رواية عندما يعشق الفدائي الفصل العشرون والحادي والعشرون والثاني والعشرون بقلم الكاتبه لبني طارق حصريه وجديده على مدونة النجم المتوهج للروايات والمعلومات

أشرقت شمس يوم مختلف للبعض وعادى للبعض الأخر ومر الوقت سريعا ما بين تحضيرات واستقبال للفرح والسرور

*******************

كارما : انا ماشيه يا بشمهندس

أحمد : ماشى يا كارما وحاولى تخلصى المشروع الا معاكى فى أسرع وقت

كارما : حاضر ...... بعد اذنك

أحمد : اتفضلى يابنتى مش ها نشوفك عندنا قريب بقى

كارما : حضرتك شايف انا مطحونه وماما من ساعة ما عمرو بيه شرف وهى سابتلى حمل البيوتى سنتر كله عليه حتى مريم بسبب ولادها بردو ولا بقت بتيجى الشغل هنا ولا البيوتى بقالها شهرين

أحمد : اه يا كارما مش عايزا أقولك هى كانت عيوانى الا بتابع بيها الشغل سايبه فراغ كبيرررررر

كارما : 😂😂😂 مش معاك لوحدك سلام بقى ونزلت وراحه عند عربيتها عشان تركب ...... وحد كتفها بأيده وقفل بقها وخدها معاه فى العربيه وهى بتقاوم ومش قادره عليه ابدا

مصطفى : بعد ما دخلها العربيه .... حد يقدر يخطفك غيرى

كارما : ضربته يا رخم انا قولت خلاص انتهيت

مصطفى : بعد الشر يا حبيبى خدى بقى اربطى عنيكى الجميله دا

كارما : بدلع ...انتو واخدنى فين انت خاطفنى بجد

مصطفى : اه اليوم دا بتاعى..... كلها يومين وأمشى والله اعلم ها أشوفك أمتى تانى

كارما : اه نفسى تفضل جمبى على طول

مصطفى : صدقينى يا قلبى لو فضلت جمبك على طول ها تزهقى وتتخنقنى انما كدا فى شوق وحب ولهفه وبيغمز لها واخده بالك انتى

كارما : 😂😂😂 ايوا واخده بالى وربطت عنيها ومصطفى اتحرك بعربيته .......... ووصل للمكان ونزل وخد ايديها ونزل وحاضنها بين ايديه ودخل من بوابة بيت له جنينه صغيره وقفل البوابه وشال القماشه من على عنيها

كارما : الله يا صاصا حلو البيت دا قوى وتصميمه جميل

مصطفى : دا بيتك يا حبيبتى الا ها نعيش فيه مع بعض هو صغير بس جميل

كارما : لفت له وشدته من لياقته ليها وحاوطته بأيديها انا أعيش معاك فى عشه وانا مبسوطه أهم حاجه تفضل تحبنى وتتقبل جننى وحبى ليك

مصطفى : شالها مره واحده وانا أجن منك وها أفضل أحبك زى ما انتى

كارما : أعااااا نزلنى يابنى نزلنى

مصطفى : لا يمكن ها تدخلى جوا وانا شايلك وفتح الباب ودخل جوا بيها وهى بين ايديه

كارما : وهى ماسكه من راقبته الله يا صاصا على فكره دا تصميم عمو أحمد

مصطفى : ايوا كنت شارى الارض دى ومن ساعة ما شفتك وانا بستعجله يخلصها ويبنيها زى ما انتى شايفها كدا الصراحه وفر عليا كتير قوى كان عايز يعملها كلها على حسابه بس انا مرضتش بس هو ساعد كتير بردو

كارما : جميله قوى يا حبيبى أكيد الاوض كلها فوق وهنا أستقبال والمطبخ أمريكى قدمنا أهو نزلنى بقى أتفرج عليها وعلى الديكورات بعشقها

مصطفى : نزلها وهى منطلقه ومبسوطه رغم ان البيت مش كبير بس مبسوطه ان دا حاجه ها تجمعها هى وحبيبها مع بعض وها تفرشها على ذوقها هى ...... مصطفى طلع وراها ووقف على باب الاوضه وحاطت ايده فى جيبه وساند على الباب وحاطت رجل عكس رجل .... وعيونه بتلمع برؤية حبيبته مبسوطه ومنطلقه .... ونفسه فيهااا ينسى بيها تعبه وحياته وكل حاجه عايزها هى وبس

كارما : طالعه من الاوضه ... مصطفى حط ايده على باب الاوضه .... هى بتوتر ايه اوعى ايدك خلينى أطلع

مصطفى : لا ها أحبسك هنا

كارما : بطل هزار وخلينى أطلع

مصطفى : قرب عليها ومسكها ... انتى بقيتى مراتى يعنى ملكيش حجه

كارما : مصطفى ما تهرجش وسبنى وبدئت تحس انها مهدده من قربه .... ومن وجودهم مع بعض لوحدهم

مصطفى : كارما أنا بحبك ومش قادر على بعدك أكتر من كدا وقرب من شافيفها ونسى معاها الدنيا .... ونسى نفسه أكتر وبيفك زراير بلوزتها

كارما : انتبهت لوضعها وبتزقه جامد ... مش قادره عليه مش حاسه غير بأنسان مغيب ودنيا فاضيه حواليها وفعلا بقى وجودها خطر ... وزقته بكل قوتها وبعدت راسها عنه ... وبصوتها كله وهى بتنهج مصطفى فوووق اوعى كدا أنت اتجننت

مصطفى : وهو بينهج ومش شايف غير انها بين ايديه ... مش قادر يا كارما وماسك فيها مش عايز يسبها

كارما بدأت تعيط جامد ... لا يا مصطفى عشان خاطرى انا مستهلش منك كدا .... انا مراتك اه بس لسا مش من حقنا

مصطفى : بدء يفوق على عياطها وكلامها وحاضنها جااامد أنا أسف ما تزعليش منى حبك بيعمينى عن كل حاجه حواليا

كارما : بعدت عنه وعيونها كلها دموووع مش معنى انى معااك انى أسمحلك تعمل الا أنت عايزه ساعتها يا مصطفى ها يبقى زيك زى اى واحد بيشوف البنت الا قدامه رخيصه

مصطفي : انتى مجنونه انا جوزك ولا يمكن أفكر فيكى كدا والا حصل دا كان غصب عنى وما عملتش حاجه يا كارما حتى حضنك بتتعمدى تحرمينى منه

كارما : لما البيت الا إحنا فيه دا يتقفل عليا أنا وانت قدام الناس كلها ساعتها ابقى اعمل الا أنت عايزه ... وسابته قبل ما يرد ونزلت جرى قعدت فى العربيه مستنياااه ينزل

مصطفى : نزل وركب العربيه ومسك ايديها انا أسف خلاص بقى ما تحبيكهاش قوى كدا .... وبيغير فى صوته شويه ما انتى حلوه زياده عن اللزوم الصراحه وبتبرقى فى عينى وبيحاول يضحكها وانا ضعيييف

كارما : 😂😂😂 بطل بقى حتى الزعل مش عارفه ازعله بسببك

مصطفى : أخص عليكى تعملى عملتك وعايزا تزعلى كمان

كارما : اه كمان انا الا عملت

مصطفى : ما هو انتى وشوشو عليا

كارما : شوشو مين دى يا حبيبى

مصطفي : 😂😂😂😂 لا دا تالتنا الشيطان ياختى الله يخربيته البعيد كان ها يضيعنا

كارما : ياله وصلنى البيوتى سنتر

مصطفى : خليكى معايا

كارما : مش ها ينفع تعالى نتغدى برا وودينى البيوتى سنتر

مصطفى : اه بدئنا الاستغلال ياله مش خصاره فيكى .... واتحرك عشان يتغدو مع بعض ...

