رواية عندما يعشق الفدائي الحلقه العاشره بقلم الكاتبه لبني طارق حصريه وجديده في مدونة النجم المتوهج للروايات والمعلومات
رواية عندما يعشق الفدائي الحلقه العاشره بقلم الكاتبه لبني طارق حصريه وجديده في مدونة النجم المتوهج للروايات والمعلومات
 |
رواية عندما يعشق الفدائي الحلقه العاشره بقلم الكاتبه لبني طارق حصريه وجديده في مدونة النجم المتوهج للروايات والمعلومات
أكرم : اتفضل يا معتز نورتنى والله
معتز : شكرا يا أكرم
أكرم : نورا تعالى سلمى على معتز صاحبى
نورا : أهلا وسهلا منورنا يا معتز
معتز : ربنا يخليكى انا أسف انى جاى كدا من غير سابق انذار
أكرم : عيب عليك دا بيتك ومفتوحلك فى أى وقت
نورا : طبعا فى أى وقت تنورنا
معتز : الف شكرا
أكرم : مش سامع حس للعفاريت يعنى
نورا : الحمد لله حماده ومحمود نايمين والهدوء مفيش بعد كدا
معتز : ربنا يخليهلكم
نورا وأكرم : أمين يارب
اكرم : هنا فين
نورا : جوا بتصلى
اكرم : طيب شوفيها لو خلصت ناديها تيجى تسلم على معتز وعشان تنجزو وتغدونا
نورا : حاضر وراحت لهنا تعالى كلمى اكرم
هنا : مش هو معاه صاحبه
نورا : ايوا عايزك تسلمى عليه ونحط الغدا
هنا : من أمتى دا عمره جاب حد من صحابه هنا وكمان أخرج أسلم
نورا : علمى علمك أظن الحوار فيه إنا ....ياله بقى خلصى
هنا : السلام عليكم
معتز وأكرم : وعليكم السلام
أكرم تعالى يا هنا أعرفك على معتز صاحبى الا حكتلك عليه كتير
هنا : بخجل أهلا
معتز : بأعجاب للبنت الرقيقه الهاديه فى كل حاجه حتى ملامحه هاديه أهلا بيكى يا أنسه هنا
هنا : بعد اذنكم احط الغدا مع نورا ومشيت
اكرم : قرب من معتز : هاااه ايه رايك مش عشان أختى بس مؤدبه وتعرف ربنا وبتتكسف من خيالها وعلى طول فى حالها
معتز : ربنا يبارك لكم فيها واضح عليها بس ما اعتقدش انها ترضى بيا انا كبير قوى عليها يابنى فرق 13 سنه على ما أعتقد
اكرم : هى تقرر لو انت فى قبول وموافق
معتز : فى قبول وموافق بس بشرط من غير ضغط عليها
أكرم : كدا انا ازعل دى أختى الا مليش غيرها بعد ابويا وامى الله يرحمهم وعمرى ابدا ما أغصبها على حاجه وخصوصا لو جواز
معتز : خلاص ربنا يقدم الا فيه الخير وها أستنى ردك وقامو يتغدو مع بعض واكرم تعمد كدا عشان يخلى اخته تاخد بالها منه
اكرم : ناولى معتز السلطه الا قدامك يا هنا
هنا : حاضر وعنيهم تقابلت للحظات سريعه خلت معتز يعجب بيها أكتر
وخلصو أكل بعد طلبات أكرم الكتير من هنا والا أكد شكوك نورا وهنا .....
