بوسه كامله البارت السابع والتامن. والتاسع والخاتمه

بوسه كامله

 البارت السابع والتامن. والتاسع والخاتمه💋💋

السابع

ثقه❤

فلاش باااااااااااك

اقف بقولك انت فاكر نفسك مين علشان تمنعنى وقف الزفته العربيه دى خلينى انزل انا اعمل اللى انا عيزاه فضلت اتكلم واصرخ بصوتى كله وهو ولا معبرنى بيسوق بس بكل سرعته لحد ما طلعنا على الطريق السريع مره تانيه و بدات اضربه على كتفه وايده واصرخ اكتر قولتلك اقف انت خطفنى مودينى فين عااااااا ياناس الحقونى الراجل دا خاطفنى وفى لحظه كان دخل فى ارض صحرا ووقف مره واحده  لقيت نفسى اتحدفت مابين الكراسى بقيت قدامه سحبنى من وسطى قعدنى على رجله وكتف ايدى بأيده الاتنين ورا ضهرى واتكلم بصوت مرعب وشكله خوفنى وانا فى حاله زهول اول مره راجل يكون بالجرائه دى معايا اول مره اكون بالقرب الشديد دا من راجل وبدا الخوف فى قلبى يعلى بس مش خوف منه هو خوف منى انا؟؟انا توهت فى ملامحه ورحته وجسمه العريض اللى كنت مستخبيه فيه ومش بينه ودقنه وشعره كل حاجه فيه تجنن بصتله بهيام كأنى اتخدرت وهو ببتكلم

حمزه:ام صوتك دا لو على تانى هكلك علقه محترمه تفوقك لنفسك وتعرفك انتى كنتى ناويه تهببى ايه تهربى من اهلك علشان الواد المايع دا ايييييه مش شايفه انه واد *ول ولو فعلا بيحبك مش هيسمحلك تغلطى فى حق اهلك وحق نفسك قبلهم غمض عينه وخد نفس بغضب اسمك ايه يابت انتى سكته ومسهمه وبصاله بس ما تنطقى يا زفته الطين ايه القطه كلت لسانك دلوقتى اسمك اييييه يازفته؟؟

بهيام وهطل على هبل ميضرش مش عارفه ايه اللى جرالى رديت بكل غباء!!

فريده:ديده اسمى ديده معرفش ليه قولتله اسم الدلع اللى بحبه محدش بيندهلى بيه خالص غير جدتى والده ماما الله يرحمها من وقتها مافيش حد قولهولى لحد ما كنت قربت انساه!! بصيت على دقنه اللى تجنن وقولتله وانت يا حلو يا اسمر اسمك ايه؟؟؟

رفع حواجبه بزهول وشبه ابتسامه نورت على وشه بقى يجنن اكتر وانا بصالو وفتحه بوقى معرفش ايه الغباء والهطل اللى طفح عليا دا بس اللى اعرفه انى مستمتعه بقربه جدا وقعدتى فى حضنه كده طيرت عقلى اللى مش موجود اساسا رد عليا وكانه استوعب وضعنا ورفعنى من على رجله قعدنى فى الكرسى اللى جنبه 

حمزه:احححم اسمى حمزه واخرسى ومسمعش صوتك لحد ما ارجعك لاهلك تانى اتحركنا وانا فعلا خرست متكلمتش تاتى لحد ما قربنا نوصل كان النهار طلع واكيد ماما دخلت تصحينى للفجر وشافت الرساله اللى سبتها على سريرى ليهم بس عادى هطلع ولا يهمنى وقبل ما نوصل وقف وبصلى واتكلم بهدوء اسمعى يا ديده؟؟ اااه هو ايه اللى بيرزع على صدرى دا معقول دا نبض قلبى؟؟؟ اممممم اسمى حلو اوى منه بس قولت لا مش هسمع منه حاجه تانى كفايه لحد كده قاطعته بعنف ورجعلى غبائى المعتاد اللى بيظهر وقت ضعفى واحتياجى وقولتله

فريده:مش عايزه اسمع حاجه وانت ملكش دعوه بيا انت وصلتى كتر خيرك انسى انك شوفت واحده اسمها فريده واتفضل دا حق المشوار رايح جاى شكرا انك انقذتنى ياعم سوبر مان وقبل ما يرد عليا كنت خت شنطتى ونزلت خت المسافه اللى فاضله للبيت جرى وطلعت وانا بعيط بنهيار مش عارفه ايه سبب عياطى بس حاسه قلبى وجعنى اوى ومحدش فاهمنى ولا حاسس بيا طلعت وقف قدام الباب عندنا وخت نفس وخبطت ماما فتحتلى وهى منهاره من العياط دخلت من غير ما اكلمها وقولت ادخل اوضتى على طول بس صوت بابا وقفنى وقالى بجمود وصوت صارم 

جمال:اقفى عندك رايحه فين وقفت من غير ما ابصله قرب منى ووقف قدامى وقالى ملكيش مكان هنا يله على بره وقفت مزهوله مش مستوعبه اللى بسمعه هو طول عمره قاسى عليا بكلامه رغم ان عمره ما ضربنى الا ان كلامه كان اقوى من الضرب بيقسم قلبى نصين قربت ماما ودموعها مغرقه وشها وقالتله

كريمه:انت بتقول ايه يا جمال دى بنتنا برضو هتمشيها من البيت للحظه حسيت ان ماما خايفه عليا وهتدافع عنى للمره الاولى بس احساسى طلع غلط كالعاده لما كملت؟؟؟الناس هتاكل وشنا امسكها اكسرلها رجليها ودماغها ولا حتى موتها لكن متجبلناش العار بتردك ليها دى مش ولد يا جمال دى بنت وعايزه كسر رقبتها ضحكت جامد لحد ما عيونى دمعت من كتر الضحك انا مش عارفه هما بيعملو معايا كده ليه بس اللى اعرفه انى مش ندمانه على اللى عملته فى حقهم انا زرعتهم ودا اللى بيحصده نتيجه قسوتهم عليا اللى مش لقيه ليها اى مبرر بس وقفت ضحك لما بابا مسك ايدى وسحبنى بكل عنف وهو بيردد بجنون؟؟؟

