محطات العمر الفصل السادس عشر والسابع عشر والثامن عشر بقلم الكاتبه جمانه السعيدي حصريه وجديده على مدونة النجم المتوهج
محطات العمر الفصل السادس عشر والسابع عشر والثامن عشر بقلم الكاتبه جمانه السعيدي حصريه وجديده على مدونة النجم المتوهج
اريج...خلص هذا اليوم على خير عبدالقادر راح للشغل وامه بقت وياي
من اجا الدكتور حجيتله عن الم رجلي
كال عادي وسجلي مسكن غير الي جنت اخذه
الضهر جابلنا عبد القادر غده ورجع للشغل وبليل اجا اخذ امه وصلها للبيت وجابلنا عشى تعشينا
جابلي صوبه كهربائيه وجابلي بطانيه ثكيله
عبد القادر...اذا توجعج كعديني خاف انام
اريج...لا انشاء الله ماكو وجع اليوم الدكتور غير المسكن
عبد القادر.... اني متعجب من شي واحد
اريج ...شنو
عبد القادر...هاي ثالث مره اروح اسئل عنج بلمنطقه
محد ذكرج بكلمه
يصير انتي من غير منطقه
اريج.. رديت علي بعصبيه .مااعرف مااعرف مااعرف
عبد القادر...ليش صرتي عصبيه
اريج...جاي تلح هواي بهذا الموضوع مو كتلك مااعرف
اذا تعبت مني عوفني
عبد القادر....اسف اتصورت تفرحين اذا كتلج جاي ادور عن اهلج لان اكيد انتي تردين تلكيهم وترجعين الهم
اسف بعد مااحجي بهذا الموضوع
اريج....اني الي تعبت من نفسي وتعبت من وضعي كله
تايها ومااعرف مصيري شنو
عبد القادر...ليش تكولين هيج اكيد فتره وتعدي وراح ترجع الامور طبيعيه مثل قبل واحسن
اريج....ماادري بعد كل هذا الوكت شراح يصير بيه
عبد القادر...مبين انتي حزينه من زمان لان جاي تحجين
عن وضعج قبل وهسه
اذا تذكرين شي عن الماضي كولي
اريج....دفعت البطاريه وردت انزل من الحربايه
عبد القادر...وووين ووين
اريج...اريد اطلع من المستشفى اريد اخلصك مني
عبد القادر ....ارجعي بعد مااحجي بهذا الموضوع الضاهر اني بالغت بلحجي اعتذر منج
بس ولله احجي من حرصي عليج انتي لو بنتي
جان كلبت الدنيا واني ادور عليج
اريج...رجعت للجربايه وسكتت
عبد القادر....اعتذر مو قصدي
اريج...ممكن ما تحجي بعد بموضوع اهلي اني اذا اذكرت شي راح احجي قابل اضم عليك
عبد القادر...تمام موافق
اذا الدكتور سجل خروج من المستشفى ترحين ويانا للبيت
اني راح اعوف كل المعلومات عنج ووين صار الحادث
واطلعج على مسؤليتي
لازم نطلع اذا مو اليوم باجر قابل راح تبقين بلمستسفى
منا لمن ترجعلج الذاكره
اريج...الله كريم
عبد القادر...خوما زعلتي مني
اريج...لا مازعلت
جمانه السعيدي
اريج ...اربع ايام والدكتور سجل خروج من المستشفى
اليوم الرابع ام عبد القادر ما ااجت
حقها مسكينه ووينها ووين المستشفى
عبد القادر عاف هويته وسجل كل مداخلات الحادث ووقع على مسؤليته
خاف احد يجي يسئل عني
رابع يوم جابلي كرسي متحرك ونزلني بلمصعد
صعدنا بسيارته ورحنا البيتهم
بيتهم كلش حلو والأثاث يخبل
دخلت لاكتني امه هله هله ومرحبا زارتنا البركه
امشي على رجل وعبد القادر ساندني بايده ويساعدني
على المشي
بلبدايه كعدنا بامطبخ
ام عبد القادر طابخه باجه وكراعين بس الريحه تخبل
شنو البهارات الي خالته ماادري
الريحه تارسه المكان
تغدينا سوا عبد القادر سبح وطلع للشغل بقينا اني وياها
ام عبد القادر....انتي ليش لا بسه اسود ميتلج عزيز
اريج...مااذكر ليش لا بسه اسود
ام عبد القادر... راح اروح اجيبلج كم تراك تبدلين
صارلج كم يوم لابسه هذا التراك
اريج...مااريد اكلفج مايحتاج انطيني دشداسه من ملابسج علما اسبح واغسل تراكي وينشف
ام عبد القادر....يااا تلبسين من دشادشي مالات عجايز
اريج...شبيها العجايز هنا الخير والبركه
ام عبد القادر...الله يرضا عليج
جمانه السعيدي
اريج لفيت ايدي ورجلي بعلاليك حتى لا يوصلهن ماي
ودخلت للحمام سبحت
الله راحه نفسيه الماي دافي قبل لا اسبح شفت شكلي بمراية الحمام
صدك كفشتي عبالك مخبله
حقه عبدو يكول عليه مخبله طلعت من الحمام لا بسه دشداشه ام عبد القادر لونها نيلي وعريضه
كعدت كبال الصوبه ادفي جسمي
ام عبد القادر علما تدفين اروح بشغله وارجع بسرعه
عافتني وحدي بلبيت وطلعت
هاي المره شكد كلبها طيب وين اكو واحد يعوفله غريب بيته ويطلع