*************
حمزه : شكلكو لوحدكو هنا
مصطفى : ايوا يعنى مراته ها تكون هنا واحنا بنعمل ايه يعنى بنرخم
حمزه : يمكن منا عارف الرخامه فى طبعك
مصطفى : تصدق مافى ارخم منك
حسن : أشتغلو ياله
مصطفى : عامل ايه مع المزه
حمزه : عامل كتير يابنى ايه دا رقيقه زياده عن اللزوم انا خايف فى يوم أعلى صوتى يجرالها حاجه
حسن : 😂😂😂😂 يا راجل
مصطفى : اه وربنا يابنى انت مشوفتش الا انا شوفته
حسن : دا انا فاتنى كتير
حمزه : تلمو نفسكو إلا ندوش حبيبة قلبى
حسن : على طول كدا
حمزه : احنا فى عصر السرعه يابنى لسا ها نضيع وقت
مصطفى : ناس سريعه مش زينا
حمزه : الله أكبر ما صدقت احس إنى أحب واتحب بجد
وبدئو يتكلمو بجديه فى كل حاجه تخصهم
مصطفى : ما تسمعنا حاجه يا حسن
حسن : مليش مزاج
حمزه : كنت غنى لها وهى تدوب دوب
حسن : 😂😂😂😂 لا منا سايب دا أخر كارت قوم يا مصطفى أعمل لنا حاجه نشربها
مصطفى : ما تقوم أنت والا هوووو انا واقف على رجلى من الصبح
حسن : كله يهون من نظرة عين
حمزه : ولمسة ايد
مصطفى : ها تطفحو ايه
حمزه ... وحسن .... نسكافيه
مصطفى : كلاب وسابهم ودخل المطبخ
حمزه : روق يا عم بكرا تروق وتحلى
حسن : على رأيك
حمزه : ها تعمل ايه بكرا
حسن : ها أسافر البلد ها أحاول أصالح ابويا وامى لو فضلو كدا ها أرجع الجيش الاجازه ملهاش لازمه
حمزه : عمتا بلغنى عشان لو رجعت ها ارجع معاك وان شاء الله الامور تهدى
مصطفى : ارجع معاكو ..... راجعين فين انت وهو
حمزه : 😂😂😂😂 امال ايه ارجع معاكو ..... ممكن نرجع الجيش قبل ما الاجازه تخلص
مصطفى : اشمعنا يعنى اه أكيد اقتراح حسن
حسن : بالظبط كدا ها اقعد لمين لما اسافر الاول وبعدان اقرر
حمزه : هات يا سيدى خلينا نعمل دماغ
حسن : جاى فى وقته
مصطفى : عدو الجمايل بقولكو ايه انا بجمع معلومات عن زفت الطين هشام بدوى .... وعرفت انه له يد فى السفر الغير شرعى كمان غير تجارة السلاح والمخدرات وطبعا مسيطر على المنطقه الا على حدود ليبيا وفى رجاله كتير بتخدمو
حسن : ايوا فعلا خد المفاجأه الباشا التسليم الجاى له سلاح تقيل عشان يدخلو ليبيا فى الظروف المنيله دى
حمزه : ابن ال...... نهايته قربت قوى بس على فكره احنا كدا ممكن نتعامل جوا ليبيا نفسها
حسن : ما أظنش ها يبقى على الحدود المشتركه والواد .... بياكد ليا انه خلاص معاد التسليم قرب ومش ها يعرف غير قبلها ب24ساعه
مصطفى : على فكره انا حاسس ان شريف دا مش مجرد واد عادى بيساعدنا احساسى بيقولى مخابرات وحاجه كبيره كمان
حسن : نفس احساسى عامل زى الذيبق بيختفى وبيظهر فجأه وماتجبش قراره ابن اللذينه
حمزه : المخابرات بالذات بير كبير ما تجبش أخره واساسا كل شغلنا لازم المخابرات تبقى مشاركه فيه القيادات الكبيره بس هى الا بتبقى عل علم بدا
حسن : فعلا ياله ربنا يسترها ويسهلها انا أصلا مش مطمن للطالعه الا جايه القياده أخر مره قالتلى الموضوع كبير قوى شبيه بالحرب بالظبط وفيه اطراف خارجيه كبيره كمان
مصطفى : على البركه اهم حاجه نكون مستعدين
حمزه : انا عن نفسى مستعد
حسن : انا بقى أكتر واحد مستعد وماعنديش مانع لأى حاجه تحصلى أهم حاجه نكون قداها فعلا
مصطفى : خير ان شاء الله ياله الوقت سارقنا وانا عايز اريح
حسن : باتو معايا
حمزه : قوم هاتلى بنطلوم انام فيه
مصطفى : يخربيتك طب سيبه يتحايل شويه 😂😂😂
حمزه : وليه نوجع قلبنا أقفل الباب يابنى دا ها تبقى سهره تجنن وربنا
مصطفى : لا كدا فيها قهوه وقامو غيرو وقعدو براحتهم وقعدو للصبح فى هزار وضحك ويفتكرو فى ذكراياتهم القديمه الا جمعتهم ببعض ........
