رواية حر والملكة شمس كتابة و اقتباس محمد منصور **منص** الفصل السابع حتى الفصل الحادي عشر حصريه وجديده على مدونة النجم المتوهج للروايات والمعلومات
 |
رواية حر والملكة شمس كتابة و اقتباس محمد منصور **منص** الفصل السابع حتى الفصل الحادي عشر حصريه وجديده على مدونة النجم المتوهج للروايات والمعلومات
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
بصو الاخوات للذهب المخلوط بالدم وقالت فوزية ليهم بحدة
انتو بتفكرو في اية دي مستحيل تقعد معانا تحت سقف بيت واحد. دي لسة عيلة بشخة وقدرت تقتل اومال لما تكبر شوية
نور مسحت دم ابوها في هدومها ونزلت من فوق السرير و كل خطوة كانت بدوسها علي الارض وهي رايحة ناحية فوزية. كانت خطوة بالدم ووقفت قصاد فوزية وقالت
لما اكبر مش هبقي زيك خايبة ما قدرتش اخلص اخواتي اللي اصغر مني من اب ظالم
فوزية
ومن امتي الدم هو الحل
نور
اومال اية الحل. تضربي وتتهاني انتي واخواتك. اوعي تكوني فاكرة اني مصدقة انك زعلانه عليه او مثلا يكون صعبان عليكي ان دي تكون نهايته
وسكتت نور للحظات وبعدها صرخت في فوزية وقالت
انتي خايفة مني وانا شايفة الخوف في عيونك
اترعبت فوزية ورجعت لوراء خطوة لكن نور وطيت صوتها تاني وقالت بحنية
وانا عذراكي لكن انا مهما كان قلبي قاسي مش هتشوفي القسوة دي طول ما انتي معايا وفي صفي لكن لو بقيتي ضدي.
وهنا شاورت علي الاب اللي غرقان في دمه وقالت
دة هيكون مصيرك. ودلوقتي خلونا ننظف الفوضي دي
ورجعت بصت ل فوزية وقالت
وانتي تنزلي تجيبي مادة كاوية علشان نذوب لحم جسم ابونا اصل حرام الارض تشيل في بطنها واحد زي دة
فوزية فضلت واقفة ساكتة فقالت نور
ممكن اشوف حد غيرك ينزل والمادة الكاوية تكوني ليكي ولي
وبصت بطرف عيونها علي ابوها خافت فوزية ومشيت من قدام نور ونور بصيت لباقي اخواتها وقالت وهي بتنظف سبيكة من الذهب
مش عايزاكم تخافو مني انا معايا ليكم علاج للخوف
واديت السبيكة ل اخواتها ولمعه الذهب خليتهم يتعمو وغطيت علي شكل الدم،،،،،
ويتغير المشهد ونروح ل فرنسا و حر بيترمي جوة سجن ورغم انه حاول كتير انه يلاقي حد يفهمة لكن دة ما حصلش وبقي بالنسبة للشرطة الفرنسية مهاجر بطريقة غير شرعية ،،،،،
ونروح للدكتورة هند اللي قدرت توصل ل صفاء وعرفت عنوان شمس وحاولت طبعا توصل ل حر لكنها ما عرفتش لكن هي دلوقتي واقفة قصاد شقة شمس وبتخبط علي الباب وفتحت لها شمس وقالت
انتو لية مش عايزين تصدقو ان بطلت اغسل حد
هند استغربت وقالت
بس انا مش جاي لك علشان كدة
شمس
اومال عايزا مني اية
هند
طيب دخليني وانا احكي لك، ،،،،
وبعدها بشوية كانت شمس باصة ل صورة حر اللي كانت علي اللاب عند هند وبتعيط شمس بحرقة وبتقول
وازاي انتي مش عارفة هو فين
هند
انا حكيت لك كل اللي حصل وما تعرفيش هو كان فرحان ازاي انه هيشوفك
شمس وهي لسة بتعيط وبتكلم صورة حر
كل دة. بيحصل لنا علشان انت سيبت ايدي. ياااااااا
يا حر
هند
شمس انتي عندك قدرات خاصة وانا محتاجة مساعدتك علشان نقدر نوصل ل حر
شمس
وانا بس اقدر اعمل اية
هند
انا شاكة في ناصر الجيار او فهد ابنه يكونو هما السبب وراء اختفاء حر. ودة لان حر حكي لي عنهم كتير وازاي هما شاكين في
شمس
انا لو ايدية لمست دماغ حد بقدر اشوف الماضي بتاعه
هند
كدة الحكاية بقيت سهلة لو قدرت اخليكي تعيشي وسطهم تقدري تختاري الوقت المناسب وتحطي ايدك علي دماغ ناصر وفهد ولو واحد منهم وراء اختفاء حر هتقدري تعرفي حر فين
