العروسه الغامضه حصريه وجديده وكامله جميع الفصول على مدونة النجم المتوهج للروايات والمعلومات
 |
العروسه الغامضه حصريه وجديده وكامله جميع الفصول على مدونة النجم المتوهج للروايات والمعلومات
"يوم فرحي بدلو خطيبتي بواحده معاقه"....
ــــــــــــــــــــــــــــــــــــــ
_وحكايتنا النهارده بتبدأ بمعتز اللي عنده 30 سنه شااب جميل ومؤدب جدا ومن عيله كويسه، وساكن في منطقه شعبيه شويه مع باباه ومامته وعنده اخت متجوزه، وشغال محاسب في شركه كبيره
وفي يوم كان قاااعد بيفطر مع امه وابوه اللب قال بهدوء....
حماده
هي البت اسراااء ما بقيتش تيجي عندنا ليه انا قلقان عليها وبكلمها مره ترد وعشره لا
ردت عليه مراته وقالت
يا اخويا ما هي البت خلاص فاضلها شهرين بالظبط وتولد وفترة الحمل في الوقت ده بتكون صعبه وهي اغلب الوقت نايمه ومش بتقدر تجيلنا..
حماده
خلاص احنا النهاردع نروح نطمن عليها يا تجبيها هي تيجي تقعد معانا هنا طول فترة الحمل بتاعها، وربنا يقومهالنا بألف سلامه
وفاء
ياارب يا اخويا وعقبال اللي في بالي..
رد عليها معتز وقال
خير يا ست الكل عايزاني احمل واخلف انا كمان ولا ايه؟..
ضحك حماده ووفاء قالت
لا تتجوز وبنات عيلتنا ما فيش لا احلي ولا اجمل منهم وشاور علي اللي انت عايزها واحنا نخطلهالك واهي شقتك جاهزه فووق، ايه بقي اللي مخليك رافض.
معتز
مش فاضي يا ماما انتي شايفه يدوب اتخرجت من الجامعه فضلت ادور علي شغل واساعد بابا في جهاز اسراء واهو لسه متوظف جديد في الشركه وبحاول اثبت نفسي فيها يعني ما فيش دماغ افكر في الجواز....
وفاء
لا يا حبيبي فضيلي دماغك وفكر فيه وانا اصلا جيبالك حتت عروسه انما ايه زي القمر..
حماده
ودي شوفتيها فين دي يا وفاااء ده انتي ما بتكلعيش من البيت..
وفاء
ما شوفتهاش سمعت عنها بنت ابن خالي سعيد، اللي في اليوم البنت الكل بيخلف بأخلاقها هي واخواتها، وانا بقالي فتره كده بتواصل مع امها من يوم فرح بنت اختي سعاد..
معتز
طيب بعيد عن الكلام ده يا ماما لو انتي شايفه انها مناسبه استني ليوم الاجازه بتاعتي ونروح نتقدم..
فرحت وفاء وقالت
بجد. والنبي يا معتز يعني انت موافق اكلمهم واحدد معاد اننا نروحلهم
معتز ابتسم وقال
والله بتكلم جد يا ست الكل هو انا يعني اقدؤ ارفضلك طلب، صباحكم زي الفل بعد اذنكم..
_قال كلامه ومشي وفعلا امه اخدت معاد من اهل العروسه وبالليل كانو كلهم عند اسراء اللي قالت..
اسراء
بس يا ماما بيت الاستاذ سعيد. محبكينها شويه، يعني بناته دول انا عمري ما شوفتهم هو علي كول قاافل عليهم لا بيزورو قرايبهم ولا بنشوفهم في اي مناسبه
حماده
هو الراجل دقه قديمه شويه بس في حاله ومش عيب ان الواحد يبقي غيور علي اهل بيته وبناته يا اسراء، بس احنا نروح ونتقدم واللي فيه الخير يقدمه ربنا
وفاء
وانت ايه رئيك في الموضوع ده يا هشام انت برضو مننا وتلينا ويهمني رئيك يا جوز بنتي..
هشام
والله يا طنط كلامك فوق راسي وعلي ما سمعت منكم علي الناس يبقي غلي بركة الله ومش فاضل غير ان العروسه يعجبها معتز ومش هيبقي نااقص حاجه خالص.
معتز
لا هعجب علي فكره هو انا اي حد ده انا البنات بتموت فيا يا ابني بس انا ما بحبش اقول عشان الحسد..
ضحكو كلهم ودخل خالد اخو هشام وقال
طيب اقفلو باب الشقه قاعدين وسايبين الباب مفتوح.
اسراء
انا اللي سيبتهولك يا خالد لما قالي هشام انك طالع هو انا لسه هقوم افتح الباب..