********************
معتز : اول ما دخل من الباب سالى يا سالى يا أهل الدار
سالى : يا هلا وغلا على الناس العزاز والله
معتز : هلا على جلبك خيتى وين رجال الدار
سالى : والله مافى غير خيتك
معتز : أمنوره يا جميلة الدار ورايح على الاوضه
سالى : خد هنا ايه الكروتا دى ايه الا باسطك كدا فرحنى معاك
معتز : مش لما انا أفرح الاول ويجيلى الرد الاكيد
سالى : بغمزه حلوه
معتز : الجمال جمال الروح والادب والأخلاق يابنتى
سالى : طيب يا عم الشيخ أسيبك انا بقى
معتز : 😂😂😂 خدى هنا مش ها أكسفك وأحكيلك
سالى : أحبك انا كدا يا موعا
معتز : عارف عارف تموتى فى الأخبار انتى وقص عليها كل ما حدث
سالى : اه وانت بقى مستنى البنيه ترد
معتز : الصراحه اه عجبتنى وارتحتالها جدا
سالى : حضنت معتز ربنا يسعدك ياخويا وهى توافق انا اول مره أشوفك مبسوط كدا
معتز : يارب كان نفسى أمى تبقى معانا
سالى : هى معانا وحوالينا فى كل وقت عمرى ما حسيت انها مش موجوده
معتز : بابا قايم بالدورين على أكمل وجه والله صعبان عليا كان بيحبها قوى ياله اسيبك انا بقى
****************
يزيد : يا أحمد روح لعيالك بقى انت تعبت انهارده معايا
أحمد : خدنى جمبك واسكت انا كلمت سالى وقولتلها انى ها ابات معاك ومش ها أمشى غير لما أطمن على داليا
يزيد : ربنا يخليك يا أحمد طول عمرى بقول عليك جدع
أحمد : ربنا يديم المحبه بينا على طول
يزيد : يارب
******************
مر الليل سريعا وبدء يوم جديد بشمس مشرقه
*******
مريم : فوقى بقى يابنتى
كارما: انتى صاحيه من أمتى
مريم : بقالى نص ساعه وخدت شاور ولبست وجهزت الفطار كمان
كارما : ايه النشاط والحيويه دى كلها دا حسن غيرك خالص طب كملى الاسبوع
مريم : الصراحه اه بيصحو بدرى قوى ولازم يعمل تمارينه ويفطر وحاجه كدا كلها نشاط فعلا قومى بقى
كارما : مسكت تليفونها عشان تكلم بابها
مريم : ها تكلمى مين لو عمو يزيد انا كلمته وقالى ان طنط داليا الحمد لله نقلوها اوضه عاديه وبقت زى الفل
كارما : بجد يا مريم طب ياله عايزا اروح أشوفها
مريم : اهدى بس انا محتاجه عربيتى انا لازم اروح موقع الشغل والمكتب بدالك وكمام البيوتى سنتر يعنى ها الف لان البشمهندس أحمد بايت مع والدك
كارما : ايه رايك أكلم مصطفى اكيد هو الا خد العربيه ونعدى ناخدها منه
مريم : ياريت
كارما : بتتصل على مصطفى
*************
مصطفى : خارج من الحمام وحسن وحمزه بيجهزو فطار
حسن : تليفونك يا بنى بيرن
مصطفى : مسك تليفونه واول ما شاف أسمها بيفرك فى عينه وفتح بسرعه صباح الجمال
كارما : بخجل صباح النور انا اسفه انى بتصل بدرى كدا
مصطفى : لا ابد انتى فى اى وقت اتصلى وكمان انا بصحى بدرى عادى يعنى
كارما : هى عربيه مريم فين
مصطفى : راكنها تحت شقتهم والمفتاح معايا
كارما : طيب ممكن تيجى تجبهلنا
مصطفى : انا عند حسن عدى عليا وانا ها انزل لكم تمام
كارما : تمام ربعايه كدا وابقى عندك
مصطفى : ها تنورى حياتى كلها مستنيكى
كارما : خلاص يا عم سلام وقفلت قبل ما يرد
مصطفى : 😂😂😂😂وربنا مجنونه انا لو بشتمها مش ها تعمل كدا .....