********************

حمزه : أهلا وسهلا أتفضلووو وبعد السلامات والترحيب

ثريا : نورتونا والله يا جماعه

كلهم : بنورك

عماد : احنا جاين انهارده نطلب بنتكم وبنتنا إحنا كمان ... لإبنى أدهم

حمزه : بس على حد علمى ان حضرتكو بتنزلو أجازات بسيطه جدا كل سنه وكمان قربتو تسافرو فا ها يتعرفو على بعض ازاى

محمود : بص ياحبيبى أنت بتثق فيا

حمزه : طبعا يا عمى وكلامك سيف على رقبتى كمان

محمود : الله يكرم أصلك ... انا جاى مع الناس دى وكلى ثقه فيهم وطبعا انت عارف مريم واخلاقها والا ربو مريم هما الا ربو ادهم .... الا عايز أقوله انهم جاين مش عشان خطوبه والكلام دا لا هما عايزين يجوزوهم وتسافر معاهم على طول دا طبعا بعد موافقة العروسه وموافقتكو انتو كمان

حمزه : صعب قوى يا عمى فى لحظه كدا أختى تسيبنا وتسافر على طول هما فاضل فى اجازتهم اد ايه

ادهم : 10 ايام

حمزه : يعنى انتو عايزين تتجوزو فى 10 ايام

محمود : مريم أتجوزت حسن يا حمزه فى أقل من شهر من غير ما يعرفو بعض حتى

ثريا : بس صعب قوى الفتره صغيره جدا

عماد : والله بنتكم ها تتبسط معانا جدا ومفيش غيرها هى وثريا وادهم نفسه هو الا طلب يتجوز من هنا عشان دا أصلنا ولما شاف بنتكم ارتاح وأعجب بيها ..... ودخل البيت من بابه والضمانات الا أنتو عايزنها احنا مستعدين لها

حمزه : انا مش ممانع كفايه ان حضرتك والد مريم الا بنعتبرها فعلا واحده مننا واكيد ادهم زيها بس فعلا الوقت صعب جدا حتى مش ها تلحق تجهز نفسها

ادهم : حمزه ما تقلقش من أى حاجه والله وكل الا نفسها فيه ها يبقى عندها .. قبل ما اليوم يعدى ... بس انتو وافقو وليكو عليا كل ما أقدر أخد اجازه ها ننزل تشفوها وتتطمنو عليها وطبعا ممكن نبعت لطنط تقضى معاها وقت هناك كا زياره .....

مريم : وافق بقى يا حمزه ما تعقدهاااش وادخل خد رأى جنا الاول

سعاد : والله ما تقلق يابنى من حاجه وانت و الست بنت الاصول دى

ثريا : ربنا يعزك يا حبيبتى

صفيه : ياله يا حمزه فرحنا بقى وخلى العروسه تيجى تشوف عريسها

حمزه : رفع ايده بأستسلام حاضر ودخل لجنا الا قاعده جوا متوتره وحالتها كلها ملخبطه ..... أكيد سمعتى كل حاجه ايه رأيك

جنا ........

حمزه : ها تفضلى ساكته كدا شكلك مش موافقه

جنا ........

حمزه : ايه يا جنا طيب كلمينى وفهمينى طيب موافقه والا لاء

جنا : موافقه يا حمزه

حمزه : جنا فكرى انتى ها تسبينا وتتجوزى فى 10 ايام

جنا : انا مرتاحه وموافقه يا حمزه

حمزه : خدها فى حضنه وبيمسد على ضهرها وبيكلمها براحه جنا مش لمجرد الجواز توافقى والله انتى ها يجيلك بدال الواحد الف

جنا : والله لا يا حمزه انت لاحظت حتى انى ما بقتش أفكر كدا ابدا بس فعلا انا مرتحالو وحاسه بقبول من ساعة ما شوفته عند مريم امبارح صحيح قلقانه من الفتره القصيره بس واثقه ان ربنا بيقدملى الا فيه الخير

حمزه : باسها من راسها مبررروك يا حبيبتى ويارب يطلع كويس ويحبك وعلى رأى المثل الا نخاف منه مايجيش أحسن منه وقومها وخدها من ايديها وخرج

وسلمت عليهم كلهم ما عدا ادهم

وكلهم : فضلو يضحكو من منظر ادهم وكسوف جنا

عماد : هاااه يا حمزه ها نقرى الفاتحه

حمزه : نتفق الاول يا عمى فى حقوقها الماديه معلش هى ولا فى خطوبه ولا فرح ولا شقه تفرشها على ذوقها كل دا من حق أى بنت

محمود : طبعا يا حبيبى هى دى حاجه ها تفوتنا بردو

عماد : الا أنت عايزه يا حمزه كله .... كفايه ان العروسه جميله ومؤدبه وانا شخصيا مرتاح لكم

حمزه : شكرا ربنا يخليك ويقدم الا فيه الخير .... ها تحطو بأسمها مبلغ فى البنك ليها حرية التصرف فيه واحنا كمان حقها كله فى جهازها ها يتحط لها فى نفس الحساب

عماد : زى ما اديت مريم بنتى جنا كمان ها أحط لها نفس المبلغ الا هو ...... كدا كويس

حمزه : كويس جدا وشكرا ليك انك بتساويها بمريم

سعاد : هى ها تعوضنى عن غياب مريم

ادهم : مش بس كدا ها تبقى زيها زى أى بنت عايزا تفرح بجوازها ....احنا ها ناخد الدور التانى عندنا هناك يعنى ها تبقى مستقله وها تفرشه كله على زوقها

ثريا : بفرحه ربنا يسعدكم يا حبيبى ويجعل بنتى وش السعد عليكم

كلهم أمين يارب

سعاد : بكرا ان شاء الله ننزل نجيب ليكى كل الا تحتاجيه والشبكه

محمود : الفاتحه للنبى ربنا يسعدهم ويجعلها بداية خير عليهم

وجمعيهم قرو الفاتحه وتعالت الزغاريط والمباركات وقعدو مع بعض شويه وحمزه خد أخته وادهم يقعدو على انفراد

............

ادهم : مبررروك يا جنا

جنا : بكسوف الله يبارك فيك

ادهم : من ساعة ما شفتك وانا حسيت انك ها تنورى حياتى كلها

جنا : شكرا

ادهم : عايزا تسألينى عن أى حاجه

جنا : لا

ادهم : لو فى حاجه قوليلى

جنا : مفيش بكرا نتعرف وناخد على بعض

ادهم : الا تشوفيه بس بكسوفك دا ها نتعرف بعد سنه من الجواز

جنا : 😂😂😂 مش مشكله المهم ها نتعرف

ادهم : لا كدا انا ممكن يجرالى حاجه

جنا : ما هى تبقى جواز وخطوبه .... وقعدو اتكلمو كتيررررر وانصرفت الضيوف بعد فرحه والاتفاق على كل شئ

********************

مر يومان على ابطالنا

حسن : انا ها أفضل هنا كتير

التعلب : يومين كمان على فكره خالد سلمنى الجهاز الا المفروض كنت ها تتواصل معاهم بيه .... واحنا طبعا ها نبقى همزه الوصل بدالك😂😂😂😂

حسن : 😂😂😂😂 كدا جون لما يعرف ها يجيله جلطه

التعلب : يجيلو كوساح حتى ولا يهمنا 😂😂 ما علينا خالد جاى يقعد معاااك شويه

حسن : ياريت انا حاسس انى فى معتقل

التعلب : امال لو قولتك ها تفضل شهر ها تعمل ايه

حسن : لا اروح اجبلك جون والشله كلها أحسن

التعلب : 😂😂😂 يابنى احنا جامدين من زمان من ايام الظباط الاحرار .... والرفاعى الاسطوره للاسف كتير ما يعرفهوش هو ورجالته 39 أشباح

حسن : حد ما يعرفش الشبح ابراهيم الرفاعى أكتر محارب هو ورجالته خلف خطوط العدو الا نال الشهاده فى العاشر من أكتوبر ..... المفروض دا يدرس فى التاريخ ويتعلمو منه الاجيال ..... جيشنا مليان ناااس بتضحى بجد وبتعمل بطولات محدش يعرفها ولا حاسس بيهم وهما مش فارق معاهم لان دا من قلبهم بكل صدق ومخلصين لربنا

التعلب : الا بيضحى مش محتاج يتشهر ما يفرقش معاااه بس احنا لما نعديهم كدا مرور الكرام يبقى العيب علينا .. .... انا ها أقوم بقى عايز حاجه

حسن : شكرا

خالد : فاتح ايده حبيبى

حسن : قام وحضنه وبيخبطو على كتف بعض جامد منور اخيرا أقول ايه بقى شريف والا خالد

خالد : خالد طبعا عامل ايه

حسن : تمام الحمد لله طمنى روحتلهم

خالد : روحت طبعا ومبررروك يا عم عيال زى العسل

حسن : بتعجب عيال ايه

خالد : هو انت ما تعرفش ان مريم كانت حامل

حسن : بفرحه بجد يا خالد

خالد : اه والله انا شايلها بنفسى موديها المستشفى وهى بتولد وجابت توأم زى القمر

حسن : بمزحه ومسكه من رقبته شايل مين ياد

خالد : برخامه مراتك شيلتها

حسن : وحياة أمك

خالد : 😂😂😂😂 اوعى ياد كدا البنت ياعينى كانت على أخيرها ومقدرتش تقوم وابوك كان لايص ياعينى وماكنش فى وقت طرت بيها الحقها