هشام
تعالي يا عم شوف معتز هيخطب قريب يوم الخميس ان شاء الله وربنا يمنع الموانع هيقرا فاتحه، ياريت بقي تغير منه وتفىحنا بيك انت كمان..
بص خالد لمعتز بغيظ وقال
طيب يا عم ده واحد لقي وظيفه وشقته جاهزه حقه يتجوز انمت انا يا حرام لسه بسعي عشان الاقي شغل.
وفاء
ربنا يكرمك يا ابني بكره تلاقي شغل انت كمان وما حدش هينقيلك عروستك غيري..
_ وفضلو كلهم قاعدين وجه يوم الخميس وسافر معتز وامه وابوه لبيت سعيد عشان يخطبو بنته وقالت ام العروسه بفرحه كبيره..
فايزه
ده احنا بيتنا النهارده وكأنه عيد بزيارتكم دي يا عم حماده انت والست وفاء والاستاذ معتز..
حماده
منور بصحااابه يا بنتي فين بقي العروسه عايزين نشوفها بقي ونتعرف عليها..
بص سعيد لمراته وقال
قومي يا ام نيره اندهي العروسه..
قامت فايزه ومعتز قال لامه بصوت واطي
هي العروسه اسمها نيره ولا اسمها ايه يا ماما انو نسيت اسالك علي اسمها؟..
وفاء
ايوه يا حبيبي اسمها نيره، وبسم اللت ما شاء الله ايه الحلاوه دي...
بص معتز لنيره اللي طلعت من اوضتها وكانت بنت جميله جدا ابتسم وقال..
معتز
ده يا بسم الله ما شاء الله فعلا.. تسلمي يا ماما انا دلوقتي اتأكدت انك بتحبيني..
_وسلمت عليهم نيره وقعدت هي ومعتز لوحدهم في البلكونه وهو قالها..
معتز
انتي خريجة كلية ايه يا نيره؟..
بصتله نيره بتوتر وقالت
انا واخده ثانويه ازهريه بس بابا رفض اننا نكمل تعليمنا..
معتز
هو انتي عندك اخوات؟..
نيره بقلق
اا ايوه عندي اختي التوأم ني.. قصدي مني اسمها مني..
معتز
ربنا يخليهالكم وشبهك هي بقي كده حلوه ولا لو؟..
بصتله نيره بنظره مش مفهومه وقالت
لا هي احلي مني بكتير بعني انا عينيا سودا هي عيونها خضرا انا سمرا شويه هي ابيض مني بكتير واقصر مني بشويه بس احنا فينا من ملامح بعض اووي.
معتز
انتي كمان جميله اووي يا نيره وشكلك طيبه زبنت حلال..
نيره بتوتر
هو انت عارف شروط. بابا يا استاذ معتز؟..
معتز
اولا كده احنا نشيل الالقاب لان ربنا يتمم بخير هنبقي مخطوبين وما فيش واحده تقول لخطيلهت يا استاذ ده اولا، ثانياً بقي انا ما اعرفش هي ايه شروط ابوكي ممكن اخد. منك خلفيه عنها لو ما عندكيش مشكله؟
نيره
هو متشدد شويه يعني مش هتشوفني تاني غير بوم كتب الكتااب والفرح وكمان مكالمات الفون هتبقي قليله وفترة الخطوبه كمان، انت من حقك ترفض عادي..
معتز
لا انا هوافق وهوافق علي اي حاجه مش هضيع من ايدي بنت بالجمال ده كله يا نيره..
بصت نيره للارض بتزتى وحزن وهو قال
انا هطلع بقي اقعد معاهم بقي وياريت انتي كمان تقعدي معانا عشان الله واعلم بقي هقدر اشوفك تاني امتي..
_قال كلامه وطلع قعد مع اهله وهي كمان اللي كانت طول ما هما قاعدين شكلها مدايق جداً، وفعلا اتفقو ان الفرح بعد تلات شهور من دلوقتي ورجع معتز مع اهله وهو مبسوط بعد ما اخد. رقم. نيره..