حسن : هما ها ياخدو العربيه من هنا
مصطفى : اه اوعى كدا خلينى البس عشان انزل لهم
حسن : لا بقولك ايه فوق معايا كدا حاول تطلعهم يمكن أقدر أثر على مريم تيجى معايا
مصطفى : وهو بيفرك فى راسه من ورا اه ازاى بقى
حسن : اتحجج بأى حاجه انت ها تغلب
حمزه : طيب ما تخططو وتجيبو ندى معاهم بالمره
مصطفى : يأخى اتنيل صحيح ها يطلعو فى شقه فيها 3 عذاب ازاى ...
حسن : دى مراتى يا أهبل ودى شقتها و ها نعمل لهم ايه يعنى
حمزه : 😂😂😂😂 الصراحه يا حسن مش باين عليك جواز
حسن : أفضلو ارغو لحد ما نلاقيهم تحت ما تتحرك ياد أنت وهو .....
*************
مريم : مش كنتى سبتينا نفطر وبعدين ...انا خايفه اقابل حسن
كارما : مش مهم نفطر فى اى مكان ..... ويعنى هو بيعض يا ماما اهدى كدا وفيها ايه ماهو جوزك يا مريم
مريم : اركنى ياختى ورنى عليه خلينا نمشى
كارما : حاضر وبترن على مصطفى
مصطفى : معلش يا كارما ممكن تطلعو خمسه بس أصل مفاتيحى كلها قالب عليها الدنيا ومش عارف انا حطتها فين
كارما : خلاص ها نستناك هنا
مصطفى : كارما اطلعى ما تفضلوش فى الشارع دا بيت مريم بردو عيب وقفل
مريم ؛ يواه يا كارما بقولك مش عايزا أشوفه
كارما : انتى سمعتى المكالمه كلها بنفسك انزلى بقى خليكى حلوه
مريم : بتأفف ياله ياختى وطلعو على فوق وبيرنو الجرس
حسن : فتح الباب أهلا ازيك يا كارما ودخلها ومد ايده لمريم وحشتينى
مريم : سلمت ودخلت على طول
مصطفى : راح لكارما دا أحلى يوم فى عمرى انهارده
كارما : بطل بقى واحترم نفسك
مصطفى : وربنا انا بدئت أشك فى نفسى يا إما انتى بتسمعى الكلام غلط
كارما : 😂😂 لا بس ما بحبش كدا ومين دا كمان
مصطفى : أعرفك يا ستى دا حمزه صاحبنا
مريم قعدت : جمب كارما واتعرفو على حمزه
حمزه : منوارين والله احنا أسفين يا مريم اننا أستغلينا عدم وجودك وبيتنا هنا
مريم : ولا يهمك
حسن : مريم تعالى عايزك
مريم : اتكسفت تقول لاء قدام اصحابه وقامت معاه
حسن : دخل بيها اوضه النوم وقفل الباب
مريم : سيب الباب مفتوح واشمعنا الاوضه دى يعنى
حسن : مش ها أفتح الباب وأسمعينى بقى انتى مراتى مش واحده غريبه
مريم : عايز ايه
حسن : تعالى معايا ووالله ما ها نبات هناك مش عايز أزعلهم يا مريم
مريم : لا يا حسن مش ها اروح معاك بردو
حسن : قعدها على السرير ومسك ايديها ما تبقيش قاسيه قوى كدا عليا انا ها اسافر بعد ما أجى من البلد على طول ملوش لزوم أقعد هنا وانتى مش معايا كان نفسى تبقى فى حضنى
مريم : مفتاح عربيتى فين انا لازم أمشى
حسن : بتهربى ليه انتى بتحبينى زى ما بحبك ..... لاخر مره ها أقولك يمكن يكون دى أخر أجازه ليا وما أرجعش ساعتها ها ترتاحى يا مريم
مريم : حست بوجع فى قلبها من كلمته انت بتقول ايه وليه بتضغط عليا بكلامك دا
حسن : والله ما بضغط عليكى انا ما ينفعش اقولك تفاصيل عن شغلى بس كل الا ها أقولهولك مش عايز أمشى وانتى وابويا وامى زعلانين منى دا رجاء مش طلب
مريم : قاعده ساكته مش بترد وحست انها بتتخنق وها تعيط هو فعلا ممكن يجراله حاجه زى ما بيلمح والا بيكذب عليها
حسن : مش بقول كدا عشان ادايقك انا عايزك معايا انا مخنوق يا مريم وحاسس ان الدنيا بقت ديقه قوى من غيركو
