سنتر الحريه حصريه وجديده وكامله جميع الفصول على مدونة النجم المتوهج للروايات والمعلومات
 |
سنتر الحريه حصريه وجديده وكامله جميع الفصول على مدونة النجم المتوهج للروايات والمعلومات
بتبدأ حكايتنا النهارده بسلمي اللي كانت راكبه جنب باباها في العربيه وعيونها كلها دموع وهو قالها بجديه
فاروق
يا سلمي يا روووح قلبي انا هخليكي تروحي المركز ده عشان تطوري من نفسك، المركز ده بيساعد البنات والشباب اللي في سنك انهم يتعلمو التربيه الجيده والصحيحه وكمان تتعلمي حاجات جديده زي الرسم والموسيقي وكمان هتتعلمي اصول دينك بشكل كويس والرياضه انا مش بعمل كده عشان اخلص منك
سلمي بحزن
صحابي كلهم اخدو الاجازه وسافرو مع اهلهم وهيقضو وقت حلو، وانت ومراتك وابنكم مسافرين برضو بس انا ما ينفعش ابقي معاكم فبترميني للمركز ده، بس اوعي تفكر اني غبيه او مش فاهمه حاجه وهصدق انك موديني المركز ده عشان خايف عليا، انت هتحرمني من اني اعيش الاجازه بتاعتي بشكل طبيعي بتخليني اكرهك
فاروق
انتي بنت قليلة الادب في بنت تقول لابوها كده؟
سلمي بسخريه
وفي اب يعمل في بنته كده، بس انا عندي الحل انت لا تعتبرني بنتك ولا انا اعتبرك ابويا خليني امشي سيبني وانا هعرف اعيش لوحدي
فاروق
انتي فاكراها ساهله انك تعيشي لوحدك بنت زيك عندها 19 سنه لسه في اولي جامعه تعيش لوحدها ازاي
سلمي
عادي هعتبر انك انت وماما عملتو الحادثه مع بعض زمان وبقيت يتيمة الاب والام وو..
_قبل ما تخلص كلامها نزل بأيده علي وشها وقال بحده وعصبيه
فاروق
اخرسي خالص انتي بنت مش متربيه ودلوقتي هتروحي المركز غصب عنك وهتسمعي الكلام انتي فاهمه ولا لا..
ما ردتش عليه سلمي وحطت ايدها علي وشها وابتسمت بهدوء، وهو بصلها وقال بضيق..
فاروق
انا عمري ما اتمنيت اني ابقي قاسي عليكي بس انتي اللي بتجبريني اعمل كده معاكي..
سلمي
ولا يهمك انا اتعودت من زمان علي القسوه دي، عشان. كده. مش بصدقك لما بتعمل فيها طيب
فاروق بضيق
طيب اسكتي يا سلمي عشان ما اتعصبش عليكي تاني...
_ووصلو بعد شويه عند. المركز اللي هتقعد فيه سلمي فترة الاجازه كلها، وكان مكان راقي جدا واول ما دخلو استقبلهم واحد لابس بدله رسميه وقال..
نبيل
اهلا وسهلا يا فاروق بيه نورتنا والله اتفضلو
فاروق
شكرا يا نبيل كلمتلي الاداره علي موضوع سلمي ولا لسه؟
نبيل
طبعا كلمته يا باشا وهو والله مش مقصر المكان هنا مكتمل الناس اللي زي حضرتك بيسعو انهم يطورو من ولادهم فاغلب العائلات مقدمين لولادهم هنا بس هو اتصرف وهيخلي الانسه سلمي تبقي معانا..
فاروق
طيب علي بركة الله يا نبيل ممكن. اتواصل مع المدير عشان التفصيل..
نبيل
طبعا طبعا يا فاروق بيه الاستاذ هشام في انتظاركم..
سلمي
انا هستني هنا اتفرج علي المكان وكده يعني..
نبيل
معلش يا انسه انتي لازم تيجي معانا عشان الاستاذ هشااام يشوووفك برضو لاننا ما بنقبلش اي حد هنا..
فاروق
يلا يا سلمي وبعدين ابقي شوفي المكان براحتك يا حبيبتي..
سلمي
اووووف بقي هو انا كنت ناااقصه بجد..
_وراااااحو هما الاتنين مكتب هشااام اللي كان شاااب في ال35 من عمره واستقبلهم كويس وبص لسلمي اللي قااعده وحاااطه رجل علي رجل وقال..
هشاام
نزلي رجلك يا سلمي...
سلمي
انا ما بعرفش اقعد غير كده وبعدين مش قاعده فوق راسك عشان طريقة قعدتي تدايقك
فاروق
سلمي عيب كده، بعتذر يا استاذ هشااام هي بس عنيفه شويه او زي ما تقول انا مدلعها فلساانها طويل حبتين..
هشاام
ما فيش مشكله يا فاروق بيه، هي هنا هتتعلم كل حاجه من اول وجديد وهتشووف الحيااه والمستقبل بطريقه مختلفه
سلمي
هتغيرلي حيااتي يعني؟
هشاام
ان شاء الله وللاحسن كمان وهتشوفي بنفسك..
سلمي
طيب بليييز وانت بتغيرلي حيااااتي غير معااك بابي ومراته عشان ما بحبهمش..
فاروق بحده
سلمييي اخرسي خالص وما اسمعش صوتك
سلمي
اوكي اوكي بس ما تتعصبش ولا اقولك براحتك خدي التاني موجود عشان تضربني عليه وتطلع عصبيتك عليا زي ما عملت من شويه..
جه يتكلم فاروق بس هشام قال بجديه
لو سمحت يا فاروق بيه تقدر ترووح مع نبيل عشاان الحسابات والتفاصيل دي، وانا هاخد الانسه سلمي بنفسي اعرفها علي السنتر بتاعنا..
فاروق
يعني هي اتقبلت خلاص عندكم؟
هشام
اكيد واوعدك ان كل حاجه هتبقي تمام جدا يا فاروق بيه ثق فيا..
فاروق
ان شاء الله يلا بينا يا نبيل..
طلع فاروق هو ونبيل وهشاام قام وقال
تعالي معايا يلا..
قامت سلمي وقالت
انا مش عايزه اتفرج علي حاجه في المخروووبه دي، وريني اوضتي اللي هقعد فيها
هشاام
ده اسمه سنتر الحريه انا لما فكرت اعمل السنتر ده سميته الحريه الشباب اللي زيك اول ما جم هنا كانو عاملين زيك واكتر من كده وفاكرين المكان ده سجن بالنسبالهم، بس بالعكس المكان ده اكتر مكان هتحسي فيه بالحريه
سلمي
انت بتستعبطني حرية ايه دي اللي هشووفها وانا بالفعل هبقي محبووسه هنا طول الاجازه بتاعتي، لا وكمان هعمل حاجات انا مش عايزها
مسك هشام ايدها وقال
انا هنا هبقالك اخوكي الكبير مش مدير السنتر هدفي الاول من المشرووع بتاعي ده اني اطلع شباب واعي ومثقف بفهم بعني ايه حريه والحىيه مش انك تبقي عايشه حيااتك بره المكان ده، في نااس بتقضي عمرها كله بين اربع حيطان وهي حره..