لان هي نيته بيضه وماعدها غش ويا الناس تعامل الكل بعين طبعها
بقيت كاعده بمكاني منا لمن رجعت اذن المغرب يله رجعت
جايبتلي تراكات ثنيين وواحد احمر كلش حلو
وواحد اسود ابيض يخبلن قماش وموديل
اريج...ليش كلفتي نفسج خاله
ام عبد القادر....شنو كلفت نفسي قابل هسه اني شجبت
اريج بعدنا نسوالف دخل علينا عبد القادر
بس دخل وشافني لابسه دشداشة امه ضحك وضم ضحكته
عبد القادر...حجيه هلي شلبستي البنيه
ام عبد القادر....رحت جبلتها تراكات ثنيبن
عبد القادر....بس حلوه عليج همزين سبحتي
ومشطتي شعرج
ام عبد القادر....ياا شبيها تخبل
عبد القادر....لا يمه قبل لا تسبح جانت جنها
وسكتتتت
اريج...كول لا تستحي كول مخبله
ام عبد القادر...لا حشاج شنو مخبله اصلا مبينه بت ناس
ومؤدبه
عبد القادر....يله اكو عشى لو اطلب من برا
ام عبد القادر....هسه عشر دقايق وكلشي يجهز
طلعت أشكال واللوان من المجمده وكعدت تكلي واني حضرت الزلاطه واني كاعده
كملنا اكل
ام عبد القادر...انتي راح تنامين بغرفتي اني وياج
ثنيينه انام هنا
وعبد القادر...ينام بغرفته فوك
اريج...باي مكان انام ماعندي مشكله
ام عبد القادر....شلون باي مكان مايصير اعتبري البيت بيتج
اريج...تسلمين خاله
دخلنا الغرفتها شكد حلوه ومرتبه عبالك غرفة بنيه شابه
بيها عطر كلش طيب
ام عبد القادر...انتي نامي هنا على الجربايه واني راح افرش بلكاع وانام
اريج...لا اني انام بلكاع لا تغيرين مكانج
ام عبد القادر...اني ماأحب انام على الحربابه احب نومة الكاع
اريج...نزعت الدشاشه ولبست التراك الأبيض والأسود
يخبل شكد حلو عليه
البجامه اسود كحلي طوخ والبدي ابيض منقوش
جلد النمر ابيض واسود رفعت شعري خليت معطر
تمددت على الجربايه
جمانه السعيدي
ام عبد القادر....شكد جنت اتمنى هذا البيت هسه متروس جهال عمت عيني عبد ماعنده حظ ويا النسوان
عود اني رحت خطبتله
شمدريني الناس كلها كالت بت حلال
تالي طلعت شيطانه لعبت بينا لعب اخر شي
حبت رجال بكد ابوها طلكت وراحت ازوجته
مابقت وياا غير سنتين وطلكت
اريج...هو ماعنده اطفال
ام عبد القادر....لا عنده بنيه عمرها ١٥ سنه بس الله يستر منها غالبه امها قاطات بلوكاحه
اريج...ليش ماازوج بعد ما طلكها
ام عبد القادر...استغفر الله مليت واني احجي ويااا
مايفيد ااحجي يكول كرهة النسوان كلهن
ولو بيني وبينج اني اشك هي مسويتله عمل حتى لا يزوج
اريج...ليش تكولين هيج
ام عبد القادر...مو اني لزمت بتها ترش بيتنا سحر
ومن سئلتها تكول ماما كالت
اريج...يااا هاي صدك مؤذيه
ام عبد القادر...اووو شحجيلج منا الباجر مايكفي كلام عنها
مااعرف شنو من طينه هاي
مرات اكول لله رحم حاله وخلصه منها لو باقيه
جان ابني صار بي شي من وراها
صدكي بس طلكها صار احسن ووضعه كله تحسن
بس نفصلو هو وياها
اريج...شكد صار من انفصلو
ام عبد القادر...١٢ سنه وهو رافض فكرة الزواج
هي بعد ما انفصلت من زوجها الثاني
شكد حاولت ويلا وشكد ودت ناس علي بس هو رافض
يكول لو تبقى بس هي بلدنيا وابقى بدون زواج ماارجعها ابد
تريد ترجع علمود الفلوس مو ميته عليه
اني كلب والده اريد ازوجه وافرح بي العمر يمشي وهو جاي يكبر اريد اشوف جهاله قبل لا اموت
اريج...عمرج طويل انشاء الله
ثاني يوم كعدت لكيت عبدو طالع بس الحجيه بلبيت
كعدنا اني وياها بلمطبخ
هي تطبخ واني اساعدها واني كاعده على ميز الطعام
اساعدها على الخفيف لان مااعرف اشتغل بايدي اليسرا
جمانه السعيدي
للضهر دخل علينا عبدو جايب وياا مسواك
عبد القادر...السلام عليكم
التفت عليه اني كاعده على الميز ولا بسه التراك الجديد ورافعه شعري
حجا بضحك منو عدنا اليوم
ام عبد القادر...منو ماعدنا احد
عبد القادر...لا اكو بنيه عدنا اليوم
اريج...ترقيت من مخبله إلى بنيه اليوم
عبد القادر...لا حقيقتا طالعه بنيه
ام عبد القادر...انت ليش تحجي عليها اليوم اني شكد تونست وياها
عبد القادر...بس يطلعون اهلها وترجع الهم
يوميه اخذج البيتهم تشوفيهم
اريج....مو كلنا اذا ضايج مني اروح
عبد القادر....لا ماضايج منج شدعوه هيج بس يقرب عليج