مريم : حضنته وبتعيط هى حاسه انه صادق معاها وبتضربو بأديها على ضهره انت رخم ليه بتعمل فيا كدا
حسن : حضنها قوى أخيرا يا مريم ياااه اول مره أحس بالفرحه بجد وانتى الا بتقربى انتى أحلى حاجه حصلت فى حياتى وعدلها مش عايز أشوف دموعك فاهمه
مريم : بأبتسامه حاضر وخرجو عشان يعرفوهم انها ها تسافر معاه
كارما : ايه يا بنتى اتأخرنا
مريم : معلش يا كوكو ها اسافر مع حسن لماما وعمو
كارما : بضحك شربتى شاى بالياسمين يامرمر
مصطفى : 😂😂😂😂 شكلها كدا
حمزه : لا وربنا لازم نفطر بقى فطار ستات البيوت مش العك الا احنا عاملينو
كارما : انتو داخلين على طمع
مصطفى : ايون وياله فى الانجاز عشان اروح معاكى
والبنات دخلو يحضرو الفطار
مريم واقفه مكسوفه
كارما : عماله تبصلها وتضحك مش عايزا أشوفه
مريم : 😂😂😂 بطلى رخامه بقى بحبه وماقدرتش
كارما : باستها ربنا يسعدك يا حبيبتى
مريم : وانتى كمان يارب يا كوكو وريحى الواد شويه باين انه بيحبك قوى والا ماكنش أستحمل الدبش بتاعك
كارما : 😂😂 انا بقول كدا بردو كفايه عليه كدا .....
وطلعو الفطار وفطرو مع بعض وحمزه ومصطفى وكارما .... خلصو ونزلو وسابو مريم وحسن
**********************
أحمد : حمد الله على السلامه يا داليا خضتينا عليكى
داليا : الله يسلمك يا أحمد والف شكر على تعبك معانا
أحمد : مش مهم التعب المهم انتى تبقى بخير والعفريت الصغنون الا رعبنا كلنا وسلم على يزيد ومشى عشان يروح يغير ويروح المكتب وكمان لانه ها يقابل كامل فا لازم يبقى موجود .....
يزيد : قعد جمب داليا وحاضنها بأيده وبيبوس راسها الف سلامه يا حبيبى عامله ايه دلوقتى
داليا : الحمد لله احسن كتير ايه الا حصل انا كنت بغيب عن الوعى وبرجع تانى بس مش مركزه
يزيد : قص لها كل ما حدث وكمان قال لها ان مصطفى اتبرع بالدم لها
داليا : مصطفى انا حبيته قوى شكله زى والده
يزيد : ايوا باين عليه بس ايه هو وبنتك ناقر ونقير
داليا : 😂😂 انت ها تقولى دى كارما مطلع عينه وكمان كنت عايزا أقولك انه معجب بالبنت وهو قالى بنفسه بس خايف ياخد خطوه كارما تصده
يزيد : انا شاكك والله باين عليهم الاتنين بس دا ها يخلص مع كارما ولسانها
داليا : الحب بيغير كتير ياحبيبى والجواز بيغير أكتر
يزيد : عندك حق انتى كنتى شرانيه بردو بس مش زى بنتك فاكره
داليا : 😂😂😂😂 ايوا فاكرا اول مره شوفتك فيها حدفتك بكوبايه ازاز وبعدها دوبت فى هواك
يزيد : لحد دلوقتى 5 غرز لسا معلمين فى راسى وقولت والله منا سايبك واتجوزتك وانتى بنت 18
داليا : اه دا انا أقول لهم والله لتجوزه يقوليلى يا بنتى كملى تعليمك انتى لسا صغيره أقول لا ها أتجوز وبعدان أكمل والا ها أنتحر واعيط واسبوع طلعت عنيهم وفى الاخر وافقو
يزيد : تعبنا شويه فى الاول بس الحمد لله بعد كدا ارتحنا جدا وانتى خلصتى كليه تربيه رياضيه وطلعتى شاطوره فى كل حاجه ربنا يخليكى ليا انتى وكارما وحبيبى الا لسا ها يشرف انتو عيلتى كلها
داليا : ويخليك يا حبيبى
********************
مصطفى : انتى صعبه ليه كدا يا كارما ساعه عشان أقنعك اركب معاكى وانا الا أسوق العربيه ...