ـ وتاني يوم كان معتز في الشغل بتاعه وجه وقت البريك بتاعه ورااح قعد علي جنب وكلم نيره اللي ردت عليه وقالت
نيره
الو
معتز
ازيك يا نيره عامله ايه ؟
نيره
الحمد لله كويسه
معتز
بس كده اومال فين ازيك انت عامل ايه ، ده انا حتي استنيت امبارح تكلميني تطمني عليا وصلت ولا لا
نيره
ما بابا كلم عم حماده واطمن عليكم امبارح
معتز
طيب وانا ما انا برضو عايز احس اني مهم عنكم زي عم حماده كده ، ولا هو عم ماده غالي والباقي لا
نيره
طيب انت عامل ايه ؟
ضحك معتز وقال
كده يعني بقيت مهم علي العموم انا كويس وحاليا في شغلي وفي وقت البريك قولت اكلمك واطمن عليكي
نيره
فيك الخير والله انا هقفل بقي عشان ماما بتنده عليا
ـ وقفلت معاه وهو فكرها خجوله زياااده شويه ، وعدي شهر في التاني وكانت نيره بتتكلم مع معتز كل كام يوم شويه ، وفي يوم امه قالتله
وفاء
انا جهزتلك زياره حلوه يا حبيبي عشان تروح تزور خطيبتك انا اخدت الاذن من ابوها وهما في انتظارك
معتز
مااشي يا ماما بس مش انتو هتيجو معايا برضو ما ينفعش اروح لوحدي
حماده
لا هما فهمو الوضع الي احنا فيه عشان اسراء اختك اللي ولدت ، روح انت يا ابني وخد راحتك مع خطيبتك واهلها دول نسايبك انت وانت بعد كده اللي تخصهم مش احنا
ـ سمع معتز كلامهم ورااح تاني يوم لبيت سعيد ، واول ما نزل من العربيه شاف بنت حلوه جدا واقفه في البلكونه بتاعت بيت الحج سعيد ، فكرها في الاول نيره بس كانت اجمل منها وافتكر اختها التوأم وهي اول ما شافته باصص عليها دخلت بسرعه ، وهو دخل البيت وقعد مع سعيد ونيره ومامتها
سعيد
وانت بقي جهزت شقتك يا ابني ولا لسه فاضل فيها حاجه
معتز
انا اصلا كانت شقتي جاهزه من الاول يا عمي ، يدوب كان نقصها شوية تشطيباات والحمد لله خلصتها
سعيد
طيب وايه رئيك لو نقدم معاد الفرح يعني يبقي بعد 10 اياام واحنا اصلا جاهزين ومجهزين بنتنا من كل حااجه
بص معتز لنيره وقال
والله انا ما عنديش مشكله يا عمي ده انا اتمني النهارده قبل بكره
ـ قال كلامه واتفق معاهم فعلا ان الفرح بعد 10 ايااام ، ورجع تاني القاهره وهو مبسوط وقال لاهله علي اللي حصل وكلهم وافقو ، وفي يوم كان قاعد مع صاحبه علي القهوه اللي قاله
علي
يا ابني هما اهل خطيبتك دول طبيعين يعني عادي كده يخلوك تكلمها في الموبيل بس ما يجوش حتي يشوفو الشقه ولا يخلووك انت تروحلهم كتير ليه يعني كده
معتز
وفيها ايه علي ما يبقاااش ضميرك اسود كده ،الناس محترمين ودي عاداتهم وتقاليدهم
علي
علي بقي ما تبقااش في شروط لما تبقي البنت مراتك ولا هتروح تستأذن اهلها وتقولهم عايز امسك ايد مراااتي ههههههه
معتز
ايه يلا الهزار الرخم ده تصدق انا غلطاان اني بتكلم معاك اما نشوفك يا خفيف لما هتخطب هتعمل ايه
علي
بس اخطب واتجوز وانتو مش هتشوفو وشي علي القهوه هنا تاني
ـ ضحكو هما الاتنين وعدت الايم وجه معاد الفرح اللي ابو العروسه صمم انهم يعملوه في القاهره ، وكمان رفض ان يتعمل فرح كبير ولا حتي اغاني وكانت قعده بين العيلتين ويس ما فيش اي حد غريب ، واستغرب معتز ان نيره كانت حاطه طرحه علي وشها بطريقه شيك ، وخلص الفرح واخدها وطلعو شقتهم واول ما دخلو معتز قال بحماااس ولهفه
معتز
واخيرا بقي يا حبيبتي بقينا لوحدنا، انا لما اتكتب الكتاب وانازاصلا عايز اقولهم بالسلامه انتو سيبوني مع مراتي..
وقرب منها وقال
وتعرفي احلي حاجه انك ما كنتيش قاعده بوشك في الفرح عشان ما حدش يشوف جمالك غيري انا..
_ورفع الطرحه من علي وشها واتصدم اول ما لقاها مش خطيبته وانها نفس البنت اللي شافها قبل كده في البلكونه بتاعت بيت سعيد..
معتز
انتي مين وازاي انتي مكان نيره؟..
ردت عليه بخوف وقالت
انا ميره وماما قالتلي ما اتكلمش لحد ما انت تكلمني..
معتز
ماما مين وزفت مبن انتي مين اصلا وفين نيره؟
ردت عليه بخوف
اا انا نيره العروسه بتاعت معتز..
معتز بعدم فهم
ايه ده بقي اومال اللي انا شوفتها هنااك مين دي؟..
نيره
مش عارفه هناك فين، ايه اكل انا جعاانه اووي..