شمس
انا معاكي في اي خطوة تقربني من الوصول لحر ،،،،
ويتغير المشهد ونشوف فوزية واخواتها و معاهم نور في شقة علي النيل والشقة دي مساحتها 220 م. وكانو بيلفو في الشقة مش مصدقين اللي هما شايفينو وقالت نور
عايزا كل واحد منكم تختار لها اوضة تكون ليها
وفعلا كل واحدة راحت ودخلت اوضة ما عدا فوزية اللي كانت بتبص ل نور ونور بتقول لها
ما روحتيش مع اخواتك لية
فوزية
انا مش هقعد في الشقة دي
نور ضحكت اوي وقالت
خلاص امشي انتي
فوزية
مش همشي الا وانا معايا اخواتي
نور
اهم عندك خشي قولهم يلا نرجع صندوق الزبالة اللي كنا عايشين في
فوزية
انتي ازاي عيلة وبالجبروت دة
نور
ما عرفش. بس انا حابة نفسي كدة واحسن ما اكون زيك ضعيفة وجبانه
فوزية
انا بني ادمه عندي مشاعر وبحس مش زيك الاحساس عندك ميت
نور
ما دة ممكن يكون السبب في اني مولودة ميته
اتصدمت فوزية واترعبت ودخلت تنادي علي اخواتها علشان يمشو من هنا لكن الرد كان واضح وصريح. احنا مش هنمشي. رجعت فوزية ل نور اللي كانت بتبص لها وبتضحك وقالت نور
انا لغاية دلوقتي مستحملاكي. بلاش تخليني اتعصب عليكي
وقامت نور وراحت ناحية الباب وقالت
الشقة كبيرة و هنحتاج خدامه انا اعرف خدامة كويسة هاجيبها تخدمنا ولو مش عايزا تكوني معانا ياريت ارجع الاقيكي مش هنا
وخرجت نور من الشقة وقفلت الباب وراء منها وفوزية مش مستوعبة ومرعوبه منها،،،،،،،،
ونرجع ل شقة شمس اللي كانت بتغير هدومها و مستنيا مكالمة من هند وقت ما سمعت خبط علي باب الشقة راحت تفتح وهنا شافت نور اللي دخلت الشقة وقفلت الباب وراء منها وهي معاها اطراف صناعية وبصت شمس ل نور وهي خايفة وللاطراف الصناعية وقالت
اية اللي في ايدك دة
نور
اصل انا ناوية اقطع ايدك واحط لك دول مكانهم
شمس وهي بترجع ل وراء ونور بتقرب منها
ولية عايزا تعملي كدة
نور
علشان اشتغل مغسلة مكانك وابقي انا الوحيدة في العالم اللي اقدر اشوف ماضي الاموات واعرف هما مخبيئن فلوسهم فين
شمس
ممكن اوهبك ايدية وعيوني كمان لكن بعد ما اوصل ل حر
نور
مين حر دة. حبيبك اللي نط معاكي في البحيرة
شمس
نور ابوس ايدك خليني اوصل له وبعد كدة اعملي فيا اللي انتي عايزا
نور
مش حاسة اني عايزا اتعاطف معاكي رافضة فكرة انك ممكن تصعبي عليه
وبدات نور تعيط وشمس وقعت علي الارض ونور سحبت سكينة كبيرة وقربت من شمس اكتر واكتر وهي بتعيط بحرقة وشمس بتطلب الرحمة ونور نازلة بالسكينة وبمنتهي العنف علي كف ايد شمس اليمين، ،،،،،،،،،،
ح (8)
حر والملكة شمس
كتابة واقتباس
محمد منصور
**منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
هنبدا الحلقة النهاردة بمشهد صعب شوية. لما باب شقة نور بيتفتح وبتظهر نور ومعاها شمس اللي ايدها الاثنين اتقطعو وتم خياطتهم بطريقة بدائية تمنع نزول الدم وحطت نور اطراف صناعية ل شمس علشان تقدر تخدم اخواتها واتجمعوا الاخوات وبصو للمنظر وشمس واقفة قصاد منهم وهنا تيجي فوزية وتبص ل شمس. وتقول ل نور
مين دي
نور
دي الخدامة. وهي من النهاردة تحت رجليكم
وزقت نور. شمس بمنتهي العنف وقعت علي الارض ودخلت نور اوضتها وفوزية راحت ناحية شمس اللي صعبت عليها وساعدتها في انها تقوم تقف علي رجليها وقالت فوزية
انتي مين والمفترية دي بتعمل فيكي لية كدة
شمس بصت لها وسكتت،،،،،