سلمي
انت واخدني فين وبعدين ايه الحريه من وجهة نظرك..
ساب ايدها بعد ما وقفو قداام باب كبير واول ما فتح الباب انبهرت من شكل المسرح اللي موجود في السنتر وقالت..
سلمي
مستحيل ده عندنا هنا في مصر؟
هشاام دخل وقال وهو بيبص علي الشباب اللي واقفين بيعملو بروفا وسقفلهم وقال..
هشام
ليكي في التمثيل يا سلمي؟
سلمي
لا ما بعرفش امثل..
هشام
متاكده اصل سعات بتيجي هنا ممثلات وممثلين ومخرجين ومنتجين ولو عندك الموهبه ممكن تجربي حظك معانا
سلمي
شايفني شبه سعاد حسني ولا علي ربيع ما قولنا ما بعرفش امثل، وبعدين رد عليا بتقول الحريه مالهااش علاقه بحبستي هنا ازاي وانا هبقي محبوسه هنا عندك..
طلع هشام وقالها
تعالي ورايا وانتي هتفهمي لوحدك هنا في ابسنتر هتلاقي كل حاجه مسرح وكورسات موسيقي وريم رياضه بكل انواعها وفي جيم حلو هنا ومدربين علي مستوي عالي وفي مسجد وامام جامع موجود. فيه وكنيسه برضو وفي مطعم كبير متقسم لاكتر من جزء مختلف، المكان هنا حيااه جديده والاهم من كل ده هتلاقي المكتبه اللي حاولنا علي قد ما نقدر نجمع فيها كم كبير من الكتب اللي تنسااب الشباب في سنكم
سلمي
كل ده ولا بفرق معايا عندكم واي فاااي؟
ابتسم يوسف وقال
اااه موجود. وكمان في كافيهات هنا حلوه واحنا هنا في اسكندريه يعني جمبنا برضو عندك البحر..
سلمي
اوضتي فين اللي هقعد فيها
هشاام
طيب خليني افرجك علي باقي المكان، الحريه اللي بتكلم عنها يا سلمي ان تفكيرك يبقي حر تصرفاتك تبقي حره بس الحريه دي ما تجيش بيها علي فيرك
سلمي
مش فاهمه؟
هشاام
يعني ما ينفعش بنت كبيره وزي القمر زيك تقعد في كافي او مكان عام وتشرب سجاير ما ينفعش تعمل كده اصلا
سلمي
يا سلام هي دي بقي الحريه اللي عندكم يا استاذ
هشام
انت ما لم تضر، يعني لما بنات اصغر منك يشفزكي او في سنك ويقلدوكي كده انتي كنتي سبب في فساادهم، ده غير الذنب اللي هتاخديه عند ربنا
سلمي
بس انا ما ضربتش حد علي ايده عشاان يعمل زيي انا حره
هشاام
غلط انتي تفكيرك مسجون في عدات مش شبهنا ولا حاجه انتي عايزاها، البنت اتخلقت عشون تبقر بنت واخت وزوجه وام وصديقه مش تشرب سجاير وتفسد حياتها، لو قدرتي تنجحي وتثبتي للكل انك ناجحه وتختاري مجال تعليم انتي بتحبيه تلبسي لبس يرضيكي من غير ما تفكري ده هيعجب النااس ولا لا تتصرفي تصرفات ترضيكي انتي مش تعمليها عشان تنتقمي من حد او تعصبي حد. وقتها هقول عليكي انك بني ادمه حره، الحؤيه مش انك تخرجي وتلفي هنا وهناك الحريه في دماغك في تفكيرك لما تعرفي تختاري صح وتتحدي الكل بالحقيقه والنجااح وقتها هقول سلمي حره عرفت تعيش حيااه صحيه من غير ما حد يأثر علي تفكيرها وياخدها لسكه وحشه
بصتله سلمي بتوتر وهو قال
للاسف البنات في الجيل ده اللي انتو فيه معدومة الحريه بتمشي ورا حاجات ترضي النااس بيها، لبس وخروجات وسهر ونت ونسيو يتعلمو الاصول نسبو يتعلمو يبقو احرار، الغرب عرف يسيطر علينا ويقيد تفكيرنا بحاجات تافهه..
سلمي
بقولك ايه انت كلت دمااغ امي ده انت رغااي اووي ممكن تورينب اوضتي..
هشاام
تعالي ورايا طيب..
_واخدها ومشيو في ممر طويل كله اوص ووقف عند اوضه معينه والمشرفه جات وقفت جنبيه وقالها
.
هشام
كلمتي هايدي يا مدام فتحيه؟
فتحيه
ايوه وبعد الحاح وافقت ان سلمي تقعد معاهت
سلمي
انا مش هقعد مع حد انا عايزه اوضه لوحدي
هشام
ما فيش حد هنا بيقعد لوحده كل اوضه بيقعد فيها بنتين، وكذلك في قسم الشباب برضو، ادخلي وخليكي حلوه مع زميلتك، هايدي دي اكتر طالبه قه هنا في السنتر وبتدرس طب بشري علي فكره
سلمي
علي نفسها مش عليا بعد اذنكم..
_وسابتهم وقفلت الباب في وشهم واول ما دخلت انبهرت من جمال الاوضه وقالت..
سلمي
واااو ده فندق فايف استااار ده ولا ايه.
فتحت هايدي عيونها وقالت
انتي الطالبه الجديده؟
سلمي قلعت الكوتشي بتاعها ورمت كل واحده. في مكان وقعدت علي السرير بتاعها وقالت..
سلمي
بقولك ايه خليكي حلوه معايا وقوومي رتبي ليا هدومي في الدولاب عشان انا جايه تعباانه من. القاهره للاسكندريه مشوار
هايدي
اوكي ما فيش مشكله انا اسمي هايدي محمد وانتي؟
سلمي
سلمي..
هايدي
انتي بتدرسي ايه يا سلمي.
سلمي
السن انجليش..
هايدي
انا بدرس طب بشري
سلمي
انا جعاانه الاكل ممكن يجي لحد. هنا؟
هايدي
لا طبعا في نظاام الاكل بيبقي في المطعم، خدي انا معايا شوكلاته حلوه كليها وارتاحي شويه وبعدين ننزل ناكل
اخدت منها سلمي الشوكلاته وقالت
ميرسي، هو انتي ليه قااعده لوحدك. هنا وما حدش قااعد معاكي
هايدي بتوتر
اا اقولك السبب ولا هتقرفي مني وتمشي..
سلمي بقلق
ايه ما بتستحميش ولا مفمله ولا بتعملي بيبي علي نفسك وانتي نايمه
ضحكت هايدي وقالت
ههههههههه انتي فظيعه والله، بس كل الحكايه ان ااا..
وشالت التيشرت من علي جسمها اللي كان محروق وقالت..
