نوفيلا بوسه كامله الاول والتاني والتالت

 نوفيلا بوسه

كامله

الاول والتاني والتالت

بقرف منك مش هبوسك�

جمله رمتها وقت غضب..

معرفش انى هدفع تمنها كتير اوى..

 وان انا بعد كده اللى هتمنى قربه وحضنه..

 واتمنى كمان انى ابوسه..

صدمه جامده شوفتها فى عيونه..

رغم جمود ملامح وشه..

 قلبى وجعنى اوى واتمنيت لو يرجع بيا الزمن وانفذ طلبه وابوسه جامد..

واقوله انى قولت كده من غيرتى عليه..

خد نفس طويل وهو عينه فى عينى وبلحظه كان لوى دراعى ورا ضهرى .

 ورغم وجع ايدى الا كان قلبى موجوع عليه هو اكتر وعرفت انى عملت شرخ كبير فى علاقتنا مش هيتعالج بسهوله�كلمنى بصوت صارم وبهدوء عكس اللى حساه فى نبره صوته من غضب..

حمزه:ورحمه امى يا ديدا لخليكى انتى اللى تتحيلى عليا انك تبوسينى مش انا اللى ابوسك كمان..

 وساعتها هتشوفى انا هعمل ايه هفجأك استعدى يا حرمى المصون..

 اخفى من وشى حضريلى الغدا عايز اكل كوارع..

 تنزلى عند الجزار تجيبى جوز رجول عجالى ملظلظين كده وترجعى تنضفيهم وتطبخيهم يا هه يا ديدا..

زقنى بعزم مافيه وبلحظه كنت وقعت من على كنبه الانتريه وبكل زهول قولتلو..

فريده:عايز تاكل كوارع عاااااا وانا انضفها واطبخها هههههههه..

 انت بتهزر عايز تاكل رجل البقره هههههههههه..

 وانا كمان اللى اعملهالك!!؟؟

اممممم طيب اسيبك انا تكمل احلام اليقظه بتاعتك مع رجل البقره ههههههه او ديلها ههههههه..

وقبل ما اكمل الضحكه لقيته بيفك حزام بنطلونه وهو بيضحك على ضحكى..

طلعت اجرى وهو ورايا..

 ايييه انت بتعمل ايه متقربش منى انا بقولك اهو..

 والله العظيم الحزام دا لو لمسنى ما هستنى معاك ولا ثانيه واحده همشى ومش هتعرفلى طريق ياحمزه..

حمزه:يعنى انتى لما تجرى منى كده مش هعرف امسكك؟؟ طيب تعالى يا ديدا لوحدك بالزوق..

زعق بصوته كلو..

 بقول تعاااالى..

لقيت رجلى جريت عليه لوحدها كأنى مش متحكمه فيها.. وبدل ما اقف قدامه..

لقتنى حضنته اوى بكل قوتى كانى بتحامى منه فيه..

 بس حضنه كان حلو اوى..

 اول مره اجربه واستغربت ازاى بقالى اكتر من شهر مراته ومحضنتوهوش ولا مره!!..

حضنه دافى وحنين اوى يجنن بصراحه..

رغم انو ما بدلنيش الحضن لكن دقات قلبه كان صوتها لوحده بيحضنى من كتر سرعتها..

 لحظات عدت اقدر اقول من احلى لحظات حياتى..

لدرجه بقيت اتمنى افضل كده فى حضنه طول عمرى بس فوقت للاسف على صوته..

حمزه:اممممم شكل حضنى عجبك اوى..

 رفعت وشى وبصتله بغضب..

غمزلى بعيونه اللى بتدوبنى وكمل كلامه ببرود واستفزاز.. حلو انا عارف وهيبقى احلى لو انا بدلتك حضنك دا..

 بس مليش نفس الصراحه..

 جعااااااان يله انجرى اعملى اللى قولتلك عليه بدل ما السوعك على؟؟

 وبص على اخر ضهرى..

انا وشى جاب الون وبعدت عنه بسرعه..

 جريت على اوضتى لقيته دخل ورايا وقالى..