واحد تكمزين
اريج...مو انت ادوس بلبطن
عبد القادر...اسف عيوني إذا دست بطنج
اعتذر
ام عبد القادر...تعالو نتغدا اليوم مرك سبزي وتمن
عبد القادر....يله بسرعه اريد ارجع اليوم تجينا بضاعه
واذا مااوكف فوك راس العمال يلعبون بلغراض طوبه
اريج...تغدينا اني اكل على كيف لان مااعرف اكل بايدي اليسرا
وام عبد القادر اجيب لحم وتخلي كدامي
عبد القادر...... كافي راح تسمنيها
ام عبد القادر...خليها تسمن
اريج...كافي خاله
ام عبد القادر...اني راح اسميج ورده لان انتي حلوه مثل الورده
عبد القادر...ادري توج متعرفه عليها ونازله بيها غزل
واني ابنج صار عمري فوك الاربعين ولا يوم سمعت تغازلني
والنوب اسمي عبد القادر حتى ماله دلع شكبره
اريج...لا اضوج راح نسميك عبدووو
عبد القادر...اشكرج ماأحب عبدوووو
اريج... انت مايصيرلك دلع اسمك هذا اسم فلكه
مطار قريه مو اسم بشر شكبره
عبد القادر...بس انتي يصيرلج دلع موووو
اريج...قول اعوذبرب الفلق خاله اكو حاسود دخل بينا
الله يستر من عينه
اريج...خاله ليش سميتي عبدوووو
عبد القادر...هم كالت عبدوووو
ام عبد القادر.... على اسم عبد القادر الكيلاني عجبني الاسم
لان اسمه حلوووو
اريج...مو كتلك اسمك جبير مو مال بشر
عبد القادر....هسه شلون اغيره علمودج
#محطات العمر
#البارت السابع عشر
#جمانه السعيدي
@الجميع
اريج... كلش ارتاحيت بيت عبد القادر
كنت احس بلامان مااعرف ليش رغم اني ابد ماحسيت
بهذا الشعور بيت خالي
ولا بيت سهيله ولا حتى بيت امي
هذوله الناس لا اعرفهم ولا يعرفوني
بس حاسه نفسي مطمنه حيل بيتهم
على طاري امي ياترى هسه ادور عليه خايفه عليه
لو كيفت طلعت من حياتها للابد
اكبر غصه بحياتي امي
خف الورم برجلي وكمت اكدر ادوس عليها
بس موقوي يعني ممكن امشي عليها شويه بس مااكدر اوكف عليها هواي
علاقتي باام قادر علاقه حلوه بسيطه ومتفهمه حنونه وكلبها طيب كلما تعاملني معامله حلوه اذكر بيبي
الله يرحمها هواي اذكرني بيها
على الاقل فتحتلي بيتها وهي مره غريبه
احسن من اهلي الي مالي اي مكان لا بكلوبهم ولا ببيوتهم
حتى عبد القادر رغم يحاول يلطف الووو يسولف ويضحك ومرات ينصب عليه
بس اني كلبي مطمن اله
محترم جدا رجال بمعنى الكلمه
جمانه السعيدي
فات اسبوع كامل واني كاعده بيتهم
مدلليني دلال ماصاير طول النهار اني وام عبد القادر سوا
لو بلمطبخ لو بلغرفه
اما عبد القادر بلشغل يجي الضهر يتغدا
ويرجع الشغله وبليل يجي وقت العشى مرات بطلع شويه ومرات يصعد الغرفته ينام
تعودت عليهم وحبيت هاي العائله
اجا يوم المراجعه لازم اروح للدكتور حتى يشوف ايدي
قبلها بيوم بليل
عبد القادر...باجر المراجعه الدكتور يشوف ايدج
لان هو أكد على المراجعه هذا الجبس الي بايدج مؤقت
يفتحه الدكتور ويشوف اذا تحتاجين
يجدده لو لا
اريج...عادي اروح بلتراك لان ماعندي ملابس طلعه
عبد القادر...هسه نخلص عشى ونروح انجيبلج ملابس
اريج...خاله تعاي وياي
ام عبد القادر....اني مااعرف بملابس البنات انتي روحي اختاري وتعاي
كملنا اكل لبست تراكي الاسود وشحاطه خاله
صعدت بلسياره وطلعنا
اخذني الشارع يخبل راقي والملابس الي بي تخبل
عبد القادر...يله انزلي
اريج...وووين
عبد القادر...ووين يعني تشترين ملابس
اريج...ياا انزل بهذا منظري شيكولون عليه
ماكو أسواق شعبيه نروح نشتري منها
عبد القادر...شنو أسواق شعبيه هاي الملابس هنا تخبل
اريج... يضحكون عليه شراح يكولون لو شافوني بذني ملابسي
عبد القادر....شيكولون خلي يكوولون مالهم شي عدنا
قابل راح يخطبوج انزلي يله
اريج...على هذا الشارع الراقي والملابس الحلوه والمكان
الي يخبل كنت محرجه انزل
احس الناس كلها راح تباوع عليه
عبد القادر...نزلت وهي ما تقبل تنزل
دنكت عليها من الجامه احجي وياها
...انزلي ليش كاعده بلسياره
اريج...استحي
عبد القادر....ليش تستحين انتي حلوه حتى وانتي لابسه تراك وشحاطة امي ههه
اريج...هااا شوف شلون انت تضحك عليه
عبد القادر...ولله احجي صدك انزلي انزلي يله
فتحت باب السياره وانطيتها ايدي
