جميع الروايات كامله

 رواية رحماكي الحلقة الثالثة والرابعه والخامسه و السادسه والسابعه والثامنه بقلم الكاتبه اسما السيد حصريه وجديده على مدونة النجم المتوهج للروايات والمعلومات 

رواية رحماكي الحلقة الثالثة والرابعه والخامسه و السادسه والسابعه والثامنه بقلم الكاتبه اسما السيد حصريه وجديده على مدونة النجم المتوهج للروايات والمعلومات 

= اخويا الكبـ..ير في حضـ..ن مراتي يا ابا

فريده..

التفت باتجاه الصوت فوجدته هو.. اقتربت بهدوء مهلك لقلبه.. فتأوه بداخله…

من طلتها.. تلك الفتاه انتزعت قلبه ودهسته بقدميها وانتهي أمره..

قلبه القاسي أصبح فتات منذ فتح عينيه تلك الليله

ورمقته بغابات الزيتون خاصتها..

لا يعلم ماذا اصابه..لعنه باسمها حطتت عليه..

لم يكن اسمها يوما يلفت انتباهه ولكن منذ التقاها واسمها ان تردد بمكان يخفق قلبه مطالبا برؤياها هي..

قلبه يريدها وعيناه تريد رؤياها دائما..

فريده بهدوء…كيان ازيك….بتعمل ايه هنا..؟

لم يتوقع سؤالها وبماذا سيجيبها..؟

حك.رأسه بيده..و كأنه أخيرا وجدها..

كيان.. بتوتر كالمراهقين..

بعمره ال28 والعشرون لم يمر بموقف كهذا من قبل جيت عشان تغيريلي عالجرح وتشوفي حالتك بنفسك

ولا عندكو مفيش متابعه عالحاله..

فريده بدهشه. وببراءه .اغيرلك هنا طب ازاي..؟

كيان..لا طبعا اتفضلي معايا لو مش عندك اعتراض..

فريده.. بتوتر.. أتفضل فين..بص ياأستاذ انا مهمتي خلصت كدا عندك المستشفي تقدر تغير هناك..

عن اذنك بقي فرصه سعيده..

وفرت من أمامه مسرعه..

كيان بمغزي.. وهو يذهب خلفها…

جبانه….معندكيش ثقه في نفسك….

التفتت له بحده مشيره

باصبعها علي نفسها..ده انا..لا طبعا.. مين قال كدا..

كيان بتريث..لو مش جبانه مكنتيش اترددتي في عمل خير

مكنش هيزودك ولا هينقصك

بس كان هيريح ضميرك..

فريده باستغراب مردده كلماته..

هيريح ضميري ازاي بقي..

كيان وهو يقترب منها..هامسا بهدوء..

يعني عايزه تفهميني انك لما تروحي وتفتكري

انك رفضتي تساعديني وانتي عارفه اني تعبان ضميرك مش هيأنبك….

فريده..بتردد.بس.. دا مش قصدي..

كيان..بس ايه وان يكن

عموما ياستي خلاص مش عاوز منك حاجه..بس نصيحه متبقيش جبانه..الحياه عاوزه قلب جامد..مبتحبش الضعيف بتموت الضعيف بالبطئ

يا فريده..

رمقها بنظره عاشقه لم تخطئ بها يوما واستدار راحلا باتجاه سيارته..

ووقفت هي تردد كلماته بذهنها…هي بالفعل جبانه..

أدار محرك سيارته ورمقها بابتسامه وهم بالرحيل..

ولكنها في لحظه وجدها بجانبه….تجاوره بالسياره..

فتح عينيه بصدمه..ممزوجه بسعاده لم يستطع اخفائها..

فريده..بتوتر..وجرأه جديده عليها منذ التقتهم تلك الليله..هي تعلم انه لن يؤذيها..لقد قضت ليله كامله معهم وعاملوها بحب كأختا لهم..

هاجي معاك بس بشرط..

نظر لها ولم يتكلم فأكملت..

تردلي جميلي اللي عملتهولك..وساعدتك في الليله اياها..

كيان…بدهشه..ازاي..؟

فريده… بدون تردد..

فهي تحتاج لذلك وبشده..

تعلمني ازاي أبقي قلبي جامد.. كدا وماخفش من حاجه.. أنا فعلا جبانه..

كيان بسعاده.. بعدما استوعب حديثها..

ولمعه بعيونه..غمز لها بسعاده

قائلا..بجديه..

موافق……

فريده.. بدهشه.. بجد..

كيان..بلهجته الصعيديه..جد الجد كومان..

فريده..بعيون مصدومه…. صعيدي..!كمان..

كيان..بفخر.. مبسطا يده لها..

ودا وعد صعيدي.. هعلمك تاخدي حقك من عين الكل..

مدت يدها توثق وعدها ببراءه..وعد صعيدي..

علمني ارجوك..

كيان..هعلمك..ودا يبقي اسمه وعد كيان لاحلي فريده..

فريده بسعاده..مردده وراءه..

ـــــــــ وعد كيان لفريده..ــــــــ

انتبهت من شرودها….

علي ندائه باسمها..

وفي قلبها اشتعلت تلك الروح التي دفنتها منذ سنوات..

وبرأسها بدأت تتذكر قواعده…واحده تلو الاخري..

أحمد بتوتر..وهو ينظر لهيئتها التي رغم ارهاقها جميله..مغريه..

كانت تقف امام المرآه تمشط شعرها شارده…وترتدي قميصا بيتيا قصير.. قديما لكن من ترتديه أضافت سحرا له..

ليس بالقديم ولا بالجديد..بمن يرتديه..

ابتلع ريقه مدركا أن مايفكر فيه لن يأخذه منها الا غصبا فهي زاهده به لا تريده..

لمحته بالمرآه يبتلع ريقه وقد فهمت ما يفكر به ولكنها تعلم انه لن يجرؤ..

التفت له…. بهدوء..

خير ياأحمد..

احمد بتوتر..هااا.مفيش..

التفت مره اخري غير مكترثه له..فأغمض عينيه يستعيد كلام روان التي أملت رأسه به…

flash back..

أحمد..انتي بتقولي ايه..ازاي..

روان..زي مابقولك كدا..انت تخليها تروح عند أهلها يومين..كدا..وفي اليومين دول نكون جهزنا كل حاجه..ولما تيجي ناخد منها الولاد ونطردها..

ولا انت بقي مبتحبنيش..

احمد بضعف..لا ازاي بحبك طبعا بس فريده…

روان بغيظ..فريده..فريده هو انا كل ما اكلمك تقولي فريده…

اوعي تكون بتحبها..

ابتلع ريقه…مفكرا….هل يحبها..ولما خائف من خسارتها هكذا..

احمد..انتي فاكره الموضوع سهل ابويا وعابد مش هيسمحوا بأذي فريده…ولا هيسمحولي بالجواز عليها اصلا ولا اهلك..نفسهم..هيرضو بيا

روان بتأكيد..متقلقش من اهلي احنا هنحط اهلك واهلي قدام الامر الواقع..

هنتجوز ونيجي نحطهم قدام الامر الواقع ولو علي امك وامي فهما عارفين وهما اللي مخططين لكدا..

مانت عارف امك مبتحبش فريده..

أحمد. بتوتر…ربنا يستر..

روان..بخبث..انا همشي بقي وانت اطلع اعمل زي ماقولتلك وهكلمك بالليل..سلام..

back..

نظر لها مودعا..ربما من الافضل أن يتركها هو لا يستحقها فتاه كالنسمه مثلها لا تستحق رجلا مثله

شيطانه يعمي قلبه..وعينه..

تنهد هامسا باسمها…

فريده..

التفت له مره أخري..

فردت بزهق.. في ايه يااحمد عاوز تقول ايه..

بقالك ساعه واقف كدا..

هات من الاخر..ملهاش لازمه تتردد ومتقلقش انا اتعودت..

بلع ريقه بحزن..وسحبها من يدها بهدوء..للفراش..

جلس وأجلسها بجانبه..

رفع يده بهدوء يبعد شعرها المستكين علي عينيها يمنعه من رؤيتهم..يريد ان يراهم لربما المره الاخيره..

ابتعدت بوجهها عنه بنفور..

فأغمض عينه..بحزن..

أحمد..عاوزه اتكلم معاكي شويه…

ممكن..

فريده. بتنهيده…اتفضل…. وبتهكم أكملت..

بس مش شايف انها غريبه شويه..اول مره من يوم مااتجوزنا تكون حابب تكلم بلسانك معايا..

وتلغي ايدك..

ولا تكونشي ايدك وجعتك..

أحمد بتأنيب..داخلي لنفسه..هو من أوصلها لذلك..

وقد قرر. مصارحتها ضاربا بكلام روان عرض الحائط علها تثور ويلمح بعينيها بعضا من التمسك به..

احمد.. فريده انا هتجوز روان..

رفعت نظرها له ببرود وكان ماقاله لا يعنيها او كانت تتوقعه..

منذ عادت تلك الروان لحياته وهي تتوقع ان يأتيها يوما ويخبرها بذلك..

لم تستغرب أبدا….

هي لا تشعر بالغيره..ولا بالوجع..لقد تبلدت مشاعرها..

ابتسمت وصدي صوته يردد بأذنها..

flash back

في ليله ماطره وبأخر بقاع المدينه في رحله مجنونه من رحلاته ليعلمها قواعد التمرد والشجاعه..

كيان..بصيلي كدا.. ياأحلي فريده..

فريده بابتسامه وهي تنظر له باهتمام.. اهوو..

ضحك..وآكمل..باصرار

متخافيش..اتمردي وقولي لا..

لكل اللي مش علي كيفك قولي لا….واوعي تخافي أبدا..

طول مانا جمبك عاوزك تقولي لا في عين الكل..

وبحب اقترب منها هامسا امام وجهها..

ولو الكل اتخلي عنك..فانا لا..

فريده.. بتوتر من قربه..

ياسلام..افرض مكنتش جمبي وانا عاوزه اتمرد واقول لا وخايفه من اللي قدامي اعمل ايه..؟

كيان بهمس..وهو يقترب منها أكتر..

ساعتها غمضي عينك وافتكري كيانك حبيبك..

وهو بيقولك قولي لا…

واقفي بهدوء وبصي في عينهم..خلي عيونك تتكلم..

زي ماهي بتتكلم وبتبرجلني..كدا..

فريده بهمس..طب..وبعدين..

كيان..بعدين تقومي وقفه كدا بكل جبروت وتمشي..

الصمت يافريده قوه اكتر من الكلام..نفسه..

فريده..بص انا أصلا مبعرفش اتكلم.. حلو حل الصمت دا.. خلاص هسكت..

ضحك بسعاده…. علي براءتها مهما علمها لا تتعلم..

خلاص اسكتي ياقلب كيان..بس اوعي تبيني للي قدامك ان سكوتك ضعف….

ثوري واتمردي..متخفيش انتي قويه..ولو مش بيا..

يبقي بنفسك…

انتي قويه يا أحلي فريده في الدنيا..

back..

احمد..متسكتيش يافريده..انتي ليه دايما ساكته..

انا بالنسبالك ايه يافريده..

فريده بتهكم.. وسخريه أجابته.. ولا حاجه..

احمد بصدمه..ولا حاجه ازاي..

رفعت عينيها ببرود ناظره له..واكملت فلتخرج ما بجوفها وتنتهي..

انت ولا حاجه ياأحمد..بالنسبه لي..

أقولك علي حاجه..كمان..انت تستاهل روان وروان تستاهلك..انتو شكل بعض اوي..

ولايقين علي بعض..وببرود اكملت..مبروك..

احمد..بدهشه..ببساطه كدا..

فريده..اه ببساطه كدا…..روح اتجوز..ربنا يسعدك..

انت طريقك من البدايه مكنش طريقي..

سكه غلط ودخلتها.. ومعلش الواحد مبيتعلمش ببلاش..

أقولك حاجه..

عارف كام مره استنيت فيها تختارني..ومختارتنيش..

طب عارف كام مره احتجتك تدافع عني وكالعاده بتخذلني..

كام مره هنتني وقليت بيا..انت بتتكسف مني ياأحمد..

مع ان لو بصيت لنفسك انت تكسف بلد..

اشتعلت عينه وكتم غيظه وهي تعريه امام نفسه..

ولكنها قررت الكلام وانتهي الامر..

قررت البوح وليحدث ما يحدث..

عارف كام مره احتجتك وملقيتكش..كام مره ولادك تعبو واحتجتك معايا بالليل وانت قافل علي نفسك وبتحب في ست روان بتاعتك..

كام مره سمعتك وانت نايم معاها في التليفون..

وبتأكيد..اكملت..

نايم معاها يااحمد زي المتجوزين..

وبتهمس لها بكل وضاعه وقرف بحاجات قذره

كام مره أشوفك بتعري نفسك ومنسجم معاها…

كام مره سمعتك بتهيني معاها..وبتتكلم وتعيب فيا..

اتجوزها ياأحمد..بس خلي بالك الدنيا دواره واللي بتعمله بكره يقعدلك..

وأتمني يقعدلك..وهدعي ليل نهار أشوف فيك يوم..

ألجمت لسانه وعلت صدمته..وجحظت عينه..

وهي ترمقه بقرف واشمئزاز..

ابتلع ريقه…وخرج صوته مهزوزا..

انتي السبب..انتي اللي..

صرخت بأعلي صوتها به..انتي ايه..؟

انا ايه..انت اللي مقرف وقذر..انا بقرف منك..يااأخي..

ياريتني ماكنت شوفتك ولا عرفتك..

واحد زيك وسخ قذر..

بلاش تجيبها فيا..

أنا بكرهك يااخي..مابكرهش حد في حياتي قد ما بكرهك..اتفو عليك….

جبان وواطي….حقير..

كف يده التي حطت علي وجهها بغل وصراخ من أخرستها..

احمد..اخرسي..انتي نسيتي نفسك.. ولم يعد يدري ماذا يقول كعادته..انطلق مارده..

انا اشتريتك بفلوسي..مبتبصيش لنفسك في المرايه..

انت مقامك الخدمه وبس وهتجوز روان وانتي هتعيشي تخدميها وبس..

وابقي وريني مين هيقف جمبك أبوكي اللي في كل مره بتروحيله بيرجعك زي ال…ليا..

ولو عاوزه تتطلقي يبقي تتنازلي عن الولاد ومع السلامه..

فريده..بصراخ..اه ياخسيس..هتفضل طول عمرك خسيس..

ولادي بعينك..كله الا ولادي مش هسمحلك..أبدا..

هاخدهم من عينك..انت تعرف ايه عنهم اصلا..

انت ولا حاجه بالنسبه لهم..

ازداد شجارهم وملأ المكان وازداد صراخها

مع ازدياد ضرباته لها..

كان صاعدا للاعلي ليعطيها اولادها فاستمع للمشاده بينهم وما القاه علي مسامعها..حرفا حرفا..

ازداد الصراخ واشتعلت النار بقلبه من اخيه..

سيحطم فكه….

وضع سليم ارضا وبجانبه أخته..

وارتفع صوته..ينادي علي اخيه..

خبط الباب المرتفع لم يثنيه عن ضربها واصبح كالمجنون..

لم يجد حلا الا بكسر الباب ولا احد هنا غيره لقد

ذهبوا جميعا..

عابد..افتح ياأحمد..افتح ياجبان..

ارتفع صراخ الصغار..

ولم يجد ردا فاستجمع قوته وكسر الباب..

دخل وجده يكيل لها الضربات

وهي فقط مستقبله بلا حراك..

أزاحه من عليها بغضب وفوجئ بهيأتها..العاريه..

عابد..ياوسخ..بتضربها ياوسخ..

قسما بالله لو ماكنت اخويه لقتلك…دلوقت..

أحمد بغل منه….اه الفارس الهمام..متقول بقي ان عينك منها..بدافع عنها اوي وبحرقه..عينك من مراتي… بتحبها..

لكمه عابد بفكه..اه ياوسخ..ياريتها ترضي بيا وانا كنت أجيبلها الدنيا تحت رجليها..ياوسخ….