ونروح لشقة شمس وهند واقفة قصاد الباب وعماله تخبط مستنيا شمس تفتح. لكن هتفتح ازاي وهي عند نور في شقتها ومع كتر خبط هند تخرج جارة شمس وتقول لها
شمس مش هنا للي بتخبطي
هند
راحت تجيب حاجة وراجعة استناها
الجارة
لا. دي بنتها نور جت وقالت لي انهم هيعزلو
هند
بنتها هي خلفت الشيطانه
الجارة ما خدتش بالها من الجملة اللي قالتها هند فقالت
بتقولي حاجة يا بنتي
هند
ما تعرفيش عزلو راحو فين
الجارة
لا والله البت ما قالتش
هند
طيب شكرا يا حجة
ونزلت هند جري علي السلالم وركبت عربيتها وطلعت موبيلها واتصلت ب صفاء الممرضة و رديت صفاء فقالت هند
انا قصاد بيت شمس دلوقتي و عرفت من جارتها انها عزلت
صفاء باستغراب
وهي هتعزل بس تروح فين دي ملهاش الا الشقة دي
هند
ما عزلتش دة اكيد نور خطفتها
صفاء
نور بنتها
هند
ايوة هي نور لان مستحيل شمس تمشي وتسيب الشقة بمزاجها وهي عارفة اني راجعه لها تاني علشان اساعدها توصل ل حر
صفاء
طيب والعمل اية يا دكتورة هند
هند
م انا قولت اتصل بيكي يمكن تعرفي مكان ممكن يروحو لي
صفاء
ما عرفش والله الا عنوان الشقة اللي انت عندها دي
هند
يا الله. بعد ما كنا قربنا بعدنا تاني، ،،،،،،
ونروح ل فرنسا ومن جوة السجن كان حر قاعد علي جنب ولوحدة وقت ما قرب منه زعيم عصابة كبير جوة السجن وهو من اصل عربي بجنسية فرنسية واسمه عثمان بص ل حر وهو واقف قصاد منه وقال
عرفت انك عربي قليل الكلام وقليل الاكل بشكل ملفت للنظر
حر بص له وقال
اخيرا لقيت هنا حد عربي ممكن اتكلم معه
عثمان
انا ما بتكلمش الا مع اللي ممكن استفاد منهم واي حد غريب زيك اقدر اكسب من وراء كتير وهو كمان يكسب من ورايا
حر وقف وقال
انا مش عايز اكسب انا عايز امشي من هنا
عثمان
مش بمزاجك انت هنا تحت رحمة القانون الفرنسي وانت مهاجر غير شرعي ودي عقوبتها شديدة في فرنسا. لكن عندي استعداد اخليهم يرجعوك بلدك لو عرفتني انت ازاي بقالك شهر هنا ما كالتش زي ما احنا بناكل ولابتنام كويس لكنك قادر تكون بكامل تركيز وجسمك ما يتأثرش باهمال لك في
حر رجع قعد تاني وقال
اسئلتك ليا ملهاش اي اجابه عندي
لكن هنا عثمان اتعصب ومسك حر من هدومة وقفه تاني وقال
انا هنا بحتاج اجابة ل اي سؤال انا بساله ولو الاجابة ما طلعتش منك بسهوله هتطلع منك بصعوبه
حر
انا عايز ارجع مصر هتقدر تساعدني هيكون بيني وبينك حوار مش هتقدر سيبني في حالي وامشي
ومسك حر ايد عثمان وقدر يبعدها بعيد عنه و رغم قوة عثمان لكن حر كان اقوي ورجاله شافو اللي عملو حر قررو يدخلو لكن عثمان منعهم وبص في عيون حر بمنتهي الغضب وقال
اخترت الطريقة الصعبة
وضرب عثمان حر لكمة قوية جدا جيت في معدة حر لكن حر ما حسش باي وجع كرر عثمان الضربات وحر واقف ثابت وباصص له وبعدها ميل علي عثمان وقال
الميت اللي زيي ضرباتك مستحيل تأثر في
اتصدم عثمان ورجع ل وراء كذة خطوة وهو مرعوب
و الرجاله كانو مستغربين المشهد وراح عثمان ناحية مكتب مدير السجن السيد ميشيل ووقف قصاد ميشيل اللي كان واقف وراء شباكة وبيبص علي حر. وعثمان بيقوله
سيد ميشيل. السجين حر دة شيطان مش بني ادم
ميشيل
شوفتك وانت بتضرب في وهو متأثرش انا كنت صح لما خليتك تروح له
عثمان
شايفك مش مستغرب اللي انا عرفته
ميشيل
اصلي كنت متاكد انه مش انسان طبيعي ودة يخليني انقله من السجن. لمكان افضل
عثمان
فين المكان دة
ميشيل
