رواية عندما يعشق الفدائي الحلقه الحاديه عشر والثانية عشرة والثالثة عشر بقلم الكاتبه لبني طارق حصريه وجديده في مدونة النجم المتوهج للروايات والمعلومات
 |
رواية عندما يعشق الفدائي الحلقه الحاديه عشر والثانية عشرة والثالثة عشر بقلم الكاتبه لبني طارق حصريه وجديده في مدونة النجم المتوهج للروايات والمعلومات
محمود : دخل البيت لقى حسن قاعد ومريم فى حضنه من ناحيه وأمه من الناحيه التانيه .....
حسن : وأول ما شافه قام باس ايد ابوه وراسه حقك عليا يا حبيبى وتاج راسى
محمود : بركه رجعوكم لحضننا بالسلامه وحضن ابنه وقاله انت كدا حسن ابنى وحبيبى
مريم : قامت واترمت فى حضنه هى كمان وحشتنى قوى يا عمو
محمود ؛ انتى الا وحشتينى قوى يا مريم قولى يابابا انتى زى حسن عندى بالظبط
مريم : انتو فعلا زى ابويا وأمى ماحستش بفرق ولا بعدهم عنى غير لما سيبتكم
محمود : ايه دا يابت انتى عضمتى كدا ليه سمعتى كلام الواد بردو وانتى مربره أحلى جاتك نيله واد ما بتفهمش
حسن : ومريم 😂😂😂😂
حسن : ماشى يا حج هى فى عينى تخينه رفيعه أحلى واحده فى الدنيا
مريم : ربنا يخليك لينا يا عمو
صفيه : ياله يا محمود احنا والولاد مستنين رجعتك بالسلامه عشان ناكل
محمود : كلو انتو بألف هنا انا مليش نفس
حسن : مالك يا حج مدايق ليه
محمود : انتو جاين تشيلو الهم اقعدو كلو ياله ملكوش دعوه بيا
مريم : والله يا بابا مش ها أكل من غيرك
وحسن وانا كمان شيلو الاكل
محمود : اهدى انت وهى خلاص اقعدو ياله وقعدو ياكلو مع بعض وكلهم مبسوطين ومحمود ..... مبسوط بالمتهم ورجعهم بس فى حاجه تانيه مزعلاه قوى
حسن : خد مريم فى حضنه بعد ما خلصو الأكل وشالوه وباس ايديها وبيقول لها حبيبى اتنين قهوه من ايدك الحلوين دول
مريم : بفرحه وابتسامه من معاملته لها كأنها ملكه ومش مكسوف انه يعمل كدا قدام أهله حاضر من عنيه
صفيه ؛ بفرحه ربنا يسعدكم يا ولادى ويرزقك بالذريه الصالحه
حسن و ومحمود .... أمين
حسن : قرب على ابوه مالك يا حبيبى ايه الا مزعلك ارمى حمولك عليا يمكن أشالها عنك
محمود : بقهر ها ياخدو الفدان الا حيلتى يا حسن ارضى الا كانت كل دنيتى انا بعتبرها جزء مننا بقية عيلتى الا بحبها وارعيها ولو انا مهموم بتاخدنى فى حضنها يا حسن معملتش زى بقيت الفلاحين وبورتها عشان ابنى عليها والا ابعها غاليه عشان هى أغلى من فلوس الدنيا كلها ......
حسن : بقهر من حال ابوه مين يا حبيبى الا عايز ياخدها منك دا قولى عليه بس وملكش دعوه
محمود : الدوله يا حسن ها تاخدها عشان الطرق والكبارى الا بيعملوها شفت يا حسن
حسن : ولا تزعل نفسك انت عارف لو حد تانى كنت اتصرفت بس مش بأيدنا حاجه وأن الاوان تبقى فى حضنى ومعايا
محمود : بالساهل كدا يا حسن اسيبها وأمشى
صفيه : دموعها نازله على حال حبيب عمرها هى عارفه اد ايه بيحب ارضه وبيراعيها وهى كمان زعلت على زعله وعليها
حسن : دموعك دى غاليه قوى عندى وبيبوس فى ايدها وفى راسها كفايه يا أمى عشان خاطرى
مريم : وهى شايله القهوه وسمعت كل حاجه وزعلهم أثر فيها جدا انا رأى من رأى حسن انتو لازم تيجو تعيشو معانا وكمان حسن ها يسافر ويسبنى لوحدى وانا زهقت من الوحده عايزا ابقى معاكو وفى حضنكو والا كتير عليا
محمود : اوعى تقولى كدا احنا عازز علينا حياتنا وارضنا الا شبعنا منها خير
حسن : واحنا كمان والله يا حج بس أن الاوان بقى تخلو بالكو من مراتى فى غيابى وكمان لو ربنا كرمنا بحفيد ها يلعب مع مين مش جدو وتيتا الحنينه الجميله دى
صفيه : ببسمه يارب يا حبيبى
مريم : قولت ايه يابابا
محمود : ها اقول ايه يا مريم والا ها نقعد هنا نعمل ايه يابنتى خلاص الا لينا هنا ها ياخدو
حسن يبقى على بركة الله بكرا ان شاء نسافر كلنا وبيحضن صفيه قوى أخيرا يا صفصف ها تبقى فى حضنى
محمود : بضحك اوعى كدا يا واد صفيه ها تفضل فى حضنى على طول
حسن : تعالى يا حبيبى أخدك انت فى حضنى انا مش ها أخلص مع الحج
مريم : 😂😂😂 ولا انا ها أخلص معاك يا قلبى
وقضو بقية اليوم فى هزار وحب حقيقى من القلب
****************
أحمد : انت ها تفضل هنا يا مصطفى انا لازم انزل انا وكارما عشان نقابل كامل
مصطفى : ما تقابله انت لازم كارما يعنى ويقعد يستظرف
أحمد : 😂😂😂 ايه ياعم دارى شويه ناوى على ايه
مصطفى : كل خير عايز أخطبها قبل ما اسافر ينفع
أحمد : ياريت وهى
مصطفى : كله تمام ناقص زيارة حضرتك الكريمه
أحمد : عنيا ها أكلم يزيد بس لما داليا تخرج وناخد معاد
مصطفى : خلاص ماشى وانا ها ابلغ كارما بنفسى
أحمد : بيبص فى الساعه انا لازم أمشى عشان كامل السمرى
مصطفى : بلاش كارما ارجوك
أحمد ؛ خلاص يا سيدى بلاش رغم ان وجودها مهم بتنجز وتخلص
مصطفى : خليها عليك وسن سكاكينك
أحمد : 😂😂😂 رايح الحرب وقام خرج على برا ومعاه مصطفى .... كارما انا لازم أمشى دلوقتى جهزى كل الا طلبته منك ويبقى على المكتب الصبح ولو خلصتى أمشى عشان تتطمنى على ماما
كارما : مش ها تاخدنى معاك المقابله
مصطفى : لاء . ... ايه عايزا تروحى
كارما : افرد يعنى دا شغل
مصطفى : دا راجل ..... ومحبش انك تتكلمى معاه تانى
أحمد : مش وقت خناقكو انا نازل وسابهم ومشى
كارما : عشان تدايق مصطفى ...... بتقرب عليه بدلع ايه بتغير عليا للدرجه دى يا صاصا
مصطفى : متنح قدامها ... هاااه
كارما : زقته ايه مش ها ترد عليا
مصطفى : بيبلع ريقه ومش مستوعب ان دى كارما ولسا ها يمسكها ..... كانت خدت شنطتها وطارت من قدامه وهى بطلع لسانها ليه
كارما : اسيبك انا بقى فى اوهامك
مصطفى : خدى يا مجنونه ونزل جرى وراها وركب العربيه على أخر لحظه
كارما : 😂😂😂😂 منظرك تحفه
مصطفى : دا انا بعد االجواز ها أطلع عينك
كارما : وهى بتمط شافيفها لقدام وبتجننه أكتر أهون عليك دا انا كوكو حبيبتك
مصطفى ؛ هاااه وبيغمز لها مانتى رقيقه أهووو امال عمله فيها الشويش عطيه ليه
كارما : بضحكه طيرت عقله حتى لا تأكلنى الذئاب
مصطفى : كمان بقيت ذئاب ماشى يا ستى ..... انا كلمت بابا عشان نتقدم للست البرنسيسه كارما هانم بنت يزيد بيه المنشاوى
كارما : وهى تتصنع الجديه ميرس تنورونا فى أى وقت بس يا ريت ماتنساش الشيكولاته وبلاش ورد مش ها ناكله ها نرميه فى الأخر ماشى ...
