رواية عندما يعشق الفدائي الحلقه الاولى والثانية بقلم الكاتبه لبني طارق حصريه وجديده على مدونة النجم المتوهج للروايات والمعلومات
 |
رواية عندما يعشق الفدائي الحلقه الاولى والثانية بقلم الكاتبه لبني طارق حصريه وجديده على مدونة النجم المتوهج للروايات والمعلومات
الحلقة_الأولى
فى إحدى القرى الريفيه التى يعيش فيها كثيرا من البسطاء لا يحملون فى قلوبهم سوى الحب.... فلا تعنى لهم المظاهر شئ.... وخصتا الجيل القديم....
فا فى هذه القريه كان يسكن بطلنا قبل تقدمه للحربيه منذ زمن فلا يتردد كثيرا على قريته رغم وجود عائلته المحبه له كثيرا فا هو ابنهم الوحيد ويقدرون غيابه لظروف شغله ....ويذهبو لرؤيته وهو يأتى أحيانا ...
حسن شاب 30 سنه لم يتزوح طويل القامه جسد رياضى بملامح شرقيه جذابه وعيون خضراء حقا وسيم للغايه يهتم بمظهره لأبعد الحدود يقيم فى القاهره حاليا وذلك لظروف عمله الذى يتطلب منه ذلك يعشق والدته ووالده ولا ينكر فضلهم عليه فكم تمنو له أن يكون من أفضل الناس الى ان تحققت أمنتيتهم وظل يعمل ويجتهد حتى بقى هو من أفضل ضباط السيل المصريه برتبة رائد وميسور الحال
له شروط خاصه فى فتاة أحلامه
والده الحج محمود : يمتلك ارض زراعيه ليست كبيره ويعمل فيها عدد صغير من الفلاحين
والدته الحجه صفيه : ربة منزل تعشق زوجها محمود وابنها حسن التى تحلم بزواجه ليل نهار ...... فا هى تريد ان أترى أحفادها وتتمتع هى ووالده بهم
************
صفيه : صباح الخير يا أبو حسن
محمود : صباح النور يا صفيه جهزتى الفطار عشان ها أقوم أصلى واروح الارض ها نجمع المحصول انهارده إن شاء الله
صفيه : ايو يا حج الفطار جاهز والغدا ها أعمله واجيلك الأرض بعد الضهر ان شاء الله
محمود : تنورى يا أم الغالى انتى عارفه بحب اتفائل بوشك الحلو فى جمع المحصول
صفيه : هههههه يوه جتك ايه يا حج لسا كلامك حلو زى ما أنت ربنا يخليك ليا يا أغلى الناس
محمود : ويخليكى يا أم الغالى يارب وهما للوضوء والصلاه
صفيه : بقولك يا حج انت مش ها تفاتح حسن فى الجواز بقى كفايه عزوبيه ابنك مش صغير وعايزين نشوف ولاده حوالنا مش كفايه بعده عننا
محمود: اه والله يا صفيه الواد دا ها يجننى هو يشاور بس وانا أجوزه من بكره
صفيه : لا يا حج احنا عايزين بت طيبه و تحبنا انت عارف انا عاوزه أجوزه لمين بس هو يوافق
محمود : ها أكلمه تانى يا صفيه البت حلوه ومربربه وتملى العين ومتعلمه وها تبقى مهندسه بس انا سامع انا ابوها نازل من إطاليا اليومين دول وها تسافر هى وأمها معاه
صفيه : جد يا حج دا البت دى طالعه من عينى أدب وأخلاق وعينها ما بتترفعش فى حد انت لازم تكلم ابنك يجى عشان نطلبها له
محمود : ان شاء الله ها أقوم انا بقى الحمدلله اللهم دمها نعمه و أحفظها من الزوال
صفيه : أمين يارب بالهنا على بدنك
***********
مريم : ماما يا ماما قومى بقى
سعاد : ايه يا مريم بتصحينى ليه دلوقتى
مريم : ياماما فين الطقم الا كاويته باليل عايزا أسافر أجيب ورقى من الكليه عشان بابا أكد عليا ان كل الاوراق الا ممكن احتاجها هناك تكون معايا
سعاد : فى دولابك يا مريم انا طبقته ورصيته جوا الدولاب انتى عارفه ما بحبش أشوف هدوم برا أخوكى صحى والا لسا
مريم : ادهم ها يصحى دلوقتى دا عايزا فرقه تصحيه انا ها البس وأمشى بقى عايزا حاجه يا ست الكل
سعاد : ربنا معاكى يا حبيبتى خلى بالك على نفسك