جمال:اسكتى ياكريمه دى بت بنت كلب ملهاش قاعده معانا اطلعى بره روحى للى كنتى هتهربى معاه اكيد اداكى بومبه وطلع عيل ومجاش يتجوزك وخاف منك ما هى اللى تهرب مع واحد تهرب مع عشره انتى ملكيش امان ومش هتقعدى معانا ولا لحظه هتبوظى باقى اخواتك اطلعى بره روحى فى ستين داهيه انتى موتى بالنسبالنا من وقت ما خرجتى من غير علمنا رجعتى تانى ليه وزقنى بره الباب بكل قوته لدرجه انى كنت هقع لولا ايد قويه مسكتنى وحسيت بحضن حنين بيضمنى جامد وريحه مش غريبه عنى دورت وشى اشوف مين وانا بتمنى من جويا يكون هو وفعلا طلع هو ولقتنى بين ايد حمزه❤❤

نهايه الفلاش بااااااااك 

واقف مزهول من اللى شايفه واللى سامعه مراتى رابطه الواد السيس اللى اسمه زفت هيثم بكل الاحزمه بتاعتى وكاتمه بوقه بفرده شرابى وماسكه رجل كوارع حطاها فى منخيره وحزام فى ايديها نزله بيه على رجله وعلى جسمه وهى بتقول

فريده:اه يا هيثم الكلب بقى انت تتجرأ وتيجى لحد بيت جوزى ياليلتك السوده انهارده شوف اللى انا عملتو فيك دا كلو ميجيش نقطه فى بحر من اللى حمزتى هيعملو فيك لما يجى وتنزل بالحزام على رجله انا مش قولتلك كام مره ابعد عنى ياواد انت مش عارف انى متجوزه سيد الرجاله اللى كلك علقه قبل كده محرمتش ليه ها ايه مالك قرفان يابيضه من الكوارع معذور ما انت عيل صغير متعرفش ان دى اكله الرجاله شم يا واد رجل البقره انا سبتلك دى مخصوص علشان اربيك بيها وراحت ضربته بيها فى بطنه وهو كل اللى عليه ينازع من تحت الشراب اللى كاتم بوقه ما تنشف يا واد يا سيس هههههه على راى حمزتى هو ايه اللى بتعملو دا ايه ال امممم واااه عيل خرع صحيح اثبت مكانك على ما اشوف الاكل استوى ولا لسه سيد الرجاله دكتور حمزه جووووزى على وصول ولازم يلاقى الغدا جاهز وانت استعد بقى للى هيعملو فيك نيهنيهنيها انت اللى جتلو برجلك ولفيت علشان اخرج لقيت حمزه فى وشى عاااااا حمزتى جريت عليه حضنته واتشعلقت فى رقبته بس جسمى كان بيترعش منكرش انى كنت خايفه لا مرعوبه مش خايفه بس اطمنت لما لقيته زاد من حضنه ليا وضمنى ليه اكتر فى اللحظه دى سبت دموعى تنزل 

حمزه:هشششش اهدى حبيبتى اهدى انا هنا اطمنى مش هسيبك لوحدك تانى مش هتغيبى عن عينى تانى حتى لو هخدك معايا الشغل ادخلى كملى الغدا انتى وقبل ما يكمل كان الباب خبط وحمزه دخلنى اوضتنا وخرج يفتح 

مازن:السلام عليكم يا دكتور حمزه انا جبت الناس اللى قولتلى عليهم 

حمزه:تمام يا مازن اتفضل انت استنى لما مشى مازن واتكلم للناس اللى على الباب تعالى ادخلو خدو ابنكم دخل راجل وست طلعو انهم اهل هيثم واتكلم حمزه بكل صرامه وغضب ابنكم اتهجم على مراتى هنا فى بيتى انا لسه ممدتش ايدى عليه مراتى هى اللى شلفطته كده انا لو عليا هقتله ومش هاخد فى يوم واحد سجن ولا هيبقى ليه ديه حتى بس انا عارف انه ابنكم الوحيد وبديكم فرصه اخيره تعيدو تربيته بدل ما تصحو فى يوم تلقوه مقتول وبلحظه كان ابو هيثم نزل ضرب على وشه بكل قوته وهو بيعتذر لحمزه بس الزفت هيثم بدأ يخرف بكلام كدب ويقولهم

هيثم:انتو صدقتو انها عملت كده علشان هى شريفه انا مش اول مره اجلها هنا انا بجلها على طول وانت مش موجود بس هى حبت تخلص منى وتعمل قدامك الشويتين دول لما قولتلها لو بعدت عنى هفضحها احنا على علاقه من قبل ما تتجوزها وبعد ما اتجوزتها واحنا مقضينها فى غيابك هنا فى بيتك واسالها مش هتقدر تنكر انى بجلها هنا وانت مش موجود وضحك ضحكه تريقه ههههه انت عارف ان كلامى صح متكدبش نفسك ايوه مراتك خاينه ما هى سبق وهربت علشان تتجوزنى قبل كده ولا انت نسيت يا هه يا حمزتها ههههههه

وبلحظه كان حمزه اتحول وبقى شخص مرعب وبصلى بصه عمرى ما هنساها وقالى ؟؟؟؟

رايكم وتوقعتكم

دمتم بالف خير احلى قمرات❤❤

نوفيلا💋بوسه💋بقلم نسمه مالك❤

البارت التامن💋

دموع الرجوله💔

خلاص هتموتى يا فريده..

 هتتطلقى ويقتلك وانتى مش على زمته..

 اتردد الكلام دا فى دماغى..

 من نظره حمزه ليا بعد الكلام السم اللى هيثم قاله..

 بس فوقت من خوفى ورعبى على صوت حمزه بيزعقلى بعزم ما فيه وهو بيقولى 

حمزه:هاتى مقص يا دايده؟؟؟

زهول عم على الكل..

ومامه هيثم عيطت بحرقه..

 وجريت مسكت حمزه من ايده وبتقوله..

والده هيثم:ابوس ايدك يابنى بلاش تاذى ابنى..

 وتاذى نفسك..

 ابنى بيقول كده من غيظه..

 اقسم لك بالله انه قالى انا عايز اتجوز فريده لانها اكتر واحده هكون مأمن على شرفى معاها..

 انا عمرى ما مسكت ايديها..

 دى محترمه اوى يا امى..

 صدقنى يابنى خلينا ناخده ونمشى واوعدك عمره ما هيتعرض ليكم تانى..

هيثم:لا انا مقولتش كده..

دى خاينه بتخونك معايا..

انا بقولك تانى اهو مراتك خاينه..

والده هيثم:طيب يابنى شوف انت كنت عايز المقص فى ايه.. انا عملت اللى عليا..

 لكن هو مصمم..

 خد حقك وحق مراتك يابنى علشان ناخد ابننا نعيد ربيته تانى انا وابوه..

والد هيثم:انتى بتقولى ايه بس ياام هيثم..

اسمعنى يا؟؟!!

وقبل ما يكمل كلامه كانت قربت عليه مراته ومسكت ايده..

