رواية ورده في وسط الصعيد الفصل الاول والثاني والثالث والرابع بقلم ندي فتحي ندوشه حصريه وجديده على مدونة النجم المتوهج للروايات والمعلومات
 |
رواية ورده في وسط الصعيد الفصل الاول والثاني والثالث والرابع بقلم ندي فتحي ندوشه حصريه وجديده على مدونة النجم المتوهج للروايات والمعلومات
كانت قاعدة في مكتبها وبتشتغل لوقت ما قاطعها اتصال ردت عليه
_ في اي ي عم عبده
= الحقي الست سعاد
_ ماما مالها اي اللي حصل
= وقعت من طولها في الشارع وودناها علي المستشفى
_ انا جاية حالا انتوا في مستشفي اي
= اسمها ***
طلعت من المكتب بسرعة من غير ما تاخد اذن واخدت تاكسي وراحت علي المستشفي دخلت بسرعة وسالت علي الاوضة وصلت لقت الكل باين عليهم الحزن
_ في اي ايه اللي حصل ما تتكلموا ماما فين اي اللي جرالها
= البقاء لله ي بنتي شدي حيلك
_لا انتو اكيد بتهزروا وعاملين عليا خطة ماما كويسة صح
= كلنا لها ي بنتي امسكي نفسك
_ لا دا اكيد كابوس وهصحي منه ماما مستحيل تسيبني لوحدي هي اللي قالتلي كدة ووعدتني انتو كذابين ايوة بتكذبوا عليا
= ي بنتي اهدي
_ لا ابعدوا عني انا عاوزة ماما عاوزة اشوفها هي فين قولوا الحقيقة
= هي في الاوضة دي
دخلت الاوضة بسرعة وهي منهارة وعقلها رافض فكرة ان مامتها هتسيبها كان الدكاترة جوة ومغطيين وشها جريت عليها بسرعة
_ لا انتو مغطيين وشها ليه هي عايشة انتوا مش هتبعدوها عني انا مستحيل اسيبها ابعدوا عنها
الدكتور : من فضلك اخرجي برة ي آنسة
= لا مش هخرج دي امي وانتوا عاوزين تاخدوها مني فوقي ي ماما وقوليلهم يلا انك مش هتبعدي عني عشان خاطري ي ماما قومي وانا والله مش هزعلك تاني بس قومي
الدكتور : اخرجي لو سمحتي
حضنت مامتها بشدة اكبر ورفضت انها تسيبها وهي بتعيط وبتترجاها انها تفوق وترد عليها
الدكتور : خرجوها برة
= لا ابعدوا عني سيبوني ماما ي ماما مااااماااا
خرجوها برة الاوضة وهي قعدت علي الارض ومش قادرة تقوم كان الكل بيبص عليها بحزن شديد قرب منها شخص
_ وردة
رفعت وردة راسها كان خطيبها عمر جريت عليه وحضنته وهي منهارة
وردة : شوف ي عمر بيضحكوا عليا ازاي عاوزين ياخدوا ماما مني انا مش هتحمل اعيش من غيرها خليهم يسيبوها
عمر : اهدي ي وردة هي راحت عند اللي احسن مني ومنك
وردة بصراخ : حتي انت مصدق انا بقولكم ماما عايشة صدقوني
عمر حضنها غصب عنها وهو بيحاول يهديها بس هي مكنتش قادرة وانهارت اكتر اغمي عليها بين ايديه
عمر : وردة وردة فوقي ي حبيبتي قومي ي وردة عشان خاطري دكتور بسرعة
جه الدكتور واخدوها علي اوضة تانية وعمر كان معاها مسابهاش
عمر : هو في اي ي دكتور اي اللي حصلها
الدكتور : حصلها انهيار عصبي هي دلوقتي اغمي عليها بسبب صدمة حصلت كانت شديدة عليها هي هتفضل تحت المراقبة 24 ساعة الجايين
عمر : شكرا ي دكتور
خرج الدكتور اما عمر قعد جمب وردة ومسك ايدها وهو زعلان علي حالتها هو عارف قد اي هي بتحب مامتها لانها هي اللي ربتها وكانت يتيمة الاب دلوقتي بقيت يتيمة الام كمان وملهاش حد
