..حاولت الاقتراب منه ولكن سمعت صوت رصاصه تخرج مع سقوط جسد يامن أمامها فجأه .

انتهي البارت 🤍

الفكره اللي كنت عايزة اوصلها من  البارت واتمني تكون وصلت ..الاحتواء والاهتمام مهمين بنسبال اي شخص وبذات البنت

اي بنت بتكون عايزة تشوف اهتمام من أهلها تشوف نظره الفخر والتشجيع في عيون اهلها ..انتي كأم او كأب دورك انك تهتم وتحتوي بنتك تحسوسها بقد ايه مشاكلها ولو بنسبالكم تافهه فاهي مهمه تحسوسها بانجزتها وانكم فخورين بيها لمجرد أنها عرفت تعمل كوباية شاي مظبوطه..وانت كأزوج دورك انك تحسس مراتك بالاهتمام وان مشاكلها مهمه بلأش تحسسوهم بالخوف وانهم يفكروا مليون مره قبل ما يحكولكم لمجرد انهم خايفين من ردة فعلكم قربوا من عيالكم اهتموا بيهم واحتوهم لان اغلب المشاكل اللي بتحصل وممكن توصل لكوارث سببها قله الاهتمام وعدم القرب والخوف اللي بتربوه لعيالكم منكم.. كمان انتي كصديقه او اخت اوعي تبين لصحابتك او اختك ان الموضوع مش فارق معاكي وحاولي تحسسيها ان مشكلتها مشكلتك بظبط وانك جمبها احنا محتاجين نحس بأن حد جمبنا وان بكرا هيكون كويس وان دا كله ابتلاء واختبار من ربنا ولازم ننجح فيه ونعدي منه سوا

ارجو اني عرفت اوصل الفكره صح 🤍

روايه اعمي ولكن

للكتابه/ اسراء محمود

🤩🤩🤩🤩🤩🤩🤩🤩🤩🤩🤩🤩🤩🤩🤩🤩🤩🤩🤩🤩🤩🤩🤩🤩🤩🤩🤩🤩🤩🤩🤩🤩🤩🤩🤩🤩الفصل الثامن عشر

استيقظت من النوم بهلع اخذت تنظر إلي ملابسها ويديها بخوف شديد حتي تأكدت ان كل هذا مجرد كابوس ..كانت تريد ان تهاتفه لكي تطمئن عليه ولكن كبريائها منعها .

في الصباح الباكر كان يقف أمام منزلها هو يعلم انها مازلت تخاصمه ولا تجيب علي اتصالاته ولكن لقد اشتاق إليها كثيرا طرق الباب ففتحت له وهي لا تنظر في وجهه.

جاسم..لسه بردو زعلانه مني .

ندي بعصبية..جاسم امشي من هنا علشان بجد مش طايقاك .

جاسم..ندي انتي المفروض تسمعيني وتفهميني اه انا غلط بس ممكن انتي ضغطي عليا في وقت مش مناسب .

ندي..كان ممكن تقولي مش فاضي دلوقتي هرجع اكلمك بهدوء من غير عصبيه .

جاسم ..انا اسف يا حبيبتي انا مقولتش اني مش غلطان بس الفكره ان اليومين دول مضغوط في الشغل لكن وعد الشغل يخلص وهكون هادي ونخرج ونعمل كل اللي انتي عايزاه .

ندي ..هعديها بس المرادي يا جاسم .

جاسم..انتي اصلا متقدريش تخصميني.

ندي ..لا واثق اووي .

جاسم بثقه..اووي اووي .

ندي ..طيب تعالي ادخل افطر معانا .

جاسم ..لسه فاكره دخليني.

ندي ..ما انا كنت مخصماك بقا .

جاسم ..المهم ان دلوقتي مفيش خصام بينا .

ندي ببتسامه..تؤ..تؤ خلاص راح لحاله بقا .

جاسم ..هو انا قولتلك النهاردة اني بحبك .

ندي ..لا مقولتش .

جاسم ..علشان انا مش بحبك بس انا بعشقك .

ضحكت ندي ..وانا بقا مش بحبك خالص ركضت نحو غرفتها لتغير ثيابها وتركته يضحك علي مشاكستها له .

اخذ يدردش مع والدة ندي في مواضيع عديده حتي رن هاتفه وكان الطبيب ليبلغه بأن التحليل قد انتهت .

استاذن جاسم سريعا من والدة ندي وخرج مسرعا نحو عيادة الطبيب .

خرجت ندي من غرفتها واندهشت عندما لم تجد جاسم وعلمت من والدتها انه ذهب مسرعا...ولكن قاطعها صوت رساله من جاسم .

"جالي تيليفون مهم وفي ورق قضيه لازم اسلمه اسف اني مفطرتش معاكي تتعوض يا حبيبتي "

حزنت ندي ولكن اقنعت نفسها ان هذا من عادات عمله ويجب أن تعتاد عليها .

ذهب الي مكتب يامن وهو لا يعلم اي شئ عن المهمه ولماذا وقع عليه هو الاختيار طرق الباب فاسمح له يامن بالدخول

مازن ..خير يا يامن..انا مش فاهم حاجه من اللي انت قولته في التيليفون .

يامن ..الموضوع باختصار المهمه ديه كانت من نصيب أسر وهو قدم اعتذار لان فرحه كمان كام يوم فاطبعا انت كنت واخد اجازة بقالك فتره كبيره فالاجازة اتغلت وانت اللي هتطلع المهمه ديه .

مازن بملل ..تمام مش مهم اديني تفاصيل .

يامن وهو مندهش من رد فعل صديقه فاهذه المهمه خطره وممكن تؤدي الي قتله ...المهمه في سيناء جالنا اخبار ان هيكون في هجوم علي مسجد كبير هناك ولازم نلحق الموقف ديه ارواح ناس .

مازن ..تمام ان شاء الله المهمه تنجح..هسافر امتي.

يامن ..كمان يومين .

مازن ..تمام هستاذن انا بقا علشان الحق اجهز نفسي واشوف مين طالع معايا .

اوقفه يامن ..مازن ..مش عايز تكلم في حاجه .

مازن ..حاجه زي ايه .

يامن ..زي سما مثلا وخطوبتك اللي جت فجاه .

مازن ..لو علي موضوع سما فاخلاص يا صاحبي الكلام في الموضوع دا منتهي اما لو عن خطوبتي فاليه لا هي بتحبني وكويسه ومحترمه وكمان بنت خالتي .