انت متستهلش ضفرها..

تبادلو اللكمات..وهي تبكي بقهر..لمحت صغارها الباكين..

قد اقتربو منها ولم تستطع أن تضمهم بيدها لتطمأنهم..

عابد وهو يزيحه بيده للخارج..غور من قدامي والا هخلص عليك..غوور..

انت اللي زيك ميستهلش غير واحده زي روان فعلا..

واحده خرج بيت روح.. ربنا ياخدك..

فر من أمامه…هاربا…كالفأر.. متمتما بأقذر الكلمات بحقه وحقها..

استند بيده علي باب الشقه ينهج بتعب..

لمح عباءتها بأحد الجوانب..فجلبها لها

واعطاه لها ومازال مستديرا يغض بصره عنها..

عابد..خدي يافريده استري نفسك..

جذبته بأيد مرتعشه..ترتديه بتعب…

ـــــــــــــــــــــــــــــــــــــــــــ

خبط علي باب المنزل القديم….

جعله يتحدث بلهفه..بعدما انتظره طيله النهار..

شوفي مين ياام فريده..دا اكيد راجي..

شريفه..حاضر ياعبدالله قايمه اهوو..

دخل راجي بعدما رحب بشريفه..

راجي ابن عم عبدالله يعمل حارسا ببيت الحاج راشد..منذ زمن….

حينما انتقل باحثا عن لقمه العيش….وهو حلقه الوصل بين اهل فريده وعبدالله ينقل له اخبارهم..

بعد الترحيب به..

عبدالله بلهفه..ها ياراجي ايه الاخبار..

راجي..بحزن..مطمنش يا عبدالله الحاج قالب الدنيا علي بنت بنته وامها تعبانه اوي وحالتها صعبه…

علي عيني اشوف الست ناديه كدا ومطمنهاش..

منها لله اللي كانت السبب..

عبدالله بحزن…مش هيا بس اللي حالتها كرب بنتها كمان..شايفه الذل ومش قادره تتنفس قولتلك قول للحاج راشد واطلب الحمايه..منه..

راجي…ومين جالك محاولتش..اني حاولت كتير اجوله..

لكن المره السو وجفالي بالمرصاد..وبتهددني بعيالي.. دا حتي يوم ما جررت تبعت فريده لامها من سنين معرفش منين عرفت وكانت هتموت ولدك فيها..

عبدالله..يااه للدرجادي الغل والغيره عامينها..

راجي..طبعا..الست ناديه كيف البلسم ويتغار منيها.

ربنا قادر يشفيها..

عبدالله.. بتنهيده..علي عيني يابنتي..

كل مااقول هتفرج..اظاهر ان قدرك كدا..يابنتي..

.ربنا يقرب البعيد….

راجي..يارب..

ــــــــــــــــــــــــــــــــ

انتبهت لوقع أقدام آتيه باتجاهها..

كانت تجلس بالشرفه ناظره للاشئ كعادتها..

دخل باحثا عنها بعينيه…عمته الحبيبه..تفهم عليه أكتر من والدته….يرتاح بجانبها ويفضي ما بصدره لها..

لطالما كانت تسمعه وتحاوره..منذ تعبت ودخلت بحاله صمت وهو يأتي كل فتره يفضي بمكنون قلبه وتسمعه بصمت

وحدها عينيها التي تعبر عن تعاطفها معه.. ولما يخبرها به..

يعلم انها تفهمه وتشعر به..يدها التي تمسد علي رأسه تجعله مستكينا..

يدها الحنونه تذكره بيد أخري لطالما كان يخبرها بأنها دائه ودوائه..

وسط شروده لم ينتبه انه جلس بالفعل أمامها كطفل صغير وأرجع رأسه للخلف وبالفعل يدها الحنونه امتدت لتمسد رأسه بهدوء..

لم يخطئ ابدا..هي تفهم وجعه..

كيان..بلهجتهه الصعيديه التي دائما ماكانت تؤنبه علي تناسيه لهجته وتخبره دائما ان يتحدث بها معها…

ابتسم متذكرا حديثها يوما وهو يتحدث معها كأهل المدينه..

flash back.

واه ياكيان ياولدي جلتلك ميت مره كلمني صعيدي ياواد انت.. لهجتك الصعيديه بتوصل لجلبي طوالي..

back..

تنهد..يذكرها..

خابره ياعمتي..البنت اللي خبرتك عنها زمان…

كانت يدها بتشبه يدك اكده بتاخدني لعالم تاني..

لما كنت اشتاجلك.. والدنيا تقفل بوشي..

كنت اجري اخطفها لبعيد واجولها

مشي يدك علي شعري تعبان ونفسي ارتاح..

يدها كانت كيف يدك ياعمتي

كيف السحر ياعمتي….

ضحك مقلدا ايه..خابر هتجولي ايه بسرك..

هتجولي دلوك..يدي برديك ياواد اخوي..ولا يدها..

ابتسمت بزاويه فمها لحديثه ولم يلحظها هو..مسترسل بحديثه..

هجولك عندك حج ياعمتي..يدها كيف السحر وعنيها كيف شجر الزيتون وضحكتها كانت بتنسيني همومي لو كانت حمل جبال..

ارتعشت يد عمته وابعدتها من علي راسه شارده بعينين تشبه وصفه..

ولكنه باغتها بسحب يدها ووضعهاعلي رأسه مره أخري..

قائلا بصوت يملؤه الغصه..قلبه يؤلمه..

هي ليست بخير يشعر بها واه من قلبه ومراره الفراق..

واه من ضعفه لذاكراها..واه من حنين قلبه..وقهرته عليها..

واه وألف اه من قهر الرجال….

همس بتعب..

متبعديش يدك ياعمتي..عاوز ارتاح..ريحيني ياعمتي..

يمكن نار جلبي تهدي..تعبان جووي..

جووي ياعمتي…

ـــــــــــــــــــــــــــــــ

رواية رحماك الحلقة الرابعة

=ابعد عني روح لمراتك. وبمراره ودموع انهمرت علي خديها..

متجوز.!.مبروك…مبروك

أغمضت عينيها بحزن وقهر..

واسودت الدنيا بأعينها ولم تستطع

ان ترفع يدها لتجلب جلبابها

لتستر به عورتها التي انتهكها زوجها

ولم يلقي بالا انها هي عرضه وشرفه

باتت عاريه هنا.. امام اخيه.

تحاملت علي نفسها ومدت يدها تلتقطها..

ولم تستطع..

دوارها غلبها وجسدها يؤلمها كل شئ به يؤلمها.. حتي روحها المقهوره تؤلمها وجدا…..

ماأصعب ان يعريك من كنت تتوقع أن يسترك بيديه..

يخبآك بأحضانه عن العالم كله.. ومااصعب ان يخيب ظنك بمن كنت تحسبه الدنيا ومافيها.. فيعريك بيديه ويتلذذ بعذابك..

صرخت صرخه موجوعه مهمومه ودارت بها الدنيا واستسلمت لغيامتها السوداء التي تناديها..

وصورته هو صارخا بها آخر ما ابصرته..

ذكري بعيده…كانت اخر صوره له..

flash back..

قطع المسافه بينها وبينه مهرولا..

قلبه يخبره بأنها النهايه..

كيان بلوعه..ودموع حبيسه..

فريده..استني يافريده..عشان خاطري اسمعيني..

فريده..

.نطرت يدها منه صارخه به..

ابعد عني روح لمراتك. وبمراره ودموع انهمرت علي خديها..

متجوز.!.مبروك…

كيان..بهيستريه..اسمعيني ياعمري..انا..وحياتك مافي غيرك في حياتي..

فريده.. وهي تضع يدها علي اذنها

اسكت..اسكت..مش عاوزه أسمعك..

انت خذلتني زي كل حاجه حواليا خذلتني..

ابعد عني..

هرولت مبتعده…تجري ويجري خلفها..متوسلا اياها ان تسمعه..

غابت بين زحام الطريق وغاب هو وانتهت الحكايه…

back..

أغمضت عينيها واسمه يتردد..علي لسانها بهمس..

أن ينتشلها..ينقذها..ياليتها استمعت له..

وياليت..

ـــــــــــــــــــ

ياليتني…انتظرت وبين ذراعيك..ألقيت مر دنيايا..

راضيه انا وأكتفي..ان كنت لقبلي..وان لم تكن يا فرح وهنايا..

ياليتني عدت ولم أصدق ما سمعته أذنايا..

ياليتني..وياليتني..

ولكن هل بالمني..ياعمري…تلتقي دنيانا..

ــــــــــــــــ

التفت مسرعا علي صرختها..

عابد..فريده..مالك فيكي ايه..

اغمض عينيه عن عورتها وجلب جلبابها وحاول ستر

عورتها به قليلا..

حتي يستطيع رؤيه ما صابها..

عابد بتوتر..فريده فوقي..فوقي يافريده..

التفت لابن اخيه ذو العامان..

سليم يا حبيبي هات ازازه المايه اللي هناك دي..بسرعه..

انتبه الطفل لعمه وذهب يلبي ندائه..

ـــــــــــــ

كانو بالخارج وصادفوه.

أثناء خروجه بتلك الحاله..

ضربت الام يدها علي صدرها..

الام..احمد مالك ياعين امك مين عمل فيك كدا..

لمعت عينه بخبث..ومارده تحكم..به…

انتبه لوالده. يتحدث بخوف..

.في ايه يااحمد مين بهدلك كدا..

احمد بصراخ مصطتنع…

ابنك الكبير اللي عامله كبير العيله

وكله يمشي تحت طوعه

اطلع شوفه في حضن مراتي..

سليم.. بصياح..انت اتجننت..

.اخرس ياوسخ ايه الليى بتقوله علي أخوك دا..

احمد..مش مصدقني اطلع شوفهم بنفسك..

وكأن.. والدته فهمت مايريده

فصرخت بعلو صوتها

الي ان التمت الحاره التي يسكنون بها علي اثرها

طلعت مسرعه وهو وراءها يتمني ان يكونو كما تركهم

حتي تثبت تهمته عليهم…ووالده ايضا..

صعدت الدرج بهروله..تتمني بداخلها ان يكون ما يقوله صحيح

ستكون فرصتها لتزيحها

وتشفي غليلها منها ومن والدتها.. واخيرا..

اندفعت لداخل الشقه..

فوجدتها تصارع لفتح عينيها

بين يدي عابد….

ضربت صدرها…يلهووي..

بتعمل ايه ياعابد ملقتش غير مرات اخوك..

يلهووي…

سليم الاب.. بصدمه..

لم يكن يتوقع بهم هكذا..

ياخساره ياعابد..مكنش العشم يابني..

عابد..بعدم فهم..في ايه يابابا اطلب الدكتور لو سمحت فريده تعبانه جدا..

اندفع احمد ليكمل مابداه..

اهو يابابا شوفت عريانه وفحضنه

مقدرتش استحمل…

لولا انو اخويا كنت قتلته..

اشتعلت عين عابد واقترب منه صارخا به..

انت بتقول ايه ياوسخ

هيا حصلت لكدا..اتقي الله يااخي..

متصدقهوش يابابا..دا هو..

صمت بصدمه حينما حطت يد والده علي خده

لاول مره…

عابد.. بصدمه وبعيون جاحظه..

بابا انت مصدق ان انا اعمل كدا بجد..

كانت استفاقت وامسكت بجلبابها لتستر نفسها به..

انقضت عليها حماتها

خاطفه اياه من بين يديها..

صائحه بها…

لا هتخرجي كدا ياوسخه عشان تشرفي ابوكي وامك الشريفه.. وعيلتك..

وبغل امسكتها.. قومي معايا…..

خلي الدنيا بحالها تشوفك

وتشوف وساختك..

اويناكي ولميناكي.. بس تقولي ايه الوسخ وسخ..

مانتي كنتي مدوراها في مصر وال ايه دكتوره…

صاحت بعلو صوتها..

.. تعالو شوفو الدكتوره المحترمه.

فريده. بقهر.. لحالها وحال ابنائها الباكين…أنا معملتش حاجه..قولهم ياعابد..قولهم..

أرجوك يابابا…

سليم الاب..باشمئزاز..لابنه..هتقولي ايه وانا شايفها بالمنظر دا في حضنك..

اخص عليك ياخساره تربيتي فيك..امشي من هنا وخد الوسخه دي معاك..

عابد بصدمه. لتاني مره..

يعيد عليه عتابه الخلوق..لربما يفيق والده ويصدقه…حتي انت يابابا انت تصدق ان انا اعمل كدا..انت مصدقهم فعلا…

الام بغل….وهي تدفعها وتصرخ بها و تسحلها للاسفل

حتي أصبحت بخارج المنزل

والتم الجميع علي صراخها..

برا برا ياوسخه..تعالو ياناس شوفو الست الدكتوره جيبنها منين….

ازدادت الهمسات حولها وضعت يدها حول جسدها العاري..

تستره بيدها..

صرخ بهم… ان يصمتو ..

وانتزع قميصه واندفع يلبسها اياه..

فريده بهستيريا.. ولم يعد يعنيها شيئا غيرهم..

ولادي ياعابد..ولادي..

عابد بصلابه..أمشي يافريده..امشي وحياه دموعك وظلمي وظلمك دا لجيبهوملك من عينهم…

فريده..لا مش هسيب ولادي لشبيه الرجال دا واجتمعت بها قوه العالم..

ونفضت يده الممسكه بها..

واقتربت منه..تخبره بقوه..

ارمي عليا يمين الطلاق ياشبيه الرجال

وهات ولادي بالذوق..

احمد بحقد..بعينك تشوفيهم ابقي خلي عابد بيه ينفعك…

عابد..بحزن.وتهكم…ياعيني عليك يااخويا اخرتك هتبقي وحشه..وحشه اوي..

اديها ولادها بالذوق وخلينا نمشي ميشرفنيش

ابقي من العيله دي..

الام بغل…اسكت ياعابد ضحكت عليك

وخسرتك اخوك..

اقترب ذلك الشيخ اماما للجامع جارهم المقرب..

.اتقوا الله ياجماعه دي اعراض ولايا…

الام..تقصد ايه احنا بنتبلي عليها

ماتبص بعينك وشوف..

استغفر الرجل في سره وغض بصره هامسا..ربنا يتولاكي برحمته يابنتي استعوضي عيالك واستودعيهم عند ربنا..

اللي زي دول انعدمت الرحمه من قلوبهم..

اقتربت بحزن ودموع عيونها اغرقتها..منه..قولهم ياعم الشيخ قولهم بالله عليك خليهم

يدوني ولادي..

اقتربت زوجه الشيخ

ولعلمها بما تعانيه فريده..

منها وبيدها جلباب..تعالي يافريده يابنتي البسي هدومك..ربنا عالمفتري يابنتي..

استسلمت لها وسترت جسدها….

كان عابد ادار سيارته واقترب منها..

قائلا بأمر..

اركبي يافريده..

نظرت لطفلها الباكي وحماتها تكتفه بيدها وهو

يصرخ ماددا يديه لها صارخا بماما..

وكذلك ابنتها التي يحملها

احمد لاول مره بحياته

وينظر لها بشماته وانتصار..

صرخ بها عابد..اركبي يافريده..

اغمضت عينيها أخيرا

واستسلمت لرياح الغدر لتحملها كيفما تشاء..

ـــــــــــــــــــــــــــــ

ببيت روان…

أمل.. روان بقولك ايه انتي متأكده من اللي انتي بتقوليه..

انا خايفه..اوي..

هو مش كدا يبقي اسمه زنا بردو..

روان بخبث..يابت زنا ايه انتي غبيه

دا كله كلام في التليفون هو انتي شيفاه يعني في حضنك..

انتي كدا هضيعيه من ايدك..

دا مهندس يابت يعني فرصه تغيظي بيها

ست فريده بتاعتكو دي

اللي حطه مناخيرها في السما.. وبعدين ماانا اهو انا واخوكي..

واهو خلاص هنتجوز..يابت اتعلمي بقي..

التمعت عين امل بتحدي..

عندك حق يابت ياروان..

