رواية عندما يعشق الفدائي الحلقه السابعه عشر والثامنة عشر والتاسعة عشر بقلم الكاتبه لبني طارق حصريه وجديده على مدونة النجم المتوهج للروايات والمعلومات
 |
رواية عندما يعشق الفدائي الحلقه السابعه عشر والثامنة عشر والتاسعة عشر بقلم الكاتبه لبني طارق حصريه وجديده على مدونة النجم المتوهج للروايات والمعلومات
مر شهر أخر وتكاد تكون الامور هادئه نوعا ما ومازل حسن كما هو ومريم على أمل اللقاء ومحمود بيتهرب بحجة المعرض من أسئلة صفيه وبكأئها اليومى على ابنها التى تشتاق له كثيرا ........ وحمزه ومصطفى الذين بعد طول انتظار قررو نزول اجازهتم لرؤيه أهاليهم واحبابهم .... وداليا ويزيد يعيشون شوقهم من جديد مع عمرو الصغير فقد قلب حياتهم واسترجعو فيه شبابهم وعمرهم الذى ضاع بدون أطفال سوى كارما فا حقا له مذاق وملذه أخرى ...... وكارما المنهكه كثيرا فى شغل المكتب الذى عبئه زاد بعد تحملها كامل المسؤوليه لبعض المشاريع الجديده وشغل البيوتى سنتر أيضا وأشتياقها لنصفها الأخر مصطفى التى تشتاق له كثيرا وتعشقه أكثر ...... وندى المنتظره حبيبها ليتم خطبتها عليه وتكتمل فرحتها..... وأحمد الذى فرح كثيرا عندما علم بأن هنا زوجة معتز تحمل له حفيد وفى الشهر الثالث ......
*******************
شريف : بس ليه يا باشا من ساعة ما رجعنا من السفر واحنا كل يوم فى مكان
هشام : دى الاوامر ان الحكومه ما تعرفش لينا مكان ولا يبقى فى أى عمليه دلوقتى خالص انت عارف طبعا ان المخابرات بتساوم على رجوع حسن ب.. جاك و مونيكا الا خدوهم
شريف : بس احنا كدا مش ها نعرف نعمل أى عمليه
هشام : اهدى مفيش عمليات دلوقتى احنا المفروض الجماعه الا خطفت حسن وبتساوم على رجوعه وانت عارف انهم لسا ما قرروش رجوعه .... يعنى شكلنا ها نطول شويه وها نعمل عمليات خفافى كدا التقيل بعد رجوع حسن وها تلعب وتزهزه ومش ها نلاحق على الفلوس
شريف : ايوا كدا أحب انا اللعب على كبير والفلوس الا ملهاااش أخر
هشام : احسن حاجه لينا احنا الاتنين اننا ملناش حد ولا عيله ولا ولاد مفيش حاجه نخاف عليها ......😂😂😂
شريف : 😂😂😂😂 دى أحلى حاجه فى الدنيا أحرار طلقاء ملناش ملكه .... بس معقول ياباشا انت ملكش حد
هشام : انا اتربيت فى ملجأ لا أعرف ليا أب ولا أم ولا أهل واول ما أشتد عودى بعد ما طلعو عنينا ... رمونى فى الشارع وقالولى انت كبرت ابنى مستقبلك طيب مكان نقعد فيه والا فلوس من التبرعات لينا تساعدنا ... مفيش بح واتلميت على شله بايظه من الا كل يوم فى مكان ومن هنا لهنا لحد ما وصلت لوضعى ومكانتى دى وانا ها أقولك ياد ما أنت زيى
شريف : ايوا طبعا يا باشا أنت ها تقولى ...... ونلاقى الا يطلع يقولك انت الا بتختار تمشى فى الغلط ما هما الا بيجبرونا
هشام : الصراحه محدش جبرنى كان ممكن أمشى صح وقدامى أمشى صح بس الطريق طويل ها أعيش فقير منبوذ من الكل ولو حبيت وعايز أتجوز خد عندك فين أهلك ها نضمنك منين و...و...وو... يووواه مواويل انما الفلوس بتحل عقدة الناس كلها ... مهما كنت تلاقى الف بيت مفتوحلك تخش مكان تعمل مصلحه تلاقيهم كلهم تحت أمرك ... دا واقع احنا عايشين فيه
شريف : بتفكير فى منطقه الا نصه غلط ونص صح .... ايوا وعلى ايه نفضل تحت رحمتهم هما يبقو تحت رحمتنا أحسن ..... ياباشا انا ها اسافر أتمم على الرجاله والشغل الا جوا البلد لازم بردو لو الشغل خفيف يتعمل صح
هشام ؛ ابعت حد من الرجاله انا ما استغناش عنك
شريف : هما يومين وها أكون عندك عشان كل حاجه تتم زى ما أنت عايز
هشام : خلاص ما تتأخرش صد رد
شريف : أمرك يا باشا .... ومشى من قدامه حان الوقت انه يطمن أهل حسن كفايه عليهم كدا ..... ومر يوما أخر وتخفى شريف جيدا وتاكدا ان أموره تمام واتجه الا شقة حسن
***********************
مريم : نايمه بتعب هى من امبارح ما نامتش من الوجع وصفيه جمبها قومى يا حبيبتى نروح المستشفى ...
مريم : بعياط مش قادره يا ماما
محمود : قومى وانا ها اساعدك ياله
مريم : بصريخ ااااه مش قادره
صفيه : اتصرف يا محمود لتكون بتولد
محمود : خرج فى الصاله والجرس رن جرى يفتح لقى شاب قدامه فى التلاتينات اول مره يشوفه ايوا يابنى عايز مين
شريف : مريم مرات الرائد حسن موجوده
صفيه : الحقنى يا محمود
محمود : دخل جرى وشريف قلق فا دخل جرى ورا محمود
صفيه : خلاص مريم بتولد لازم نلحقها
محمود : أعمل ايه أقرب مستشفى بعد نص ساعه من هنا قواميها
شريف : انا اسف انى دخلت ممكن اساعدكم ننزلها ونلحقها
مريم : اه اه ليه يا حسن تسبنى وتتخلى عنى وبتعيط بقهر ووجع من كل حاجه .....
محمود : ياله يا بنى ساعدنى مفيش وقت
شريف : بعد اذنك وشال مريم من على السرير ونزل بيها وصفيه لبست عبايتها ونزلت هى ومحمود وراهم
شريف : وهو شايل مريم قرب من ودنها .... كلمة السر مريم
مريم : فى وسط عيطها ابتسمت ومقدرتش تتكلم بس اد ايه كان فارق معاها الدعم دا بس تحس انه بخير
شريف ركب عربيته ونيم مريم ورا وجمبها صفيه الا مسكاها ومحمود جمبه فى ظرف 10 دقايق كانت فى المستشفى ...... ونقلوها على طول على العمليات بعد ما اتاكدو انها ولاده .............