يامن ..هل انت بتحبها يا مازن زي ما هي بتحبك .

مازن بحزن ..مش مهم الحب المهم اني بحترمها وبقدرها..سلام يا صاحبي .

حزن يامن علي وجع صديقه فاهو يعلم انه مازال يحب سما ولن ينسها بسهوله .

وصل الي العياده في وقت قصير وذهب مسرعا نحو غرفه الطبيب .

جاسم ..هاااا مش حامل صح .

الدكتور ..لا حامل وفي الاسبوع التامن كمان .

جاسم بصدمه ..طيب مينفعش تنزله .

الدكتور ..في الوقت دا هيكون خطر عليها .

وقع جاسم علي الكرسي يحاول التفكير في حل اخر ولكن دون جدوه خرج من العيادة وهاتف ندي .

جاسم ..الو يا ندي ..انتي فين .

ندي بدهشه ..في البيت .

جاسم ..طيب انا جايلك حالا .

ندي ..في ايه يا جاسم انا مش فاهماك انت مش لسه كنت عندي وقولت عندك شغل ونزلت .

جاسم ..في حاجه مهمه لازم نتفق عليها الاول .

ندي..تمام تعالي مستنياك .

اغلق جاسم مع ندي وركب سيارته واتجه نحو منزل ندي .

نزلت ليان الدرج وهذا الكابوس الشنيع يحتل تفكيرها قطع وصلة تفكيرها صوت والدها .

عاصم ..مالك يا ليان سرحانه في ايه .

ليان ..مفيش يا حبيبي .

عاصم ..فكرتي يا ليان في موضوعك انتي ويامن .

ليان ..بابا الموضوع خلاص منتهي انا خلاص حددت معاد سفري ولما ارجع هكون احسن.

عاصم ..هتندمي يا بنتي صدقيني هيجي الوقت اللي هتندمي فيه بس ساعتها الندم مش هيفيدك .

ليان ..انا رايحه لسما يا بابا سلام .

خرجت ليان وركبت سيارتها تنهدت بحزن وهي تفكر في علاقتها هي ويامن ولكن هي لا تستطيع نسيان ما فعله بها .

فتحت له الباب وهي مندهشه من تصرفاته الغريبه .

ندي ..في ايه يا جاسم .

جاسم ..موافقه نعمل الفرح في اخر الشهر.

ندي بصدمه ..نعم ليه .

جاسم ..انا مش شايف ان في داعي اننا نأجل الفرح كل الفتره ديه ما احنا عارفين بعض كويس .

ندي ..بردو مش فاهمه ليه السرعه ديه يا جاسم في ترتيبات للفرح وحاجات كتير مش هنلحق نجهزهم .

جاسم ..سيبي كل حاجه عليا وانا هخلصها..المهم انتي موافقه .

ندي ..لا يا جاسم مش موافقه..انت تصرفاتك غريبه اليومين دول وانا مش فاهمه اي حاجه وانت مش بتقولي حتي ليه بتعمل كدا .

جاسم بحزن وعصبيه..علشان خايف يا ندي ..خايف منكملش من بعض ..خايف تسيبيني خايف..اصحي الصبح القيكي مش جنبي ارجوكي يا ندي وافقي.

ندي ..وايه اللي هيخليني اسيبك يا جاسم.

جاسم..ممكن بسبب الماضي بتاعي .

ندي ..الماضي دا خلص وراح لحاله..وطالما دا اللي قلقاك خلاص انا موافقه .

ابتسم جاسم بفرح وجذبها الي حضنه ..بحبك ..بحبك اووي يا ندوشه .

أبتسمت له ندي بخجل وابتعدت عنه ببطء .

ندي ..عيب كدا يا جاسم ماما جوا .

جاسم .. ماشي كلها شهر وتبقي مراتي وهعمل اللي انا عايزة.

ندي بخجل ..طيب يلا روح شغلك ايه مش وراك شغل .

جاسم بغمزه ..اموت انا في خدودك الحمر دول .

ندي ..بيئه اووي .

ضحك جاسم وتركها ونزل الدرج وذهب نحو سيارته وركب واتجه نحو منزل نانسي .

وصلت الي منزل سما ولكن توقفت بدهشه عندما رأت مازن يقف امام منزلها وينظر له بحزن .

اقتربت منه ..بتعمل ايه هنا يا مازن .

مازن ..مفيش كنت معدي من تحت البيت بس .

ليان ..طالما انت اختارت انك تكمل مع واحده تانيه يبقا الاحسن ليك وليها انك تنساها خالص يا مازن

مازن ..بحاول يا ليان بس مش عارف.

ليان في سرها ..محدش عارف ينسي لان الحب مبيتنسيش.

مازن ..ليان ..ممكن متقوليش لسما انك شوفتيني هنا .

ليان ..حاضر يا مازن .

مازن ..سلام يا ليان .

ذهب مازن وصعدت ليان الي منزل صديقتها .

فتحت لها باب المنزل ولكن كانت الصدمه الكبرى لليان عندما رأت عيون سما المنتفخه من كثرة البكاء ووجهها الشاحب الذي يدل عن توقفها عن الاكل .

ليان ..مالك يا سما ايه المنظر دا .

سما ..مفيش يا ليان مالوا منظري .

ليان ..اكيد في حاجه كبيره شكلك دا يدل ان في مصيبه حصلت .

سما ..واللي حصل مش مصيبه .

ليان ..مش مصيبه طالما انتي اللي رفضتيه يا سما انتي كنتي تقدري توافقي بس انتي اللي اختارتي تتعذبي .

سما بانهيار ..وانتي بردو كان ممكن تختاري انك تسامحي يامن بس بردو اختارتي اللي هيتعبك لمجرد انك فكرتي في كرامتك...ليان كل واحد فينا بيفكر العلاقه ديه هتاذيه ازاي وازاي هتبسطه بس لما بيلاقي انه هيتاذي اكتر من انه هيتبسط بيختار الحل الاسهل وهو انه يتعذب شويه مقابل انه الأذى يكون اقل .