والده هيثم:سيبه ياخد حق مراته..

 ابنك غلطت ولازم يتعاقب..

حمزه:واقفه عندك بتعملى ايه؟؟

قولت هاتى المقص بسرررررررعه..

جريت على المطبخ..

 جبت اكبر مقص..

 وخرجت بخوف ورعب ودموع مغرقه وشى..

 اول ما حمزه شافنى غمض عينه بغضب وقرب منى خطف من ايدى المقص..

 وبلحظه كان اختفى من قدامى..

وسمعت صريخ هيثم..

 حاولت امسح دموعى اللى منعانى اشوف اللى بيحصل.. وفتحت عيونى على وسعها لما لقيت حمزه ماسك هيثم من مكان عيب وبيقوله..

حمزه:اممممم قول اللى كنت بتقوله تانى كده ياحيله امك.. بص لوالده هيثم لامؤخذه يا حاجه..

هيثم:عاااااااااااااا ااااااااااه انا كداااااااااااب..

 ابوس ايدك انا قولت كده من غيظى..

 انا كداااااااب ومتغاااااااااظ الحقونااااااااى..

 انا غلطااااااان..

حمزه: شوف انا احب اللى يعترف بغلطه..

علشان كده انا مش هقتلك..

 علشان خاطر اهلك بس..

 هقصلك حته علشان لما تيجى تغلط تانى تشوفها تلحق نفسك ومتغلطش؟؟؟

انا واقفه مصدومه..

 معقول هيقص حته من لسان هيثم..

هيييه احسن يستاهل..

فوقت على صوت حمزه وهو بيقولى..

حمزه:ديدا غمضى عينك.. 

هيثم:برعب ااااانت هتعمل ايه..

 ابعد عنى..

 ابعدو عنى..

 حمزه حاول يقلع هيثم  بنطلونه..

حمزه:اهدى يا عديم الرجوله..

 ياللى بترمى المحصنات بالباطل..

 انا هعملك ايه لكل دا..

 كل ما هناك انى هطاهرك بس.. 

هيثم:عاااااااااااااااا لا ابوس ايدك..

 انا مطاهر وانا صغير..

 حتى اسال امى..

 احلقينى يا ماااااااما..

والده هيثم:انا مش فاكره اوى يابنى..

 انت فاكر اننا طاهرنا هيثم ياابو هيثم..

والد هيثم:انا مش فاكر كلت ايه امبارح..

 يله ياحمزه يابنى اتوكل على الله..

متخفش يا هيثم دى زى شكه الدبوس..

حمزه:يله يابنى خلى امك وابوك يفرحو بيك..

 الطهاره حلوه..

 زغرطى يا حاجه ام هيثم..

هيثم:عااااااا لا انا اسف..

 وربنا انا غلطان وكداب ومتغاظ..

 ومطااااااااهر انا مطااااهر ابوس ايدك مطهرنيش.. 

فريده:لقيت نفسى بنط على الارض زى الهبله..

 وبسقف بايدى..

 وانا بضحك وبشجع حمزتى..

 هههههههههه يله ياحمزتى طاهرو طاهرو طا؟؟

 قطعت بيقيت كلامى بسبب بصه حمزه ليا..

 وجريت على الاوضه وقفلت الباب عليا..

 مخرجتش منها غير لما حمزه دخل خدنى من ايدى ووقفنا قدام هيثم واهله..

حمزه حاطط ايده على كتفى ضممنى لحضنه جامد.. 

حمزه:ها يا هيثم كنت عايز تقول ايه لمدام ام حمزه ؟؟؟

ام حمزه!!!

 انا سمعت صح؟؟

بصتله بزهول ودموعى غرقت وشى..

 الكلمه هزت قلبى و كيانى..

 فوقت على صوت..

هيثم:انا اسف يامدام ام حمزه..

 انا غلطان فى حقك..

ومش هكرر غلطى تانى..

 ارجوكى سامحينى..

 وخرج جرى ووراه مامته وباباه..

 وحمزه قفل الباب وقرب منى مسحلى دموعى..

 وانا عينى متشعلقه بعيونه اللى لمعت فيها الدموع وقولتله من بين شهقاتى..

فريده:انت عارف وواثق انى شريفه يا حمزه صح..

حمزه:هشششش متعيطيش يا ام حمزه..

 و مينفعش تسالى سؤال زى دا..

 انا بثق فيكى اكتر ما بثق فى نفسى..

 يا احلى جحشه فى حياتى هههههه

فريده:حجشه انا حجشه يا حمزتى..

اخس عليك..

 امممممم حمزتى انت طاهرت هيثم الزفت دا بجد هههههههه.. كنت عايزه اقوله يام المطاهر رشى الملح سبع مرات هههههههه..

 مش قادره شكلو فطسنى من الضحك هو بيقول انا كداب وغلطان ومتغاظ ومطاهر ههههههه..

 عاااااااااا ايه ياحمزه بتضربنى ليه اخس عليك يا حمزتى وجعتنى.. 

حمزه:احكيلى يازفته الطين ايه اللى حصل بالظبط..

ولما كتفتيه متصلتيش بيا ليه..

ها انطقى لقطعلك ودانك دى واعملها قطايف..

فريده:هقولك والله كل حاجه.. 

بس خلينى اطمن فى حضنك الاول..

 انا مخضوضه وخايفه لسه..

 طمنى وخدنى فى حضنك يا حمزتى..

 وبلحظه كان رافعنى فى حضنه..

وانا ماصدقت وبكل قوتى حضنته وانهارت فى العياط لما سمعته بيقولى من بين شهقاته..

 اااه قلبى حمزه بيبكى علشانى..

 ااااه يارب على دموع الرجوله❤..

حمزه:الحمد لله ان ربنا حفظك ليا..

 مش قادر اتخيل لو الواد السيس دا كان عمل فيكى حاجه انا كنت هعمل ايه..

 الحمد لله ربنا يخليكى ليا يا مانجه حمزه..

 بحبك يا ديده بحبك يابت.. 

فريده:اه ياحمزتى وانا كمان بحبك..

 بحبك خالص اوى امممم ..

عايزه بوسه لا..

 عايزه بوس كتير بوسنى اوى يا حمزتى و؟؟؟؟؟

توقعتكم ورايكم..

دمتم بالف خير احلى قمرات❤

البارت التاسع والأخير 💋💋

قسوه اب💔

فلاش بااااااااااااك

بابا شدنى لحد ما رمانى بره البيت..

وقبل ما اقع على الارض كانت ايد قويه لحقتنى..

رفعت عينى لقيته حمزه..

 وكان باين على وشه الزهول واتكلم بغضب..

