 |
الحلقة التاسعة
اميرة في بيتنا
(اميرة قلبي)
(داخل شقه يوسف)
اميرة : بفرح الحمدلله الحمدلله رجلك احسن من الاول بكتير
يوسف : بألم انتي شايفه كدا
اميرة: حبيبي هو اه العلاج مطول شويه بس اهو احسن من الاول
يوسف : بلؤم بلاش كلمه حبيبي دي
علي اول الليل هو انتي عايزة تنامي بدرى ولا اي
وغمزلها
اميرة : بشخط يوسف احنا اول الليل وعندي مذاكرة كتير
شدها الي حضنه وهمس في اذنها
يوسف : اهو قولتي الليل لسه في اوله شويه ليا وشويه مذاكرة
اميرة : يةسف اصل اصل ..........
وقبل تكمله جملتها
ابعد ابعد واسرعت الي الحمام اسرع يوسف بكرسيه خلف اميرة
وانتظرها امام الحمام
يوسف : بخوف وقلق اميرة انتي كويسه مالك فيكي اي
خرجت اميره من الحمام تمسك منشفه وتجفف وجهها
اميرة : بتعب مش عارفه حاسه دايخه وجسمي مكسر وعايزه انام كتير
يوسف : بقلق طيب تعالي هديكي فيتامين عندك ارهاق من المذاكرة
اميرة : ببتسامه اي خوفت عليا
يوسف : كلمه خوفت عليكى دي شويه انا اترعبت عليكى وشك اصفر تعالي وراى لما اشوف هعمل معاكي اي وبعدين خفى التوتر عشان تعبك ميرحش علي الفاضى
اميرة : بتعب حاضر يا حبيبي
يوسف : بلاش كلمه حبيبي انا مصبر نفسي بالعافيه
(في احدي الاماكن البعيدة والمعزوله عن الناس)
في بيت مهجور وسط اشجار كتيره
عبد السلام : بعصبيه وصوت عالي انت عايز تدخل اخوك السجن يا حسين
حسين: يحاول اقناع اخية
دا احسلك لو عرفوا انك في البلد هيقتلوك
عبدالسلام : وانا مش هسلم نفسي وانا مش غلطان لما قتلته
دا كان دفاع عن النفس هو اللي اتهجم عليا لما قولتلو هدفعلك حق الارض بعد كام شهر
حسين : بتساؤل ارض ايه
عبد السلام : ارض كنت هشتريها منه دفعت نصها ونصها الباقي قولتله استني عليها شويه قالي انت نصاب انت حرامي وهجم عليا هجمت عليه مات تحت ايدى
حسين : بعدم اقتناع .فهو يعلم اخاه جيدا.
ومقولتليش ليه عليها الارض كنت بعتلك فلوسها
عبدالسلام : بتردد ملحقتش اقولك عليها خلينا في المهم انا خلصت الفلوس اللي معايا وعايز فلوس
حسين : يعني انت بعتلي عشان كدا
عبد السلام : انا خلاص ملياش عيشه في البلد تاني عايز فلوس اعيش بره البلد ومش هتشوف وشي تاني
حسين : بعصبيه وصوت عالي
انت اي معندكش دم انت عارف عملت اي ومصبتك عملت فيا اي وفي بناتي اي انت بوظت حياتنا قضيت علي مستقبلنا سلم نفسك للحكومه وهما اللي هيحموك ولو انت معملتهاش انا اللي هسلمك بنفسي
اتعصب عبد السلام من كلام حسين ومسكه بعصبيه وصوت عالي
عبد السلام : بعصبيه عايز تسلم اخوك عايزه يموت مشنوق بالاعدام
حسين : ما انت موتنا واحنا حيين موت مستقبل عيالي وعيشتنا في خوف وقلق سلم نفسك احسن وقولهم كنت بدافع عن نفسي وهيخففوا الحكم
عبد السلام : بعصبيه انت اكيد اتجننت عيزني ادخل السجن برجليا مش هيحصل مش هيحصل
حسين : وانا معنديش فلوس ليك
عبد السلام : يعني اي معندكش فلوس
حسين : يعني انت اخدت نصيبك من زمان وانا مش مستعد اديك حاجه من تعبي وتعب عيالي
عبد السلام : انت بعت اخوك بالساهل كدا
واتعصب عبد السلام ومسك في اخوه وبتحذير انت لو مجبتليش فلوس ٠٠٠٠٠
حسين : هتعمل اي هتقتلني عندك حق اللي قتل واحد يقتل عشرة
وخطرت علي بال حسين فكرة
خلاص يا عبد السلام انا هجبلك فلوس توعدني مشفش وشك تاني خالص
عبد السلام : بعدم تصديق اوعدك اصلا ولا انا عايز اشوف وشك
حسين : بكرة هنا في نفس المعاد
بقلم زهره الجبل
(داخل غرفه اولاد صالح)
عمر : يعني انت مش هتقولي عملت اي
عاصم : وانت مالك عملت اي اهم حاجه طيرته بلا رجعه
عمر : ابلبس
عاصم : اتعلم مني
عمر : المهم خلصنا منه
