رواية عشق الحور الفصل 67/68/69/70/71/72 بقلم الكاتبه نسمه مالك حصريه وجديده
(حامل)
جاسر الف مبروك ياعيشه
ربنا يخليك ياابيه
سليم شوفتي بقي ان مفيش معني للخوف اللي كنتي فيه
عيشه البركه فيك ياسليم ربنا يخليك ليه
علاء طول عمري بقول البت دي دحيحه مش زينا خالص
غيث يابني انت اللي فاشل مبروك ياعيشه
عائشه مالك يابسمه
 |
بسمه مفيش حاجه ياحبيبتي بس ديخه شويه
غيث بلهفه مالك يابسمه حسه بايه
انا كويسه ياغيث ... متقلقش دخت بس شويه
غيث ماانتي مبتريحيش نفسك ابدا
حور طب روحها ياابيه عشان وشها مخطوف شويه
غيث معلش ياعيشه
عائشه في ايه ياغيث اهم حاجه بس طمني عليها
تحرك غيث ليحتضن جميلته بين ذراعيه ليجلسها بالسياره وينطلق بها
هوديكي لدكتور
مفيش داعي انا كويسه والله بس ااقف عند الصيدليه هجيب حاجه اخدها في البيت وهبقي كويسه انا بس هبطانه شويه
طب عاوزه ايه وانا اجيبهولك
لاء مينفعش دي حاجه حريمي ميصحش تجبها انت
نزلت من السياره لتعود بعد قليل
اتاخرتي ليه
قست الضغط بالمره ،،،،،ضغطي واطي شويه عشان كده دخت هروح اشرب كوبايه عصير هبقي كويسه سيب يحيي النهارده عند ماما
اوقف السياره امام البوابه الداخليه ليترجل ويحملها بين ذراعيه
ياغيث مفيش داعي انا كويسه هدخل بس اخد حمام سخن
وانا هجيبلك العشا تاكلي كويس عشان العصير هيقلب معدتك ماشي
قبلت خده ربنا مايحرمني منك بس بالله عليك متقلب الدنيا
غيث هحاول بس موعدكيش بس هنظف اللي هوسخه ماشي
هزت راسها لتدخل غرفتها ليتحرك هو تجاه المطبخ اعد لها بعض الطعام وكوب كبير من العصير ليدخل الغرفه كانت تقف امام المراه باحد قمصانها المجنونه ليضع الطعام ويقترب ليريح راسه علي رقبتها
عنيكي بتلمع ا وي
امسكت يديه ووضعتها حول بطنها لتتقابل عيونهما في المرآه وتهمس
فرحانه اوي عشان في هنا حته منك
انتي حامل
هزت راسها موافقه ليصرخ كطفل
هبقي بابا ااااا ... بسمتي هتجيبلي نونو
اشششش هتفضحنا
انا حاسس ان قلبي هيقف انا هروح اقول لامك ولعم محمود واجيب الواد يحيي واقول لجاسر ااقولك هقول في ميكرفون الجامع. ... مراتي حامل هتجيبلي حته منها مش عاوز صبيان انا كفايه عليا يحيي انا عاوز بنات كتير يعني هاتي تلاته اربعه كده
انفجر ت ضاحكه
انت اتجننت ياغيث ،، تلاته اربعه ايه اللي انت عاوزهم وكلهم بنات كل اللي يجيبه ربناخير ،،،وبعدين هتروح تقول ايه في ميكرفون الجامع
فرحاااان اوووي يابسمه ربنا يتمملك بخير ويقومك لينا بالسلامه تفتكري الواد يحيي هيفرح
ابتسمت تعلم جيدا ان غيث يحب ابنها ولكن مجرد تفكيره به في هذه اللحظه جعلها تتمني فقط ان ترتمي بين ذراعيه
غيث خدني في حضنك
ليرفعها بين ذراعيه ويضمها الي صدره
انتي خايفه
شويه بس انت جنبي ودا بالدنيا واللي فيها
شوفي اهم حاجه نخلي بالنا من يحيي فاكره لما دخلت انا وانتي شيلين ولاد جاسر انا عاوزهم يحبو بعض اوي ويخافوا علي بعض اوي
همست انا اللي بحبك اوي اوي ...
الفصل الثامن والستون (يونس وغيث)
في احد عيادات النساء الشهيره وقف غيث وعائشه وجاسر ويونس محمود وخديجه امام باب العمليات علاء اتي من اخر الممر
ايه ياجماعه طمنوني
سليم لسه ربنا يقومهم بالسلامه يارب جاسر غيث تعالوا معايا نصلي
ايناس متقلقيش ياعيشه هيقوموا ويبقوا كويسين
يارب ياايناس انا قلقانه اوي
لاء متخفيش الاتنين ولدين قبل كده بس قوليلي هو مفيش حاجه جايه في الطريق
ربنا لسه مأردش يا ايناس
طب ماتكشفي انتوا دخلين علي سنه.