واقفه عندك بتعملى ايه؟؟

 انزلى لعم شريف انا حاجز عنده الكوارع روحى هتيهم وانا هنام ساعتين بالظبط وتصحينى اتغدى علشان اروح شغلى يله اتحركى..

جريت من قدامه لبست عبايه سوده والطرحه بتاعتها..

 هو اللى حكم عليا انى البسها ولقيته قدامه تانى بيبصلى من فوق لتحت بنظره اعجاب انا بعشقها منه بعد ما غير هدومه ولبس شورت اسود بيتى وتيشرت احمر كان شكلو يهبل ابن اللذينه..

اتكلم باعجاب واضح فى عيونه..

امممم شوفتى العبايه شكلها حلو ومؤدبه عن لبس المياصه اللى كنتى بتلبسيه ازاى..

 يله قدامى كده خطوتين..

 وفعلا مشيت قدامه..

تمام كده  كل عبايتك يكونو نفس الوسع دا بالظبط..

اللى هلقيها ماسكه عليكى هقطعها عليكى هى واللى لابساه تحتها وهسيبك بالطرحه والصندل بس و؟؟؟؟؟؟

البارت التانى💋💋

مبسوطه❤❤

بيغير عليا اوى..

 اه لو تعرف انا حبيتك اد ايه يا حمزه مش هتقسى عليا ابدا بالشكل دا..

 بس حتى قسوتك حبتها❤

وكأن كلمه صندل فوقته ولقيته اتحول تانى من نظره الاعجاب اللى كان بيبصلى بيها لنظره غضب وكمل كلامه وهو بيجز على اسنانه بعد ما قرب على ودنى وانا مستمتعه اوى برحته اللى هوستنى وخلتنى فى دنيا تانيه...

حمزه:اقلعى ام الصندل اللى كاشف رجليكى والبسى شراب وزفت جزمه على دماغك بدل ما امدك على رجلك اللى فرحنالى بيها دى..

فريده:اححم  اب اححم ابعد شويه بس كده رحتك قلبت معدتى. (لا والله مش قصدى افهمنى صح ياحمزه اوعى تزعل ارجوك بس كان خلاص بعد عنى وحط ايده فى جيبه وضحك ضحكه بوجع وهو باصص للسقف واتكلم بهدوءه المعتاد)قصدى يعن؟

حمزه:هششششش مش عايز افهم قصدك قدامك دقيقه تكونى لبستى جزمه وشراب..

 وفعلا قبل ما الدقيقه تخلص كنت نفذت كلامه ومن غير ما ابصله روحت ناحيه الباب علشان اخرج لقيته ورايا وخرج معايا..

فريده: انت رايح فين بشورتك دا ان شاء الله كده..

 ومن غير ما يبصلى لتانى مره ودى حاجه بتغظنى اوى لان عيونه بتوحشنى..

حمزه:دا مش شورت دا برمودا لما نرجع هوريكى الشورت شكله ايه ويله قدامى وطول ما احنا بره بتنا مسمعش صوتك..

 مشيت قدامه وانا قلبى بيرقص من الفرحه بكلمه بتنا دى معرفش انى هكون مبسوطه بيها كده انا لاول مره من ساعه جوزى ورغم الغلط الكتير اللى غلطه فى حق حمزه انهارده الا انى مبسوطه❤

نزلنا اتمشينا شويه فى المنطقه هى مش شعبيه اوى بس كل اللى فيها ولاد بلد بجد وفيها روقان وهدوء حلو اوى وقفنا قدام اشاره واول ما فتحت لقيت حمزه حط ايده على كتفى وعلشان انا اقصر منه بكتير كانت راسى عند صدره وبيبص ناحيه الطريق وانا رافعه راسى ببص عليه وبشم رحته اللى بتجننى وبقيت مدمناها معرفش امتى وصلنا لمحل الجزاره وشال ايده كنت عايزه اعيط واقوله خلينى كده تحت جناحك شويه كمان..

واصرخ بعلو صوتى واقوله بحبك يلى انقذتنى من ضياع حياتى بس اتخرست كالعاده ويوم ما اتكلم اعك الدنيا واغلط فيه..

فريده:اخيرا شلت ايدك التهمه دى من على كتفى اوووف.. 