*********
مريم بنت جميله جدا جسمها مليان شويه بس دمها خفيف خلصت كلية هندسه وعندها 24 سنه ملتزمه والدها مسافر ايطاليا ويعمل هناك مهندس وأسمه عماد وقرر انه يرجع ياخد عيلته تعيش معاه هناك لانه مش ناوى يرجع الا هما سعاد .... وادهم ابنه الكبير عنده 27 مخلص كلية تربيه ..... ومريم
***********
مريم : حبيبتى يا كارما وحشتينى قوى
كارما : وانتى كمان يا مريم وحشتينى انتى جايه تسحبى ملفك زيي
مريم : ايوا يا ستى خلاص بابا قرر اننا ها نعيش معاه هناك وانا مش عايزا أسافر عايزا أعيش هنا يارب ما أسافر يارب
كارما : وانتى ايه الا يجبرك يا بنتى
مريم : بابا بيقولى عشان مستقبل أخوكى وانتى كمان وأهو نبقى معاه وجمبه
كارما : مش عارفه توقعى واد حليوه كدا وتتجوزيه وتفضلى هنا
مريم : هههههه واد حليوه ها أمشى أصطاد وكمان الحليوه دا ها يتجوزنى وانا تخينه كدا يعمل بيا ايه
كارما : دا أنتى قمر يا بنتى هما انتصو فى نظرهم اعملى رجيم وخسى وحطى رجل على رجل وأختارى
مريم : ما انتى عارفه عملت كتير وما نفعش انا عايزا أشتغل ويبقى ليا أسمى بس كان نفسى يبقى هنا انا بحب بلدنا قوى
كارما ؛ عارفه ياختى فقر من يومك
مريم ؛ انا لازم أمشى بقى أشوف وشك على خير وسلمو على بعض بأحضان حاره على أمل اللقاء مره أخرى
*********
حسن : هى شكلها مفهاش أجازات يا مصطفى كان نفسى انزل لأبويا وأمى وحشونى قوى
مصطفى : يا واد يا نمس قول ان المزز هى الا وحشتك
حسن : ههههه هما وحشونى بس مش زى أبويا وأمى دول أكتر المهم انا ها أقوم أكلمهم قبل ما نتحرك انت عارف التليفونان كلها ها تتقفل
مصطفى : قوم ياله وانا كمان ها أقوم أكلم أهلى دا أسبوع الجحيم وبعد ما نخلصه ها ندخل فى تدريبات أكتر من شهرين ربنا المعين
حسن : دا شغلنا يابنى ولازم نطلع رجاله يعتمد عليها تقف فى عين الشمس تسده ربنا معاهم ومعانا
**********
حسن : عامله ايه ياست الكل وحشتينى قوى يا صفصف
صفيه : انت أكتر يا قلب امك ها اشوفك أمتى يا حبيبى وبتعيط
حسن : كدا انا ازعل منك بتعيطى ليه دلوقتى
صفيه : من بعدك يا حسن انا معنديش ضنا غيرك ونفسى افرح بيك انا وابوك قبل ما نموت يا حسن
حسن : بعد الشر عنكم يا أما انتى بتدايقينى ليه طيب والله ظروف شغلى كدا اعمل ايه طيب
صفيه : ولا حاجه يابنى بس فرحنا بيك وباولادك نحس ان نافسك معانا يا حسن
حسن : ايدى على كتفك يا ست الكل
صفيه بجد يا حسن دا انا عندى ليك عروسه جميله ومؤدبه ومتعلمه تعليم عالى بس أنت لازم تيجى قبل ما تسافر مع ابوها
حسن : تسافر فين يعنى خلاص شوفى واحده غيرها مش لازم هى انا مش ها انزل قبل شهرين
صفيه : شهرين ياحسن ليه كدا يابنى دا تكون سافرت وانا مش ها تملى عينى غيرها
حسن : هى حلوه قوى كدا
صفيه : قوى يا حبيبى وزينة البلد كلها
حسن : خلاص يا أم حسن روحى انتى وابويا اتقدمى لها ولو وافقو أعرضو عليهم انى أتجوزها بس أبويا يكتب الكتاب بالتوكيل العام الا معاه وخليها منوره عندك يا أم حسن لحد ما اخد الاجازه وانزل لو أهلها سافرو ايه رايك
صفيه : ها اقول لابوك ونروح لأهلها ويارب يوافقو يابنى
حسن : أدام حلوه ومتربيه ومتعلمه كدا يبقى اتوكلى على الله انا لازم أتجوز الا تختريها انتى يا غاليه
صفيه : ربنا يريح قلبك يا حبيبى ويجعل قدمها قدم خير عليك يارب
حسن : هههههه مش لما يوافقو الاول مستعجله على ايه سلملى على ابويا اكيد مش عندك
صفيه : ها يوافقو ان شاء الله ها يلاقو أحسن منك فين حاضر ها أسلملك عليه وانت أخر النهار اتصل وفرحو بنفسك
حسن : عنيه سلام ياما