لتنجدها احد الممرضات بطفل لتسرع ناحيتها عائشه
دا بن مين فيهم
ولد زي القمر بن مدام بسمه
طب وحور
لسه شويه
ايناس اندهي عليهم
لتطلع عائشه للطفل الوردي بيدها تحتضنه بصدرها ويهمس بداخلها صوت يدعو الله بطفل مثله من حبيبها ... حبيبها الذي لم يتحدث مره واحده في هذا الامر تنهدت بقوه ومسحت العبره التي سقطت علي وجهها ليصل اليها غيث مهرولا
بسمه كويسه
لتناوله عائشه الصغير قائله
الف حمدلله علي سلامتها ياغيث واد عسل هيطلع معقد من يحيي عشان شبهك
غيث المهم لسه مخرجتش ليه
سلؤم دلوقتي هتطلع ياغيث
جاسر بقلق طب وحور
عائشه لسه شويه ياابيه
جاسر بعصبيه مهي لو مراتك مش جوه كان زماني بقيت معاها دلوقتي استغفر الله انا اسف ياغيث الف مبروك وحمدلله علي سلامتها
سليم اهدي ياجاسر دلوقتي هتخرج وتبقي زي الفل ان شاء الله ... هات يابني الواد خليني ااذنله
ناوله غيث الصغير ليقول محمود وهو يربت علي كتفه
عقبال مااشيل عيالك ياسليم
سليم في حياتك ان شاء الله
لتخرج الممرضه باحدي الاطفال ليسرع جاسر
طمنيني هي كويسه
الحمد لله الولاده كانت متعسره شويه بس بقت زي الفل جابت ولد قمر ماشاء الله
ليتناوله جاسر ويناوله لغيث
خد عشان تحلف انك اول واحد شلته بعد ابوه طبعا
غيث خلاص فشيت ماشي ياسيدي
تطلع للصغير .
بسم الله ماشاء الله طالع قمر شبه حور .
ليوكز ه جاسر ويقول
تصدق خساره اسميه علي اسمك اصلا
غيث ايه دا بجد
سليم خدي ياعيشه شيلي بن بسمه اما اذن للواد التاني
غيث اسمه يونس ياسي سليم
سليم ماشاء الله يحيي ويونس ربنا يخليهوملك ياغيث
يونس والنبي هتسميه يونس اصيله يابسمه مش زي تؤمتي اللي معرفهاش الافي الوجع ...ان ماهان عليها تجيب قط وتسميه يونس
لينظر اليه الحميع ويتشاركوا في الضحك ...
الفصل التاسع والستون (عاجز)
ياعيشه بالله عليكي متبكيش مش بستحمل دموعك
غصب عني ياسليم كان نفسي اجيبلك طفل
ليجلس بجوارها ويمسح دموعها
عيشه حبيبتي ربنا هو اللي بيوهب ،،،،،،،شاء وهب وشاء منع واحنا راضيين بحكمه وبعدين اللي عندك حجات بسيطه وبتخديلها علاج وبكره ربنا يرزقنا ويفيض علينا برحمته
مسحت دموعها
ونعم بالله سليم انا عاوزه اعمل عمليه زرع
تاني ياعيشه
الدكتوره قالتلي ان دلوقتي حالتي تسمح عشان خاطري ياسليم ...انا انها هتتكلف كتير متشلش همها انا هاخد ورثي من ابيه جاسر
هب واقفا وقال بعصبيه
عيشه ميت مره قلتلك ورثك ده ليكي
وقفت امامه لتقول برجاء
وانا هصرفه علي نفسي مش هجيب بيه حاجه في البيت ...عشان خاطري ياسليم متحرمنيش ان اكون ام لطفل منك ...
عاجز للمره الاولي ،،،،،، عاجز عن تحقيق املها عاجز لايمتلك مايكفي ...حتي عاجز عن الرد ليترك البيت باكمله ويخرج .... لن يستطيع العمل
الان يريد فقط استنشاق بعض الهواء .... عائشه فتنته الخاصه عائشه المراه الوحيده التي راها في نساء الارض ... عائشه طفلته الجميله ولوع بها وقلبه يبكي من المه عليها منذ انقضاء عامهم الاول وهي تذهب للاطباء لم يعترض انها غريزه تولد مع كل انثي ... وهو ايضا اشتاق لطفل منها .... واتت نتائج الفحوصات تعاني من مرض ما له علاج ولكن علي الامد الطويل .... عامين انقضيا لتاخذ علاجات متعدده ترهقها جسمانيا وترهقه ماديا ولكنه لايعترض يكفيه انها لم تجرحه مره واحده .... ولكنه الان عاجز .... لايملك مال ليخضعها لتلك العمليه التي يعلم جيدا ان نسبه نجاحها قليله ... يعلم جيدا انها اصبحت تجرح من اي كلمه يقولها اي كائن عن الاطفال .... ماذا عليه ان يفعل ....رفع راسه للسماء الغائمه
يارب الهمني الصواب من عندك
هو لايريد حرمانها وبنفس الوقت كرامته لاتسمح ان ياخذ من مالها ....ابنه الراوي التي استغنت عن كل رفاهيات العيش من اجله فقط تركت سيارتها كي لاتجرحه تعيش ببيت نصفه فارغ كي لاتجرحه ... تقوم بجميع اعمال المنزل بيدها حتي لاتحمله نفقه خادمه .... لم تتطلع يوما لاي شيء مما يستري نظر النساء .. في العيد تكتفي بخمار جديد وتعلق
يابني انا لواقعدت البس في هدومي لحد ماموت مش هخلصها
عائشه المراه عفوفه النفس تسعد بالقليل وتشعره انه الملك المتوج الان تجعله يشعر بالعجز ....