_وراحت قعدت علي السفره وفضلت تاكل زي الاطفال ومعتز كان هيتجنن وهو مش فااهم حااجه اصلا.. ومسك موبيله وكلم باباه وقاله.
معتز
ايوه. يا بابا لو سمحت هات مانا واطلعو بسرعه من غير ما حد. ياخد. باله انا في مصيبه هنا..
حماده بقلق
مصيبة ايه كفا الله الشر يا ابني..
معتز
اطلع يا بابا بس دلوقتي وهتفهم كل حااجه بس بسرعه..
_قفل مع باباه وقعد قدام نيره اللي بتاكل وبوظت هدومها وقال..
معتز
انتي اسمك. نيره صح؟..
بصتله بهدوء وقالت
ايوه اسمي نيره سعيد محمد..
معتز
عندك. اخت توأم. مش كده؟..
نيره
ايوه عندي اخت انا وهي توأم وشبه بعض اسمها مني..
معتز
مني اممم لا واضح. بقي اني اتضحك عليا..
وجه باباه ومامته اللي اتصدمو زيه ووفاء قالت
طيب والعنل البنت شكلها مش طبيعيه خالص..
ردت عليها نيره بخوف وقالت
لا انا كويسه يا طنط بس انا ماما بتقولي ان عندي تأخر ذهني وهبقي كويسه بعدين..
معتز بحده
اتفضلو بقي انا اتغفل واتجوز واحده معااقه ده انا هوديهم في ستين داهيه...
حماده
استني طيب وانا هكلمهم واخليهم يرجعو وانا اقول ازاي ما استنوش يطمنو علي بنتهم ومشيو علي طول..
وكلم فعلا حمااده سعيد اللي رد عليه وقاله
خير يا حج حماده؟..
حماده
معلش يا سعيد يا اخويا ارجع انت والجماعه في حاجه غلط حصلت، ابني بيدخل علي عروسته لقاها واحده تانيه..
سعيد
لا تانيه ولا تالته اللي عندكم دي نيره اللب هو جه وشافها وكتب عليها..
.
حماده
يا حج سعيد ازاي يعني اللي شافها انا ابني شااف واحده تانيه غير اللي عندنا هنا، واللي هنا دي ما تنفعش لجواز وانت اكيد فاهمني.
معتز بحده
يا بابا انت لسه بتتكلم معاه قوله يجي ياخد بنته االي غفلني وجوزهالي، انا كنت شايف واحده تانيه علي انها خطيبتي وهتجوزها انما هيلبسني في بنته المعاقه ده مش هسكت عليه ابدا وهطلقها دلوقتي حالا وهو يجي ياخدها..
سعيد سمع كلام معتز وقال
اسمع يا حما بنتي انتو جيتو شوفتو البنت ورضيتو بيها وابنك كتب عليها واتجوزها عايز يطلقها يبقي يبدفع المؤخر اللي هو مااضي عليه اتنبن مليون جينيه، انما هيعقل بقي ويكمل معاها هنفضل نسايب وحبايب ولو هيطلقها يبقي يجيبها معززه مكرمه لحد عندي.
_قال كلامه وقفل في وشهم وحماده بص لنيره اللي كانت زي الطفله وخايفه منهم وقال..
#العروسه_الغامضه
"يوم فرحي بدلو االعروسه بأختها المعاقه"
_الحلقه الاخيره
ــــــــــــــــــــــــــــــــــــــــــــ
حماده
لا حول ولا قوة الا بالله الراجل ده ما عندوش قلب سيبكم مننا احنا ازاي يعمل كده في بنته..
وفاء بعصبيه
وبعدين ابني هيفضل كده متجوز البت دي، بقي ابني انا اللي كل بنات العيله كانو بيتمنو نظره واحده منه يتدبس في واحده زي دي..
معتز. بغضب
انا هطلقها واللي هيحصل يحصل يا بابا، انما دي انا اعيش معاها ازاي..
حماده
طيب تعالي معايا نام تحت النهارده وانت يا وفااؤ من غير ما اي حد يعرف حاااجه تباتي عند البت هما وطمنيها كده البت شكلها خايفه وهي مالهاش دعوه بحااجه من اللي بتحصل..
وفاء بصتلها بحزن
حاااضر يا حماده واهدي يا ابني حقك عليا انا السبب في الجوازه دي من الاول.
_ما ردش عليها معتز ونزل تحت وراااح ورااه حناده وهي قعدت جنب نيره وقالتلها..
وفاء
ما تخافيش يا بنتي ما حدش هيعملك حااجه..