مصطفى : الرومانسيه معدومه عندك انتى عايزا تجديد شامل
كارما : جدد بعد الجواز مش قبله ماشى
مصطفى : انا نفسى أغمض وأفتح الاقيكى فى شقنى منوارنى وفى حضنى ياااه يا كارما محتاج حضنك قوى
كارما : الخجل بان عليها وبتقول ان شاء الله بعد الجواز
مصطفى : عارفه انتى محترمه قوى يا كارما وبنت يعتمد عليها وجميله ورقيه وشرسه فيكى كل حاجه وعكسها
كارما : ...... ..
مصطفى : ها توحشينى قوى لما اسافر مش عارف ها أقضى وقتى من غيرك ازاى
كارما : ودموعها نزلت وانت كمان يا مصطفى ازاى ها يعدى يومى من غيرك ها اتخانق مع مين انا
مصطفى : طيب أعيط والا اضحك انت يابتى عمرك ما بتكملى جميلك للاخر
كارما : 😂😂😂😂 الصراحه لاء بحس الستات الرومانسيه دى مسهوكين كدا وعاملين زى القطط
مصطفى : باستغراب قطط ازاى يعنى
كارما : رايحين جاين يتمسحو فيك وما بيبطلوش نونوه 😂😂
حسن : 😂😂 عليكى تشبيهات غريبه يا ستى أتسهوكى خليكى قطه يا كارما يا حبيبتى نونويلى ياكارما اسمعى كلامى دا المفيد
كارما : أحاول بس بعد الجواز أهو يبقى لينا هدف 😂😂😂
مصطفى : ما بتعمليش حاجه لله
******************
معتز : ايه يابنى اتاخرت كدا ليه
أكرم : موصلات الله يخربتها الدنيا واقفه خالص
معتز : هااااه الاخبار ايه رفضت صح
أكرم : إهدى يابنى أخد نفسى
معتز : ما تخلص يا أكرم جاتك الارف
أكرم : متصنع الجديه ولد عيب تكلم حمااااك كدا يا جزمه
معتز : بجد يا أكرم يعنى وافقت
أكرم : بعد مشاورات واسئله لا حصر لها العبد لله مقنع بردو
معتز : حماااايا حبيبى
أكرم : بسرعه ياله هاتلى فطار وكوبايه شاااى
معتز : ضربه على راسه انت ها تعيش الدور عليا جاتك نيله مش لايق عليك
أكرم : وانا الا بدرب نفسى من امبارح أطلع عينك ازاى
معتز : 😂😂😂😂😂 طيب ياخويه ها ابلغ ابويا وها اتفق معاااه واكلمك عشان نزوركو يا حمايا العزيز
أكرم : ايوا كدا حافظ على هيبتى قدام البنت بلاش حركاتك القرعه دى خليها بينا وبين بعض
معتز : حاضر يا أكررررروم وماسكه من خدوده يا خرابى على الخدود المقلبظه الا تهبل 😂😂😂
أكرم : اوعى يا رخم عامل زى مراتى ما بتصدق تمسكهم
معتز : 😂😂😂😂 موغرين قوى يا أكرم انا بعد الجواز لازم أجيب عيل طالع لخاله
أكرم : 😂😂😂 عيل بخدود دا ها يكره نفسه وخدوده
******************
يزيد ؛ يعنى تنفع تخرج انهارده يا دكتور
الدكتور : اه كله تمام هى ها تريح اسبوع واحد فى البيت وبعد كدا تتحرك عادى مفيش اى مشكله
داليا : يعنى ها اقدر اروح الشغل
الدكتور : ايوا ما تقلقوش بس ياريت بلاش تشيلى أى حاجه تقيله لان واضح انك تحاملتى عل نفسك جدا
يزيد : معقول يا داليا هو انتى شليتى حاجه
داليا : اسفه يا يزيد انا حركت جهاز ..... فى الجيم عشان مكانه مكنش مناسب وخفت اقول تزعل بس فعلا ضغط على نفسى جامد
يزيد : بزعل ماشى يا داليا موتى نفسك والا فى بطنك على شان الزفت قومى ياله شنطتك جاهزه وكارما كلمتها وقولتلها تيجى عل البيت
********************
أحمد : يعنى جهزت كل حاجه
كامل : كله تمام وعلى الأمضه بس يزيد فين
أحمد : يزيد مراته تعبانه شويه وماقدرش يجى ويبلغ إعتذاره ليك
كامل : الف سلامه عليها مش تقولى كنت عملتلو زياره مالها
أحمد : أصل فى بيبى جاى لهم بالسلامه ان شاء وجالها نزيف وكانت حالتها خطيره
كامل : أكيد يا أحمد غلط الحمل عليها دلوقتى ما شاء الله بنتهم عروسه
احمد : يابنى داليا ويزيد صغيرين فى السن مش كبار يعنى يعيشو ويتهنو ويجيبو تانى وتالت انا ابنى الكبير معتز 35 سنه ولسا ما اتجوزش أصلا
كامل : لا أنت كدا بتغرينى انى اتجوز وأخلف تانى مراتى مش راضيه ابدا بعد سعيد ابنى
أحمد ؛ لا هو انا ها أقولك اتجوز عليها دى حاجه تخصك انت وهى
كامل : وانت مش ناوى تتجوز
أحمد : ابدا بعد مراتى مفيش واحده فى الكون تملى عينى انا عايز افرح بأولادى
كامل : انت شخصيه نادره وانا مبسوط ان فى شغل جمعنا وكارما الشقيه مش ها اشوفها
أحمد : بمكر عشان عارف ان كامل بتاع ستات ان شاء الله ها تحضر خطوبتها على مصطفى ابنى قريب لما اتفق مع يزيد
كامل : بصدمه اساسا كارما عجبته جدا ..... مبروك ربنا يسعدهم ....... ومضو العقود واتفقو على كل حاجه.......