خرج عمر وسابها عشان يطلع تسريح دفن لوالدتها ويكمل مراسم الدفن بعد فترة كان التصريح خرج ودفنوها رجع عمر للمستشفي عشان يشوف وردة بس مكنتش موجودة قلق عليها اوي لان بحالتها دي ممكن تؤذي نفسها
خرج عمر من المستشفي وهو بيدور عليها زي المجنون لحد ما افتكر مكان كانت بتروحه لما بتكون مخنوقة ومتدايقة راحلها علي هناك كانت هي قاعدة
عمر : كنت متاكد انك هنا تعالي معايا يلا
وردة : انا مش مصدقة اني خلاص مش هقدر اشوفها تاني
عمر : ي حبيبتي هي راحت عند اللي خالقها ولازم تدعيلها بالرحمة
بعد جمبها وهي سندت راسها علي كتفه وكنت بتبكي بصمت
وردة : احساس صعب اوي ي عمر انا مبقاش ليا حد كانت هي دنيتي كلها هي ابويا وامي واخويا واختي كانت كل ما ليا هي اللي ربتني وكانت معايا في فرحي وحزني
عمر : انا معاكي ي وردة ومستحيل اسيبك بس انتي كدة بتتعبي نفسك وهي بتتعذب احنا مفيش في ايدنا حاجة غير الدعاء لها
وردة : انا ازاي هعيش لوحدي هدخل البيت متكونش فيه مين هيخاف عليا لما اتعب ويفضل سهران جمبي ومين هيخلي باله مني
عمر : انا ايوة انا مش هسيبك ومش هخليكي تعيشي لوحدك انا هاخدك تعيشي معايا
وردة : انت بتقول اي
عمر : مش زي اللي فهمتيه انا قصدي اننا هنكتب كتابنا عند اي مأذون وتيجي تعيشي معايا
وردة : انت عاوزني اتجوز يوم وفاة امي
عمر : انا مش هبقي متطمن وانتي لوحدك ومفيش غير الحل دا
وردة : بس انا
عمر : مفيش بس دي الطريقة الوحيدة
وردة : انا ماما وحشتني من دلوقتي انا هعيش من غيرها ازاي
عمر : ربنا يرحمها ي حبيبتي
عدي الوقت ووردة هديت وفعلا اخدها عمر وكتبوا الكتاب عشان ياخدها تعيش معاه اخدها عمر لبيته ووصلها علي الاوضة اللي هتقعد فيها
عمر : انا هسيبك ترتاحي شوية بس عاوزك تجهزي حاجتك
وردة : ليه
عمر : عشان هنروح البلد هنعيش هناك
وردة : بلد ايه
عمر : الصعيد هنروح بكرة الصعيد هنعيش مع عيلتي
خرج عمر وسابها وهي بتفكر في اللي هيحصل في حياتها وياتري هتقدر تتاقلم هناك في الصعيد
وردة : مشيتي ليه وسيبتيني ي ماما انا من غيرك ضايعة مش عارفة اعمل في حياتي انا مش قادرة خلاص دلوقتي بقيت يتيمة الاب والام يارب خليك معايا في حياتي يارب
الثاني
نامت وردة من كتر العياط والتفكير صحيت علي صوت خبط علي الباب عرفت انه عمر قامت وهي مش قادرة لانها نامت مكانها فتحتله الباب
عمر : صباح الخير
وردة : صباح النور
عمر : تعالي يلا نفطر وبعدين ناخد بعض ونطلع علي الصعيد
وردة : انا مليش نفس
عمر : لا هتاكلي الاول انتي ماكلتيش امبارح وانا قدرت حالتك ومجبرتكيش بس دا هيأثر عليكي
وردة : بجد انا مش جعانة
عمر وهو بياخدها من ايدها : انا مش بسالك يلا دا انا حتي اللي عملت الاكل جربي وقولي رايك
طلعوا برة وقعدوا علي السفرة اللي كانت مليانة اكل كتير واللي وردة بتحبه