محمود : شكرا يابنى ربنا بعتك لينا فى الوقت المناسب
شريف : الحمد لله ربنا يطمنكو عليها
محمود : هو انت كنت عايز مريم ليه وبلهفه تعرف حسن منين
شريف : هو باعتنى ليكو عشان تتطمنو عليه بس محدش يعرف بدا حتى اصحابه وما تبطلوش سؤال عليه غير لما يرجع
محمود : بفرحه بجد هو بخير
شريف ؛ والله بخير وها يرجع وما عنديش أكتر من كدا اقوله
صفيه : قربت انا سامعه سيرة حسن
محمود : بتسرع ايوا يا صفيه دا زميله وبيطمنا عليه وبيقول ما نقولش لحد فاهمه
صفيه : أهم حاجه انه بخير يا حبيبى وبتعيط
محمود : وبعدين معاكى ركزى مع مريم وولاده
شريف : هى حامل فى توأم
محمود : ايوا يا وش الخير
شريف : بفرحه لفرحتهم اد ايه ناس بسيطه وفعلا مراته لحد اللحظه الا بتولد فيها مش ناسيه وبتتألم من فراقه وتستاهل حب حسن لها ...... ربنا يرجعه بالسلامه لحضنكو ..... وسمعو عياط الاطفال وجريو عند غرفة العمليات والممرضه خارجه بطفل ودخلت عشان تجيب التانى .....
محمود : بفرحه ودموع شايل ابن حسن واذن فى ودنه ... سمى يا صفيه
صفيه : لمته فى حضنها يا حبيبى يا ابن الغالى
وطلعلو بالعيل التانى .... ومحمود خدها واذن فى ودنها هى الاخرى ..... وشريف الا عيونه بتلمع فرح من هذا المنظر .... ممكن أشيله
محمود : اتفضل يا حبيبى
شريف : شايل البنت اد ايه صغنونه وجميله وبتعيط بطريقه تضحك وهى بتضم شفايفها واتمنى ان حسن هو الا يبقى موجود فى اللحظه دى الا هو نفسه نسى العالم كله فيها واتمنى يكون متجوز وعنده أطفال زيهم ........
خرجت الممرضات وخدو الاطفال وحطهم فى سرايرهم وخرجو مريم بعد ما فوقوها من العمليات ودخلوها الغرفه مع اطفالها الا هما بحاله جيده .......
مريم : بتدور بعينها عليه
محمود : عايزا حاجه يا حبيبتى
مريم : فين الشاب الا جبنى هنا
محمود : برا
مريم : ممكن تناديه يا بابا
محمود : وهو بيبوسها من راسها حاضر من عنيا ... هو عايز يطمنها بنفسه خد صفيه الا واقفه عند الاطفال وطايره من الفرح ... تعالى معايا شويه وخرجو .... وبلغ شريف يطمنها عليه عشان هى تعبانه فى غيابه وقلقانه عليه
شريف : خبط ودخل ومريم ظبطت نفسها بسرعه .... حمد الله على السلامه
مريم : بإحراج منه انا اسفه تعبتك معايا
شريف : ولا تعب ولا حاجه انتى مرات أخويا وحبيبى
مريم : بلهفه عامل ايه حد عمل فيه حاجه
شريف : اطمنى ان شاء الله احنا الا ها نعمل فيهم .... مفيش حد غيرك ها يعرف حسن أكد ليا انك لا يمكن ها تتكلمى
مريم : طبعا مش ها اتكلم كل الا يخصه يخصنى انا سلامته أهم حاجه عندى
شريف : بصى مش ها اقدر اقولك غير انه فى مهمه ودا فعلا محدش يعرفه حتى القائد بتاعه
مريم : بفرح سلملى عليه وقوله انه وحشنى واحنا واثقين فيه ومتاكدين انه ادها ومش ها يخذلنا كلنا
شريف : دا انا متاكد منه بنفسى انا لازم أمشى حالا كدا انا عملت الا عليا اوعى حتى اصحابه او والده يعرفو هما اطمنو عليه وبس واصحابه لسا فاهمين انه مخطوف ودا شغلنا
مريم : حاضر ها يفضل غايب اد ايه
شريف : هو نفسه ما يعرفش معلش استحملى
مريم : ادام بخير مش مهم اى حاجه تانيه
شريف : قام وباس الاطفال وصورهم وخرج سلم على محمود وصفيه ومشى ...... هو كدا ادى مهمته وأمن نفسه جدا واتاكد انه فى الامان هو وأهل صاحبه لانه قرب من حسن جدا وفعلا بقو أكتر من الاخوات
*******************
مصطفى : داخل المكتب براحه عشان يفاجئ كارما وجه من وراها وهى بتشيل ملفات تراجعها بعد ما بقى لها مكتب خاص بيها ..... ومصطفى سئل عليها ودخل .......وحاضنها جامد ... وهى بتزقه جامد بعد ما اتفزعت وبيلفها له
كارما : صاصا اعاااااااااا
مصطفى : وهو حاطت ايده على فمها يخربيت رد فعلك طيب بتصوتى ليه دلوقتى 😂😂😂😂
كارما : شالت ايده وبتضربه جامد اوعى كدا ما تكلمنيش ملكش دعوه بيا يارخم يا بارد ......
مصطفى : بصدمه انتى اتجننتى بجد يا كارما اهدى فى ايه دا انا ابويا ماشافنيش ولا أختى وجتلك بهدومى حتى ما غيرتش دى مقابلتك ليا .....