*************
فى الليل عند حسن
مريم : نايمه فى حضن حسن انا مبسوطه قوى ان طنط وعمو ها يعيشو معانا وزعلانه على زعلهم........
حسن : وانا كمان والله يا مريم اول مره أحس ان قلبى واجعنى كدا على ابويا بيحب الارض فوق ما تتخيلى خايف يجراله حاجه
مريم : ان شاء الله مش ها يحصل حاجه انا ها انسيهم البلد با الا فيها ما تقلقش
حسن : 😂😂 انا عارف زى ما نسيتينى نفسى صح
مريم ؛ لا لسا عليك شويه وبتقرب من شافيفه وغرق معاها وبعدت عنه وهى باصه لعيونه بحبك يا حسن أنت ملكت قلبى
حسن : وهو فى حاله غير الحاله وبيلوم نفسه اد ايه كان غبى وها يحرم نفسه من طيبتها وحبها الكبير ...... انتى ملكتى حياتى وكيانى ..... بعدك عنى بقى شبه الموت بالنسبه ليا .... اوعى يا مريم مهما حصل تبعدى عنى تانى لومينى اعملى الا انتى عايزاه .... بس يوم ما تبعدى ها أعرف انك بطلتى تحبينى .... فاهمه
مريم : بحب وحنيه على الا خطف قلبها ..... فاهمه يا حبيبى بس أنت مالك يا حسن فى حاجه مدايقك غير موضوع عمو
حسن : ها أقولك بس مهما حصل الكلام دا أمى وابويا مايعرفوش بيه حاجه
مريم : بقلق فى ايه
حسن : المهمه الجايه دى يا مريم صعبه جدا والله أعلم ها ارجع تانى والا لاء
مريم : بخضه وعياط اوعى تكمل لازم ترجعلى فاهم اعتذر عنها اوعى تسبنى يا حسن
حسن : مش بأيدى يا حبيبتى وغير كدا مش انا الا أهرب عشان خايف ابدا انا لو خايف ........ ها يبقى عليكى وعلى أمى وابويا ...... كان همى انى اسافر وانتو مش زعلانين منى
مريم : بتضربه على صدره وبتعيط طول عمرك انانى تعلقنى بيك وعايز تسيبنى تانى ليه بتعمل فيا كدا عملتلك ايه
حسن : ياحبيبى انا أسف انا فعلا محتاجك يا مريم وبحبك ومش ها أقدر على بعدك عنى أفهمينى دى طبيعه شغلى ودى حياتنا مش ها أحتاج غير الدعاء منكو ليا ولزمايلى ...... المهم يا مريم انا من ساعة ما رجعت انا وانتى أكتشفت انى متراقب مين دول الله أعلم ..... اوعى تأمنى لحد ولو قالولك ايه عن لسانى ...... ابدا ما تصدقيش ويوم ما ابعتلك حد فعلا من طرفى فى غيابى كلمة السر بينى وبينك هى مريم فاهمه ........
مريم : انت بتخوفنى عليك متسافرش يا حسن ارجوك
حسن : ضمها جامد لازم اسافر وادعيلى بكل الحب الا جواكى بعد بكرا ها أخدك ها أنقل الشقه باسمك دى مهرك والفلوس الا فى البنك نصها ليكى والنص التانى لأبويا وأمى اوعى تحرميهم من حاجه
مريم : انت مش ها تنقل حاجه وكل حاجتك ها تفضل زى ما هيا فاهم .... وها ترجع واوعى كدا وبتزقه ولفت واديته ضهرها وبتعيط ...... بحرقه ووجع ليه الدنيا بتعمل معاها كدا ومصممه تخطف فرحتها هى مش ها تقدر تعيش من غيره وكلامه بيقول ان فى حاجه كبيره😢😢😢
حسن : قرب منها وحضنها جامد أسف يا مريم حقك عليا بحملك فوق طاقتك مليش غيرك يحس بيا وأطلب منه كدا
مريم : بوجع ودموع ها ترجع يا حسن لابوك وامك وحضنى فكر فى دا فكر اننا من غيرك نضيع انا مصدقت لقيت فرحتى وسعادتى معاك
حسن : ان شاء الله يا حبيبى ها ارجع انا لازم أعرفك أسوء الظروف عشان تعرفى تتصرفى فاهمه عايزك قويه وب100 راجل فى غيابى
مريم : بقلة حيله ان شاء الله يا حبيبى وبتغمض عنيها تهرب من حالها وهو كمان غمض عنيه وبيهرب من نفسه الا بتلومه على فرحتها الا مش بتكمل معاااه وبيدعى ربنا تعدى على خير وفعلا يرجع ليها ولحبه وقلبه الا اتعلق قوى بيها ولصفيه ومحمد الا هما اول حب فى حياته من يوم ما وعى على الدنيا. ..........
**************************
#الحلقة_12
مر 4 أيام بعد هدوء الاوضاع تماما لكل الاطراف وانتقال صفيه ومحمود لحياه جديده ونمط مختلف عنهم تماما ......
وتطور الاوضاع بين كارما ومصطفى وتم خطبتهم بالفعل قبل سفر مصطفى وبعد تحسن حالة داليا ........... ومقابلة حمزه لأهل ندى الا رحبو بيه جدا واحترمو انه ما اتهربش من ندا ووافق يقابلهم وحسو فعلا انه انسان صادق فى مشاعره ......