عامين من العلاج قضوا علي كل مالديه ...شعر بعبرات ساخنه تنهمر من عيناه ليحتضن ساقه ويدفن راسه بينهما ليترك لنفسه العنان ان يخرج مخزون المه ويشتكي لمن بيده الفرج
----------------------------------------------
طرق علي باب البيت ظنت انه عاد لتمسح وجهها وتجري سريعا لتجد محمود أمامها
اهلا يابابا اتفضل
مالك يابنتي شكلك معيطه اوعي يكون سليم زعلك
قالت باختناق
ابدا ياحبيبي انا كويسه وسليم عمره مازعلني اتفضل حضرتك هتفضل واقف علي الباب
عبر محمود الباب لتغلقه هي
امال فين سليم ياعيشه
خرج من شويه زمانه جاي هتصلك بيه علي طول
لاء ياعيشه سيبيه يجي براحته تعالي يابنتي انا عاوز اتكلم معاكي
جلست امامه
اتفضل حضرتك
تنهد بقوه شوفي ياعيشه ربنا يعلم انت غلاوتك عندي اد ايه،،،،،،،،،، انتي عندي زيك زي بسمه وحور ولما اتلاقي حد فيهم واقف في نص الطريق وبيبص تحت رجله لازم اتكلم وااقولهم
دمعت عيناها وقالت
حضرتك شايف اني واقفه في نص الطريق وببص تحت رجلي
قال بتاكيد طبعا انتي تعرفي ربنا كاتب ايه الغيب فيه ايه
لاء
تمام ربنا قال يهب لمن يشاء ذي ماقال يجعل من يشاء عقيما تعرفي ربنا كتبك فين
سقطت دموعها ليكمل
انت بتعيطي واخده الحكايه بحساسيه زياده عن اللزوم .. كل كلمه بتتقال بتجرحك .... انا شوفت دموعك محبوسه امبارح من مجرد دعوه من خديجه .... اه المال والبنون زينه الحياه بس الزوجه الصالحه هي الحياه كلها يابنتي وانتي نعم الزوجه الصالحه ....
شهقت بقوه لتقول بانهيار حقيقي
العاقر اللي زي الارض البور ... اللي مفهاش رجا ..... واللي لازم تروح تدفن احسنلها ..... ووواللي لازم تقوله روح اتجوز عشان يبقي عندك اطفال ..... بس انا مش هقدر .... عشان وحشه وانانيه ومش هقدر
عيشه
رفعت وجهها الغارق بالدموع الي سليم الذي دخل ليستمع لانهيارها
محمود يابني والله ماجبت سيره حاجه انا اصلا كنت جاي اطيب بخطرها عشان حستها زعلت من دعوه خديجه
جلس سليم بجوارها ليحتضن كتفيها بذراعه لتشهق بقوه
اششششش .... يعني بزمتك دا تفكير واحده عاقله ..... جواز ايه اللي هفكر فيه ياعيشه .... وبعدين انا ان ربنا اراد يكون ليه ذريه مش عاوزها غير منك .... انا بحبك ياعيشه
لترفع راسها وتشهق بقوه
ماهو جاسر كان بيحب عزه وهو اتجوز حور وبقي دلوقتي بيحبها ...
ليبتسم ويمسح دموعها
والله انتي لوعيله صغيره ماهيبقي تفكيرك بالشكل ده ... هو صوابع ايدك زي بعضها احنا ملناش دعوه بحياه حد ... وبعدين ياست عيشه انا يوم ماحبيتك عاهدت ربنا اني عمري مااجرحك ... دانا عايش جوا القلب دا ازاي اجرحه
محمود تمام امشي انا بقي لحسن بقي شكلي وحش اووووي في القعده دي
سليم عجبك كده .. الحج يقول علينا ايه دلوقتي وبعدين ازاي ياست هانم تعدي قدام ابويا بشعرك هاه
لتحدق في وجهه نعم ... مش حرام علي فكره
ليلدغ خدها
طب مانا عارف بس بغير اومي يابت فزي يابخيله اعمللنا حاجه نشربها
تحركت للخارج ليتنهد بقوه
عمري ماتخيلت انها تفكر بالطريقه دي ابدا
محمود طبيعي ياسليم
سليم بحنق ايه اللي طبيعي فيها
محمود عشان دي سنه الحياه يابني لو مفكرتش النهارده هتفكر بكره
سليم دي لو كانت عاقر بجد عمري ماهجرحها الجرح ده
قطب بين عيناه
تقصد ايه ياسليم
سليم بعجز ااقصد ان ابنك هو اللي عاجز يوفر فلوس العمليه
محمود بسعاده يعني عيشه ممكن تعمل عمليه وتخلف
هز راسه موافقا
ايوه بس عارف عمليه زي دي علي الاقل عشان تعملها في حته نظيفه بدكتور كويس يبقي معايا ميت الف اجبهم منين
تنهد محمود بقوه وقال
انا فاهم انت بتفكر ازاي بس دي بنت الراوي
بابا من فضلك.
مجمود بجديه
اسمعني يابن محمود ... سيدك النبي
صلي الله عليه وسلم
كان فقير بيشتغل بمال الناس ربنا اغناه منين
قطب بين عيناه
تقصد ايه
رد عليه منين
مرر يده في خصلات شعره
من مال ستنا خديجه
ولما بقي نبي كان بينفق علي الدعوه من مالها برضه مشفهاش بتمس كرامته في حاجه مشفش انه ااقل منها ..... يبقي ليه تحرمها وتحرم نفسك من نعمه ربنا موفرهالك ومديك مكانها ليه تسيبها تنجرح وتتعذب وتنهار وتشوف نفسها عاجزه وفيها نقص وانت في ايدك تجبر كسرها ليه يابني فهمني
سليم انا مكنتش متخيل انها بتفكر بالشكل ده اصلا ...