ليان بدموع ..وهو الأذي دلوقتي اقل ..لا يا سما انا كل يوم بموت...اوعي تفتكري اني مش عايزة اسامحه لا نفسي بجد اسامحه بس مش عارفه ..اما انتي كان ممكن توافقي وتحاربي معاه بس انتي اختارتي متحربيش اختارتي تستسلمي وتخرجي من المعركه ديه بأقل خساير ممكنه بس اهو بتموتي لمجرد انه خطب غيرك اومال لما يتجوزها يا سما هتستحملي وانتي شايفاه بيحضن غيرك هتستحملي وانتي شايفاه عنده أطفال من واحده تانيه غيرك هتعرفي تعدي كل دا هتعرفي تنسي ردي عليا....هتعرفي تنسي مازن يا سما؟؟؟

ارتمت في احضانها واخذت تبكي ..لا مش هعرف ومش عارفه وبموت يا ليان وانا شيفاه معاها بموت يا ليان لما عرفت انه خد خطوه فانه يكمل حياته من غيري انا يا ليان كنت هروح خطوبه ندي واصالحه واقولوا اني بحبه واني موافقه نتخطب ونكمل حياتنا سوا بس اتفاجات ..اتفاجات اني رايحه خطوبته وانه ماسك ايديها ..جت عينه في عيني وعمل نفسه مش شايفني واكلم معاها..ساعتها حسيت قد ايه انا هبله..حسيت بوجعه حسيت اني فعلا جرحته..انا تعبانه يا ليان تعبانه اووي .

اخذت ليان تربط علي خصلاتها الناعمه برفق وتحاول تهدئتها .

ليان ..كل حاجه هتبقا كويسه صدقيني دا اختبار من ربنا وهيعدي كل الوجع دا هيروح وهيجي مكانه فرح وسعاده ملهاش نهايه استني واصبري وصدقيني كله هيبقا كويس .

نظرت لها تحاول ان تصدق كلامها ظلت ليان معاها حتي نامت بعمق تركتها ليان وركبت سيارتها واخذت تفكر في كلام سما .

وصل امام منزلها وهو يفكر بالحديث الذي سوف يدور بينهم ..صعد درج المنزل بسرعه وطرق الباب ففتحت له وهي تبتسم بمكر نظر لها بحده .

جاسم ..اوعي تفتكري ان بعقلك الصغير دا هتقدري تفرقيني عن ندي او توقعي بينا..والطفل اللي في بطنك مجرد ما يتولد هيعيش معايا انا وندي وانتي هتخلي مسؤوليتك منه .

نانسي ..لا طبعا تكون غبي اووي لو افتكرت اني هسبلك ابني .

امسكها جاسم من شعرها ..احترمي نفسك يا نانسي والطفل شوفي انتي عايزة كام علشان تسيبيه وتخلي مسؤوليتك منه واللي هتعوزيه هتاخديه .

نانسي بدموع ..بس انا عايزاك انت .

جاسم ..يبقا بتحلمي ..واوعي تفتكري الشويتين دول هيدخلوا عليا انتي عايزه فلوسي ومنصبي لكن مش عايزاني احسنلك تفكري في عرضي وشوفي انتي عايزة كام وبلغيني ومجرد ما الطفل يتولد هتمضي علي ورق انك بتخلي مسؤوليتك منه وهتاخدي فلوسك وتسافري ولحد ما الفتره ديه تعدي اوعي تحاولي تعملي تصرف ميعجبنيش لان ساعتها ردت فعلي مش هتعجبك .

تركها جاسم وذهب اما هي فاخذت تفكر في انتقامها منه .

نانسي..تبقا غبي يا جاسم لو سبتك انت وهي تعيشوا مبسوطين .

في مكان آخر أتت مكالمة هاتف ليامن .

يامن ..الو..مين .

سمع صوت ضحكات عاليه ومن ثم جمله واحده ..موتك قرب .

اغلق هذا الشخص الهاتف وظل يامن واقف مندهش من هذه المكالمه وعنده الكثير من الاسئله من هذا وماذا يريد منه ولماذا يريد قتله .

روايه / اعمي ولكن

ممكن تقبلي 

الفصل التاسع عشر

" لا اعلم الي متي سأظل مغفله..مازال قلبي يشتاق إليك برغم كل ما فعلته به..💔!

مرت الايام سريعا وبدأت تجهيزات العرس..كانت ليان دائما معاها تحاول ان تكون معاها اكبر وقت ممكن لانها سوف تسافر بعد الفرح مباشرة..

ندي ..ما تحاولي تأجلي سفرك حتي بعد الفرح بكام يوم .

ليان ..ندي انتي عارفه انا محتاجه السفريه ديه ازاي..كدا احسن ليا .

ندي ..هتوحشيني جدا يا ليان كان نفسي اجي معاكي ومسبكيش لوحدك .

ليان ..سما معايا يعني مش هكون لوحدي .

ندي ..بس سما مسافره علشان ابنها وانتي عارفه قد ايه سما تعبانه بردو مهما حاولت تتظاهر بانها كويسه فأنا حاسه بيها اللي مرت بيه مش سهل .

ليان ..بكرا تنسي .

ندي ..محدش بينسي يا ليان بذات الوجع عمره ما بيتنسي .

حاولت ان تغلق الموضوع ..طيب كدا فاضل اسبوع علي الفرح انتي حجزتي الفستان .

تفهمت ندي الوضع .. يعني في فستان عجبني هروح اشوفه بكرا..هتيجي معايا .

ليان ..اكيد طبعا.

تذكرت ندي شئ ..انا ازاي نسيت..لازم اتصل بجاسم علشان يعزم قريبته اللي جت يوم الخطوبه..علشان تلحق تيجي من السفر .

ليان ..ما هو اكيد عزمها لو هي قريبته .

ندي ..مش عارفه بس المره اللي فاتت شكله اتفاجاء بوجودها .

هاتفته ندي عدت مرات حتي اجابها بتذمر .

جاسم بتذمر ..الو يا ندي في حاجه .

ندي ..اسفه يا حبيبي اتصلت في وقت مش مناسب .

حاول تهدات اعصابه ..لا مفيش انا اللي اسف اني اتعصبت عليكي بس معلش انا في الشغل ومش فاضي .

ندي ..طيب انا مش هشغلك..افتكر بس تتصل بقريبتك اللي جت يوم الخطوبه .

جاسم ..قريبتي مين .

ندي بدهشه .. اللي كانت جايه من السفر .

أندهش من تذكرها لنانسي ولكن حاول تدارك الموقف ..اه ..طبعا عزمتها بس هى مش هتعرف تيجي علشان تعبانه شويه .

ندى..تمام انا هقفل بقا علشان مشغلكش .

اغلقت معه الهاتف وهى مندهشه من تصرفه وتوتره بهذا الشكل .