انا لازم اسمع كلامه

عشان يجي يتقدملي وساعتها تبقي الروس اتساوت..

بس انتي ضامنه ابن خالك دا..

روان بخبث..طبعا..بقولك هو زمانه جاي..هبقي اسيبكو تقعدو شويه مع بعض

واروح اقضي حاجه كدا…وامي مش هنا دلوقت..

انتي فاهماني بقي..اي حاجه يقولك عليها تعمليها..

عصام بيحبك ومعجب بيكي..

رن جرس المنزل..فجرت تفتح..له..اهو جه اهو..

ظبطي خلقتك دي يالا..

أمل..حاضر اهه

والله وهكسر نفسك يافريده هانم..

روان..بقولك ايه البت جوا انا هسيبكو شويه..عاوزاك تنفذ اللي اتفقت معاك عليه..

عاوزه أجيب مناخيرها الارض..

عصام..بخبث..عيوني ياجميل..بس كله بتمنه..

روان..بدلع..طبعا هو أنا ليا الا انت ياعصومي..

عصام..هو دا..

ــــــــــــــــــــــــــــــ

بسوهاج..

نزلت الدرج بعدما تخلت عن احتشامها..استعدادا للنوم..

وارتدت منامتها الورديه التي تعشقها.. كانت اهدتها لها والدتها بأخر عيد ميلاد لها قبل الحادث..

جاءت لتخلد للنوم وبحثت عن اخيها..

ولم تجده فرجحت

ان يكون بالخارج مازال يلعب بالكره..

فلم ترتدي ثيابها المحتشمه كعادتها ولا نظاراتها الطبيه..

نزلت الدرج مسرعه.. تبحث هنا وهنا..

فلمحها ذلك الجالس علي حاسوبه

ناظرا لها ولما ترتديه.. بصدمه..

من تلك..

انطلقت لخارج.. البيت العريق كما يسموه

الدوار..تنادي أخيها..

محمد يامحمد….

خرج ورائها…ينظر لها بصدمه من جمالها وشعرها الذي يهفو خلفها..جسدها التي كانت تخفيه

بتلك الثياب التي كان يسميها شوالا عليها..

ابتلع ريقه..وهو يعلم انها تخشاه ولا تريد الاقتراب منه دائما..وهو لم يكن أكثر حالا منها..فكان ينبذها دائما..

هي ابنه عدوتهم كما يخبره والده..وعمته..

اذن ماذا حدث له..

سلمي..وينه ده..اف يامحمد..

اقترب رحيم ابن راجي لغياب والده

فقد رحل لاقاربه بالمنصوره..

كما أخبرهم..

رحيم أكبر منها بعامين فقط..

ايوه ياسلمي بدوري علي محمد لساته عم يلعب بره..خشي انتي جوه واني هروح اندهولك..

سلمي..ماشي يارحيم بس جوله ياجي..

بسرعه الله يرضي عنيك انا جلجانه عليه جوي..

رحيم بابتسامه..عيوني ياسلمي فوتي انتي للدوار واني هروح اشوفه…

سلمي..لا هملني اهنه وروح انت..

صرخ بها بغيره..وبلهجه صارمه..ما قالك خشي للدوار..ولا عجبك المرقعه دي..

التفت بانتفاضه من صوته المرتفع..

فهد..انت..

فهد بحده..خشي جوا استري نفسك وبلاش مرقعه..

سلمي..بحده..الزم حدك يافهد

ومتحدتش معاي تاني مره اجده

اظاهر اني اكمني سكتالك علطول هتسوج فيها..

بلاش دور البطل الهمام ده..اني حره اعمل كيف مابدي..

لا اني اخصك ولا انت تخصني..واظن دا حديتك

ولا نسيته….

فهد..بصراخ..سلمي..

اتاه صوته الحاد..

كيان..بحده.فهد..متعليش صوتك

علي بنت عمتك..فاهم..

خشي ياسلمي جوا..

دخلت للدوار بعدما رمقته بنظره حارقه..

فهد..انت بتقويها عليا ياكيان..

كيان..لا بقويها ولا حاجه يااخويا…

ملكش دعوه بعد كده بسلمي..

واظن انت بنفسك رفضت جوازك منها لانها مش استايلك زي مابتقول وفضلت بنت عمتك

سحر عليها..يبقي خلاص ملكش دعوه بيها..

فهد..بلاش دور الصعيدي اللي عيشلي فيه دا ياكيان..

كيان بلهجه حاده..له..

الزم حدك يا فهد ومدام مش عجبك الصعيد.. متجيهوش تاني..واسمع سلمي ومحمد في حمايتي واللي يتعدي عليهم اتعدي عليا..فاهم….

ونصيحه بلاش تيمع لعمتك كتير وأبوك عشان متندمش..

وانت اخترت يبقي خلاص ملكش دعوه بسلمي..

فهد بغيظ..ومالهم بقي ولاد سحر..

ماانت متجوز منهم ولا حلال ليك وحرام عليا..

اشتعلت عينه وقد تذكر بلاءه

وزواجه من ابنه عمته سحر..

غلطته الوحيده…ولولا اجبار والده..

له لما تزوجها ابدا…

نظر لفهد بتهكم..قائلا..عندك حق..ربنا يسعدك بس اتمني يااخويا مترجعش تندم..

عن اذنك…

ــــــــــــــــــــــــــــ

مساء..

بمنزل والد فريده..

تجلس محتضنه ابنتها تبكي علي ما صابها…

دخل راجي وعبدالله بعدما انتهت الجلسه العرفيه التي أعدوها كبار البلده في محاوله للصلح بينهم..

واعاده اطفالها..

دخل مسرعا منقضا عليها

ممسكا بها من شعرها..

فضحتيني..فضحتيني يابت الاكابر

وارتحتي اودي وشي فين من الناس

منك لله..يافريده دا جزاء تربيتي فيكي..

عملت ايه عشان تفضحيني كدا..

وقفتي حالي وحال اختك فضحتيني..

فريده..والله يابابا ما عملت حاجه دول بيكدبوا..صدقني يابابا….

عبدالله..وفكرك بعد ما خرجتي عريانه بقميص النوم هيصدقوكي..

راجي..حرام عليك ياعبدالله سيب البت..

هتبقي انت والزمن عليها..

عبدالله بصراخ..له..انت السبب انت اللي بليتني بيها..

خدها من هنا مش عاوزها..

بسببها ابني كان هيموت..

وبنتي هيقف حالها مش هتلاقي اللي يتجوزها..

كان يقف بجوار المنزل

بعدما اتي مسرعا خوفا من والدها

بعدما استطاع احمد ووالدته ان يثبتو التهمه عليهما..

لقد توقع ان يثور والدها ولكنه لم يتوقع ابدا ما يستمع اليه..

راجي..حرام عليك ياعبدالله..

ياريتني ما جبتهالك ولا امنتك عليها

انت السبب اوعي..

تعالي يافريده يابنتي..

فريده..بدموع..ولادي فين..فين ولادي ياعم راجي..

عبدالله.ولادك هتتنزلي عنهم وهتغوري من هنا انا اتبريت منك قدام البلد كلها ميشرفنيش تبقي بنتي..والحمدلله انك مش بنتي..

دخل عابد بتلك اللحظه ولم يعد يحتمل..أكتر..

ايه اللي بتقوله دا ياعم عبدالله انت مصدق كدا في بنتك..

عبدالله..اهلا انت شرفت يالا خد الوسخه دي من هنا وامشي معدتش تلزمني برا..

راجي بذهول..انت اتجننت ياعبدالله..

عبدالله..وانت كمان برا..وخد البلوه دي اللي بليتني بيها معاك..مش بنتي ولا عاوز اعرفها من اليوم دا..اللي بيني وبينك انتهي..

شريفه وهي تتمسك بابنتها التي ربتها ببكاء..

حرام عليك ياعبدالله فريده لايمكن تعمل كدا..

عبدالله..وهو يخلصها من أحضان ابنتها..

ابعدي ايدك عنها..برا برا بيتي..

احتضنها راجي بعدما دفعها عبدالله..

فارتمت بأحضانه بقهر..

ولادي ياعم راجي..عاوزه ولادي أرجوك..

راجي بحزن ووجع لوجعها..

علي عيني يا غاليه يابنت الغالين..

علي عيني..يابنتي

رواية رحماك الحلقة الخامسة

الماضي…ذكريات من عمر فات..

ــــــــــــــــــــــــــ

ارتمت شريفه أسفل أقدام زوجها عبدالله تبكي بحرقه علي ابنتها وما صابها..هي ليست ابنتها بالفعل..ليست من دمها ولكنها ابنه روحها ربتها واكتفت بها عن الدنيا حينما استعوضت الرب حينما تأخر انجابها..ذلك الرجل الذي يقف أمامها كان احن عليها منها نفسها ماذا حدث له..ولم فعل..

صرخت به بحرقه…

شريفه…ليه ياعبدالله ليه كدا دانت روحك في فريده ياعبدالله…

ليه دانت الدنيا بحالها كانت تيجي عليها وانت تقف في ظهرها..

ليه بعدتها عني وعنك وسبتها من غير ظهر..

فرطت فيها ليه ياعبدالله..

بنتي استحاله تعمل كدا…استحاله..حرام عليك ياعبدالله..حرااام…هاتلي فريده ياعبدالله هاتها..

انحني الرجل الذي غزي الشيب رأسه وتهالكت قواه بجلبابه المهترئ من العمل بالاجره هنا وهنا…

ودموعه أغرقت وجهه..

عبدالله…قومي يام فريده..قوومي أنا عارف بنتي ايه وربيتها ازاي..

شريفه بصدمه وصراخ..عااارف..ومع ذلك صدقتهم وطردها من حضنك ومن بيتك يااما قلتلك بنتك مكنش ليها الجوازه دي وانت اللي قلت راجل وهيشيل عنها غدر الزمان ويقويها..

كنت شايفها بتنطفي يوم بعد يوم وسبتها تغرق لوحدها..حرام عليك والله حرام..

أغمض عينيه ودموعه أغرقت لحيته..

عبدالله.عشان تقوي ياشريفه طردتها…عشان تعرف تاخد حقها من عينهم وترجع لحضن أهلها طول مالقياني صدر حنين ليها هتفضل في حضني وعمرها ماهترجع لاهلها..

فريده لازم تقوي ياشريفه…فريده لازم تتعلم تأخد حقها…

شريفه…كان ممكن تاخد حقها وهي في حضن في بيتي..

عبدالله…بحده..افهمي بقي فريده طول ماهيا معانا هتفضل المره السو عينها عليها لازم تبعد عن هنا..لازم..

تركها ودخل غرفته يبكي مراره فراقها…

صرخت شريفه بصوتها الذي ضعف من كثره الصراخ تنادي ابنتها بحزن..تناجيها وكأنها تسمعها..

ابنتها ربيبتها وهل ينكر احد..

(هناك أهل قادرون علي جعلك تكره الدنيا ومافيها..يحطون منك ومن قدراتك..يخبرونك پكل الطرق أنك عاله وانكتبت عليهم..غير قادرون علي فهمك وفهم تخبطاتك..ومن وسط عتمتك يظهر لك أشخاصا..يجعل الله بهم القليل كثير والشر خير لك..

هي أقدار قدرها الله لنا..وعسي أن تكرهو شيئا ويجعل الله فيه خيرا كثيرا..فلتؤمنو بأنفسكم أولا..وبأنكم قادرون..)

ــــــــــــــــــــــــــــــــــ

ببيت راجي بالبلده نفسها..

بعدما اصطحبهم راجي له…

جالسون وكل بواديه…الي أن قطع عابد الصمت..

متسائلا وعينيه عليها يؤلمه قلبه عليها وكثيرا..

لقد دخلت بيتهم ورده متفتحه وانتهي بها الحال هنا وهكذا..

تنهد بعدما خطر علي باله ماحدث بالماضي لو لم يحدث لكانت أميرته هو…زوجته..ولكنها أقدار..

استدار لراجي الجالس بخزي..

عابد..ممكن بقي افهم ايه الحكايه..

وازاي فريده مش بنتهم.. عاوزك تحكيلي وتقولي الصراحه..

راجي بتنهيده..بعدما رمقها متسائلا بعينيه أن يخبره..

فأومأت بايجاب لثقتها بعابد..

00:00 / 00:52

Copy video url

Play / Pause

Mute / Unmute

Report a problem

Language

Share

Vidverto Player

هحكيلك..يابني..

من 25عام…

كنت راجل غلبان.. علي قد حالي وعاوز اكون نفسي واتجوز ويبقالي بيت وعيال..

لفيت بلاد كتير ادور علي لقمه العيش هنا وهنا..

لحد ماحد ابن حلال دلني علي دوار الحاج راشد اليماني..راجل كباره كان راجل ولا كل الرجال..

راجل حكيم وعادل…من سوهاج..الراجل كان خيره كتير ومغرق الكبير والصغير..

روحت ورحب بيا وعاملني زين..

وارتحت قووي عندهم..

ومن هنا بقي ابتدت الحكايه..

الراجل ده كان متجوز بنت عمه فريده

وكان بيحبها حب كبير قوي ياولدي..

وخلف منها بنته ناديه..اللي هيا تبجي والده فريده..

بس يشاء القدر تحمل تاني وتموت وهي بتولد ابنها التاني ويموت ولدها التاني معاها..

حزن راشد كتير عليها سنتين مرت..

بس اياميها والده اليماني الكبير غصب عليه يتجوز بنت عمه التانيه..سعديه

اتجوزها وخلف منها بنتها سحر وولده سويلم..

بس كانت بنته ناديه عنده غاليه جوي عشان من ريحه مرته اللي لساته عم يعشقها..

بنت عمه اللي اتجوزها كانت مره سو..

.زرعت في جلب ولادها الاتنين الحقد والغل..لحد ماخلاتهم كرهو ناديه وعدوها..

ولان ناديه كانت كيف القمر زي امها الله يرحمها حبها ابن عمها مراد وعشقها..بس سحر كانت عينها علي مراد..

مراد كان حبيب عمه راشد وكان بيعده انو يبقي كبير العيله من بعده بعد ماظهر الحقد علي ابنه سويلم..ساعتها عرف انه مينفعش يبجي كبير ناسه..

هينشر الظلم والفساد..

اتجوزت ناديه من مراد وحملت في فريده بعد عذاب كبير وسنين من اللف هنا وهنا كان مراد طاير من الفرحه….

ومعاه كانت بتجيد نار سعديه

وبنتها سحر كانت عاوزه بنتها تتجوز مراد ياجل تكون مرت الكبير..

وجه يوم الولاده ولدت ناديه بنت كيف الجمر سموها علي اسم الغاليه ام ناديه..فريده..

فات اسبوع..والنجع كلاته بيدعي بالخير والبركه لراشد وحفيدته الغاليه اللي جت بعد سنين وابن اخوه مراد…

وفي ليله كانت قاسيه والمطر شديد جوي فاكره كيف انهارده..

كنت قاعد بالغرفه اللي بناها ليا الشيخ راشد..مداري من المطر..لمحت.ضل حد بيخرج بسرعه..

الفار لعب في قلبي كانت الساعه داخله علي نص الليل..

اتسحب وجريت وراه..لقيتهاسعديه…وبيدها لفه صغيره لفاها..فضلت ماشيه واني وراها..لحد ماوصلت لاخر النجع حته مقطوعه بينها وبين الجبل مفيش..

لمحتها وهي بترميها بغل عالارض..

وقتها معرفتش اتصرف وقفت مشلول معرفتش اتصرف وفجأه..

flash back..

سعديه وهي تستدير بحده له..

فكرك انك هتخوفني يااك وانت عم تتسحب اكده ورايا..

اني هخلص عليك اهنه ولا كأني حاجه حوصلت..

راجي..ايه ده لا احب علي يدك ياست سعديه اني مشوفتش حاجه..اؤمريني..

التمعت عينيها بخبث..

سعديه…يبجي تنفذ اللي هجولك عليه بالحرف..

راجي…أمرك ياست سعديه.. أمرك..

سعديه وهي تلف حوله كالشيطانه..