ضحك اوى وهمسلى فى ودنى..

حمزه:اوووف بتقوليلى اووووف حاضر يا ديدا نروح وهعملك الادب وهقصلك لسانك الحلو دا..

اترزعى على الكرسى دا هجيب الحاجه وافتكرى لو عايزه اى حاجه للبيت نجبها واحنا ماشين.. 

قعدت على الكرسى عينى عليه اد ايه هو هيبه كده وجنتل وكل اللى فى المكان رحب بيه اوى والحاجه اللى طلبها كانت جاهزه وحاسب عليها بعد حلفان كتير اوى بينه وبين الجزار ولما صمم على انو لازم يدفع لقيت الجزار قالو طيب ثانيه واحده ودخل المحل وانا عندى فضول اشوف هيعمل ايه معاه لقيته قطع حته من الكبده كبيره اوى تعدى ال2كيلو وحاجات تانيه معاها وعرق لحمه ولحمه قطع وحطهم كلهم فى كيس وخرج وقال لحمزه..

الجزار:دى حاجه طازه تستاهل بوقك ياعريسنا ولو كسفتنى ومختهمش والله ياحمزه يابنى لازعل منك ولا لسانى يخاطب لسانك تانى ابدا دى حاجه بسيطه من جميلك يابنى النبى قبل الهديه علشان خاطرى متكسفنيش وخدهم من ايدى...

حمزه:جمايل ايه اللى بنا يا عم شريف وانا هقبلها منك تسلم ايدك عقبال ما تفرح بشرف وتشوفه عريس عن قريب بامر الله...

خدنا الحاجه وحمزه شيلها كلها فى ايد واحده وايده التانيه حطها على كتفى تانى اه لا انا بجد مبسووووووطه❤

حمزه:ها فكرتى عايزه ايه قبل ما نطلع..

فريده:مش عايزه حاجه الحمد لله البيت مش ناقصه حاجه..

 مشينا لحد ما وصلنا البيت وهو ايده لسه على كتفى ولما دخلنا شال ايده للاسف..

 طلعنا ودخلت على الاوضه اغير هدومى لبست بجامه صفرا فى رمادى بكم وبنطلون لكن ضيقه شويه ورفعت شعرى بمشبك ودخلت المطبخ كان هو حط الحاجه فى اطباق كبيره ولم الاكياس فى بسكت الزباله..

وبدا بتقطيع الكبده شرايح وكلمنى من غير ما يبصلى وانا واقفه اتفرج عليه..

حمزه:رزقك فى رجليكى يا ديدا (بعشق دلع اسمى منه انا اصلا حبيت اسمى بسببه)كنتى هتعملى كوارع بس لا دلوقتى هتعملى معاها كبده وقلب وكلاوى وكباب حله وعرق اللحمه الجامد دا اوعى بقى ليلتنا عنب بصلاه على النبى..

سكت للحظات استوعب كلامه عن الوليمه اللى رصهالى...

فريده:انت بتقول ايه انت عايزنى اعمل كل اللى قولت عليه دا انت عامل عزومه ولا فكرنى واقفه فى مصمت وجاى تحقق احلامك عندى ..

انا هعملك شويه رز ابيض وشويه سلطه وانت بقى يا حلو يا اسمر كمل اللى بتقطع فيه دا انا عارفه انك شاطر ولهلوبه واكيد بتعرف تعمل الاكله اللى انت فرحان بيها دى.

 انا هروح اطبق الغسيل تكون انت خلصت المهرجان دا وتغسل كل اللى انت استعملته بالخل وانت تاخد دش وبعدين نتقابل فى الصاله ههههههه باى يا ابو كوارع هههههه ..

خرجت اجرى على اساس انه هيطلع يجرى ورايا بالسكينه اللى فى ايده لكن الغريبه انو فعلا عمل اللى قولتله عليه بالحرف وبدأ فى تسويه الاكل اللى رحته وصلتلى وانا فى الاوضه وخد دش ودخل الاوضه بفوطه على وسطه..

اول ما لمحته شهقت جامد وحطيط ايدى على وشى... ايييييه دا يابنى ادم انت مش تلبس حاجه انت فاكر نفسك عايش لوحدك..