ليان ..في حاجه يا ندي .

ندي ..لا مفيش يلا نجيب بقيت الحاجه .

في مكان آخر بعيد نوعا ما كان يتجهز الي المأمورية ولكن قاطعه صوت الهاتف وكانت المتصله خطيبته..اخذ وقت كبير حتي ياخذ القرار بالرد عليها ولكن في الاخر اجاب .

مازن ..ازيك يا نوال .

نوال بحزن ..كويسه انت عامل ايه .

مازن ..مال صوتك حصل حاجه .

نوال بحزن ..محصلش وممكن ديه المشكله .

مازن ..انا مش فاهم مشكلة ايه .

نوال ..مازن انت في حد في حياتك.

حاول اخفاء توتره..حد تاني ايه يا نوال انا في الشغل ايه الكلام الفارغ دا .

نوال ..مازن انت عارف انه مش كلام فارغ الست بتحس يا مازن بتحس اذا كان الشخص اللي قدامها دا بيحبها ولا لا وانا عارفه انك مبتحبنيش اصلا بس قولت اكمل واحاول اخليك تحبني بس انت دايما سرحان واوقات بشوف في عيونك الندم..قلبك مشغول بواحده ومش قادر يشوف غيرها..انت حتي مبتحاولش تتصل بيا ولا حتي بتحاول تتعرف عليا مازن انت عامل بينا حدود كبيره فالو فيه حد تاني في حياتك قول يا مازن ملهاش لازمه وجع القلب دا .

مازن ..نوال انا معترف اني مقصر في حقك ومعترف اني فعلا مش بحبك ولا بكرهك بس بحاول بجد اني احبك يا نوال .

نوال ..انت مبتحاولش يا مازن لانك لو بتحاول هتدي لعلاقتنا مساحه اكبر من كدا..حتي هتحاول تمثل انك متقبلني وبتحبني لكن دا مبيحصلش .

مازن ..طيب ممكن تديني فرصه تانيه..احاول فيها ممكن المرادي تنفع.

نوال بدموع حاولت إخفائها ..مازن انا بعفيك من الخطوبه ديه ولو علي اهلي واهلك انا هعرف اقولهم الموضوع وافهمهم و متخافش هقول ان انا اللي معرفتش اتعامل مع اسلوبك وانت حاول ترجع للي بتحبها واتعلم يا مازن انك لما تحب حد اتمسك فيه بايدك وسنانك واوعي تبدله بشخص تاني لانك قبل ما تكون بتاذي نفسك وبتاذي اللي بتحبها فانت هتاذي شخص ملهوش اي ذنب في كل دا..اتمني ترجع من المأمورية بخير..سلام يا مازن .

اغلقت معه دون انتظار رده واجهشت في البكاء فاهي مازالت تحبه لكن الوجع يتزايد كلما تراه يفكر في غيرها.

اما هو فاكان شعوره مختلف لا يعلم ايحزن لأجلها ام يفرح بأنه يوجد فرصه لتصليح علاقته بسما.

كان يجلس مهموم لا يعلم ماذا يفعل في هذه الورطه وكيف سيخبرها الحقيقه ولكنه يعلم انه يجب ان يخفي عنها حتي انتهاء الزفاف علي الاقل قطع تفكيره دخول يامن المفاجاء .

يامن ..جاسم...عم ليان هرب من المستشفي .

جاسم بصدمه ..نعم ازاى .

يامن ..معرفش ازاى بس اللى اعرفه اكيد حد ساعده فى هروبه مش هيعرف يخرج من المستشفي كدا بسهوله الا لو وراه شخص تانى .

جاسم ..صح بردو..طيب هتعمل ايه هتقول لليان .

يامن ..لا طبعا انا لما صدقت ان ليان عرفت تعدى الازمه ديه من حياتها انا هحاول احميها على قد ما اقدر علشان هو اكيد خارج ينتقم منها .

جاسم ..انا شايف الاحسن انك تعرفها علشان تتقبل وجودك جمبها .

يامن ..جاسم ..ليان كدا او كدا مش هتتقبل وجودى فالاحسن بدل ما اتعبها تانى نفسيا احاول اكون جمبها من غير ما تاخد بالها .

جاسم ..تمام يا صاحبي .

يامن ..جاسم انت فيك ايه بقالك فتره حاسك مهموم ومضايق وفى حاجه شغله تفكيرك اغلب الوقت .

جاسم ..مفيش حاجه متشغلش بالك اكيد بس من تجهيزات الجواز .

يامن ..ما انا بردو عايز اعرف ايه سر ورا جوازك المفاجاء دا .

جاسم ..انا واقع في مشكله كبيره يا يامن ومش عارف اعمل ايه وتفكيري مشتت حاسس اني كل ما اجي اظبطها تبوظ مني .

يامن ..حصل ايه احكي .

بدأ جاسم في سرد كل التفاصيل من بدايه معرفته بحمل نانسي وكدبه علي ندي وتقديمه للزفاف لكي يضمن انها لان تتركه..كان يامن يسمع حديث صديقه وهو مندهش من طريقه تفكير جاسم .

جاسم ..بس كدا وطبعا ندي حاسه ومش بعيد تكون شكه ان في حاجه .

يامن ..انا اسف علي اللي هقولوا يا جاسم بس انت ماشي في طريق هياذيك اووي الاحسن انك كنت تعرفها وهي كان ليها حرية الاختيار يا تتقبل دا يا ترفض وتبعدوا عن بعض باحترام متبادل لكن فكرة انك تخدعها بس علشان تتضمن انها مش هتسيبك فادا غلط واعرف ان اخرة الكدب مش حلو وهي يمكن لو كنت انت شاركتها كل الاحداث ديه وفهمتها براحه وان علاقتك بنانسي كانت قبل ما تحبها وتعترفلها كانت هتتقبل الموضوع .

جاسم ..لا يا يامن ندي لو عرفت قبل الفرح هتسبني وانا متاكد من دا واصلا ممكن متصدقش اني اعرف نانسي من قبلها .

يامن ..انت حكمت عليها انها هتسيبك من غير ما تحاول تحكلها ندي بتحبك وساعتها كانت هتصدقك علشان بتحبك لكن فكرة انك تقولها بعد الفرح فأنت كدا هتبقا خدعتها وساعتها هي هتسيبك بردو .

جاسم ..لا مش هتسبني وانا مش هقولها غير بعد الفرح .

علم يامن بأن صديقه لن يغير رأيه فاغلق النقاش وتركه وذهب .