جمانه السعيدي
اريج...عبد القادر شجعني انزل لزمني من ايدي وعبرنا الشارع
دخلنا للمحل الأول الولد كام يباوع عليه ويرجع يباوع العبد القادر
عبد القادر لا بس قاط اسود وجوا بلوز رصاصي ابو الركبه
حالق وطالع يخبل عبالك شاب عشريني
واني لا بسه تراك اسود قديفه وشحاطه عاديه ورابطه شعري
جمانه السعيدي
اريج...عبد القادر انتبه شلون الولد يباوع عليه
واني مدنكه هلكد ما محرجه
مد ايده لزم ايدي وكال بصوت كله ثقه عندك ملابس راقيه
الهاي الحلوه
اريج...رفعت عيني اباوع علي ابتسم ابتسامه
خفيفه ورفع راسه واشرلي ارفعي راسج
قرب عليه وهمس
عبد القادر...جايين نشتري بفلوسنا ارفعي راسج لا ادنكين
رد علينا الولد بارتباك اي عدنا تفضلو شوفو اي شي يعجبك
عبد القادر...جيب كرسي تكعد علي ورده وانت جيب الملابس خليها تشوفهم لان ماتكدر توكف هواي
...اي صار بس شنو نوع الملابس الي تريدهن
ملابس بيت لو طلعه
عبد القادر...ملابس طلعه بس كون حلوات واخر موديل
بس جيب كرسي بلأول
اريج...الولد راح جاب كرسي كعدت علي وراح جاب
اكثر من عشر موديلات حتى اشوفهن
اختاريت موديل واحد كلش حلو
عبد القادر...اختاري بعد ليش واحد
اريج...وواحد كلش كافي خالتي هم حابتلي تراكين ذاك اليوم
عبد القادر...اختاري بعد واحد شنو تراكين
اريج...مااريد
عبد القادر...جيب هذا التفتوف حلو يجي على قياسج
اريج...باوعت علي
عبد القادر...شوفي يجي على قياسج
اريج...ااشرت اي
عبد القادر... اخذنا ذني شكد الحساب
اكو مكان للقياس
الولد...اي موجود هنا تفضلو
عبد القادر ...ادخلي البسي هذا خل اشوفه عليج
اريج...ما يحتاج مو راح نرجع للبيت واقيس هناك
عبد القادر ...البسي لان راح نشتري حذاء خاف تنحرجين
لان لابسه تراك
اريج كمت دخلت لغرفة الملابس بدلت النفنوف
يخبل عليه قماشه صوف لونه سماكي مخصر على جسمي من جوه ذياله صاعد ونازل
كان موديله حديث كلش عجبني
طلعت شافني عبد القادر صوفر على كيف واشرلي اوكي
بقيت لابسته
دفعنا الحساب وطلعنا
عبد القادر...تكدرين تمشين شويه لو اجيب السياره
بس نوصل الابو الاحذيه
اريج...بارده بس اكدر امشي
عبد القادر...يله على كيفج
اريج...قبل لا نوصل الابو الاحذيه عبد القادر شاف محل بي ملكانه
لابسه بنطرون جينز ثلجي وبلوز ابيض وفوكاهن
وشاح جبير لونه زهري بس شكلهن كلش حلوه
عبد القادر.. تعاي ندخل هنا
اريج...ليش مو كلت نشتري حذاء
عبد القادر....دقيقه ونطلع
دخلنا اكو كرسي كعدت علي
وهو راح يحجي ويا الولد اشوفه ياشر على الملكانه
الولد راح جاب علاكه وانطاها العبد القادر
جمانه السعيدي
عبد القادر...يله نمشي تكدرين لو تعبتي
اريج...اكدر انشاء الله
كمت امشي على كيف وهو شايل العلاليك
اريج....اريد حجاب
التفت عليه متعجب بعدين ابتسم
اريج...اني محجبه بس بلحادث تهيت نفسي
اذا ماتصير عليك زحمه
عبد القادر....ماكو اي زحمه تدللين
قبل لا نوصل محل الاحذيه دخلنا على واحد عنده حجابات
اشتريت واحد
عبد القادر....شنو واحد جيب بعد ثنيين
اريج... هوااي
عبد القادر.....شنو هواي نمونه
اريج.... دخلنا عل ابو الاحذيه جابلي عبد القادر الكرسي كعدت علي
اختاريت حذاء ناصي طبي اسود
عبد القادر...بعد جيب شحاطه طبي عاليه شويه
اريج...كافي حذاء كافي
عبد القادر...جيب لون صحراوي
اي هذا الموديل حلوووو بعد نعال للبيت
اريج...كافي هواي هاي
عبد القادر...شكد حسابك
اريج... ليش هلكد حذاء كافي ماكو داعي الهذا الصرف كله
عبد القادر البسي الحذاء وجيبي شحاطة امي
خليها بلعلاكه
اريج....طلعنا من المحل حسيت نفسي مرتاحه
كل الرجال الي عرفتهم بحياتي مابيهم ذرة رجوله وشهامه مثل عبدووو
عبد القادر ...اوكفي هنا بس اجيب السياره اكو واحد هنا يبيع ذره حاره تخبل
اريج...وكفت وخليت العلاليك بلكاع
راح عبد القادر شغل السياره وجابها الباب المحل
صعدت مشينا تقريبا عشر دقايق بلسياره
وصلنا محل يخبل
أجواء شتويه والمنضر من برا رهيب
نزل عبدووو فتحلي الباب دخلنا المكان دافي وبي شتلات زرع تخبل بي حوض سمج تقريبا مترين