صفيه مع السلامه يا حبيبى
**********************
دخلت مريم البيت بعد رجوعها من الجامعه
مريم : السلام عليكم
أدهم : وعليكم السلام ورحمة الله وبركاته حمد الله على السلامه
مريم : الله يسلمك ... ماما فين
ادهم : نزلت تشترى طلبات للاكل انتى عارفه عايزا تعمل لأبوكى وليمه تستقبله بيها بكرا
مريم : انت ها تقولى وانا أدبس مش دا ابوكى حبيبك يا مريم طيب ماهو جوزك يا سعاد لا حبيبتى لازم يجى يلاقينى منوره فى عيونه وقمر 14 مش تعبانه وريحتى كلها أكل
ادهم : هههههههه انتى الا بتدفعى الضريبه أستحملى بقى
مريم : بقولك ايه يا ادهم ما تقنع بابا نفضل هنا عشان خاطرى
ادهم ؛ انا .... دا انا نفسى اسافر انهارده قبل بكرا ها أقعد أعمل ايه هنا ازود عدد القهاوى واحد انا ماصدقت انك خلصتى..... عشان نعرف نسافر انتى بتحلمى
مريم : كدا يعنى مفيش منك أمل
ادهم : لا أمل ولا سيد ابعدى عنى
**********
صفيه : جد يا حج والله ابنك موافق وقالى كمان تكتب عليها بالتوكيل العام الا معاك لانه مش ها يقدر يرجع دلوقتى خالص
محمود : والله فكره اصل كل ما يشوف واحده يطلع القطط الفاطسه فيها بس تفتكرى ها تعجبه يا صفيه البت مربربه وابنك ما بيحبش التخان قال ايه عايز مزه انا مش عارف الواد جراله ايه
صفيه : لما يعاشرها ها يحبها مش كل حاجه الجسم يا حج منا تخينه أهو وحشه فى عينك وإلا حاجه
محمود : انتى الخير والبركه انتى لو اد كدا مرتين ها احبك بردو يا صفيه
صفيه : ههههههه مش عارفه الواد مش طالعلك ليه
محمود : ما بيفهمش فى الحريم سيبك منه ها نروح للجماعه لما ابوهم يوصل بالسلامه
صفيه : على البركه
********
مر أسبوع الجحيم بعد تدريبات شاقه للغايه
مصطفى : حسن تعالى نروح على الخيمه نريح شويه
حسن : تعالى ياله دا أخر يوم ليهم خلاص الحمد لله العيال كلها تمام وأستحملت وعدت ..... الا جاى عليهم أسهل بكتير هما كدا تمام
مصطفى : ايوا الحمد لله امك عملت ايه فى العروسه وبيغمز له أكيد مزه خلاص ها تودع العزوبيه
حسن : قول يارب وخليك فى حالك دى ها تبقى مراتى فاهم
مصطفى : فاهم ياعم بس لو طلعت حلوه ها أخلى امك تجوزنى ...😂😂
حسن : انت راشق فى اى حاجه
مصطفى : الصراحه اه
*********
محمود: جاهزه يا صفيه انا بعت خبر للجماعه وهما مستنينا
صفيه : جاهزه يا حج وهمو الى الذهاب لمنزل مريم
سعاد : افتح الباب يا أدهم
أدهم : حاضر وفتح أهلا أتفضل
عماد : خرج لأستقبالهم أهلا أتفضل يا حج محمود انت والحجه صفيه
محمود : حمد الله على السلامه يا راجل والله ليك وحشه
عماد : الله يسلمك انتو اكتر والله
صفيه : حمد الله على السلامه
عماد : الله يسلمك
سعاد نورتونا والله
صفيه : دا نورك يا حبيبتى
محمود : أنا جاى لك وطالب ايد بنتك لأبنى حسن
عماد : هو مجاش معاك ليه يا حج
محمود : والله انت عارف ظروف شغل الظباط بتوع الجيش وهو مش قاعد هنا ومش ها يقدر ينزل قبل شهرين وعرفت انك ها تسافر انت والعائله الكريمه فا طلب أجى اتقدم بالنيابه عنه
عماد : ما شاء الله حسن بقى ظابط بص انا مش ها أخبى عليك موضوع الجواز بالذات فى ايد بنتى يعنى هى لو موافقه انا معنديش مانع وكمان احنا ها نسافر بعد شهر ومش ها ينفع أقعد يوم واحد تانى لظروف شغلى بردو
محمود : انا عارف كل حاجه عروستنا لو وافقت وانت وافقت ابنى عاملى توكيل عام ها اكتب عليها بالتوكيل لحد ما هو يرجع وانتو تبقو مطمنين عليها معايا احنا ها نبقى أهلها
عماد : عارف و والله يا حج محمود انت سمعتك زى الجنيه الدهب وأكيد ابنك ما يتخيرش عنك