مش شغلك ويلا امشي
وخرج عثمان من مكتب ميشيل. اللي كان لسة باصص علي حر،،،،،،،،،
وتعدي السنين. بالتحديد
15 سنة وقت ما شمس كانت بتخدم في بيت نور واتفتح باب الشقة ودخلت نور ومعاها حر وبصت شمس ل حر وقلبها دق ونور قالت
اعرفك بجوزي
اتصدمت شمس ،،،،،،،،،
ح(9)
حر والملكة شمس
كتابة واقتباس
محمد منصور
**منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
ازاي نور اتجوزت حر. هقول لكم. بس هنرجع لكام سنة وراء لما ميشيل مدير السجن اللي في حر قرر يروح ل غاية حر ومعه عثمان وقال لعثمان اللي هيترجم اللي هيقوله ميشيل ل حر
قوله لو عايز يخرج من هنا ويكون حر ينفذ اللي انا هطلبة منه
وقال عثمان الكلام بالعربي ل حر اللي رد من غير تفكير
انا مستعد اعمل اللي هو عايزة بس يخرجني من هنا
ميشيل
هخلص لك اوراق دخولك فرنسا علشان اقدر اخرجه من هنا وكمان يقدر يعيش زية زي اي مواطن فرنسي
عثمان ترجم وقال حر
ودة في مقابل اية
ميشيل بعد ما عثمان ترجم له اللي قاله حر رد وقال
ما تسالش،،،،،،،
وبعدها بكام يوم يخرج حر من السجن ومع عثمان ويركبو عربية وكان فيها ميشيل اللي بص ل حر وقال
نفذت وعدي و خرجتك. جاهز تنفذ اللي انا عايزة منك
ترجم عثمان وقال حر
اية المطلوب مني
ميشيل
انا صاحب شركة حراسات خاصة ومطلوب مني لشخصية عامة بودي جارد من فصيلتك ضد الوجع وغالبا اللي زيك هيكون ضد الموت. ودة ما يخصنيش انت ازاي بقيت كدة لكن اللي يخصني الملايين اللي هاتيجي من وراك
حر
انا مش هشتغل الشغلانه دي وهرجع مصر
ميشيل
انا مش باخد رايك انا بأمرك ودة كان اتفاق ما بينا اخرجك وتنفذ اللي هطلبة منك لمدة 15 سنة
حر
انا كدة اعتبر مسجون
ميشيل
انت فعلا مسجون لكن برة القضبان مسجون وسط الناس بتروح وتيجي معاهم وبتتمتع بحياتك. مع اني اشك ان ليك حياة بتسعي للتمتع بيها
حر
وان رفض
ميشيل
هفتح باب العربية واسيبك تتزل و الاوراق اللي طلعتها ليك مش هتعرف لها طريق يعني هترجع من تاني قصاد الحكومة الفرنسية مهاجر غير شرعي
سكت حر علشان بيفكر لكن عثمان قال له
انا لو مكانك ارضي بالعرض اللي اتقدم ليا 15 سنة هيعدو كانهم ايام وبعدها تصبح حر. يا حر
ما بقاش قدام حر غير انه يوافق واصبح مسجون برة السجن. وراح بي ميشيل
ل شخصية عامة مشهورة بيقضي كام يوم في فرنسا وطالب حارس خاص يحمي من اي متطفل وعلشان الشخصية العامة دي تصدق ان حر انسب واحد للمهمة دي طلب من اربع بودي جارد كانو معه انهم يهجمو عليه وبدا حر يدافع عن نفسه ويوجه لهم الضربات وما يحسش بوجع ضرباتهم كان عنيف جدا وشرس.،،،،،
في نفس الوقت كانت شمس في المطبخ بتعمل اكل ل اخوات نور. وكانت ديما فوزية معاها بتساعدها في اي حاجة بتعملها وتعدي السنين ونور بقي عندها 20 سنة وقررت تشتغل مغسلة وجابت شمس ونيمت اختها قصاد منها وقالت وهي بتشاور علي اختها
عرفيني ازاي بتغسلي
شمس بصت لها وقالت
اعلمك علشان تسرقي اللي هتغسليهم
نور
دة مش شغلك انتي تعملي اللي بقول لك عليه وبس
شمس
مش هعلمك
نور
انا لية ضيعت وقتي مع واحدة زيك ما النت عليه كل حاجة. ارجعي المطبخ
شمس بصت لها بقرف ومشيت وهنا اخت نور اللي كانت نايمة قصاد منها قالت
اقوم يا نور
نور اللي كانت باصة في الموبيل بتاعها بتشوف ازاي تغسل قالت
لا. خليكي نايمة علشان هتعلم عليكي. وبعد ما هاتعلم هروح ل اعلي مكان مخصص في تغسيل ودفن المشاهير. ما هما دول اللي معاهم فلوس، ،،،،،،،