قطع وصلة كلامها مع ندي صوت الهاتف نظرت به ولكن اندهشت من هذا الرقم الغريب الذي مصر علي الاتصال بها فأجابت وكانت الصدمه عندما سمعت صوت ضحكات عاليه ومن ثم غلق الهاتف لم يمر الا بعض دقائق وأرسل اليها مسدج مضمونها

"كان لازم تفكري كويس قبل ما تلعبي معايا..هتندمي ندم عمرك علي اللي عملتيه "

حاولت مرارا الاتصال بهذا الرقم مره اخري ولكن دون جدوه..وكل ما يدور في عقلها من هذا الشخص وماذا فعلت له اتي في تفكيرها انه عمها ولكن هي تعلم بتدهور عقله وانه اصبح مجنون وانتقل الي المشفي..فامن هذا .

ندي ..في حاجه يا ليان واقفه كدا ليه .

ليان ..مش عارفه مين الشخص اللي عايز ينتقم مني دا وانا عملتله ايه اصلا .

ندي ..طيب وريني الرساله كدا .

نظرت ندي الي الرساله ولكن حاولت ان تتطمن ليان .

ندي ..ممكن يكون شخص بيستظرف .

ليان ..هو فين الاستظراف في كدا .

ندي ..طيب ما تشغليش دماغك دا المهم احنا جايين نفصل شويه ونجيب بقية الحاجه فافكي كدا .

ليان ..هحاول .

أكملت تسوق مع ندي ولكن هذه الرساله مازلت متعلقه في ذهنها .

كانت تجلس في غرفتها تبكي حتي سمعت طرقات علي باب غرفتها فاحاولت اخفاء دموعها قدر المستطاع ثم سمحت للطارق بدخول .

والدة مازن ..كدا يا نوال متساليش علي خالتك .

نوال ..معلش يا خالتو تعبانه شويه اليومين دول .

والدة مازن ..مالك يا حبيبتي فيكي ايه اوعى يكون مازن زعلك .

نوال ..لا مزعلنيش احنا اصلا سبنا بعض .

شهقت والدة مازن من الصدمه ...نعم ليه .

نوال ..انا ومازن مش متفهمين وشخصيتنا مش شبه بعض .

والدة مازن ..من امتي يا نوال انتي بتحبيه من زمان وكنتي مسبوطه انه جه اتقدملك ايه اللي اتغير .

وقعت من عينيها دمعه حاولت اخفاءها سريعا ..كل شئ قسمه ونصيب وانا وهو مش لبعض .

علمت والدة مازن ان اكيد ابنها هو السبب ورا هذا الحوار .

في اليوم التالي استيقظ جاسم علي صوت هاتفه وكانت المتصله ندي .

ندي .. جاسم انت لسه نايم .

جاسم ..اه انا جاي من الشغل الصبح يا ندي .

ندي ..طيب مش هتيجي معايا وانا بقيس الفستان .

جاسم ..الاحسن تخليه مفاجاه ليا في الفرح لاني هموت وانام جدا .

ندي بملل ..تمام .

جاسم ..متزعليش يا حبيبتي انا عارف اني بضغط عليكي الفتره ديه بس حاولي تستحمليني لحد ما نجوز وخلاص دا كلها كام يوم علي الفرح .

ندي ..ما هو دا اللي مصبرني بس نجوز وهطلعهم عليك يا جاسم .

جاسم ..علي قلبي زي العسل..يلا بقا روحي وسبيني انام .

ندي ..تمام...سلام يا حبيبي .

اغلقت معه ندي ولكن سمع صوت الهاتف يرن مره اخري فارد دون النظر علي من المتصل .

جاسم ..نسيتي تقولي ايه يا ندي المرادي .

نانسي ..للاسف يا جاسم باشا انا مش ندي.

جاسم ..الو يا نانسي في حاجه .

نانسي ..عندنا معاد مع الدكتور النهاردة ايه مش هتيجي المرادي كمان .

جاسم ..انا مش فاضي يا نانسي وجاي من الشغل تعبان ومحتاج انام .

نانسي ..بس دا مش ابني لوحدي يا جاسم انت ابوه ولازم تكون موجود معايا .

جاسم ..طيب المعاد امتي .

نانسي ..كمان ساعه .

جاسم .. تمام يا نانسي هفوق كدا واجيلك .

اتجه جاسم الي المرحاض وأخذ دش وارتدي ملابسه واتجه الي منزل نانسي وهو لا يعلم ما تخط له هذه الماكره .

عندما اغلقت نانسي معه الهاتف ابتسمت بمكر فاخطتها تسير علي ما يرام .

اما عند ندي فاكانت وصلت الي الاتيليه ومعها والدتها وليان اخذت ندي ترتدي الفساتين بسعاده وتتخيل ردة فعل جاسم عندما يراها به .

ندي وهي بتلف بالفستان بفرحه ..حلو اووي صح .

كانت ترتدي فستان ابيض طويل وبكم ضيق من عندنا الصدر وينزل علي واسع .

ليان ..تحفه يا نودي..مش مصدقه ان خلاص هتتجوزي بقا وهتشيلي مسؤوليه .

ندي ..مين قالك كدا يا ماما دا انا تافهه اصلا قال اشيل مسؤوليه قال .

نظرت ندي الي والدتها فاوجدتها تبكي اتجهت سريعا نحوها .

ندي ..ماما انتي بتعيطي ليه دلوقتي شكلي وحش طيب .

والدة ندي ..لا يا بنتي انتي زي القمر بس من الفرحه عيط .

ندي بمزاح ..يالهههوي علي الستات المصريه اللي بتعشق النكد انتي مبسوطه بتعيطي زعلانه بتعيطي مش معقول كدا .

والدة ندي ..بس يا بكاشه بكرا لما تخلفي وبنتك تكبر وتبقا عروسه هتبقي زي كدا.

ندي ..لا مستحيل .

قطع وصلة مزاحهم صوت هاتفها يعلن عن رساله اقتربت سريعا وامسكت الهاتف ولكن وقفت مندهشه مما تراه فاكانت صورة لخطيبها وحبيبها جاسم وهو يحضن امراءه غيره ..وتحت الصوره مسدج

" قولت انقذك من الوهم اللي انتي عايشه فيه واوريكي الشخص اللي هتجوزيه علي حقيقته ولو مش مصدقه تعالي علي العنوان دا وارسلت اليها الوكشين "

ليان ..ندي في ايه .