كارما : خليك يا مصطفى روح كمل هناك احنا مش مهمين عندك ولا نفرق معاااك نسيتنا وشلتنا من حسابتك
مصطفى : غصب عنى يا كارما انا و حمزه كنا بنستغل اجازتنا ندور بيها على حسن .... هو صاحب يوم ولا اتنين انا كنت بقضى وقت معاااه أكتر من ابويا ... وببات فى اجازتى معاااه أكتر ما كنت ببات فى بيتنا
كارما : انا نفسى يرجع زيك بس مش تنسانا ولا كأن لينا حقوق عليك
مصطفى : أنا أسف يا حبيبى منا كنت بكلمك
كارما : مش كفايه فاهم مش كفايه
مصطفى : قرب منها وشدها فى حضنه بتحبينى قوى كدا امال لو كنت مكان حسن كنت عملتى ايه
كارما : ضربته بطل يارخم وابعد كدا ملكش دعوه بيا
مصطفى : أهون عليكى أمشى زعلان
كارما : لا ما تهونش
مصطفى : طب ايه بقى يا كوكو وبيغمز لها وحشتنى يا شويش عطيه فكها بقى
كارما : 😂😂😂😂 بطل تقولى يا شويش عطيه
مصطفى : ايه رأيك نتجنن انهارده فى خروجه كدا أعوضك بيها عن غيابى
كارما : انا متفقه انا وندى نروح لمريم نطمن عليها عشان بقالها 15 يوم قاعده فى البيت ومش بنشوفها
مصطفى : مالها فيها ايه
كارما : تعب الحمل والولاده قربت خلاص
مصطفى : ربنا معاها وعقبالك يا جميل
كارما : مش لما اتجوز الاول
مصطفى : يا ساتر ها نتجوز وألمك ربنا يصبرنى عليكى
كارما : والله تلمنى من ايه انت فاكرنى ها اموت واتجوزك
مصطفى : بخبث ... وانا الا غيرت رأى وقولت نتجوز خلاص بقى مش مهم
كارما : شدته من لياقة قميصه هو ايه الا مش مهم ها تيجى تحدد معاد الفرح أمتى
مصطفى : 😂😂😂😂 تصدقى انا الا ها اموت على الجواز وباين عليا اوعى يا بت ايدك كرمشتى اللياقه
كارما : ماشى شوف مين الا ها توافق روح اتجوز نفسك
مصطفى : خلاص انتى خلقك بقى ديق ليه كدا اهدى
كارما : اجازتك اد ايه
مصطفى 15 يوم
كارما : بتوعى كلهم فاهم
مصطفى : فاهم يا قلبى
************************
حمزه : ندووووش وحشتينى
ندى : أنت أكتر يا وحش مش ها تنزل
حمزه : انا نزلت يا حبيبى خلاص وعايز أشوفك لا لا ها أشوفك وانا جاى انا وثريا نخطبك يا جميل
ندى : بجد يا حمزه أخيرا
حمزه : ايه رأيك نتفق على شبكه وكتب كتاب
ندى : بكسوف الا تشوفه يا حبيبى
حمزه : حبيبى الرقيق بموت فيه نفسى يبقى فرح وتبقى فى بيتى
ندى : ياربت يا حمزه انت بقيت بتوحشنى قوى ونفسى ابقى معاااك
حمزه : طيب والشقه مش عايزك تعيشى فى مستوى أقل من الا انتى عايشه
ندى : سيبك من الكلام دا يا حمزه لازم أعيش على اد ظروفك أنت .......... صغيرين مع بعض نكبر مع بعض يا حبيبى أهم حاجه نقدر نعيش ونعمل الا فى نفسنا واحنا مبسوطين
حمزه : بأعجاب بحبك يا ندى وكل يوم بحبك أكتر بتقدرى ظروفى وشغلى أكتر من نفسى واحده غيرك كانت اتشرطت
ندى : يعنى لو أنت ظروفك أحسن من ظروفى بكتير كان ها يبقى طبيعى والمفروض انى أطير من الفرحه دى تبقى انانيه انا بحبك زى ما انت وانت تحبنى زى ما انا .... لازم نكبر مع بعض ونحس بقيمة الحياااه مش كل الناس عيشتها مرتاحه .... وانت الحمد لله كويس ماديا يعنى ها نعيش كويس ما تعقدهاااش ....
حمزه : بفرحه لا انا أطير واجيلك دلوقتى
ندى : 😂😂😂 وانا مستنيه
حمزه : بلغى بابا اننا جاين بكرا ان شاء الله
ندى : اوكى يا حبيبى
حمزه : ها تعملى ايه انهارده
ندى : ها اقابل كارما ونروح لمريم
حمزه : تروحو فين بيتها يعنى
ندى : ايوا تعبانه عشان قربت تولد
حمزه : ربنا معاها ويرجع حسن بالسلامه
ندى : لسا مفيش أخبار
حمزه : لا لسا ربنا يسترها يا ندى على الموضوع المبهم دا
ندى : ياحبيبى اتفائل خير ان شاء الله نطمن عليه أسيبك بقى بااااى
حمزه : بااااى يا قلبى وعقلى وروحى
ندى : 😂😂😂😂 سلام
حمزه ؛ سلام بقى اقفلى
************************
ثريا : خلاص قولتلها
حمزه : ايوا يا أمى بس الخطه اتغيرت
ثريا : ايه
حمزه : هانتفق على كتب الكتاب والفرح على ما نوضب الشقه انا وهى على زوقها ندخل على طول ايه رايك
ثريا : خير ما عملت خلينا نفرح بيك وفى فلوس انا شايلاها ليك ولاخواتك على جمبك وأهو دا وقتهم
حمزه : مسك ايد امه باسها ربنا يخليكى ليا يا ضهرى وساندى
ثريا : وهى حاضنه أنت الا ضهرى وسندى فى الدنيا يا حمزه انا وأخواتك ملهمش غيرك
حمزه : انتو ها تفضلو فى عنيا يا حبيبتى طول عمرى
جنا : يا سيدى على الحب وايامه
حمزه : مش ها نخلص منك ونجوزك بقى
جنا : ايدى على كتفك شكلى ها أعنس
حمزه : بقى القمر دا يعنس
جنا : تفتكر يا حمزاوى انا بقى عندى 25 سنه
حمزه : 😂😂😂 يابنتى دا احنا ها نحط رجل على رجل ونتشرط كمان حتى لو بقى عندك 30
جنا : لا الله يسترك 30 ايه انا عايزا اتجوز
ثريا : 😂😂😂 يابت اتكسفى
جنا : هو يجى وانا مش ها ابطل كسوف اوعدكم ها أهريه كسوف بس أشوف وشه
حمزه وثريا : 😂😂😂😂😂😂😂
حمزه : البت واقعه على الاخر
*******************
مريم : بابا كلم كارما عشان كانت جايه هى وندى ليا انهارده
محمود : حاضر يا حبيبتى واتصل على كارما بلغها ان مريم ولدت
*******************
كارما : بجد يا عمو طيب هى فى مستشفى ايه
مصطفى : ايه مريم ولدت والا ايه
كارما : بفرحه ايوا استنى اتصل على ندى
مصطفى : وانا ها اتصل على حمزه ونروح لها كلنا واتصلو فعلا وأحمد ويزيد وداليا عرفو وراحووو معاهم .....
كارما : داخله الغرفه الا فيها مريم وماسكه ندى وبتجرى .... وحمزه ومصطفى ويزيد واحمد وداليا بيضحكو على منظرهم الاتنين .......
كارما : خرابى ياناس بقيت أم وجميل وعسل وقمر ياناس
مريم : 😂😂😂😂 حبيبتى
ندى : أخيرا خلصنا من بطنك المترين قدامك
مريم : اه أخيرا شرفو البهوات
مصطفى : حمد الله على السلامه فينهم عايز أشوفهم
حمزه : لا انا الا ها أشوفهم الاول اوعى كدا
يزيد واحمد .... سلمو على محمود وصفيه وراحو هما كمان على سراير البيبيهات ...... داليا أمسكى يا كارما عمرو ....
وباست مريم وباركت لها ولصفيه ومحمود .....