حمزه:ايه اللى بيحصل دا!!؟؟

 مين الراجل ابن الجزمه دا يا فريده..

فريده:دا ابويا..

 وبعدين انت ايه اللى جابك ورايا ها يله امشى من هنا..

ردد الكلمه اكتر من مره وكانه بيستوعب ان فى قسوه اب💔على بنته بالشكل دا..

 وقالى جمله وجعت قلبى.. 

حمزه:مش هسيبك..

 وقعتى فى طريقى ووقعت فى طريقك ومش هسيبك.. فوقنا على صوت ابويا وهو بيقول..

جمال:هو دا اللى هربتى علشانه..

امال الواد الخايب الفاشل اللى اسمه هيثم فين..

 قرف اكيد منك؟؟؟؟

 يله انتى وهو من هنا..

 انتى ملكيش مكان هنا تانى مشوفش وشك طول ما انا عايش يابنت الكلب يا فاشله اتفووووووو عليكى..

 ولسه هيقفل الباب كان حمزه فتحه بعنف..

 لدرجه بابا وقع على الارض..

 دخل حمزه وشال بابا من وسطه رفعه وثبته على الحيطه وبيتكلم بغضب شديد..

 بعد ما شخط فى ماما اللى حاولت تدافع عن بابا..

وقال حمزه لبابا اللى عمرى ما توقعته..

 ولا خطر على بالى..

 ووقفت مصدومه ومزهوله من اللى قاله..

حمزه:صباح الخير يا عمى..

 انا يشرفنى انى اطلب ايد الانسه فريده..

جمال:وهو بيرفس برجله فى الهوا..

 نزلنى يا جدع انت بقولك..

 واتجوزها ولا متتجوزهاش فى ستين داهيه انت وهى..

حمزه:ورحمه امى وابويا لو متعدلتش كده واتكلمت بالعقل على بنتك لرميك من البلكونه حالا..

 انا هتجوز بنتك هاخدها من بيتك بعد ما احط ايدى فى ايدك قدام الماذون وقدام الناس كلها..

 هتخرج من بيتك عروسه بفستان فرحها..

 بعد كده بقى عايزه انها تزورك ولا انت تيجى تزورها مش همنعكو..

ها قولت ايه ياعمى..

ولان حمزه كان طول بعرض وملامحه جاده وشكله شديد وهيبه. 

 بابا خاف منه وبدا يتراجع..

جمال:احححم هو انت بتشتغل ايه..

وعرفت بنتى ازاى..

 ونزلنى بقى خلينا نتكلم..

 بصلى حمزه وقالى.. 

حمزه:ديدا ادخلى اوضتك.. 

فريده:بغضب..مش هدخل وانا مش موافقه اتجوزك..

 ملكش دعوه بيا..

حمزه:لو مدخلتيش اوضتك حالا..

بص لبابا..

هحدفه من البكونه وانا نفسى الصراحه..

جمال:بخوف..ما تدخلى اوضتك يابنت الكلب..

 انتى عيزاه يموتنى.. 

فريده:لا خلاص متحدفوش..

 انا هدخل..

 دخلت اوضتى وانا فى حاجه جوايا فرحانه..

 مش عارفه السبب..

 شويه ودخلت ماما ولقتها لابسه وبتقولى..

كريمه: يله تعالى..

خرجت وراها لقيت حمزه مستنينا..

 اول ما شافنى ابتسم ابتسامه جميله اوى تخطف الانفاس وقالى..

حمزه:يله ياعروسه هننزل نشترى حاجات الفرح..

 مبروك يا ديدا انا قريت فاتحتك مع باباكى..

 بص فى ساعه ايده الساعه 8..

وان شاء الله هلبسك شبكتك الظهر..

 وكتب كتبنا بعد صلاه العشاء.. 

فريده:الف مبروك بس دا عند ام يانى..

 انا مش هتجوزك..

 بصيت لابويا وهسيب البيت زى ما انت عايز..

 لفيت علشان اخرج كان قرب منى حمزه وشدنى من ايدى وقال لبابا..

حمزه:احنا رايحين نجيب حاجات فرحنا.. 

فريده:سيب ايدى هو بالعافيه..

 مش هتجوزك انت يا انت..

 دخلنى العربيه ولف ركب جنبى وقالى..

حمزه:اهدى يا زفته انتى..

 انا هتجوزك فتره على ما تقفى على رجلك..

 او والدك ينسى اللى انتى عملتيه..

وبعدين لو عايزه تطلقى هنفذلك رغبتك..

 بس انا شخص مقدرش اشوف حد محتاح مساعده واديلو ضهرى..

فاهدى كده وفكرى فى مصلحتك بالعقل..

فريده:وانت ذنبك ايه..

 وليه تعمل كده علشان واحده متعرفهاش..

وبعدين انا مش عايزه مساعدتك..

 ابعد عن طريقى واعتبر نفسك مشوفتنيش..

 وبلحظه كان رافعنى وبقيت فى حضنه تانى..

وقالى باصرار غريب..

حمزه:انهارده هتكونى مراتى ياديده..

هتجوزك انهارده مش بكره..

وقد كان..

 نزلت ماما وركبت معانا..

 واتحركنا وفى خلال 6 ساعات كنت اشتريت كل اللبس اللى يليق بعروسه..

واشتريت الفستان اللى صمم عليه حمزه..

 وبصراحه زوقه كان يجنن والفستان كان روعه..

 واتجوزت حمزه غصب عنى وانا بعيط..

 لكن هو طمنى ووعدنى مش هيلمسنى غصب عنى.. وهيطلقنى فى اقرب وقت..

 وابويا وامى كانهم ما صدقو خلصو منى..

 خصوصا ابويا اللى كان على لسانه كلمه واحده..

اخيرا..

 قلها كام مره..

 والفرح خلص وجه الوقت اللى همشى فيه مع حمزه..

 وقف بابا قدامى وقالى اخيرا خلصت منك💔

نهايه الفلاش بااااااك

فريده:نايم فى حضنى ومحوطنى بايده ورجله..

 انا بالنسباله مش بس مراته..

 انا ام حمزه❤..

وهو بنسبالى عوض ربنا ليا..

 بدأت ابوسه كتير..

 لحد ما صحى..

 امممم ايوه  بقى صحصح كده واحشتنى ياحمزتى..

 امووووه هيييييح يادكرى ههههههههه..

حمزه:هههههههه يا نتيتى هههههههه..

 بقيتى مدمنه بوس..

 اااااه يا مانجه حمزه..

 وبلحظه كان خطفنى فى حضنه ومال بيا على السرير وهو بيبوسنى بعنف لذيذ.. 