نيره بدموع
كلمي ابويا يجي ياخدني انا مش عايزه اقعد هنا وانا مش معاقه انا كويسه ماما قالتلي ان انا كويسه
وفاء
حاضر يا بنتي بكره ابوكي هيجي ياخدك، ادخلي بس غيري فستانك ده عشاان تنامي واغسلي ايدك، هتعرفي تعملي كده ولا اساعدك انا..
نيره
لا انا بعرف اغير هدومي واستحمي كمان ماما معلمااني، بس ما بعرفش اسرح شعري.
وفاء اتنهدت بضيق وقالت
هبقي انا اسرحهولك ادخلي يلا بس غيري هدومك عشان تنامي..
_وتحت في شقة اهل معتز كان قااعد هو متعصب جدا وحماده قاله بحده..
حماده
ممكن تهدي شويه وبلاااش العصبيه دي، عشان نشوف هنعمل ايه ولا هنتصرف ازاي.
معتز
ده انا هفضحهم هوديهم في ستين داهيه هقول لكل قرايبنا انهم جوزوني المعاااقه دي.
حماده
بطل كلامك ده وخصزصا قدام البنت لان شكلها بتفهم انك بتهينها علي حاجه هي مالهاش ذنب فيها، ولو اتكلكت لازم تبقي فاهم كويس انك بتفضح نفسك عشان لو طلقتها هتأتر تدفع المؤخر ولو ما دفعتوش هيبلغو عنك ومحكمة الاسره مش هتسيبك وحاجات كتير..
معتز
يعني هما يغفلوني وانا افضل ساكت يا بابا، انت ترضي لابنك يتجوز واحده زي دي..
حماده
انت اتجوزتها خلاص واللي حصل حصل، وانت اول واحد وافقت بشروط حماااك انك لا تشوف العروسه ولا تقابلها ولا تروح وتيجي عندهم كتير ووافقت يبقي الفرح بسرعه، اسمعني يا معتز انت ممكن تعالج البنت دي وتقف جنبيها انا شايف انها مظلومه وضحيه زيها زيك..
معتز
يا بابا انا مش هقدر اعيش مع البنت دي، طيب اعرفها علي قرايبنا ازاي ولا هعيش معاها كزوج. ازاي..
حماده
اهدي. وهنروح. لدكتور ونشوف الموضوع ده ولو كانت لا تصلح لجواز يبقي المشكله اتحلت وقتها هنروح نعمل في ابوها انه ضحك علينا..
_وباات فعلا معتز في شقة اهله وتاني يوم الصبح رااح. شقته ولقي امه طالعه وقالتله..
وفاء
صباح الفل يا حبيبي..
معتز
صباح النور يا ماما، هي فين بقي العروسه؟
وفاء
كانت طول الليل خايفه عشان المكان. جديد عليها ونامت من كام. ساعه كده، بس علي فكره هي ما تعرفش حاجه بس بتفهم يعني وبتسمع الكلام..
معتز بغيظ
كده. بقيت كويسه يعني ومنااسبه لو سمحتي يا ماما انا سمعت كلام بابا وهاخدها لدكتور وهو اللي يحدد..
وفاء
طيب بالراحه عليها احنا كمان زعلانين من اللي حصل بس البنت مالهاااش ذنب منه لله سعيد ومرتاحه دول ما عندهمش قلب علي اللي عملوه في بنتهم دول. ..
معتز
خير ان شاء الله يا ماما بعد اذنك....
_ودخل الشقه بتاعته وقفل الباب ودخل اوضته لقاها لابسه بجامه حلوه من غير اكمام ونايمه وهي حاضنه المخده وزي الاطفال بالظبط، اتنهد بضيق وقال..
معتز
احلي منها فعلا بس عقلها ضايع ده ايه الحظ ده..
_واخد دوش وطلع غير هدومه وقرب منها وقال بحده..
معتز
انتي يا بت انتي قووومي يلااا....
فتحت نيره عنيها بخوف وقالت
نعم عايز ايه انت؟
معتز
قومب غيري هدومك عشان هنروح مشوار مهم..
نيره
هتخليني ارجع عند اهلي انا مش عايزه اقعد هنا.
معتز بسخريه
ومدام انتي مفتحه اووي كده يا نيره، وافقتي تتجوزيني ليه واكيد انتي كنتيى عارفه اني رضيت بأختك..
بصتله بعدم فهم وهو قال
ما علينا غيري هدومك وتعالي معايا يلاا عشان في مشوار مهم لازم نروحه سوا..
نيره ببراءه
طيب انا مش عارفه البس ايه في الهدوم دي كلها بتاعتي...
طلعلها معتز ديرس طويل وقال
اهو البسي ده والبسي اي طرحه عليه وتعالي انا مستنيكي في الصاله..
_طلع معتز وهي طلعت ورااه وكانت حلوه جدا اخدها وهما وطالعين من البيت وقفهم حماده وقال.
حماده
استني يا ابني انااا جاي معاكم..