هايدي
اتعرضت لحادثه خلت جسمي بالشكل ده، لما بقيت اجي هنا من اول ما السنتر فتح وكانت في بنات بتقرف مني وقتها طلبت من مستر هشاام اني اقعد لوحدي وهو وافق معادا النهارده هو قال ان انتي مش لاقيه مكان تقعدي فيه، انا مش هلبس قدام حاحه قصيره ولا تبين جسمي عشان ما تقرفيش
قامت سلمي وقعدت جنبيها وقالت
لا. عادي انا مش قرفاانه منك بالعكس انا حبيتك اووي يمكن انتي احلي حاجه انا شوفتها هنا من لما جيت..
ضحكت هايدي وقالت
ميرسي يا جميله انتي كمان حلوه اووي، وعلي فكره المكان هنا جميل جدا وهتحبيه اووي..
_وفي مكتب هشااام. كان قاااعد هو وفاروق اللي قاله بنبره حزينه
فاروق
فهمت اللي اقصده يا استاذ هشاام..
هشام
يعني سلمي فقدت مامتها لما كان عمرها خنس سنين واتربت مع زوجة اب
فاروق
ايوه بس مراتي للاسف عرفت مؤخرا انها كانت قاسيه عليها اووي، ما قدىتش ابعد الاتنين عن بعض عشان في اخ لسلمي من مراتي التانيه وكمان لو اجتمعو في مكان واحد. سلمي عصبيه وهتحصل مشااكل كتير
هشاام
سلمي عندها مشاكل كتير للاسف
فاروق
انا عارف انك شخص تربوي انا عايو بنتي تتربي من اول وجديد صح، تتعلم الادب وحدود في التعامل، للاسف مراتي ربتها غلط خلتها تبقؤ بالشخصيه دي بس سلمي طيبه وطفله اووي من جوها، انتو هنا بتغيرو الشباب وبتطلعو شباب مثقف ومتربي، انا نفسي تخلو بنتي تبقي محترمه ومتعلمه زي اي بنت ناجحه في سنها
هشام
اوعدك. يا فاروق بيه اني ههتم بسلمي بشكل شخصي واكتر كمان، واوعدك انها هترجع هتلاقيها شخص مختلف تماماً..
فاروق
ان شاء الله وفي اي وقت تحتاج فيه اي حاجه انا موجود. وتحت امرك وهبقي اكلمها اطمن عليها..
هشام
هنا الفون ممنوع هتكلمها مرتين في الاسبوع هي اللي هتكلمك من تلفون السنتؤ
فاروق
تمام. اووي بعد اذنكم...
_مشي فاروق وهشاام. نده لنبيل وقالع
بقولك ايه يا نبيل عايزك. تاخد بالك من سلمي اي خطوه تعملها تمسك موبيلك تقولي هي موجوده في المكان الفلاني
نبيل
تمام انا هكلف واحده من العاميلات تاخد بالها منها..
هشام
تمام يا نبيل يلا رووووح شوووف شغلك..
_وبالليل كانت قااعده سلمي جنب هايدي في المطعم وقاامت راحت الحمام وجه هشاام قعد. مع هايدي وقالها..
هشااام
عامله ايه يا هايدي؟
ابتسمت هايدي بحب وقالت
انا كويسه الحمد لله يا مستر هشاام
هشام
وسلمي نظامها ايه معاكي، هي لساانها طويل شويه فلو دايقتك ما تزعليش حقك عليا ولو ما اتفقتوش سوا فأقرب وقت هنقلكم انتو الاتنين لمكان تاني
هايدي
لا بالعكس دي جميله اووي وطيبه حتي لما عرفت ظرووفي ما اخدتش مني جنب بالعكس دي جات وقعدت جنبي وقالتلي اني حلوه وهي مش قرفاانه مني كمان..
هشام
ايه قرفااانه دي ما تقوليش كده يا هايدي انتي زي القمر بجد..
ابتسمت هايدي بخجل وجات سلمي قعدت معاهم وقالت بخبث..
سلمي
جيت في وقت مش مناااسب ولا ايه.
هشام
ايه اللي انتي بتقوليه ده، انا جاي اطمن علي هايدي لسه بخير من لسااانك ولا اخدت اللي فيه النصيب
سلمي
امم واطمنت يا مستر؟
هشاام بهدوء
المهم يا سلمي النهارده اليوم فري بالنسبالك من بكره الصبح هتصحي الساعه سته هتنزلي تحت والمشرفه هتشرحلك النظظام اللي انتي هتمشي عليه..
سلمي
حيلك حيلك الساعه سته الصبح اللي هو ايه، انا بصحي 12 الضهر وبعد كده كمان..
قاام هشاام وقال
نااامي بدري وانتي هتصحي بدري يا انسه سلمي..
ـ قال كلامه وسابهم ومشي، وهايدي قالتلها بجديه..
هايدي
انتس لازم تنتظمي والا هتمشي من هنا
سلمي
ما هو ده المطلوب يا هايدي انا مش عايزه اقعد هنا
هايدي
بس هتندمي ده مكان حلو اوووي وانتي هتحبيه جدا، الطلاب والمدرسين والناس كلها هنا هتبقي كأنها عيله تانيه ليكي، انتي مش واخده بالك النااس بتتعامل هنا ازاي مع بعضهم
سلمي بصت حواليها وقالت
هو فعلا الجو مريح اوووي هنا، بس انا لازم افشل هنا موضوع كده بيني وبين بابا لازم يجي وياخدني من هنا زي ما جابني..
_وتاني يوم الصبح صحيت سلمي علي صوت المشرفه اللي بتقولها بحده..
المشرفه
وقت النوم خلص من عشر دقايق قووووومي يلااااا
سلمي
في ايييه ووطي صوتك انا مش قاادره اقوم دلوقتي..
شدتها المشرفه قومتها وقالت
ما فيش حاجه اسمها مش قادره، لازم تقدري وبعد كده هتتعودي تقومي لوحدك عشر دقايق تدخلى الحمام تغسل اسنانك ووشك وتروقي علي نفسك
سلمي
انا لازم اخد شاور لما اصحي وو..
المشرفه
الشاور بعد. التمرينات اللي هتعمليها في الجيم هتمشي عبي النظام زي صحااابك
سلمي
هي هايدي فين؟
المشرفه
نزلت تحت زمايلك كلهم تحت فبسرعه عشان تلحقي التدريبات بتاعتك معاهم وبعد كده اي تأخير هيبقي بعقاااب
سلمي
وايه هو العقاااب ان شاء الله؟
المشرفه
هشااام بيه هو اللي هيقولك عليه بنفسه، يلا ما تضيعيش وقت في الرغي يلا بسرعه عشان ننزل
_وبعد شويه راااحت سلمي وقفت جنب هايدي وهما بيعملو التمرينات في الجيم وقالتلها..
سلمي
هو هيبقي النظاام كده علي طول..
هايدي
ايوه انا صحيتك بس انتي غيبوبه يا بنتي ما قومتيش خالص
سلمي
ولا كنت هقوووم اصلا بس الست الضخمه اللي جات صحتني دي انا كنت خايفه منها
ضحكت هايدي وقالت
هههههه طيب ركزي في التمرين انتي هيبقي النظام بتاعك مختلف عني عشان انتي لسه جديده..
سلمي
امممم ربنا يستر بقي..