امال فاكرها بتفكر باي شكل غارت مثلا من حور وبسمه ومرات علاء مراتك مش من النوع ده .... عيشه كل اللي بتفكر فيه انت وبس ... حبها ليك اللي مخليها خايفه انك تضيع منها ..... انت في ايدك جوهره ربنا رزقك بيها متكسرهاش يابني ... عشان معني انها تقول الكلام ده وهي عارفه ان في امل انها تخلف يبقي عرضت وانت رفضت ... انا ماشي يابني وفكر في اللي قلتولك كويس
تابع محمود ينصرف ليدفن راسه بين ذراعيه اباه محق ... انهيارها بهذا الشكل لانه اغلق كل الابواب بوجهها
هو بابا مشي
رفع عيناه لها ليبتسم
هو انتي لبستي طرحه بجد
مش بحبك تزعل مني
وقف امامها ليرفع وجهها ويزيح حجابها
انا عمري ماازعل منك ياحبيبتي
قالت بانكسار
حقك عليه ... انا مكنتش اقصد احسسك بالعجز بس .. مش هستحمل تبقي لواحده غيري والله هموت
تلمس شفتيها ليهمس
ياعيشه انا مبشوفش في الدنيا غيرك انت فتنتي . ... حقك انتي عليه. ... انا موافق تعملي العمليه ... بس هردلك الفلوس لما ربنا يفرجها
احتضنته بقوه لتهتف بانفعال
انا بحبك اوي ياسليم ..
رفع وجهها وقال بس هردوهم
تعلقت بعنقه
تحب اكتبك وصل امانه ارحمني بقي ...
70و71و72 عتاب اخ
#ابيه جاسر انا كنت عاوزه اكلمك في حاجه انا كنت هقول لماما بس مش عاوزه حد يعرف حاجه حتي حور
قام جاسر من خلف مكتبه ليجلس امامها
#ايه الحكايه ياعيشه قلقتيني
فركت يدها
#اااانا كنت عاوزه .. يعني نصيبي في ورث بابا عشان محتاجه فلوس كتيرشويه
قطب بين عيناه
# المبلغ اللي انتي عاوزه بس فهميني ايه الحكايه
#اصل انا بقالي سنتين بتعالج عشان اخلف و
قاطعها #وازاي تخبي عني حاجه زي دي وهو جوزك حمل علاج من ده اخص عليكي ياعيشه ... وانا اللي بقول عيشه بنتي مش اختي
#سليم هو اللي قالي مقولش لحد علي الحكايه دي عشان كده محدش يعرف وهو مأثرش الفلوس كلها اللي كان بيشتغل بيها كان بيجيب بيها علاج ...
#سليم طول عمره راجل ... انت مش متخيله الحكايه دي كبرته في نظري اد ايه بس في امل مش كده
#لازم اعمل حقن مجهري وانت عارف عمليه زي دي تكلفها عاليه اوي ووو
قاطعها
#من جنيه لمليون ياعبيطه انتي بنت الراوي ولو عايزه تعمليها بره اسفرك
سقطت دموعها
#دا سليم وافق بالعافيه ... وبيقولي دي فلوس سلف وهردها
#انا مشوفتش في حياتي حد كده ... بس الصراحه سليم اوفر زياده عن اللزوم ... ولايهمك في مركز في المانيا هحجزلك فيه وبطلي هبل انتي كمان ميراثك من ابوكي في الارض والمصانع يفضل زي ماهو دا لعيالك ان شاء الله .... سليم فين دلوقتي
قالت بخوف
#في العياده بس بلاش تكلمه ياابيه
# هوانا عيل صغير تعالي معايا اوصلك عشان عاوز اتكلم معاه
ترجلت عائشه من السياره امام البيت
#عيشه ادخلي انتي البيت انا هروح لسليم
تحرك جاسر للداخل ليهب العامل واقفا
#جاسر باشا مرحب منور العياده
#د سليم عنده حد
#اه بيكشف علي معزه بس هبلغه
جاسر #معاه بني ادميين جوا
اشر ف #لاء صاحب المعزه هييجي ياخدها كمان شويه
#طب خلاص انا هدخله
دق جاسر علي الباب ليدخل عندما سمح له بالدخول
#سوري ياسليم قطعت عليك مع المعزه
ليرفع سليم وجهه ويقول ضاحكا
#كده برضه قطعت اللحظه الرومانسيه دي ... بس ايه الزياره الحلوه دي ... تشرب ايه بقي
اقترب وجلس علي المقعد
#انا جاي اعاتب مش اضايف
اخرج سليم العنزه لاشرف ليجلس امامه
#تعاتب ليه انا زعلتك في حاجه
#في حجات مش في حاجه واحده
قطب سليم #طب انا عملت ايه
#شوف ياسليم اول حد لاحظ انك متعلق بعيشه كانت حور وقالتلي عشان كده حطيتك تحت عيني ... سألت عليك في الجامعه وبعت سالت في جامعه بره لحد مااطمنت ان سليم راجل عارف ربنا وهيصون اختي .... بس انت منطقتش برغم اني كنت بشوف نظرات حبك في عنيك بتفلت منك غصب عنك وهي موجوده .. لحد ماطلعت في دماغ حور تسمعك ان عيشه جالها عريس ... وهي فعلا واحد من معيدين الكليه اتكلم عليها بس انا رفضته .عيشه امانه بابا في رقبتي ومش هديها الالراجل اثق فيه .... يحبها ويتقي ربنا فيها ... والرجل ده انا شوفته انت ... وربنا يشهد انك فعلا قريب مني زي غيث واعتبرتك في مكانه اخويا بالضبط
#تمام هو الكلام انا اول مره اعرفه بس ربنا يكرمك عيشه دي كل دنيتي وربنا يشهد وانت كمان انا اعتبرتك اخويا انت وغيث يمكن علاء بعيد شويه بس برضه بعزه
#دا مش حقيقي عشان انا لواخوك فعلا كنت قلتلي علي موضوع عيشه
#الحكايه مش كده انا بس مكنتش عاوز حد يعرف انها بتتعالج عشان محدش يجرحها بكلمه حتي لو مش قاصد .