صفيه : طيب نادى العروسه تشوف صورة عريسها واحنا نسلم عليها ونشوفها وابقى ردو علينا على مهلك
سعاد : عنيه يا حبيبتى وبتنادى على مريم الا اتصدمت من كل الكلام الا سمعته وفرحت ان دى فرصه ها تخليها مش ها تسافر وهى أصلا معجبه بحسن الا شافته كذا مره بس هو عمره ما خد باله منها لا كدا ادام باعت أهله يبقى هو كمان شافنى ومعجب بيا
مريم : بكسوف نعم يا ماما تعالى سلمى يا حبيبتى على عمك محمود وطنط صفيه
مريم : أهلا يا عمو
محمود : بسم الله ماشاء الله ربنا يجعلك من نصيب ابنى
مريم : أهلا يا طنط
صفيه : تعالى فى حضنى يا عروسة ابنى ان شاء الله
عماد : هههههه شكلك مستعجله قوى يا حجه مش لما نعرف رأيها
صفيه : ان شاء الله ها توافق انا قلبى حاسس بالراحه والوفاء
سعاد : ربنا يقدم الا فيه الخير
محمود : يارب نسيبكو احنا بقى ودى صورة حسن ابنى اتفضل يا عماد
عماد : لا لازم تتغدو معانا كدا عيبه فى حقنا انا سافرى ما نسانيش الاصول
محمود : انت ابن أصول عشان كدا عايزين نناسبك معلش أعفينى بقى بالاذن
عماد : يومين ان شاء الله وها ارد عليك فى طلبك
محمود : وانا مستنى عشان ابلغ ابنى
************
كارما صديقه مريم المقربه فتاه مرحه بجسد متناسق محبه للحياه وحيدة ليس عندها أخوات والدها صاحب شركة عقارات ووالدتها صاحبة مركز تجميل كبير
**********
كارما : بابا ايدك عل 5 الاف جنيه
يزيد : نعم ليه ان شاء الله
كارما : العربيه بتاعتى عايزا تتصلح ولازم أعملها ما بعرفش أمشى من غيرها
يزيد : بس كدا ولا يهمك يا ستى العربيه ها تتصلح انهارده والفلوس خديها أعملى أحلى شوبنج
كارما : حبيبى وربنا ايدك بقى قبل ما ترجع فى كلامك
يزيد : ههههه امتى رجعت فى كلامى يا بت انتى
كارما : دا انا الا ها ارجع فى كلامى ركز يا باشا ما تبقاش حمقى
يزيد : باشا وحمقى صبرنى يارب خدى قبل ما اغير رأى فعلا
كارما : ياخد عدوينك يا جميل
يزيد : بتفكير هى دى بنتى ممكن تكون أتغيرت فى المستشفى لا لا هى بنتى شبه امها الخالق الناطق
*********
سعاد : دخلت الغرفه على مريم هاه يا ست مريم ايه رايك فى الكلام دا
مريم ؛ بتبص لمامتها ومبتسمه
سعاد : شكلك موافقه
عماد : دخل لها وقعد جمبها وحضنها بأيده وبيبوسها من خدها كبرتى يا مريم وببجيلك عرسان
مريم : .......
عماد : بخبث انا بقول تسافرى معانا بلا جواز وشيل مسؤوليه
مريم : بتسرع لا يا بابا انا موافقه
سعاد وعماد : هههههههه وعامله فيها مكسوفه
عماد : بس هو مش ها يحضر يا مريم واكيد مش ها يعملو فرح وها يبقى جواز على طول
مريم : مش مهم الشكليات دى يابابا انا مرتاحه ودا المهم
سعاد : ربنا يسعدك يا حبيبتى واكيد ها ننزل نشوفك ونطمن عليكى
عماد : هو انا عندى كام مريم لازم أشوفها واطمن عليها واهو النت بيقرب البعيد
مريم : ان شاء الله يابابا انا ها أكلمكو كل يوم عل الفيس
سعاد : شوف البت دى مستعجله بقى
عماد : تستعجل انتى مش شايفه العريس عامل ازاى بس بنتى قمر حبيبتى ها توحشينى قوى يا مريم
مريم : حضنت بابها قوى وانتو كمان والله كان نفسى كلنا نبقى مع بعض هنا
***********
حسن : تمام يا فندم
قائد المجموعه : اتفضل يا حسن احنا ان شاء الله بكرا ها ندربهم عل القفز من الطياره ولازم تأهلهم لدا عشان مفيش تراجع ولا خوف
حسن : علم وينفذ يا فندم
قائد المجموعه : اتفضل أنت واى جديد ها أبلغك
حسن : تمام يا فندم وانصرف من أمامه
مصطفى : هاه بكرا قفز ولا سباحه