عاصم : بعد معاناه بس اهم حاجه طار اللهي لا يرجعه
اوف هو ليه الجو حر كدا وقام من سريره انا هروح اشم شويه هوا علي السطح
عمر : بعصبيه وصوت عالي انت واحد واطي وحيوان وخاين للوعد
عاصم : الله الله في اي هو انا قولت حاجه غلط
عمر : انت كلك علي بعضك غلط في غلط مفيش هوا غور اتخمد
ادرك عاصم ان اخاه علم انه ذاهب للاتصال بولاء فارادا تهدات الاوضاع
عاصم : اهدا يا عم خلاص مش عايز اشم هوا هشم هروين يعجبك
عمر : بشخط غور نام غور
عاصم : تتمسي بالخير يا شقيقي
(داخل شقه جليله)
امل : بقرف نعم يا مرات عمي قولتي لبسمه تنتدهلي ليه
جليله : ببتسامه صفره وحشتيني قولت انده عليكي تقعدي معاي شويه
امل : وضعت يدها في جيب البجامه التي ترتديها ونظرت الي الاعلي ومطت شفتيها الي الامام
وحشتك ماشي عايزة حاجه عشان معاي مذاكره
جليله : امسكتها من يدها واجلستها بجوارها تعالي تعالي اقعدي قوليلي اخبارك ايى
امل : بقرف اخباري وانتي عايزه تعرفي اخباري ليه
جليله : بلؤم اهو بندردش اخبار اخو الهانم اي
امل : بستفهام الهانم مين واخوها مين
جليله : اقصد خطيبك اخباره اي معاكي
امل : الحمدلله تمام وزى الفل
جليله : لو في حاجه قوليلي وانا هنصحك امك غلبانه ومش هتنصحك زى
امل : شكرا مش محتاجه نصيحه من حضرتك
جليله : طيب علي راحتك بس لو محتاجه قوليلي اصل انا اعرف واحده مبروكه المطلقه بترجعها لجوزها والمخطوبه بتحببها في خطيبها وحبيبها بيحبها واللي مش بتخلف بتخلف والعانس بتتجوز
امل : بدهشه مبروكه لا شكرا انا مش بأمن بالحاجات دى عن اذنك
جليله : بلوى بوظ اتفضلي
واعتدلت امل في الوقوف وفتحت باب الشقه وكانت علي وشك الخروج
ولكن عادت امل مرة اخري ونظرت الي جليله
امل : احم هو انا ممكن اخد رايها في حاجه
جليله : ببتسامه انتصار فقد نالت ما تتمنى
واستطاعت جذب امل لها دا انتي تؤمرى
امل : بس انا مش هينفع اروحلها
جليله : قوليلي عايزة اي وانا اروحلها واقولها
امل : بعد لحظات من التفكير بحزن اصل انا حاسه ان جلال مش بيحبنى
جليله : ليه ي حبيبتي بتقولي كدا هو في حد ميقدرش ميحبش امل دا انتي اي حد يشوفك يحبك
امل : بصي انا هقولك تقوليلها اي
جليله : قولي يا حبيبتي اللي انتي عيزاه
امل : فى واحده بتحب خطيبها قوى بس مش واثقه ان هو بيحبها
جليله : ليه مش واثقه
امل : بحزن انا علطول اللي بسال وانا اللي برغي وهو ساكت وديما اتحايل عليه يكلمنى ويفضل معاي شويه
جليله : ببتسامه لؤم يا حبيبتي كل ده شيلاه في قلبك وسكته
امل : بحزن اه ولله يا مرات عمي اصل بحبه
جليله : المثل بيقول خد اللي يحبك ومتخديش اللي تحبيه
امل : يعني اي يا مرات عمي تقصدي جلال مش بيحبنى
جليله : اقولك الصراحه ولا تزعلي
امل : لا قولي الصراحه طبعا
جليله : واحد زى كدا اكيد مش بيحبك وشيفله شوفه تانيه
امل : بصدمه شايف شوفه تانيه
جليله : انا قولت اللي عندى
امل : بعيون كلها دموع وحزن وهو اي اللي مصبرة لحد دلوقتي
بقلمى زهره الجبل
جليله : اخته هو صابر عشان اخته خايف لاخوكي كمان هو يسبها
امل : بصدمه جعلت دموعها تتساقط عشان اخته
جليله : انا بقولك كدا عشان افوقك عشان عايزة مصلحتك عيزاكي تاخدى واحد بيحبك مش هياخدك عشان اخته فكرى كويس في كلامى هتلاقي كلامى صح
خرجت امل من بيت عمها مصدومه وموجوعه وكلها حزن والم خرجت ودموعها تتساقط هل فعلا جلال لا يحبها ولديه حبيبه اخري وما زال معها لخاطر اخته ؟!هل هي من تفرض نفسها عليه وظلت ساعات تفكر في الامر فكل الامور تثبت لها انه لا يحبها وقررت شئ وعزمت علي تحقيقه
بقلمى زهره الجبل
الحلقه التانمه 👇👇👇👇👇👇
تعليقات
إرسال تعليق