وتعدي الايام و نور تبقي مغسلة مشهورة ومعروفة في محافظة القاهرة ودة بعد ما بقيت تبع جمعية خاصة بتكريم الاغنياء من كفنهم في اغلي انواع الاكفان
ل دفنهم وتحضير جنازة تليق بيهم ما حتي الموت بقي في فشخرة. المهم ان نور بقيت مشهورة واي حد شايل فلوس علي جنب بدات تسرق الفلوس دي وتكبر وتزود في ثروتها وبقيت من اغني اغنياء مصر والعالم العربي لا دي بقيت من المشاهير اصلها ما اكتفتش بالغسل لا دي دخلت في عالم السحر والدجل ما هي اللي بتعرفو من ماضي الاموات بدات تحكي ل اهالي الميت واول صفة في المغسلة وهي انها تكون امينه. دة مش موجود في اشهر مغسلة في القاهرة. وتعدي السنين وتقرر نور تسافر في فرنسا وتطلب حارس شخصي ليها طول رحلتها ويفرجها علي فرنسا وبما ان ميشيل صاحب شركة حراسات ونور هتدفع كتير طول فترة رحلتها
ف رشح لها اشهر حارس عنده. وهو حر شافته نور وعرفته ما هي عارفة كل ماضي شمس وبدات تلعب علي حر. لعبة الحب والغرام وهي كانت حلوة واتفتن بيها حر وقرر يتجوزها لكن ميشيل ما كانش هيسيبة بالساهل وقالت نور ل ميشيل في حضور عثمان ورجالته
انا هنا مش باخد رايك انا بأمرك حر هيرجع معايا مصر فين الاوراق بتاعته اللي معاك
ميشيل بص في عيونها بمنتهي التحدي وقال
بتهدديني في ارضي ووسط رجالتي وانتي من غير سلاح
نور
انا مش محتاجة سلاح علشان اخلص عليك.
وبمنتهي السرعة نور هجمت علي عثمان وضربته في وشة ضربة من قوتها وقعته علي الارض وراحت ناحية اول راجل واديته برجليها تحت الحزام والتاني ضربها بالنار لكنها بصت للدم اللي نازل منها وابتسمت وهجمت عليه وطلعت سلسلة ذهب حوالين رقبتها ب سن يشبة ناب الاسد وغرزت السن في عيونه و خلصت علي الباقي بنفس الطريقة. ورجعت بصت ل ميشيل وقالت
الاوراق
ميشيل
انتي زي حر
طبعا ما فهمتش هو قال اية فكررت الكلمة بمنتهي الحدة
الاوراق،،،،،،،
ويتغير المشهد ونرجع ل شمس اللي باصة ل حر ونور وقالت نور
انا كسبت كل حاجة وانتي بقيتي ولا حاجة
حر افتكر شمس وراح لها جري وقبل ما يلمس ايدها عيطت نور بحرقة والاثنين ارواحهم بدات تتعذب ووقعو علي الارض مش مستحملين الوجع وبص حر ل شمس ودموعهم بدات تجري علي الارض نفسه يوصل لها ويلمسها لكن نور نقطة ضعفهم هما الاثنين. وقالت نور
انت ليا انا بس.
وبصت لهم بمنتهي الجبروت،،،،،،،،
ح(10)
حر والملكة شمس
كتابة واقتباس
محمد منصور
**منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
من جوة اوضة هند كانت هند ماسكة الكتاب اللي في حكاية حور وشمس وبتقراء في الكتاب بتركيز شديد وقت ما اتفتح باب اوضتها ودخل عليها جوزها سعيد بص لها وقال
يادي كتاب اسطورة بحيرة الزمن اللي علي طول في ايدك
هند
هاتجنن يا سعيد الاثنين انا شوفتهم و بعدها الاثنين اختفو
سعيد باستغراب
اثنين مين
هند
حر وشمس
سعيد
دول اللي هما حكايتهم في الكتاب
هند
هما
سعيد ضحك اوي وقال باستهزاء
شغلك مع المجانين خلاكي هوبا زيهم
هند بحدة
انا مش مجنونه يا سعيد ومدركة ل كل كلمة بقولها وحر وشمس موجودين في زمنا
سعيد
موجودين يا حبيبتي بس بلاش تتعصبي
هند
طيب عايزاك تساعدني نوصل لهم لانهم طالما اختفو كدة بعد ما شوفتهم يبقو هما اكيد في خطر و بنت شمس قدرت توصل لهم
سعيد
وهتعمل فيهم اية لما توصل لهم
هند
ما عرفش مؤلف الكتاب محطش نهاية لحكايتهم.