حسن : قفز
مصطفى : تمام ها اروح ابلغ الشباب بالوضع ها يكون ازاى
حسن : انا جاى معاك ياله
حسن : عاملين ايه يا شباب
المجندين حديثا وتحت التدريبات لتهيئتهم ضباط لفرقة السيل
تمام يا فندم
حسن : طبعا انتو اثبتو انكو رجاله يعتمد عليها بس كنت عايز اقول لكم ان دى بداية الطريق ليكم كلكم عايزين منافسه شريفه تقولو بيها للعالم كله اننا موجودين واكفاء ضباط ها تخرج من هنا ان شاء الله بكرا تجربه جديده ها تعشوها مع بعض وهى القفز الحر مفيش مكان للخوف جوا قلوبنا الخوف بيموت نجاحك كا ضابط وبيكتب بداية فشلك سامعين
المجندين : سامعين يا فندم
مصطفى : كدا تمام انا ها ازود على كلام الرائد حسن كلمتين خلى هدفك هو الحافز الوحيد لنجاحك عشان تقدر توصل بسهوله حبك لبلدك خليه هو الدافع الأكبر إنصراف
جميعم : تمام يا فندم وانصرفو
****************
بقلم : لبنى طارق
... يتبع
مين هيتابع الرواية القمر دي😍هلاقي تفاعل جامد علي الحلقة الأولى ولا اخد الرواية وارجع 😂 عايزة تفاعل جاااامد شجعوني أكملها 🎉😍💪#الحلقة_الثانية
مر يومين على جميع أبطالنا فلا يوجد جديد سوى العمل والتفانى فيه
***********
سعاد : خفى شويه يا مريم بابا عايز ينزل عشان يخلص لنا باقية الاوراق
مريم : انا ها أحط الفطار أهو يا ماما 5 دقايق بس
أدهم : بضحك ست بيت فاشله من اولها كدا ها تسودى وشنا قدام الناس
عماد : أخرس يا واد أنت أختك أحسن واحلى ست بيت فى الدنيا كلها
مريم : انت حبيبى أنت .....وناصفنى ان شاء الله هاتقع فى واحده يا أدهم مش ها تعرف تعملك بيضه
ادهم : انا راجل متحضر يا بنتى وها أجيب لها دليفرى
عماد : أتوكس يبقى ها تبقى لاجئ عند أمك 24 ساعه
سعاد : ههههههه بس يجى وانا أطرده هو وهى
ادهم : كدا يا سعاد ما طمرش تأوير البتنجان والكوسه
مريم : المشرد هههههه ابقى تعاللى وانا أكلك شفقه
ادهم : أستنو كدا امد ايدى وكل واحد يدينى قرشين لله
كلهم : ههههههههههه
مريم : الفطار جاهز
عماد : مريم انا ها اعدى على الحج محمود عشان أبلغه ردك خلاص والا غيرتى رأيك فى حاجه قبل ما نتكلم مع الناس
مريم : لا يا بابا خلاص انا موافقه
ادهم : خلاص ها تتجوزى وتسيبنا يا مرمر انا قولت ها نبدع انا وانتى فى ايطاليا سنيوريتا
مريم : والله ها توحشونى وخصوصا أنت ورخامتك ياه أخيرا ها أعيش من غير رخامه ياربى
سعاد : هههههه ربنا رحمك
عماد : للدرجه دى
ادهم : ما تخلو حد يتبنانى أحسن
سعاد : بطل رغى وقوم البس ياله عشان تنزل مع ابوك
***********
كارما : سبينى بقى يا ماما عايزا انام هو انا وريا حاجه
داليا : قومى بطلى كسل ها تاخدى على كدا انتى ها تنزلى معايا المركز من إنهارده تساعدينى لحد ما تشتغلى
كارما : ياماما مش عايز أشتغل فى البيوتى سنتر .... سبينى بقى انام
داليا : قولت ها تنزلى معايا يعنى ها تنزلى
يزيد : قومى يا كارما أسمعى الكلام
كارما : هى كدا مفهاش نوم قايمه الاتحاد السوفيتى عليا
يزيد : يا بنت لمى لسانك دا شويه
كارما : صباح الخير يا جميل أنت والله بحبك ومش بقدر على زعلك أنت بالذات
يزيد : اه يا بكاشه أضحكى عليا أكيد عايزا حاجه
داليا : يعنى اطلع منها أنا ماشى يا ست كارما
كارما : لا دا أنتى أحلى وارشق وأجمل أم انتى الدلع كله يا دودو
داليا : ميرسى
يزيد : كدا يبقى المبلغ كبير
كارما ؛ وهى ماشيه وبحركات مضحكه لا أنا ها أشتغل من انهارده وها يبقى عندى مالى الخاص وسعولى كدا يا جماعه
داليا ويزيد : هههههههه يخربيت جنانك