 ضحك بصوته كلو وقالى..

حمزه:لامؤخذه نسيت يا اخ انى عايش مع واحد صاحبى بس اللى اعرفه مافيش رجاله بتتكسف من بعضها ههههه ولا ايه يا اخ ديدا..

شلت ايدى وقومت من وسط الهدوم اللى بطبقها وقفت على السرير وحطيط ايدى فى وسطى وبكل دلع مشيت على السرير لحد ما نزلت ووقفت قدامه وهو مزهول من طريقتى اللى اول مره يشوفها..

فريده:امممم عندك حق انا فعلا صحبك ممكن بقى بحق الصحوبيه اللى بنا تعمل انت الرز والسلطه وبعد ما تاكل تغسل مكان ماكلت وبعدين تستحمى تانى علشان ريحتك هتبقى كوارع هههههههه وقبل ما اكمل ضحك كان حدفنى على السرير وهجم عليا ثبت ايدى فوق دماغى و؟؟؟؟

رايكم وتوقعتكم 

دمتم بالف هير احلى بنوتات💖💖

البارت التالت💋💋

لحظه طيش؟؟

اتصدمت من فعلته وطريقته..

 معقول يكون هياخد حقه دلوقتى منى بالطريقه دى..

 لا مظنش ابدا حمزه راجل اوى عمره مايفكر ياخد حقه غصب..

فضلت بصاله كتير وهو فوقى..

 مبعدش نظره عنى..

 بس نظرته ضايعه منها نظره الحب اللى ديما بشوفها..

 اللى شيفاه دلوقتى نظره غضب وغضب شديد كمان..

 مسك ايدى الاتنين بأيد واحده وايده التانيه بعد شعرى عن وشى واتكلم بكل غضب..

حمزه:دلعتك انا زياده عن اللزوم..

 وعماله تزيدى فى غلطك من الصبح..

 واقول معلش صغيره..

 طيشه..

 لسه حته عيله فى تالته ثانوى هتتلم وتتظبط وتعرف بتقول ايه..

 لكن انتى سوقتى فيها.. 

قام وشدنى معاه وقفنى قدامه..

 وانا بصاله بس بشبع من قربه شويه ولمسه ايده..

رغم غضبه الا انه مسكنى براحه..

وكمل كلامه..

 انا عملت الاكل اللى انتى رفضتى تعمليه دا رفقا بيكى..

 لانى عارف انك مش هتعرفى تعمليه..

وهتقرفى ومش هترضى تاكلى وتتعبى منى؟؟

 سكت وغمض عينه بعنف كانه استوعب انو ظهر خوفه عليا.. غصب عنى ابتسمت بفرحه..

 وقبل مايكمل كنت انا اتكلمت..

فريده:سيب ايدى ياحمزه خلينى الحق اعمل الرز والسلطه على ماانت تلبس هدومك وباقى الأكل يستوى..

سحبت ايدى بسرعه وهربت من قدامه..

 وفعلا فضلت فى المطبخ ومحاولتش اخرج منه ؟؟

حمزه:لنفسه..ايه ياحمزه وبعدين معاك..

اجمد ياض..

 اول مره امسكها بين ايديا بالشكل دا مش عارف ازاى قدرت ابعد عنها من غير ما افترسها..

بس لا انا عارف انها بتقول كلمه حلوه والباقى دبش وتوب وظلط..

 اعمل فيكى ايه بس يا دايده اه يابنت اللذينه يا مجننه حمزه..

 اما البس بدل وقفتى بالفوطه كده واروح ابص عليها لتحرق نفسها ولا تعور ايدها وهى بتعمل السلطه القمرايه بتاعتى❤

فريده: واقفه سرحانه بعد ما عملت الرز ووطيت عليه النار.. وقعدت على الكرسى فى المطبخ وبدات اقطع الخضار.. وافتكرت اول مره اشوف فيها حمزه..

فلاش باااااااك

فريده:ايوه ياهيثم انا حضرت كل حاجاتى واول ما كل اللى فى البيت ينامو هطلب اوبر وانزلك على طول..