ركضت ندي بفستان الزفاف خارج الاتيليه دون ان تتفوه بشئ وركبت السياره وقادتها بسرعه جنونيه وهي تتذكر كل لحظه بينها وبين جاسم..خرجت ليان ووالدتها مسريعين يحاولون الحاق بها ولكن دون جدوه كانت ذهبت اوقفوا تاكسي وماشوا وراها .

توقفت ندي امام العماره ونزلت من السياره وهي تنظر بتردد ولكن وقعت عينها علي سيارة جاسم..اخذت نفس عميق ثم ركضت نحو العماره في نفس الوقت نزلت ليان ووالدة ندي وركضوا وراها وهما مندهشين من تصرفتها .

وصلت ندي امام منزل نانسي فاوجدت الباب مفتوح دلفت ندي الي الشقه وهي تسمع صوت ضحكات انوثيه ولكن وقفت متصمره من هول المشهد الذي رأته..كان يخرج جاسم من المرحاض وهو لا يرتدي شئ غير منشفه تغطي نص جسده التحطاني حول ونانسي تقترب منه وهي ترتدي قميص قصير شفاف ...وقفت دقيقه تتسوعب ما تراه..هل هذه المراءه حبيبته وهو كذب عليها..نظرت الي بطن نانسي التي بدا يظهر عليها الحمل..هل هي حامل منه..عقلها مازال لا يستوعب كم الصدمات التي تراها بعينيها

دلفت ليان والده ندي الي المنزل وقفوا مندهشين من المنظر.

نانسي وهي تتحسس علي بطنها ..مش هتبركلنا يا ندي انا حامل..صح نسيت اعرفك عليا انا عشيقة جاسم .

التفت جاسم نحو ندي بصدمه وهو يحاول ابعاد نانسي عنه.. ندي الموضوع مش زي ما انتي فاهمه .

نظرت له بحزن وتدفقت الدموع من عينيها ولم تعطيه فرصه للحديث فاهي ركضت الي خارج الشقه..دون ان تتفوه بشئ .

انتهي البارت ..اتمني اعرف رايكم .

روايه / اعمي ولكن

للكاتبه / اسراء محمود

🤩🤩🤩🤩🤩🤩🤩🤩🤩🤩🤩🤩🤩🤩🤩🤩🤩🤩🤩🤩🤩🤩🤩🤩🙂🙂🙂🙂🙂🙂🙂🙂🙂🙂🙂

الفصل العشرون

"لماذا...ماذا فعلت حتي استحق كل هذا الألم 💔"

التفت لها بصدمه ..ندي الموضوع مش زي ما انتي فاهمه .

نظرت له بحزن واغلقت عيونها عددت مرات ثم فتحتها لتنظر له مره اخري والدموع تتدفق من عينيها لم تعطيه فرصه للحديث وركضت خارج الشقه..دون ان تتفوه بشئ .

حاول ان يركض وراها ولكن اوقفته ليان بصدمه ..اوعي تتحرك ولا تيجي جمبها تاني يا جاسم...ندي وثقت فيك وانت مكونتش قد الثقه ديه ولحد هنا وكفايه اووي .

نظرت له والدة ندي قبل ان تتحرك ..وجعت قلب بنتي وقهرتها علشان اللي جمبك ديه..روح منك لله .

خرجت والدة ندي وليان يركضون وراه ندي وجدوها تجلس في السياره وتبكي بشكل هستيري.

اخذتها ليان من ذراعها واركبتها في الخلف بجانب والدتها وركبت مره اخري وقادت السياره .

نظر جاسم نحو نانسي وصفعها علي وجهها مما جعلها تترنح وتسقط علي السرير .

جاسم ... يا بنت ال*** لعبتي عليا انا علشان تخليني ابعد عنها ..فكراني هجوز واحده زيك بتبيع جسمها لليدفع اكتر..فاكره انك ممكن تلوي دراعي...اقترب منها وامسكها من وجهها بشده .. اوعي تفتكري خطتك نجحت لاني هرجع لندي وهتشوفي..وانتي تحمدي ربنا انك حامل في ابني والا كنت قتلتك .

نظرت له باستحقار ..انت اللي طماع واناني يا جاسم..وندي مش هترجعلك وهتشوف دا..انت ضعيف جدا وبتحاول تثبت العكس ودا مجرد بس انك ترضي غرورك..لو شايفني اني مستاهلكش ومستحقرني اووي كدا فانت لازم تستحقر نفسك وتعرف بردو ان ندي متستاهلكش ندي تستاهل شخص يقدرها ويحترمها ويعرف قيمتها..انا حبيت اعرفها حقيقتك حتي لو كان غرضي حاجه تانيه..

اخذ يصفعها عدت صفعات متتاليه حتي فقدت الوعي تركها جاسم ونظر لنفسه في المرأه باستحقار واخذ يتردد في ذهنه كلمات نانسي مع نظرة استحقار ندي له..انت ضعيف يا جاسم..انت اناني وطماع..اخذ يدشدش المرأه ...ندي هترجعلي ومش هتسبني لا .

تحرك مسرعا يرتدي ثيابه لكي يلحق بندي ويصلح الامر .

اوقفت السياره وامسكت يد ندي لكي توصلها الي غرفتها..

ليان ..ندي اهدي يا حبيبتي علشان تقدري تواجهي جاسم وتفهمي هو عمل كدا ليه .

ندي ..معلش يا ليان ممكن تسيبيني لوحدي.

احتضنتها ليان..صدقيني هو ميستاهلش دموعك ديه انتي غاليه اووي يا ندي وجاسم معرفش قيمتك فامتزعليش علي شخص هان انه يعمل فيكي كدا هسيبك لوحدك وانتي لو احتاجتي حاجه اتصلي عليا .

ندي ..حاضر .

خرجت ليان واقتربت ندي من المرأه تنظر الي فستان العرس بحسره اخذت المقص وبدأت في قص الفستان بشكل هستيري ..ليه عمل فيا كدا ليه..قطعت ندي الفستان إللي اجزاء ثم نظرت له مره اخري وبدأت فى البكاء..سمعت صوت جاسم يصرخ باسمها ووالدتها تحاول ان تطرده اخرجت ندى كل شئ يتعلق بجاسم ومسحت دموعها ثم فتحت باب الغرفه واندفعت نحوه اخذت تصرخ في وجه ..قولي ليك كام وش؟؟ليك كام قلب ؟؟ مين انت؟؟ مستحيل تكون جاسم اللي حبيته؟؟مستحيل ؟..انت خدت مني ثقتي بنفسي خدت منى كل حاجه انا بملكها ..خدت مني قلبي ..اخذت تضربه علي صدره عددت ضربات..عملت ليك ايه علشان تعمل فيا كل دا ؟؟..عملت انا ليك ايه غير اني حبيتك؟..متبصليش وتسكت..جاوبني عملت ليك ايه؟..

