رواية الزواج من زوجتي الفصل التاسع والعاشر بقلم الكاتبه إيليا لي حصريه وجديده على مدونة النجم المتوهج للروايات والمعلومات

" توبــــــــــــــــة ..

صوت الرصـ ـاصه تسمع فوذانه ، كـان راكن العربية قدام البـاب لما حس أنه تأخير كم ثانية ، سلب منه روحه متقـبلش ، التلفون فلت من إيده ..

" توبــــة " نزل من العـربية وشه مبتفـسرش مليان رعب حاسس بالعجز و بينفـي الصوت اللي بيوهمه بأسـوء الإحتمـالات و يا دوب داخل جري لقاها طالعـه ..

بتجري لبـرا شعرها على وشها مـش شايفه قدامها ، رجلها حافية هربانه و لما شافها تردت لـيه روحه ، مسكها من ذرعها متحققـتش هو مين قبل ما تزقه ..

صوتت " ابعـد عني ، متلمـسنيش .. " جريت منه بس رجع شدها ليه " توبـة اهدي أنا ياسـين ، متخافيش " بمجرد ما سمعـت صوته حضنته جامد ..

بترجف من كثر الخوف و بتعـيط " متسـبنيش ثاني ، متسبنيش انا خايفـة .. "

بيحاول يهديها فنفـس الوقت بيمـرر إيده على جسمـها يتأكد انه مفيش أي أذى مسـها ، غمـض عينيه بإرتياح " الحمد لله .. " بيشـم ريحتها " الحمد لله .. "

هديت بمجرد ما حست بالأمان معـاه ، طلعها من سكونها لما قال " سمعت صوت طلقـة ، انت كويسـة ؟.. " حضنته جامد بتتنفض و تهمس " قتـ ـلته .. "

برق ، بيحاول يطلعـها من حضنـه و هي لازقه فيه " خليني أطلع أشوفه ، تـوبة اهدي خلاص ، متخافيش .. "

بتشهـق " هيحبسـ .. ـوني ، بقيت مجرمـ .. ـة .. "

طلعها بالعافية بيبعد شعرها عن وشـها بيمسح دموعها و بيحاول يقنعها تسيبه يدخل لجوا مش راضية ، متمسكة بيه فجأة محمـود طلع من البيت ماسك كتفـه بينـ ـزف ..

مصدوم " محمــود ؟.. "

توبـة بمجرد ما لمحته اتجننت ، بتشاور عليه و تصوت " هو اللي زقنـي من فوق السلم ، رجع عشان يمـ .ـوتني .. "

محمـود جري هربان قبـل ما ياسـين يستوعب ملحقـوش وضعها مكنـش بيسمح هداها و رفضت تدخل البيت ثاني قعدها فالعـربية راج جبلها شوز و جاكيت ..

رجع ساق و هي متمسكة بيه ، أخدها على أوتيل و طـول الوقت بيفكر زاي محمود خان ثقـته طلعو أوضتهم فالاوتيل و نيمـها على السرير ..

بلعت ريقـها " متمـشيش .. "

" حاضر ، آنا اسف ، سبتك لوحدك .. مش هعيدها ثاني " بيبوس كفـوفها مـش هتحرك خطوة من غـيرك " ذوب دوا فكباية مـية من غير ما تاخد بالها خلاها تشـربه ..

بعد كم دقيقة راحت فالنـوم ، كان ضروري يريحها ، عشان تهدى بيحاول يفهـم ايه علاقة محمـود عشان يزقها من فـوق السلم ، ايه اللي خده أصلا هنـاك و ليه محدش عرفه ..

شد على إيده " دماغي هتنفجر من التفكـير . " بيشد ع الحروف " محمـود .. مش هرحمك .. "

قام طلع شريحة رقم جديد من جيبه و مسك التلفون فإيده ظل فترة متـردد و أول ما بصلها و افتكر حالتـها كانت زاي ، على طول ركب الشريحة و طلب رقم ..

" ميـن بيتصل .. " سكت و مردش خلاه يعيد نفـس السؤال أكثر من مرة و لما خلاص كان هيفصل ..

رد " ياسـين .. "

ضحك " ياسـين ، متوقعـتش تتصل بعد اللي حصل أكيد حصلت حاجة مهـمة .. خلينـي احزر .. ليها علاقة بمـراتك .. "

شد ع الحروف " يعقـوب .. "

ضحك " خلاص بهـزر معاك ، قلي تأمـرني بإيه ؟.. "

" محمـود .. "

" محمـود ؟.. مساعدك ؟.. "

" اه ، هـربان و عايزك تجبهـولي ، دور عليه فـوق الارض او تحتها عايز أشوفه قدامي فأقرب وقت مفهـوم ، لما تخلص مهـمتك ، انت عارف هتلاقيني فين .. "

" طلباتك أوامر .. "

قطع الإتصال ، طلع الشريحة من التلفـون كسرها ، راح نام جنبها و خدها فحضنه ..