يزيد : باس داليا انا ها أمشى انا يا حبيبتى عايزا حاجه
داليا : اوعى تتاخر
يزيد : حاضر سلام
***********
أخر النهار فى ارض محمود
عماد وادهم : السلام عليكم
محمود : وعليكم السلام ورحمة الله وبركاته اتفضل ياعماد اتفضل يا بنى يا على هات كرسى نقعد عليها هنا
على : عنيا يا حج
عماد : انا قولت أعدى عليك أبلغك اننا موافقين
محمود : بجد دا صفيه ها تفرح قوى والعروسه كل الا نفسها فيه ها يجلها إن شاء الله
عماد : ن
تشرفنا بكرا ان شاء الله نتفق على كل التفاصيل
محمود : ان شاء الله ربنا يتم عليهم بخير
ادهم ومحمود : أمين يارب
وروح محمود وفرح صفيه بالخبر وحاولو يكلمو حسن عشان يبلغوه بالموافقه وان كل الامور تمام وحصل
***********
مصطفى : مبروك يا حس يا جامد وعقبالى
حسن : انا ها أخلص من قرك انا لازم أجوزك قبلى مش عايز أخسر نفسى
مصطفى : انا ها اتجوز الا يخترها قلبى
حسن : وانا ها تجوز الا أخترتها أمى
مصطفى : ههههههه حلوه
حسن : هو حمزه ها يرجع من الاجازه أمتى
مصطفي : يوم السبت والله وحشنى
حسن : وانا كمان طول قوى المره دى كل مره كان ما بيكملش نص الاجازه وتلاقيه جاى جرى
مصطفى : ها تلاقى الصناره غمزت المره دى
حسن : تفتكر بنت خالتو رضيت عليه
مصطفى : قول يارب والله صعبان عليا انا مش عارف متمسك بيها ليه وهى ولا هى هنا
حسن : القلب وما يريد تفتكر ها أحب الا ها يجوزوها ليا دى عندى فضول أشوفها قوى حتى لو صوره
مصطفى : الله أعلم انت حاليا قدام الأمر الواقع
************
ومرت الايام بعد اتفاق .....عماد ومحمود عل تفاصيل الزواج
واقترب معاد كتب كتاب مريم قبل سافر عائلتها ..... والانتقال الى حياه جديده لا تعرف هل سا تكون سعيده كما تمنت ..... أم سا يتغير كل شئ ضدها وضد ورغابتها
********
سعاد : كله تمام يا مريم والشنط بتاعتك كلها جاهزه وحضنت مريم قوى وفضلت فى حضنها بعد ما تم كتب الكتاب
عماد : تعالى يا حبيبتى عايزك
مريم : حاضر يا بابا
عماد : خدى دا دا تمن جهازك الا مجاش كنت شايله ليكى على جمب وسحبت الفلوس من البنك وفتحتلك حساب بأسمك
مريم : بس دا كتير قوى يا بابا
عماد : مش كتير عليكى يا حبيبتى الفلوس دى لأى ظروف ها تسندك احنا مش ها نكون جمبك وانا الحمد لله معايا الا يكفينا وأكتر ما تقلقيش
مريم : حضنته جامد وعيطت بحرقه معقول خلاص ها تسبونى
عماد : عمرنا ما ها نسيبك ابدا حققى حلمك ما تخليش الجواز يوقفك عايز أسمع انك بقيتى أكبر مهندسه معماريه فى مصر والشرق الاوسط لا العالم كله
مريم : ههههه يارب يابابا
أدهم : سبلى شويه يا عم الحج تعالى فى حضنى والله ها توحشينى
مريم : وانت كمان اوعى تبطل تكلمنى
ادهم : انا أقدر اقولكم على خبر حلو
كلهم قول ...
ادهم : سمعت ان الحج محمود ها يعمل زفه كبيره قوى لمريم بكرا وهى راحه على بيته وجايب فرقه كبيره كمان عشان يفرح العروسه والكل يعرف انها بقت مرات ابنه
سعاد بفرحه لولولولوى
كلهم ههههههههه
مريم انا مجبتش فستان
عماد : أحلى فستان ها يكوم عندك انهارده
سعاد : انت كنت عارف
عماد ؛ كانت مفاجأه والغبى حرقها
ادهم : اوبا ياله مش خساره فيكو
**********
مر الليل سريعا وهى تفكر ...... هل سا تكون سعيده أم تسرعت فى قرارها ...... التى اتخذته من طرفها فقد بدون ان تراه وتعرف اذا كان هو يبادلها نفس الشعور بالراحه والأعجاب ...... فقامت وصلت وتقربت من ربها ......بأن يكتب لها الخير فى هى فى كل الاحوال راضيه بما يقسمه الله لها ......