#واحترمت الكلام ده .... ويمكن يكون عندك حق فيه عشان الموضوع ده حساس ... بس مش هي دي الاخوه عشان ده لو كنت معتبرني اخوك فعلا ... انا هحكيلك حاجه محدش يعرفها غيري انا وغيث بعد موت عمي مراد اللي هو ابو عزه مراته اجت البيت طلبت بورثه برغم انها عارفه ان عمي مراد فض الشراكه واخد ميراثه فعلا في المصنع بس كان ليه نصيب في الجنينه الشرقيه ... بابا تمنها وبالسيوله الموجوده كلها اللي عنده اداها لسهير واتنازلت عنها في السنه دي محصول الارض مغطاش وانتاج المصنع كنت قاعد مع بابا في المكتب برغم اني كنت لسه صغير بس بنحاول نشوف حل ... مكنش في حل غير اننا نبيع ارض يااما هنعلن افلسنا ماما كان عندها ورثها من ابوها وبابا كان زيك لوهتدبحه مش هيمد ايده علي فلوسها عشان كده مقلهاش وحذرنا حد يقولها ابو لسان مسحوب منه راح قلها واتفرج بقي الحجه زينب وهي واقفه بتعاتب وتفهمه ببساطه ان هما الاتنين مركبهم واحده ولما واحد يتعب التاني لازم يجدف مكانه وفعلا بابا اخد ورثها كله .... ومشينا بيه الشغل .... هو فضل شيلهالها وقبل مايموت كتبلها الجنينه الشرقيه وقالي دي فلوس امك ملكوش دعوه بيها ... انك تتسند علي مراتك لاده يقلل من رجولتك ولايمس كرامتك في اي حاجه .... انا عارف انت اد ايه مستصعب الحكايه ... بس اللي عاوز افهمهولك ان انت مكانتك عاليه اوي عندي ياسليم يكفي ان انت اتحملت علاج عقم وانا عارف كويس اوي دا مكلف اد ايه تلت سنين لااشتكيت ولاعرفت حد .... لما بابا اتوفي انا وعلاء ونصيب غيث كبرنا الشغل وفتحنا مصنع العاشر ... نصيب ماما في ورث بابا قلتلي انا وعلاء ان نص نصيبها هتكتبه لعيشه احنا رجاله وهي البنت الوحيده ووفقنا عن رضي فاصبح لعيشه ميراثها من بابا ونص ميراث ماما بعد موت بابا واول ارباح للمصنع حسبت نصيبها وعملت بيه حساب توفير في البنك وكل سنه بحطلها فيه نصيبها في الارباح ودي حاجه محدش يعرفها الاانا وغيث حتي ماما متعرفش الحكايه دي ... الحساب ده انا هاخد عيشه معايا بكره ونحوله باسمك عشان تعرف تسحب منه
#بس
#متقطعنيش واسمعني للاخر في مركز في المانيا للحقن المجهري دا تقريبا اشهر مركز في العالم ...عشان تسافروا وان شاء الله العمليه تنجح احتمال تكملوا فتره الحمل هناك ... يعني هتبقي محتاج سكن والحكايه دي اللي هينفعك فيها غيث عشان ليه علاقات كتير بره ... وانا هبدا اتصل بالمركز عشان تسافروا في ااقرب وقت ...
#مش عارف ااقول ايه
#متقلش حاجه بس خد بالك منها عشان محدش هيعرف يسافر معاكو ا لانا ولاغيث وعلاء اصلا ايدك منه والارض
تنهد سليم بقوه وهز راسه بعجز
#سليم لو بسمه كانت مكان عيشه وانت كنت مكاني كنت هتعمل ايه في غيث لو حكم رايه ورفض ان اختك اللي هو اخدها ... مريضه يعني ملوووش ذنب في دا ... عشان شايف ان دا يجرح كرامته ... حرمها وحرم نفسه انهم ياخدوا بالاسباب المتاحه وربنا ينعم عليهم بطفل
رفع عيناه ونظر اليه فاكمل
#محدش هيعرف غير غيث حتي ماما وحور مش هقولهم بس الكل لازم يعرف انك مسافر عشان العمليه غيث لازم يعرف عشان هو اللي بينزل ارباحها كل سنه في البنك
تنهد بقوه وهز راسه موافقا فقال جاسر
#اهم حاجه بس اوعي تسيب البت في المستشفي وتعاكس بقره ولامعزه من المانيا
ليضحك سليم
#لالا انا بحب انتاج بلدنا
#اصيل ياسليم
نعم سعيد وكلمات جاسر كانت كافيه برد كرامته ليخرج من العياده ويذهب للبيت ليري عائشه تزرع الغرفه مجيئا وذهابا
#في ايه ياعيشه مالك
قالت بارتباك .