انت خابر بت مين دي واشارت لقطعه القماش الملفوفه بها..

راجي..ايوه خابر ياست سعديه دي فريده بنت ست ناديه..

سعديه..عفارم عليك..انت خابر اني لو سبتها اهنه هتموت وهترتاح..وهيعرفو انها ماتت..وهيحزنو يومين..وهينسوا والعجربه دي هتخلف تاني وتالث وهيتهنوا..

انما لع..اني عايزاها تعيش العمر كلاته محروج جلبها علي بتها..

راجي..ليه اكده ياست سعديه..دي طفله صغيره ايه ذنبها..

سعديه.بصراخ..اخرس..

انت هتسمع اللي،بجولك عليه..والا هخلص عليك اهنه..

راجي بخوف علي عمره…حاضر هسمع ياستنا..

سعديه.. ايوه اكده..

انت تاخد البت دي وتشوف افجر واحد في بلدكو وتديهاله…يربيها…يعلمها الشحاته..يعلمها السرجه..اي شئ….

راجي..بس يا..

سعديه مسرعه.. وهي تقرب المسدس من راسه..جولت ايه..

راجي..أمرك ياست سعديه..

سعديه..عفارم عليك..

back..

عابد..بصدمه..مش معقول..

راجي وهو يبتلع ريقه وينظر لفريده التي تستمع بصمت..

كان عبدالله ابن عمي اول واحد جه في بالي كانت مرته معوجه في الخلفه وحالته عدمانه ولاني عارف ان شريفه وعبدالله مفيش في حنيتهم جبتهالهم وبجت بنتهم رسمي استخرجولها شهاده ميلاد باسمها ولاني عارف غلاوه اسم فريده عنديهم خليته يسيبها باسمها فريده..

كان عايش بالمحله ولما حكيتله حكايتها صعبت عليه وانتقلنا كلياتنا اهنه المنصوره وفضلت اني حلقه الوصل بيناتهم..

عابد طب وليه..محاولتش تقول لجدها او ابوها..

راجي..بسخريه..حاولت كتير بس في كل مره كانت بتههدني بولادي..وخصوصا بعد مالحاج راشد أمر يبنيلي الاستراحه واتجوزت من هناك وخلفت كمان..

كانت طول الوقت بتهددني بيهم..

ولما فريده كبرت وحبت تدخل طب الشجاعه خدتها وقالت هروح لجدي واحكيله

وقتيها كان ابوها لساته موجود..بس يافرحه ماتمت..

كانت شريفه بعد سنين ربنا كرمها باكرم وياسمين..

اكرم وقتها كان بالاعداديه..

فجاه عمل حادثه وكان هيموت..

لجيت بتها سحر بتجولي جول لعبدالله قريبك..

دي قرصه ودن المره التانيه لو فكر يبعت فريده هيموت..

عابد نعم…دي عصابه..طب وعرفت منين..ان فريده ناويه تروح لاهلها..

راجي بخزي…سمعتني ياولدي واني بكلم فريده بالتليفون واوصفلها الطريق..

راجي..سامحيني يابتي سامحيني..أني جبني وخوفي هو اللي وصلوكي لاهنه.. حرمتك بيتك وعيشتك المرتاحه..بس لو مكنتش نفذت كانت سبتك للديابه كلتك ودي وليه معدومه الضمير والرحمه..

عابد..باصرار..انتي لازم ترجعي لاهلك يافريده..

أنا هروح لجدك بنفسي وأحكيله..

فريده..باصرار..لا..

عابد..بصدمه..لا ليه..دا حقك.. انتي بتفكري ازاي..

فريده..لا.. وانتهينا…يوم اما ارجع لاهلي ارجعلهم بعاري دا.. ازي كان أبويا اللي مربيني وعارفني صدقهم..

عاوزهم هما الصعايده يصدقوني دا مش بعيد يقتلوني..

عايزني أرجعلهم ياعابد..

وكدا واشارت لنفسها كدا..

لا والف لا..

لو عاوز تساعدني بجد…عاوزه ولادي..

وبس..

ارجوك ياعابد..عاوزه ولادي..

أنا استكفيت من الدنيا بحالها..لا عاوزه أهل ولا عيله

عاوزه ولادي وبس..

عابد.. بتنهيده ووجع علي حالها..

حاضر يافريده..حاضر..

أوعدك..

ــــــــــــــــــــــــــــــــــــ

ليلا..

ببيت أحمد..

ومع دعوات بقلب مكلوم وقلوب تعبت من الظلم..

ورب عادل أقسم بعزته وجلاله لانصرنكي ولو بعد حين..

كانت تجلس امام حاسوبها مغلقه علي حالها تنفذ كلامه كالمسحوره وكأنه رمي تعويذه ما عليها فاصبحت طوع بنانه..

فاصبحت تخلع ملابسها له قطعه وراء قطعه منغمسه فيما حرمه الله..

أمام ذئب كان تخصصه هي وفقط..

سلط عليها….وكانت هي فريسه سهله..

أمل…كالمسحوره..أنا بحبك اوي.ياعصام..

انا كدا بقيت مراتك صح…

عصام بخبث..طبعا ياقلبي امال الورقتين اللي كتبناهم دول ايه…طبعا مراتي..

بقولك ايه يااموله…هستناكي بكره في…زي مااتفقنا هااا..

امل بتردد..طب هتيجي تتقدملي امتا..

عصام..ياحبيبتي أنا بس شقتي اللي في مصر تجهز واجي لابوكي علطول..أنا بحبك اوي ياأمل..

أمل..بجد وانا بموت فيك..

عصام..طب ايه مش يالا بقي…وحشتيني جدا.

وغابا معا بملذات الحرام..

ـــــــــــــــــــــــــــــ

بدوار راشد..

تنزل الدرج بخيلاء كعادتهم وتجاورها اختها بعدما اتو صباحا تصطحبهم والدتهم كتله الشر المتحركه..

سعديه بسعاده..يأهلا ياهلا بالغالين ولاد الغاليه..

حمدالله علي سلامتكو…

سلوي..تيته وحشتيني جدا..والبلد كمان وحشتني..

سعديه..اهلا بمرت الغالي نورتي الدوار ياجلب ستك.

سمر.. بمياعه.. الله وانا ياتيته. موحشتكيش.

سعديه..وانتي ياجلب تيته..انتي..

اقتربت سحر ابنتها وشريكتها..روحو انتو يابنات وانا هكلم مع تيته واحصلكم..

ذهبا وتركاها..

سحر بلهفه..ها ياامه..ايه الاخبار..

سعديه..أخبار ايه يابت انتي جلتلك جبل سابق انسيها من دماغك استحاله هتهوب ناحيه الدوار ولا تفكر ترجع اهنه واصل من آخر مره..

سحر بانتصار..عفارم عليكي يامه..خليها اجده تموت بالبطئ علي بنتها..

سعديه..اخرسي اياكي تتحدتي في الموضوع ده تاني جلتلك انسيه..

وبعدين..ركزي شويه مع ولاد خيك..بنتك الخيبه لحد الان معرفاشي تربط كيان بحتت عيل..

سحر…بغيظ..اسكتي يامه متفكرنيش دا لولا اني قعداله ليل مع نهار في البيت هناك مكنشي بات معاها في اوضه وحده.. ولا في البيت من أساسه..

ولولا سويلم اخوي ضغط عليه مكنشي اتجوزها..

قلبه متعلق بالبت اياها بتاعت البندر…

سعديه..بغل….ياما جلت لسويلم متسبش ولدك لناديه ومراد يربوه ادي النتيجه..

طلعت دماغه كيف دماغهم..نسخه من اللي مايتسمي اللي اتجوزته.. أبوكي..

جوي وجلبه مهيعشقش غير واحده..

بنتك لازم تربطه بحتت عيل..

سحر.. بحسره.. يامه دا مدخلشي عليها تقولي تخلف منه..

خبطت سعديه علي صدرها…

يامرك يا سعديه…كيف ده يامخبله انتي..

خبط نبوته علي الارض من نبأتهم بهبوطه..

هبط الدرج..ناظرا لهم بتمعن..لا يطمأن لجمعتهم..

اقتربت سحر مسرعه منه تقبل يده..

سحر..كيفك يابوي اتوحشتك جوي..

االحاج راشد..اهلا يابتي اتمني تكوني المره دي جايه وناويه تجعدي في بيتك وتحلي عن بتك وجوزها..

سحر بغيظ..يابوي مانت خابر اني هناك عشان سمر لساته في الجامعه كيف راح سيبها مع الشباب لحالهم اكده..

راشد..واظن يابتي ان الاوان ترجعي بنتك خلاص خلصت جامعه..

سحر..يابوي بس..

راشد.. بحزم.. جفلي

هنتحدتو في الموضوع ده بعدين..

يالا عالفطور..

ــــــــــــــــــــــــــــــــــــ

علي الفطور..

بمجلس يشبه المجلس العربي..

علي الارض..حيث يفضل الجد تناول الطعام به..

لا يحبذ الجلوس علي تلك الاختراع الذي يسمونه هم بالسفره..

رغم تجديدهم الدوار فاأصبح يشبه القصور العريقه بأساسه المذهب..

ونقوشاته العصريه التي لا تخلو من التميز..

التف الجميع حول الطعام أحدهم يجلس

بحب وفخر.. وأحدهم بتأفف.. وقرف….

سحر بتأفف لاخيها الجالس بعمامته الصعيديه بعيون تقطر غلا وكرها.. لأبناء أخته المريضه..

أبوك هيخليه لاممنا عالارض لامتا..اومال اخترعو السفره لايه..

سويلم..بخبث..هانت يابت ابوي بجي رجل جوه ورجل بره..

وأمسك اني الكبير وهنغنغك يابت..ونخلص من الحوش اللي حوالينا دول..

سحر بغل..يسمع من بوجك ربنا..

نظرت له زوجته بتهكم لحاله..شبيه اخته..

زينب زوجه سويلم وصديقه ناديه الوحيده

أخت مراد زوج ناديه. رحمه الله.

امرأه طيبه القلب تعشق ناديه وأبنائها كأولادها..

اقتربت من ابنه أخيها وابن أخيها الجالسون بخجل كعادتهم منذ مرضت والدتهم..

تغرف لهم الطعام بحب..

زينب..كلوا ياجلب عمتكم …. عشان هاخدكم وننزلو مشوار بعد اذنك ياعمي..

راشد بحب لهم..اذنك معاكي يابتي..جولي للسواق ياخدكم وين مابدكم..

محمد..هتجيبلي ياعمتي الفسبه اللي جلتلك عليها..

الجد..لاع مفيش فسبه الا بعد الاعداديه يامحمد..لساتك اصغار ياولدي..عليها..

محمد..بحزن..أمرك ياجدي..

كيان..بضحك..فسبه مره واحده يامحمد وانت اتعلمت فين تركبها علي اكده..

محمد بسعاده..من عماد صاحبي يا كيان..

علي صراخ سلوي بحقد به..

انت يابهيم انت..كيان كدا حاف..

اسمه أبيه كيان انت عارف بينك وبينه كام سنه..ايه الارف دا..

كيان.. بصراخ.. سلوي…. انتي تخرسي خالص..

محمد وهو ينكمش بأخته.بتوتر..

التي نزلت دموعها بحزن علي أخيها وكرههم الواضح لهم بلا سبب..أنا أسف مقصدش..

سلمي..بتحدي وبصوت مرتفع..متعتذرش يامحمد انت مغلطش،بشي..

وان كان كلامنا بيزعجكم جوي اكده من اليوم مارح نتحدت مع حد منيكم..

همت واقفه وأمسكت بيد أخيها وسحبته معها.

.عن اذنك ياجدي شبعنا…..

الجد..بأمر..اجعدي ياسلمي كملي واكلك..انت وخيك..

لساتني ماموتش عشان حد يتعدي عليكم بكلمه ماسخه..

أني اهنه الكبير وبجولكم محمد وسلمي خط أحمر اللي يهنهم هاني ومن اهنه ورايح اللي يعلي صوته عليهم مطرود برا الدوار

كيان..بحب معلش يا محمد انت تجول كيف مابدك..

ولا تزعل نفسك.. حجك عليا

ونظر لسلوي نظره تعلمها جيدا..

كيان..اعتذري حالا..

سلوي بخوف وحقد…أسفه يامحمد..

جلست سلمي بعدما اعتذرت لاخيها جبرا.. ..تقلب طعامها بشرود..

لمحته هي ينظر لها بشرود ونظره متردده فاقتربت منه بميوعه..

فهدي. حبيبي.مبتكلش ليه..

فهد..هااا مانا بكل أهو..

رفعت نظرها ووقعت علي همسهم فرمقتها سمر بتحدي..فبادلتها بأخري ساخره..

كيان بهمس لها..أقسم بالله ياسلوي ماهعديهالك..

سلوي ببتوتر…أنا كان قصدي..يعني..

كيان..بسخريه..اه مكنش قصدك هتفضلي طول عمرك تغلطي وتقولي مكنش قصدي..

ياشيخه امتا أخلص منك بقي..

ــــــــــــــــــــــــــــــــــــــ

راجي..وهو يضع أخر طبق علي السفره..

يالا يافريده يابتي لقمه كدا علي ماقسم..ماكلتيشش

حاجه من امبارح..

فريده..مليش نفس ياعم راجي

راجي وهو يجلس بجانبها بحب..طب لو قلتلك عشان خاطر عمك راجي..

التفت له ولمعت دموع عينيها..علي وشك النزول…

وبخاطرها سؤالا واحدا.. خطر ببالها..

ان كان قلبها يحرقها علي فراق أبنائها من يوم واحد فكيف هي والدتها وقد شارفت علي عامها الخامس والعشرون بعيد عنها..

كيف هي والدتها وأشقائها..هي لا تريد شيئا سوي الاطمئنان عليهم..تعرف شكلهم..لربما التقتهم صدفه يوما..

فريده.. بتردد.. عم راجي..

راجي..ايوه ياغاليه..

فريده..أمي عامله ايه واخواتي..شكلهم ايه..

معاك صور ليهم..

هو انا يعني ينفع اشوفهم..

راجي ببساطه. وبسعاده لاول مره تسأل عنهم..

.استني اكده..واخرج هاتفه من جيبه..

راجي..بتعرفي في المدعوج ده..عليه صورهم اني خليت الواد ابني يصورهم عليه..لاجل ماخليكي تشوفيهم.. بيوم من الايام..

خدي اكده..

اخذت الهاتف منه وفتحته علي معرض الصور..

راجي..ايوه يابتي هي دي..امك..صورتها اهي..وهي دي اختك المحروسه سلمي..كيف القمر..شكلك..بالظبط..

ودا بقي محمد الصغير…

ودا ياستي جدك..لم تستطع اكمال المشاهده وأعطته الهاتف واه لو أكملت….

فريده بدموع…هي عامله ايه ياعم راجي احكيلي عنها…

راجي..هي مين يابتي..

فريده..أمي..

تنهد وحكي لها كل شئ وما تعانيه وما يعانوه وما حدث لوالدها..

فريده ببكاء…كل ده.. يارب بقي مكتوب عليا وعليهم الشقي والمرار العمر كله…

راجي..متقلقيش يابنتي الحاج راشد شايلهم بعينه..

يالا بقي ريحي قلبي وقوليلك لقمه..

فريده.. بدموع.. وبكاء حاد.. اكل ازاي ياعم راضي وانا مش عارفه ولادي

جعانين ولا شبعانين..والله ما قادره..يارب..ارحمني..

يااارب..

ــــــــــــــــــــــــــــــــ

أمل..ايه القرف دا ماكنتو سبتوها تاخدهم معاها..من صباحيه ربنا ذن زن ..

حاجه تقرف..

الام..لسليم الباكي..اخرس ياواد انت وكل

سليم.. ببكاء.. أنا عاوز ماما..

الام بغل..امك ماتت انساها..

أمل..خدي البت دي يأمه شكلها عملتها علي روحها..ايه القرف دا..

التفت الام وصرخت بالطفله سيليا الصغيره..