أشكال السمج بي المحل كلشي بي مشروبات
دافيه عصاير كيك بالاضافه للذره
جابلونا الذره بكلاصات مطبخوه بخلطة بهارات
شكد طيبه
عبد القادر...عجبك المكان
اريج....يخبل الأجواء هنا كلش حلوه
عبد القادر....اني بلشتا دائما اجي هنا الأجواء تعجبني حيل
اريج...عندك ذوووق
عبد القادر....اذا تردين بعد اجيبلج لو تردين شي ثاني
اريج...شكرا ماقصرت كفيت وفيت
اريد احجي بس محرجه
عبد القادر...كولي ليش محرجه
اريج....ماكو داعي الكل هذا المشتره هواي قطعه وحده
كافي اني مااحب هيج واحسه استغلال
عبد القادر...هههههه ذني كم حاجه استغلال تحجين صدك
وين الاستغلال بلموضوع
ايدج مكسوره ورجلج ما تمشين عليها وفقدتي الذاكره
كل هاي الأشياء بسببي
وذني كم قطعة ملابس استغلال
ولله ضحكتيني اصلا بس اوصل الاهلج اي تعويض يطلبو راح ياخذو
ترا هذا الحادث مو شويه بس كون باجر الدكتور يطمنا عليج
اريج...اي تعويض بس تخلص مني
عبد القادر....هههه اكيد لا مو قصدي
اريج...انشاء الله خير ممكن اخذ الخاله وياي من هاي الذره
عبد القادر...اي ممكن ليش لا
حاسبنا وطلعنا من المحل
جمانه السعيدي
مشا عبد القادر وهو ساكت جابني للمنطقه الي بيها بيت خاله سهيله
كلش خفت بس مااكدر احجي
حاولت ابين اني متماسكه ومسيطره مااريده يشك بيه
هو قصده يذكرني بيوم الحادث حتى اذكر اهلي
مايدري اني شارده منهم
عبد القادر...هذا الشارع مايذكرج بشي
اريج...كام يمشي على كيف حتى اشوف الشارع واذكر
لا مايذكرني بشي اصلا ماشايفه هذاالشارع قبل
ليش تسئل
عبد القادر...ابد ما يذكرج بشي
اريج...رجلي كامت توجعني لان مشيت عليها ممكن نرجع للبيت
عبد القادر.. اي نرجع ردتج تذكرين هذا الشارع الي صار بي الحادث
اريج...اخخخخ كامت توجعني يمكن من البرد
عبد القادر...بس اني مشغل تدفئه
اريج.....خل نرجع اني بعد مااكدر اكثر
عبد القادر. يله نرجع ماعدنا شي
جمانه السعيدي
اريج...رجعنا للبيت خاله بس شافتني فرحت
الله شنو هلثوب الحلو
اريج...هذا ذوق عبدووو
جبنالج ويانا ذره كلش طيبه
ام عبد القادر....شكرا ولو اني ماكل شي بليل
بس راح أكلها
عبد القادر.. ..يمه راح اروح انام باجر كعديني شويه من وكت عندي شغل كون بلسته اني كاعد
حتى ارجع بلعشره اخذ ورده للمستشفى
اريج...راد يطلع من الغرفه
صحت ورا شكرا
عبد القادر...العفو تدللين
اريج...فتحت العلاليك اشوف خالتي الملابس
طلعن عندي البنطلون والبلوز والشال
ياربي هذا مو رجال نعمه من رب العالمين
اريج...كعدت بلخمسه وبعد ماكدرت انام صليت
وبقيت كاعده بلسته رحت شغلت الصوبه وشغلت التلفزيون على قناة القراءان بصوت ناصي
خليت القوري على النار كعدت خاله
ام عبد القادر....صباح الخير ليش كاعده من الصبح
اريج...صليت وبعد عيني مااخذت نوم
ارجعي نامي انتي اني احضر الريوك
ام عبد القادر...لا بعد كعدت
وكفت خالتي باب الدرج وصاحت عبد عبد يمه
مارد عليها
رجعت صاحت علي شويه ونزل
عبد القادر...صباح الخير
اريج.. صباح الخير
عبد...بس اصلي واجي اتريك
اتريكنا وطلع عبدوووو عندي احساس حلو اتجاها
احسه غير شخصيته حلوه
يمكن اني حبيته لان شخصيته تختلف عن كل الرجال الي مرو عليه بحياتي
مااريد اتعلق بي
اكيد اذا يعرف حقيقتي راح يكرهني
وانزل من عينه هو اصلا يكره النسوان
اني قصتي تخلي اي واحد يكرهني
لازم ما اتعلق بي وابتعد عنه حتى لا اصدمه بحقيقتي
اريج...بلتسعه سبحت وبدلت لبست البنطلون والبلوز والشال ولفيت الحجاب على شعري
وبقيت انتظره
بلعشره وربع رجع للبيت دخل من برا يصيح ورده ورده وينج
تعرفون اني اصلا ماأحب اسم ورده
بس من سمعته يصيح باسمي ويدور عليه حبيت هذا الاسم
شافني لابسه ذني الملابس
عبد القادر... هاي شنو هاي
اريج. انحرجت ودنكت
عبد القادر... طالعه حلوه اليوم يله مستعده
اريج...اي مستعده
عبد القادر. يله امشينا
وصلنا للمستشفى الدكتور على هواي مراجعين
جابلي عبد القادر باص اني كعدت وياا الناس بلاستراحه
انتضر يوصلني السره وادخل على الدكتور
شويه والصدمه جان شلت حالي
اجا خالي كص باص ووكف على نفس الدكتور
واني جمدت بمكاني