هيثم:اه ياحبيبتى اخيرا هتبقى فى حضنى انهارده انا مستنيكى على نار..

فريده:انت عارف ياهيثم مش هكون فى حضنك الا بالحلال غير كده مش هطول منى شعره واحده..

هيثم:ها اه اه طبعا بس انتى تعالى وانا هكتب عليكى فورا.. انتى عارفه يا فريده انى اتقدمتلك واهلك هما اللى رفضونى ودا الحل الوحيد اللى هيخليهم يوافقو على جوزنا يا قلب هيثم..

كان قرار طايش منى فى لحظه غضب..

كنت هضيع نفسى واهلى كمان اللى كل همهم مصلحتى.. وكانو شايفين ديما الصح ليا وبيعملوه..

لكن للاسف الصح دا مكنش بيعجبنى..

وعايزه اتجوز وانا لسه فى تالته ثانوى..

 واتجوز مين طالب فاشل عاد تالته ثانوى اكتر من مره..

 وانا الوحيده اللى كنت مخدوعه فيه..

معرفش دماغى دى كانت بتفكر ازاى..

 يمكن كنت عايزه اخلص من تحكمات بابا وماما الشديده..

 ولا لسه انا مراهقه..

 مش عارفه المهم لبست جيب سلوبت لونها اسود تحتها شيميز ابيض..

 ضفرت شعرى..

 وكلمت عمو سعيد دا شغال فى شركه صغيره عامله زى اوبر كده بعربيات ملاكى بس لسه فى بدايه مشروعهم واسعارهم مناسبه ..

وعمو سعيد ديما بيودينى ويجبنى من المدرسه..

 وهو اكتر واحد اقدر اركب معاه فى الوقت دا وانا مطمنه..

هقوله انى مسافره لأهلى لان خايفه اقعد لوحدى وهما مش معايا..

 لان اتفقت انا وهيثم نتقابل فى اسكندريه..

 وانا عايشه فى القاهره..

وفعلا الساعه جت 12 وكل البيت نام..

 كلمت عمو سعيد بس قالى ادينى 10 دقايق وارد عليكى.. وفضلت مستنيه الدقايق دى بفارغ الصبر..

 لحد ما هو رن تانى وانا طبعا عامله الموبيل صامت..

فريده:ايون ياعمو سعيد حضرتك هتيجى..

سعيد:ايوه يافريده يابنتى انا مش هقدر اجى..

لكن هبعتلك عربيه تانيه سوقها يبقى اكتر من ابنى هوديكى مكان ماتحبى متخفيش على ضمنتى يابنتى..

فريده:طيب ياعمو سعيد خليه اول مايقرب عند البيت يرن عليا وانا هنزل على طول..

 وبالله عليك متخلهوش يتأخر انا خايفه اقعد لوحدى.. 

قفلت معاه وانا زعلانه من نفسى انى كدبت عليه..

 مش عارفه ليه وفضلت ماسكه التليفون علشان اول مايرن انزل على طول ؟؟؟؟؟؟

//////////

سعيد:بعتذر ياحمزه يابنى انا مش قادر اطلع الطلعه دى..

 لأنى اشتغلت كتير انهارده..

وعارف انك ممكن تكلف اى حد تانى يطلع مكانى ودا شغلك وانا مش هلومك..

لكن علشان خاطرى يابنى البنت اللى هتروحلها دى لسه صغيره فى الثانوى وانا بصراحه رغم اخلاق الرجاله العاليه اللى انت مشغلهم معانا لكن برضو اخاف عليها..

ومبثقش فى حد قدك انت خصوصا ان البنت حلوه اوى وفيها الطمع..

وكمان دى زبونه للمجموعه بتاعتك وانا عارف انك مبتتاخرش على شغلك..

 هى قعده لوحدها فى البيت لان اهلها سافرو اسكندريه فجاه لظروف معينه رجعت من المدرسه ملقتهمش..

وخايفه تقعد لوحدها قولت ايه يا بنى..

حمزه:هقول ايه ياعم سعيد انت عارف انا بحب شغلى قد ايه.. 

روح انت وانا هاخد عربيه السفر وهروحلها ابعتلى الابليكشن ورقم تليفونها ..