حسن : بيعدل هدوم خالد وبيمسحها .... اه قولتلى سماح المره دى

خالد : 😂😂😂😂 جاتك نيله ما انكرش انكو فتحتو نفسى للجواز بس طبعا مش ها ابص لمراتك يعنى

حسن : عيب عليك المهم كانو عاملين ايه

خالد : مدمرين من غيرك وربنا بعتنى فى الوقت المناسب وقص عليه كل ما حدث

حسن : نفسى أطير واروح لهم

خالد : ربنا يرجعك بالسلامه خد يا سيدى شوف عيالك

حسن : بلهفه انت صورتهم كمان ..... مش عارف من غيرك كنت عملت ايه وخد التليفون وعيونه رغرغت بالدموع كان نفسى ابقى جمبها واخدهم فى حضنى

خالد : شدو عليه بكرا تبقى فى حضنهم يا حبيبى وجوزنى و افرح بيا الله يخليك

حسن : 😂😂😂 يا شيخ اتنيل مش لما اتجوز انا الاول هما 10 ايام الا قضتهم مع البنيه

خالد : يا جاحد 10 ايام وجبت تؤام أمال لما تقعد وتستقر ها تعمل ازمه سكانيه

حسن : 😂😂😂😂😂 ربنا يستر بقى المهم أستقر

خالد : أستقررر معاكو

حسن : ان شاء الله لازم نجوزك قربت تعنس

خالد : 😂😂😂😂 قربت ... انا عنست خلاص المهم انت مستعد

حسن : مستعد ما تقلقش

خالد : ربنا معاااك ومعانا

وفضلو يتكلمو كتير فى اى حاجه وكل حاجه ومر الوقت عليهم ..........

****************

مريم : مبررروك يا ادهم ربنا يتمملك على خير

ادهم : الله يبارك فيكى يا حبيبتى

كلهم : بيباركو لأدهم انه خلاص جاب الشبكه وكتب الكتاب قبل سفر حمزه وخد باسبور جنا وبيخلص اجراءات السفر..... ومريم إنسحبت بحجة العيال ودخلت اوضتها وقعدت على السرير باهمال وبتكلم زياد ورينا هاااه بابا ما وحشكوش ..... دا وحشنى قوى زيكو بالظبط والاطفال منتبهين لها وبيبتسمو وكانهم بيخففو عنها

.... تفتكرو بابا ها يرجع أمتى ها يتفاجئ بيكو كتير قوى .....وحضنتهم جامد .... كأنها بتحضنته هو .... وقامت خدت شاور وغيرت ونامت فى حضن عيالها تهرب من اشتياقها ليه اد ايه واحشها ومأثر غيابه عليها

****************

وفى جهه أخرى اتنين راجعين لعملهم كلهم نشاط وامل يعرفو عن حسن حاجه بعد ما جالهم خبر بظهور هشام البدوى وشريف ......... ودخلو لغرفة محى على طول .... وادو التحيه

محى : بأبتسامه اتفضلو يا ولاد انا كنت ها استدعيكو

مصطفى وهو حمزه : بلهفه فى اخبار

محى : وحلوه كمان حسن رجع

مصطفى : ايه رجع امتى ومنين

حمزه : ايوا طيب هو فين

محى : هو مش هنا ..... هو فى ايد المخابرات بقاله 4 ايام

حمزه : 4 ايام ومحدش يدينا خبر

محى : محدش يعرف أصلا غيرى انهارده وروحت أطمنت عليه بعد معاناه طبعا انى اقابله وقالولى كدا كدا ها يفرجو عنه انهارده باليل

مصطفى : ليه هو مقبوض عليه

محى : ابدا دا عشان يطمنو انهم ماثروش على تفكيره او عقيدته انتو عارفين الجماعات المتطرفه ومدى تأثيرها

حمزه : بحماس نفسى أشوفه دلوقتى يااااه أخيرا يا حسن ليك وحشه وادو التحيه وقامو طلعو برا حضنو بعض بحماااس وفرحه شديده

مصطفى : تفتكر حسن بعد غياب سنه ما اتغيرش

حمزه : انا واثق انه ما اتغيرش يابنى دا حسن بردو من الصعب تغير تفكيره وحياته والا هو مؤمن بيه ....... وقعدو فى ترقب مستنين يشفوه ويرجع وسطهم تانى .......... وحانت لحظه اللقاء بعد مرور الوقت ببطئ شديد بالنسبه لهم واذا بحسن يدخل بعربيه سوداء بزجاج مفيم تماما الى ان وصل لمكتب قائده محى ......

محى : بسلامات حاره حمد الله على السلامه يا بطل

حسن : الله يسلمك يا فندم ليك وحشه

محى : وانت أكتر والله يا حسن وبقى كلى فخر بيك بعد ما العراقى حكالى كل حاجه بس طبعا ها يفضل الموضوع فى كتمان زى ما طلب منى لان ها يبقى فى تعاون كبير الفتره الجايه

حسن : ان شاء الله يا فندم كلنا فداء للبلد دى

محى : دا المتوقع من شاب باخلاقك .... ياله روح لصحابك الا ها يتجننو عليك واوعى تضعف وتقول حاجه لهم

حسن : تمام يا فندم ...... وراح لمكانهم الا بيجمعهم ببعض ودخل بطالته وابتسامته وحشتونى وبصوت عالى وابتسامه ماليه وشه ...يا كلااااااب

مصطفى وحمزه ... الله أكبر ونطو على حسن ومع أصواتهم العاليه لفتو نظر العساكر وبعض الظباط الا جريو على حسن هما كمان وفضل وقت كبير فى ترجيب واحضان مليئه بالحب الصادق ....... واخيرا إجتمعو الثلاثى بمفرهم بعد مغادرة الجميع ......

مصطفى : أخيرا شوفنا وشك تانى وجعت قلبنا

حمزه : حمد الله على السلامه انا كنت ها اتجنن

حسن : القائد محى حكالى كل حاجه وانا عارف من غير ما يقولى انا مش سايب أصحاب انا سايب إخوات

مصطفى : بزعل حصل ايه معاااك وكانو عايزين ايه ولاد ال....... دول

حسن : ولا حاجه كل الحكايه انهم كانو بيحاولو معايا انى انضم ليهم وطبعا ملقوش رجى فا قالو يرجعونى مقابل البنت والولد الا كانو مع المخابرات

حمزه : يعنى أنت بخير

حسن : الحمد لله زى الفل انتو عاملين ايه واحكولى كل حاجه حصلت فى غيابى

مصطفى وحمزه قص له كل ما حدث وبعد مباركات حسن لهم وفرحه بيهم ولأخت حمزه ..... انا ساعه كمان وها أطير على هناك كلهم وحشونى

حمزه : كلها أسبوع وانزل انا ومصطفى أجازه يومين بس عشان جنا أختى

حسن : ها استناكو يا رجاله وها نرجع سوا ....... وقضى باقى الوقت فى رغى واشتياق وفرحة اللقاء وهما للرحيل الذى يشتاق له كثيرا ............