#ممفيش بس اصل ابيه
قاطعها
#حضري التحاليل والاشعه. بتاعتك عشان نبعتهم بالفاكس للمركز في المانيا واستعدي بقي ياحلوه لشهر عسل طويل عشان ان شاء الله نرجع من بره ببننا
تعلقت بعنقه
#ربنا يخليك ليه ربنا ميحرمنيش منك ابداا ..
احتضن وجهها وقال بعشق عشق يخص عائشته وحدها دون غيرها من النساء
# ويخليكي ليه وبعدين انت متعرفيش ان خطر تقربي مني كده
#ليه ياحبيبي
#عشان بحب ادي لكل حاجه حقها بضمير اوووي
قال جملته ليرفعها بين ذراعيه لغرفه نومهما ويصفق الباب بقدمه
٧١اناني
# يعني العيب. في اختك
#ماما مينفعش كده ... انا قلتلك عشان لما تيجيلك متعتبيش عشان متجرحيهاش
#هجرح بنتي ياجاسر بس ازاي متقوليش
#سليم اللي طلب منها كده ولولا انهم هيسفروا مكنش هيقول
#وهو سليم حمل مصاريف سفر
#متقلقيش كله تمام هو مامن حاله وانا عرضت عليه لو احتاج مساعده يقولي
#طب ادي لاختك فلوس قبل ماتسافر تبقي معاها احتياطي
#انا مفهم عيشه لو احتاجت اي حاجه تليفون وهبعتلها علي اقرب بنك متقلقيش ... بس انا عاوز افهم اشمعني غيث يعني اللي انت متبنياه اوي كده
قبلت الطفل النائم باحضانها وقالت باسمه
#عشان شبه ابوك الله يرحمه
#ياسلام طب مانا شبه ابويا
#لاء انت واخد مني ... بس غيث دا حته من ابوك حتي ريحته .. وبعدين مراتك عندها امتحانات بتذاكر وحامل ووراها تؤم قرود بيجروها وراهم في البيت كله وفي الاخر ييجو يستخبوا منها تحت السرير بتاعي
جاسر ضاحكا
#مش كان نفسك تشوفي عيالي شوفي واشبعي ياحبيبتي
#يتربوا في عزك ياحبيبي ...دي اراده ربنا طبعا بس صحه حور تعبت ياجاسر تلت مرات حمل في اربع سنين كتير عليها يابني انت خايف تهرب ... بتربطها
بالعيال
#يعني رزق وربنا بعته اقوله لاء
#بس مش علي حساب صحتها ياجاسر ....
#يعني مطلوب مني اييه
#يعني مطلوب توقف خلفه شويه تقوم بالسلامه وتاخد وسيله عشان ترتاح حور تعبت اوي في ولاده غيث ...
#ربنا يسهل طب ماتقولي الكلام ده لغيث مهي بسمه كمان حامل ويونس قد غيث
#بسمه كبيره ياحبيبي ...وسابت فتره بين يحيي ويونس وبعدين هو انتو بتتسابقوا مين فيكوا هيجيب عيال اكتر وبعدين لعلمك كلمته وهو قلي لما تقوم بالسلامه هتاخد وسيله عشان تفوق للعيال ... عارف انا كنت قلقانه لما غيث خلف ليغير معاملته ليحيي بس هو فعلا حاسس انه ابنه الكبير
#ياامي غيث اتربي يتيم
قاطعته #يتيم في عينك داانا كنت بدلعه اكترمنك .
#ربنا يخليكي لينا ياست الكل وتفرحي بعيال عيشه كمان
#امييين يارب
قال جملته ليترجل لغرفه اطفالهاو كما ادعت امه قروده الصغار لما تلومه امه انهم زهره حياته يحب مراقبتهم ورسمهم جميعا ليري تغير ملامحهم الصغيره يعشق مشاغبتهم وصراخهم المزعج توافقهم القليل مع بعضهم عندما تجلس طفلته الكبيره تلاعبهم لتعلمهم الالوان والاحرف وتحفظهم القران ...تنهد بقوه ليرفع عليهم الاغطيه ويتوجه ناحيه غرفته ليري الجميله تغطو في النوم علي احدي كتبها وجهها يصرخ من الاجهاد للاسف امه محقه ... هو خائف من نقصان حبها من سنها الصغير من ابتعادها عنه الاولاد كوتد يغمس في الارض وهو يحتاج للمزيد والمزيد من الاوتاد التي تجذبها دوما نحوه تفكير اناني حقير ولكنه عاشق يخشي زوال عشقه من عينيها يريد ان ترتبط به اكثر ولكن علي حساب ماذا انهاكها وضعفها الواضح زفر بقوه ليتقدم نحوها ويرفعها من علي الاريكه انها منهكه لدرجه الاعياء لم تستطيع حتي فتح عيناها ينزع عنها حذائها ويرفع عليها الاغطيه ليتمدد بجوارها يتلمس بطنها المنتفخ يحب هذا .... يحب رؤيتها تحمل جزء منه بداخلها ...ابعد خصلاتها ليمرر اصابعه علي شفتيها سمرائه الفاتنه التي تحتمل تفكيره المعوج بصبر وحكمه تحسد عليها .. تحتويه دوما وكانها هي الاكبر سنا ... تنهي دوما تشتته بلحظه لتتقلب بنومتها وتحتضن خصره ثم تفتح عيناها الممتلئه نعاس
# اجيت امتي
#لسه جاي من شويه .. نامي ياحبيبتي انتي تعبانه
لتعتدل جالسه تفرك عيناها
# هحضرلك العشا علي طول
#انا اكلت في المصنع ارتاحي انتي شكلك تعبان
لترتمي علي صدره
#ااااه لوتعرف ياحبيب قلبي وانت معايا بحس بايه
ابتسم رغما عنه ورفع وجهها
#بتحسي بايه .