سعيد باستهزاء
ساب النهاية مفتوحة ممكن تكون للحكاية جزء تاني زي ليالي الحلمية
هند اتعصبت وقالت
سعيد انا اكتر حاجة بكرها في حياتي ان حد يستهزاء بيا ف من فضلك هتساعدني نوصل لهم ساعدني مش هتساعدني سيبني انا هوصل بمعرفتي ليهم واعرف نهاية حكاياتهم ولو اقدر ارجعهم زمنهم هعمل كدة،،،،،،،،
ويتغير المشهد ونشوف نور قاعدة علي السفرة جنب منها حر. وشمس بتنزل اطباق الاكل وحر بيبص لها نفسه يخلص ويخلصها من العذاب دة لكنه سمع صوت نور بتقول
مش هتعرف تخلص مني
بص لها حر وقال
انتي بتعملي فيها وفيا لية كدة
نور
السؤال ما يبقاش كدة. السؤال يبقي لية حبيبتك سرقت جسم امي وانا عايشة ولا ميته
هنا بصت لها شمس لكن نور ضربت طبق الاكل بايدها رميته في وش شمس وقالت
انا عايشة ولا ميته
شمس
انا زيي زيك ومش عارفة انا عايشة ولا ميته
وقفت نور ومسكت شمس من شعرها وقالت بجبروت
لما تعرفي انتي حولتيني
ل اية ابقي اسيبك تعيشي حياتك مع حبيب قلبك ح،،،،
لكن نور ما كملتش الجملة ووقعت علي الارض لان روحها كانت بتتوجع وقالت بصعوبة
اية اللي بيحصل فيا
هنا تسمع صوت فوزية بتقول
روحك بتتوجع بوجع اللي انتي بتحبيهم واحنا نقطة ضعغك يا نور
بصت وراء منها بصعوبه وشافت فوزية ووراء منها باقي اخواتها وكل واحدة ماسكة ابرة وبتغرزها في ذراعها حاولت نور تقف لكن فوزية غرزت الابرة في جسمها اكتر وقالت
سببي شمس وحر يمشوا من هنا
نور بصعوبه شديدة
بعد كل اللي عملتو علشانكم بتقفو ضدي. ومع مين مع اللي سرقت جسم امنا
فوزية
احنا ما نعرفش غير ان امنا ماتت وشمس طيبة زيها بقالها سنين وسطنا ورغم كل اللي بتعملي فيها عمرت ما فكرت تاخد حقها من واحدة مننا. لكن انتي شيطانه دخولك وسطينا لعنه متعاصة دم احنا اتفقنا انك ما تنفعيش تكوني اختنا
نور
انا بحبكم
فوزية
واحنا بنكرهك.
وقربت فوزية من نور وقالت
سيبي حر وشمس يمشوا. علشان نرحمك
نور بصعوبه اكتر واكتر بص ل حر وشمس وقالت
امشو
حر جري ناحية شمس وخدها في حضنه حضن اشتياق وبعدها خدها وجري بيها برة الشقة ونور بتبص لهم بغضب شديد ممزوج بالوجع. وهنا فوزية سحبت الابرة من ذراعتها واخواتها عملو زيها ونور بدات تتعافي واول ما فوزية اديتها ظهرها هجمت نور عليها وبمنتهي الغل كسرت رقبتها وقالت
عرفتي ان وجع الروح بيتولد من الحب واستغليتي دة ضدي لكنك ما تعرفيش اني اقدر اقتلك طالما انا مش باصة في عيونك.