معتز
ما تتعبش يا بابا وبعدين عشان لو حد جه يبااارك تبقي انت موجود احنا مش ناقصين فضااايح..
_في الوقت ده كانت نيره ضامه ايديها لبعض وبتبص للمكان حواليها بخووف، ومعتز قالها بعصبيه..
معتز
ما تخلصي واركبي التاكسي انتي كمان..
اتنفضت بخوف وقالت
حااضر..
ركبت نيره التاكسي وقال حماده لمعتز
يا ابني براحه شويه انت مش شايف حالتها عامله ازاي وهي خايفه مننا لوحدها اصلا
معتز
والله انا مش شايف حاجه اوحش من الحاله اللي انا فيها دي..
_وركب التاكسي جنبيها ومشيو راحو للدكتور زكامت طول الطريق خايفه منه ومن عصبيته عليها، واول ما كشف عليها الدكتور وعملو اشاعه وتحاليل قالهم..
الدكتور
هي ما فيش معاها مشكله في موضوع انها تتجوز، بس اكيد انت عارف حالتها من قبل ما تتجوزها
معتز بضيق
تمام التعامل معاها هيكون ازاي بالظبط هي شكلها مش طبيعيه اصلا زي ما حضرتك شاايف
الدكتور
هي وصلت لسن ال10 لـ 15 سنه ووقفت هنا دماغها ما نضجتش كفايه كان المفروض وقتها اهلها يساعدوها بمتابعة مع دكتور متخصص، كانت اكيد الحاله بتاعتها اتغيرت دلوقتي..
معتز
معني كلامك ده انها مع الوقت هتخف وهتتعالج مش كده؟
الدكتور.
مش بنسبه كامله بس الحاله هتخف واهم حاجه التعامل النفسي في الموضوع ده، والمتابعه برضو هنا ومع الوقت الحاله اللي هي فيها دي هتخف جداً..
معتز
تمام يا دكتور حضرتك اكتبلي علي مواعيد المتابعه وان شاء الله هننتظم فيها.
_ورجعو من عند الدكتور وسابها قاعده في شقتهم لوحدها ونزل هو عند. اهله وقالهم علب اللي قالو الدكتور..
محمد
طيب خير اهوو يا ابني تابع معاها عند. الدكتور وان شاء الله تخف وتبقي كويسه
وفاء
احنا لو نااس ما تعىفش ربنا كنا فضحنااهم ومدفعنااش ولا قرش او طلعنا عين بنتهم دي لحد. ما نجبرهم هما يطلبو الطلاق..
حماده
استغفر الله العظيم يارب والبنت دي ذنبها ايه يا وفاء، ارحمو من في الارض يرحمكم من في السمااء، وانت يا معتز هات مراتك واقعدو معانا هنا واحنا معاها لحد ما تخف وتبقي كويسه، البنت فعلا صعباانه عليا ده حتي اهلها اللي ما فيش في قلوبهم رحمه وكأنهم ما صدقو خلصو منها
معتز بضيق
تمام يا بابا هروح اجيبها واجي ونقعد هنا في الاوضه بتاعتي اصلا هي مش هتعرف تشيل مسؤلية نفسها
وفاء
لا هي بتسمع الكلام وبتعرف تعمل الحاجه اللي عايزاها بس عايزه حد ياااخد باله منها مش اكتر
معتز
طيب هجيبهالكم وانا هقعد فووق وما حدش يغصب عليا حاجه معلش انا مش طايق نفسي اصلا لوحدي..
_قال كلامه وسابهم وطلع شقته لقاها قااعده علي الارض بتعيط..
معتز بقلق
في ايه مالك بتعيطي كده ليه؟..
بصتله بخوف وقالت بنبره طفوليه
الطبق وقع مني اتكسر انت هتعاقبني زي بابا ما كان بيعمل فيا؟
معتز صعبت عليه وقعد قدامها وقال
هو كان ابوكي بيعمل فيكي ايه اصلا عشان تخافي كده؟..
رفعت كم البجامه بتاعتها وورته العلامات اللب في ايدها وقالت ببكاء..
نيره
كان بيحط ايدي علي البوتجاز وبيخليني اقعد في الاوضه الضلمه..
معتز بحزن
ما تخافيش ما حدش هيعمل فيكي كده تاني، تعالي بس عشان تنزلي تقعدي مع ماما تحت عشان ما تقعديش لوحدك
نيره
ماشي انا مش بحب اقعد لوحدي عشان بخااف...
معتز
هتنزلي بالمنظر ده؟..
نيره
انا هدزمي نضيفه اهي والله انا بغير هدومي اول ما تتوسخ علي طول
معتز بصلها بهدوء وقال
بصي يا نيره هتقعدي تحت ما تلبسيش بجايم. من. دي البسي عبايات زي اللي بتلبسها ماما
نيره
حاضر هلبس عبايات زي بتاعت ماما ومش هلبس بجايم..