نظرت بعيناه وهمست
# بص في قلبي ياعيون قلبي شوف كام حاجه بتتمناك فرحه وشوق واماني كبيره وليالي حب بتسناك
لتتسع ابتسامته ويتلمس شفتيها
#كل دا عشاني
هزت راسها موافقه لتهمس
#من يوم ماعرفتك والدنيا ليها طعم جديد .والجنه اللي بيحكوا عنها مبقتش بعيد كل قصه حب فيها حاجه منك كل نسمه فجر بتكلمني عنك
ليريحها علي الفراش ويكمل علي البقيه الباقيه منها يلتهمها بعشق بشغف مهوووس لايتفجر بداخله الالاجلها وحسب حوريته الجميله
#بعشقك ياحوريتي وبعشق حياتي معاكي ....
منفعل عاشق يتفجر عشقه ليطيح بالمسكينه الصغيره .. المتاوهه بصوت عالي ولكنه ابعد من ان يستمع حتي صرخه جعلته يفيق
#ااااااااه جاسر انا بولد
---------------------------------------------
٧٢توقف قلب
# الحاله مطمنش واحتمال كبير نفتح قيصري
جاسر بعصبيه مرتعشه
#يعني ايه مطمنش ... اعملي اي حاجه بس تبقي كويسه
غيث #جاسر اهدي بس عشان نفهم .. هي مش لسه في السابع يادكتوره
عقدت ذراعيها وقالت بتحدي
#تمام والمفروض انها ولدت قبل كده في السابع وجاسر باشا عارف الكلام ده زي ماهو عارف برضه انها حامل في تؤم واحنا موقفين من اول الشهر اي اتصال لان وضع الاولاد ميطمنش
غيث # تمام الكلام دا كله مفيش منه فايده الحل ايه دلوقتي
# زي ماقلت هنفتح قيصري بس احتمال نفقد واحد من التؤم
جاسر بالحاح #بس هي هتبقي كويسه مش كده
#ان شاء الله ادعيلها وعاوزين تلت اكياس دم عشان هي بتنزف
غيث بقلق #تمام انا هشوف حكايه الدم دي
دخلت الطبيبه ليرتمي جاسر علي كتف غيث
#هتروح مني ياغيث ... انا غلطان مش عاوز عيال بس تقوم انا خايف اوي
ربت غيث علي كتفه وقال
#اهدي ان شاء الله ربنا هينجيها وهتبقي زي الفل
#انا السبب بس والله نسيت
غيث بجديه #وبعدين انا عمري ماشوفتك كده اهدي ووحد الله
#لااله الاالله طمني وقولي هتبقي كويسه
#هتبقي كويسه ان شاء الله اجمد بقي شويه ... انا هروح اتصل عشان اجيب الدم وانت صلي وادعيلها
هز راسه موافقا ليتحرك غيث يرفع هاتفه
#ايوه ياسليم فوقلي كده ومتردش عشان عيشه متتخضش حور بتولد الحاله مش كويسه ومش ناقصه شده اعصاب حريم تعالالي علي المستشفي عشان جاسر منهار انا رايح اجيب دم عشان هتفتح قيصري
#ارجعله انت وانا هتصرف في الحكايه دي هجبها واجي
اغلق سليم الخط لتقول عائشه
#في ايه ياسليم غيث بيتصل دلوقتي يبقي فيه كارثه
هب واقفا ليبدل ملابسه
#مفيش كارثه ولاحاجه نهدي شويه الحكايه كلها حور بتولد اومي اتوضي وصلي وادعيلها
هبت واقفه
#ياحبيبتي ياحور طب هاجي معاك
#لاء انا لسه هروح بنك الدم عشان احتمال تولد قيصري
ادعيلها ياعيشه واول ماتقوم بالسلامه هاجي اخدك تمام
تابعته يخرج لترفع يديها
#يارب قومها بالسلامه ومتخسرناش فيها
وصل سليم المشفي ليجد غيث ويونس في مواجهته
#طمني ياغيث
يونس بانهيار # حور بتموت ياسليم
سليم بعصبيه #انت تخرس خالص مش ناقصه شده اعصاب
غيث بحزن #ادعيلها ياسليم خرجت علي العنايه والولاد في الحضانه الدكتوره بتقول لوعدي النهارده حالتها هتستقر بس العيال نزلين قبل معادهم والرئه لسه مكتملتش تعالي نودلهم الدم عشان الدكتوره سالت عليه من شويه
#طب جاسر فين
بلع ريقه بصعوبه
#ربنا يلطف بيه قاعد قدمها في العنايه الدكتوره لما شافت انهياره سبته يقعد جنبها مش عاوز يتحرك ولاينطق
#ياخفي الالطاف يارب الطف يالطيف
صامت عيناه معلقه بالشاشه التي تعلن ان قلبها مازال ينبض يمسك يدها البارده بين يديه وهو في مكان اخر وصوتها يختلط بصوت ضحكات صغاره عشق وانيس وحتي غيث الصغير يضحك لتستشعر وحدها وجوده تبتسم لابتسامته
#تعالي يابابا العب معانا
ليجلس علي الارض بجوار صغاره
#تعالي ياحجه زينب شوفي ابنك وهو بيلعب
لتحتضنه عشق
#ننا بتلعب معانا
حور #شوفت بقي امك بجلالك قدرها بتلعب معاهم
ليتعلق غيث الصغير برقبتها ويغرز اسنانه الصغيره بها لتصرخ ويجري الصغير لتجري خلفه
#مش هعتقك ياغيث
حتي تكاد تمسكه ليتجمع عليها التؤم ليحموا اخيهم ويقوموا بدغدتها لتتمرغ بالارض
#جاسر الحقني
#ولااعرفك مش بتلعبي
لتتهامس هي والثلاثه الصغار ثم يتوجهوا نحوه لينقض عليه الاربعه ليوقعوه ارضا يضحكو وضحكاتهم ترج المكان ،،،،،،، صوتها يتردد باذنه وهي تعلم صغاره القران
#قل هو الله احد
صوتها العذب وكلماتها الرائعه قربها جنته
يد وضعت علي كتفه ليرفع عيناه لغيث الذي يقف امامه وتسقط دموعه غيث
#وحد الله ياجاسر ان شاء الله هتبقي كويسه ... اوم ياحبيبي قوم تعالي معايا نطمن علي العيال
#مش عاوز حاجه ... خلاص مش عاوز عيال بس تقوم ... انا كنت عاوزهم عشان متسبنيش ..