ومعتز الا خطب هنا أخت أكرم ومبسوط وحاسس انه ها يعيش فى سعاده معاها ......... وجميع الاطراف بحاله جيده ماعدا مريم الا حاسه ان روحها بتتسحب منها كل ما يقرب معاد سفر حسن ...... وحسن نفسه الا حاسس بمجهول كبير لسا ما وصلش لخيوطه كامله ........
***************
كارما : خلاص ها تسافر
مصطفى : قرب منها جامد وشدها غصب عنها خدها فى حضنه ها توحشينى قوى يا كارما
كارما : بطل جنان يا مصطفى احنا فى المكتب
مصطفى : ان شاالله نكون فى الشارع انتى خطيبتى واول ما انزل ها تبقى حرم مصطفى باشا فاهمه
كارما : وعيونها بتلمع بس ايه الحلاوه دى اللبس الميرى مخليك تجنن
مصطفى : بغرور يابنتى أنا أجنن على طول
كارما : 😂😂😂 الغرور أشتغل
مصطفى : ها يوحشنى جنانك انا رايح صحراء كحلاء ادعيلى يا بنتى مش ها أشوف مزز
كارما : بغل ضربطه مزز فى عينك أمشى يا مصطفى وبتتريق يا بتاع المزز
مصطفى : 😂😂😂 تعالى بس بهزر انتى بكل المزز الا فى الدنيا يا حبى
كارما : حاول تطمنى عليك
مصطفى : ببكاء مصطنع حاولى انتى ياختى تتطمنى عليا
كارما : 😂😂😂 خدنى معاك وريحنى وريح نفسك
مصطفى : ياريت أهو يبقى الصحراء والوجه الحسن وشدها تانى لحضنه أشوف وشك على خير يا كوكو
كارما : بادلته الحضن هو فعلا ها يوحشها قوى ارجع بسرعه
مصطفى : عيونى انتى تأمرى مسافة السكه وسابها ومشى عشان لو فضل واقف مش ها يقدر يسبها .......
****************
حمزه : يعنى مش ها اقدر اشوفك يا ندى كان لازم تسافررى
ندى : معلش بقى يا حبيبى غصب عنى ما صدقنا بابا خد أجازه سافرنا شرم نقضيها مع بعض
حمزه : ها توحشينى قوى خلى بالك على نفسك
ندى : وانت كمان خلى بالك على نفسك بااااى
حمزه ؛ قفل معاها وسلم على ثريا أمه واخته جنا واسر
حمزه : خلى بالك عل اختك وأمك فى غيابى انت راجل البيت فاهم
أسر : حاضر يا أخويا هما فى عنيه وانت ربنا يرجعك لينا بالسلامه
حمزه : ان شاء الله يا حبيبى
ثريا : طمنى عليك يا حمزه
حمزه : وجنا فى حضنه لو عرفت يا أمى ما تقلقيش عليا عشان ممكن أقعد فتره كبيره من غير شبكه
جنا : ترجع لنا بالسلامه يا حبيبى
وسابهم وشال شنطته حطها عل ضهره ولبس نضارة الشمس وتوكل على الله واستودع أهله فى أمانة ربه ...........
****************
حسن : خلاص يا مريم انا ندمت انى قولتلك حاجه
مريم : مسحت دموعها وابتسمت اوعى تندم ابدا انا ها أكون ضهرك وسندك فى غيابك فاهم وان شاء الله ترجع بالسلامه لينا انت قوى يا حسن وها تقدر على أى مهمه مهما كانت صعوبتها أستقوى بالله ...... فهو لا غالب له ...... أستقوى بيه يا حسن ....
حسن : بأبتسامة رضا ان فعلا مريم اد المسؤوليه وبتتصرف بحكمه ...... ونعمه بالله .... انا بستقوى بيه فى كل حالاتى مليش غيره ثم أنتو أطمنى وحضنها جامد أسيبك انا بقى يا حبيبى ومتنسيش الا قولتهولك فى كلمة سر لو باعت اى حد من طرفى ها تبقى مريم فاهمه
مريم : حاضر
حسن : خرج لصفيه وخدها فى حضنه أشوف وشك على خير يا صفصف خلى بالك على مريم
صفيه : فى عنيه يا قلبى ما تتاخرش ياحسن قلبى واكلنى عليك يابنى
حسن : طمنى قلبك يا حبيبتى وباس ايديها وراح لأبوه الا بيستمد منه القوه واترمى فى حضنه ادعيلى يا حج
محمود : بدعيلك يا حبيبى عايزك راجل ورافع راسنا يا حسن
حسن : ابنك راجل يا حج محمود وها يفضل رافع راسك .....
وبعدها نزل لزمايله الا عمالين يرنو عليه
**************
حسن : صباح الفل يا رجاله
مصطفى وحمزه : صباح الفل
حسن : ياله بسم الله توكلنا على الله
مصطفى وحمزه : بسم الله توكلنا على الله وإنطلقو إلى مجهول لا يعرفون ابدا مدى قوته وشراسته وهل هم من ينالو منه أم هو .......