************************

#الحلقة_21

هشام : ايه يا شريف أخبار الشحنه

شريف : شهرين وتوصل بالسلامه ياباشا والواد سوكه متابع كل حاجه وبنأمن تأمين عالى لازم نكون جاهزين من دلوقتى

هشام : عملت ايه مع حسن

شريف : قابلته بطلوع الروح فى الخفى عشان اقدر اديلو الجهاز ونعرف بيعملو معاااه ايه وها يكون جاهز على دخول الشحنه البلد والا لا

هشام : دى ضربة عمرنا من كل حاجه شحنة سلاح ومخدرات عشان نبسط الشعب 😂😂😂 ونعملو دماااغ والسلاح نظبط بيه المنطقه

شريف : أهم حاجه الدماغ والتوهااان يبقى قاعد مش دارى بحاجه لو قتل مش دارى دماغه متكلفه

هشام : والله ماحدش بيضربهم على ايديهم ويقولو لهم اعملو دماغ ومصايب هما الا عايزين كدا واحنا تحت أمر الزبون

شريف : لا ياباشا وتلاقى الواد بيصرف دم قلبه يوميا وبعدان يقولك مش لاقى اتجوز والا مش لاقى أصرف على بيتى بس لاقى يعمل دماااغ

هشام : 😂😂😂 خليهم يابنى انت عايز تقطع علينا امال ها نعملهم ازاى

شريف : بالدمااااغ 😂😂😂😂

هشام : بس أنت طلعت عفريت يا واد قابلت حسن ازاى وهو لسا بين ايدين المخابرات

شريف : لما هو لقى مخرج وباعتلى ياباشا هو انا مستغنى عن رقبتى

هشام : ولا انا وحياتك مستغنى الناس دى قرصتها والقبر وانا فى ناس عايزنى

شريف : ناس مين ياباشا انت قولت ملكش حد

هشام : ولونى عمرى كا حبيت حد بس حبيتك وبثق فيك قوى انا كنت متجوز ومخلف بنت ومراتى اطلقت من 15 سنه وبنتى عندها 7 سنين يعنى عندها 22 سنه دلوقتى وعايشين فى فرنسا وانا بزورها كل فتره ومحدش يعرف انى كنت متجوز ولا مخلف غيرك دلوقتى

شريف : وانفصلت عن مراتك ليه

هشام : كنت عايز أكبر بسرعه وعايز أعيش عيشه كويسه وما قدرتش أقاوم إغرائتهم ليا لان كنت أعرف ناس مشبوهه كتير بحكم انى اترميت فى الشارع فتره وشويه أكون معاهم وشويه لاء لحد ما قابلتها غيرت كيانى كله بس كان الفرق كبير قوى بينا انا حتت صبى عند ابوها ودا كان بداية شغلانه حلال ليا الراجل شافلى مكان وقعدنى فيه لما عرف حكياتى كلها وساعدنى بجد .... بنته منى اتقربت منى وحبتنى جدا ..... لانى انا كنت المسؤول عنها وعن طلباتها ..... ولما فعلا حسيت انى حبيتها قولت لها كتير انى ما انفعهاش وابوها مش ها يوافق أنا فين وهما فين .... رفضت ووقفت جمبى ووقفت قدام ابوها واتجوزنا غصب عنهم .... ابوها اتقلب لعدوى لانه شاف انى خدت حاجه بتاعته مش من حقى وهى بنته..... وبدئت عدواته ليا فى أكل عيشى قررت انى اوصل بأى تمن اتلميت على الشله تانى وحطيت ايدى فى ايدهم .... وفهمتها انى بقلب عيشى من هنا ومن هنا ومش مستقر فى مكان .... كانت بتحبنى وانا بعشقها خلفت بنتى هدير .... وفى مره سمعتنى وانا بتكلم مع واحد من إلا شغال معاهم ..... وبعدها عرفت كل حاجه ووقفت فى وشى وقالتلى انى انا كدا اتخليت عنها وعن بنتى لما أكلتهم حرام .... أستسماحتها تفضل وها ابطل الشغل دا

... رفضت تماما وكان رأيها زى ما هانو عليا مره مش ها يفرق معايا فى المره التانيه ..... رجعت لأبوها وطلقها منى وسافرت فرنسا وبتربى بنتنا هنااااك تخيل ما اتجوزتش تانى .... ولما بقول لها ليه مفضلتش جمبى .... قالتلى كنت جمبك وانت الا سبتنا كان عندى أمل تسيبك من الشغل المشبوه بتاعك وخليت بابا وعدنى انه يقف جمبك لو سيبتك من الشغل دا ..... بس انت كملت وبابا أكدلى كدا .... قولتلها ابوكى السبب حاربنى فى أكل عيشى ..... قالتلى لو الدنيا كلها حاربتك كان المفروض تبقى قوى وانا كنت ها أعيش معاااك لو ها ناكل عيش حاف بس بنتى متاكلش حرام ....

شريف : ويعنى ازاى بتقابلها وتقبل منك فلوس وكدا

هشام : بتخلينى ازورهم عادى بس لا يمكن أصرف جنيه وبتستقبلنى هناك أحسن أستقبال وعندى استعداد ارمى كل دا ورا ضهرى وارجع لها بحبها لحد دلوقتى بس هى رافضه

شريف : حاول يمكن تصدقك يعنى انت ندمان

هشام : عيونه دمعت ندمان بس بعد ايه هو انت فاكر انى مبسوط ابدا انا عارف ان ربنا ها يقتص منى فى كل الا عملته وخايف قوى يقعد فى بنتى او منى الاتنين أجمل من بعض يا شريف .... ها تبقى أحلى دكتوره وبتحبنى وامها دى ست عظيمه تخيل لما تعرف انى جاى تنزل تجيب هدايا وحاجات بالكوم وتقابلنى فى المطار عشان اديها لبنتى وليها وتجيب كل حاجه صناعه مصريه عشان هدير ما تشكش فى حاجه .... وبردو عشان انا مجبش حاجه من فلوسى بدعى ربنا زى ما هى ما قبلتش قرش حرام يحفظهم ويحميهم

شريف : لسا عندك فرصه تصلح حاول تانى

هشام : شكلك أنت كمان ندمان

شريف : مش عايز عمرى يضيع بدئت أخاف وبعد حكياتك خفت أكتر

هشام : الناس دى الا بيخاف معاها يا شريف بيقتلوه انت فاكر انى ما حاولتش انا زهقت يابنى ومفيش فايده

شريف : أكيد فى مخرج لو لسا مستعد لدا

هشام : ايدى على كتفك شكلك عايزنا نخلص بدرى بدرى

شريف : سبنى ادور الموضوع واشوف ها ينفع والا لاء

هشام : اى حاجه ها ترجعنى لبنتى ومراتى ها أعملها كدا كدا فلوسى من بعدى ملهاش اى قيمه وطلع تليفونه وفتح صور هو خافيها .... صور كتير مع مراته وبنته ... وبيوريهم لشريف

شريف : ماشاء الله ياباشا دى بنتك ودى كانت مراتك دا انت تسيب الدنيا كلها وتروح لهم الاتنين أحلى من بعض

هشام : نفسى يا شريف وحضن التليفون جامد وباين على وشه الصدق ...... اوعى تفتكر انى الراجل الكبير هنا يا شريف لا ابدا فى أكبر منى الا انا لحد دلوقتى تعاملى معاااه من بعيد لبعيد

شريف : معقول يا باشا بس عمرى ما سمعتك بتتكلم عنه

هشام : عشان ما ينفعش احنا متحاوطين وصعب قوى التوبه بس ها احاول

شريف : بحب ومن قلبه ربنا يستر ياباشا ويحلها من عنده .... وقرر يروح يبلغ التعلب .... لان هشام ها يساعدهم كتير قوى .... وبحكم شغله معاااه متاكد انه صادق معاااه

***************

مريم : قاعده مع محمود وصفيه وبيلعبو مع ريناد وزياد ..... عمو انا لازم أنزل الشغل من بكرا

صفيه : يا حبيبتى عيالك صغيرين لسا شهرين ومهما أهتمينا بيهم محتاجين حضنك

مريم : انا ها اروح شغل البشمهندس أحمد بس ومش ها أهمل عيالى ابدا يا ماما وعلى الساعه اتنين بالكتير ها أكون موجوده

محمود : لو ها تقدرى يا مريم ما عنديش مانع ابدا وصفيه تاخد بالها منهم فى فترة الصبح وانا ها أكون معاها لان المعرض بنفتحه بعد الضهر

مريم : شكرا يابابا .... ومعلش ياماما ها اتقل عليكى

صفيه : دول نور عنيا ولاد الغالى وعلى قلبى زى العسل المهم اوعى الشغل ينسيكى ولادك وحضنهم دول أغلى حاجه يا مريم

مريم : راحت عندها وحضنتها جامد يا بخت حسن بحبك وعيطت جامد ...... وصفيه دموعها نزلت غصب عنها بتحاول تمسك نفسها ومش قادره ابدا ....

محمود : هونى على نفسك يا حبيبتى يارب ترده سالم غانم

صفيه : بدموعها يارب ..... يارب ملناش غيرك والغالى ملوش غيرك انصفه وررجعه بالسلامه يارب

مريم : حضنت عيالها جامد وبدموعها الا مش عايزا تقف وبتقول .... بابا بطل كبير قوى وقريب قوى ها تتهنو بقربه وحضنه الدافى

صفيه : مسكت مريم قومى يا حبيبتى خدى دوش دافى يهدى أعصابك يا قلبى عشان عيالك قومى زعلك وحش قوى عليهم ....