انا اللي عملت فيها كده ياغيث ،،،،،،والله العظيم نسيت .... هي هتقوم صح ،،،،،حور مش هتسيبني ياغيث صح
امسك غيث كتفيه وهتف بوجهه
#فووووق قوم اتوضا وصلي وادعيلها ....
لتسقط دموعه اكثر ويقول باختناق
# والله ماقادر ... مش قادر ااقف علي رجلي ...
لتسقط دموع غيث ،،،،،جاسر الجبل الوتد الذي يجمع بيت الراوي بل البلد باكملها ينهار بهذا الشكل ويبكي كطفل منهار يمسح دموعه
#جاسر احنا كلنا محتاجنلك ...
#وانا مش عاوز حاجه غيرها
#قول يارب
ليصرخ #ياااارب انا ملييش غيرك متموتش قلبي حي يارب يااارب الطف بيا .... يارب متخلنيش اعيش الكسره دي
ليخرج غيث سليم بلهفه
#طمني ياغيث غيث #جاسر بيموت جوه ... انا اول مره في حياتي اشوفه كده ...دا دفن ابوه ومنهارش كده
#يونس كمان منهار اووي معلش ياغيث روحله انا شخط فيه جامد لمااجيت ... وانا هدخل لجاسر
تحرك غيث ناحيه يونس الذي يجلس بالارض يحتضن ساقيه ويدفن راسه بينهما ربت غيث علي كتفه ليرفع وجهه ويقول بقهر
#ماتت مش كده
#والله كويسه ... هي بس لسه مفأتش ...قوم ياحبيبي متعدش كده في الارض
# بس انا معنتش موجوع ،،،الوجع وقف ... قلبي بطل يوجعني
انقبض قلب غيث لسبب لايفهمه ليتحرك ناحيه الغرفه الزجاجيه حركه اطباء واحد الامن يتوجه ناحيه الغرفه جاسر يصرخ
#حوووووور
يدفعه رجل الامن وسليم ليسرع ناحيته .... ليضمه علي صدره عيون سليم الباكيه وصوته بالاسترجاع .... عاجز عن النطق عن فعل اي شيء لحظات وكانها الدهر لتصدر صرخه من يونس تنتشل الجميع من صدمته
#ااااااه حور عايشه
ليخر جاسر امامه ويقو ل بارتعاش
#هي عايشه صح يايونس
ليرتمي بين ذراعيه ويقول
# والله عايشه وهتفوق
تخرج الطبيبه من الداخل
#الحمد لله قلبها اتوقف دقيقه بس ،،،،،ودا وارد في حالتها بس الحمد لله قلبها رجع تاني ... ومعدلاتها استقرت وان شاء الله هتفوق وهتبقي كويسه
غيث # احنا متشكرين جدا
الطبيبه # هما الاولاد بس اللي هيفضلو شويه في الحضانه قدمنا سته وتلاتين ساعه علشان نشوف نتيجه الحقن اللي عملناه وربنا يسلمهم ان شاء الله
ليخر جاسر علي وجهه ساجدا
#اللهم لك الحمد اللهم لك الشكر
ليرفعه سليم من علي الارض
#قوم ياجاسر احنا في ساعه اجابه .الفجر اذن يلا عشان نصلي جماعه
رواية متمرده عشقها الشيطان من هنا
رواية عذرا لقد نفذ رصيدكم من هنا
رواية نار قلبي وانكسار فؤادي من هنا
رواية قاصره في قلب صعيدي من هنا
رواية مالم تخبرنا به الحياه من هنا
رواية اللعب مع الشياطين من هنا
رواية أحببت مربية ابنتي كامله من هنا
❤️🌺❤️💙🌺❤️💙🌺❤️💙🌺❤️💙🌺❤️💙🌺
الروايات الكامله والحصريه من هنا
انضموا معنا على تليجرام ليصلكم اشعار بالروايات فور نزولها من هنا
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