صفيه : نورتونا والله
كلهم : بنورك
أحمد ويزيد : بيزقو حمزه ومصطفى وبياخدو الاطفال منهم
مصطفى : هى بقت بلطجه
أحمد : ايوا بالظبط كدا وهوينا انت وهو
البنات : 😂😂😂😂😂😂😂
مريم : خلاص يا عمو أفرحو بيهم طيب كفايه عليهم كدا
أحمد : ايوا يا يزيد عايزين نفرح بيهم بعد اذن محمود طبعا والحجه صفيه
محمود : دا يوم المنى نفرح بيهم الاتنين
حمزه : يعنى مش ها تزعلو مننا
صفيه : دا احنا نفرح لكم يا حبايبى وحسن اول ما يجى بالسلامه ها يبارك ويهنى
مريم : ايوا ما تعملوناش حجتكم احنا عايزين نفرح
ندى : قربت من كارما هى الولاده بتحلى كدا
كارما : ايوا شكلها كدا قولى واعترفى
مريم : 😂😂😂😂 نص نص ولادى ها يبقو فى حضنى حته من حسن حبيبى دى حاجه مش تفرح
مصطفى : دا احنا ها نفرحو ونبلو الشربات كمان احنا لينا بركه غير ولاد حسن وعيلته كلها
محمود : ربنا يحميكو يابنى انا حاسس بوقفتكو معانا فى كل حاجه كأن حسن جمبى
داليا : اه يا مريم أستعدى للحرب وقلة النوم والزن
مريم : ربنا يستر بس عمورررر شكله طيب وكيوت خالص
يزيد : كيوت مين دا بلطجى بينام براحته والوقت الا يعجبه ولو فتح فى الزن مين وابن مين الا يسكته دا واحد دماغه فاضيه وبيتسلى بينا
ندى : 😂😂 كل دا يطلع منه
حمزه : يوضع سره فى أضعف خلقه يا جماعه
مصطفى : ربنا يحميه ويكبر بسرعه يا عمى وسبهولى انا
محمود ؛ والله يابنى مهما شافو منه ما يقدرو يستغنو عنه دى حته من روحك
وقضو الوقت فى رغى كتيرررر وفرحه بالاطفال وبعدان سابو مريم ... ترتاح شويه ... بعد ما روحوها هى والاطفال .... ومحمود وصفيه ......
****************
#الحلقة_18
معتز : حبيبى خلاص خدت أجازه وها ننزل القاهره بكرا
هنا : بفرحه أخيرا وحشونى قوى كلهم
معتز : شدها ليه وانا ماوحشتكيش
هنا : بدلع وحشتنى يا موعا ..
معتز : طب ايه
هنا : ايه
معتز : بغمزه مش ها تورينى وحشتك اد ايه
هنا : 😂😂😂😂 لا
معتز : ايه الرخامه دى طب تعالى بقى انا اواريكى
هنا : 😂😂😂 الاكل ها يتحرق
معتز : روحى ياختى وسبينى انا اتحرق
هنا : بعد الشر ياحبيبى اوعى تقول كدا تانى
معتز : خلاص أطفى على الاكل وتعالى وحشتينى قوى
هنا : قربت عليه وبتحضنه عنيا ياقلبى
*************************
شريف : قاعد فى اوضه صغيره وكل مشاعره مش معاااه مع حياته الا ضاعت من غير زوجه واولاد زى دول بيتمنى يشلهم بين ايديه ويفرح أمه وابوه ..... الموضوع أختلف عنده لما شال مريم وحس بكل دقيقه الناس بتعيشها فى ترقب وانتظار حد جديد ها ينضم لعيلته والفرحه الكبيره ان الحد دا ها يبقى حته منه احساس جميل والا لهفة مراتك الا بتحبك وعايزاك جمبها شخص بيقاسمك حياتك كلها على الحلوه والمره ..... وطلع الموبيل الا صور بيهم ولاد حسن وعمل خلفيه ليهم تبان انهم صور منزلها من النت ونقلها من صور الكاميرا خالص ..... وبقى يتمنى يخلص مهمته الا عايش فيها أكتر من سنتين ويرجع لحياته الطبيعيه ويحب ويعمل بيت كله دفى وحضن يحتويه أخر الليل ......
*********************
حسن : قاعد شارد فى مريم الا عاش معاها ايام قليله بس أجمل أيام حياته ...... وحاسس بشوق فظيع نحيتها محتاج حضنها قوى ولمسة ايديها ..... نفسه يكلم شريف يطمن عليها وعلى ابوه وامه الا محتاج يحس بالامان وسطهم .. هما أمانه وحياته الا أتشكلت وحده وحده معاهم وبيهم .... وبعدان بقى ها أفضل بعيد عنهم كتيرررر كدا
الحوار بالانجلزيه
ليزا : بنت تبع المخابرات الاجنبيه ومن الفريق الا بيدرب حسن وبتتعامل معاااه كتير وبتحاول تقرب منه وعايزا تعمل علاقه معاااه
.............
ليزا ؛ ليه على طول قاعد لوحدك لو مش بتعمل حاجه
حسن : بيتعدل
ليزا : نامت على صدره وبأيدها بتلعب فى شعره
حسن : شال ايدها براحها وبيبعدها عنه معلش ليزا انا تعبان
ليزا : ليه تبعدنى عنك حسن انا بحبك
حسن : وانا ما بحبش يا ليزا ومفيش مكان فى قلبى للعواطف
ليزا : انا أحبك انت مش مهم تحبنى
حسن : ازاى يعنى
ليزا : بتقرب وبتفتح زراير قميصه انا محتاجك انت ملكت روحى
حسن : بيشيل ايديها لو سمحتى ابعدى
ليزا : ليه قولى سبب واحد ترفض تعمل علاقه معايا
حسن : قولتلك انا مليش فى العواطف والعلاقات لو سمحتى أخرجى برا ......
جون : دخل لما صوت حسن على ..... ليزا بتعملى ايه
ليزا : قربت على جون وبتحضنه ابدا حبيبى كنت بشوف حسن محتاج حاجه وباسته وخرجت عادى خالص كأنها ما عملتش حاجه ........
جون : انا عارف ان ليزا عايزا تقرب منك
حسن : وانت سايبها ليه مش حبيبتك بردو
جون ؛ الستات اتخلقت عشان نتمتع بيهم وبضحكه مستفزه انت رافض تتمتع ليه
حسن : بمكر فى رده ما حبش أخد بواقى غيرى .... انا بحب أى حاجه تكون ليا انا لوحدى وبس محدش يشاركنى فيها
جون : بس ليزا جميله انتو يا شرقين كدا منطقكم غريب
حسن : مش مهم .... الاهم ان كل واحد بيستمتع بطريقته ...
جون : صح ... حلو رأيك أستمتع بطريقتك ..... ما علينا انت قربت اتحدد معاد تسليمك بعد شهرين
حسن : بس انا خلصت ليه بتأخرو التسليم
جون : لا لسا مخلصتش فى ناس ها تتعامل معاها هناك لازم تعرفها وتعرف طريقة التواصل معاها
حسن ؛ بإستعباط مش كفايه انتو لازم تدخلونى فى متاهه هناك وممكن اتمسك وانا بتواصل معاهم لو غلطه بسيطه او علاقتى كترت ها يشكو فيا
جون : لا هما أحرص منك على نفسهم احنا لينا ناس فى كل مكان بيشعللو الدنيا وكل واحد بطريقته وحسب شغله زى ما فهمتك ..... الفتره دى ها تبتدى تكلمهم معانا وتشوف بيوصلو لينا ايه وازاى .....
حسن : بفرحه مخفيه وملامح جامده ... أخيرا ها تقعو يا ولاد .....