صرخو اخواتها واتوجعت نور لكنها قدرت تتحمل الوجع وقبل ما اي واحدة منهم تتحرك قدرت تخلص عليهم واحدة وراء التانية من غير ما تبص في عيونهم ومن غير اي وجع موت سريع وغاضب وبصت ل باب الشقة وجثث اخواتها في ظهرها وخرجت جري من الشقة بمكن تلحق حر وشمس، ،،،،،،،،
من قصاد عيادة هند يقعد حر ومع شمس مستنين وصول هند وفعلا تيجي هند بصت لهم وما كنتش مصدقة نفسها راحت ناحيتهم وقالت
قدرتو توصلو ل بعض ازاي
حر
دي حكاية طويلة ممكن ندخل جوة نرتاح ونحكي لك،،،،،
في نفس الوقت كان سعيد جوز هند قاعد في اوضة النوم وقت ما شاف الكتاب بيتفتح وصفحاته بتتقلب وحدها وكان في حد بيقلب فيها بص للكتاب وهو مرعوب وقرب منه وشاف صفحة بيضاء بيتكب فيها
★وبعد 500 سنة تتقابل ارواح الاب حر والام شمس والطفلة بنتهم هند وصعود ارواحهم للسماء اصبح مساله وقت واحتضان ايديهم
ل بعض مفتاح البوابة لعبور ارواحهم★
واتقفل الكتاب وحاول سعيد انه يفتحة لكنه ما اقدرش وما بقاش قادر يصدق ولا يستوعب اللي قراء،،،،،،
ح(11)
حر والملكة شمس
كتابة واقتباس
محمد منصور
**منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
سعيد جوز هند بعد ما قراء المكتوب في الكتاب قرر يروح ل حماته ماما هند ووصل عندها وقعد قصاد منها وحكي لها اللي عرفه وفي اخر كلامه قال
هند بنتك وهي طفلة ماتت ورجعت تاني للدنيا
حماته سندت دماغها علي مسند الكرسي اللي كانت قاعدة عليه وافتكرت يوم الولادة، ،،،،،،،
من جوة عيادة خاصة للولادة دكتورة بتجري باقصي سرعته ودخلت اوضة العمليات اللي فيها اتولدت هند. ودكتور كان في الاوضة وهو اللي بيولدها وكان بيحاول يعمل انعاش لعضلة القلب بتاعت الطفلة فبصت له الدكتورة وقالت
اية اللي حصل
الدكتور
الطفلة نازلة ميته
الدكتورة
طيب اوعي
وابتعد الدكتور وبدات الدكتورة تضغط علي صدر الطفلة في محاولة ل انعاش عضلة القلب اللي كانت واقفة نهائي لكن ما فيش فايدة بصت الدكتورة للدكتور وقالت
ما فيش فايدة البقاء لله
صرخت ماما هند باعلي صوت عندها رغم وجعها وبصت بطرف عيونها لجثة البنت اللي فجاة ومن غير اي مقدمات اتحركت صوابع ايدها اليمين وبعدها رجليها وقالت ماما هند
بنتي لسة عايشة
بصو الدكاترة للطفلة واستغربو جدا،،،،،،،،،
ونرجع ل سعيد اللي كان بيقول لحماته
وطول ما هي عايشة معاكي وبتكبر قصاد منك
ما حستيش انها فيها حاجة غريبة
حماته
طبعا لاحظت انها غريبة اكلها ضعيفة ما بتحسش بالوجع ولما كبرت شوية وكشفت عليها عند دكتور مخ واعصاب اكد لي انها مريضة بتلف في مراكز الاحساس في جسمها ودة مرض نادر ملهوش علاج
سعيد
وهو في مرض كدة واضح اوي ان الدكتور دة بيقول اي كلام. وانا مستغربك بصراحة انك عيشتي طول السنين دي معاها وعمرك ما شكيتي فيها
حماتة
ما هي مراتك وعاشت معاك سنتين ما حستش لية انها غريبة
سعيد هنا افتكر كل حاجة كانت ممكن تخلي يشك في ان مراته مخلوقة مش طبيعية لكنه عقلة وقلبه رفضو تقبل الفكرة دي. وقام سعيد وقالت له حماته
رايح فين
سعيد
رايح ل هند العيادة احكي لها اللي عرفته، ،،،،،
ويتغير المشهد ونشوف هند قاعدة قصاد حر وشمس وكانت بتقول
انا عارفة اني زيكم واني ما قبلتش حر بالصدفة دة القدر اراد اني اشوفه واقعد معه
شمس
انتي زينا طيب ازاي واية الرابط بينك وبينا
هند
ما عرفش لان الكتاب ما جاءش في العلاقة اللي بتربطني بيكم شكلي هطلع من زمنكم ورميت نفسي في بحيرة الزمن وبقيت هنا
هنا الباب بيتفتح ويدخل سعيد بصت له هند باستغراب وقالت
سعيد انت بتعمل اية هنا
سعيد بص لها وبص ل حر وشمس ورجع بص لها تاني وقال