كارما : يعنى راكب معايا وعندك عربيتك وكمان ها تسوق ليه ان شاء الله
مصطفى : يابنتى حمزه ها ياخد عربيتى لانه عربيته بايظه ورايح يقابل الجو وانا أسوق لانى مش عايز أتعبك يا جميل
كارما : هو انت كل ما تشوف وشى تعاكس
مصطفى : خلاص يا كارما ما تزهقنيش بقى اروح أعاكس فى ابويا طيب .... ارحمينى يا ماما بحبك يا مجنونه وبصوت عالى قوى لفت نظر الناس ليهم بحبك والله بحبك
واحده : راكبه عربيتها وقريبه منهم قوى بصت لكارما وبتضحك والله بيحبك صدقيه
كارما : انتى شايفه كدا
البنت : الاشاره الا واقفين فيها كلها شايفه كدا
مصطفى : شفتى الناس كلها عارفه وانتى لاء ...
كارما : بابتسامه طيرت عقله وانا كمان يعنى
مصطفى : ايه انطقى مش ها تموتى لو قولتيها
كارما : وهى بتفرق فى ايديها بحبك
مصطفى : اه قلبى يا ناس الحجر نطق
كارما : بزعل كدا خلاص سحبتها
مصطفى : وربنا أبدا انا أسف لحبيبى وروحى وعقلى يا خرابى على الكسوف ايوا كدا أخيرا مش بقول أجمل يوم فى عمرى انهارده .....
كارما : خلاص بقى انتى بتكسفنى
مصطفى : خلاص انا ها افاتح بابا واجى أخطبك قبل ما اسافر
كارما : انتى ها تسافر امتى وفين
مصطفى ؛ بالظبط كدا 6 ايام فين بقى على حدود ليبيا ها نرجع أمتى الله أعلم شهر اتنين سنه
كارما : نعم ليه دا كله
مصطفى : انتى فاكرا ايه دى ظروف شغلى عشان يبقى عندك علم بيها ممكن ارجع على طول وممكن شهور ما تشوفينيش فيها
كارما : بس كدا كتير قوى حرام
مصطفى : كل دا حب ومخبياه اه وبيمد ايده عشان يمسك ايديها
كارما : زقت ايده اوعى ايدك لأكسرهالك
مصطفى : يخربيتك بتتحولى خلاص رومانسيتك قتاله
كارما : ايوا كدا مش كل الطير الا يتاكل لحمه
مصطفى : 😂😂😂😂 بحب الشويش عطيه
******************
حسن : واخد مريم فى حضنه وبيبوس فى وشها وحشتينى قوى يا مريم
مريم : وهى بتبادولو مشاعره وانت كمان وحشتنى
حسن : شالها وداخل اوضة النوم مريم لسا ها تعترض حسن نساها أعتراضها بقبله هو تاه معاها فيها وعاشو حياتهم الطبيعيه زى أى اتنين متجوزين ......
مريم : نايمه على صدر حسن وبتقوله ياله بقى عشان ها عدى على طنط داليا واستأذن من المهندس احمد
حسن : وهو حاضنها بأيده مستعجله ليه احنا مع بعض يا حبيبى ووقت ما نقوم
مريم : عدلت وشها ليه بطل كسل وقربت منه وبتبوسه من خده ضحكت عليا
حسن : انتى الا ضحكتى عليا واتعدل وسند ضهره على السرير وعدلها وهى لسا بين ايديه ندمانه
مريم : ابدا بس كنت محتاجه وقت
حسن : بحبك يا مريم وبحب كل حاجه فيكى
مريم : بكسوف وانا كمان بحبك من زمان من قبل ما نتجوز بكتير
حسن : امتى دا وانا كنت فين
مريم : كنت بشوفك من بعيد وانت جاى تزور أهلك حبيتك قوى وكنت بحكى لكارما عنك
حسن : كمان يابنتى انا أتحب انا عارف
مريم : ايوا الغرور ها يشتغل
حسن : قرب منها تانى غرور على الناس كلها الا انتى وغرق معاها تانى فى بحور عشقهم الا اتحرمو منه ونسيو الدنيا با الا فيها وهى بين ايديه وهو بين ايديها .........