مريم : حاضر يا ماما وسابتهم ودخلت الاوضه وهى شايفه حسن قدام عنيها ومسيطر على مشاعرها وبتحضن نفسها بأيدها جامد .... وفاقت من شرودها ودخلت الحمام

.........

حسن : دخل العمار وهو طاير مش ماشى على الارض وطلع السلالم بسرعه أكتر من الاسنسيار مش لسا ها يستناه .... وفتح الباب ودخل ...... السلام عليكم يا أهل الدار

محمود : قام جرى من مكانه وحسن طار فى حضنه هو أمانه وسر قوته

محمود : بعياط يا حبيبى يا بنى وبيحسس عليه أنت حسن ... حسن ابنى يارب لك الحمد وحسن بيعصره بين ضلوعه ابوه الا وحشه وكان بيتمنى يلمحه حتى

صفيه : قاعده وشايله ريناد على ايد وزياد على ايد ومصدومه ودموعها نازله وبس ومش بتتكلم ولا بتتحرك ..... لانها سمعت كلام مصطفى وحمزه وخبت انها عارفه حاجه واتخيلت ان ابنها جراله حاجه وخلاص مش ها تشوفه تانى ..... معقول هو قدام عينى ....هو ابنى حبيبى الغالى ونهر من الدموع بيجرى على وشها ..... حسن ساب ابوه وبص على أمه لاقئها فى حاله لا يرثى لها اترمى تحت رجليها وفضل يبوس فيها وفى ايديها وبدموع وحشتينى يا أمى يا غاليه كنت بتمنى كل يوم أقوم ابص فى وشك الحلو دا

صفيه : حسن يا قلب أمك أخيرا شوفتك خفت أموت من غير ما أشوفك ولا المسك تانى

حسن : حط ايده على بقها هششششش اوعى تقوليها تانى ربنا ما يحرمنى منك ابدا ومن وجودكم فى حياتى يارب وكانه أنتبه ان فى أطفال بين ايديها .... حسن ودموعه نزلت لوحدها وبيبص لأمه هما يا أمى

صفيه : هما يا قلب أمك وشال عياله بين ايديه الاتنين وحضنهم جامد وفضل يبوس فى كل حته فى وشهم بجنون ...وحطهم على الكنبه براحه .... وحضن أمه جامد محتاج حضنها وقربهاااا قوى أخيرا يا صفصف

صفيه : ودموعها الا مش عايزا تقف ابدا..... أخيرا يا روحى وبتبوس كل حته فى وشه

محمود : ودموعه مختلطه بفرحته سيبيه يدخل لمراته يا صفيه

حسن : عايز أحضنهم

محمود : ادخل لمراتك الاول خدها فى حضنك وطمنها واطلع أعمل الا أنت عايزه

حسن : بيضحك جامد منا لو دخلت مش ها أطلع دلوقتى

صفيه ومحمود : بكلام حسن نسيو الدموووع وفضلو يضحكو جامد .... محمود خد راحتك يا عم ولا يهمك

حسن : راح باس أبوه وأمه واولاده أحلى حودا وصفصف فى الدنيا ودخل الاوضه لقائها فاضيه وفهم انها فى الحمام ... قعد على السرير وهو مبتسم ومستنيها تخرج

مريم : خارجه بفوطه ملفوفه عليها وبتقلع شبشب الحمام وبصه لرجليها

حسن : اول ما شافها قام ووقف ومش بيعمل أى رد فعل

مريم : ماسكه الفوطه ومن عند صدرها وبترفع راسها لقت حسن فى وشها .... قعدت تفرك فى عينها ومش مصدقه ان هو قصاد عنيها حب عمرها الا ما عرفتش غيره وابو عيالها معقول ..... ومره واحده وقعت أغمى عليها

حسن : جرى عليها بخوف ولهفه وشالها نيمها على السرير وبيفوق فيها وهو بصوت زى الهمس مريم حبيبى وبيبوس فى ايدها وفى وشها بلهفه وجنون

مريم : فتحت عنيها وانفجرت فى العياط

حسن : قعد وراها وحضنها جامد وبيبوس ف راقبتها أنا أسف غصب عنى ومسك ايديها الاتنين بأيده وقافل عليهم جامد وحشنى كل حاجه فيكى وحشتنى كل يوم بيعدى عليا كنتى جمبى وفى حضنى بس للاسف فى خيالى وبس

مريم : بعياط يقطع القلب ليه يا حسن ليه تعمل فيا كدا ليه بتحرمنى منك ووسط دموعها وتوهانها أفتكرت كلام حمزه انهم ضربوه وخدوه واتعدلت مره واحده وبلهفه شديده وخوف أكتر وماسكه راس حسن ..عملو فيك ايه حبيبى ضربوك والا عذبوك وبتبص فى كل حته فيه

حسن : مستمتع جدا بلهفتها عليه ونفسه يخبيها جواه اد ايه بيعشقها ومشتاق وبيحب بجنون فقدته عقله وشدها جامد فى حضنه وبيعصرها بين ضلوعه وبشوق ولهفه منه ومنها وهو ماسك وشها بين ايديه وكانها ها تهرب منه وقرب من شافيفها الا مشتاق لها ونسى نفسه والدنيا كلها وكل ضغوطه واوجاعه .... مش فاكر غير نصه التانى الا ربنا جعله سكنه ..... مش فاكر غير حبها وقلبها الكبير وحنانها الا مفتقده ....... وبعد مرور وقت كبير حسن نايم على صدر مريم وماسك ايديها وبيبوس فيها ..... كنت تايه من غيرك

مريم : الدنيا وحشه قوى من غيرك اوعى تعملها تانى

حسن : عدل وشه ليها مش بأيدى انا قولتلك انا مش ملك نفسى

مريم : بحب عارفه حاول انا وولادك وبابا وماما محتاجينك قوى

حسن : بابتسامه من شكل مريم انتى ها تطلعى برا كدا ازاى وشك ادمر

مريم : بخضه ايه اوعى كدا يا حسن بابا وماما وادهم جاين من البلد بكرا سافرو يقعدو هناك يوم ويرجعو على طول أنت عملت ايه

حسن : 😂😂😂😂 مش أنا الا عملت انتى الا جرتينى للرزيله وانا بموت فيها

مريم : 😂😂😂 ضربته على صدره انا الا بجرك انت مش محتاج حد يجرك ينفع الا عملته دا

حسن : شوية بودره والدنيا تبقى تمام

مريم : يا سلام حلتها أنت كدا

حسن : بثقه طبعا يا بنتى الجيش قالك أتصرف

مريم : طلعت فوقه وبتلعب بوشها فى وشه وانت اتصرفت

حسن : وهو محاوطها بأيده ومركز فى عنيها بقيتى شقيه

مريم : بأبتسامه لازم أبقى شقيه معاااك انت حبيبى وعمرى كله الا فات والا جاااى وقربت من شفايفه وغرق فيهم تااانى اد ايه مشتاق ومش عايز يسيب حضنهااااا .......... وبعد فتره خرج حسن ومريم فى ايده وهى مكسوفه ومحرجه جدا

راح على طول على ولاده عايز يستمتع بيهم وشالهم وقعد ... اساميكم ايه بقى يا حلوين

مريم : ريناد وزياد

حسن : أكيد أختيارك

محمود : أكيد يا حبيبى ولو أنت موجود كنت أنت الا اختارت أساميهم

صفيه : ياله يا مريم نحضر الاكل أكيد يا حبيبى واقع من الجوع

حسن : وهو بيلاعب عياله ومندمج معاهم انا كنت جعان وعايز أشبع منكم

صفيه : ربنا ما يحرمنا منك .... ياله يا مريم ياله وفرحانه ومبسوطه وحاسه ان اليوم دا عيد عندها

مريم : بفرحه خليكى يا ماما وانا ها أعمل

صفيه : مسكت ايدها ايدى على ايدك ودخلو المطبخ ....... بصت لمريم وركزت فى وشها وانفحرت فى الضحك ابقى تقلى البدره