عايزك
هند
طيب تعالي في الاول اعرفك علي حر و الملكة شمس اللي ما كنتش مصدق انهم موجودين في زمنا
سعيد رجع بص لهم تاني وقال
عارفة انك منهم و دول يبقو اية ليكي
هند
سعيد في اية
سعيد
دول يبقو ابوكي وامك. وارواحهم ضاعت من 500 سنة لما نطو في بحيرة الزمن
هند اتصدمت وقالت
ازاي انا بنتهم ويوم ما حر وشمس نطو في البحيرة دة كان يوم فرحهم
سعيد
دة اللي انكتب في صفحة بيضاء كانت موجودة في الكتاب
هنا هند بصت ل حر وشمس وقالت
انا بنتكم
حر
مستحيل لاني ما كنتش لسة اتجوزت شمس
شمس
حر انت كنت جوزي في السر قبل الحرب الاخيرة بينك وبين المتمردين ويوم ما نطينا في البحيرة كان يوم اعلان جوازنا لشعب المملكتين
حر افتكر. وقال
يعني انتي كنتي حامل في شهرين تقريبا
شمس
كنت حامل
حر
وما قولتيش لية
شمس
ما كنتش الطبيبة لسة كشفت عليه
حر بص ل هند وقال
ودي بنتنا
شمس
شكلها كدة
حر
طيب ازاي كلنا موتنا في وقت واحد وانا قلبتها بعد رجوعي للدنيا ب كام يوم لما عيلة الجيار جابوها علشان تكشف عليه
سعيد
من كام سنة الكلام دة
حر
حوالي 15 سنة
سعيد
اكيد السر في بحيرة الزمن لانها مع اللي زيكم العمر ما قدرش يقصر فيكم ويبان عليكم لكن مع الاطفال في حسابات تانية ودة اللي خلاك تشوف هند كبيرة رغم انها ميته معاك في نفس اليوم. لكن دة ما يمنعش ان هند بنتكم
بص حر وشمس ل هند وهي بصت لهم والثلاثة خدوا بعض بالحضن وفضلت هند تعيط وسعيد باصص لهم مش مصدق اللي هو شايفة وهنا هند قالت
وبعد ما اتجمعنا المفروض نعمل اية
حر
نحاول نرجع زمنا
سعيد
انتم ميتين لكن ارواحكم في زمن غير زمنكم
بصو الثلاثة ل سعيد وقال بصوت حزين
والنهاية الطبيعية للي احنا في دة ان ارواحكم ترجع للي خالقها
وعيط سعيد وهو بيقول وكان باصص ل هند
ودة معني اني اتحرم من حبيبتي ومراتي ودنيتي
هند قربت منه ومسحت دموعه بايدها وقالت
سعيد اول مرة اشوفك بتعيط
سعيد
لاني مش عايز اتحرم منك
هند
ولا انا. بس لو دة الصح لازم نعمله واني اعيش قصاد منك في جسم غير جسمي ما افتكرش انك تحب لي العيشة دي. لكني لو بقيت ليك ذكري حلوة افتكر انك وقتها هتحبني اكتر
حضنها سعيد اوي وهند قالت
ازاي نخلص من اللعنة دي
بص لها سعيد وقال
ايدكم انتو الثلاثة يحضنو بعض
بص حر وهند ل ايدين شمس المقطوعة واللي مكانهم اطراف صناعية وقالت هند
لازم نوصل ل ايدك المقطوعة ونرجع من تاني نوصلهم بجسمك
شمس
وازاي دة يحصل وانا ايدية مقطوعة من سنين واترمو في شقتي القديمة
هند
لو جسمك رافض للتحلل يبقي هنلاقيهم زي ما اتقطعوا. وبعملية جراحية نقدر نرجعهم تاني ل جسمك
حر
خلاص يلا بينا نروح الشقة ونشوفهم، ،،،،،،،
ويروحو كلهم الشقة ويفتحو الباب علشان يشوفو قصاد منهم نور قاعدة مستنيهم. وبصت ل شمس وقالت
قاعدة بقالي كتير وكان قلبي حاسس انك هتيجي هنا. هتيجي ل قضائكي ونهايتك
وبدات احداث النهاية. استنوني يوم السبت باذن الله والحلقة الاخيرة، ،،،،،،،
تابعووووووني
رواية زواج لدقائق معدودة كامله من هنا
رواية خيانة الوعد كامله من هنا
رواية الطفله والوحش كامله من هنا
رواية جحيم الغيره كامله من هنا
رواية مابين الضلوع كامله من هنا
رواية سيطرة ناعمه كامله من هنا
رواية يتيمه في قبضة صعيدي كامله من هنا
الروايات الكامله والحصريه بدون لينكات من هنا
إللي خلص القراءه يدخل هيلاقي كل الروايات اللي بيدور عليها من هنا 👇 ❤️ 👇
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
الصفحه الرئيسيه للروايات الجديده من هنا
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
تعليقات
إرسال تعليق