_وبعد التدريب راااحت سلمي لمكتب هشاام ودخلت من غير ما تخبط وقعدت قدااامه وحطت رجل علي رجل وقالت..
سلمي
قالولي انك عايزني خير يا اسمك اه انت
هشاام
انا اسمي مستر هشاام ونزلي رجلك وانتي بتتكلمي معايا يا سلمي
سلمي
انا بحب اقعد كده..
هشاام.
ليه؟
سلمي
عشاان القعده دي بتقعدها النااس المميزه.
هشاام
الامرااء والملوك الستات يعني ما بيرفعوش رجل عن التانيه ليه عشااان دي قلة ادب يا سلمي..
نزلت سلمي رجلها وقالت بغيظ
انت عايزني في ايه؟
هشام
انتي عايزه تستهلكي وقتك بي ايه هنا، ايه اللي نفسك فيه وعايزه تعمليه
سلمي
النوووم سيبوني انااااام وما حدش يصحيني خاااالص
هشااام
وايه الاستفاده اللي هتاخديها من النوم، وبعظين ابوكي دافع المبلغ ده كله عشااان يجيبك تنامي هنا
سلمي
هو جايبني هنا عشاان يرتاح مني عشاان مراته ما تنكدش عليه لما اقضي الاجازه معاهم وهي مش بتحبني، وبعدين انا قااعده هنا بفلوسي يعني اعمل اللي عايزاه
هشاام بهدوء
لو ما استفدتيش من قعدتك هنا يبقي تاخدي فلزسك وتمشي، انا مش بجيي الطلاب هنا تناام، واصلا لو عليا ما كنتش دخلتك هنا السنتر لانك مش شبه البنات اللي هنا خالص
سلمي بحده
مش شبهم ازاي يعني هما برجلين وانا باربعه. ما تعدل كلامك كده يا اسمك ايه انت
هشااام
قولتلك انا اسمي هشاام واخر مره صوتك يعلي عليا انتي فاهمه ولا لا
سلمي
ولو علي تاني هتعمل ايه؟
هشااام
الاوضه الضلمه اللي كلها فيران وصراصير هتقعظي فيها ساعه ساعتين تلاته يوم كامل علي حسب الغلطه اللي انتي عملتيها
سلمي بسخريه
هو انت فااكر اني كده هخااف منك شايفني عيله صغيره قدااامك، بقولك. ايه ربي عيالك وفكك مني مش عاجبك اسلوبي خليني امشي
هشاام بصوت عالي
فتحييييييه تعالي هنا
دخلت المشرفه وقالت
تحت امرك. يا مستر هشااام
هشااام
خدي الانسه لاوضة العقاااب ولما تبقي تقرى انها تستفاد من السنتر بتاعنا يبقي نطلعها وممنوع ليها اكل وشرب
سلمي
علي فكره النظااام ده غلط جدا انت كده هتتعاقب علي اللي بتعمله انت كده بتستعمل العنف مع الطلاب..
هشاام
لا ما انا طلابي هنا كلهم محترمين، انما انتي انا واخد الاذن من ابوكي اني اربيكي من اول وجديد، يلا يا فتحيه خديها ونا تخرجش غير بأذني..
_قرب منها فتحيه وجريت اتخبت سلمي ورا هشام وقالت...
سلمي
قولها تبعد عني وهسمع كلامك خلاص..
بصلها وهي قريبه منه واتوتر شويه وقال
خلاص يا فتحيه اخرجي يلاااا..
سمعت فتحيه كلامه وخرجت وهو قال لسلمي
اقعدي مكانك يلااااا..
سلمي
انت عايز مني ايه انا مش عايزه اقعد هنا
هشام
انتي مش عايزه تفهمي ليه انك لما تبقي كويسه ما حدش هيقدر يزعلك ابدأي بنفسك..
قعدت سلمي قدامه وقالت
اعمل ايه طيب عشااان ابقي احسن وانا كل حاجه بعملها بتبقي وحشه وبيتقال عليا فاشله ومش نافعه في حاجه
هشام.
بالعكس ده انتي ناجحه وحلوه اووي كمان، ومش بقصد شكلا يعني انتي زي القمر بس انتي شخصيه حلوه وجواكي حد نضيف..
سلمي
ازاي يعني جوايا حد نضيف قصدك. اني ملبووسه..
هشاام بغيظ
اقسم بالله ما انا مكمل كلامي اتنيلي قوليلي ناويه تدخلي انهي قسم هنا وهتتعلمي ليه جديد عشاان تبدأي ويتعملك. جدول كويس تمشي عليه
سلمي
مش عارفه انت تقترح علية ايه بما انك عامل فيها ابو العريف
هشاام
اللهم طولك يا روووح ممكن. تتعلمي حاجه تبع دراستك
سلمي
لا لا انا ما بحبش الكليه بتاعتي اكيد. انا مش واخده الاجازه عشان اءااكر تاني
هشام
لا لا انا اللي اقصده انك. تطوري اللغه اللي بتدرسيها تعرفي عنها اكتر من خلال الكتب والقصث والعلمااء في اللغه دي، وقوليلي طيب بتحبي تعنلي ايه او حاسه عندك موهبه فيه؟
سلمي
اقولك وما تقولش لحد
هشام.
ليه هو سر
سلمي
لا بس مش عايزه حد يعرف عني حاجه، بص هو كده وخلاص
هشام
خلاص اوعدك مش هقول لحد بره السنتر ده بس تعملي اللي هقولك عليه، قوليلي الاول ايه الحاجه اللي بتحبي تعمليها؟
سلمي
احمم انا بحب الرسم اووي وبعرف ارسم حاجات وكانها بتبقي حقيقيه بس..
هشام
بس ايه اتكلمي؟
سلمي
بس ما ينفعش ارسم كل ما ارسم والاقي الرسمه بتاعتي حلوه افتكر سماح مرات ابويا لما كانت بتاخد مني الرسمه وتفضل تتريق عليها وبعدين تقطعها وتقولي لو شوفتك بترسمي تاني ومش بتذااكري انا هرميكي من فوق
نزلت دموعها وهو قاام قعد قدامها وقال
انسي اللي حصل زمان انتي قويه وشااطره وهتعرفي تثبتي ده للكل، وانا معاكي ايه رئيك نبقي من النهارده انا وانتي صحاااب..
سلمي
انا ما بصاحبش ولاد يا اسمك ايه انت
هشام.
انا غلطان واسمي مستر هشااام فاهمه، ويلا تعالي معايا هعملك جدول بنفسي وهتنتظمي عليه واي غلط هتروحي اوضة العقاااب
سلمي
لا عقاااب ايه هو مش احنا اتفقنا نبقي صحااب
هشام
لا صحااب ايه انا ما بصاحبش بنات يا اسمك ايه انتي..
_قال كلامه ومشي وهو بيضحك وهي راحت ورااه وهي مدايقه، وعملها فعلا جدول وفضلت سلمي مااشيه عليه وبدأت تتعود علي النظام وكانت ديما بترسم بشكل حلو وبعد اكتر من ستلات شهور كانت قااعده مع مدربة الرسم اللي قالتلها..