مريم : بكسوف وابتسامه هى باينه

صفيه : 😂😂😂😂 وما بتردش عليها

مريم : مسكت صفيه خلاص يا صفصف بقى أعمل ايه فى ابنك طيب

صفيه : ربنا يهنيكو يارب ..... وعملو الاكل وطلعو الاتنين مريم طالعه لقت حسن مندمج مع الاطفال جدا وبيضحك من قلبه وهما صوت ضحكهم مالى الشقه ومحمود مش قادر يمسك نفسه من الضحك ..... ودعت ربنا انه يديم فرحهم على طول ويبعد عنهم الشر ..... قعدو كلو وخلصو أكل

محمود : ياله كلكو اتوضو وتعالو نصلى ركعتين شكر لربنا انه رجعك بالسلامه .... وجميعهم انصرفو للوضوء وصلو شكر للربنا ودعو ربنا يديم لمتهم ومحبتهم على طول

*****************

داليا : زيزو ممكن تمسك عمورى

يزيد : تعالى يا حبيبى أنت تكبر وتبقى سند بابا حبيبك

عمرو : مركز قوى مع يزيد ومبتسم

يزيد : عايزك راجل كدا وتمسك كل أملاكى ونكبر أكتر وأكتر

عمرو : 😂😂😂😂😂

يزيد : هو انا بقولك نكته أنشف كدا

داليا : 😂😂😂😂 يا زيزو هو ها يفهمك من دلوقتى

يزيد : فهمنى صح يا روح بابا

عمرو : ببا ببا ببا ههههخ

يزيد : أهو فاهمنى

داليا : خلاص أطلع منها انا

يزيد : ايوا بالظبط كدا .... فين كارما احنا بقينا مهملين معاها قوى

داليا : ايوا يا زيزو صعبانه عليا قوى حملها تقيل وجت ومن ساعتها وهى نايمه حتى من غير أكل

يزيد : ادى عمرو لداليا ودخل لكارما ...... حبيبى قومى عشان ناكل مع بعض .... كارما قومى

كارما : اه .. مش عايزا سبونى

يزيد : كوكو وبيشيل شعرها من على وشها لقائها سخنه جدا

.......

داليا : مش عايزا تقوم بردو

يزيد : البنت سخنه جدا يا داليا وسايبها كدا

داليا : نيمت عمرو على السرير وراحت عند كارما تتطمن عليها ..... أيوا فعلا ..... كوكو يا حبيبتى قومى خدى دش ساقع

كارما : بتخاريف ... لا يا مصطفى سبنى لما نتجوز

يزيد : أطلبى الدكتور بسرعه البنت بتخرف كمان ...... وداليا طلبت الدكتور وحضر بعد فتره بسيطه وكشف على كارما ....

الدكتور : البنت مرهقه جدا وباين انها ضعيفه وكمان كلت حاجه من برا عملت لها ميكروب

يزيد : هى فعلا بتاكل برا بسبب شغلها

الدكتور : ممنوعه من اى أكل برا البيت وحضرتك أطلب الصيدليه تجيب العلاج دا عشان اديها حقنه حالا وأعلق لها المحاليل دى ........ وتتغذى كويس وبلاش إرهاق ....... بعد ما الدكتور ما مشى

داليا : انا أسفه يا كوكو رميت الحمل عليكى وأهملتك

يزيد : فعلا أهملنها كتير وقعدو جمبها ويزيد بيعمل لها كمدات

******************

ثريا : واخده جنا فى حضنها ها توحشينى يا قلب أمك خلى بالك على نفسك وكل يوم كلمينى

جنا : حاضر ياماما

ثريا : خليكى مطيعه ومتافهمه مع جوزك انتى ها تبقى فى غربه

جنا : حاضر ياماما ما تقلقيش ان شاء الله خير

ثريا : فى حاجه ناقصاكى

جنا : لا كل حاجه تمام وكمان يا سوسو انا ها اسافر وقت بسيط وها انزل ولما ادهم يعملى اقامه ها يبعتلى

ثريا : ما كان سابك ولما يعملها يبعتلك

جنا : كدا أحسن عشان اتعامل معاهم واعاشرهم فتره وعلى الاقل ها يبقى فى فرصه أنزل

ثريا : الا تشوفيه يا حبيبتى

أسر : احنا مش ها نخلص من قصة الحب الممنوع دى

جنا : أنت مالك يا رخم

أسر : محسسينى انها اول واحده تتجوز ياله يا بنتى عايز أشوف مستقبلى فضيلى المكان

ثريا : 😂😂😂😂 عايز تشوف مستقبلك من دلوقتى خلص دراسه الاول

أسر : راح نام جمبها من الناحيه التانيه ها نبقى انا وانت يا جميل لوحدنا

جنا : خلى بالك على ماما

أسر : ها توحشينى والله

جنا : وانتو كمان ونامو فى حضن ثريا الا مبسوطه عشان بنتها وزعلانه عشان ها تسيبها ......

****************

معتز : ما تشليش حاجه تقيله يا هنا

هنا : أعمل ايه يا حبيبى لازم أنضف

معتز : انا كلمتك واحد صاحبى وقالى ها يبعت واحده تعمل الا انتى عايزاه

هنا : ليه منا بعمل أهوووو

معتز : لا يا حبيبى خلى بالك على الا فى بطنك وبس فاهمه

هنا : حاضر يا قلبى

معتز : تعالى وقعدها جمبه وواخدها فى حضنه وفتح التلفزيون يتفرجو عليه

هنا : مش جعان

معتز : لا لو جوعت ها أقوم أحط أكل انتى جعانه

هنا : لا ابدا مش جعانه .... بس استنى أعمل فشار نتسلى بيه

معتز : ماشى ياله متتأخريش

*************

#الحلقة_22

أشرقت شمس يوم جديد مختلف تماما لمريم وعائلة محمود الذين سعدو جدا بالقاء ابنهم

*************

كارما : بتعب وعيون نعسانه حاسه بتقل عند ايديها الاتنين لقت يزيد نام من ناحيه وداليا جايبه سرير عمرو الصغير ومنيامه فيه وهى نايمه من الناحيه التانيه ......

كارما : بفرحه اول مره تحصل ربنا ما يحرمنى منكم ..ونزلت فى حضنهم أكتر عايزا تشبع من وجودهم معاها الا مفتقداه قوى ..... وغمضت عنيها تانى ومفكرتش فى شغل ولا غيره كل الا فكرت فيه انها تبقى فى حضنهم الدافى الا كله حب ومشاعر صادقه ......

***************

مريم : نايمه على دراع حسن ومسترخيه تماما وراحه فى النوم وحسن صاحى وبيتأملها بحب وازاى مريم غيرته كله على بعضه .... ومباااقش يشوف غيرها ولا عايز لمسة غيرها أبدا ..... رفع ايده وبيلعب فى وشهاا ...

مريم : بتفتح عيونها وابتسمت وبينها وبين نفسها بتقول الحمد لله انا مش فى حلم .... صباح الخير يا حبيبى

حسن : صباح الرقه والدلع بقلم : لبنى طارق

مريم : بأبتسامه دلع على الصبح كدا

حسن : دلع فى أى وقت الصبح الضهر أخر النهار باليل ....

مريم : ها أخد على كدا وها تتعب

حسن : ميل عليها بجسمه وقرب وشه منها وبهمس خدى ... وملكيش دعوه

مريم : بنفس الهمس بحبك وبعشق قربك

حسن : طيب ايه

مريم : ايه

حسن : احنا لسا ها نسأل ........ 😂😂😂😂 بطلو تطفل ياعالم وارحمونا بقى ......

مريم : قاعده على السرير وحسن حاطت راسه على رجليها ..... عملت ايه ياحبيبى وايه الا بعدك عنا كل دا

حسن : كتيرر قوى يا مريم حاجات خارجه عن كل منطق بس مش عايزك تشغلى بالك ركزى فيا واولادنا وبس

مريم : طمنى عليك يا حسن

حسن : بصى مفيش غير انى فى مأموريه وغصب عنى ممكن اتاخر عليكو

مريم : ليه ضربوك طيب

حسن : دا جزء من الخطه عشان يبان انى مخطوف وطبعا ولا حمزه ولا مصطفى عندهم علم بالكلام دا

مريم : وليه بقى اشمعنا انت

حسن : عشان انا الا مكلف بالمهمه دى يا مريم وعشان الموضوع فى منتهى السريه

مريم : شدته اوعى يكون المهمه دى كان فيها بنات

حسن : بأبتسامه ومكر عشان يثير غيرتها وافتكر ليزا ومحاولتها معااه .... اه يعنى

مريم : بترقب يعنى ايه انطق

حسن : كان فى مزز والله يا مريم وحاولو معايا كتير ....