ايه القرف دا..انتي لسه بتعمليها علي روحك..

انكمشت الطفله وكتمت بكائها من شده الخوف..

الام..أنا هربيكم من اول وجديد..سخنيلي يأمل المعلقه..عشان تحرم تعملها تاني..

أمل بسعاده..عيوني ياامه..

سليم بخوف.. طفولي علي أخته.. ودموع. لا ياتيته خلاص مش هتعملها تاني..وبقهر طفولي..

خلاص والنبي..

وكأن الرحمه انعدمت من قلبها..واقتربت تنفذ ماعزمت عليه….ولكنها لم تحسب حساب لجري الطفله..ناحيه الدرج خوفا..الي ان…….

ــــــــــــــــــــــــــــــ

فريده..بوجع بصدرها…لعابد الذي أتي يطمئن عليها..

روح شوفهم ياعابد بالله عليك حاسه انهم بيصرخوا وانت عارف محدش هينجدهم..

محدش هيعرف عاوزين ايه..أرجوك ياعابد..

عابد..باصرار..فريده بصيلي وانسي شويه وفوقي..

احنا في مركب واحده دلوقت…

بصيلي ومش عاوزك تضعفي..دلوقت..

أنتي لازم تكملي سنه الامتياز اللي فضلالك عشان تقدري ترفعي قضيه وتكسبيها وتاخدي ولادك..

فريده..هو انا لسه هستني المحاكم ياعابد..دي فيها سنين..

عابد..بعزم..يبقي خلاص ماقدمناش غير حل واحد..

فريده..بلهفه..ايه هو ياعابد..

عابد..هنخطفهم يافريده..هخطفهم وتهربي من هنا..

فريده..ازاي..

عابد..متقلقيش أنا مخطط لكل حاجه..

عشان كدا..مش عاوزك ضعيفه..اللي جاي صعب..

ولازمله قلب قوي فهماني..

فريده..فاهمه.. وياليتها تعلم..وياليتها أصرت عليه الرحيــــل لرؤياهم..

ــــــــــــــــــــــــــــــــــــــــ

ياعيني لا تبكي ولا تنحبي..

رب العباد موجود..لا تحزني..

عالم بحالنا وما صابنا..

عالم بشوقنا وجروحنا.

.وكل اللي فات مكتوب..

كل اللي جاي موعود..

عائد أنا من الماضي..والجوده بالموجود.

راضي أنا يارب..راضي أنا بحالي..

راضي أنا يارب..

وطعم المرار مرافقني..دايما..

مرافقني.. كان حالــــي

والله كان حالـــــــــــــي..

قربني منهم يارب..واجمعنـــــي بالغالــــــي

رواية رحماك الحلقة السادسة

(بدايـــه ونهايـــــه)

_________

جرت الطفله ببطء باقدامها التي بدات جديداث بالسير.. خوفا من جدتها واخيها ورائها يحثها علي الجري..

ولكن قدمها لم تسعفها فتدحرجت للاسفل….

واخيها الباكي يصرخ بطفوله باسمها..تاره وبوالدته تاره….

سليم..سيليا…ماما..ياماما

كان الشيخ جارهم يمر من امام المنزل ذلك الشيخ الذي دافع

عن والدتهم أمس امام الجميع هو وزوجته..

وجد الطفله غارقه بدمائها..وأخيها يرتعش بجانبها وتلك المرأه التي انعدمت من قلبها الرحمه تصرخ بها..

الجده..قومي قامت قيامتك انتي هتمثلي..

هاتي يابت ياامل شويه بن اما نكتم الدم دا..

نظر الشيخ بصدمه.. لها..

عن اي بن تتحدث تلك..

الشيخ..لا حول الله ياربي….لا اله الا الله..

البت مبتنطقش..اوعي ياستي انتي اما نوديها المستشفي..

التم الجميع علي صوت المرأه العالي..والتف شباب الحي حولها..والمرأه تصر عليهم الا أحد يتدخل..

أخذها احدهم صديق عابد..

من يدها مسرعا صارخا بها

…اوعي يا جاحده منك لله..هاتي البت..

واقترب الاخر خاطفا الطفل الباكي..

محمد…صديق عابد..منك لله ياشيخه..

أنا هوديكي في داهيه وكلنا هنشهد ضدك..

انك انتي اللي وقعتي البت..البت قاطعه النفس..

هات ياعاصم سليم ويالا بينا عالمركز..

ارتعشت الجده بخوف..وتركتها يأخذوها..

خدوها في داهيه….

رمقها الشيخ بنظره مشمئزه هي وابنتها التي تقف بلا مبالاه تمضغ علكتها..

قائلا..يمهل ولا يهمل يام عابد داين تدان..

خلي بالك..

الجده بحده…جرا ايه ياشيخنا انت هتعيش الدور يالا برا.. اللي انت عاوزه أعمله..

أغلقت الباب بحده بوجوههم

وانطلق الشباب علي الطبيب القريب منهم…

الطبيب…البنت حالتها خطيره لازم مستشفي وحد يتبرع بالدم..بسرعه عالمستشفي المركزي..

وانا هاجي وراكم..

أخذها الشباب ومعهم صديق عابد الذي اتصل به فهرول وخلفه هي..تصرخ بلوعه..

ـــــــــــــــــــــــــــــــــــــــــــ

بعد ساعه كانت تقف امام غرفه العمليات

تحتضن طفلها الباكي المفزوع بأحضانها

يرتجف مما شاهده وعاناه

تبكي بصمت وقد أسندت جسدها للحائط

بعدما انهارت جالسه ارضا….

وأمامها هو ينظر لها بحقد وبجانبه والده الحزين علي حال أبنائه..

خرج عابد يترنح بتعب

فصيله الطفله لم تتوافق الا مع فصيلته..

.هو…

رمق ابيه بنظره لوم وجلس علي كرسي جلبه له اصدقائه.الذين اصطفوا حوله..برجوله..واخوه..

مناصرين له..

أغمض الاب عينه بحزن يفهم نظره ابنه الملتاعه..

ولكن هل يكذب عيناه..

خرج الطبيب أخيرا..

فهبت واقفه..

أرجوك طمني يادكتور بنتي جرالها ايه…

الطبيب..احمدي ربنا يابنتي..انكتبلها عمر جديد..

بس دي جريمه حسب ما حكالي الشباب

محاوله قتل ..وانا مضطر ابلغ البوليس..

عابد باصرار..أيوا يادكتور بلغ البوليس..

الاب..بحده..عابد انت اتجننت..

عابد بسخريه..ابقي اتجننت فعلا لو مبلغتش عنكو..

ذنبها ايه طفله صغيره يابابا…ذنبها ايه فريده وانت عارف شافت ايه مع ابنك الواطي

ورمقه باشمئزاز..

ثار احمد كعادته وامتدت يده

وهذه المره لم يواجهه أخيه..

بل شباب الحي جميعا…

خرج من تحت ايديهم…حطام….

وتركهم الطبيب بشماته بعدما رمق عابد الذي اتفق معه علي ذلك.. لهدف ما.. برأسه..

وغمزه وذهب..

فريده بخوف..عابد عاوزه اشوف بنتي..

عابد..بنتك هتبقي كويسه ان شاءالله..

الطبيب يسمح بس وتشوفيها…

فريده بامتنان..مش عارفه أشكرك ازاي لولاك كانت راحت بعد مارفض الخسيس يتبرعلها بدمه..

عابد..بمرار..أنا اديكو روحي يافريده..

وتبقي شويه عليكو..

فريده..بخجل..ربنا يخليك لينا ياعابد….

رمقها بحب..وبنفسه..

.أكمل..أنا اديكي روحي يافريده مش دمي بس.

ــــــــــــــــــــــــــــــــ

بعد يومين..بالمنصوره..

اطمأن عليهم راجي ورحل وبقلبه عزيمه انه سيخبرها وانتهي الامر…وليحدث ما يحدث….

ــــــــــــــــــــــ

توسدت أحضانه تتغني بكافه الوان العهر لكسب رضاءه غافله عن عيون اصطناعيه

زرعت بأركان الغرفه لتوقعها بالشرك.

.ولتنفذ مشيئه الله بأن ربك لبالمرصاد..

أمل…وهي ترتدي ثيابها بعدما انتهي منها..

أظن كدا بقي بقيت مراتك رسمي..امتا هتيجي بقي تتقدملي ياعصام..

عصام..بقرف..لم تلحظه هي..بقولك ايه ياامل مش كل شويه اللي نعيده نزيده مقولنا حاضر لما الشقه تخلص..

أمل..بخوف من حدته..ياحبيبي انا مقلتش حاجه أنا بس خايفه حد يشوفني معاك ويقول لبابا وانت عارف المشاكل اللي هتحصلي..

عصام بتهكم..انتي بتخافي ياأمل..مش معقول دانت يابنتي كان ابوكي وأخوكي في القسم وانتي هنا في حضني…مابلاش الشويتين دول..

ومتصدعنيش يالا شوفي هتروحي ازاي..

أمل..بتردد..طب..

صرخ بها…أااامل…يالا برا..مش عاوز صداع..

لملمت ثيابها وانطلقت مسرعه….

عصام..بقرف…..ال اتجوزها ال…

وأخرج هاتفه المتصل بتلك العدسه ليرسله لها…بانتصار..

أغلق الهاتف…..وأرجع جسده للخلف سارحا بتلك العيون البريئه التي التقاها بالامس..

مرددا اسمها بشرود…ياسميـــــــــن..

ـــــــــــــــــــــــــــــــــــــــــ

نزل الدرج باحثا بعينه عنها منذ ذلك الافطار اللعين وماحدث ولم يراها..بالتحديد منذ أتت سلوي وسمر..

لا يعلم لم عيناه تبحث عنها

قلبه يريدها امامه….

لمحها تجلس برفقه والدتها بتلك الشرفه…

لقد انتقلا منذ يومين بمبناهم الذي بناه والدهم لهم قبل وفاته..يجاور الدوار ويحاوطهم معا جدار واحدا

كان هذا المنزل ملكا لعائله والدهم..وقام والدها بترميمه علي الطريقه العصريه فأشبه المبنيان

بالناقد والنقيد..

بيت جده بعراقته وبيتهم بحداثته..اختارته عمته ناديه كل شئ به قطعه قطعه كما تحب…..هي..

ومنذ وفاه زوجها وهي تعيش معهم بالدوار

اذن ماذا حدث لينتقلا..هكذا..

ألان عمته سحر وبناتها

أجبرهم الجد علي الاستقرار بالبلده ام ماذا..

أفاقه نبوت الجد..

مالك ياولدي واجف شارد اكده ليه..

فهد بتوتر..هااا ابدا ياجدي ولا حاجه..

الجد بنظره خبيره…يعني مواجفش. تطل علي بت عمتك..

فهد..هااا لا ياجدي بس اصلي استغربت يعني..انهم رجعوا البيت بتاعهم..

الجد…الطبيب هو اللي امر باكده ياولدي..اللي جابو كيان ليها من البندر..جال رجعوها بيتها وذكرياتها يمكن دا يساعدها بانها تخرج من عزلتها….

وبعدين سلمي ومحمد كانو من فتره بيلحو بالرجوع لبيتهم واني اللي رفضت….

اقتربت هي بميوعه منهم..

صباح الخير ياجدي..

صباح الخير يافهدي..

رمقها الجد باشمئزاز من منظرها ولم يتحدث واتجه للخارج.. مستغفرا بسره..

فهد بعدما رفع نظره لمكانها يخشي أن تراهم معا هكذا..

ولكنه وجدها تنظر له بتهكم وقرف واضح..

دفع يدها بحده صارخا بها..

قولتلك ميت مره احترمي نفسك قدام جدي ايه المياعه دي..

سمر..الله مالك يافهدي بس..اخص عليك..بتزعقلي..

نطر يدها واتجه للخارج..

لا يعلم لما بات قلبه اللعين يدق خوفا لرؤيتها له مع تلك السمر…

لا يعلم أبدا..

ـــــــــــــــــــــــــــــــــــــــــــــــــــ

ليلا….

بالمجلس العرفي التي أعده الشيخ وكبار البلده..

والذي حكم به بطلاق فريده وأعطائها ابنائها… لتتنازل عن شكواها ضدهم..

يجلس الشيخ وبجواره مأذون البلده…وعابد واحمد..

المأذون..ارمي عليها اليمين يابني..

أحمد بحقد… وتوعد .انتي طالق..

فريده..بحده..طلقني طلقه بائنه..

أحمد..لا..مش هطلق غير طلقه واحده..

المأذون…بلاش يابنتي يمكن الامور تتصلح في يوم وترجعو..

عابد..هطلق يااحمد ولا مفيش تنازل عن المحضر ونتقابل في المحكمه..

بغل..هطلق..

انتهت الاجراءات..ووقعوا عليها..

فريده..أنا هتنازل عن القيمه والمهر والمؤخر ومش عاوزه نفقه..بس يمضيلي تنازل رسمي عن الاولاد..

أحمد..بقرف..خديهم مش عاوزهم…..

مش عاوز من ريحتك حاجه..وابقي وريني هتصرفي عليهم منين..

فريده..بتهكم وحزن..ليهم رب هيرزقهم متقلقش انت

ونزلت دمعه خائنه من عينيها…

هو محق..ولكنها علي ثقه أن مع كل نهايه بدايه جديده..

رفعت نظرها وجدتها يبتسم لها بطمأنينه ان لا بأس انا معك..

اطمأن قلبها لنظرته..هو هنا..لطالما كان هنا..عابد ومن غيره

انتهت الجلسه…..

وانتهت امانيها وانطفأت شمعتها…وحازت بلقب مطلقه..وهل تنتهي مآسيها..

ــــــــــــــــــــــــــــــــــــــــــ

اقتربت بقميصها الذي يكشف اكتر ما يستر….

تقترب منه وهو منكب علي حاسوبه في محاوله منها لاغرائه كالعاده..علها تنجح بمره..

شعر بيدها الملتفه حول عنقه واشتم عبيرها الذي يكرهه….يخنقه..يشعره دائما بالقئ..

ازاحها بعنف..

كيان..ايه القرف دا..قولتلك ميت مره متحاوليش..

سلوي بغيظ..لامتا انا مراتك ودا حقي..

اقترب منها هامسا بكرهه…انتي عارفه اني مش عاوزك.. ومع ذلك استمريتي في خططك وخليتي بابا يجبرني عالجواز..

اعترفتلك وقولتلك بحبها..ملكيش مكان في حياتي..اتسحبتي وادحلبتي زي الحيه

لحد ماقدرتي توصليلها وتقوليلها انك مراتي….

سلوي..بحده..عشان بحبك..عملت كده ولا كنت عاوزني اسيبك ليها..انت ابن خالي وانا اولي بيك..

وبعدين مانا كنت فعلا مراتك..انا مكدبتش..

كيان..كتب كتاب بس وانتي بنفسك وافقتي عالانفصال وقولتي ربنا يوفقك..

انتي ايه ياشيخه..

سلوي بتهكم..طب وانت بقي مفهمتهاش

ليه انه كتب كتاب بس..

ومتجوزتهاش ليه..وراحت فين ست الحسن والجمال..

كيان…… بشرود..

راحت زي ماكل حاجه حلوه راحت من بعدها..

وخرج من الغرفه لوجهه تذكره بها..

وتركها واقفه يتآكلها الغيظ..

ـــــــــــــــــــــــــــــــــــــــ

رأته يتسلل لمنزل ناديه…فتسلل القلق لقلبها..

هل سيخبرها شيئا..لن تتركه..

ستقتله ان لزم الامر..

صعدت ورائه…. ولحسن حظها لم يكن أحد بالمنزل..

فسلمي ومحمد للان بفرح احدي صديقات سلمي ومعهم عمتهم زينب..

صعد راجي….. لغرفه ناديه.

ففزعت هي .ورمقته بتوتر..

راجي.. اهدي ياست ناديه..

أني راجي.. ياست ناديه متخافيش…..

جايلك في موضوع..مهم اسمعيني..قبل ماحد ياجي..

اقترب مسرعا..منها..