*******************
احمد : انا واقع من الجوع يا سالى فين معتز ومصطفى
سالى : معتز نزل الشغل ومصطفى بايت مع حسن
احمد ؛ ياله اقعدى بما انك مجهزه الاكل وقعدت سالى جمبه
سالى : طنط عامله ايه دلوقتى
أحمد : الحمد لله كويسه الامور كلها عدت على خير
سالى : طيب الحمد لله عندى ليك أخبار حلوه بس بشرط
أحمد : اه منك عايزا ايه
سالى ؛ العربيه الا قولتلك عليها
احمد : انا خايف عليكى
سالى : لا ياسى بابا ما تخافش انا طلعت الرخصه كمان وبريمو فى السواقه
احمد : كمان ماشى يا ستى
سالى : بفرحه أحلى بابا فى الدنيا
احمد : ربنا يخليكى ليا انتى واخواتك قولى بقى الخبر
سالى : معتز عايز يتجوز وكمان شاف العروسه ومستنى ردها
أحمد : بجد يا سالى أخيرا ها اجوزه
سالى : هو قلقان انها ممكن ترفض عشان فرق السن 13 سنه
احمد : لا ماعتقدش البنات ما بقتش تفكر كدا دلوقتى هى مين بقى
سالى : أخت أكرم صاحبه واسمها هنا
أحمد : ربنا يقدم الا فيه الخير وعقبالك انتى ومصطفى عايز البيت دا مليان أحفاد
سالى : بحب ان شاء الله يا جدوووووو
أحمد : 😂😂 يارب
*******************
كارما : دخلت عل الاوضه جرى ماما حبيبتى واترمت فى حضنها
يزيد : يا بنت براحه
داليا : سبها وحشتينى قوى يا كوكو وحاضنها
يزيد : اتفضل يا مصطفى انت مش غريب
مصطفى : حمد الله على السلامه
داليا : الله يسلمك انا مش عارفه أعمل معاك ايه بس مبدئيا كدا ليك غدوه حلوه عندنا من ايد كارما 😂😂😂😂
كارما : انا مالى بتدبسينى وخلاص هو انتى تاخدى دم الراجل وانا أغديه
يزيد : ضربها عل راسها بطلى لماضه
مصطفى : لا كدا انا ها ابقى مرضى قوى وها اقول لها كمان على الاكل الا بحبه
كارما : انت ما بتصدق
يزيد : اه ها نعزمه وانتى الا ها تعملى الاكل كله
مصطفى : قولتش انا حاجه انا ها أستأذن وحمد الله على السلامه مره تانيه
كارما : أستنى ها انزل معاك بعد اذنكو انا كمان اروح المكتب عشان مريم مش ها تقدر تيجى عايزا حاجه يا دود وانتى كمان يا زيزو تامرنى بحاجه
يزيد وداليا بفرحه من احساسهم ان بنتهم خدت على مصطفى لا يا حبيبتى
يزيد : خلى بالك عليها يا مصطفى
مصطفى : فى عنيه يا عمى ما تقلقش بنتك ب100 راجل ...
يزيد : بضحك طب خلى بالك عل نفسك
**********************
حسن : نزل هو ومريم وعدى عل يزيد فى المستشفى واطمنو على داليا وبعدان راحو المكتب أخد لها اجازه لحد ما هو يسافر ...... هو ومصطفى وحمزه واحمد وافق طبعا وبارك رجعهم لبعض وسلمت على كارما وسافرو البلد . .. ...
صفيه : يا قلب صفيه أخص عليكى يا مريم كل دى غيبه وضعفتى قوى يا حبيبتى كدا ليه
مريم : وحشتينى قوى يا ماما صفيه .... كدا أحسن
صفيه : وانتى كمان يا قلب أمك وبعدان خدت حسن الا قعد يبوس فى ايديها وراسها ويقول لها سامحينى
ومريم : واقفه مصدومه من كميه المشاعر والحب واد ايه حسن حنين وبيحبهم
صفيه : وهى واخدهم الاتنين فى حضنها وحشتونى البيت كله منور يا حبيايبى ادخلو زمان محمود جاى من الارض
حسن : وحشنى حضنك وكلامك يا صفصف
صفيه : وانت كمان يا قلب صفصف ادخلو ريحو والاكل ربع ساعه ويكون جاهز على جاية محمود ياله قومو .....