فريده:امممممم حمزه يا متوحش اخس عليك يا عضاض انت..

حمزه: دا مش عض يا ديدا العض بيكون كده؟؟؟؟

عضنى براحه من خدى.. 

فريده:هههههههه بس يا حمزتى ياشقى انت..

 قوم يله قولى انت عملت ايه فى هيثم لما انا دخلت الاوضه..

 وعلى فكره انا شوفتك وانت بتربط على ايد مامته وهى ماسكه ايدك وبتغمزلها..

 وهى برضو مسكت ايد بابا هيثم وغمزتلو..

 وقالتلو سيبو ياخد حقه وحق مراته..

 قولى يا حمزتى وحياتى الفضول فشخلى افكارى..

حمزه:بزهول..

فشخلك؟؟؟؟ 

انا سمعت صح ولا ودنى باظت..

فريده: هههههه لا طبعا ودنك باظت..

 بقى انا ديده الرقيقه تقول ف؟؟؟

 لا مش قادره اقولها هههههههه..

قول بقى ياحمزتى الله..

حمزه:بجديه..ديدا انا فعلا غمزت لولدته علشان اطمنها انى مش هأذيه..

 وكنت قايل لمازن يعرفهم انى ههدده وهشد ودنه..

 علشان كده هى سبتنى اشده شويه..

 يمكن يتظبط..

 وكمان انا سبت الواد دا عايش رفقا باهله..

 لكن وحياتك عندى انا كنت هقتله لو لمس منك شعره واحده..

 بس خلاص مش هيقدر يتعرضلك تانى ابدا..

 ولو شافك فى طريق هيمشى من طريق تانى..

 المشكله ان الواد دا كان بيحاول يكون صايع ومعرفش..

 وقع فى مشكله مع عيال صيع وصلت للسرقه..

 وكانو هيلبسوها ليه لوحده..

 وبعد جوازنا لما حاول يتعرضلك وانا رنيته علقه..

 قولت اعرف عنه كل حاجه..

 وبالصدفه عرفت المشكله بتاعت السرقه دى..

 جبت العيال وخلصت المشكله من وراه..

وبقى يدور على اللى خلصله المشكله علشان يشكره..

 بس انا بعتله رساله ان كده عليه دين وهيجى اليوم اللى هطلبه يسد الدين..

 ولما انتى دخلتى الاوضه قولتله انى صاحب الدين اللى عليك واديته قماره المشكله وازاى انا حلتها..

وقولتله لو عايز تسد الدين فعلا ابعد عن طريقى انا ومراتى والا هقتلك وحاول تصلح من نفسك علشان اهلك..

 لقيته فضل يعتذر وباس راسى..

 وقالى انا عايز اعتذر لفر؟؟

 وقبل ما ينطق اسمك قولتله اسمها ام حمزه..

 ودخلت جبتك من الاوضه بس ياستى.. 

فريده:ااااااااه بقى يا الله على سيد الرجاله اللى انا متجوزاه.. ربنا يخليك ليا يا روح ديده..

 قربت منه ولزقت كلى فيه وبوسته 

 اممممم بس ايه حكايه ام حمزه دى عجبانى فشخولا يا حمزتى..

 شدنى عليه اكتر

 وبيكلمنى 

 اممممم حمزتى المتوحش..

حمزه:بهمس..علشان انتى كل حاجه فى حياه حمزه..

 امى..

 واختى..

 وبنتى..

 ودلوقتى بقى مراتى اللى ادمنت البوسه 

 هههههههه..

💋💖💖

رايكم وتوقعتكم

دمتم احلى مزز قمرات💖

نوفيلا💋بوسه💋بقلم نسمه مالك💖

الخاتمه💖

اهلك لا تهلك❤

بعد مرور عده سنوات؟؟؟

كريمه:وبعدين معاك يا جمال هتفضل قاعد جنب باب الشقه كده لحد امتى..

يمكن مش هتبعت انهارده..

 قوم يا اخويا ارتاح شويه وانا لو لمحت اى حاجه هندهلك طوالى..

جمال:بغضب..اسكتى انتى ملكيش دعوه بيا..

انا مش هقوم من هنا علشان لما تيجى افتح الباب بسرعه والحقها قبل ما تمشى..

 البت بنت الكلب وحشتنى اوى يا كريمه..

 لينهار ببكاء شديد..

 انا مش عارف جبت قسوتى دى كلها عليها منين..

 انا غلطان وبعترف بغلطى..

 بس غصب عنى كان نفسى فى ولد..

 لكن ربنا كرمنى بخمس بنات..

 وبدل ما احافظ عليهم قسيت عليهم وعقدتهم..

وبنتى الكبيره كنت بتردها من البيت..

 لكن ربنا كان رحيم بينا ورزقها بعريس ابن حلال.. 

وبقالها اكتر من 3 سنين مدخلتش البيت..

 بس بتبعتلنا صورها مع جوزها ونتيجه امتحانتها اللى ديما متفوقه فيها وبتطلع من الاوائل..

 ليبكى بنحيب اكبر..

دخلت كليه علوم ياكريمه وانا اللى ديما اقولها يافاشله..

كنت بفش غلى وغيظى فيها علشان مجتش ولد..

وعميت عينى عن حنيتها ومشفتش غير عندها اللى ورثته منى..

 ليبكى بنحيب اكبر..

 دا حتى عيد ميلادى وعيد ميلاد اخوتها وعيد ميلادك وعيد الام مبتنسهمش وبتبعت الهدايا اول باول.. 

كريمه:مش هلومك يا جمال لانى غلطانه معاك..

 كان نفسى اجبلك الولد اللى نفسك فيه..

 بس حكمه ربنا..

 غلطانا سوا لما مشفناش النعمه اللى فى ايدينا..

 بس ان شاء الله نصلحها..

 تعالى نلبس ونروحلها هتفرح اوى؟؟!!

 قطعها بعنف.. 

جمال:اروحلها ايه!!

 انا اللى ابوها وهى اللى تيجيلى..

 مش شيفانى قاعد مستنيها..

يله روحى اعمليلى كوبايه شاى على ما اشربها تكون جت..

 انا مستنيكى اهو يا فريده اوعى تتاخرى يابنت الكلب..

^^^^^^^^^^^^^^^^^^^^^^^^

بأحدى المبانى الجديده..

 بمنطقه هادئه تتميز باخلاق اهلها..

 نجد بالطابق السادس..

 معمل تحاليل❤الفريده للتحاليل الطبيه❤..

رغم صغر حجمه..

 الا انه من اشهر المعامل بالمنطقه..