سقطت الدموع من عينه ..ندي انتي فاكره اني الوقف قدامك دلوقتي سهل عليا ...ولا فاكره انى اشوفك بالحاله ديه حاجه سهله.

ضحكت بسخريه..وكان سهل لما خونتني؟؟

جاسم ..انا بتعاقب دلوقتي يا ندي علشان اكفر عن ذنوبي ؟

ندي ..عقاب..طيب انت بتتعاقب انا بتعاقب علي ايه..علي حبي ليك..مكونتش اعرف ان الحب بياذي الانسان بشكل دا .

نظر لها بحزن وقهر هو لم يود ان تعلم بهذا الشكل..كان ينتظر فقط الوقت المناسب لكي يخبرها..كان يريد بعض الوقت فقط لا غير.. انا مكونتش عايز اذيكي يا ندي .

ضحكت بصوت مرتفع ..نعم..مكونتش عايز تاذيني ...اخذت تضحك بشده ولكن دموعها خانتها واخذت تتدفق ..انت اذتني اصلا..انا صدقتك ..صدقت  انك توبة..انا اديتك فرصه تدخل حياتي ووثقت فيك..سلمتلك قلبي وقولتلك حافظ عليه علشان انا مش حمل وجع تاني..انت مكونتش بنسبالي زي اي شخص..انت كنت حياتي يا جاسم..كنت نقطه ضعفي..عملت انت ليا ايه..قولي الاول..ازاي قدرت تلمس ست غيري؟..من امتي وانت بتكدب عليا؟..من امتي وانت تعرفها؟..

نظر لها بحزن ..انا اسف يا ندي.

ندي ..اسف..اسف علي ايه ..هو انت كسرت مثلا المج اللي بحبه..انت كسرت قلبي..كل حاجه بينا انتهت..انت من طريق وانا من طريق ..ومش عايزة اشوفك قدامي تاني...حاجتك كلها موجوده فى الصندوق دا..ودبلتك اهى..خلعت ندى الدبله ورمتها فى وجهه ودخلت الغرفه..ظل جاسم يطرق الباب بشده ويصرخ.. ندى افتحى وهشرحلك كل حاجه يا ندى ارجوكى افتحى .

سقطت ندى بجانب الباب ووضعت يدايها على اذنها واخذت تبكي بشده .

جاسم ..ارجوكى اديني فرصه تانيه..اديني فرصه بس احكيلك انا عملت كدا ليه .

اقتربت منه والده ندى ..امشي دلوقتى يا جاسم لانك كدا بتعبها اكتر ندى مش هتسمع منك حاجه لانها مكتافيه باللى شافته بعنيها وكفايه اللى انت عملته فيها لحد كدا وابعد عنها زى ما هى طلبت منك .

جاسم..انا عايز اكلمها بس هى لو سمعتنى هتغير رأيها.

والدة ندي..ندى بنتى وانا عارفها كويس مفيش حاجه ممكن تغير رأيها انت خدعتها وكدبت عليها حتى لو انت بتقول مخونتهاش فاهى بنسبالها الكدب والخداع زى الخيانه بظبط وندى مش هتعرف تسامحك دلوقتى على الاقل سيبها تهدى وكفايه لحد كدا .

تحرك جاسم ببطء وخرج من المنزل .

كان يجلس يفكر في خطه ثانيه لكي يقبض علي هؤلاء الارهابين الذين هربوا المهمه اللي فاتت.

سمع صوت الهاتف وكانت المتصله والدته .

مازن ..الو يا ماما .

والدة مازن ..مبتتصلش عليا وقولت ماشي لكن متتصلش علي خطيبتك تسأل عليها دا ليه ان شاء الله.

مازن ..ماما هي نوال مقالتلكيش اننا سبنا بعض .

والدة مازن ..لا قالتلي بس مش مصدقه الهبل اللي قالته يا مازن وعارفه انك انت السبب.

مازن ..وانا السبب ليه .

والدة مازن ..انك مش عارف تنساها يا مازن .

مازن ..وهي مين اللي مش عارف انساها .

والدة مازن ..سما البنت الارمله اللي عندها عيل وانت حبتها وهي رفضتك .

مازن ..وانتي عرفتي منين سما يا ماما وعرفتي عنها كل دا ازاي وعرفتي منين انها هي اللي رفضتني .

تذكرت والده مازن عندما قال ابنها انه يحب بنت وسوف يعرفها عليها وسمعته يوما ما وهو يتكلم في الهاتف ويقول انه سوف يذهب الي جمعية المكفوفين  لكي يرأي واحده اسمها سما..ذهبت هذا اليوم وراه ورأته وهو يحتضن والد كفيف ووالدته تقف وراه اخذت تنظر الي ابنها وهذه الفتاه وهي تري مدي قربهم من بعض ومدي حب هذا الطفل لابنها..اتت اليوم التالي وقررت ان تقابل سما لكي تبعدها عن ابنها.

سما ..اهلا بحضرتك بس حضرتك مين .

والدة مازن ..انا مامت مازن..اكيد عارفاه .

سما بتوتر ..اه اهلا بحضرتك يا طنط بس بردو مش فاهمه ايه العلاقه.

والدة مازن ..انا اللي عايزه افهم ابه علاقتك بابني .

سما ..مفيش حاجه بينا .

والدة مازن..ومش هيكون فيه انا عمري ما اقبل ان ابني يجوز واحده ارمله وعندها طفل كمان..انا ابني لسه صغير ويستحق انه يحب ويجوز بنت بنوت..انتي بقا يا تعيشي لابنك يا تشوفي واحد كان مجوز قبل كدا واجوزيه انما ابني لا .

مسحت سما دمعه كانت هربت من عيونها ..حضرتك شكلك فاهمه الموضوع غلط انا ولا بحب ابنك ولا ليا علاقه بيه اما بقا لو ابنك بيحبني فاديه مشكلته مش مشكلتي انا خالص..وعموما تشرفت بمعرفتك والمعلومه وصلت .