سناء
انتي عندك ايه بعد سلمي؟
سلمي
هروح المكتبه شوفت امبارح. كام. كتااب تيفيدوني اوووي في الجامعه لما ارجع، وبعدها انا وهايدي عندنا درس دين مع الشيخ جلال في المسجد
سناء
تمام. بكره. تيجي بدري عايزين تدريب جديد. انا واللجنه هنا في السنتر قررنا اللي هاروح معانا مسابقة الرسم. العالميه اللي معموله في قصر الثقافه السنه دي هي انتي لانك. اشطر واحده
ابتسمت سلمي وقالت
حضرتك بتتكلمي بجد يا دكتوره سناء انا هروح المساابقه دي
سناء
انا مش شايفه حد اشطر منك يا سلمي يروح المسابقه ، روووحي بقي شوووفي هتعملي ايه وما تنسيش تيجي هنا بكره بدري شويه عشان دي مسااااابقه مش ساهله
سلمي
اوكي يا دكتوره بعد اذنك
ـ ومشيت راحت المكتبه وكانت قاااعده بتقر في الكتب بتاعتها وقعد قدامها وقال وهو مبتسم
هشااام
طلع مش سر اهو والناااس كلها هتعرفه
سلمي
هو ايه ده ؟؟
هشام
انا هقولك ايه موهبتي بس انت هتوعدني انك مش هتقولها لحد مش هو ده كان كلامك ، دبوقتي بقي انتي هتروحي المساابقه ولو كسبتي هتبقي معروووفه في مصر كلها
سلمي
ما هو انا طلعت موهوبه بجد ورسمي حلو وكل زمايلي هنا بيدعموني ، تعرف يا اتش
هشام
اتش ده انتي خدتي عليا اوووي
سلمي
ما تقاطعنيش المهم انا بقيت مبسوووطه اووي هنا كل الشباب اللي هنا كويسين حتي الدكاتره اللي بساعدونا اننا نتعلم موسيقي ورسم وفنون كلهم حلوين اووي ، هي الاجازه فعلا كده بقيت اجازه حلوه لاول مره اقضي اجازه جميله كده
هشام
خلاص فاضل ايااااام وهتمشي عشان ترجعي الجامعه بس انا هستناااااكي تاني اتفقنا
مسكت ايده وقالت
انا مش هبطل اكلمك وكمان اتفقنا انا وهايدي وباقي زمايلنا اننا هنتقابل بره ونرجع مع بعض هنا تاني
هشاام
وانا في انتظاركم المهم كملي قرأه وانا هروح اشووف سغلي، حبيت بس اقولك اني مبسوووط. منك اووي وكمان باباكي مبسووط جدا منك
سلمي بضيق
هو بيكلمك؟
هشااام
ايوه بيكلمني تقريبا كل يوم عشاان يطمن عليكي وطلبت منك تكلميه اكتر من مره وانتي رفضتي
سلمي
ممكن اطلب منك طلب وتنفذه
هشام
علي حسب الطلب انتي عايزه ايه وهيكون في مقدرتي انفذه ولا لا
سلمي
انا عايزه موبيلي ساااعه واحده حابه اكلم بابا من عليه واقوله كام حاجه خاصه ممكن؟
هشام
عشان سمعتي الكلام وكنتي شاااطره ومتفوقه هنفذلك طلبك روحب لفتحيه بعد المكتبه وقوليلها انك عايزه الفون بتاعك وانا هخليها تديهولك..
سلمي
ميرسي اوووي يا هشااام
هشام
علي فكره انا مستر هشاام قوليلي زي باقي زمايلك
قربت منه وقالت بخبث
تؤتؤ انا مميزه هنا مش ده. كلامك فالمميز لازم يبقي مختلف عن الكل وما بنفعش حد غيري يقولك يا هشاام اتفقنا..
بصلها. بعشق وقال
اتفقنا يا سلمي، كملي قرأه يلا باااي..
_قال كلامه وسابها ومشي وجات هايدي قعدت. جنبيها وقالت بحزن..
هايدي
هو انتي في ايه بينك وبين مستر هشااام
سلمي
ولا حاجه. هو بس حد. لطيف وكويس وبيهتم بيا انا عمري ما لقيت الاهتمام ده. من حد، انا بسببه اتغيرت وبقيت شخصيه جديده
هايدي
تعرفي انه بيحبك؟
سلمي ضحكت وقالت
بطلي هزار وكلام فاااارغ واقعدي يلا ساكته عشان عايزه اركز في اللي بقرأه..
هايدي
انا بتكلم بجد انا مركزه اووي معاه هو ديما لما بتكوني في اي مكان بيجي يطمن عليكي ويمشي، وكمان نظرة عينيه ليكي مختلفه..
سلمي
وانتي مركزه اووي معاه كده. ليه؟
هايدي. ابتسمت وقالت
بصراحه كنت فاكره اني بحبه وانه معجب بيا طلع احساس عبيط هو بيعاملني كويس عشان. متعاطف مع حالتي، وانا اللي معجبه بيه لكن حب دي كلمه. كبيره انا لسه موصلتلهاش الحمد لله
سلمي
انتي تستاهلي كل خير يا هايدي وانا اكتر حاجه مبسوووطه منها هو اني عرفتك انا عمري ما كان عندي صحاب مقربين..
حضنتها هايدي وقالت
انتي اختي مش صاحبتي وبس، قوليلي هو هشاام ايه وصعه معاكي وخلي بالك نص البنات اللي هنا بيكرشو. عليه
سلمي
مش عارفه هو بس صديق كويس وانا مش عايزه اخسره، سيبي كل حاجه لوقتها وما تعطلنيش اكتر من كده بقي مش عايزه الخبط في الجدول بتاعي
_قالت كلامها وفضلو قاعدين كل واحده بتقرأ في الكتااب بتاعها، وبعدين اخدت موبيلها وراحت اوضتها وقعدت لوحدها وفتحت موبيلها وقالت لباباها في رساله صوتيه..
سلمي
من غير اي مقدمات يا عم فاروق انت زحشتني اوووي، وانا هستناااك زي ما جيبتني هنا تيجي تاخدني وحقك عليا لو كنت زعلتك في اكتر من مىه من غير ما اقصد..
_وبعتت الرساله وجات تقفل الفون بس لقيت سماح مرات باباها بعتالها صور كتير من اكتر من سهر فتحتهم ولقيت صور باباها ومراته واخوها الصغير ورساله من مرات ابوها بتقولها فيها..
سماح
شايفه شكلنا حلو ازاي اتمني ما ترجعيش تاني، باباكي نفسه بقي مبسوووط اووي وقال انه اول مره يقضي اجازه سعيده معانا عشان انتي مش موجوده انتي ما حدش بيحبك ياريت تخليكي عندك وتطلعي من حياتنا بقي..
_نزلت دموعها بحزن ورجعت الموبيل لفتحيه وراحت قعدت علي البحر وشاافت الباب بتاع السنتر مفتوح وما فيش امن هناااك لانه الباب الخلفي، فقاامت وطلعت منه وفضلت ماشيه في الشارع وقالت لنفسها..