واخبرها بعجاله..بما يخفيه عنها…..

ارتعشت حدقتاها بصدمه..

ودموعها أغرقت عينيها..

…وتحرك لسانها…بكلمه..بنتي..

فريده…

راجي..بسعاده..أيوا ياست ناديه..هي بعينها..

ناديه.. بفرحه…

.بجد..انت بتتكلم جد..بنتي عايشه.

.هي فين وديني ليها بسرعه…… والنبي ياراجي وديني ليها..

ارتعشت حدقتاها.. وهي تستمع لحديثه معها…

وعلمت أن الامر انكشف

وأنها الان لابد.وان تفعل ما كان يجب أن تفعله من سنين..

لقد جنوا علي أنفسهم…

ضحكت بشيطنه وظهر ماردها الماجن بجسدها يملي عليها ما ستفعله وكيف ستفعله….

خرجت مسرعه تنتظره حتي ينزل الدرج…

ناديه…بعدما انتهي من قص الحقيقه عليها..

ناديه بصدمه..ودموع..بنتي كدا في خطر

مش لازم تظهر دلوقت..

لازم تفضل بعيد..

سعديه دي شيطانه هيموتوها..

لازم تفضل بعيد..

اسمعني ياراجي..

اتصل بعابد دا دلوقت..

وقوله اللي هقولك عليه…

بالفعل اخرج هاتفه وحادث عابد..

واملي عليه ماقالته بالحرف…..

انتهت المكالمه..ولحظها..ان تلك الافعي لم تسمع فحواها..

ناديه…..مسرعه..وهي تهم بفتح خزانتها وتخرج منه متعلقاتها وممتلكاتها..وبحقيبه..صغيره وضعتهم بها ستغادر هنا والي الابد هي وأبنائها….

أنهت ما بدأته..والتفت تستشعر بأن هناك شيئا سيحدث.. قلبها يخبرها بذلك..

راجي..تعالي معايا….

سحبته..لمخرج لا يعلم به الاها هي وزوجها… يطل علي الشارع الخلفي..

ناديه..

امسك ياراجي…

ادي الحاجات دي لفريده وقولها لو الوشوش

اتقابلت وقدرت أوصلها وأملي عيني منها هيبقي سعدي وهنايا..

ولو ماتقبلناش والروح طلعت..للي خالقها..

قولها أخواتك امانه في رقبتك..

راجي بحزن..ليه بتقولي كده ياست ناديه هتتقابلو وهتتهنوا ان شاءالله..

ناديه بصرامه..اسمع اللي بجولك عليه ياراجي..انت هتمشي من هنا وحالا..دا كل ماأملك..

أنا وأبوها..

الناس اللي هتروحلهم..هيعلموها تبقي قويه وتعتمد علي روحها..

لو انكتبلي عمر هحصلكم قريب…لو مانكتبش ليا عمر..

قول لفريده اخواتك امانتك..

حافظي عليهم وقولها اوعي تدوري عالانتقام

ولا تنتقمي سيبيها لرب العباد.. قولها عيشي حياتك انتي واخواتك…خليها تخدهم بعيد عن هنا…

عن الغل والحقد…قولها أخواتك امانه أبوكي وامك..

حافظي عليهم..

راجي..انتي طيبه اوي ياست ناديه..

ناديه..بمراره…انا مصدقت لقيتها ياعم راجي.

.عاوزه أعوضها مااغرسهاش في الوحل والانتقام..

قولها…اخواتك امانتك..روح ياراجي..روح بسرعه.

ومتلتفتش وراك..

جري راجي باتجاه الخروج واتجه …مهرولا…لطريق..

كتبت علي بدايته…ظلما جديدا..

فهل سيصل…

ام سينتهي قبل بدايته…

ـــــــــــــــــــــــــ

نفارق ناس..

ونتقابل بناس…

تنتهي حكايه..وتبدأ حكايه…

نفتكر اد ايه كانت صعبه النهايه..

نبكي…ونضحك….نفتكر ونسرح..

يمكن نتقابل في يوم وتجمعنا بدايه..

تتفاجأ بيا.. وأتفاجئ.. أنا بجمعتنا ولقانا..

وأد ايه كنت انا عالبعد مش قادر…

ترحل همومنا..وتبدا من تاني أحلي حكايه…

رواية رحماك الحلقة السابعة

(العشــــــــــــق مرار)

صعدت الدرج..مسرعه تبحث بعينيها الجاحظه

كالشيطان.. عنه.. ستقتله وتقتلها وترتاح والي الابد..

لقد تأخر..

صدمت ناديه من منظرها وعيناها الجاحظه..

تلك المرأه شيطان متنكر لطالما خافت منها…تعلم بطقوسها الشيطانيه وتلك الغرفه السريه التي رأتها يوما وهي تتسلل خلفها…

تلك الغرفه التي بأسفل الدوار..يطلقون عليها غرفه الكراكيب..

وهي غرفه لافعالها الشيطانيه…وطقوسها الخرافيه..

ناديه..وهي تبتلع ريقها..انتي..

عاوزه ايه..

سعديه..بقهقه..والله طلعلك صوت يابت المحروجه..انتي..

اقتربت كالافاعي. منها تدور خلفها حتي أصاب ناديه الدوار وعلمت أنها النهايه..

..يكونشي فرحتي لما عرفتي

ان بتك لساتها عايشه..

ناديه. بتوهان..

.انتي السبب في كل دا..

انا عرفت كل حاجه… ليه أنا عملت فيكي ايه..

دانا طول عمري عايشه معزوله عنكو في حالي…

حراام عليكي..

تفتكري لما الحاج يعرف هيكون مصيرك ايه..

انا هقول لبحاج كل حاجه..

سعديه..بضحكه وقد جحظ شيطانها وتكلم بدلا عنها فارتعشت ناديه بخوف..

سعديه بصوت جاحظ. مش لما تخرجي من اهنه الاول..

.ايه خايفه من صوتي…

وكانك مشيفاميش قبل سابج زعارفه اني ايه…

اني عملك الرضي…

اني اللي هخلي فرحتك ماتكملش..

اني هحرج جلب بتك عليكي

زي ماحرجت جلبك عليها السنين اللي فاتت..

لايمكن أخليكو تجتمعوا ابدا…

لا يمكن..

أمك زمان حرجت جلبي واتجوزت بوكي..

واني كنت هعشجه..عملت كافه شئ ممكن تخليه يعشجني أني بدالها…

لكن لع..معرفتش..سحر وعملت..وقرابين للسحره وقدمت…بعت نفسي للشيطان وبجيت اني الساحر وبرديك منفعش..

جسم بوكي جامد مايمسوش اذي..

ومابيدخلوش سحر بس امك كانت ضعيفه جووي ومستحملتش شويه سحر صغيرين..وماتت..واتجوزت بوكي وبرده معشقنيش كيف ماعشقها..

عشقك انتي بدالها…

حتي بتي اللي كانت بتعشج مراد…خطفتيه انتي منيها وكان الظمن بيعيد نفسه..

ومراد يعشجك كيف مابوكي عشق أمك..

سحرتلك سنين بجله الخلفه..لحد ما روحتي اعتمرتي وانجلع السحر منك…وخلفتي..بتك اللي غلطتي لما وافجتي علي اسم فريده..

أني وفريده..مهنتجتمعش ابدا بدوار واحد..

حتي لو كان اسم بس…

كان لازم أحرق جلبك عليها…

أني اللي خطفت بتك واني اللي جتلت جوزك..

وضحكه بشيطنه…واني اللي هجتلك..وهخلص علي سلسالك..كلياته كبار وصغار…

وعلت ضحكاتها.. وازداد دوار ناديه وانسالت دموع عينيها…

.وارتفعت يد الغدر وحطت بقلب نااديه..

شهقت ناديه…

شهقه الوداع هامسه باسم ابنتها…..

فريـــــــده…..

ورحلت والي الابـــــــــــــد..

(ياراحلون عن الدنيا طبتم وطاب ذكراكم…

سلام منا ومن أحبائنا…حتي يأتي يوما ونلقاكم..)

ـــــــــــــــــــــــــــــــــ

أفاقت من نوبتها ونظرت لها وجدتها

فارقت الحياه بعيون جاحظه.. انسالت من جانبيها الدموع…

دمائها أغرقت يدها…

اقتربت مسرعه وبقلب بارد..

وانتشلت السكينه بلا رحمه…وخبأتها بثيابها…

وكأنها اعتادت…..

نظرت لها نظره أخيره…هامسه…

ابجي سلميلي علي المحروسه امك…

وجوزك…في الجنه ونعيمها….وضحكت بغل..

ــــــــــــــــــــــــــــــــــــ

يالا يافريده شهلي شويه..

فريده…بغصه بقلبها…لا تعلم مصدرها…

هنروح فين بس ياعابد..قولي الله يرضي عليك..

أنا معندتش متحمله مفاجات تاني..

والولاد كمان تعبوا….

عابد…هنروح مكان كان لازم تبقي فيه من زمان..يالا بس…. انتي بتثقي فيا..

فريده..طبعا بثق فيك..

عابد..طب يالا عشان الطريق طويـل..

ـــــــــــــــــــــــــــــــــــــــ

صعدت الدرج هي وأخيها… فرحين..

يتغنون بتلك الاغاني التي استمعوا

لها بالفرح.

بعد سهره جميلة قضوها بالخارج

بفرح صديقتها…

محمد…الفرح كان واعر جوي..

سلمي..العروسه كانت كيف الجمر…والله..

وقف محمد بصدمه.

وعيون جاحظه..

وجسد تخشب بمكانه..

.بعدما لاحظ والدته غارقه بدمائها…

نطق لسانه بأليه..

ماما..

سلمي بعدما نظرت لما ينظر له…

.. بصراخ…مااااااما

صراخ وصراخ…والتم الجميع…علي صراخهم..

ووقع الجد مغشيا عليه..في الحال….

لم يصدق ما رآه بعينينه..

ابنته..ربيبته ونور عينيه…بنفس مكان زوجها من سنوات..

غارقه بدمائها….مثلما وجدوه…هو..

ـــــــــــــــــــــــــــــــــــــــ

وصل راجي…..

وحكي للرجل العجوز الذي استقبله بحفاوه حينما علم مرسل من هو..

مرسال انقطع منذ سنوات..منذ رحل مراد…ربيبه…

مراد..ابن صديقه الغالي… كان علي الراوي من البدو الرحاله يعيش بالجنوب..

الي ان التقي بوالد مراد عبدالرحمن…وأشتركا معا بتجاره الماشيه استقر علي بعدما ربحت التجاره وأنشأ معا تلك المزرعه..بدأت صغيره وانتهت هكذا بقطعه من الجنه…تسر الناظرين…

تجمع البساطه والرقي معا…

استمرت تجارتهم في الخفاء ومات عبدالرحمن واستلمها ابنه مراد الذي سار علي نهج والده ولم يخبر بها احدا…الا زوجته وعشقه ناديه..

كانت ناديه زوجته تعشق البساطه وهؤلاء البدو الطيبين وتعشق عشرتهم ومجالستهم جميع من بالمزرعه يحبونها كبارا وصغارا انقطعت أخبارهم بعدما طالت مراد يد الغدر والخسه…

ساعد مراد كثيرا بالبحث عن ابنته وللاسف لم يجدوها…بمكان..

علي الراوي..معجول ده ياراجي اللي بتقوله..

راجي…الست ناديه بتجولك بتي امانتك…

وولادي بامانتك..وجالتلي اجولك…

فريده ضعيفه…زي ماناكنت ضعيفه…خليها تجوي..

ولو ماجتش بنفسها ابعت خد ولادها بطريجتك..

خليهم تحت عينك لحد مايجوا وعضمهم ينشف ويجدرو يواجهو..

الراوي بثقه..

طمنها وجولها الراوي وعدك..يام فريده ومهيخلفش وعده ابدا..

فريده وولادها واخواتها بأمانتي ليوم الدين..

ـــــــــــــــــــــــ

بضع ساعات ووصل عابد ومعه فريده…

بعد عناء من طول الرحله..

فريده.. بانبهار..

.الله ايه الجمال دا..احنا فين ياعابد..

عابد بابتسامه لرؤيتها سعيده..مبتسمه.

..انتي في ملكك يافريده..

فريده باستغراب..ملكي..ازاي..؟

صدح صوتا من ورائها…مسرورا..

مرحبا بها.. يملي عينه من رؤيتها…

ازاي دي فوتيها علي ياغاليه يابت الغالين…

انتي اهنه في الجنوب…

بلدك التاني..كل شئ اهنه ملكك….وبين ايديكي

فريده.بخوف.. لذلك الرجل الصلب رغم وجهه الذي غزي الشيب لحيته…

وظهره المحني متكأ علي عكازا بهيئه ثعبان فاتحا فاهه..جعلت سيليا تنكمش بأحضانها خوفا..

رددت….ملكي..

أيوه يابتي….ملكك..فوتي..

اقتربت المرأه العجوز.. يبدو زوجته..

ولكنها أصبي منه قليلا..

ترحب..بها….بحفاوه…بملابس تراثيه جميله لطالما ودت رؤيتها وارتدائها يوما…

ياااا كني شايفه جدتك فريده جدامي كانت شكلك بالظبط..

سبحان الله…..

يادي النور..اللي هل علينا تعي ياغاليه..

نورتينا..

استشعر الراوي خوفها…

فنظر لها ومد يده لها بمحبه..

جربي يافريده..يابتي….

انتي اهنه بأمان..

قربها عابد..له..هامسا..متخافيش….

انتي هنا في أمن مكان في الدنيا…

نظرت له فطمأنها بعينه..

اطمأنت ووضعت يدها بيده…

وسحبها الرجل خلفه.. للداخل…

قصرا عريقا كقصور الاحلام..

وأهلا طيبون وعالم أخر… بمزرعه بوسط الصحراء..بالجنوب..

شمسا ساطعه وخضره غناء..

وخيولا كثيره تجري هنا وهنا..

وأناس في حركه مستمره..بثياب الجنوب….

جنوب اهل سيناء..

مزرعه قطعه من الجنه….

جلست بانبهار…تتطلع لتلك الوجوه التي تشع براءه..وطيبه..

وفوجأت براجي….

.وعلمت انها علي وشك رحله جديده..

بدايه جديده…ستري والدتها واخوتها واخيرا…

ولكن لما تشعر ان قلبها يؤلمها…

مرت ساعات وساعات..هنا..

أخبرها راجي ب رساله والدتها…..

وأخذت منه أمانتها وكم فرحت بقرب اللقاء…

وعلمت أن هذا المكان شيده والدها مع ذلك الرجل الودود منذ سنين لا يعلم عنه غير والداتها وهم فقط.. حتي جدها راشد لا يعلمه……

وكم استمتعت بحكاوي ذلك الرجل عن أبيها. وجدها لابيها المغوار….

تمنت لو لقته يوما..وكم تمنت وكم تمنت…..

ــــــــــــــــــــــــ

ليلا… بعدما ارتاحو من تعب السفر

اتجه عابد لها بتوتر وخوف من الفراق..

كانت تجلس بالخارج..علي أريكه تتطلع لذلك الجمع الجميل حول نارا شيدوها ويجلسون حولها يتراقصون ويتغنون ببراعه وسعاده واولادها السعيده بذلك الجمع الذي يروه لاول مره..

سحرا وجمالا تراه لاول مره بحياتها…

اقترب وجلس بجانب ألاطفال الضاحكون بسعاده يصقفون بأيديهم مع الاغاني…

عابد…أول مره اشوفكو مبسوطين كدا..

فريده..فعلا…حاسه اني مبسوطه اوي..من زمان ما انبسطتش كدا..

الجو هنا تحفه…والوشوش الطيبه دي بتريح القلب..

عابد…بحب..ربنا يسعد ايامك يافريده..

فريده..أنا..عاوزك تقوي..تمد ايدك وتاخدي نصيبك من الدنيا متستسلميش للوجع متضعفيش..عاوزك تكملي تعليمك متوقفيهوش..