تحركت سما خارج الجمعيه وهي تبكي بقهر وخجل .

قطع تفكير والدة مازن صوت مازن مره اخري .

مازن ..ماما انتي معايا علي تيليفون.

والدة مازن ..اه يا مازن معاك .

مازن بحده ..تعرفي سما منين يا ماما .

بدأت في سرد هذه الأحداث واحده تلو الاخره ومازن مندهش من تصرف والدته .

مازن بقهر..يعني انتي اللي فرقتي بينا..انتي اللي خلتيها تتعامل معايا كدا..انتي اللي بعدتيها عني علشان اجوز بنت اختك..حرام عليكي يا ماما ..كنتي بتشوفيني بموت قدامك ومقهور وعادي ..مكونتيش طيب بتشفقي علي حالتي .

والدة مازن ..انا كنت عايزة مصلحتك  بس.

مازن بغضب ..مصلحتي كانت معاها..مصلحتي مع سما يا ماما مش مع غيرها .

والدة مازن ..وانا عمري ما هقبل انك تجوز واحده ارمله .

مازن ..ومالها الارمله يا ماما اكتب عليها انها متعش حياه تاني علشان جوزها توفي..مبقتش ست زي بقيت الستات..انا محبتش غير الارمله اللي مش عجباكي ديه وقلبي معاها ومش هجوز ولا هحب غيرها عايزاني مجوزش تمام معنديش مشكله لكن انا مش هظلم بنت تانيه معايا .

والدة مازن ..تمام يا مازن اعمل اللي انت عاوزه لكن لو اجوزت سما اعتبر ان امك ماتت .

اغلقت معه دون ان تنتظر منه رد..غضب مازن من كلام والدته فاختياره بين والدته وسما صعب.

كانت تقود السياره بتركيز ولكن جذب انتباها وجود سياره يامن وراها اوقفت سيارتها امامه واشارة له بنزول .

ليان ..ممكن افهم انت ماشي ورايا ليه.

يامن..مين قالك اني ماشي وراكي .

ليان ..يعني مثلا كنت بتعمل ايه .

يامن ..هو الشارع دا مثلا مكتوب باسمك انا ماشي علي ارض الحكومه .

ليان بعصبيه ..انت قاصد تستفزني .

يامن ..لا لسمح الله انتي مستفزه خلقه انا معملتش حاجه.

ليان ..انا مستفزه يا يامن .

يامن ببتسامه بارده ..مستفزه اووي اووي.

خبطته ليان في كتفه بطفوله وتحركت وركبت سيارتها مره اخري ولكن عندما تذكرت محدثتهم سوا ضحكت على ركشناته .

كانت تجلس حزينه عندما تذكرته تريد ان تسمع صوته ولو لمره سمعت صوت الهاتف يرن ولكن الرقم غير معروف ردت سما .

سما ..الو .

لم يجيب احد سمعت سما صوت انفاسه .

سما بحزن ..مازن..بتتصل ليه.

لم يجيب .

سما ..انا نسيتك راجع ليه تاني تفكرني بيك .

لم يجيب مازن ولكن هذه المره اغلق الهاتف وفرت من عينيه الدموع ..سامحيني يا سما سامحيني علي كل اللي عملته فيكي..لحد ما اصلح كل حاجه وابقي قادر اوجههك واطلب منك السماح .

اما سما فاسقطتت علي الارض تبكي .

مرت الايام واتي وقت السفر..كانت ليان تخرج من السياره ووراها يامن يراقبها دخلت ليان المطار ومعاها سما وابنها ادهم وندي ومعاها ساره وطفل آخر..توقفت ليان عندما سمعت صوت يامن وهو ينادي عليها.

يامن ..ليان استني .

ليان..نعم يا يامن ..عايز ايه تاني.

يامن ..ارجوكي متسافريش..سامحيني يا ليان وادي لحبنا فرصه تانيه..مهما سافرتي وحاولتي تعيشي حياتك مش هتعرفي تنسي حد انتي حبتيه اووي..الحب مبيتنسيش ابدا مهما حاولنا او عافرنا..والدنيا مش مستاهله اننا نضيعها في الخناقات والمشاكل واننا نبعد عن بعض..طالما احنا الاتنين بنحب بعض فاليه لا .

ليان ..بس انت كدبت عليا .

يامن ..انا كدبت اه بس كذا مره كنت هقولك الحقيقيه كذا مره اتمنيت اني اكون اعمي بس علشان تفضلي حباني..ليان اديني فرصه تانيه لو كدبت تاني ساعتها سيبيني .

نظرت ليان لندي وسما وجدتهم يبتسموا لها ويشجعونها انها توافق .

ليان ببتسامه  .. يعني خلاص اخر مره ومش هتتكرر تاني .

ابتسم يامن ..وعد اخر مره .

ليان ..خلاص موافقه .

يامن بعدم تصديق ..موافقه علي ايه .

ليان ..موافقه نرجع لبعض تاني.

احتضانها يامن بعدم تصديق واخذ يدور بها عددت مرات وجميع من في المطار اخذوا يصفقوا لهم بشده انزلها يامن ونظر لها بحب ..بحبك .

ليان ..وانا كمان .

اخرج يامن من بنطاله علبه بها خاتم الماس ..تتجوزيني .

ابتسمت ليان ..موافقه .

وضع يامن الخاتم باصبعها واحتضنوها أصدقائها بشده .

ندي ..ارجعي يلا مع يامن وانا وسما هنسافر .

ليان .. مينفعش اسيبكم لوحدكم .

سما ..يا ستي هتيجي تعملي ايه معانا يلا روحي انتي مع يامن واحنا هنسافر .

ابتسمت لهم ليان ..تمام هكلمكم كل يوم علشان اطمن عليكم .

ندي ..تمام يا ستي .

وقفت ليان ويامن يودعون ندي وسما حتي اطمائنوا انهم ركبوا الطائره فاتحركت ليان ويامن نحو الخارج ولكن رأت ليان رجل من بعيد ممسك بسلاح يصوبه نحو يامن اخذت تتذكر هذا الكابوس المخوف عندما رأت يامن يموت امامها في الحلم..حضنت ليان يامن بشده ثم سمع يامن صوت الرصاصه التي اخترقت جسدها بقوه وصريخ جميع من حوله وارتخاع يد ليان الممسكه بقميصه شدد يامن من احتضانها دون تصديق كل هذا مر في ثواني   .

تابعووووووني 

بداية الروايه من هنا