سلمي
هي معاها حق اذا كان بابا مش عايزني ومش بيحبني فمين هيحبني انا لوحدي وما فيش حد انجح عشاانه، بس انا هختفي خالص من حياتك يا بابا هتفضل طول عمرك تدور عليا ومش هتلاقيني..
_وفضلت ماشيه لوقت متأخر بالليل وما كانتش عارفه هتروح فين فراحت قعدت علي الرصيف في الشارع وهي بتعيط وفجأه اتلمو عليها شوية شباب وواحد منهم قال..
_ايه يا حلوه مين بس اللي مخليكي تعيطي كده؟
قامت سلمي وقالت بخوف
وانت مالك انت وهو وسعو كده من قداامي، ده ايه البلاوي دي
_هههههههه لا وكمان شرسه ده انتي لقطه اوووي تبقي عبيطه لو فااااكره اننا هتسيبك كده..
سلمي
ابعدو عني انتو مجانين يا نااااااااااس حد. يلحقني...
ضحكو كلهم وواحد تاني قال
انتي هتصوتي من اولها تعالي بقي..
_ومسكها واحد من ايدها فزقته وضربته بالقلم وطلعت تجري وكانت فعلا عنيفه معاهم لدرجة انهم اصرو عليها وفضلو يجرو وراها لحد ما وصلت لشارع فيه ناااس كتير وبصت وراها لقيتهم اختفو اتنهدت بخوووف وفضلت تعيط وفجأه شاافت هشااام نازل من عربيته وقرب منها وقال..
هشااام
بتهربي يا سلمي انتي طلبتي تمشي ومنعتك..
سلمي حضنته وفضلت تعيط وقالت
انا خاييييفه اوووي وماليش مكان ارووح اقعد فيه...
ذقها هساام وقال
هو انتي كان حد زعلك. في حاجه، كنتي بتضحكي علينا وعامله نفسك اتغيرتي عشان تنفذي اللي بي دماغك بعد ما الكل وثق فيكي
سلمي بدموع
انت مش فاااهم حاجه..
هشام
لا انا فاااهم كل حاجه كويس انتي واحده مريضه يا سلمي وانا ندمان ان دخلتك السنتر بتاعي، ابوكي كلفني بتربيتك اللي هو فشل فيتا بس انتي بني ادمه مريضه ومافيش حل كمان لحالتك
سلمي بصدمه ودموع
انت كمان بتقول زيهم يا هشااااام
هشااام بحده
ايوه لما توصل انك تستغليني وتضحكي عليا وكمان تأذيني في شغلي بهروبك ده يبقي انتي فعلا بنت مش كويسه وانا ندمان اني فتحتلك قلبي او فكىت للحظه اني ممكن اكون حبيتك..
اتفاجئت من كلامه وقالت
طيب انا اسفه انا دلوقتي هرجع معاك وهسمع كلامك انا بس اتعصبت من بابا وو..
هشام
من غير ما تكملي انا مش عايز اعرف، وزي ما ابوكي جابك لحد عندي وكلفني باني اخليكي انساانه كويسه انا هوديكي لحد عنده واقوله اني فشلت ما قدرتش اساعده والعيب في بنته مش فيه هوو
سلمي ببكاء
لا العيب فيه هو اناكنت محتاجه حبه وحنيته لكن هو كان اناني وما حبنيش زي ما انا كنت بحبه ومتعلقه بيه هو حب مراته وابنه اكتر مني
هشام
حجة الفاشل انه ديما يعلق فشله علي غيره، لو كنتي كويسه كنتي بداتي بنفسك من غير ما تستني حاجه من حد، بس انتي الكلام معاكي خساره..
_واخدها فعلا وراح لبيت اهلها في القاهره، واول ما وصلو كان الوقت الساعه سته الصبح وهي كانت نايمه جنبيه بصلها بحزن وبعدين قال
هشام
سلمييي.... سلمييييي قوومي
فتحت عينيها وقالت
احنا فين؟
هشام
في بيتكم انزلي هسلمك لابوكي وهمشي وفرصه سعيده يا انسه سلمي
سلمي بدموع
لا انا مش عايزه اقعد هنا، انا اسفه يا هشااام والله مش هعمل حاجه تزعلك مني
هشام
انتي مش كنتس هترجعي عشان الجامعه اصلا
سلمي
لا بس هما مش عايزني خدني معاك ارجوك
هشااام
لا مش هاخدك ولو مش عجباااكي حياتك هنا ابقي اهربي من ابوكي انما انا مش مؤتر اتحمل مسؤليتك..
_قال كلامه ونزل من العربيه وهي معاه بس قبل ما يدخل البيت هي قالتله بحده..
سلمي
ما تدخلش انا هقول لبابا كل حاجه وشكرا انك جيبتني لحد هنا، ولو فاكر اني من غيرك هضيع وهفشل ونجاحي واقف عليك تبقي غلطان انا هنجح من غيرك وهتشووف
_ما ردش عليها واخد عربيته ومشي وهي دخلت البيت ولقيت مرات ابوها قاااعده وهي مدايقه وقالتلها
سماح
اووف انتي رجعتي..
قربت منها سلمي وقالت
ايوه رجعت وقاااعده علي قلبك يا مرات ابويا..
سماح
اخرسي انتي ازاي تتكلمي معايا كده؟
سلمي
اومال اتكلم معاكي ازاي وكلمه كمان هجيبك من شعرك اوعي تفتكري اني بعد. كده هزعق معاكي ارد عليكي الكلمه بكلمه وبس لا ده انا ايدي هتبقي سابقه لسااني بعد كده
سماااح
لا ده انتي بقيتي مش متربيه قال وابوكي بيقول دي هترجع عاقله بس انا ليا كلام تاني معاه
سابتها سماح وطلعت فووق وكمان سلمي اللي راحت اوضتها، وغيرت هدومها وكانت لسه هتنام. بس دخل عندها فاروق وقال..
فاروق
ايه اللي حصل ده هربتي من المركز. وكنتي هتعملي مشكله للمركز كله، ومش بس هنا جايه كمان تعملي مشااااكل مع سماح؟
حضنته سلمي وقالت
قبل اي حاجه انت وحشتني اووووي يا بابا الفتره اللي عدت دي كلها
فاروق ابتسم وقال
وانتي كمان وحشتيني اووي، بس ايه بقي مش ناوييين نعقل ده انا يدوب سمعت رسابتك وكنت لسه هفرح لقيت المصايب نازله فووق دماغي
بعدت عنه سلمي وقالت
انا مش عارفه اقولك ايه بس بجد المره دي انا ما كنش قصدي اغلط.، حتي سماح هي فهمتني غلط وما اعرفش ليه ما شافتني ادايقت كده
فاروق
خلاص انا هتكلم معاها ولو كلمتك او اي حاجه حصلت كلميني انا ما ترديش عليها اتفقنا، وانا هروح للاستاذ هشاام وو..
سلمي.
لا لا ما تكلمش حد انا مش محتاجه المركز بتاعه في حاجه تاني
فاروق
هو كلمني وقالي انه هيبعتلك الحاحات بتاعتك اللي هناااك، وانا معاكي بس بلاش طولة لساااان وبلاش تخليني اتعصب عليكي..