جون ... جاهز لأخر مرحله انت طلعت ذكى وشاطر وهنا مبهورين بيك
حسن : انا جاهز طالما ها تدفعو كويس
جون : طماع كبير
حسن : انتو طماعين أكتر بتقسمو التورته يبفى لازم الكل يدوق ويأكل
جون ؛ لما نشوف ها تعمل ايه جزء كبير من تقسيم التورته دا عندك أنت
حسن : وانا ها ابهرك جوون
******************
محمود : ها تسميهم ايه يا مريم
مريم : مش عارفه يابابا ما تقولى يا ماما نسميهم ايه
صفيه : اختارى انتى يا حبيبتى
مريم : ايه رايكو فى زياد و ريناد
صفيه : ايه ريناد دى يا بنتى
محمود : على الموضه يا صفيه ريناد حسن محمود وزياد حسن محمود والنبى لايقين
صفيه : ادام انت شايف كدا يا حج اتوكل على الله وسجلهم
حسن : حبايب قلبى دول زيزو وريرى
مريم ؛ 😂😂😂😂 لحقت تدلعهم
صفيه : دا الدلع والهنا كله ليهم ولأبوهم وأمهم
مريم : ربنا يخايكو ليا وما يحرمنى منكم
محمود : راح الاوضه بتاعته وجايب معاااه شنتطين كبار بصى يا ستى الحاجات دى للأميره ريرى ودول بقى للباشا زيزو.....
صفيه : حمد الله على سلمتك وسلامتهم وشاليه زياد ومحمود شايل ريناد
مريم : بفرحه كل دى حاجات يابابا تسلم ايدك يا حبيبى زوقك حلووو قوى
محمود : دا ذوق صفصف قلبى من جوا
صفيه : هههههه عمرك ما ها تكبر باأبو الغالى
مريم : يا سيدى باسيدى على الحب بكرا حسن يجى وب
يدلعنى انا كمان يا صفصف
صفيه : يارب يا حبيبتى وتتهنو بعيالكم وتخاوهم
ومر اليوم بخير وسلام وفرحه من الجميع وخصوصا مريم الا قلبها أطمن وارتاح على حبيبها هى ومحمود وصفيه
**********************
سالى : ها تروحو الساعه كام يا صاصا لكارما
مصطفى : يعنى على 5 أخر النهار تكونى جاهزه ما تقعدقيش قدام المرايه ساعتين
سالى : لا ما تقلقش خالص
مصطفى : ايوا كدا بقى انا قلقت من دلوقتى
سالى : 😂😂😂😂 مش رايح لعروستك ولازم أشرفك
مصطفى : كدا مفيش أمل خالص
أحمد : 😂😂😂 انا مش عارف يابنى بيعملو ايه دا كله قدام المرايات الواحد بيبلس فى 10 دقايق وهما 3او4 ساعات
مصطفى : فاضين يابابا مفيش وراهم حاجه
سالى : انا الحق نفسى من دلوقتى
.....................
حمزه : ماما ايه رأيك اروح بالطقم دا
ثريا : جميل قوى يا حبيبى
جنا : وايه رايكم فى دا ليا
حمزه : لا يا جنا تعالى انا ها انقى ليكى طقم حلو وراح معاها اوضتها
جنا : ربنا يخليك ليا يا حمزه طول عمرك واخد بالك مننا كلنا
حمزه : شدها وخدها فى حضنه انتو الامانه الا ابويا سابه ليا وحته منى حتى بعد الجواز ها أفضل زى منا
جنا : ازاى وانت ها تبعد عننا
حمزه : يا هبله ما انا ممكن أقعد فى الشغل بالشهور
جنا : بس لما بترجع بتبقى فى وسطنا
حمزه : وها أفضل فى وسطكم بردو بس ما عدا شويه صغننين اد كدهوووو
جنا : ماشى يا سيدى ربنا يسعدك كان نفسى انت وندى تتجوزو وتقعدو معانا
حمزه : بصى انا سألت صحاب ليا عن الموضوع دا مش صحاب قوى بس زمايل مقربين لانى فعلا كنت بفكر أقعد معاكو ... هما رفضو الفكره وقالو ان ها تحصل مشاكل كتير وانى كدا بكتف حريتها فى كل حاجه فا مهما كان احنا كويسين وهى كمان بس بردو ها يحصل حساسيه ومشاكل فى كل حاجه انما كدا أفضل عشان المحبه تفضل موجوده وخلافتى انا وهى لا قدر الله يعنى ما تأثرش على علاقتها بيكم وانتو كذلك .... فهمتى
جنا : فهمت يا حبيبى ربنا يسعدك معاها يارب
حمزه : وانتى كمان يا حبيبتى بكرا تتجوزى وتسبينا والبيت ها يفضى
جنا : بقلة حيله مش باين يا حمزه شكلى فعلا ها أعنس مفيش جوازه ليا بتم ابدا بتنتهى قبل ما تبدء
حمزه : تفتكرى ليه
جنا : مش عارفه
حمزه : عشان نصيبك لسا ماجاااش انتى الحمد لله جميله ومتعلمه ... بس لسا الا يستهلك يا جنا ماجاااش الا ها يحبك وتبقى حته منه .... مش أى حد لمجرد الجواز
جنا : ابدا والله يا حمزه انت ما بتشوفش وانا وماما رايحين نزور حد من قرايبنا محسسنى انى عندى 100 سنه
والكلام الا يزهق الا أنت عارفه
حمزه : سيبك من العالم التافهه دى لو كل واحد فكر فى نفسه وساب غيره فى حاله دا ماكنش بقى حال بلدنا يا جنا خليكى واثقه فى نفسك واخرجى واتعاملى وما تتكسفيش من حاجه ايه يعنى عندك 25 سنه انتى لسا فى بداية عمرك عيشى سنك وافرحى بكل دقيقه فيه والجواز مش ها يهرب وقت ما يجى ... يجى أعملى حاجه مفيده ..... اتقربى من ندى وكارما ومريم ... واتعلمى منهم بنات طموحه مش بتوقف حياتها عشان حد .... وخصوصا مريم اتحدت ظروف واحده غيرها كانت اتكسرت وأستسلمت لظروفها أتغيرى يا جنا عشان تحسى بفرق فى حياتك وبدال ما انتى الا تعيشى حياتك مستنيه ... لا هما الا يترجو ويستنو .. الشخصيه والطموح ليهم عامل كبيرر
جنا : بفرحه وأمل بحبك يا أحلى أخ فى الدنيا ولازم أعمل بكلامك واتغير فعلا وانسى حالة الممل والاحباط الا انا فيها
حمزه : ايه رايك بقى فى الطقم دا
جنااا : هااااه جبتو امتى يا حمزه وكمان حطيتو فى دولابى من غير ما أشوفك نطت عليه وحضنته جااامد
حمزه : 😂😂😂 ما تتغيرش يا جنا ما كنتى بعقلك ياماما
جنا : بحبك يا حمزاوى ياجامد
أسر : وانا يا كوماند مش ها ينوبنى من الحب جانب
حمزه : ساب جنا وراح لأسر انت بقى نصيبك كبير قوى من الحب دا وابتدى يجرى وراه ويضربه بهزار
أسر : وربنا حبك عنيف
حمزه : 😂😂😂 انت لسا شوفت عنف
أسر : بيرفع ايده خلاص ياباشا انا أسف
حمزه : مسكه وشده تعالى معايا ودخل اوضته وجاب الشنطه الا فيها طقم لأسر
أسر : بفرحه يا حمزه يا جامد ايوا كدا حببتنى فى العنف ياجدع
حمزه : 😂😂😂 روح جتك نيله ..... تعالى يا ست الكل
ثريا : بدموع وفرحه هو انت على طول كدا لازم تخلص فلوسك علينا
حمزه : ما تخلص ها يجى غيرها هو انا ليا غيركو تعالى يا سوسو انتى الحب كله ... وطلع الطقم بتاعها هى كمان
ثريا : ربنا يسعدك يا حبيبى ويوسع رزقك يارب
حمزه : حضنها جامد يارب يا أمى ويحميكو ليا ...