" مـش هرحم أي حد .. "

...................

بيطلع الهدوم من شناتي غراضهم اللي وصلت و يا دوب هيدخل الحمام لقاها واقفـه قدامه ..

ابتسم " فقـتي .. مسا الخير .. ارتحتـي .. "

بلعت ريقـها " رايح فين ؟.. "

" هدخل استحمى ، دقيقتين و هكون عندك ، الباب مقفـول مش هيحصلك حاجة ، أنا معاكي .. " شاف التردد فعينيها قرب و همس جنب وذنها " ولا تحبي تستحمـي .. "

فهمت قصده وشـها تلون من الخجل ، هزت راسـها برفض جريت على السـرير استخبت تحت الغطا ..

كان داخل لما ندهت " ياسـين .. "

بمشاكسة " غيرتي رأيك ؟.. " ضحكته و هي بتحرك راسها جامد من تحت البطانية " بالراحة هتدوخي ، مـش هتأخر .. "

بصوت واطي " ممكن تفـضل تكلمينـي من جوا عشان مخفش "

رجع شد البطانية عنها ، وشه قريب منـها جامد " عايزه أقلك إيه مثلا .. "

" أي .. حاجة .. "

بهمـس ، ذايب فبصتها " أي حاجة .. "

" أي حاجة .. "

قام بسرعة دخل الحمام قبل ما يعـمل كارثة ، فضل يحكيلها عن شخصيتها القديمة و انه عمره ما شافها بتستحي منه ، غـير بعد ما فقدت ذاكرتها ..

استغلت ثرثرته ، راحت تدور ما بين غراضها اللي اجو لقت تلفـونها اللي بتدور عليه ، بعثت منه رسالة ..

" الأمور ماشـيه تمام ، موضوع محمـود تقفل ..

#الزواج_من_زوجتي

الفصل العاشر

" الأمور ماشـيه تمام ، موضوع محمـود تقفل .. "

مسحت محتـوى الرسالة رجعت التلفـون مكانه و فتشت فأغراضه مستغلة غيابه رجعت قعدت هاديه أول ما سمعت صوت رش المية توقف ..

قرب منها ، شعـره مبلول قطر على خدها ، تلقائي غمضت عيونها كتمت نفـسها مسح عن خدها القطرات بصباعه " توبة انت متغـيره بشكل مش طبيعـي .. "

فتحت عينها ، بصت فعيونه و التوتر ظاهر عليها " يعني متغيرة زاي ؟.. "

" بقالي كثير مستنـي سؤالك ، بس مسألتيش ؟.. "

بتمـتمة " عن .. المسـ ـدس ؟.. "

ضحك " توبتي اللي حافظ تفاصيلها مكـنتش ترددت تسأل ، هي مبتعرفش تسيطر ع فضولها السؤال نفسه بينطرح على وشـها قبل ما تنقطه .. "

رجفت نبرتها " يعـني .. "

" يعني" بيبصلها بطريقة غريبة مفهمتش مغزاها شككتها فنفسها بتسم بعدما غير محور الحديث " احساسك ايه لثاني مرة بتضربي رصـ ـاصة .. "

طلعت من بقها شهـقة صغيرة " ثاني مـرة .. "

مراقب أصغـر ردات فعلها " ايوه لثانـي مرة " شاور ناحية صدره مبتسم " أنا اللي علمتك زاي تستعمليه وريتك تضـ ـربي فين بالضبط من غير ما تقـ ـتلي الغريب انه دماغك تلقـائيا عطى ردة الفعل على حسب ما علمتك .. "

متمنية تبعد عينها عن البصه فعيونها بس مش قادره في بعيونه حاجة غريبة بتشدها ..

" غريب صح ؟.. "

جف حلقها " إيه الغـريب ؟.. "

" غربب تنسي كل حاجة حتى من شخصيتك ، بس تفتكري فين و زاي تضـ ـربي .. "

حسته بيلمح لحاجة دماغها المشوشة مفهمـتهاش و هو من نبض قلبها حس انه ضغط عليها زيادة ، كان منسحب يطلعلها هـدوم من شنطتها " هما فين أهلي ؟.. "

وقف لكم ثانية بس رجع كمل شغله من غـير ما يبصلها ..

" أول مرة طرحت السؤال اديتني نفـس رد الفعل تلقائي حسيت انه مش لازم اسأل هو مين ولا عـن المسـ دس المخبى فاوضتك و للي لقـيته يالصدفة و أنا بحاول الاقي حاجة أدافع بيها عن نفـسي يعني غلطتك .. "

ساب اللي فإيده ، لف بصلها " هي غلطتي يا توبتي ، مكنش لازم أسيبك ، سيبك من كل ده و يلا قومي بسـرعة .. "

حست بتهربه و تظليله للسؤال عن عيلتها نزلـو تحت على مطعم الاوتيل تغدو ، بعدها طلعو سوا بيتمـشو جنب بعض و ملقـاش غير إيدها بتتمد و بتمسك إيده ..