سلمي
حاضر والله انت هتشوووف شخصيه جديده خالص يا بابا صدقني...
_وفعلا عدت فتره كبيره اكتر من تمن شهور وكانت سلمي بعيد عن هشاام وما بتعرفش عنه حاجه، وفي يوم كانت قااعده هي وهايدي في كافي وقالتلها هايدي بحزن..
هايدي
يعني انتي مش هترجعي معانا المركز تاني، انتي طالعه الاولي علي الدفعه ده غير انك بتقولي صلحتي علاقتك بـ باباكي ومراااته ليه ما تجيش تتكلمي مع مستر هشاام
سلمي
بعد ايه هو قالي كلام. كتير صعب انا ما قدرتش اتحمله يا هايدي انا مش مريضه ومش فاشله انا كنت بس فاهمه غلط ما انكرش انه ساعدني اغير من نفسي بس هو في لحظة غضب دمر كل حاجه بنيتها جوايا ناحيته..
هايدي
ما ترجعيش عشاانه ارجعي عشان نفسك السنتر هيخلينا نستفاااد اكتر من اننا نضيع الاجازه في كلام فااضي
سلمي
عادي تتعوض هحاول استغل الوقت الفاضي بحاجات مفيده ده غير اني طالعه مع اهلي نقضي الاجازه في الشاليه بتاع بابي في الغردقه، اول مره هكون معاهم وانا مبسووطه بس بقيت مثبته سماح مرات ابويا بشكل ما بتقدرش تدايقني بأي حاجه، ودي اكتر حاجه استفدتها من هشاام ان اخد حقي بحرفه من غير ما اتعصب ولا صووتي يعلي
هايدي
انا مبسووووووطه بيكي اوووي يا سلمي انتي طيبه وقلبك ابيض وتستاهلي كل خير..
سلمي
وانتي كمان يلا بقي تعالي نروح نعمل ايه حاجه انا وانتي هنقضي اليوم كله سوا خلاص هتروحي السنتر ومش هنتقابل تاني انا وانتي غير علي بداية الدرااااسه
_وعدي يوم في التاني ورجعت هايدي السنتر وراااحت لهشاام المكتب بتاعه واول ما دخلت وهو شافها وقال..
هايدي
فاضي يا مستر هشااام اتكلم مع حضرتك شويه..
هشام قفل اللابتوب وقال
طبعا يا هايدي ده انا افضالك مخصوص اتفضلي ادخلي
دخلت هايدي وقعدت قداامه وقالت
في حد باعتلك السلام معايا..
هشام
انتي كدااابه يا هايدي سلمي مش طيقااني فمش هتبعتلي السلام فأختصري وادخلي في الموضوع علي طول
هايدي بتوتر
هو بصراااحه فعلا هي ما بعتتش السلام وهي مش طايقااك فعلا، بس هي نجحت رتبت الاو..
هشاام
عارف ان سلمي رتبت الاولي علي دفعتها وكمان بقيت علاقتها باهلها كويسه هي ايوه قعدت هنا فتره صغيره بس قدرت اعرفها كويس، اللحظه اللي سيبتها فيها ومشيت انا كنت متأكد انها هتنجح المره دي بجد لانها عنيده وبتعشق التحدي ما بتحبش الحيااه الهاديه بتحب تدخل اي مرحله بي حياتها من اصعب الابواب بنت غريبه وفي نفس الوقت طيبه وجميله
هايدي
وبتحبك
هشام
هي اللي قالتلك كده؟
هايدي
لا بس انا حسيت من كلامها انها بتحبك، انا عرضت عليها تيجي معايا ونقدم سوا علي السنتر تاني بس هي رفضت بشببك انت مع انها كانت هتستفااد جدا وانها ترتب الاولي علي دفعتها الفضل يرجع للسنتر بعد ربنا
هشام
اوووكي يا هايدي هي لو عايزه ترجع هنا انا ما عنديش مشكله
هايدي
طيب حضرتك. كلمها سلمي تستاهل انك تكلمها وتخليها ترجع
هشااام
انا لو كلمت سلمي هتسمعني من المنقي خياار زي ما بيقولو ودي واحده لسااانها ما بيرحمش
هايدي
يعني ما فيش فاااايده خلاص؟
هشااام
سيبي كل حاجه للنصيب واللي فيه الخير يقدمه ربنا، وشكرا جدا لاهتمامك ..
هايدي
لا ما هو خلاص ما جاش بفايده ياريتني ما جيت اصلا..
هشام
دي نفس ردود سلمي ما تقعديش معاها كتير
_ابتسمت هايدي خرجت من عنده، وقابلت مروان زميلها اللي قالها..
مروان
هاا حصل ايه هيكلمها يخليها ترجع معانا
هايدي
للاسف هما الاتنين منشفين دماغهم اووي انا مش عارفه اتصرف ازاي ولا اعمل ايه في الحوار ده كله
مروان
الموضوع ده لازمله خطه، سلمي لازم تيجي هنا وتتقابل هي وهشاام
هايدي
يا سلام وليه هو ما يروحلهاااااش لحد عندها ويتكلم معاها؟
مروان
يا اذكي حد انا شوووفته في حيااتي احنا طول الاجازه ما بنقدرش نطلع من هنا حاي مستر هشااام بنفسه ما بيخرجش غير للضروره وبعدين احنا مش هنقول لسلمي تعالي قابلي هشام
هايدي
اومال احنا هنقولها ايه بالظبط؟
مروان بخبث
انا هقولك بس المهم تفكتري اني بعمل كده عشااانك انتي، عشان انتي هتبقي مبسوووطه لما هما يبقو مع بعض، وانتي وعدتيني لو مستر هشام وسلمي ارتبطو انتي هتديني فرصن اني اكلم باباكي واخطبك
هايدي
والله انت بتظلم نفسك انت ما شوفتش جج جسمي عامل ازاي هتقرف مني بجد وو..
مروان
انا بحبك الكلمه دي كبيره علي فكره وانا ما قولتهاااش ليكي غير وانا متأكد اني عايزك كده وراضي بيكي، صدقي بقي بقالي تلات سنين بثبت فيكي وجيت وراكي هنا اعمل ايه تاني اطلع علي التلفزيون واقولك اني بحبك
ابتسمت هايدي بخجل وقالت
لا بس خلي هشام سلمي يتقابلو وانا هديلك فرصه
مروان
طيب ولو ما اتقابلوش او ما اتفقوش احنا حياتنا واقفه عليهم يعني؟
هايدي
لا طبعا بس اهو نحاول نشوف الموضوع ده واطمن علي صاحبتي واوعدك اني هفكر في موضوعنا وهقول لبابا علي انك بتحبني وكده يعني
رد. عليها مروان وقال
اشطا يا كبير يبقي كده اتفقنا..