*********
مريم : وحشتينى يا كارما قوى انا قلبت الدنيا على رقم التليفون بعد ما تليفونى اتسرق منى فى أخر مره قابلتك فيها ولقيت رقمك فى دفتر قديم عندى
كارما : طيب بتغيرى الرقم ليه يا بنتى ما رجعتيش الخط ليه انا زهقت اتصالات عليكى مقفول على طول
مريم : بابا جبلى تليفون جديد وبخط جديد فا قولت ملوش لازمه أصلا مفيش غيرك صحبتى
كارما : الحمد لله انك لقيتى الرقم المهم مش انا أشتغلت
مريم : مبروك امتى وازاى
كارما : هههههه ست داليا هانم صممت انى لازم أشتغل معاها لحد ما أشتغل فى تخصصى
مريم : انا بقى عندى ليكى أخبار كتير وقصت لها كل شئ
كارما : يا بنت اللذينه وقعتى فى الواد الظابط الحليوه الا كنتى بتحكيلى عنه وبقيتى مراته
مريم : ايوا بس خايفه قوى يا كارما هو مش بيجى البلد بقاله كتير واكيد مش عارفنى ولا يعرف انى مليانه شويه
كارما : أكيد أهله قالولو يا بنتى وغير كدا انتى جميله وتتحبى على طول خليكى واثقه فى نفسك انتى مش اوفر يعنى تعاليلى البيوتى سنتر وانا أظبطك
مريم : ههههههه ها تظبطينى ازاى يعنى
كارما : دا ماما طورته يا بنتى وبقى فى تخسيس وعلاج طبيعى ودكاتره عل أعلى مستوى
مريم : ها أفكر بس اكيد مش دلوقتى لما أتجوز وابقى جمبك هناك عشان أقدر أجى بسهوله
كارما : احم ها نستناكى يا مزه ياريت تحجزى من دلوقتى عشان المواعيد كومبليت أسم حضرتك والسن والوزن والطول
مريم ؛ حضرتك مريم عماد عبدالله السن 24 الوزن 85 والطول 160
كارما : دا انتى حالتك صعبه يا بنتى وقصيره كمان اوزعه يعنى
مريم : هههههه انا اوزعه يا الا تتشكى امال انتى ايه انا طولى مناسب وزنى الا مش مناسب
كارما : يابنتى والله انتى أحسن من غيرك كتير وشوية شغل وها تبقى ايه فله
مريم : يارب يا كارما ما تيجى انهارده
كارما : كان نفسى والله بس بلدك بعيده قوى خاليها لما تيجى هنا بالسلامه
مريم ان شاء الله سلام بقى
كارما : سلام
***********
محمود : جهزتى أوضة العروسه يا صفيه
صفيه : كله جاهز فاضل هى تيجى بالسلامه
محمود : الفرقه زمانها عل وصول الا باعت أجبها إحنا بقينا بعد العصر
صفيه : انا ها أمشى اروح للعروسه وها أستناك هناك
محمود : اول ما توصل الفرقه هاأجبها وأجى طوالى
**********
سعاد : خلصتى يا حبببتى الست صفيه عايزا تدخل تشوفك
مريم : ايوا يا ماما خلاص الميكب ارتيست خلصت
سعاد : أتفضلى يا صفيه اوضة مريم من هنا
صفيه : اول ما شافت مريم لولولولولوى تعالى فى حضنى يا عروسة ابنى عقبال الليله الكبيره وهو معاكى
مريم : .......
صفيه ؛ مبروك يا حبيبتى
مريم : الله يبارك فيكى يا طنط
صفيه : انا أمك قوليلى يا ماما
مريم : حاضر يا ماما
سعاد مبسوطه قوى هى عارفه ان صفيه ها تكون لبنتها أم فعلا لانها ست طيبه وحنينه ودا معروف عنها
ادهم : وصلت يا عروسه زفه جايه من اول البلد لحد البيت تحت
عماد : دخل لمريم وحضنها وكلهم سلمو عليها وحضنوها أحضان حاره فهم لم يتبقى لهم على السفر سوى يومين
عماد : خد مريم من ايديها ونزل بيها يسلمها قدام الناس لأبو العريس
محمود : سلم على عماد وحضنه ومسك ايد مريم وبدئو يتحركو فى موكب أستورى لهذه العروس التى سا تقضى هذا العرس بدون عريس وعلى أمل اللقاء لأكتمال فرحتها
صفيه : ادخلى برجلك اليمين يا حبيبتى نورتيا
مريم : بكسوف شكرا يا ماما
محمود : خدى راحتك يا حبيبتى احنا أهلك وديها اوضتها يا صفيه تغير وتصلى ركعتين ربنا يبارك فى حياتها الجديده
********
دخلت مريم حياتها الجديده التى ساتغير فيها الكثير واتى أهلها ليودعوها قبل سفرهم وغادرو على دموع ابنتهم التى سا تشتاق لهم كثيرا
********
حسن : انا بخير يا أمى الحمد لله أبويا عامل ايه