عمر : ها اي رايك
وردة : مكنش له لازمة تتعب نفسك عشاني
عمر : وهو انا لو متعبتش عشان مراتي حبيبتي هتعب عشان مين
وردة : شكرا ليك بجد ي غمر
عمر : انتي هبلة ي حبيبتي انتي مراتي ودا اقل حاجة ممكن اعملهالك
وردة : انا مش عارفة من غيرك كنت هعمل ايه انا مبقاش ليا حد غيرك
عمر : وانا عاوزك كدة دايما ميكونش ليكي حد غيري انا اكون دنيتك كلها وعاوزك تتاكدي اني مستحيل اسيبك لوحدك ابدا
وردة : وعد
عمر : وعد كلي يلا عشان تجهزي حاجتك ونمشي عشان نوصل قبل ما الجو يليل
وردة : انا هدومي لسة في الشنط
عمر : كويس كلي بقي واشبعي لان لسة قدامنا يوم طويل
وردة : حاضر
بدات وردة في الاكل وعمر كان قاعد بيبصلها بحب وبيفكر ازاي يقدر يفرحها بعد ما خلصوا اكل اخدوا الشنط وركبوا العربية واتجهوا ناحية الصعيد
بعد ساعات طويلة من السواقة اخيرا وصلوا كانت وردة نامت صحاها عمر
عمر : وردتي اصحي يلا وصلنا
وردة : سيبني خمس دقايق بس
عمر وهو بيقوب منها : لو مقومتيش هشيلك
قامت وردة بسرعة اول ما سمعت كلامه ضحك عليها اوي وهي اتغاظت منه
عمر : ايوة كدة قومي يلا انزلي لحد ما اجيب الشنط
نزلت وردة من العربية واتفاجأت بجمال البيت اللي شبه القصر جاب عمر الشنط ووقف جمبها
عمر : ها عجبك
وردة : جميل اوي وكبير
عمر : دا طبيعي لانه بيت العيلة الكل عايش فيه يلا ندخل
دخلوا هما الاتنين وكانت وردة متوترة وخايفة من ردة فعلهم اول ما دخلوا من الباب سمعت صوت زغاريط عالية وناس كتيرة اوي واقفة في استقبالهم قرب عمر منهم وهي فضلت واقفة مكانها
عمر وهو بيبوس ايد راجل كبير : ازيك ي جدي
الجد : انا كويس ي حبيبي انت اي اللي اخرك
عمر : كان في زحمة اومال فيت جدتي
الجد : هتيجي دلوقتي
سمع عمر صوت حنون جاي من بعيد عرفها علي طول هي اول ما شافته حضنته بشوق
الجدة : بقي كدة ي عمر تغيب الغيبة دي كلها
عمر : معلش بقي ي جدتي انا جيت اهو وهعيش هنا علي طول
الجد : نويت تستقر هنا اخيرا
عمر : ايوة خلاص
لاحظت الجدة وردة اللي كانت واقفة علي الباب ومنزلة عيونها في الارض
عمر شاف جدته بتبص لوردة وقال : دي وردة ي جدتي مراتي
الجدة : ماشاء الله تعالي ي بنتي
مشيت وردة وراحتلها وتوترها بيزيد بصت للجدة اللي كانت بتبصلها بحنية لان عمر حكالهم علي كل حاجة
الجدة : اسمك وردة وانتي وردة فعلا
وردة : ميرسي
عمر : تعالي بقي اعرفك علي بقيت العيلة بصي ي ستي دي تبقي اختي صفاء
صفاء حضنتها وهي مبسوطة وقالت : اعتبريني زي اختك هنا
وردة بابتسامة : ليا الشرف
عمر : ودا ادهم ابن عمي
ادهم : ازيك ي مرات اخويا
وردة : الحمدلله
ادهم قرب من عمر وحضنه وقاله : بقي كدة ي جزمة تتجوز من غير ما تعرفني بس زوقك تحفة
عمر : احترم نفسك والا عاوزني اقول لصفاء
ادهم : لا انا مش ناقص دا انا علي ما بصدق اكلمها
عمر : يبقي خلاص
عمر : دا بقي احمد اخويا
احمد : شرفتينا ي مرات اخويا
وردة : الشرف ليا انا