_واخدها معتز وخلاها تنزل تقعد. مع اهله تحت وهو بقي قاعد في الشقه بتاعته، وفي يوم كان قاعد. معتز مع علي صاحبه علي القهوه وقاله..
علي
ينيلك يعني انت لحد دلوقتي متجوز بقالك شهرين وما فيش حاجه بينك وبين مراتك
معتزز
انت ما بتفهمش يعني ما انا قولتلك اللي فيها اقرب منها ازاي دي زي الاطفال..
علي
بس هي مش طفله وانت فاهمني برضو، وبعدين انت خلاص اتدبست يا صاحبي في الموضوع ده فعيش حياتك طبيعي وهي مراتك وانت مش هتعمل حاجه غلط..
_بدأ معتز يفكر في كلام علي وخصوصا ان نيره حلوه جدا وعجبااه بخلاف الحاله اللي هي فيها، وبعد ما قعد مع علي رجع تاني البيت وكان الكل نايم ودخل اوضته وكانت نيره نايمه، فقرب منها وقال بهدوء.
معتز
نيره.. نيره قوومي..
فتحت عينيها ببراءه ولما شافته اتخضت وقالت
في ايه؟
معتز
ما فيش حاجه ما تخافيش بس خليكي هاديه..
وجه يقرب منها قامت بسرعه وهي خايفه وقالت
انت بتعمل ايه عيب انا هقول لماما وفااء عليك..
قام معتز وهو مدايق وقال
انتي لو ما سمعتيش كلامي انا هعمل فيكي زي ما ابوكي كان بيعمل..
_خافت منه نيره وفضلت تعيط، وتاني يوم الصبح صحيت وفاااء من نومها وكانت رايحه تصحي نيره تخليها تفطر وتاخد. علاجها واول ما دخلت اتصدمت من شكلها وهدومها مبهدله وبتعيط وهي بتتنفض، ومعتز واقف بيلبس هدومه..
وفاء بصدمه
انت عملت فيها ايه يا ولد انت؟..
معتز بضيق
في ايه يا ماما هي مش مراتي ما تكبريش المزضوع انتي كمان وفهميها النظام بعد. كده هيبقي ازاي بيني وبينها..
وفااء بحده
مش بالطريقه دي انت شايف عملت فيها ايه؟..
معتز بعصبيه
يووه بقي انا طالع اغير هدومي ورايح. شغلي وابقي هتعبك معايا يا ماما نزلي حاجتي من فووق عشان هقعد هنا بعد كده..
_قال كلامه وسابهم وطلع ووفاء قعدت جنب نيره اللي بتعيط وقالتلها.
وفاء
اهدي يا حبيبتي هو متسرع لو كان قالي انا كنت هفهمك. كل حاجه الاول..
نيره بخوف
انا عايزه اروح عند ماما انا مش عايزه اقعد هنا..
وفاء
امك دي اقول عليها ايه بس، انا هكامها واخليكي تكلميها، تعالي بس كده خدي دش وغيري هدومك وانا هجهزلك الفطار انتي وبابا حماده عشان تفطرو سوا..
_وبعد ما فطرو دخلت نيره نامت ووفاء كلمت ام نيره اللي ردت عليها وقالت..
فايزه
ايوه يا ام معتز خير ان شاء الله؟
وفاء
انا لو عليا بعد اللي حصل ده لا اكلمك ولا لساني يجي علي لساانك.، بس بنتك تعباانه ومحتجالكم..
فايزه
بقولك ايه يا حبيبتي لو سمحتي يعني بلاش الحركات دي عليا انا بنتي تبقي مرات ابنك مش عجباكم خلي ابنك يجيبها عندنا ويطلقها ويدفع المؤخر وتجيبو الجهاز بتاعنا كمان اللي مكتوب في القايمه، غير كده. مش عايزين نسمع منكم حاجه..
قالت كلامها وقفلت في وشها وقالت وفاء
الناااس دول عارفين اننا غلابه ومش بتوع مشاكل عشان كده رامين بنتهم عندنا وهما ضامنين اننا مش هنأذيها، بس فايزه دي بنتها ازاي قلبها طاوعها تعمل فيها كده وهي مريضه..
حماده
ولا ابنك التاني اللي مش قادر يصبر خلاص علي نفسه، اكتر حد. اتظلم في الموضوع ده كله هي نيره البت صعباانه عليا اووي يا وفاء
وفاء بحزن
مين سمعك يا حماده وكانت خلاص بدأت تتحسن مع العلاج بس معتز خرب كل حاجه امبارح..