فريده..عندك حق..أنا عاوزه ارجع فريده بتاع زمان..

عابد..انا كلمت الشيخ علي هيخلصلك موضوع الجامعه انتي اساسا المفروض تكوني في السنه الامتياز هو له علاقات هيخلصهالك وهتبقي جنبه بالمشفي القريبه…عاوز اسمع عنك كل خير يافريده..

فريده..بتوتر..هو انا ليه حاسه امك بتودعني..

عابد بمرار..وقد عقد النيه وانتهي الامر سيرحل من البلاد والي الابد..

لم يعد له مكانا هنا…من كان يجبر نفسه علي البقاء بجوارها ليحميها من بطش والدته وتخيه اصبحت بأمان سيرحل والي الابد..

ابتلع مرارته بحلقه واقترب يخطف قبلات كثيره وكثيره من أبناء اخيه…يشبع نفسه من رائحتهم التي تشبه رائحتها هي…

استجمع قواه…اخيرا..

عابد..فريده أنا لازم ارجع دلوقت..

ارتعش قلبها بخوف..

هو امانها الوحيد هنا..مهما كان هم

مازالوا غريبون عنها….

خافت وتلبكت بعدما وجدت راجي هو الاخر سيرافقه..ويتركوها هنا…..

فريده.. بدموع.. عابد أنا خايفه.. انتو هتسيبوني هنا وتمشوا..

عابد بابتسامه مطمئنه لها..

ودموع مكبوته.. ابتسامه تحمل بطياتها معني الفراق..

عابد. فريده… أنا حطيتك علي أول الطريق… يا تكوني قده.. وتقوي وتعرفي تاخدي حقك..

يااما هاتي ايدك ويالا معايا..

وساعتها هتفضلي فريده الضعيفه

اللي انا نفسي متمناش أشوفها..

ارتجفت يدها ومر شريط ذكرياتها الاليمه المريره أمام أعينها..

رفعت نظرها.. ونظرت حولها ولمحت تلك الوشوش.. حولها ينظرون لها بطيبه.. بابتسامه.. محبه افتقدتها منذ زمن..

أمسك يدها المرتجفه بيديه.. يبث بها الطمأنينه يودعها…

عابد بابتسامه.. هتبقي أقوي.. صدقيني..

هفضل مستني اليوم اللي تيجيلي فيه

وتشكريني وساعتها هضحك وأفكرك..

بخوفك دا ورجفتك..

ابتسمت بمراره.. وغصه.. .. سألته..

تفتكر..

عابد.. باصرار… هفضل جمبك دايما وقت ماتقولي ياعابد..

هتلاقيني في ظهرك..

والتف يكتم مراره فراقها بقلبه كما كتمها منذ سنوات..

منذ حطت عينه عليها وأبصرها وتمناها له…

لولا عين الغدر التي حطت عليها

وانتشلتها منه حقدا وكرها… أخيه..

flash back…

كان جالسا يحكي لصديقه محمد عليها..عن جمالها وحسنها…غافلا عن اعين تتلصص عليه من وراء مكتبه…

وأذننا تستمع بخبث.

عابد…بحبها اوي يامحمد..اه بس لو ترضي بيا..

محمد..طب وانت مستني ايه..متتقدملها..انت راجل ملو هدومك ومش ناقصك حاجه..

عابد…ان شاءالله اول ماالحاج يجي من السفر هفاتحه في الموضوع..

محمد..ربنا يجعلها من نصيبك ياصاحبي…

بعد يومين بعدما أتي والده علي مائده الطعام..

احمد بلهفه…وعيون ماكره…

بابا انا عاوز اتجوز..

سليم… بسعاده تتجوز مين….

احمد بخبث وهو يرمق عابد..المستغرب لنظراته..

عاوز اتجوز فريده بنت عم عبدالله…

وقعت المعلقه من يده ونظر بوجع لاخيه الشامت به..

وعلم أنه وكالعاده مكيده منه..

ابتلع غصته وبدأت المناورات والمشاورات وكالعاده امام الحاحه انصتت والداته..

اندفع للخارج وانتهت أماله ودفن عشقه لها والي الابد…

back..

انتبه لنظرتها..واستودعها الله…ورحل بقلبه غصه يبتلعها كلما نظر لعينها..

فريده… والي لقاء قد يكون قريبا او يطول والي الابد..

واه من لوعه العشق ومن مر الفراق..

رحل عابد..ورحل فصلا من حياتها…

اقترب الشيخ الحكيم منها بعدما لاحظ دموعها وغصتها وخوفها الظاهر…منها

حطت يده علي كتفها بمحبه..

ذلك الرجل البشوش

علي الراوي…بالسبعين من عمره بعمر جدها كما يخبرها..

سألها بتريث.. .خايفه..؟

فريده. ببراءه…أووي..اووي..

علي الراوي..بطمأنينه.. .مد يده لها.

طب .هاتي يدك بيد جدك العجوز ده…واني هخلي جلبك كيف الحديد..

فريده..بتردد..بجد هبقي قويه..

العجوز بطيبه..كيف الجبل ده.. واشار للبعيد..

فريده..بعدما لمعت ذكري أخري برأسها ووعدا

أخر بمكان أخر… تناست يده الممدوده..

فلمح الرجل شرودها…وفهم تخبطاتها….

ونظراتها العاشقه..

فضحك بمكر..فانتبهت لضحكته الماكره..

فاخبرها.. بهدوء..

عشقانه يابت مراد……

فريده.. بخجل..

هااا..

ضحك واصطحبها من يدها..باتجاه الجمع..البعيد…

وامر الحارس بجلب الاطفال معه..

تعالي نشاركهم جمعتهم هتنبسطي اوي..

جلسا قريبون منهم قليلا..

نظر لها قائلا..

عارفه يابت مراد. اني دايما كنت اجول لابوكي….العشق لعنه وحطت عليكو..

ياما جلت لابوكي وجدك..العشج مرار محدش صدقني..

فريده…وعرفت منين بقي..ان العشق مرار

شكلك عاشق ياجدي..

ضحك الجد والتمعت عينه وهو يراها تقترب بهدوء بطلتها البدويه التي يعشقها..

ووضع يده علي قلبه شاردا بها…

جوي..جوي..يابتي..

عشجتها..واجتلعتها من جدورها…وزرعتها اهنه بجلبي..

زرعتها ورويتها بحبي…

انتبهت فريده لنظرته العاشقه لتلك التي تبتسم بسعاده مقتربه منهم..

فريده…بانبهار..الخاله سليمه…

اقتربت منهم هي وجلست بجانب حضرته..

بسعاده وكانها كانت تعلم بان حديثه عنها هي… وهمست سليمه.. بهمس سمعته بوضوح..

عيون سليمه…..

ــــــــــــــــــــــــــــــــــــــــ

العشق مرار..

سهاد وسهر..وروح منقوله من دوار لدوار..

العشق لوعه وروح حيرانه..

.تهمس باسمه ليل ونهار..

تنام مرتاح…تقوم حيران..

قلوب حساك..قلوب فهماك..

قلوب بالعشق..تبليك..

تحرسك ومن الدنيا تحميك…

تصون عهدك…ومهما يطول البعد..

مايملاش قلبه غير معاليك

رواية رحماك الحلقة الثامنة

(عشــــــــاق) ١

بعد 6شهور..

علي وقع خطوات الخيول المنمقه.. الراقصه…..وتنافس الفرسان….

بمزرعه الاحلام والامنيات…..بمدينه العشق الفاضله..

كل من عليها عاشقون…

يتغنون..بليله غناء كلياليهم معا…

صاحت حنجرته… هو..الفارس العاشق..

أم العيون مكحله..مرت علي ربعنا..

شبه الورود ياهلا..لو كان بتسكن جنبنا..

سحبتها أختها سلمي بسعاده تتراقصان معا..

علي نغمات البدو وأغانيهم

التي عشقوها….

واقترب محمد بحصانه الاسود يتراقص به..

وصوته يشدو ويشدو وعينيه عليها…

ساجـــــــــده..

كيف الغزال بمشيتها..تمشي علي خطوتها..

الله علي بسمتها…بسمه تداوي جرحنا…

أم العيون..مكحله..شبه الورود ياهلا..

اقترب عدنان الذي يشدو بحنجرته من ساجده..

يتغني بعيونها…

يشهد الكون علي عشقه لها..

اختبأت هي بفريده الضاحكه بسعاده علي عشقهم الفاضح..

تصفق بيديها وتضحك من خلف

اليشمك البدوي وجلبابها..ذات الالوان المبهجه

لقد أغدقتهم سليمه بالعديد منه… وكم أحبو ارتدائه

بتلك التجمعات الليليه..

تشبه ورود الندي..ماكيف عيونها حدي..

ياريت قلبي تسعده..ابنظره تجدد فرحنا…

الله عليها صغيره..هواها جلبي حيره..

وعاااه الليل وسهره…ياريت بتسهر زينا…

ام العيون مكحله

ساجده..وااه يادكتوره..شفتي جليل الحيا كيف عم يتغزل..بعيوني…

سحبت فريده اختها بجوارها ونظرا لبعضهم بخبث علي ساجده…

وانفجرا ضاحكين من وجهها التي يشع وهجا كالنار التي يلتفون حولها…

ساجده…عم تتمسخرو علي…

انفجرا ضاحكين أقوي…وأقوي..

اقترب عدنان..ماسكا..بقلبه..منهم…بعدما لمح

خجلها..

عدنان..احكولها ان الجلب مال…والشوق اضناني..

جولوها..تتغني بالموال…وترأف بحالي..

عاشج انا ياناس…

وعشجك ياساجده كيف النخل ده عالي…

فريده…ياسيدي ياسيدي..ماتخف ياعم عدنان….

البت بتتكسف..

عدنان..بهياام..

جلبي احترق..صوتي انخلع….وبعشجك..

قلبي انحرق

ساجده..لفريده…ياوجعه مطينه..بوي لو لمحني..هيقطع خبري..

جوليله يمشي يافريده..

ضرب بنوبته…علي الارض..

الراوي.. وااه ياعدنان..جلتلك مالكش صالح بساجده…

عدنان..بهياام…رايدها تكون حلالي…ليش ماعم يرضي بيا بوها…وبالاصل يكون خالي..

الراوي…بابتسامه…عاشق ياعدنان..

عدنان..جوي..جوي..ياشيخنا..

الرواي..همل البنيه..وعود لحالك لساتها صغار

عدنان بتنهيده..صابر وراضي..راضي ياساجده بانتظارك ولو ضاع عمري بعشجك الغالي..

عدنان…30سنه..فارس بقبيله الراوي..رجل المهام التجيله زي مابيجوله الراوي..

بيتغني بالمواويل…عاشق للخيل..وتروديهم..

عاشق ولهان…

ساجده..بنت خاله وهدان..بيعشجها..عشج نار..ومابيفوت ليله الا وبعشجها بيتغني.. عالربابه

حولين النار..

18سنه…وحيده أبوها….بيغار عليها من عدنان..

ورغم ان القبيله بيتجوزو صغار الا انه رافض يجوزها لابن اخته اللي عارف انه بيعشقها..

وهي بتعشقه.. بس تحكمات وخلاص كيف مابيجوله الراوي..

ــــــــــــــــــــــــــــ

محمد يامحمد..تعالي هنا..

محمد..يافريده شويه بس..وجاي..

ضحك الراوي….سيبيه يابتي..يجل ما جلبه يجوي..

فريده..بسعاده…مش مصدقه ياجدي..

ان ربنا جمعني بيهم بعد سنين.. بخاف عليهم اوي غصب عني..

مش عارفه أشكرك ازاي لولاك بحياتنا…

ماكناش اجتمعنا..

ربنا يخليك لينا ياجدي..

ويخليكي يابت الغالين..انتو نورتي حياتنا ومليتو علينا الدنيا..

سكتت بسعاده وشردت بما حدث منذ سته اشهر وكيف اجتمعا..

flash back..

مر أسبوعان عليها هنا..لم يحادثها بهم راجي..

كما اخبرها..

ولم تأتي والدتها ولا أشقائها… كما توقعت..

هي سعيده وجدا هنا لقد بدأت حياه جديده مختلفه كليا عن ماكانت تعيشها..هنا تشعر بالحياه وبالكمال..

تشعر بالحب التي افتقدت له علي مر عمرها..

ولكن هناك غصه بقلبها لا تعلم مصدرها..

اقتربت سليمه تلك المرأه العجوز الحكيمه..

بحنانها التي تحمله بقلبها..لم يرزقها الله بالاطفال…..

زوجها كان عقيما خيرها واختارته هو…

طفلها وابنها..اكتفت به عن الدنيا وملذاتها فرضاها الله بعشق تلك الجموع لها…

جميعهم ينادونها بامي…

سليمه…مالك ياجلبي..

فريده..قلبي مشغول اوي وقلقانه يا خاله..من يوم ماعم راجي مشي ولا حس ولا خبر..خايفه يكون حصلهم حاجه…

سليمه…فعلا يابتي الراوي جلج وبعت عدنان..يتعسس هنيك واليوم ان شاءالله

بيجينا الخبر اليقين..

فريده باستغراب… وتساؤل عدنان مين..؟

سليمه..عدنان دا يابتي فارس مغوار بيعشق الخيل والمواويل..عاشق للرحله والترحال…بس من يوم ماجلبه عشق وهو مرابط القبيله.بيجري وراها يمين وشمال..

فريده.. بذهول هي مين وللدرجه دي…أفضل الهدايا لأحبائكم

سليمه. وأكتر..

.بابتسامه… أكملت..

متستغربيش اكده..

من سيره العشج اهنه..

كل اللي هنا عشاج..

فريده.. معقول..

سليمه.. هحكيلك حكايه المزرعه مع العشج وكيف ابتدت..

رفعت يدها مشيره علي البراح.. الواسع..

شايفه البراح دا كلياته…جدامك…

..كان فراغ..عشت عمر كبير من عمري

في ترحال اهنه واهنه… مع قبيلتي..

لحد مافي يوم اتجابلت انا وياه…

كان فارس واعر مابيخافش..

صوته عالي…في الحج..

وبليله من ليالي الانس اجتمعت جبيلتي مع جبيلته…

بمكان واحد..وجعت عيني في عينه لاول مره وهو بيتغني عالربابه..وصوته كان بيشج سكون الليل بمواويله..

ساعتها كأن سحر وربطني بيه…

ارتبطت جلوبنا بعشج من نار لا اني جدرت ولا هو جدر عالبعاد..

دارت خلافات..ومناوشات بين الجبايل..

لان مابيصير البنت تتجوز من غير جبيلتها..

بس اني اتنمردت…واخترته هو…وجدام عشجنا المفضوح اللي صارت تتغني بيه الجبايل..

اضطروا يجوزونا…بس كان التمن..ان القبيلتين..اتبروا مني ومنه…

وجتها ظهر جدك كيف أبطال الحواديت كان هو والراوي معارف اتصادفو بيوم بترحال القبيله

وصار بينهم عشم كبير.. ومصالح..

لجأ ليه الراوي وهو مخذلوش..وبقرش من الراوي وبقرش من جدك..اشتروا قطعه ارض اللي عليها القصر ده..ويوم بعد يوم صارت مزرعه كبيره..كيف ماانتي شايفه..

ربنا ماأردش لينا الخلف والعوض….جالي اختاري..

وأنا اخترته هو..سندي وعكازي..في وقت المرض والتعب بلاجيه جاري..

كبرت عيلتنا بالعشق والعاشقين..

ماني مخبرتكيش ان الراوي بعد اكده..

فتح بيبان المزرعه لكل العشاق المنبوذين…كيف حالاتنا…….يدخلها العشاق…. حياري تايهيين.. خايفين.. ونجوزوهم..وتكبر عيلتنا فرد جديد..

الراوي عودهم اللي يعشج يصرخ بعلو صوته

ويجول انا عاشج…

ويكون له كيف ماراد..مافي غصبانيه…ولا جواز وخلاص..

كل اللي انتي شيفاهم جدامك دول..عشاق اما منبوذين..او حكم الهوي عليهم..ولساتهم حيرانين…

اهنه..كل الجلوب نضيفه..لساتها بخيرها…

المدينه العاشجه كيف مابيجولو..