عمر : دي تبقي مرات عمي فرح
فرح ابتسمت ابتسامة صفرة وقالت : نورتينا ي حبيبتي
وردة : تسلمي ي طنط
عمر : ودا عمي مصطفي
مصطفي : اهلا بيكي في وسطنا ي بنتي
وردة : تسلم ي عمي
عمر : ودي جميلة بنت عمي
جميلة وهي بتمثل الابتسامة : نورتينا
وردة : دا نورك
عمر : اهي دي عيلتي اللي حكيتلك عنهم
الجد : بدال اتعرفتي علي العيلة تقدري تطلعي انتي وهو فوق ترتاحوا شوية
عمر : اه والله ي جدي اصل انا خلاص مبقتش قادر
اخد عمر وردة لفوق ودخلوا الاوضة اللي كانت واسعة ونضيفة
وردة : انا فين اوضتي
عمر : دي اوضتك
وردة : وانت هتنام فين
عمر : هنا ما دي اوضتي
وردة : وانا هنام فين
عمر : هنا بردوا اي الاسئلة الغريبة دي
وردة : لا انا مش هنام معاك في مكان واحد
عمر : ليه ان شاء الله هعضك
وردة : لا اتفضل اطلع لاني تعبانة وعاوزة انام
عمر : يرضيكي يعني يقولوا اي عليا دلوقتي
وردة : وانا مالي
عمر شالها غصب عنها وحطها علي السرير وحضنها ونام
وردة : ابعد عني انت اتجننت
عمر : لو مسكتيش انا عارف انا هسكتك ازاي
الثالث
صحيت وردة علي صوت خبط شديد علي الباب حاولت تقوم بس عمر كان حاضنها بشدة
وردة : عمر سيبني
عمر : نامي بس خمس دقايق
وردة : ي عمر قوم في حد بيخبط علي الباب
سمع صوت الخبط قام بسرعة وفتح الباب كانت فرح اللي حاولت ترسم ابتسامة علي وشها
عمر : خير ي مرات عمي
فرح : الوقت اتاخر والعشا جهز يلا عشان ناكل
عمر : نازلين وراكي
مشيت فرح ونزلت تحت اما عمر فبص لوردة اللي كانت لسة قاعدة علي السرير
عمر : يلا ننزل قبل ما حد تاني ييجي
وردة : هغير هدومي وهنزل
عمر : هستناكي بسرعة يلا
وردة : لا انزل انت وانا هاجي وراك
عمر : اللي انتي عاوزاه
اخدت وردة هدوم من الشنطة ودخلت تغير وهو نزل لتحت كان الكل متجمع علي السفرة
عمر : السلام عليكم
الكل : وعليكم السلام
الجد : فين مراتك ي ابني
عمر : هتنزل اهي
الجد : طيب اقعد
قعد عمر واستنوها لحد ما نزلت اول ما شافها عمر الغضب اتملكه لانها كانت لابسة عباية محددة جسمها
وردة : السلام عليكم
الكل : وعليكم السلام
الجد : اقعدي ي بنتي جمب جوزك
قعدت وردة جمب عمر اللي اول ما شافته كدة عرفت انه متعصب اوي بس متعرفش من ايه
جميلة بهمس لفرح اللي كانت قاعدة جمبها : مش كان زماني انا اللي قاعدة مكانها دلوقتي
فرح : ما هو من خيبتك مقدرتيش توقعيه زي ما عملت هي
جميلة : والله ما هخليها تتهني بيه
فرح : اصبري علي رزقك بس وانا هخليها بكرة تمشي من نفسها
مصطفي : انتوا بتقولوا ايه
فرح : ها لا مفيش
بدأ الكل ياكل وكان عمر طول الوقت باصص لوردة بغضب وهي مش فاهمة هو زعلان ليه بعد مدة خلصوا اكل كلهم وشالوا الاكل
عمر : وردة تعالي معايا فوق
وردة : ليه
عمر : وردة اسمعي الكلام تعالي
اخدها من ايدها وسحبها وطلعوا علي فوق دخل الاوضة وهو متعصب
وردة : عمر سيب ايدي بتوجعني
عمر : دا انا هكسرهالك
وردة : انت اتجننت