*************
حمزه : ندى عايز أشوفك
ندى : اوك يا حبيبى انت فاضى أمتى
حمزه : دلوقتى لو تحبى
ندى : لا يمكن بابى لسا راجع من برا ومامى كمان موجوده صعب ها أقول لهم ايه انا مش بكدب عليهم وكمان لازم اقول لهم عن علاقتنا
حمزه : هو بابا بيشتغل ايه وانا اروح له انا مابحبش العلاقات السريه أصلا عايز كل حاجه فى النور
ندى : بابى دكتور القلب ابراهيم عدلى
حمزه : ماشاء الله انتى بنت الدكتور ابراهيم عدلى
ندى : ومامى كمان الدكتوره مرفانا أخصائية التغذيه
حمزه : العيله كلها طب فى طب يعنى وانتى ها تبقى أكبر دكتوره أطفال يا حبيبى الاطفال ها يموتو فيكى
ندى : هههههههه ميرسى ياحمزه انت ذوق قوى بس أخويا فارس كسر القواعد دى لانه تجاره إنجلش
حمزه : تفتكرى الرقه دى كلها ومش عايزنى ابقى ذوق وانتى أكبر والا فارس
ندى : فارس أكبر وماسك حسابات شركه ال.... وانا لسا متخرجه
حمزه : تمام ممكن تاخدى معاد من بابا عشان يتعرفو عليا
ندى : اوك ها ابلغ بابى
حمزه : ها استنى يا حبيبى على نار سلام وقفل
جنا : ياسيدى على الناس الغرقانه
حمزه : أهلا رميا ودنك معايا
جنا : قول واعترف هى مين وعرفتها فين وبتتقابلو والا لاء وناوى تتجوز أمتى
حمزه : 😂😂😂 مسألتيش على العيال يعنى كام عيل
جنا : نجوزك الاول وبعدين أهريك أسئله
حمزه : طيب ياستى دى أرق وأحلى مخلوقه فى الدنيا حاجه كدا زى البسكويت لا لا
جنا : ايه احنا فى مصر يا بنى أم الدنيا البنات دى ملهاش علاقه بكوكبنا لافى رجاله هنا تعرف الرقه ولا ستات
حمزه : أعوذ بالله قاضيتى على أحلامى غورى يابت
أسر : عمنا وعم الناس كلها
جنا 😂😂😂 شوفت دى اشكال تعرف الرقه دا أنت اديت الراجل قلم نيمته اسبوع فى بيتهم فاكر
حمزه : 😂😂😂😂 بتاع التاكسى الا خبطنى وشتمنى يعنى خبط وبيشتم بجح وربنا
أسر : بتحكو فى ايه ما تشركونا معاكو
حمزه : مش بشوفك يعنى انتى بتروح فين
أسر : وربنا دروس وبذاكر مع زمايلى عايز أجيب مجموع يدخلتى أقتصاد وعلوم سياسيه
حمزه : ربنا معاك
ثريا : مش ها تبطلو رغى
حمزه : اطلعو انتو برا كدا عايز سوسو لوحدها
ثريا : خير يا حبيبى فى ايه
حمزه : فى انى بحب وعايز اتجوز وقص عليها كل شئ
ثريا : ادام بنت كويسه واهلها كويسين ماعنديش مانع شوف بس لما تقابلهم الاول
حمزه : ربنا يخليكى ليا يا أمى
ثريا : يارب يا حبيبى
*********************
بقلم : لبنى طااارق
**************** رأيكم وتوقعاتكم وعايزة تفاعل جامد هنا ومتنسوش تفاعلكم هو اللي بيشجعني اكمل نشر الرواية بانتظام🌹♥️ارفعوا البارت بالتعليقات 🎉
تابعووووووني
رواية زواج لدقائق معدودة كامله من هنا
رواية خيانة الوعد كامله من هنا
رواية الطفله والوحش كامله من هنا
رواية جحيم الغيره كامله من هنا
رواية مابين الضلوع كامله من هنا
رواية سيطرة ناعمه كامله من هنا
رواية يتيمه في قبضة صعيدي كامله من هنا
الروايات الكامله والحصريه بدون لينكات من هنا
إللي خلص القراءه يدخل هيلاقي كل الروايات اللي بيدور عليها من هنا 👇 ❤️ 👇
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
الصفحه الرئيسيه للروايات الجديده من هنا
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
تعليقات
إرسال تعليق