صفيه : الحمد لله يا حبيبى مبسوط قوى يا حسن مريم مليه علينا الدار عقبال ما تيجى لها بالسلامه يا حبيبى
حسن : بجد يا أمى طيب هى عامله ايه
صفيه : خد كلمها اهه ومريم خدت التليفون وصفيه قالت لها تدخل اوضتها عشان تبقى براحتها
حسن : عامله ايه يا عروسه معلش بقى كان نفسى ابقى معاكى
مريم بكسوف هى اول مره تكلمه الحمد لله وتيجى بالسلامه ان شاء الله
حسن : كلها 20 يوم على أمل اللقاء .... مرتاحه مع ابويا وأمى
مريم : مرتاحه جدا ناس طيبه وبيعاملونى كأنى بنتهم
حسن : رنى عليا من تليفونك عشان ابقى أكلمك فى كلام كتير عايزين نتكلمه يا مرمر حلو الدلع دا
مريم ؛ بكسوف وابتسامه هو لا يراها..... كل الا يطلع منك حلو
حسن : احبك انا كدا شكلنا ها نتفق والا ايه
مريم : ان شاء الله
حسن : لا إله إلا الله
مريم : محمد رسول الله وقفلت والدنيا مش سايعها أخيرا سمعت صوته وكلمته
صفيه : خلصتى يا حبيبتى
مريم : ايوا يا ماما اتفضلى التليفون بس هو ليه يا ماما مش بيتصل على طول
صفيه : يا حبيبتى بيكونو فى أماكن مفيهاش شبكه وممكن يفضلو فيها أسابيع وشهور كمان
مريم : ربنا معاه
صفيه : ايوا كدا ادعى لجوزك وحبيه عشان حياتك تبقى حلوه معاه
مريم : طيب ياله يا ست الكل نجهز الأكل ونروح لبابا الارض
صفيه : بس كدا ياحبة عينى ياله نخلص ونروح له
**************
داليا : كارما فى شكاوى كتير منك
كارما : دودو انتى عارفه بحب الالتزام جدا وادام انا بتعامل يبقى لازم يسمعو كلامى انا مشرفه على الجيم هنا والا أقوله يتعمل
داليا : حرام عليكى يا كارما الناس مش حملك مش ها تقطمى رقبتهم عشان زادات فى الميزان شويه
كارما : شويه ايه بس دا الا جايه زياده 2 كيلو والا 3 والا 5 دا نهارهم فحلوقى احنا هنا بنلعب
داليا : ههههه فحلوقى ايه دا .... انا مش عارفه انتى بنتى ازاى
كارما : انا ساعات بحسها غلطه مش ناويه تصلحى غلطتك يا جميل وتحسنى النسل
داليا : لا لايمكن انتى عايزا جسمى يبوظ كفايه انتى
كارما : الراجل ها يبص برا وها يتجوز عليكى
داليا : أخرسى يا بنت واتكلمى عدل ثم كمان يزيد بيحبينى ولا يمكن يعملها وانتى خلاص بقيتى على وش جواز
كارما : انتى لسا صغيره وتقدرى تخلفى انتى اتجوزتى وانتى عندك 18 سنه .... وعارفه ان جوزك ها يموت على بيبى جميل منك يا قمر .... ومش قادر عليكى ولو زهق ها يتجوز حتى لو بيحبك راجعى نفسك وان كان على جسمك اعملى بالنصايح الا بتديها للحوامل هنا وسابتها ومشيت .....
دااليا : بتفكر فى كلام بنتها بس لا يا داليا البنت كبرت وكمان انا مش صغيره والحمل خطر أكيد وبعدان طيب مافى أكبر منى بيجى المركز هنا وحوامل مش عارفه البنت دى لخبطتلى حسابتى ومعقول يزيد ممكن يتجوز عليا دا انا أموت فيها انا بحبه يخربيتك يا كارما
😂😂😂😂😂😂
**************
منتظرة رأيكم وتوقعاتكم وعايزة تفاعل جامد هنا ومتنسوش تفاعلكم هو اللي بيشجعني اكمل نشر الرواية بانتظام🌹♥️ارفعوا البارت بالتعليقات 🎉
تابعووووووني
الحلقه الثالثه حتى الحلقه الثامنه من هنا
رواية زواج لدقائق معدودة كامله من هنا
رواية الطفله والوحش كامله من هنا
رواية جحيم الغيره كامله من هنا
رواية مابين الضلوع كامله من هنا
رواية سيطرة ناعمه كامله من هنا
رواية يتيمه في قبضة صعيدي كامله من هنا
الروايات الكامله والحصريه بدون لينكات من هنا
إللي خلص القراءه يدخل هيلاقي كل الروايات اللي بيدور عليها من هنا 👇 ❤️ 👇
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
الصفحه الرئيسيه للروايات الجديده من هنا
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