عمر : ايوة اتجننت انتي اي اللي لابساه دا
وردة : عباية انت شايف اي
عمر : ما انا شايف انها عباية بس دي لازقة اوي
وردة : ما انا طول عمري لبسي كدة ايه الجديد
عمر : الجديد انك بقيتي مراتي وانتي هنا في الصعيد مش في القاهرة يعني الهدوم دي متنفعش
وردة : بس انا مش هغير طريقة لبسي ي عمر
عمر : غصب عنك مش بمزاجك هتسمعي الكلام
وردة : ابعد عني ي عمر
عمر شد علي ايدها اكتر وعصبيته زادت من ردها
عمر : غيري هدومك حالا لو عاوزاني اسيبك
وردة : لا مش هغيرها
عمر : يبقي مش هتطلعي من الاوضة ي وردة
وردة : انت هتحبسني
عمر : انا قولتلك اسمعي الكلام وانتي مش راضية يبقي هعمل كدة
وردة : انت ايه اللي حصلك ي عمر انت عمرك ما كنت كدة
عمر : انتي ليه مش قادرة تفهمي اني بغير عليكي يعني لما تنزلي قدامهم كدة اعمل اي حتي لو اخويا انا بحبك ي وردة وانتي عارفة كدة
وردة : وانا كمان ي عمر بحبك اوي
عمر : يبقي تسمعي الكلام وتغيري الهدوم دي
وردة : حاضر
اخدت وردة هدوم واسعة ودخلت غيرتهم وعمر كان مستنيها برة طلعت بعد ما خلصت
عمر : ايوة كدة مش اللي كنتي لابساه
وردة : يعني كدة عجباك
عمر : انتي عجباني من غير حاجة بحبك
وردة بكسوف : وانا كمان
كانت جميلة واقفة برة وسمعت كلامهم وكانت غيرانة من وردة اوي والحقد اتجاهها بيزيد
فرح : انتي واقفة بتعملي اي هنا
جميلة : ماما خضتيني
فرح : سامعة كلامهم كويس واللا تدخلي تسمعي من جوة
جميلة بعصبية : والله ي ماما انا مش متحملة كلامك دا انا فيا نار قايدة ممكن تحرق الكل
فرح : اهو انتي كلام علي الفاضي مبخدش منك غير كلام بس
جميلة : ي ماما
فرح : بس ي حبيبتي انتي شايفة احنا واقفين فين وبنتكلم دا احنا كدة بنقولهم اعرفوا بنفكر في ايه تعالي معايا الأوضة ع نشوف هنعمل ايه
أخدتها فرح وراحوا أوضتها ع يفكروا ويشوفوا هيقدروا يتخلصوا من وردة ازاي وهيعملوا ايه
في الوقت دا كانت صفاء واقفة علي سطح البيت وسمعت صوت وراها التفتت بسرعة وكان أدهم اللي كان بيبصلها بإبتسامة
أدهم : انتي ايه اللي موقفك هنا لوحدك
صفاء : قولت اشم شوية هوا انتي بتعمل ايه هنا
أدهم : جاي اشوف القمر
بصت صفاء علي السما واستغربت لما ملقتش القمر ورجعت بصتله لقته بيبصلها بكل حب فهمت صفاء قصده ودا خلاها تتكسف جدا
أدهم : وشك احمر ليه كدة خليني اشوف
صفاء : بطل بقي ي أدهم
أدهم : أبطل ازاي وأنا شايفك قدامي
صفاء : انا نازلة تحت انت زودتها اوي
أدهم : نازلة تحت فين وهتسيبيني لوحدي
صفاء : لا انا هسيبك مع القمر بتاعك
أدهم : لا انا مش عاوز دا عاوز من التاني
صفاء : انا خايفة حد يشوفنا هتبقي مشكلة كبيرة الاحسن اني أنزل
أدهم : صفاء أنا بحبك والكل عارف دا والكلام علي موضوع خطوبتنا
صفاء : وأنا كمان بحبك ي أدهم بس أنا مقدرش اعمل كدة
أدهم : انا مش عاوز غير اني اسمع منك كلمة انك بتحبيني وبس
وفجأة قرب ادهم من صفاء وهي بترجع لورا وبتحاول توقفه بس قبل ما يبو'سها سمع صوت وراهم