 علما بانه لم يتم عام على افتتاحه..

 فأن مالكه دكتور حمزه الصياد امهر دكتور تحاليل..

 والاول على دفعته طوال فتره دراسته❤❤..

فريده:دخلت اجر فى رجلى..

 اه يا كلى يا انى مش قادره..

 بنهج وانا طالعه فى الاسانسير احييييه..

 بقيت شبه الكرونبه ببطنى الحلوه دى..

بس كلو يهون فى سبيل الامومه والابوبه ههههه..

 صحيح الامومه مش سهله بس مستهله❤..

كنا مأجلين الحمل على ما اخلص مدرسه..

والحمد لله انا فى اخر سنه 3 كليه علوم..

 بفضل حمزتى ربنا يحفظهولى..

وقف جنبى فى كل حاجه وعلمنى ومبخلش عليا باى حاجه.. وانا ربنا قدرنى وقدرت احافظ على كل قرش بيشتغل بيه.. ووقفت جنبه لحد ما فتح مشروعه..

المعمل اللى كان بيحلم بيه..

 بس مسبش مكتب اوبر..

لسه فاتحه وربنا كرمه اكتر وبدا يشتهر اكتر ماشاء الله..

 ربنا يحرسك يا حمزتى..

انهارده هروح اودى صورى وانا حامل لماما وبابا..

بيوحشونى رغم كل حاجه حصلت..

بس انا خلاص هبقى ام كمان ايام..

 ومعرفش لما اكون فى سنهم هفكر ازاى..

 علشان كده لمست ليهم عذر..

 انا برضو كنت عنيده اوى..

 بس خلاص انا اتعلمت هما بس يرضو عنى ويدعولى وانا عمرى ما هعند معاهم ولا ازعلهم تانى..

 دخلت المعمل..

 اللى طبعا اول ما الكل يشوفنى بيقفو ويرحبو بيا جدا..

 امال ما انا مرات دكتور حمزه..

 هييييح بقى متجوزه قمر يا ناس.. 

فريده:مساء الخير يا دكاتره..

 عاملين ايه يارب تكونو بالف خير..

مجموعه من دكاتره التحاليل:مساء النور يا فندم..

نورتى يا مدام حمزه..

ربنا يقومك بالف سلامه يا مدام..

فريده:الله يسلمكم جميعا..

 الدكتور جوه اقدر ادخلو؟؟

 وقبل ما حد يرد عليا منهم كان خرجلى دكتورى حمزتى حياتى يستقبلنى كالعاده بنفسه..

 اااه يجنن ابن اللذينه..

حمزه:الدكتور يخرجلك بنفسه يا ام حمزه..

 يله ياشباب كل واحد على شغله مش عايزين صاحبه المعمل تدينا جزه..

فريده: بصتله بنظره كلها حب..

عضيت على شافيفى وانا متاكده ان هو بس اللى شايفنى..

 لا طبعا مقدرش احنا مش هنعطلهم اكتر من كده..

انا هاخدك ونمشى على طول..

حمزه:وهو بيتحرك بيا وايده كالعاده على كتفى..

 طيب يا دكاتره لو فى اى حاجه كلمونى..

 انا مش هرجع تانى انهارده..

 اشوفكم بكره على خير بأمر الله..

 نزلنا على السلم علشان لازم ابدا اتمشى شويه زى ما الدكتوره قالتلى..

 المشى بيساعد على الولاده..

مبقدرش امشى لوحدى..

 لكن وانا مع حمزتى ممكن امشى لليونان ومحسش بالوقت..

فريده:واحشتنى يا حمزتى..

 اوعى تكون اتغديت من غيرى..

 انا جيبه معايا الغدا علشان نقعد شويه فى الجنينه وناكل سوا..

حمزه:ودا سؤال ياام حمزه..

انا مبعرفش اكل من غيرك..

ولا بعرف اكل من ايد حد غيرك..

 عمللنا غدا ايه يا مانجه حمزه..

فريده:حبيبى انت يا حمزتى..

عملالك طاجن باميه باللحمه..

ورز بشعريه..

 وبتنجان مخلل يستاهل بوقك..

 وجبتلك بطيخه من الحاجه ام عابدين طلعت حمره شرار.. ومرمله ومسكره سكر ومقطعهالك قطع زى ما بتحبها ..

حمزه:امممم الله عليكى يا عيون حمزه..

 ايوه بقى يا مغذيانى ومقويانى انتى..

 بس مترجعيش تقولى طلعلك بندق واشفط بندق يا حمزه.. انتى اهو اللى بتبوظيلى اكل الجيم ..

فريده:قربت منه ومسكت بأيدى الاتنين فى دراعه..

 ميلت بكتفى عليه..

ياحمزتى انا بحبك بكل حالاتك..

 وبعدين هو فين اصلا بندق دا..

دى بطنك لازقه فى ظهرك..

 امال انا اعمل ايه مش شاف بندقى اد ايه..

 حمزه:انتى بقيتى مزه المزز وانتى حامل كده..

 اااااه خلينى ساكت احنا فى الشارع لما نروح بتنا هقولك تعملى ايه وانا كمان هوريكى انا هعمل ايه..

 وغمزلى بعينه..

وفضلنا ماشين لحد ما وصلنا للجنينه..

تعالى نقعد على الدكه مش هتقدرى تقعدى على الارض..

فريده:لا انا جيبه الفرشه اللى بنقعد عليها كل مره فى الكيس..

 طلعها وافرشها قصادى..

انا برتاح على الارض اكتر رجلى بتوجعنى لما بدلدلها من على الدكه..

 فرشنا وقعدنا على الارض الخضرا..

 وحمزه طلع الغدا من الحافظ وبدانا ناكل..

 والاكل كان حلو اوى..

 طبعا دا انا متعمله عمايل الاكل من دكتور حمزه..

 شويه وعدا قدمنا شحته دا راجل غلبان..

 بينام فى الجنينه على طول..

وعارف حمزه وبيحبه اوى كانه ابنه..

 رغم انه مبيتكلمش..

 بس سبحان الله لما يشوف حمزه يفضل ينادى عليه و يقولو زه زه..

 اختصار حمزه..

 وبيفهم كل حاجه يمكن احسن مننا كمان..

 اول ما حمزه شافه جرى عليه وجابو علشان ياكل معانا.. حطلو فى الطبق بتاعه..

تملى بكون عامله حسابه زى ما حمزه عودنى..

 كل معانا وكان فرحان جدا..

 وبعد ما خلص رفع ايده ودعلنا..

وانا قولتله زى كل مره..