فريده..بانبهار…مردده المزرعه العاشقه…

سليمه..أيوه يابتي..مزرعه العشج والعشاج…

وعدنان الفارس..عاشج ولهان لساجده وهدان…

لا طايل سما ولا ارض..

من يوم ماعشج وهو بيتغني بيها كل ليله عالرباب ياجل مايحن أبوها بيوم…..وينول هو المراد…

وعلي وهج حكايات الجده..

نامت تلك الليله بسلام و سليمه…تقص وتقص عليها..من الحواديت أقواها..

الا ان اتي المرسال…..وانقلبت الاحوال..

قتلت والدتها..واتهم راجي بها…يسجن راجي…ويقتل بالسجن…وانتهت الحكايه قبل البدايه…

بكت وبكت..حالها ومراره الفراق…

الي ان فاجأها الراوي بعد شهرا من وفاه والدتها…بعدما يأس من أن تجف دموعها… وذبلت هي..

فاجأها.. بهم..اشقائها…..

بهم تفتحت دنياها وازدهرت الحياه..

هنا ابتداو جميعا حياه جديده…عهدا جديدا…

تناسوا به الماضي..واتخذوا من وصايه والدتهم…منهجا…فليدعو الحقد والانتقام جانبا…

وليحيوا سعداء…وليتركوها لرب العباد…

ولكنها تعلم ان الراوي..يضمر بنفسه شيئا…يريد الانتقام ويعد عدته.. ولولاه ما دربهم علي ثلاثتهم علي القتال وحمل السلاح…وركوب الخيل كالابطال..

back..

تنهدت بحب..وابتسامه سعيده..فرحه…لقد عوضها الله بأكثر مما تمنت يوما…والحمدلله..

ــــــــــــــــــــــــــــــــــ

بالمنصوره..

تجلس علي كرسي المطبخ تبرد اظافرها…ببرود…

تملي اوامرها عليهم… بعدما نالت منهم وتزوجت احمد..

روان..ايه القرف دا ماتشهلي ياست امل..زمان الرجاله جايين..

شهلي كدا..

امل..بكسره..مانا خلصت اهو ايه تاني…

روان..نعم..خلصتي ايه والمواعين دي…..

أمل..لا بقي انا زهقت اعملي انتي..

روان بخبث…انتي بتعلي حسك عليا…تؤتؤ..بلاش ياحلوه ماانتي عارفه اللي فيها..

بمكالمه مني صورك الملط هتلف البلد كلها…

فاقصري الشر احسنلك…وكفايه اني سيباكي خارجه داخله مع سي عصام..هااا فهماني طبعا

أمل…بخوف..خلاص خلاص..هعمل اهو..بس بلاش ياروان عشان خاطري..

روان بقرف…اشتغلي وانتي ساكته..

خرجت وتركتها تبكي مراره أفعالها…لقد وصلت لامل صورها مع عصام..وهو من فعلها…وغدر بها…

ومع ذلك مستمره معه…

يهددها…وكل مره بفيديو جديد وهل تستطيع الكلام…

تنهدت وأكملت…ولكنها شعرت بذلك الدوار اللعين الذي يراودها منذ اسبوعين..

تركت مابيدها..متذكره..

ولطمت خديها…

امل…يلهووي..يلهووي لاكون حامل…دي بقالها اسبوعين مأخراني..

يخرااابي..يخرااابي…يافضحتك ياأمل..يافضحتك..

دخلت والدتها…..مالك يابت ياأمل..بتعيطي ليه..

أمل..بارتعاش وبكاء..ابدا

ياماما انا بس مخنوقه من روان وعمايلها…انا زهقت..

الام..ومين سمعك اتمسكنت لحد مااتمكنت..

بس علي مين…زي مادخلتها هخرجها..زيها زي غيرها..

امل بلهفه..غافلين عن تصنتها عليهم..

الام..اني خدت أطرها وهروح للشيخ مجاهد اللي في البلد اللي جنبينا يزرفها عمل ونخلص منها..

امل..ياريت ياماما..وياريت لو يقضي عليها ونخلص منها..

الام…هيحصل يابت..هيحصل..

أمل..بتردد..بس أني ياماما اسمع ان الشيخ مجاهد ده مبيشتغلش الا علي نجاسه..

الام… بضحكه رقيعه وماله.. نجاسه نجاسه…

امل…بصدمه..بجد..

الام..سيبك انتي بس.. انتي غطي عليا بكره وقولي لابوكي امي راحه لخالتي المحله.. فاهماني..

امل..فاهماكي ياامه..

روان..بغيظ..ساحر ومجاهد ههههه ان موريتك انتي وبنتك مابقاش انا..اصبرو عليا…

ال مجاهد ال..

ـــــــــــــــــــــــــــــــــــ

التفت بخوف ورائها..منه هو..يلاحقها بكل مكان..خائفه منه وبشده..

سمعته السيئه..تلاحقه بكل مكان..

ياسمين..انت عاوز مني ايه ياعصام..ابعد عني..

عصام..بحبك ياياسمين..

ياسمين..وياترا النغمه دي قولتلها لكام واحده..ابعد عني الله لا يسيئك..

اني معنديش الا شرفي..ابعد عني..

عصام..بحب حقيقي لها…والله بحبك ياياسمين..انتي ليه مش مصدقه..انا عمري مهأذيكي..صدقيني..

ياسمين..وانا مبحبكش انا بخاف منك برتعش لما بلمحك…انتي بتخوفني..ابعد عني..

جرت من امامه..مسرعه…

ياسمين..اخت فريده ابنه عبدالله وشريفه.. جميله رقيقه كالورده بجسد مهلك..جعلها مطمعا للجميع…

بالصف الثالث الثانوي….

جرت وجرت الي ان اصطدمت به هو..

عابد. وهو يلقفها بيديه..

.مالك ياياسمين بتجري ليه كدا..

رفعت نظرها بفرحه له…عابد..انت..

عابد..اه ياياسمين مالك في حااجه..

لمحته يأتي خلفها..فامسكت بيد عابد بتوتر ونظر خلفها وجده هو..

عابد بغيظ..بيضايقك..

سحبت يده..تعالي نبعد من هنا..واحكيلك الله يكرمك ياعابد..

رمقه بغيظ وصار بجانبها..

واشتعلت عين الذئب خلفهم بحده…

عصام..ماشي يا ياسمين عامله شريفه عليا ومدوراها مع عابد

ماشي.. ماهو يانا يامفيش.. ومش هخليكي نافعه لحد غيري..

ـــــــــــــــــــــــــــــــــــ

بسوهاج…

بالمجلس الكبير الملحق بالدوار الخاص باجتماع العائله.. جميعا…

يجلس الجد واضعا راسه علي نبوته بحزن وشرود..

بعدما فقد روحه بفقد ابنته وابنائها…

تباعا…

كبر عمرا. فوق عمره بفقد ابنته الحبيبه وهروب احفاده…

لم يعد يريد شيئا الا لقياهم والاطمئنان عليهم….. أين رحلو..

وكيف يعيشون..

أصبح هيكلا بلا روح..

يجاوره يسارا ابنه سويلم.. الذي يجلس بفخر..

بانتظار لحظه التتويج وحفيده فهد بجانبه..

وعلي اليمين كيان بجلبابه الصعيدي….وباقي افراد العائله…

صدح صوت واحدا منهم بغل..بالمجلس..

اسمع ياشيخ احنا سكتنا كتير احتراما ليك لكن بت ناديه..لازم وأدها…هربت..وجابلتنا العار..

لازم نحلل دمها..

شخص اخر…صوح..جابتلنا العار احنا الفهايده..مفيش مره حطت راسنا بالطين..الا بت ناديه..

علت الهمهمات..ودارت الاحتجاجات بين رافض وبين مؤيد..

كيان بصراخ..وحده…اسكتو…اظاهر ان نسيتو اصول المجلس..

مافي حدا بيعلي حسه علي حس الكبير..

واللي صار..صار والامر يخصنا احنا…وبس..

واحدا منهم….كيف ده ياكيان ياولدي.

.بنت ناديه بنتنا..والعار طايلنا وطايل بناتنا…

كيان..بحده..وقوه..جلت خلص الحديت..وانتهينا منيه..

سلمي واخوها يخصونا احنا وعار ايه اللي بتتحدتو عليه سلمي ماهربتش بخطرها..هربت من الظلم والمراره اللي عاشوه اهنه بيناتكم..

وانتو زي مابتجولو اهلهم وناسهم..

صمت الجميع….وساد الصمت المجلس..الي ان قطعه الجد..

الجد راشد…خلص خلصتو تقطيع في بتي وبناتها وابنها..

ممرعينش حرجه جلبي وجهرتي عليهم…

سكت الجميع بخزي..

الجد بعزيمه…اني لساتي موجود…وطول ماني موجود..ماحدا بيجدر يمسهم بشي..

والموضوع اتجفل علي اكده..

واي حد هيفكر يمسهم بكلمه هيواجهني اني..

فاهمين ولا لع…

وافقه الجميع وهل يجرؤ أحد..

عموما اني اليوم جمعتكم ياجل…شي تاني..

اليوم هسلم مهام العيله وهمها لغيري..

وكلمته هتبجي سيف علي رجبتكو..

علت الهمهمات بينهم…علي من سيفوز أخيرا

باللقب

الكل يمني نفسه انه هو….

الجد..من اليوم كيان حفيدي هو الكبير واني بضهره اي حاجه تخص العيله

كبيره كانت ولا صغيره..هو المسؤل عنيها…

علت الاعتراضات..فخبط بنبوته الارض..

خلص الكلام..وانفض المجلس..

انتهي المجلس..وتبقي هم فقط..

الجد..وابنه وحفيديه فهد وكيان..

سويلم بحده…ازاي ده يابوي..ابني يبجي كبير عليا.

اني المفروض ابجي الكبير من بعديك..

الجد..بحده..واني لساتني عايش..مموتش..وبيدي بسلم كيان المجلس..وامور العيله..واي حد عنده اعتراض يوفره لنفسيه ياولدي..

اندفع سويلم بحده للخارج يتحسر علي ضياع اماله..

تبقي فهد الجالس شاردا بها منذ رحلت..واين ذهبت..

قلبه مشغول بها…جافاه النوم منذ رحلت..

هل عشقت غيره…هل هربت معه..

والي هنا واشتعلت بقلبه النار..

وكيان الشارد..بعظم المسؤليه..وحياته الجديده..

وبها..هي..

وما عرفه اخيرا عنها…..وأخيرا بعدما علم طريقها…

وما عرفه..وماسمعه…وهروبها الكبير…

فريده..حبببته…

أغمض عينيه بوجع..وحزن…

الفراق نصيبهم وان كان اللقاء بالامس أمنيه فاليوم بات استحاله..

الجد بهدوء…انتهي سهادكم ولا لسه ياولاد سويلم..

انتبهو عليه…

كيان.. بانتباه..

معاك ياجدي….مش شايف انك استعجلت شويه ياجدي بموضوع المجلس دي..

الجد…بتعب..اني كبرت ياولدي وهمي عم يكبر..

وفراج الاحبه ضناني..

خايف يجي اليوم ومن شرودي بهمي

مااحكم بالعدل بيناتهم..

انما انت لساتك بخيرك ياولدي..سيبتلك الحكم..احكم بالعدل..بالشده اوجات وباللين اوجات..

عارف المسؤليه كبيره عليك وانت باجده هترتبط باهنه..بس اهنه الاصل ياولدي…ومهحرمكش من اللي انت رايده ابدا..

افضل اهنا وروح وتعالي عليا وافتح فرع ليك اهنه ببلدك ياولدي…

وانت يافهد…آن الاوان ياولدي تجف بظهر خوك وتحميه..مترميش ودنك ياولدي للحريم وحواديتهم…

فهد.. بخزي .امرك ياجدي.. عندك حق..

مد الجد يده…يستقبل وحدتهم..

وبمحبه وضعوها بيده..

اليوم عاهدوني..تبجوا ايد وحده..ضهرك بضهر خيك. يافهد…مايهزكم ريح..

كيان وفهد..نوعدك ياجدي..

االجد..توعدوني..فريده وسلمي ومحمد بعيونكم..دورو عليهم..ودورو عالحجيجه..

كيان..لساتك ممصدقش في راجي ياجدي..

الجد بتنهيده…لا يمكن يعملها ياولدي..والا مكنش انجتل قبل مايستجوبوه ياولدي..

مسير الحجيجه تظهر ياولدي..

المهم.. دلوك.. اوعدوني..

فهد وكيان..نوعدك.ياجدي..

ــــــــــــــــــــــــــــــــــــــــــــ

بالمزرعه العاشقه..

هبط من علي حصانه بسعاده..

بعدما لمحها جالسه

مع سليم الصغير وسيليا

بجانب غرفه الكشف التي بها فريده..

شعرها الغجري انسدل من تحت حجابها..

نظر لها بغيره ودارت عيناه هنا وهنا وجد الجميع نساء باطفالهم..

آتون لفريده باطفالهم..

اقترب منها…هامسا بحده..

داري شعرك.اللي كيف وهج النار ده يا ساجده..والا خدتك دلوك لداري علمتك كيف الحشمه بتكون…

انفلجت من مكانها..وارتعبت..

ساجده..عدنان..انت..اهنه..

عدنان…داري شعرك ياساجده……ملكي ما بيشوفو غيري..

ساجده..بعدما لملمته من تحت حجابها…استحي ياعدنان..وفوت من اهنه..لاحسن بوي يلمحك..وتجيد النار..

عدنان..النار جايده بجلبي ياساجده…ميتا تحني علي..

ساجده بخجل..وايش بيدي..لو كان بيدي كنت جارك ومن زمان..

عدنان..بسعاده..صوح ياجلب عدنان..

ريداني كيف ماني رايدك..

ابتسمت بخجل..وسكتت..

عدنان..بيجولو السكوت رضا وجبول..

جبلاني ياساجده..

ساجده..جبلاك من جلب جلبي ياعيون ساجده..

صدح صوته الغاضب قاطعا لذه الاعتراف..

وهدان هادم اللذات ومن غيره..

والدها..

صارخا به..

عدنااااااان….

قفز مسرعا علي حصانه…متمتما…ياويلك ياعدنان..

ضاعت الفرحه..وكلتك للرب ياخال…

ساجده بسعاده..الله يرحمك ياعدنان..

عدنان وهو يلكز حصانه.. راحلا

…فداكي ياروح عدنان..

ــــــــــــــــــــــــــــــــــ

بيقولو العشق وسط النار

بسمه بتيجي بعد مرار..

ضحكه صافيه..وسط شجار…

فرحه جديده وسط الدار..

عشاق اتحدوا بعد فراق..

وبينهم تبدأ الاشواق..

أنا العاشق أنا الولهان..أنا الحزنان انا الفرحان..

أنا التايهه وبعيونك لقيت عنواني..

أنا العاشق..وبين ايدك واحد تاني..

عاشق..بيتغني بمواويلك…

.تايهه وعنواني مابين ايدك..

أنا العاشــــق..

تابعووووووني 

بداية الرواية من هنا

رواية منعطف خطر كامله من هنا

رواية نار الحب كامله من هنا

رواية الطفله والوحش كامله من هنا

رواية منعطف خطر كامله من هنا

رواية فلانتيمو كامله من هنا

رواية جحيم الغيره كامله من هنا

رواية مابين الضلوع كامله من هنا

رواية سيطرة ناعمه كامله من هنا

رواية يتيمه في قبضة صعيدي كامله من هنا

الروايات الكامله والحصريه بدون لينكات من هنا

إللي خلص القراءه يدخل هيلاقي كل الروايات اللي بيدور عليها من هنا 👇 ❤️ 👇 

❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺

الصفحه الرئيسيه للروايات الجديده من هنا

جميع الروايات الحصريه والكامله من هنا

انضموا معنا علي قناتنا بها جميع الروايات على تليجرام من هنا

❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺

تعديل المقال