الرابع
قرب ادهم من صفاء بس قبل ما يبو'سها سمع صوت وراهم
_هو انا مش قولت لو قربت منها هموتك
ادهم : احمد ي شيخ خضتني فكرتك حد تاني
احمد : وهو انا مش مالي عينك يعني
ادهم : ما تتهد ي جدع بقي
احمد سحب صفاء ناحيته وقال : متقربش منها قولتلك
ادهم : خطيبتي
احمد : والنبي اومال مش شايف الدبلة ليه
ادهم : في حكم المخطوبين
احمد : انا قاعدلك وهشوف هتقرب منها ازاي
ادهم : انت ياض عاوز اي عيل فصيل طب اي رايك مش هخليك تشوف امل بعد كدة
احمد : وانت مالك انت بامل اشوفها واللا لا
ادهم : بنت خالتي وانا المسؤول عنها
احمد : انت تخليك في حالك وملكش دعوة بيها
ادهم : تبقي تسيبني انا وصفاء نحب في بعض زي ما بتعمل وابعد عنها
احمد : انت عارف لو مكنتش ابن عمي كنت عملت فيك اي
ادهم : اي ها كنت هتعمل اي
احمد : كنت هسلم عليك طبعا دا انت حبيبي ي جدع
طلع عمر ومعاه وردة في الوقت دا وسمعوا بقيت الكلام
عمر : ماشاء الله الصحبة مالها متجمعة ليه
احمد : انا طلعت لقيت
قاطعه ادهم وقال : لقاني بتكلم في التليفون فمحبش يقاطعني وكان معاه صفاء صح ي احمد
احمد : اه صح
عمر : والنبي اي دا علي اساس انا معرفش الحقيقة
ادهم : حقيقة اي
عمر : مثلا انك اخدت صفاء وطلعت هنا واحمد قفشكم واكيد هو مقالش ليا لانك هددته بامل كالعادة
احمد : ماشاء الله دا انت زي ما تكون معانا بالظبط
عمر : انت عارف ي ادهم انا سايبك تتكلم معاها ليه وانا اقدر اني اخليك متبصش لها حتي لاني متاكد انك بتحبها ومن زمان وانك بتخاف عليها ومستحيل تؤذيها ابدا
ادهم : حبيبي ي ابو نسب
كانوا كلهم بيتكلموا وصفاء واقفة هتموت من الاحراج ومش قادرة من الموقف وادهم اخد باله
ادهم : حبيبي اللي عامل زي الفراولة
عمر : ما تتلم ي جدع
ادهم : ما انت كنت كويس ايه اللي حصلك
عمر : دي اختي بقولك اي ي وردة خدي صفاء وانزلي تحت اقعدوا في الاوضة
وردة : حاضر
اخدتها وردة ونزلوا تحت قعدوا في اوضة عمر ووردة
وردة : هو انا ممكن اسالك سؤال
صفاء : طبعا
وردة : هو انتي بتحبي ادهم بجد
صفاء : بحبه اي بس دا انا بعشقه انا بحبه ومن انا لسة في ابتدائي بس كنت خايفة ليكون مش بيحبني
وردة : طب وعرفتي ازاي انا عاوزة اسمع القصة منك
صفاء : بصي ي ستي انا كنت لسة صغيرة في ابتدائي كان هو اكبر ذمتي ب6 سنين وكنت خايفة ليكون شايفني اخته الصغيرة فضلت مخبية حبه في قلبي ومقولتش لحد ابدا بس جه في يوم وكل حاجه اتغيرت لما كنت وصلت اعدادي وكان في واحد بيحبني وحاول ان يكلمني فهو شافني ساعتها اتعصب وغار فبعد الولد وضربه وانا مكنتش عارفه ايه السبب سحبني من ايدي ورحنا مكان محدش يعرفه غير انا وهو واعترف لي وقتها انه بيحبني انا بقى اول ما سمعت كده كنت مبسوطه جدا ما كنتش عارفه اقول ايه بس انا كنت خايفه ليكون اعجاب يعني ولما نكبر يروح ففضلت مخبيه لحد ما وصلت ثانوي ولقيته لسه بيحبني فتاكدت انه فعلا الكلام اللي قاله مكنش اعجاب فانا اعترفتله اخيرا ان انا كمان يعني ببادله نفس الشعور والكل عارف اصلا لانه كلهم كانوا واخدين بالهم من حركاته وتصرفاته اللي كان بيعملها فهو طلب ايدي من جده من فتره وقال له يعني يصبر شويه