مريم : وهو الشر طاير من عنيها ... نعم اه وبعدين ... ضربته قوم بقى روح للمزز بتاعتك اتارينا ولا على بالك

حسن : شدهاا عليه انتى كنتى ماليه عينى ومش شايف غيرك خليكى واثقه فى دا

مريم : برقه بجد يا حسن .... اوعى يكون قربت من حد كدا والا كدا بقلم : لبنى طارق

حسن : وحياتك عندى ولا عملتها قبل الجواز خوفا من ربنا ولا بعد الجواز خوفا من ربنا ثم حب ليكى مصدقانى

مريم : برقه تخطف القلوب مصدقاك فى كل حرف بتقوله بس بحب أسمع منك واطمن قلبى كمان وكمان

حسن : 😂😂😂 احنا كدا مش ها نخرج من الاوضه ومنظرنا ها يبقى وحش

مريم : طيب قوم ياله ناخد شاور ونطلع أجهز الفطار واطمن على الولاد أكيد تعبو ماما

حسن : ياله يا حبيبى وشالها ودخل بيها الحمام ..... ...

********

محمود : صباح الخير يا عفاريت

صفيه : 😂😂😂 العيال تقولش مصممين على مريم امبارح ما بطلوش زن

محمود : 😂😂😂 عايزين يرزلو على ابوهم واحشينو يا صفيه ملهمش نفس هما كمان

صفيه : اه يا محمود روحى أتردت تانى الحمد ليك والشكر ليك يارب ....

محمود : ومين سمعك .... هى العيال دى مش ها تطلع عشان نفطر

حسن : طالع ورافع ايده أهوووو يا حج طلعنا

مريم : صباح الخيرررر قطقيطو اول يوم تنامو برا حضنى

زياد وريناد : بيحركو ايدهم ورجليهم بفرحه ومبتسمين اول ما شافو مريم وحس وبيقولو أغاااا أغااا

حسن : جومال خالص يا يناس بقى القمرين دول ولادى

صفيه : قول الله أكبر يا حبيبى العين بتحسد صاحبها من غير قصد

مريم : 😂😂😂 بتزق حسن فى ايده ما تقول الله أكبر

حسن : خلاص أتفقتو عليا الله أكبر وبالصلاه على النبى كمان كدا حلو

كلهم : عليه أفضل الصلاة والسلام

حسن : هاتيهم تعالو نقعد مع جدو على ماما وتيتا يخلصو الفطار

محمود : وهو بيخبط على رجل حسن عامل ايه يا حبيبى طمنى عليك

حسن : الحمد لله يا حج فى أحسن حالتى انت أخبارك ايه

محمود : الحمد لله خدت الأقرشين فلوس الارض وعملت معرض موبليه على قدى واهو حاجه تسلينى بدال قعدتى فى البيت وتدخل لنا قرشين

حسن : عين العقل ها انزل معاااك أتمم على كل أمورك ولو محتاج فلوس أسحب الا أنت عايزه انا عملك توكيل عام

محمود : ابدا عمرى ما أمد ايدى على حاجه تخصك انا ازود الا عندك مش أخد منه

حسن : ليه كدا يا حج هو انا يعنى لو ما اتهنتش بفلوسى معاكو يبقى لازمتها ايه

محمود : لازمتها تتمتع بيها وتمتع مراتك وولادك ربنا يزيدك انا مش محتاج وربنا ساترنى وأمك ست أصيله لو بعيش حاف بتاكل وتحمد ربنا ولا عمرها طلبت حاجه ابدا ولا حسستنى فى يوم اننا محتاجين حاجه على طول محسسانى انى معيشها ملكه

حسن : ربنا يخليهالك وما يحرمك منها صفيه دى مفيش زيها صح يا رورو

محمود : ريرى يا واد وزيزو

حسن : 😂😂😂 ريرى زى ما جدو قال هو يأمر بس

محمود : حماك وحماتك وادهم ها تشوفهم انهارده اول مره يقابلوك فيها

حسن : يا مرحب انا نفسى أشوفهم قدام عنيا واتعامل معاهم .... كلمتهم على النت قبل كدا ناس كويسه

محمود : قوى يا حسن ها تتبسط معاهم بس خساره كلها 5 ايام وماشين

حسن : تتعوض يا حج ان شاء الله

مريم : ياله يابابا ياله يا حسن هات زياد عنك وادى ريناد لماما

حسن : لا خليها معايا حبيبة بابا وانتى كمان تعالى جمبى هنا ..... وفطرو ومريم وصفيه شالت الاكل وعملو شاى وخرجو يشربو مع بعض .....

حسن : خد من مريم الشاى وباس ايدها وقعدها جمبه فى حضنه وريناد على رجله ومحمود معاااه زياد الا واكل عقله هو وصفيه ..........

***********

سعاد : جهزتو

عماد : ما تخلينا انهارده كمان

سعاد : ابنك لازم يروح لعروسته ويحول الفلوس الا اتفقتو عليها الصبح فى البنك ولو محتاجه حاجه يعملهلها .....

ادهم : ايوا ملوش لازوم نفضل هنا

عماد : اه عايز تجرى دلوقتى

ادهم : الصراحه اه ما كنا عملنا فرح هنا فى اى فندق ودخلنا هنا

عماد : يا واد اتلم دا انت ما كملتش 6 ايام ومستعجل امال الا بيخطبو بقى سنتين وتلاته

ادهم : انا مالى انا ربنا مسهلها أعقدها ليه عايز اتجوز يا بشر وأخلف توأم زى مريم

سعاد : 😂😂😂😂😂 لا ومحدد كمان ها يخلف ايه

عماد : طيب يا أخويا يا مسهل

**************

داليا : كوكو فوقى بقى كفايه نوم

كارما : فتحت عنيها مش قادره يا ماما سبينى

داليا : قومى أفطرى معانا واهتمى بنفسك شويه وأكلك

كارما : مليش نفس

داليا : انتى بقيتى زى الاطفال كدا ليه

عمرو : واقف عند كارما وعمال يخبط على وشها وبيلعب معاها

كارما ؛ قول يا عموررر لماما اننا أعيل من بعض انا وانت وخليها تسبنى براحتى

عمرو : رفع ايده لداليا وبيهزها من فوق لتحت وبيقول ببا ببا ببا وبصريخ أغأااااااه

داليا : وكارما : انفحرو فى الضحك

داليا : انتى عملالو ايه على طول واقف فى صفك

كارما : شددت عمرو دا حبيبى وروحى

داليا : انا ها أعملك شندوتشات واجبهالك هنا وسابتها وخرجت

كارما : مسكت تليفونها واتصلت بمريم .... بقى يا ندله ما تسأليش خالص كدا انا تعبانه يا مرمر اهئ اهئ

مريم : مالك يا كوكو الف سلامه عليكى

كارما : عادى ارهاااق ها يموتونى قبل ما اتجوز وافرح بشبابى

مريم : 😂😂😂 ها تفرحى ان شاء الله ما تقلقيش ..... عندى ليكى خبر حلوووو ..... حسن شد منها التليفون

كارما : قولى انا فى عرض خبر واحد

حسن : الف مبررروك معلش جت متاخره

كارما : بأستغارب وبعدين فهمت ... اوعى يكون حسن

حسن : 😂😂😂 هو بعينه

كارما : بفرحه حمدالله على السلامه أخيرا

حسن : الله يسلمك يا كارما صحيح ما نعرفش بعض عن قرب بس مصطفى ومريم قربو ليا الصوره كتير

كارما : وانا كذلك والله

حسن : شكرا على اهتمامك انتى وندى خطيبة حمزه بمريم وامى

كارما : ما تشكرناااش لان مريم بتعمل أكتر من كدا ...

حسن : سلملى على بابا كتيرررر وقوليلو انى ها أجيلكو انا ومريم وظبطو المعاد انتى ومريم

كارما : عنيا حاضر ها تنورنا

حسن : ربنا يخليكى خدى مريم

مريم : خلى بالك على نفسك وها أكلمك تانى اوكى

كارما : اوكى يا حبيبتى سلام

***************

التعلب : ايه الجديد وما تحاولش تعرض نفسك للخطر تانى مهما كانت الظروف

شريف : لازم الا عندى تعرفه ما ينفعش يتأجل

التعلب : ايه هووو

شريف : قص عليه كل حواره مع هشام بدوى

التعلب : كنت فاكرك اذكى من كدا

شريف بتعجب : ليه !