ياربي اذا شافني راح اضيع
راح يكشفني كدام عبد القادر
بس يلتفت يشوفني يمه احس راح يغمى عليه
من الخوف اذا شافني مستحيل يعوفني
اكيد راح يبلغ عني
سترك ياربي منيين طلعلي
راح انكشف واضيع
#محطات العمر
#البارت الثامن عشر
#جمانه السعيدي
@الجميع
اريج....كلبي كام يدك سريع واني اشوف خالي اجا بتجاهي
ارتبكت مااعرف شسوي شلت الوشاح الصوف الي على كتفي وخليته على وجهي
بس عيوني طالعات
اجا وكف بصفي بس ضهرها عليه مو وجها
متت خاف يلتفت ويشوفني وتصير مصيبتي مصيبتين
خالي مراح يعوفني مستحيل خاصه اذا شاف عبد القادر وياي وعبد القادر نفسه راح يكتشف حقيقتي
لفيت الوشاح على وجهي حيل بس عين وحده طالعه
وكمت من مكاني احاول امشي بدون ماابين اني مرتبكه
المشكله مااكدر امشي بسرعه بسبب رجلي
شافني عبد القادر كمت من مكاني
هو جان واكف بصف خالي بس واحد مايعرف الثاني
راسا صاح عليه ورده اوكفي
ماكدرت اوكف استمرت امشي راسا لحكني
ماكو بيني وبين خالي اقل المتر
عبد القادر...وووين رايحه وليش لافه وجهج
اريج...حجيت بصوت ناصي خاف خالي يسمع صوتي ويتعرف عليه
....نفسي تلعب
عبد القادر.....ووين رايحه
اريج...اطلع للحديقه بعد مااكدر ابقى كاعده هنا اكثر
عبد القادر...زين اوصلج للحديقه علما يوصل السره وتصيحون باسمج وارجعج
سندني عبد القادر حتى اكدر اطلع برا
بس وصلنا للباب الي بلمرر نريد نطلع
راسا سمعت واحد صاح اريج اريج
كوه ثبتت نفسي مالتفت بس شنو كلبي كام يعزف طبل
يمكن عبدووو سمع صوت كلبي
صح اني ما التفتت بس من سمعت اسمي نزيت بمكاني
وعبد القادر انتبه عليه
اني جمدت مااكدر ارفع رجلي لان سمعت اسمي
عبد القادر...شبيج امشي
راسا دخلت بنيه زغيره تقريبا عمرها اربع سنوات
تركض كالت هااا بابا
طلعت هاي الزغيره اسمها اريج وابوها يصيح عليها
من شفت البنيه دخلت تركض من الباب الي نريد نطلع منه اني وعبد القادر اطمنت
بس عبد القادر شك بيه
كملت طريقي طلعت برا اكو مصطبه بلحديقه
كعدت عليها كعد عبد القادر بصفي
جمانه السعيدي
عبد القادر...شبيج نفسج تلعب لو اكو شي ثاني
اريج...لا نفسي تلعب ورجلي توجعني يمكن بردت
عبد القادر....بس هيج
اريج...اي قابل شكوووو
عبد القادر.....حسيت مرتبكه
اريج...على شنو ارتبك بس نفسي لعبت من الريحه الي جوه
عبد القادر...راح اجيبلج بطل مي
اريج...راح عبد القادر يجبب مي واني عيني على الباب
بلكت خالي يطلع
شلون راح ارجع ادخل وهو جوه
اذا اول مره ماشافني اكيد هلمره راح يشوفني
شلون ياربي شلون اخلص من هاي البلوه
اني كصيت باص قبله يعني اني راح ادخل واطلع قبله
اكيد راح يشوفني شلون راح تنحل هاي المشكله
اليوم اخر يوم اشوف بي عبد القادر اكيد راح
يزعل مني ويكرهني لان جذبت علي
من غير خالي هاي خوش فرصه كدامه يسلمني للشرطه
حتى ينتقم مني
اي اريج راح تنكشف جذبتج شمتوقه مثلا
كلشي راح يمر بسلام
هو اني فكر وماعندي حظ بهاي الدنيا هي كوه
الله يستر
لازم أدبر نفسي قبل لا يرجع عبد القادر
ابد مو وكت خالي هسه
اني اريد وقت بس اتحسن حتى انهزم من بغداد كلها
شلون ياربي شلون بيه
ياربي اني ما غلطت بحق عبادك بس همه الي جاي يااذوني
شفت عبد القادر رجع شلون بيه هسه اذا صاحو باسمي يرجع يدخلني جوه
اذا قبل شويه انهزمت وخالي ما شافني
هسه بس ارجع يشوفني شلون مصيبه هاي
شلون راح اطلع منها
سويت نفسي تخربطت حيل
ماكو كدامي غير هاي الحيله
بس وصل عبد القادر وقرب عليه درت وجهي للجها الثانيه خليت اصبعي بحلكي
وكمت استفرغ كدامه وسويت نفسي تخربط
خطيه هو اجا يمشي سريع
عبد القادر.. هااا شبيج
اريج...بعد مااكدر اريد ارجع للبيت
عبد القادر...شلون ترجعين للبيت وانتي هذا حالج
تعاي اخذج للطوارئ
اريج...مااريد مااريد رجعني للبيت الله يخليك رجعني للببت
بعد مااكدر
عبد القادر...جاي تستفرغين شلون ارجعج للبيت
تعاي يشوفج الدكتور بلطوارئ
اريج...عوفني اني ارجع الوحدي مجاي اكدر اكلك
عبد القادر....انتي ماكله شي اليوم
اريج.. ماادري ماادري اريد ارجع للبيت