///////

فريده:اخيرا رنيييييت الو ايوه حضرتك فين دلوقتى..

الو الو؟؟!!

حمزه:اححم الو ايوه انا قربت على البيت..

 فريده:تمام انا نازله حالا..

 قفلت وخت شنطتى بس قلبى انقبض اوى من صوت الراجل اللى كلمنى..

 وبقى عندى فضول انزل بسرعه علشان اشوفه..

صوته مميز اوى عنده بحه حلوه كده واستغربت من نفسى اوى ومن تفكيرى لانى مش اول مره اكلم راجل من الشركه دى يوصلنى..

خرجت اتسحب لحد ما وصلت للباب..

 واخيرا خرجت..

خت نفسى وبصيت فوق وتحت على السلم..

 ونزلت جرى..

 جريت على العربيه اللى رقمها اتبعتلى فى رساله..

فتحت الباب اللى ورا وركبت وقولتله..

فريده:اتحرك بسرعه لو سمحت..

وفعلا اتحرك وبدا الطريق والساعه كانت 1بليل..

والطريق هادى..

كنا فى بدايه الشتا..

انا كانت عينى على تليفونى..

 مبصتش للسواق خالص..

 كأنى خايفه ابصله لحد ما تليفونى رن وكان هيثم طبعا..

فريده:ايوه ياهيثم انا فى الطريق..

تمام لا انا هبعتلك رقم فى رساله وهقفل التليفون دلوقتى.. وفعلا بعتلو رقم السواق اللى انا معاه..

 وقبل ما اقفل التليفون كان هيثم رن على تليفون السواق اللى انا معاه ورد عليه..

حمزه:ايوه مين..

هيثم:ادينى الانسه اللى معاك فى العربيه من فضلك..

مد التليفون وقالى..

حمزه:تليفون دا ليكى يا انسه..

بس مبصليش خالص..

خت التليفون بايد بتترعش مش عارفه ليه..

كلمت هيثم..

فريده:اححم ايوه انا كويسه..

 اول ما اقرب اوصل هرن عليك من الرقم دا..

سلام دلوقتى..

 مديت ايدى اديلو التليفون قالى..

حمزه:خليه معاكى..

 وبرضو مبصليش..

 وانا بحاول بكل الطرق ملمحش وشه حتى فى المرايه..

 رغم فضولى وانى هموت واشوفه..

 بس فضلت باصه للتليفون وهو فى ايدى..

 وبدانا نبعد ومن وقت للتانى هيثم يتصل وارد عليه..

 لحد ما وصلنا..

 ووقف هيثم قدمنا وفتحلى الباب علشان انزل.. قولتله.

فريده:اركب قدام ياهيثم خلينا نروح نعمل اللى قولتلك عليه.. 

هيثم:انتى بتقولى ايه ياحبيبتى..

مش هنلاقى مأذون فاتح دلوقتى الساعه داخله على 4 الفجر انزلى نتكلم جوه..

فريده:لا مش هنزل..

 خلاص هروح اى فندق او اوتيل صغير ابات فيه للصبح..

هيثم:طيب ليه بس؟؟

 قطعته بغضب.. 

فريده:اركب لو سمحت علشان نمشى..

 لقيته هيركب جانبى. 

 شديت الباب بسرعه وقولتله..

 اركب قدام..

 ضحك..

وقبل ما يركب كان السواق طلع بسرعه غريبه..

انا صوت وقولتله..

 انت بتعمل ايه اقف استنى..

 ولأول مره يبصلى من وقت ما ركبت..

واه من نظرته ومن شكله اللى بسببه قلبى دق بس مش خوف اول مره احس بالدقه الغريبه دى..

 وقالى بصوت مرعب..

حمزه:اخرسى بقى تهربى من اهلك علشان الواد السيس دا

؟؟؟؟؟؟

نهايه الفلاش بااااااااااك

فوقت من سرحانى على صوت حمزه وهو بيقولى..

حمزه:حسبى يا ديده ؟؟؟؟؟

نوفيلا💋💋بوسه💋💋بقلمى نسمه مالك❤

توقعتكم ورايكم 

دمتم بالف خير احلى قمرات❤❤