_وتاني يوم كانت سلمي قااعده مع اخوها الصغير بيلعبو وموبيلها رن برقم هايدي
سلمي
هي البنت دي ما راحتش السنتر ولا ايه
وردت عليها وقالت
في ايه يا هايدي هو انتي مش في السنتر يا بنتي؟
ردت عليها فتحيه وقالت
انا فتحيه يا سلمي مش هايدي، انا بكلمك عشان اقولك انها تعباانه اووي هنا وعايزه تشووفك
سلمي بخوف
تعباااانه ازاي يعني وما راحتش المستشفي ليه
فتحيه
الدكاتره عندها ارجوكي تعالي الكل حزين هنا تعالي بسرعه
سلمي
جايه حالا مسافة الطريق
ـ وفعلا غيرت هدومها واخدت السواق بتاع باباها وخلته يوصلها لحد الاسكندريه وبالاخص للسنتر ونزلت وكان الوقت الفجر وخبطت علي البوابه جامد فقالها بتاع الامن
_نعمم عايزه مين.؟
سلمي
انا عايزه ادخل بسرعه صاحبتي تعباانه جوه
_ممنوع اي حد يدخة من غير امر هشاام بيه
سلمي
اندهلي ية اخويا سبع البرومبه بتاعك ده، ما انا هدخل يعني هدخل في ليلتكم الزرقا دي..
_ونده ليها فعلا الامن هشاام اللي اول ما عرف انها تحت جه بسرعه وقال..
هشااام
في ايه يا سلمي وايه اللؤ جابك في وقت زي ده
سلمي بضيق
مش جايه عاشقه سواد عيونك انا جايه لهليدي هي فين وعامله ايه دلوقتي؟
هشاام
هايدي مالها هايدي هي كويسه انتي مين قالك انها تعبانه
سلمي
انت لسه هترغي معايا انا عايزه اشووف صحبتي
هشاام
نفس اللساان عمرك ما هتتغيري تعالي ورايا وانا هخليكي تطمني علي صحبتك..
ـ واخدهة وراح مكتبه وجات بعد شويه هايدي واول ما شافتها قاامت سلمي وحضنتها وقالت
سلمي
ما انتي كويسه وزي القر اهو اومال فتحيه خوفتني عليكي ليه ده انا جول الطريق وقلبي كان هيقف. من الخوف عليكي
هشاام
استني عندك. بقي ايه الحكايه يا هايدي، كلام سلمي صح فتحيه كلمتها وقالتلها تيجر عشان انتي تعبااانه؟
هايدي
فتحيه. مالهاااش دعوه بأي حاجه دي كانت خطتي انا عشااان اوقعكم في بعض وتقعدو وتتكلمو وش في وش، انا طالعه بعد اذنكم.
_قالت. كلامها وطلعت بسرعه وسلمي كانت مدايقه وهو بصلها بهدوء وقال..
هشام
ما جتيش لين قدمتي هنا تاني با سلمي
سلمي ببرود
ما بقاش المكان ده ولا صحااابه من مستوايا
هشاام
ولا انتي بقيتي من مستوانا اصلا سنك. كبيى علي انك. تقدمي معانا
سلمي
مين دي اللي سنها كبير يا اسمك ايه انت
هشام
انتي وانا اسمي هشاام لو قولتي يا اسمك. ايه انت دي تاني انا هفصل راسك عن جسمك وارتاح واريح البشريه
سلمي
انت عايز ايه يعمي دلوقتي مني؟
هشام
انا مش عايز حاجه...
بصتله سلمي بضيق وقالت
طيب انا ماشيه..
وقف قدامها بسرعه وقال
استني... انا مبسوووط. اوووي منك انك. نجختي وقدرتي تتفوقي علي نفسك وتثبتيلي وتثبتي للكل انك. نجحتي
سلمي بحزن
عشان انا مش فاشله يا هشاام ولو كنت الاول بغلط. فانا اتعلمت علي ايدك. ازاي اعيش حره من غير ما حد يقيد. تفكيري وحريتي ويخليني اعمل حاجات مش شبهي ومش عايزاها، تربيتك. بقي يا مستر هشاام
ضحك بهدوء وقال
انا كنت معاكي خطوه بخطوه، كنت بروح المكتبه اللي في الجامعه عندك. كل يوم في فترة الدرااسه عشان اشووفك من بعيد واطمن انك ملتزمه، اتمنيت انك تكسبي التحدي اللي بينا وتنجحي وامنيتي اتحققت، انا بحبك يا سلمي
سلمي
ولو ما كنتش نجحت كنت هتحبني
هشام
ما. كنتش هسيبك. والله واسألي باباكي انا يوم ما كلمته وقولتله انك. سيبتي السنتر اعترفتله بحبي ليكي بس قولتله ما يقولكيش حاجه وانا في الوفت المنااسب هتقدم رسمي، وكان الغرض من ده كله انك. تنجحي وانتي لوحدك ولنفسك مش عشان حد..
سلمي
لا والمبي وانا هبله وهصدق البوق الخايب ده، ما انا نجحت من زمان ما حيتش ليه اتقدمت علي رجل طنط والدتك نقش الحنه
هشام
عيب تجيبي سيرة حماتك الله يرحمها، وبعدين انا كنت هاجي بس كنت متردد وخايف من رد فعلك وانا اكتر واحد عارف دماغك متركبه ازاي، ده انا بعتبر اللي مربيكي
سلمي
يا شيخ اتنيل انت هتصدق نفسك، وبعدين ده انت عايز اللي يربيك انا ماشيه
مسك ايدها وقال
الوقت متأخر الصبح تمشي او نمشي هروح معاكي اتقدملك
سلمي
مش موافقه
هشام
هتوافقي عشان انتي كمان بتحبيني وعمرك ما حبيتي غيري
سلمي بخبث
حتي لو في حاجات كتير هتعقد الموضوع فارق السن مثلا ده انت اكبر مني ب14 سنه يا عمو هشاام
هشاام
هتجوزك برضو..
سلمي
وشخصيتنا مش شبه بعضها
هشام قرب منها وقال
عادي برضو بحب شخصيتك. وجنانك وعندك ولسانك الطويل وهتجوزك
سلمي
مدام مصمم خلاص ومالو نتجوز، وسع بقي هروح لهايدي وبقولك ايه انا معاكم هنا في السنتر ومن غير ما ادفع الفلوس سنتر جوزي المستقبلي بقي..
_وفعلا بعد فتره اتجوزو وكانو استد. زوجين، وكمان هايدي ومروان اتخطبو وكان هو ليها العوض عن التعب اللي شافته في حياتها بسبب تشوه جسمها.
وفي النهايه خلينا نتعلم. من قصتنا ان منخليش حد. بيكرهنا يأثر علي تصرفاتنا يخلينا نبقي وحشين زيه، ياريت نتعامل باللي جوه قلوبنا وبس عشان ربنا يقربنا من النااس اللي شبهنا واللي تستاهلنا
وبكدا تبقي خلصت حكايتنا 🙈👋🌺
رواية الطفله والوحش كامله من هنا
رواية جحيم الغيره كامله من هنا
رواية مابين الضلوع كامله من هنا
رواية سيطرة ناعمه كامله من هنا
رواية يتيمه في قبضة صعيدي كامله من هنا
الروايات الكامله والحصريه بدون لينكات من هنا
إللي خلص القراءه يدخل هيلاقي كل الروايات اللي بيدور عليها من هنا 👇 ❤️ 👇
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
الصفحه الرئيسيه للروايات الجديده من هنا
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