عبد القادر....بكيفج يله تعاي اجيبج غير يوم انشاء الله
جمانه السعيدي
اريج...سندني عبد القادر امشي ومخليه الشال على وجهي
خايفه يطلع ويشوفني كدامه
لمن صعدنا بلسياره يله جريت النفس
على اخر لحظه جان انكشفت رب العالمين لطيف وستر حالي
رجعنا للبيت
ام عبد القادر.. هااا شو رجعتو شافها الطبيب
عبد القادر...لا اتخربطت وكامت تستفرغ صممت نرجع للبيت
ام عبد القادر...ياا اسم الله خطيه ليش ليش صار وياها هيج
عبد القادر.. مااعرف
اريج.. دخلت كبل بلغرفه نزعت ملابسي ولبست تراكي
وتمددت
اجت وراي ام عبد القادر
....هاا حبيبتي شصار وياج
اريج...يمكن مستبرده لان نفسي تلعب
....سلامتج الف سلامه راح اسويلج شي دافي
حتى معدتج تهدء شويه
طلعت ام عبد القادر
دخل عبد القادر للغرفه لكاني ممده ومتغطيه ومغمض عيوني
عبد القادر...هااا شلون صرتي اذا بعد عندج الم
اخذج للعيادات
اريج...كعدت على حيلي لا صرت احسن
اسفه لان اخرتك عن شغلك اليوم
عبد القادر.. عوفي شغلي وطمنيني عليج صرتي احسن لو احجز يم دكتور الباطنيه العصر اخذج
اريج...لا صرت احسن يمكن من ريحة المستشفى
نفسي كامت تلعب
عبد القادر...ولا يهمج بعد مانوصل المستشفى
اخذج للعياده العصر على حسابي احنا جم ورده عدنا
اريج...كلت بيني وبين نفسي اليوم على لحظه جان ضعت
وضاع مني عبد القادر
همزين عدت على خير ولو اني والخير مو أصدقاء
يجوز باجر تطلعي مفاجئه ثانيه
مو كل مره تسلم الجره على رائي المثل
عبد القادر...ووين صفنتي موجاي احجي وياج
اريج....تعبتك حقيقتا تعبتك وياي
عبد القادر...ياريت كل التعب مثل هذا التعب
اني اصلا احس بلذنب كلما اشوفج تشتكين لو تتوجعين
اريج.. الله يحفظك من كل مكروه
عبد القادر... ويحفظج وتكومين بلسلامه
دخلت خالتي جايبه ينسون حار
ام عبد القادر...هاج اشربي الينسون كلش زين للالتهابات
الي تصير بلمعده
اريج...شكرا خاله تعبتج وياي
خالتي...ماكو تعب كلش خفت عليج
اريج.. طلعو ثنيبنهم وبقيت وحدي
اريد اتحسن بسرعه حتى إذا انكشفت اكدر اطلع من هذا البيت اليوم لووضعي احسن جان طلعت من بيت عبد القادر كافي تحملني هواي
بس بهذا وضعي مااكدر اروح الاي مكان
اصلا ماعندي مكان اروح علي ولا عندي شغل
اصرف منه لازم اتحسن بأسرع وقت
قبل لا تطلعلي مصيبه حديده
جمانه السعيدي
اتغدينا وعبد القادر حيل مهتم بيه يخاف
خاف صارت عندي مضاعفات بسبب الحادث
ماطلع للشغل دخل نام والعصر حضر نفسه حتى ياخذني للدكتور نفسه بس للعياده على حسابه
بدلت لبست النفنوف الي اختاره اليه
بس شافني ضحك ودنك
اريج...ليش ضحكت
عبد القادر...... ماكو شي
اريج. مااطلع اذا ماتكول ليش ضحكت قبل شويه
شكلي بي شي
عبد القادر.... الصراحه
اريج.. اي الصراحه الكامله ما ينقص منها شي
عبد القادر...الصبح جنتي طالعه كلش حلوه واني انعجبت بشكلج بس يمكن اني حسدتج
لان اتخربطتي وخوفتيني عليج
هسه انتي طالعه احلى من شفتج ضحكت
كلت يمكن هلمره تموت
اريج....هههه لا مااموت على قلبك انتي اكيد تريدني اموت حتى تخلص من مسؤليتي
بس اطمن عى قلبك ماااتزحزح
عبد القادر... هههههه ياريت تبقين هنا لان تعودنا عليج
اريج....اني الي مااعرف شلون راح اكدر اعوفكم واروح
عبد القادر... لا مراح تعوفينا ايجوز العائلتين يصيرن أصدقاء
اريج...ايجوز كلشي يصير يله نروح
عبد القادر...اي نروح يله امشينا
وصلنا للعياده والدكتور فتح ايدي
الدكتور....لا ماشاء الله ايدها هواي احسن وما محتاجه
تنعاد عليها الجبيره مره ثانيه
شو انطيني ايدج ارفعيها نزليها ضمي اصابعج
افتحيهن شيلي هذا الكتاب
الزمي ايدي واضغطي عليها حيل
بعد اكثر اكثر حيل حيل
الدكتور.. زين كلش زين عدها تحسن واضح
حتى اعصاب ايدها سليمه
بس مهم ادفين ايدج ولاتشلين بيها شي ثكيل
على الاقل لمدت شهر حتى تتحسن اكثر
اريج...دكتور رجلي صح امشي عليها بس توجعني
الدكتور....اكيد توجعج بعدها ما صارت زينه
العظم بلبرد صعب يلتئم بسرعه
لاتوكفين عليها هواي ولا تمشين مسافه طويله
راح اسجلج علاج للاتهاب حتى تتعافين بسرعه
ومجموعة فيتامينات كلش ضروريه