فريده:ادعيلى يا عم شحته ان ربنا يحنن قلب ماما وبابا عليا انا واخواتى..

 عيونى لمعت فيها الدموع وبتهدد بالنزول..

 لكن عم شحته ابتساملى وبص لحمزه وطبطب على ضهره وكأن حمزه فهم هو عايز يقول ايه وقالى..

حمزه:بيقولك ان مهما ربنا يرزقك بزوج كويس..

الا ان من غير اهلك تهلكى..

 لكن بيهم ❤اهلك لا تهلك❤..

صح يا عم شحته..

شاور بدماغه بمعنى صح..

 طيب ياراجل يا طيب انا هستأذنك وهاخدها ونروح لأهلها.. ادعلنا ربنا يكتبلنا الخير..

 خدنى حمزه واتمشينا لحد ما وصلنا عند بيت اهلى..

 وقفت زى كل مره ابص للبيت بدموع مغرقه وشى..

 صعب اوى احساسى..

 انا يتيمه واهلى عايشين..

 لو اعرف ايه ذنبنا اننا طلعنا بنات..

 علشان يكرهونا كده انا واخواتى..

 بس انا بدعلهم..

 وديما هاجى ومش هيأس من رحمه ربنا..

فوقت على صوت حمزه وايده وهو بيمسح دموعى..

حمزه:وبعدين ياام حمزه كل مره نيجى تعملى كده..

 يله ياحبيبتى خلينا نطلع نحطلهم الحاجه ونجرب نخبط المرادى يمكن يفتحو..

غريده:بعياط هستيرى..

 تفتكر هيفتحولنا..

كل مره بنيجى مش بيردو يفتحو..

 لحد ما بقى بابا يفتح يرشنا ميه ويقفل فى وشنا..

 وبقينا نسيب الحاجه اللى جيبنها معانا ونمشى بسرعه قبل ما يفتح ويرشنا تانى..

 تفتكر المرادى لو فتح ورشنا ممكن ياخد باله من بطنى وانى حامل وهو هيبقى جد ويحن عليا ويخدنى فى حضنه ويفرح انى هجبلو احفاد..

تفتكر ياحمزه..

حمزه:حبيبه قلب حمزه احنا قولنا ايه..

مش هنيأس وهنفضل نجرب ونعافر لحد ما يرضو علينا.. اطمنى انا معاكى وهستحمل اى حاجه وكل حاجه بس اشوفك مرتاحه ومبسوطه..

 ومشوفش نظره الحزن اللى فى عنيكى دى تانى ابدا..

فريده:بعشق..ربنا يباركلى فيك يا احلى حاجه فى دنيتى.. انت عوض ربنا لقلبى ياحمزه..

ربنا وقعنى فى طريقك من دعوات جدتى ليا الله يرحمها.. كانت ديما تقولى ربنا يجبر قلبك بحب راجل يكون ليكى بعد الاهل اهل❤..

وانت نعمه الزوج يا حمزه ربنا ما يحرمنى منك ابدا..

 ويله نطلع عندك حق انا مش هيأس..

 ونضرب الجرس ايه يعنى يرشنا بالميه هخبط تانى ويرشنا تانى..

بس مش همشى المرادى غير لما يرضو عنى..

 عايزه اولد فى وسطهم ياحمزه..

 عايزاهم يعملولى السبوع..

 اخواتى هيبقو خالات حنينين اوى ياحمزه..

لتنفجر ببكاء مرير يدمى القلوب..

 اخواتى وماما وحشونى اوى اوى.. 

حمزه:هشششش كفايه يا قلب حمزه..

 والله ياحبيبتى ما هنمشى المرادى غير وانا منفذلك كل اللى انتى عيزاه..

 خدنى من ايدى وطلعنا وقفنا قدام الباب..

 وانا قلبى بيدق بعنف وخوف واشتياق..

 وقبل ما نخبط..

 كان الباب اتفتح..

 غمضت عينى بسرعه..

 وخبيت الهدايا ورا ضهرى واستعديت للميه اللى هيرميها علينا..

 بس سمعت صوت عياط..

 ايه اللى انا سمعاه دا!!!

والميه مترمتش علينا ليه؟؟

 فتحت عينى براحه لقيت بابا عينه على بطنى وبيبكى بصوت مسموع..

وبينادى على ماما بفرحه غريبه..

جمال:كريمه يا كريمه..

 فريده جت..

 نادى البنات قوليلهم اختكم جت..

بصلى وقالى..

 اتأخرتى ليه يا بنت الكلب انا مستنيكى من بدرى..

 واقفه انا وحمزه مزهولين..

بنبص لبعض ومش فاهمين اى حاجه..

فوقنا على صريخ عياط اخواتى وامى..

 وهما بيجرو عليا يحضنونى وشدونا دخلونا جوه البيت..

 وانا كنت بعيط واضحك واصرخ كل ما اسلم على واحده من اخواتى..

 وابويا كل اللى بيقوله وهو بيعيط؟؟

 ابويا بيعيط يا جدعان يا فرج الله..

جمال:براحه على حفيدى..

 انا هبقى جد الحمد لله ..

براحه على اختكم يا مقصفه الرقابه انتى وهى..

 قعدوها بقى..

 وانتى يابت يا فريده تعالى هاتى حضن ليه..

و صلحينى وبوسى راسى كلو الا رضا الاب والام يا بنت الكلب..

 ولا انا موحشتكيش..

وبلحظه..

 كنت اترميت بحضنه وبوست ايده وراسه..

 وامى كمان خدتنى فى حضنها وبوست ايديها هى كمان❤..

ولقيت بابا بيتكلم بكل فخر..

مش قولتلك يا كريمه انا ابوها وهى هتجيلى..

 تقوليلى تعالى نروحلها..

دى بنتى وهتفضل تجيلى مهما عملت فيها..

 امال انا سمتها فريده ليه..

هنا ادخل حمزه وقالو..

حمزه:فعلا يا عمى عندك حق هى فريده و احلى فريده كمان.. ما تجيب حضن يا حمايا ولا انا مليش نفس..

 ضحك بابا وحضن حمزه وقالو..

جمال:امممم رحتكو باميه..

 تصدق نفسى فيها.. 

حمزه:عنيا يا عمى احلى طاجن باميه نعملهولك ونجبهولك بكره بأمر الله..

جمال:تجيبو منين؟؟

 انتو هتقعدو معانا هنا لغايه ما بنتى تولد..

 وتشم نفاسها..

 واخواتها وامها يبقو معاها مش هيسبوها..

 وانت كمان تكون مع مراتك..

 هى ليها اوضتها لوحدها مقفوله اخوتها هينضفوها وتقدرو تقعدو براحتكم فيها..