وردة : انا مبسوطه لك جدا لان حاسه فعلا انه بيحبك وانتي باين عليكي بتحبيه
صفاء : هو انتي حبيتي عمر ازاي واللا امتي
وردة : دا من زمان اوي انا وهو بنحب بعض من وقت الجامعة واول ما اتخرجنا جالي وطلب ايدي
صفاء : اقولك علي حاجة حطيها في بالك
وردة : في اي
صفاء : جميلة بنت عمي انا حاسة انها مش هترتاح الا لما تسيبوا بعض
وردة : ليه هو انا عملتلها حاجة
صفاء : لا بس الكل عارف انها كانت بتحب عمر ومفكرة انه هيتجوزها فلما انتي جيتي واخدتيه من منها دا من وجهة نظرها يبقي مش هتسيبك
وردة : طب وانا اعمل اي
صفاء : متقلقيش انا معاكي اهو بس مش عاوزاكي تصدقيها في اي حاجة
وردة : حاضر
في الوقت دا كانت فرح وجميلة قاعدين لسة وبيخططوا هيعملوا اي عشان يفرقوهم
نزل عمر لاوضته بعد فترة وكانت لسة وردة وصفاء بيتكلموا خبط ودخل
عمر : باين عليكم انسجمتم مع بعض
صفاء : اوي وردة دي زي اختي
وردة : وانتي والله ي حبيبتي
عمر : طب ممكن بقي اخد مراتي منك شوية
صفاء : طبعا ي عريس انا هسيبكم
خرجت صفاء من الاوضة وسابتهم قرب عمر من وردة اللي كانت قاعدة علي السرير
وردة : انت بتعمل اي
عمر : انتي شايفة اي
وردة : عمر ابعد عني
عمر : هشش انا مش عاوزك تتكلمي
قرب منها تاني واخدها في عالم خاص بيهم تاني يوم صحيت وردة اول ما شافت عمر وهو بيبصلها استخبت تحت الغطا وهي محروجة جدا
عمر : صباح الخير
وردة : صباح النور ممكن تبعد عشان اقوم البس
عمر : وهو انا ماسكك
وردة : لو سمحت
عمر : خلاص انتي هتعيطي
قام عمر من علي السرير اما هي فلفت الغطا كله علي جسمها ودخلت الحمام بسرعة ضحك عمر علي منظرها ولبس هدومه ونزل تحت قبلها كانت جميلة تحت واول ما شافته نازل عملت نفسها وقعت ورجليها التوت اول ما شافها عمر راحلها بسرعة وسندها قعدت علي كرسي قريب منهم وبدات تمثل انها موجوعة
نزلت وردة في الوقت دا واول ما شافت المنظر دا وكان عمر ماسك رجل جميلة عشان يشوف منطقة الالم اتعصبت جدا
وردة : .........
تابعووووووني
رواية زواج لدقائق معدودة كامله من هنا
رواية خيانة الوعد كامله من هنا
رواية الطفله والوحش كامله من هنا
رواية جحيم الغيره كامله من هنا
رواية مابين الضلوع كامله من هنا
رواية سيطرة ناعمه كامله من هنا
رواية يتيمه في قبضة صعيدي كامله من هنا
الروايات الكامله والحصريه بدون لينكات من هنا
إللي خلص القراءه يدخل هيلاقي كل الروايات اللي بيدور عليها من هنا 👇 ❤️ 👇
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
الصفحه الرئيسيه للروايات الجديده من هنا
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
تعليقات
إرسال تعليق