حماده
بصي انا معتبر البت دي امانه عندي من عند. ربنا وماليش دعوه بأهلها وابنك لو ما احترمش نفسه انا هعرف ازاي اخليه يتربي كويس..
_وبالليل رجع معتز من شغله واول ما دخل اتعصب جدا لما لقي خالد اهو هشام جوز اخته قااعد عندهم ونيره قاعده معاه وبتضحك وهو بيوريها حاجات علي موبيله ونظرته ليها مش كويسه خالص..
معتز
انت بتعمل ايه هنا.
قامت نيره بسرعه وهي خايفه منه وخالد قال بخبث
جاي اسلم علي طنط وفااء وهي راحت تجيب حاجه من شقتك فووق، تصدق بس مراتك دي لطيفه اووي انا كنت فاكرها عبيطه ولا مجنونه زي ما سمعت من اختك بس طلعت زي الفل اهي وقعدتها حلوه اووي..
مسكه معتز من هدومه وقال بعصبيه
اقسم بالله لو عينك اترفعت فيها تاني ما تعرفش انا هعمل فيك ايه وامشي غور من هنا يلاااا..
نزلت وفاء في الوقت ده وقالت بقلق
في ايه يا معتز سيبه ايه اللي انت بتعمله ده..
خالد بعد عن معتز وقال
ابنك طردني يا طنط وفاااء، بس علي العموم شكرا انا غلطان اني جيت..
قال كلامه ومشي ووفاء قالت بعصبيه
ايه اللي انت بتعمله ده ماله خالد ده جاي يباركلك ويسأل علينا ليه الهمجيه دي..
معتز بحده
وانتي تسبيه ليه هنا مع مراتي لوحدهم، طيب هي عبيطه وبيضحك عليها انتي ليه تسبيهم قاعدين لوحدهم واجي الاقيها قاعده جنبيه..
_قعدت نيره علي الارض جنب الكنبه وحطت ايدها علي ودنها وهي بتعيط بخوف من صوته العالي ومعتز قال بسخريه..
معتز
اهو اتفضلي دي بقيت عيشه تقرف..
وفاء
احترم نفسك وخلي في قلبك. شوية رحمه، واللس حصل ده اعتبره اختبار من ربنا وبعدين انا كنت سيباها قاعده معاه بعيده عنه والباب كان مفتوح، وبعدين، بنا حط البنت دي في طريقك اتقي ربنا فيها بلاش افتري والقرف اللي بتعمله ده..
وراحت حضنت نيره وقالت
ابوك حالف انك مش هتقربلها تاني دلوقتي لحد ما تخف وتتعالج وتفهم الوضع، وانت خلي عندك دم واتلمم..
_سابهم معتز وطلع شقته وعدت فتره ومش بيقابل نيره خالص، وفي يوم كلمته ماما وهلته بنزل ونزل فعلا قعد معاهم وكانت نيره في اوضتها وقال بهدوء.
معتز
اومال نيره فين؟..
حماده
لسه فااكر تسأل عليها، علي العموم هي تعباانه ونايمه..
وفاء
مراتك حامل يا معتز في اكتر من شهر..
اتصدم معتز وحماده قال
هي مع العلاج هتبقي كويسه بس عشان الحمل هنوقف العلاج شويه، وانت بقي تقرب من مرتاك وتعاملها بما يرضي الله..
معتز
اللي في بطنها ده لازم ينزل، افرض جتبت عيل زيها كده تبقي مراتي وابني ثم اني رايح اتجوز..
اتصدمو من كلامه وابوه قال
ايه اللي انت بتقوله ده، هتتجوز ازاي وبعدين ايه تنزله دي، حراام دي روح ربنا زرعها في بطن البنت مالكش اي حق تقول كده..
معتز
لا ليا يا بابا انا حر مراتي وانا حر فيها ومش هخلف منها، هتنزله وهتفضل قااعده عندكم زانا هتجوز واحده زميلتي في الشغب وهتقعد معايا في شقتي وبكدا انا عدااني العيب....
_قال كلامه وسابهم ومشي وفضل حماده ووفاء مش عارفين يعملو ايه يسمعو كلامه ولا لا؟
انتو من رئيكم هل معتز معاه حق ولا لا؟
"النهايه مفتوحه لرئيكم فيها فقط"
رواية الطفله والوحش كامله من هنا
رواية جحيم الغيره كامله من هنا
رواية مابين الضلوع كامله من هنا
رواية سيطرة ناعمه كامله من هنا
رواية يتيمه في قبضة صعيدي كامله من هنا
الروايات الكامله والحصريه بدون لينكات من هنا
إللي خلص القراءه يدخل هيلاقي كل الروايات اللي بيدور عليها من هنا 👇 ❤️ 👇
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
الصفحه الرئيسيه للروايات الجديده من هنا
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