*****************
داليا : كارما شدى حيلك شويه عايزين كل حاجه جاهزه
كارما : ما تقلقيش يا دودو واقعدى بالباشا الا عامل لنا دوشه على الصبح دا
يزيد : وهو نازل مالكيش دعوه بعمورررر يابت
كارما : باشا احنا أسفين لسيتك
داليا : ما تتأخرش يا زيزو
يزيد : على 3 ها أكون موجود ان شاء الله
داليا : ظبطى لبسنا كلنا يا كوكو
كارما : ايوا يا دودو .... بدالة بابا جاهزه والطقم بتاعك وطقمى انا كمان وكمان عمورررر باشا اول واحد فينا
داليا : ربنا يتمم عليكى بخير يا حبببتى
كارما : يارب ورافعه ايديها قوى لفوق
داليا : 😂😂😂😂😂 واقعه
كارما : 😂😂😂 مش قوى
***********************
مر يوم أخر بسعاده على الجميع بعد قبول جميع الاطراف اقتراحات الشباب بالزواج ... وتم تحديد زواج كارما بعد 3 شهور .... وحمزه اول ما يخلص شقته ..... واتفقو على كتب الكتاب والشبكه قبل نهاية اجازتهم .... مع بعض فى دا الافتاء ...... وبالفعل تم كتب الكتاب على المعاد المتفق عليها وحضرو جميع الاصدقاء والاحباب حتى مريم وعائلة حسن اولاده ووالده ووالدته ......... ومرت الايام وحان نزلول أهل مريم والشوق لرؤيتها ورؤيه الاطفال ......
أدهم : مش كنا قولنالهم اننا جاين انهارده
عماد : كدا أحسن أختك ها تصمم تيجى تقابلنا واحنا عايزين نعملها مفاجأه
سعاد : انا نفسى أطير واروح لها هو التاكسى بطئ كدا ليه
ادهم وعماد : 😂😂😂😂 كل دا وبطئ....... واخيرا وصلو بيت مريم وطلعو عن شقتها ورنو الجرس
صفيه : فتحت وبفرحه يألف مرحب نورتونا اتفضلو دخل الشنط هنا يا حبيبى
محمود : يا مرحب يا عماد انت والست سعاد ادخل يا ادهم
مريم : سمعتهم خرجت جرى اترمت فى حضن أمها ياااه وحشتينى قوى وسلامات كتير قوى بينهم
ادهم : فين هما فين
مريم : هههخههه حالا ها أجبهم ودخلت هى وصفيه جابو زياد ورينا
مريم : بصوت شبه الاطفال خلاص يا حبايبى تيتا وجدو وصلو بالسلامه وها نقعد معاهم ونسلم عليهم
عماد : حبايبى الله جمال خالص يا سعاد
سعاد : ماشاء الله الجميل زعلان ليه
ادهم : عايزين خالهم وانتو محلقين عليهم بيمد ايده ياخد البنت من سعاد ضربته على ايده وسع كدا
راح عند ابوه زقه محدش ها ياخد زيزو منى
مريم وصفيه ومحمود 😂😂😂😂😂
مريم : ياعينى يا ادهم لو اعرف كنت جبت واحد تالت
ادهم : 😂😂😂 تالت ليه فاتحه حضانه جوا
محمود : عقبالك يا حبيبى
ادهم : يارب يا عمى بس هى فين
مريم : ها تظهر ما تقلقش
عماد : طلع هدايا للاطفال جميله جدا وكمان لمريم وحسن وصفيه ومحمود
محمود : ماكنش له لزوم والله يا عماد
عماد : ازاى بقى دا مريم بنتى بتقولى انك ابوها التانى والحجه صفيه امها التانيه دى أقل حاجه ممكن نقدمها ليكو انتو فضلكو أكبر من كدا
محمود : أخص عليك ولا فضل ولا حاجه مريم بنت مؤدبه ومحترمه ونعمه التربيه وفعلا هى بنتى انا وصفيه زى حسن
وقعدو مع بعض ومريم وصفيه ومحمود اقناعوهم يفضلو طول الاجازه قاعدين معاهم فى الشقه ....... وقضو ايام جميله مع الاطفال وبنتهم الا كانت واحشهم وادهم الا عامل جووو فى البيت جميل ......
**********
#الحلقة_19
كارما : تعالى يا جنا ها تتبسطى معانا قوى
جنا : شكرا يا كارما
كارما : على ايه يا بنتى انتى بتهزرى انتى مش متخيله ها تشيلى من عليا عبئ كبير بشغلك معايا
جنا : ربنا ينصفنى بس
كارما : ها ينصفك ان شاء الله
جنا : ندى بتيجى كل يوم
كارما : ايوا يا ستى لازم تيجى بتحب تهتم بجسمها ونفسها جدا
جنا : ايوا دا حمزه ها يدلع أخر دلع
ندى : مين بيجيب سيرة حمزاوى حبيبى
جنا : جبنا فى سيرة القط
ندى : انا قط ... أنا قطه كيوووت
كارما : وانا أشهد بذلك يا بنيتى
جنا : 😂😂😂😂
ندى : ناويتى على ايه يا جنا
جنا : خلاص ها أشتغل مع كارما فى البيوتى سنتر
ندى : عين العقل كدا أحسن من قعدتك فى البيت
كارما : بقولكو ايه انا كمان نص ساعه راحه لمريم نشوف زيزو حبيبى وريرى على رأى عمو محمود ما تيجو معايا
ندى : معاكى يا كبيره
كارما : اتقدمتى كتير يا مزه وقريب قوى وها أعلمك الخربشه ....