حمزه:اعذرنى يا عمى بس مش هينفع انا اقعد معاكم.. حضرتك عارف ان لكل بيت حرمه ومش هبقى مرتاح ولا اخوات فريده ومامتها كمان..

 انا بالنسبالهم راجل غريب..

 بص لفريده بنظره رعب انها توافق تقعد معاهم وتسيبه.. 

وكمل بصوت حاول يكون طبيعى..

 بس للاسف طلع مهزوز من شده رعبه..

لو فريده عايزه تقعد معاكم مش همنعها..

فريده:بعشق..مش هقعد فى مكان من غيرك..

جمال:طيب انا هظبط اوضتها واعملها حمام داخلى يبقى خاص بيكم..

 والشقه واسعه وكل واحده من البنات ليها اوضه..

 ومش هيبقى كده فى مشكله ان شاء الله.. 

كريمه:بلهفه..ايوه كده حل كويس..

 بس ارجوك يا حمزه يا بنى خليكو معانا..

وكمان مش عيزينك تعتبر نفسك غريب احنا بقينا اهل وننسى اللى فات قولتو ايه..

جمال:انتى بتقولى ايه يا ام فريده..

 احنا طول عمرنا هنفضل اهل..

 وانا اعمل اللى انا عيزه ان شاء الله اكرشكم كلكم فى الشارع تتكرشو من سكات ولما اهدى ترجعو تانى..

 ولا ايه يا حمزه مش انا ابوهم واعمل اللى انا عيزه صح ولا لاء..

 انا عارف انى كنت غبى وقاسى عليكى يا فريده بس انا ابوكى فى الأول وفى الاخر..

 صح يا فريده صح يابنتى..

متزعليش منى انا غلطت فى حقك..

 بس انتى برضو طالعه عنيده بنت كلب لابوكى..

حمزه:هههههه فعلا يا عمى هى بنت كلب عنيده وجحشه كمان ههههه..

 احححم اسف ياعمى.. 

بس بعد أذنك يا عمى انا عندى راى تانى اتمنى توافقو عليه..

 بدل ما حضرتك ياعمى لسه هتكسر وتبنى حمام من الاول وجديد..

 ممكن تنورونى فى شقه ام حمزه..

 قصدى فى شقه ديده وعندنا 3 حمامات والشقه واسعه برضو وهتكفينا كلنا..

اخوات فريده:فدوه وفيحاء وفرح وفيروز..

 فى صوت واحد..

 ايوه ياريييييت..

 عايزين نشوق بيت اختنا.. 

كريمه:ايه رايك يا ابو فريده نروح احنا..

فريده:ارجوك وافق يابابا..

 انا هبقى مبسوطه اوى اوى لما تيجو عندنا..

 وفعلا بعد محيلات كتيره وزن على دماغ بابا وافق يجو عندنا..

بس قال هيقعدو يومين ويمشو..

 كانو احلى يومين عدو عليا مع عايلتى..

 الحمد لله ربنا جمع شملنا من تانى..

 وبقينا يوميا عندهم..

 ولو يوم مرحتش هما يجولى..

 واخواتى البنات عملو دوريات على تنضيف البيت عندى..

 فعلا اهلك لا تهلك❤..

بعد اسبوع كنت خلاص دخلت اخر التاسع..

 وقربت ادخل العاشر..

 ودا خلى حمزه يقولى..

حمزه:ايه يا جحشتى..

 هتولدى امتى!!

 الحمل جملى ولا ايه؟؟

وقبل ما ينطق كانت نزلت عليا ميه الولاده غرقتنى..

 وحمزه طلع يجرى عليا..

 وهو مخضوض واتكلم بكل لهفه..

 متخافيش يا حبيبتى..

 ولا يهمك انا هغيرلك واشطفك و؟؟

فريده:تغيرلى وتشطفنى ايه يا حمزتى..

 انت فاكرنى عملت بيبى..

 دى ميه الولاده انا بولد ياحمزه.. 

حمزه:بتولدى!!!!

 طيب خدى نفس يا حبيبتى..

 حاسه بوجع ولا حاسه بطلق ولا؟؟؟

فريده:حمزززززززززتى..

 اهدى انا مش حاسه بوجع..

 حسيت بخبطه بس..

 وبعدين الميه نزلت..

اتصلى بماما واتصل على الدكتوره انت اسالها على ما اخلص كلام مع ماما ونشوف هنعمل ايه؟؟

كلمت ماما اللى جابت بابا واخواتى وجت تجرى..

ونزلنا على المستشفى..

 وبعد وقت طويل ومهلك للاعصاب..

 ربنا كرمنى بأحلى عز الدين على اسم بابا حمزه..

 وجمال الدين على اسم بابايا..

ودول كانو ولاد بابا وماما من كتر حبهم وتعلقهم بيهم..

وانا الحمد لله كملت كليتى..

بقيت دكتوره تحاليل بمساعده حمزه حبيب قلبى وروحى.. وبمساعده اهلى كمان اللى شالو ولادى وساعدونى كتير فى حياتى..

 اللى اختلفت تماما بعد الخلفه..

 وحمزه قرب من بابا جدا لدرجه بقى بابا يقول عليه ابنى البكرى..

 وبقى يقعد مع بابا يقابل كل عريس يتقدم لواحده من اخواتى..

 اللى اتجوزو ورا بعض فى سن صغير زى بالظبط..

 واللى خلفو كلهم تؤام صبيان..

 وبقى بابا عنده 10 رجاله احفاد غير 5 رجاله اولاده اللى هما اجوزنا انا واخواتى..

 وكل العيله بتستعد للدفعه الجديده من الاحفاد..

 لانى انا واخواتى الاربعه حامل فى تؤام برضو..

 بس المرادى بنات..

ملخص حكايتى ان الاهل مهما عملو فهيفضلو فى الاخر اهل❤..

والزوج الحنين رزق..

 من دعاء الاهل برضو..

 ربنا يديم علينا نعمه الاهل..

 والعايله..

 والزوج الصالح لكل بنت يارب❤..

 بوسه💋 لكل💋 ام 💋..

واب💋..

 وزوج 💋..

واخ💋..

واخت💋..

ولكل اهلنا الف بوسه وبوسه💋💋💋💋💋💋..

تمت بحمد الله❤❤نوفيلا💋بوسه💋..

بقلم نسمه مالك❤❤❤..

دمتم بالف خير احلى واجمل قمرات❤❤❤❤

البارت الاول والتاني والتالت 👇👇👇👇

من هناااااا

البارت الرابع والخامس والسادس 👇👇👇👇

من هناااااا