القائد محى : حمد الله على السلامه يا رجاله
حسن ومصطفى وحمزه الله يسلمك يا فندم واتافجئو با الا داخل عليهم
رعد : من أحد أقوى فرق الصاعقه والمعروف بجبروته فى شغله واحد المطلوبين لانه فعلا ساحق لكل من يقف أمامه .... رعد تمام يا فندم
محى : اتفضل يارعد فين ابراهيم وبدئت الدهشه تبان على وجوه الثلاثه فهم يعلمو ان هذه العمليه كبيره ولكن ليس بهذا القدر فا من الواضح فعلا انها حرب مميته
ابراهيم : موجود يا فندم عاملين ايه يا رجاله
كلهم : تمام الحمد لله
حسن : للقائد محى الموضوع كبير قوى كدا
محى : اكبر مما تتخيلو انتو ها تطلعو خمس فرق كامله برجالتكو ولازم تبقو جاهزين لأى حاجه فى مخابرات برا مصر متعاونه مع الناس دى وفى شبكة جاسوسيه كامله لو وقع منها فرد ها نجيب الباقى بسهوله
رعد : يا مرحب انت عارف شعارنا النصر او الشهاده والا ايه يا رجاله حد عنده أعتراض
جميعم : لا ابدا
مصطفى : لازم ناخد الوقت الكافى لعمليه كبيره زى دى مش مختصره على سلاح ومخدرات ..... وبس دى داخله فيها مخابرات اجنبيه وجاسوسيه
حمزه : الراس الكبيره لهم جوا البلد ها تفرق معانا كتير
محى : دول ملهمش كبير اوعو تفتكرو ان ليهم راجل واحد لا ابدا دى شبكه كبيره ودى لعبتهم وفرصتهم الكببره عدوك لو مقدرش عليك فى أصعب ظروفك وأستغل كل نقاط الضعف ضدك يبقى غبى وخسران طبعا
ابراهيم : واحنا ها نبقى أغبيا أكتر منهم لو ملعبناش بيهم وأستغلينا الا بيحصل دا لصالحنا
محى : طبعا قبل أى كلام ممكن يتم الانسحاب فى أى وقت وها نكتفى بالمعلومات الا ها نقدر نجمعهاا عن طريقو او عن طريق رجالتنا الا معاهم ومش ها نضحى براجل واحد من بتوعنا ياريت
حسن : موضوع كبير زى دا وارد كبير يبقى فى خساير مننا شخصيا يا إما ها نضحى بالعمليه كلها عشان ننجى بنفسنا
محى : كل الاحتملات موجوده وانت بالذات تحت عينهم بعد ما إكتشفو الصله الا بينك وبين شريف الا بينقل لكم الاخبار
مصطفى : بقلق يعنى احنا بنضحى بحسن وبشريف كدا بعد ما اتكشفو
محى : هما ما اتكشافوش ابدا شريف فاهمهم ان حسن بايع الليله كلها بالمقابل طبعا واحنا مراقبين الوضع مش سايبنهم يلعبو لوحدهم وحسن كان متراقب عشان يعرفو ايه هى نقطة ضعفك لو غدرت بيهم انت بالنسبه لهم واحد من رجالتهم المهمين جدا ظابط فى مركز حساس على علم بكل شئ
حمزه : يعنى ازاى احنا مش على علم بدا كله
محى : الامور تطورت بسرعه جدا ..... خايف يا حسن انت دخلت اللعبه من جوا بدون أى قصد
حسن : بثقه وانا بحب العب انا قدها ما تقلقش
حمزه : بخوف على صاحبه انتو بتتكلمو ازاى دا ممكن يصفوه فى أى لحظه
محى : وارد طبعا بس دا لو ظهر فى الصوره ضدهم أو كشفوه
مصطفى : بالسهوله دى بنضحى بيه
محى : ابدا انا قولت لو فى خطر انسحبو فورا لازم نبقى جاهزين صح مش ضرب نار وخلاص والا يموت يموت ..... وما تنساش ان دى هى حياة العسكريه انت فى أى وقت معرض للخطر ..... ممكن الامور تبقى هاديه وفى ثانيه تقلب .....
حسن : يا فندم انا كلى ملك لله ثم لوطنى وها أفضل واقف فى ضهره لأخر نفس فيا شوف اللازم وانا تحت أمرك
رعد : انا سمعت عنكو كتير وعجبنى قوى روح الخوف على بعض مش عل نفسكو ودا مهم جدا فى حياتنا العسكريه عشان يوم ما تفكر فى نفسك ها توقع الا حواليك بسهوله وأنت يا حسن خش بقلب جامد وميت عشان ما يلمحوش الخوف فى عينك لازم هما الا يخافو ويترعبو
ابراهيم : بصو يا رجاله من الاخر العمليه دى معلومات وتهويش من برا عشان لازم نبقى جزء من الخليه الكبيره دى ونوقعها صح ازاى دا بقى مش شغلنا احنا ..... احنا ها ننفذ المطلوب وبس
مصطفى : يا مسهل
حمزه : مشتاق
رعد : ايوا كدا دا المطلوب وبدئو يخرجو من مكتب القائد محى معادا حسن الا طلب منه يستنى ..........
مصطفى ... انا قلقان على حسن قوى
حمزه .... نفس القلق عندى هو حاسس من قبل ما يجى ربنا يسترها
............
محى : طبعا انت مستغرب انت هنا لوحدك ليه
حسن : لا كدا متوقع أى حاجه بعد الا سمعته وعلى ما أعتقد ان فى مقابله ليا شخصيه ....
محى : بإعجاب ذكى ولماح ودا مهم ليك
العراقى .... مدير المخابرات ..... وبدخلته على حسن ومحى الا غيرت جو المكان كله
محى : وحسن ... ادو التحيه لهذا الرجل المرعب الملقب بتعلب المخابرات
العراقى : سبنى مع حسن يا محى
محى : تمام يا فندم وخرج
حسن : وشكه بقى يقين انه ها يبقى جزء من شغل المخابرات
العراقى : كل الا بتفكر فيه صح بس أنت مستعد لل ها تعرفه دلوقتى
حسن : مستعد يا فندم لأى شئ
*****************
صفيه : قلبى مش مطمن يا حج اول مره قلبى ياكلنى على ابنى كدا
محمود : وهو بيصبر نفسه وعنده نفس احساس صفيه بالخوف على ابنه .... ابنك راجل يا صفيه ما يتخفش عليه وحش ما بيخفش غير من الا خلقه طمنى قلبك
مريم : دخلت اوضتها وقفلت على نفسها عشان تقدر تتنفس بصوت عالى مع شهاقاتها الا كاتمها ودموعها الا بتنزل بدون سابق انذار ....... وبصوت يكاد يكون مسموع يارب احميه ورجعه بالسلامه انا بحبه قوى يارب خد قلبى وسابنى من غيره...... أقف جمبه وانصره وسمعنا عنه كل خير....... وقامت من مكانها تسترجع قوتها الا بتنهار بالوقوف بين يد الله التى تبث فى الروح الطمأنينه ...........