جنا : بس انا مليش علاقه بمريم ... مش أكتر انى اتعرفت عليها يوم كتب كتابك انتى وحمزه مينفعش اروح معاكو
كارما : يا حبيبتى مريم اول ما تتعاملى معاها ها تنسى نفسك ما تشليش هم ها تتبسطى يا بنتى
ندى : ايوا يا جنا تعالى ها تحبى مريم انا اتعرفت عليها كدا بردو ما تقلقيش
جنا : خلاص ماشى انا معاكو عايزا انسى نفسى
كارما : عيونى دا انا ها أنسيكى ندى نفسها
😂😂😂
*************
مريم : ادهم تعالى ساعدنى وسيب ماما سعاد وماما صفيه مع الاولاد
أدهم : ابتدينا الاستغلال جاى يا ستى مش كنت نزلت مع بابا وعمى محمود
مريم : بعلمك حاجه تنفعك بعد الجواز .... تعالى بس ووقف معاها فى المطبخ .... مش ناوى نفرح بيك
ادهم : ناوى والنبى ناوى
مريم : 😂😂😂 لا دا أنت واقع مش ناوى
ادهم : خلاص يابنتى فاض بيا هناك فى مزز وساحلى على رأى اللمبى ملهاااش حل مش عارف أغض البصر عن ايه وإلا ايه الله يخربيتهم
مريم : ياعينى أنت بتعانى
ادهم : اهئ اهئ اه بعانى ... اوعى كدا جتك نيله ما بتعرفيش تعملى حاجه .... روحى أفتحى صدعتينى
مريم : غلس اوعى كدا .. وراحت فتحت أهلا سلامااات أخيرا شوفت وشوكو من ساعة ما اتكتب كتابكو انتو الاتنين والغرور مالكو
كارما : وسعى كدا يا مزه فين الاقطاقيط
مريم : جوا ياختى
ندى : مرمر وربنا ليكى وحشه
مريم : ايه دا لسانك اتعدل ما شاء الله وبقيتى بتتكلمى زينا
ندى : 😂😂😂 انتى شوفتى حاجه .. تعالى يا جنا
مريم : ازيك يا جنا أخيرا اتلميتى على الشله ادخلى ما تتكسفيش
جنا : عامله ايه يا مريم
مريم : الحمد لله تمام
ندى ؛ انا ها ادخل لحبايبى ودخلت هى كمان
جنا : يا ولاد اللذينه
مريم : تعالى ما تتكسفيش البيت بيتك
جنا : انتى ماسكه ايه
مريم : والنبى نسيت تعالى ادخلى ليهم فى الاوضه
جنا : ممكن أشرب طيب عشان ريقى ناشف
مريم : مسكتها من ايديها طيب تعالى وخدتها ودخلت المطبخ
ادهم : انتى ما صدقتى خلعتى ... وسكت وهو ماسك الكبشه فى ايده
جنا : احمم ... السلام عليكم
ادهم : وعليكم السلام
مريم : اخويا ادهم يا جنا
جنا : أهلا ولسا خارجه
مريم : استنى مش ها تشربى
جنا : اه هاتى وشربت وخرجت ومريم دخلتها الاوضه ورجعت لأدهم
ادهم : مين دى يابت
مريم : أخت حمزه صاحب مصطفى
ادهم : بقولك ايه انا لازم اتجوز قبل ما أمشى فاهمه
مريم : بغمزه عجبتك
ادهم : بغمزه وسند على المطبخ اه عجبتنى اوعى تكون مرتبطه
مريم : لا ما تقلقش مش مرتبطه بس انتو فاضل ليكو 10 ايام على السفر ها يوافقو تتجوز فيهم
ادهم : مليش فيه اتصرفى مش أحسن ما اتلم على سحليه تبوظ أخلاقى
مريم : 😂😂😂😂 دا أنت تبوظ أخلاق بلد خلصت
ادهم : كله تمام وعدى الجمايل وروديها بسرعه
سعاد : وانتى مرطبته يا حبيبتى
جنا : لا يا طنط
سعاد : وهى بتمسد على ضهرها ربنا يكتبلك الخير يا حبيبتى ويقرب البعيد
جنا : شكرا يا طنط
مريم : شايف سوسو مش مضيعه وقت
ادهم : والنبى بتفهم
كارما : زيزو يا جميل خلاص انا لازم انجوزك أنت
مريم : وصاصا خلاص ها يتركن على الرف
كارما : قصاد عيون زيزو أعمل أى حاجه
زياد : ضحك لها
كارما : الله أكبر بيبادلنى نفس الشعور
كلهم : 😂😂😂😂
ندى : خلاثى على الجميل دا انا حبيت الاطفال عشانهم
صفيه : ربنا يكرمكم كلكم يا بنات
مريم : ياله انتى وهى نحط الغدا
واتغدو مع بعض ونظرات حاره متبادله بين جنا وادهم .....إلا لفتت نظر البنات
... وسعاد الا فرحت قوى وشافت انها مناسبه جدا لابنها فى كل حاجه بعد ما أستفسرت عن كل شئ.....
وغادرت البنات بعد وقت جميل جدا ......
سعاد : ايه رأيك يا عماد وابنك عجبته البنت
عماد : خلاص ادام شايفنها مناسبه
محمود : أخلاق صحاب حسن ونعمه وأخواته زيهم وأكتر اتوكل على الله
صفيه : ايوا والله كل البنات زى العسل وغلابه
ادهم : انا بقول كدا بردو
مريم : زقته يا راجل
عماد : خلاص الحج محمود يتصل على حمزه دلوقتى ياخد معاد معاااه بكرا لو مناسب
محمود : عنيا واتصل على حمزه وخد منه معاد فعلا
****************
جون : أنت جاهز يا حسن
حسن : ايوا كله تمام
جون : الجهاز دا ها نتواصل معاااك بيه بس طبعا مش ها تستلمه هنا .. لا ها تستلمه فى مصر . بعد ما يستلموك واكيد ها يختبروك وها يضغطو عليك شويه عشان يتاكدو انك تمام .....
حسن : ها أستلمه عن طريق شريف والا
جون : ايوا شريف أضمن واحد لينا ومش مشكوك فيه
حسن : اوكى ما تقلقش جون انا اتعلمت كتير هنا وها نفذ كل الا انتو عايزنه
جون : مش قلقان حسن انت ذكى وطموح ولازم تبقى فى مكانه أحسن من الا أنت فيها ودا طبعا مش ها يتحقق غير معانا
حسن : طبعا هو احنا خدنا ايه من بلدنا والمسؤولين غير وجع القلب والفتافيت جون
جون : انت ها تغرق فى النعيم معانا ياله عشان فاضل ساعه عل معاد تسليمك ....... وبالفعل أتسلمت المخابرات المصريه حسن وسلمت البنت والولد الا كانو معاهم وحسوسهم فعلا انهم مش على علم بأى حاجه
*********************
بعد مرور اليوم وفى وقت متأخر يقترب من الفجر ينزل حسن على ارض وطنه الحبيب من جديد ويستنشق هوائه الذى أشتاق له كثيرا ....ويسجدا لله فرحا .... وهو بغرفه خاصه بالمخابرات
التعلب : حمد الله على السلامه
حسن : بأبتسامه الله يسلمك أخيرا
التعلب : اخيرا نورت بلدك
حسن : منوره بناسها وكل حاجه فيها الا وحشتنى
التعلب : ارتاح انهارده وبكرا نتكلم
حسن : ها أروح
التعلب : 😂😂😂 لا طبعا انت ها تفضل هنا فتره تحت عنينا على أساس أختبارات ليك عشان هما بيتاكدو من دا .... ولازم يطمنو على الاخر بس يارب يكون الغياب الطويل دا جه بفايده
حسن ؛ مش فايده وبس ... لا ومفاجأت كتير قوى وأهمهم الفلاشه دى ها تبسطك قوى
التعلب : عليها ايه
حسن : عليها كل الا يخص أجهزة التجسس الحديثه بتاعتهم وأسامى الجماعات الا تبعهم والا هما بيمولوها فى منطقة الشرق الاوسط وكمان ملفات تقسيم البلاد العربيه ....انا كنت بتشقلب هناك ..... واسامى كل الا بيتعاملو معاهم هنا ومن ضمنهم وجوووه مشهوره ومعروف اد ايه هى وطنيه ... الفلاشه دى فيها دماغهم كلها ومش عايز أقولك انا كنت بعمل ايه عشان اجهزها ليكم واقدر أحافظ عليها
التعلب : انا مش ها انام انهارده متشوووق جدا لرؤيتهااا
حسن : صدقنى البلد ها تنضف بعد الا ها تشوفه وتسمعه
التعلب : انا نظرتى فيك كانت صح ولما قولت لشريف او خالد اشركه معاااك مكنتش غلطان
حسن : بزهول يعنى ما كنش صدفه .... وشريف طلع خالد كمان .