التعلب : افرض بيختبرك وعايز يعرف قوة احتمالك ايه ها تقدر تكمل والا لا

شريف : ما أعتقدش ابدا من تعاملى مع هشام هو فعلا بيثق فيا

التعلب : انت كدا بتغلط والغلط فى شغلنا يدمر الدنيا المفروض ما تظهرش أى تعاطف معاااه لو مساعده من اى نوع الا لما تتاكد من كلامه .... من الاخر تعمل فيها مصدوم ومش قادر تفكر على الاقل

شريف بتفكير : طيب ايه الا ها يتم هو حاليا معملش اى رد فعل ممكن يقول انه شك فيا

التعلب : اتعلم قبل أى حاجه شغلك فى المخابرات اول حاجه فيه ان العواطف بين المجرمين والمافيا والمخابرات الاجنبيه ممنوع منعا باتا والثقه 0 مفيش فاهم

شريف بأسف : فاهم غلطه مش ها تتكرر

هشام البدوى : مش لازم تتكرر ابدا لو عايز تنجح كا ظابط مخابرات ممنوع المشاعر وممنوع الثقه

شريف بصدمه وزهول : وقام وقف من مكانه انت بتعمل ايه هنا ورجع بص للتعلب الا كان مبتسم .... وقرب على هشام وحضنه وباسه ....

التعلب : منور

هشام : وهو متغير بعض الشئ وبنظرات ثابته غير مفهومه لشريف او خالد ..... ها تفضل واقف أقعد

شريف : انا مش فاهم حاجه انت معانا يعنى انت ايه صفتك هنا وبعدين ضحك .... هو انا غبى قوى كدا

هشام : بأيده بيحركها مش قوى يعنى يجى منك بس لولا انى عينى عليك كانو صفوك من زمان

التعلب : أعرفك يا خالد نسر المخابرات

شريف بصدمه : هو دا معقول دا الا طول الوقت بنسمع عنه وما نعرفوش معقول انا معاااك بقالى 3 سنين

التعلب : ايه ها نجيب حد يفوقك

أمجد نسر المخابرات : 😂😂😂 إظاهر كدا

شريف : طيب ازاى انت فى وسطهم ومنهم

أمجد : أنت كمان فى وسطهم ومنهم ... فاكر ها تبقى لوحدك

شريف : طيب والقصه الا قولتهالى وتأثرك

أمجد : هى حاجه صعبه لو انا ما أقدرش أخليك تصدقنى يبقى أكيد مكانى مش هنا

شريف : طيب ليه انا بقالى 3 سنين معاك ازاى مش تعرفنى

أمجد : مش بمزاجك تعرف كل حاجه لازك يبقى فى وقت مناسب لان الوقت دا مش ها يبقى فيه خطر على شغلنا او علينا لازم تقدر تتعامل طبيعى جدا وبحذر عشان ما تلفتش نظر حد حواليك ولو كنت عرفتنى من الوقت الا انضمت فيه لينا كان زمانك اتكشفت وكشفتنا معاااااك ..... انت حاليا ها تكتشف وتتعلم

شريف : على كدا بقى انا ولا حاجه

أمجد : ازاى انت ممتاز وشاطر فى شغلك بس ليه بعد زيارتك لمرات حسن اتغيرت وبان عليك جدا ودا الا خلانى عملت كدا معاااك عشان أعرف فعلا اذا كان ممكن تعرض نفسك للخطر وتهتز لمشاعر هشام الزايفه او لا وشكى كان صح

شريف بأسف : لتفكيره فى الوقت دا ومشاعره الا كانت ها تكشفه فعلا ..... صعب عليا مرات حسن واهله وولاده الا ما يعرفش عنهم حاجه....... ناس كتير بتتظلم بسببنا وطبعا لما كلمتنى فى قصه مشابهه وهى الفراق فيها مشترك حسيت ببنتك ومراتك اد ايه اتعذبو وممكن يتعذبو ....

أمجد : وطبعا كنت عايز تساعد

شريف : ايوا

أمجد : مشاعرك طبيعيه جدا وعشتها كتير فى حياتى بس صدقنى راجل المخابرات لما يتجوز لازم يختار الا ممكن تضحى مش بالكلام لا لانها فعلا أكتر ست ممكن تواجه حرمانها من جوزها لفترات كبيره وممكن يبقى اللقاء عابر لازم تتعلم تعيش وتعتمد على نفسها لو هى عايزاه .... مش تتخلى عنه ابدا بسبب ظروفه وتعرف ان حياته كلها فعلا مش بأيده يوم فى حضنها و10 لاء .......

شريف : والنسر لقى فعلا الا تقف معاااه وتستحمل ظروف شغله ..... وطبعا بعيد عن الا شفتهم لانهم أكيد خدعه ليا

أمجد : اه لقيت منى الا أنت شفتها وبنتى هدير الا ها تبقى دكتوره زى ما قولتلك عمرها ما زهقت منى ومتفهمه ظروف شغلى جدا وبتستقبلنى كأنى عريسها الا منتظاره كل مره بمشاعر مختلفه وجديده وحب مختلف .....

التعلب : انت كدا ها تشوق الواد أكتر كفايه كلام عن الجواز والحب

أمجد : لازم يفهم ان حياته مش سهله والا ها يختارها بردو لازم تقدر دا عشان يبطل تفكير بمشاعره فى فرق بينه وبين حسن وحياته ..... حسن ظروفه جت كدا معانا ......

شريف : تحت أمرك يا فندم وأعتبر الا قولته ليا كله ها يتم زى ما أنت وصلتهولى بالظبط

أمجد : مشاعرك طول ما انت فى شغلك أركنها على جمب مهما شوفت وسمعت انت مختلف عن كل الا حواليك فاهم

شريف : فاهم

التعلب : خلاص العمليه قربت ودا طبعا الوقت المناسب الا كان لازم تعرف فيه شخصية هشام البدوى عشان التعامل ها يبقى مشترك ليكو انتو الاتنين والشخصيتين دول بعد العمليه هشام وشريف ها ينتهو تماما

أمجد : قام والتعلب قام وسلم عليه وعلى شريفه الا طمنه تماما ..... وبدئو يتخفو الاتنين وطلعو زى ما دخلووو

*****************

مر الوقت سريعاااا .....حتى أتى غروب الشمس بألوانه المثيره المتداخله التى تجذب الانظار .....

حسن بيفتح الباب : أهلا ازيك يا عمى

عماد : حمد الله على السلامه أخيرا اتقابلنا

حسن : أخيرا وخده بالحضن وسلم على ادهم وحضنه وباركله وكذلك سعاد ......

سعاد : وحشتونى انا نفسى أفضل معاكو

عماد : انا كمان بس ها نعمل ايه

ادهم : ها تعملو ايه يعنى جوزونى وسافرو

حسن : 😂😂😂 انا بقول كدا جوزه هنا وانتو سافرو

عماد : ليك وحشه يا حسن احنا مشتاقين نشوفك يا راجل مريم بتقول فيك شعر من اول يوم اتقابلتو فيه

حسن : قاعد وواخد مريم فى حضنه وما سابهاااش تقوم ومسك ايديها وبيبص لها نظره اد ايه انتى أنسانه جميله وقرب من خدودها وباسها بكل حب ....... يا عمى مريم بنتك ربنا كرمنى بيها وانتو مش عارف أشكركو ازاى على هديتكم الا عمرها ما تتقدر بفلوس دى

ادهم : ايه يا عم .... كل دا فى مريم دى كانت مبلطجه عليا

سعاد : والله انت الا زهقتها فى عيشتها

عماد : بفرح ربنا يسعدكم يارب وهو شايل زياد وبيقوله أطلع لأبوك يا زيزو

حسن : لا يطلع لجده محمود وجده عماد ...انتو الأصل

عماد : ربنا يكرم أصلك

سعاد : عامل ايه يا حبيبى

حسن : الحمد لله يا طنط تمام

سعاد : اجازتك كبيره بقى على كدا

حسن : للاسف لاء بعد فرح ادهم ها نسافر انا وحمزه ومصطفى مع بعض

مريم : لفت ليه وبصلته بجد يا حسن انت لحقت تيجى

حسن : معلش يا حبيبى بقى تتعوض ان شاء الله

عماد : عيب يا مريم بدال ما تكشرى ادعيله يا حبيبتى انتى عايزاه قاعد جمبك