********************
معتز : وهو بيكلم هنا فى التليفون انتى ها تفضلى مكسوفه منى كدا على طول طيب قولى اى حاجه ما انتى لازم تاخدى عليا وأخد عليكى
هنا : بكسوف حاضر عامل ايه
معتز : 😂😂😂 تمام الحمد لله هو دا الا طلع معاكى
هنا : انت بتكسفنى
معتز : ابدا والله طيب عملتى ايه انهارده احكيلى يومك بتحبى ايه وبتكرهى ايه
هنا : بقوم أروق الشقه وأعمل الاكل وطبعا بصلى كل الفروض الحمد لله فى وقتها وبسلى نفسى مع عيال أخويا وبحب كل حاجه ربنا خلقها مش بكره حاجه ابدا الا إلا ربنا حرمها علينا وبس
معتز : أختصرتى دنيتك كلها فى كلمتين انتى طيبه قوى يا هنا طيب معندكيش ميول للشغل مثلا
هنا : الصراحه لا ما بحبش الاختلاط عايزا أكون لبيتى وجوزى وعيالى ان شاء الله انا من النوع البيتوتى
معتز : اختلاط بمعنى ايه ستات ورجاله
هنا : لا ابدا انا عامله لنفسى حدود ومحدش يقدر يخطيها ابدا أختلاط بمعنى الناس الكتير والمعملات انا طبعتى انطوائيه شويه ودا عيب فيا
معتز : لا ابدا هى لو زياده عن اللزوم يعنى حتى الاقارب والاصدقاء كدا فعلا تبقى عيب
هنا : لا دول مفيش منهم مشكله انا مش رخمه قوى كدا
معتز : انتى محترمه مش رخمه ابدا بصى يا ستى انا بقى بحب كل الاكل ما عدا الملوخيه بينى وبينها طار
هنا : 😂😂😂😂 ليه كدا
معتز : الصراحه مش عارف ايه سر العداوه الا بينا ساعت بحس انها بتقولى بكرهك 😂😂😂😂 اه والله
هنا : 😂😂😂 دى حاله صعبه وايه كمان فاجئنى
معتز : نومى تقيل ممكن سالى أخر ما تزهق تكب عليا ميه
هنا : ليه مش بتصلى
معتز : الحمد لله بقيت ملتزم جدا وكمان بحب الخروج جدا يعنى ها تزهقى خروج معايا والا ها تسبينى انطلق لوحدى
هنا : لا ان شاء الله ننطلق مع بعض ممكن أحب الخروج معاك
معتز : لا انتى ها تنسى نفسك أسألى ابو خدود
هنا : 😂😂😂😂 دا أكيد أكرم ياعينى متعقد منهم
معتز : دا أجمل حاجه فيه انا عايزك تمليلى البيت عيال بخدود
هنا : بكسوف ان شاء الله بس لازم خدود
معتز : لا دا شرط دا انا ها أهريهم قرص وعض فى خدودهم وأخوكى يرتاح شويه
هنا : 😂😂😂😂😂 انت بتعمل كدا فى أكرم
معتز : بينى وبينك سر ماشى
هنا : وهى حبته من تلقائيته وتواضعه واد ايه انسان ما بيحاولش يتجاوز معاها بأى لفظ ومحترم العلاقه لأبعد حدود ...... عنيه حاضر سرك فى بير
*******************
#الحلقة_13
داليا : هى مريم ما نزلتش الشغل يا كارما
كارما : وهى واقفه بتاكل بسرعه عشان تنزل لا لسا مش عارفه مالها مش عجابنى خالص من ساعة ما حسن سافر
داليا : ما يمكن حصل حاجه بينهم تانى
كارما : ما أعتقدتش كانت قالتلى ... ها أحاول أقابلها واطمن عليها بااااى يا دودو
داليا : بااااى يا حبيبتى خلى بالك على نفسك ..... وقامت تريح على السرير عشان حاسه انها مجهده جدا .... . حطت ايديها على بطنها يا شقى بطل ضرب فى مامى انا حبيبتك ..... يزيد خرج من الحمام .....
يزيد : نايمه ليه فيكى حاجه
داليا : لا يا حبيبى انا كويسه بس الواد دا شقى قوى يا يزيد
يزيد : 😂😂 شقى لأبوه
داليا : أبوه دا راجل مفيش منه ابدا وعمره ما كان شقى حبوب
يزيد : انتى بقيتى بتدلعينى كتير كدا ها أخليكى تجيبى عيل كل سنه
داليا : 😂😂😂😂 ارنبه انا دا واحد جننى أهوووو كفايه مش ها ادلعك تانى
يزيد : أهون على حبيبى
داليا : الصراحه لا
يزيد : انا ها أجوز كارما وأفوقلك يا قمر
داليا ؛ اتغيرت صح هديت شويه
يزيد : جدا يمكن عشان صاصا مش موجود
داليا : يمكن ربنا يسعدهم
يزيد : يارب
*****************
هشام البدرى : ايه يا شريف مفيش أخبار جديده
شريف : يا باشا الجديد كله عندى وقربنا قوى
هشام : الناس الكبيره زهقتنى وبيسئلو على صاحبك
شريف : مين حسن باشا أعتبره دراعك اليمين هو جاهز لأى حاجه تطلبوها
هشام : الناس دى ما بتلعبش وهو حركه كدا والا كدا ها يصفوووه ويتواه بمعرفتهم
شريف : بقولك ضامنه براقبتى امال انا بجيب معلومتى منين
هشام : صفقه السلاح ها تتسلم بكرا امتى لسا ما جاتش الاشاره
شريف : بمكر .... ياباشا العين عايزين نهدى
هشام : ما تقلقش احنا ورانا ناس كبيره قوى الواد حودا فين امال
شريف : راح يتاكد ان الامور تمام ويمسح منطقة التسليم
هشام : حلو قوى كدا أحب الشغل النضيف واطلع برا عشان جايلى مكالمه من برا
شريف : امرك يا باشا وخرج
*****************
مصطفى وحمزه وحسن بعد تدريبات شاقه من الليل حتى صباح يوم جديد ونوعا ما جديده عشان الاماكن الا ها يتعاملو فيها .....وقاعدين
مصطفى : مالك يا حسن سرحان فى ايه
حسن : مريم وحشتنى قوى هى وامى وابويا
حمزه : مش ها تقول لنا بردو كان فى ايه وليه القائد قعدك
حسن : بأبتسامه ولا حاجه بيتاكد بس انى مش عايز انسحب مش أكتر
مصطفى : بس انت طولت قوى جوا وكان فى حركه مريبه وكمان القائد خرج وانت فضلت جوا
حسن : 😂😂😂 انت بتراقبنا احنا .... صدقونى مفيش حاجه هو مفيش أمل نعمل مكالمه
مصطفى : لا ابدا انا زهقت وبردو منفعش
حمزه : ندووووش وحشتنى
مصطفى : كوكو نفسى أسمع صوتها
حسن : ايه يا حبيبا خفوووو شويه
قومو خلينا نريح الا جاااى صعب وعايز ناس فايقه
******************
كارما : يعنى أستنى
مريم : لا أسبقينى انتى وانا جايه
كارما : اوك بااااى
مريم : قفلت وقاعده تفطر مع صفيه ومحمود
محمود : ها تنزلى يا بنتى
مريم : ايوا يا عمو انا سايبه الشغل بقالى كتير
صفيه : ارجعى يا حبيبتى ربنا يوفقك
مريم : شكرا يا ست الكل ماما بتحبك قووى وناوين ينزلو زياره أخر السنه
محمود : ينورو يا حبيبتى أفطرى كويس انا شايفك ما بتاكليش
مريم : مليش نفس يا بابا
صفيه : لا يا مريم اتغذى عشان شغلك وتقدرى تقفى عل رجلك
مريم : مش قادره بجد
صفيه : حسن ما كلمكيش
مريم : بوجع لا يا ماما وبتهرب ها اقوم انا بقى عشان كدا اتاخرت قوى ...... ونزلت ركبت عربيتها ومشيت..