ارجعلي بعد شهر
عبد القادر...شكرا دكتور الله يطمنك
الدكتور....رجعتلها الذاكره لو بعد
اريج. .خفت من هذا السؤال
عبد القادر...لا بعد ماكو اي تقدم من هاي الجهه
الدكتور...راح اكتبلك اسم دكتور جمله عصبيه
أخذها اله هو الي راح يساعدها ترجعلها الذاكره
اريج...اخذنا العلاج اخذنا عشى ورجعنا للبيت
هذا اليوم عبد القادر ابد ماطلع للشغل بس الصبح قبل لا اروح للمستشفى راح نزل البضاعه ويا العمال ورجع
ضاع علي هذا النهار بسبي
رجعنا للبيت تعشينا اني فرحانه لان ايدي تحسنت
كمت خدرت الجاي ونضفت مكانه الي تعشينا بي
اليوم ماكو مواعين كله سفري
جمانه السعيدي
عبد القادر...ممكن تكعدين الدكتور كال ماكو تعب لمدت شهر
اريج.. واني قابل شسويت
عبد القادر...ولو اكعدي واسكتي مااريدج تتعبين
اريج ...شويه وعبد القادر راح جاب أوراق وكعد يدقق بيهن
اريج...شنو ذني
عبد القادر اليوم اجتني بضاعه وجاي ادقق بلحسابات
خاف اكو غلط
اريج.. اساعدك
عبد.القادر...جيبي الحاسبه
انتي اقري الرقم واني ارجع احسب بلحاسبه
اريج...اي حاضر
لزمت القوائم واني اردله وهو يحسب بلحاسبه
وخالتي ممده يمنا وتسولف علينا
عبد القادر...جنت متوقع اكو غلط بلقوائم باجر اتصل عليهم
اريج...انت كل ما تجيب بضاعه ادقق القوائم
عبد القادر...اي خاف اكو اي غلط
شويه واتصل اكرم حتى يطمن عليهم
طبعا هو يعرف قصتي من يوم الحادث خالتي حجتله عني
طلب يسلم عليه
عبد القادر.. أكرم يريد يسلم عليج
اريج.. الووو هلو أكرم شلونك
أكرم...هلو بوردتنا الحلوه شلونج
عبد القادر.....شنو وردتنا ولك
أكرم...انت شكووو شنو علاقتك اني يعجبني اكول وردتنا
اريج...هلو بكرمنا على وزن وردتنا
أكرم...هههه هههه خرب لعبتها صح
عبد القادر... عراقيه ماتكدر عليها
أكرم....وينها العراقيه اتحسر على ريحتها هنا
عبد القادر....هااا الاوكرانيه ماعاحبتك
أكرم...مو مثل العراقيه كلشي بيها حلوه
باعي ورده تسمعيني
اريج....اي اسمعك أكرم
أكرم....شنو رائيج نزوج اني وياج
اريج.....ههههه انت غير مزوج
عبد القادر.....اي يامن تعب يامن شكه ويامن على الحاضر لكه
صار اسبوعين اعالج واطبب واداري
وانت تريد تاخذها على الجاهز
اسكت لا اتصل على زوجتك واحجيلها
أكرم....صدك احجي مو اتشاقا صح اني ماشايفها
بس امي كلما اتصل تبقى تحمد بيها وتوصفها
الحد ما حبيتها بدون مااشوفها
اريج.. اخذ التليفون مني عبد القادر بعصبيه
عبد القادر...ولك انت ما تعرف تحجي الغربه علمتك
على الانفتاح وكمت تحجي بدون قيود
أكرم....عوف ورده تحجي انته مالك دخل شنو دخلك بيني وبينها
صاح أكرم بصوت عالي ووورده انتي موافقه
اريج...ههههه
أكرم...سمعتج تضحكين يعني موافقه موووو
بشرفي بس تجين هنا بعد ما ترجعين للعراق ابد
عبدالقادر......مو صوجك صوج الي يتصل بيك
يله روح الله وياك
اريج...الموضوع جان شقه بس عبد القادر ضاج
واني طرت من الفرح
مادام اهتم وضاج يعني اكو شوية مشاعر من جهتي
اريج....ليش ضجت
عبد القادر...خلي يولي مايعرف يحجي لا تصدكين كلامه
اريج...ضحكت بصوت عالي
عبد القادر...شو فرحانه بكلامه
اريج....حلو أكرم وسوالفه حلوه
عبد القادر....كومي منا كومي انتي واكرم متفقين عليه اليله
اريج....ماكدرت انام شكد فرحانه بغيرة عبظ القادر
لو يمي كرم جان بسته حرك مشاعر عبد القادر وخلاني
سعيده
احبه مو بيدي الإنسان الصح بلوقت الغلط
ثاني يوم الصبح كعدت لكيت عبد القادر طالع للشغل
كعدنا اني وخاله بلمطبخ حضرنا الغده
واني كنست البيت بلمكناسه الكهربائيه
للضهر اندكت الباب قبل موعد رجعت عبد القادر
بنص ساعه تقرببا
فتحت الباب ابنيه سمره لابسه ملابس مدرسه وجنطتها على جتفها تقريبا عمرها ١٥ سنه
تباوع عليه نضره كلها حقد وكره
اريج....تفضلي
دفعتني ودخلت زاد فضلج هذا بيت ابوي
شمرت جنطتها بلطرمه ودخلت كبل للبيت
شافتها خالتي ضاجت
خالتي....هله بيبي شلونج
روان....هله بيبي
اريج....اني دخلت وراها اباوع عليها بستغراب
روان....هاي منو بيبي الي فتحتلي الباب
الخدامه الجديده
انتظرونا
تعليقات
إرسال تعليق