التعلب : لا كانت صدفه متعمده.... وطبعا لازم ميباقش بأسم خالد لازم أسم حركى ليه
.ندمان .
حسن : الصراحه فى الاول كنت قلقان مش ندمان بعد الا شوفته وعرفته .... اتاكدت ان دا قمة الصح احنا بيتلعب بينا على كبير قوى مش بينا بس لا بالمنطقه كلها دى ناس عايزا تغير شكل المنطقه بالكامل وتجعلها هاشه وضعيفه وتفرض سيطرتها عليها غير أطماعم طبعا ووضع القوه الا هما عايزينه هما شايفين ان أى بلد ممكن تقف على رجليها او تشد حيلها دا قمة الخطر ليهم ....
التعلب : عارفين بس للاسف كتير مش مصدق انا عايز أقعد معاااك بس انت أكيد تعبان
حسن : لا مش تعبان انا دلوقتى مرتاح جدا خليك
التعلب : كلى اذان صاغيه
حسن : هشام البدوى المفروض ها يبتدى ضرباته الكبيره بعد رجوعى هنا .... سلاح ومخدرات شحنات كبيره قوى والمفروض دا ها يتم لما انا أعمل شوية بلبله وألهيكو فيها كل شئ ها يتم بمساعدتى
التعلب : أكيد تفجيرات وخلافه
حسن : ايوا دى أكتر حاجه بتشتت أى دوله وبتبقى قضية رأى عام والمسؤولين منتبهين معاها فا بالتالى دا فرصتهم ينفذو تسليم شحنات كبيره لهم
التعلب : لا هما مش فاهمين اننا بقينا مصحصحين لهم قوى ..... وايه تانى
حسن : فجأه تسمع عن أختفاء الشباب المفاجئ وطبعا الدوله المتهمه فى المقام الاول هى بلده وبعد كدا تلاقيه انضم لبعض الجماعات المتطرفه وبيحاربو برا فى أى دوله انهارات على ايدهم بمساعدتهم طبعا ....
التعلب : ايوا ما دا نوع من انواع التشكيك فينا الا بيزروعه فى الشباب والناس عن طريق السوشيل مديا
حسن : ...... و بيتم أستقطابهم من على طريق النت طبعا الا أهاليهم سايبهم 24 ساعه عليه بدون أى رقابه او تدخل فى حياتهم ما يعرفوش ان الخطر بقى فى كل بيت ........
التعلب : ممكن طبعا أى شئ مباح ........وفى الا انحرف عن طريقه زى ناس كتير هو فى النهايه بنى ادم وليه نقطة ضعف فى الا بيقدر على نفسه وفى لاء .... والخطر عمتا محاوطنا لو مش مفتحين عيننا متابعين وقريبين من اولادنا ومن ميولهم انت كدا بتتخلى عنه وبتتنازل عنه للناس دى بسهوله هما زى الزرع الأخضر إلا عايزا الاهتمام والمتابعه طول الوقت ....
حسن : عندك حق لان فعلا الناس دى مش بتزهق ولا بتيأس أبدا وليهم فى كل مكان حد للاسف بايع ضميره ومرخص بلده جدا فوق ما تتخيل المقابل ملوش أى معنى فى سبيل انك بين جدران وطن وأهلك واحبابك كلهم بخير
التعلب : انا ابقى خصم ليك غبى يا حسن لو ما أستغلتش ظروفك وضعفك وعششت جواك ابقى زى سمعك وبصرك بالظبط والعب بيك تبع مصلحتى .....هى دى قوانين العالم الا بقينا بنعيشه دلوقتى طول ما أنت قوى انت خطر عليا وممكن فى يوم من الايام تفرض نفوذك وتطولهم ...... مش ها نخلص أبدا ومش ها يبقى فى سلام ... للاسف لان مش شرط ان يبقى فى حرب على الارض لا فى حرب بارده بيستغلوها زى ما قولت تشكيك .... كره لبلدك ...... عدم الثقه والامان ..... الانتماء بقى حاجه صعبه تحسها وتلمسها فى جيل ناقم على كل شئ وتفكيره أتأسس على أكاذيب وتشكيك فى تاريخه كله واستهتار بالقيم والاخلاق .......وكتير قوى ما تعدش وطبعا مش ها أنكر ان فى غلطات للدوله ودا بيدى مبرر للغلط ......
حسن : انا مش ها ابيع بلدى مهما كان الضغوط عليا او أساعد فى دا لازم نفكر نصلح مش ندمر .... نفكر يبقى بلدنا شكلها حلو مش نهينها ونشوه صورتها قدام العالم كله فى حين ان البلاد الا بتقولك ديمقراطيه وفيها وفيها الغلطه هناك بقطع رقبه ...... احنا نصدر العشوائيات بتاعتنا ليهم ... وهما بيصدرو لينا أجمل ما عندهم ولو دورت عليهم من جوا ها تشوف عكس دا تماما ..... هى مش صورتك دى بتأثر على أقتصادك .... وبتأثر على السياحه الا فى ناس كتير قوى هى كل دخلها وعيشتها منها وتأثيرات كتير قوى بتعود عليك وبتحطمك كا مواطن قبل البلد والحكومه ليه مش بياخدو بالهم من دا صورتك وأخلاقك على السويشل مديا هى صورة بلدك برا .....
التعلب : انت لو اتكلمت كدا معاهم او كتبت الكلمتين دول ها يستهزؤ بيك ومن البلد ومن نفسهم حتى .... بكرا كل حاجه تبان يا حسن قدام عنيهم احنا نعمل الا نقدر عليه بس
حسن : ربنا يسترها يا فندم وترجع البلد دى أحسن من الاول وأنضف فى كل حاجه
التعلب : ها ترجع يا حسن بس لازم ترجع بينا كلنا .... انا ها أسيبك بقى تريح كفايه عليك كدا .... قربت يا جون وها تيجى تحت ايدى تانى واللعب ها يبقى عل المكشوف المره الجايه
حسن : 😂😂😂😂😂 هو ممكن ما يلحقش يلعب تانى
************************
تابعووووووني
رواية زواج لدقائق معدودة كامله من هنا
رواية خيانة الوعد كامله من هنا
رواية الطفله والوحش كامله من هنا
رواية جحيم الغيره كامله من هنا
رواية مابين الضلوع كامله من هنا
رواية سيطرة ناعمه كامله من هنا
رواية يتيمه في قبضة صعيدي كامله من هنا
الروايات الكامله والحصريه بدون لينكات من هنا
إللي خلص القراءه يدخل هيلاقي كل الروايات اللي بيدور عليها من هنا 👇 ❤️ 👇
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
الصفحه الرئيسيه للروايات الجديده من هنا
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
تعليقات
إرسال تعليق