**************
كارما : وحشتينى قوى يا مرمر كل دى غيبه
مريم : معلش بقى ادينى جتلك أهو
كارما : بقولك ايه انتى تفضلى معايا فى المكتب انهارده
مريم : لا انا عايزا أشتغل وانسى نفسى والدنيا كلها
كارما : مالك يا مريم وما تخبيش عليا حاجه
مريم : بعياط تعبت يا كارما حاسه ان الدنيا ديقه قوى عليا مش عايزا تفرحنى .....
كارما : بزعل ليه كدا يا مريم هو حسن او اهله عملولك حاجه
مريم : بالعكس دول أحسن حاجه حصلت فى حياتى بس خايفه قوى عل حسن
كارما : ومين سمعك انا بردو قلقانه على مصطفى قوى رغم انه بيطمنى وبياخد كل حاجه هزار بس كنت حاسه احساس غريب قوى
مريم : ربنا يسترها ويرجعو بالسلامه
كارما : يارب روق يا جميل بقى بس انا قولت فى القعد دى ها تتخنى 10 كيلو
مريم : 😂😂 ياساتر عليكى كنت محافظه على نفسى ياختى وغير كدا حسن كل يوم الصبح يعمل تمارينه وانا معاااه
كارما : بتعملى زيه
مريم : 😂😂😂😂😂 لا طبعا انا مجنونه بركب على ضهره أقعد على رجله برفع معناويته
كارما : 😂😂😂😂 لا بتتعبى حلو الجواز دا
مريم : حلو قوى شدى حيلك بقى وما تطوليش
كارما : يا سيدى ياسيدى دا انا كدا اروح ليزيد وداليا وبتحول بعنيها .... واقول لهم جوزونى لعريسى يا ابوى أحب على يدك يا أماى
مريم : 😂😂😂😂 ايوا أستمرى سلام بقى ....
مر الوقت سريعا الى أخر النهار وعلى صعيد أخر
******************
شريف : يا باشا المكان أكيد المعاد لسا
حسن : خليك مصحصح يا شريف
شريف : أمسك الفلوس دى
حسن : ليه
شريف : بطرف عينك وركز عل يمينك
حسن : هما ورانا
شريف : ايوا المقابله دى تاكيد انك معانا زى ما محى باشا بلغك
حسن : طيب هات أخر التطوارات ايه
شريف : أنت فى عين المدفع وها تبقى تحت ايدهم قريب قوى ..... خلى بالك اوعى تغلط مهما حصل .... انا مش ها اقدر اوضحلك أكتر من كدا
حسن : لا ما تقلقش خلى بالك عل نفسك أنت بس
شريف : بأبتسامه ومره واحده عالى صوته لا ياباشا كفايه كدا الدفعه الا انت طالبها دى كبيره قوى واحنا لسا بنقول يا هادى
حسن : دا الا عندى وسابه ومشى ......... ودخل للقائد محى مكتبه تمام يا فندم
محى : أتفضل يا حسن عملت ايه
حسن ؛ كله تمام والمكان...هو.. هو ما أتغيرش بس المعاد مش معروف ودى الفلوس الا ادهالى شريف
محى : كدا يبقى هما وراه
حسن : فعلا ...... حاليا بقى انا ها ابتدى أتحرك بالقوه الا معايا بس طبعا بعد ساعتين تلاته ها يبتدى توزعهم فى المنطقه الا ها يتم فيها التسليم
محى : رعد وابراهيم ومصطفى وحمزه جاهزين هما كمان ومستنين الاشاره للمكان ...... خلى بالك على نفسك وما تخاطرش
حسن : سبها على الله يا فندم بعد اذنك وادى التحيه وقام يتحرك برجالته ويحصل زمايله
******************
رعد : مصطفى فى حركه غريبه بتحصل
مصطفى : ايوا انا متابع كويس والغريب ان هشام بنفسه ومعاه واحد أجنبى وللاسف ملوش صور معانا
رعد : حمزه سامعنى
حمزه : سامعك حول
رعد : راقب كويس العربيات الا داخله من جهة الشمال
حمزه : تمام يا فندم علم وينفذ
ابراهيم : رعد حسن أستقر فى المكان المتفق عليه بس معقول فى تسليم دلوقتى
رعد : خلينا جاهزين لأى حاجه ممكن تحصل واتواصل مع حسن وبلغه ان فى 6 عربيات دفع رباعى داخلين ورا بعض
ابراهيم : علم وينفذ ..... حسن فيها ايه العربيات الا داخله ورا بعض
حسن : فى حاجه مش مظبوطه بتحصل البضاعه مش فى العربيات
ابراهيم : معقول كل العربيات دى فاضيه
حسن : ابراهيم السلاح مش داخل لليبيا
ابراهيم : ازاى معلومتنا انه ها يتهرب عن طريق الحدود المصريه الليبيه الى داخل ليبيا
حسن ؛ يا ولاد........ السلاح جاى عن طريق ليبيا وداخل لمصر نفسها بص السلاح بيتحمل من جوا المخبئ او النفق ورا العربيه الحمرا
ابراهيم : بصدمه تابع يا حسن وانا ها ابلغ باقى الجهات
رعد : بتقول ايه يا ابراهيم العربيات الا فى جهة الشمال عند حمزه بتنزل سلاح وبتحمله فى العربيات الا المفروض ها تخش ليبيا معقول بيسلمو صفقتين فى وقت واحد
حمزه : لازم نهجم دلوقتى
مصطفى : فى عربيه تانيه فيها كل صور الاجانب الا معانا ورايحين عل هشام والراجل الا معاااه
حسن : خلى فى تأمين خارجى قبل الهجوم
رعد : حسن سامعنى
حسن : سامعك حول
رعد : جاهز أنت وحمزه
حسن : جاهزين
رعد : ابتدى الهجوم عايزين الاجانب كلهم أحياء
حسن ؛ علم وينفذ وبدء الهجوم من جهة حسن واتفتح ابواب جهنم من الطرفين .....
مصطفى : بصدمه السلاح دا كله لينا .... دا فخ معمول لنا احنا
حسن : أنسحب يا مصطفى وغطى على الباقى عشان ينسحبو
رعد : فى رجاله وقعت عندك يا حمزه
حمزه : ايوا فى .... بسرعه سيطرو على جهة اليمين انا شايف حركه مريبه فيها احنا معمول لينا فخ وهما على علم بوجودنا
وبدئت حاله من الهرج بتحصل وكل الاسلحه الا كانو بيحملوها بدئو يتعاملو بيها ورجاله كتير بتنزل من العربيات التانيه وجاهزه للضرب يعنى كان المقصود هما .........
هشام : ايوا كدا يا رجاله...