ابتسم ، نفخت خدودها " خايفـة .. "

كشر " مسمعكيش بتقولي خايفة فوجودي هـمم اللي حصل مش هيتكرر ثاني ، متخافيش .. "

ماشين بهدوء لغاية ما نطقت فجأة " ياسـين .. "

" مش متعود على المقـدمات ديه منك اتكلمـي على طول .. "

" ديما بتوصفلي نفسي القديمة كانت زاي و بتعرفني على نفسي بس مبتفـكرنيش بيك ، مش عارفة عـنك حاجة .. "

" عارفة أهـم حاجة مش مهـم التفاصيل .. "

مستغربة " و إيه هي أهـم حاجة .. "

وقف مشـي لف ، ضرب أنفها بصباعه بالراحة " عارفة انك مراتي و ده الأهـم .. "

دبت رجلها فالأرض ، بغيظ " ياســين .. "

" خلاص متكشريش بس حقيقي مش عارف أوصفلك نفسي ولا أكلمك عن نفـسي أقول إيه ، عايزه تعـرفي إيه .. اسأليني هجاوبك يلا .. "

" عندك كم سـنة ؟ .. "

" أربعـة و ثلاثين " مستنـي تكمل فقرة أسئلتلها بصلها لما ملقاش منـها غير الصمت " مالك يا تـوبة " بصاله و مركزه فملامحه " تـوبة في إيه ؟ .. "

" مبيـبنش على وشك العمـر ده كله .. "

ضحك " العمـر ده كله ؟.. حسستينـي الاربعـة و ثلاثين سنة بقـو سبعـين سنة .. "

بحرج " مـش قصدي .. "

" مقلتش كده عشان أوثرك انا فاهم قصدك و مش هفهمك غلط بهـزر معـاكي بس يلا كملي أسئلتك .. "

" بتشتغـل فإيه ؟ .. "

" صائغ .. "

ضحكـت بصـوت لدرجة أكـثر من شخص لفـو و بصولـها ، كـل ما تجي تلم الضحكه و تاخد نفس تقوم منفجرة تاني و ياسين انزعج من بصات البعض من الرجال ليها تعصب ، حاول يمسك نفـسه بس غيرته خلته يزعقلها ..

من ساعتها و هي قاعده فكرسي الجنينة مكشـرة و مش راضية تتجاوب معاه " توبتـي ، بقيتي بتتصرفي زي العيال الصغيرين من لما وقعتي على راسك .. "

برقت " يعـني تقصد إني بقيت مجنـونة .. "

" شـوية .. "

" يعـني الطبيعي امبسط انك زعقـتلي .. "

بيعدل شعـرها " اه كنت بتمبسطي أوي بغـيرتي عليكي .. "

كشـرت " بس معملتش أي حاجة غلط تزعقلي بسـببها .. "

" خليتي كل اللي بالشـارع يبصو عليكي بسـبب ضحكتك .. "

هزت كتفـها " معرفتش اتحكم بضحكـتي .. "

" و أنا مبعـرفش أتحكم فجنون غـيرتي .. "

سكتت و مـردتش بس مش هتعـود على سكوتها حتى لما بتكون غلطانة أو مش غلطانة بترغي كثير ، بس دلوقتي مضطر هو يطلع من هدوء طبيعته بس عشـان تتجاوب معاه و تسمـعه صوتها ..

كشـر " إيه اللي ضحكك فإني صائغ .. "

اجت تضحك تاني حذرتها نظرته فكتمت ضحكتها " غريبة شكلك مش شكل صائغ .. "

" يعـني هو الصائغ عـنده ثلاث عيون و لا إيه مش فاهم .. "

" خسارة العضلات ديـه كلها فصائـغ و التجار بصفة عاملة بيكون عندهـم طولة بال و هادييـن بس انت عصبـي و مكشر و مستحيل أتخيلك بتبتسـم فوش زبون .. "

" غلطانة على فكـرة ، أنا هادي و حنيـن .. "

" حنين ممكـن بس هادي معتقدش ، صائغ .. تقصد صائغ مشاكل صح ؟ .. "

رفع حاجبه " توبـة .. "

مطت شفايفـها " خلاص آسفـة .. "

" ماما .. ماما .. "

في ولد صغـير طلع من العـدم بيشد إيد توبة مصـر يقـومها معاه " ماما قومي زقيني في المرجيحة .. "

ياسين رفعه من تيشيرت بتاعه من ورا بعده عنها بمسافة صغيرة و رجـع حطه على الارض ، أول ما سابه جري و لـزق فإيدها ثاني " ماما تعالي زقينـي فالمرجيحة .. "

مسكـه من التيشيرت بتـاعه بغيظ ناوي يبعـده ثاني بس مسكت فيه " حرام عليك يا ياسين ، عايز يلعب بس .. "