جون : لازم ناخدو انهارده دى اوامر لازم ننفذها حتى لو ها نصفى كل الا معاااه ( الحوار باللغه الانجليزيه )
هشام : الخطه ماشيه تمام لحد كدا واكيد ها يقع فى ايدينا
جون : إستيفان أنت ومارك وشريف إهجمو عليه وهاتوه وهى القوات التانيه مشتبكه معانا
إستيفان : أمرك جون
هشام : كل يوم بتثبت انك راجلنا يا شريف اتحرك ياله بسرعه قبل ما ينسحبو
شريف : أمرك يا باشا واتحركو ينفذو الا جاين عشانه
****************
ابراهيم : فى اصابات عندى محتاج دعم عشان انسحب
رعد : انا فى الطريق ليك ابتدى الانسحاب ياله وانا ها أشتتهم انا ورجلتى
مصطفى : الحق يا حمزه بيهجمووو على حسن فى رجاله معاه وقعت
حمزه : بدء يتحرك وأمر بأنسحاب الرجاله بتاعتو وهو راح لحسن يلحقو ومره واحده مصطفى انضم ليه بعد انسحاب رجالته هو كمان عشان الاصابات مش تزيد
حسن : محمد خد المصابين وانسحب فورا وانا ها أغطى عليكو
محمد : أحد المجندين من رجالة حسن لا يافندم مش ها نطلع من غيرك
حسن : بصوته كله نفذ الامر فورا
محمد : تمام يا فندم وبدء ينسحب وأخد المصابين هو وزمايله
حسن : لسا ها يتحرك هجم عليه إستيفان ومارك وشريف وضربوه على دماغه وواخدينه
حمزه هجم عليهم هو ومصطفى بس للاسف اتصابو من الا حواليهم حمزه فى كتفه ومصطفى فى رجله ورعد وابراهيم وصلو ليهم بعد ما أمنو خروج الباقين ...... وكان فى ظرف دقايق حسن مختفى هو والا معاااه
حمزه : بصوته كله حسن .... حسن يا ولاد الكلب وعمال يجرى يمين وشمال هو ومصطفى المتحامل جدا على رجله المصابه ...... وبصعوبه شديده لما ابراهيم ورعد قدرو يسيطرو عليهم وياخدوهم معاهم....... بعد ما قدرو يقبضو على اتنين من الاجانب الا معاهم ...... وانسحبو من المكان فورا .......
*******************
مريم : أتخنقت وقلبها أتقبض مره واحده وهى فى البيوتى سنتر وقعدت بإهمال فى الارض
كارما : مالك يا مريم فى ايه
مريم : مش عارفه مرعوبه عل حسن يا كارما نفسى أطمن قلبى مقفبوض قوى
كارما : طيب إهدى وخدى نافسك ان شاء الله خير انا مرعوبه لوحدى يا مريم
مريم : بدئت تشهق وتعيط جامد يارب أسترها يارب وطمنى عليه
********************
أحمد : هو مصطفى مكلمش حد بردو
سالى : لا يابابا خالص انت مش عارف توصلو
أحمد : حاولت ومعرفتش أى حاجه انتى عارفه أخوكى لا يمكن يقولنا تحركاته
سالى : فعلا لحد شغله ومحدش يعرف عنه حاجه
أحمد : ومعتز جه والا لاء
سالى : جه ونزل تانى عشان رايح لهنا ربنا يسعده
أحمد : يارب يسعدكم كلكم ويطمنى على مصطفى
**********************
محمود : كوباية الشاى وقعت من ايده مره واحده
صفيه : قلبها مقبوض قوى ... لا ياحج عايزا أطمن على ابنى قلبى بيقولى انه فيه حاجه
محمود : بقلق ربنا يسترها يا صفيه ما تقلقنيش عليه
صفيه : لا والله ابنى جراله حاجه انا حاسه بيه يا محمود وبدئت تعيط
محمود : بصوته كله فيها انتى بتفولى على ابننا يا صفيه أستهدى بالله بقى وقومى خلينا نصلى ركعتين ربنا يحميه بيهم
**********************
مصطفى : حسن يارعد ليه سبتوه فى ايدهم ضربوه وخدوه
رعد : مش ها نقدر عليهم يابنى اهدى مش ها ينفع تعامل دلوقتى الموضوع كله غدر فى غدر
حمزه : بصوته كله ازاى يتلعب بينا كدا انتو بتضحو بينا كلنا ورايحين لفخهم برجلينا فين المخابرات هاااه وهو مش شريف دا كنت واثقين فيه
ابراهيم : يارجاله فى حاجه غلط أكيد لا يمكن ها يضحو بينا بالسهوله دى
مصطفى : ها نرجع ازاى من غيره ها نقول ايه لعروسته وامه وابوه انطقوووو
رعد : ياريت تهدو احنا متوقعين أى حاجه كان ممكن نكون كلنا زى حسن وانتو ازاى بالأصابات دى ترفضو تروحو مع الاسعاف
حمزه : انا مش ها اتعالج قبل ما أفهم ايه الا حصل
مصطفى : وانا كمان والاتنين الأجانب فين دلوقتى
رعد : المخابرات أستلمتهم رفضو يفضلو معانا
مصطفى : اه يعنى احنا ها نبقى زى الطرش فى الزفه ودخلو على مكتب القائد محى بعد ما وصلو ورعد مسند مصطفى
محى : بخيبة أمل ماكنش عندنا علم بدا كله وحسن ها يرجع دا وعد
مصطفى : ازاى وشريف دا ايه هاااه ... انت عارف كام راجل وقع دا لولا اننا على كفاءه عاليه مكنش حد ها يخرج حى مننا كلنا ازاى .....
محى : الحمد لله مفيش وفيات وكلها اصابات اه فى منها حرج بس ان شاء الله ها يعيشو ......
حمزه ؛ حسن فين دلوقتى مش بتقول المخابرات مشاركه
محى : محدش عنده علم حاليا هو فين او بيعملو معاااه ايه
مصطفى : دا تهريج ولعب بينا احنا
*********************
تابعووووووني
رواية زواج لدقائق معدودة كامله من هنا
رواية خيانة الوعد كامله من هنا
رواية الطفله والوحش كامله من هنا
رواية جحيم الغيره كامله من هنا
رواية مابين الضلوع كامله من هنا
رواية سيطرة ناعمه كامله من هنا
رواية يتيمه في قبضة صعيدي كامله من هنا
الروايات الكامله والحصريه بدون لينكات من هنا
إللي خلص القراءه يدخل هيلاقي كل الروايات اللي بيدور عليها من هنا 👇 ❤️ 👇
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
الصفحه الرئيسيه للروايات الجديده من هنا
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
تعليقات
إرسال تعليق