قصة : { يشبهك_قلبي }
الحلقة الثالثة والرابعه
فدوى : هو غيث قمر صراحة بس طبعه زي الخرة 🙅🏻♀️
حياة : ان شالله يكون الخرة نفسه عاجبني بردوا ♥️💩
دنيا ب قرف : يععع الله يقرفكم كرهتوني فيه 🤢
حياة : احسن محدش يحبوا غيري غثغوثتي لامؤخذة ي حنون 🙅🏻♀️♥️
حنان : دة انتي مدلوقة اوي !!!!
حياة : مفيش احلى م الصراحة ي بنتي 🤷🏻♀️
حنان : ايوة صح 😊
دنيا : بس طبعه خرة ازاي يعني وحش ؟
فدوى : لا لأ بس جامد كدة شوية !
حياة ب اعجاب : قصدك شخصيته قوية الواد كاريزما ي جماعة كاريزمااااا 🥺♥️
حنان : ايوة غيث شخصيته قوية بس ب ذيادة يعني مش اي حد بيعرف يتعامل معاه 🤷🏻♀️
حياة : اممممم .. عاجبني بردوا انا هعرف اتعامل معاه 🤤
فدوى : طيب يختي الف مبروك عليكي مقدماً
حياة : الله يباركلك والله 🤭♥️
البنات : هههههه 😆
( بعد شوية ، حنان ف اوضة مامتها قاعدين سوا )
حنان : بقولك هتموت عليه وشكل اخوكي كدة هيلبسنا فيها 🤷🏻♀️
سوسن ب انفعال : يلبسنا ف مين دة بعينهم اني اخد بنت اميرة ل ابني 😠
حنان : انا قلت اقولك عشان متتحرجيش لما يكلمك وتتفاجئي
سوسن : وقتها هرفض طبعاً هي دي فيها احراج انتي عوزاني اموت مجلوطة منها !!
حنان : بعد الشر عليكي
سوسن : وبعدين غيث كبير اوي عليها !!!!
حنان : اخوكي مش هيهموا هو شكله عاوز يخلص منها وخلاص شكلها مطلعة عينه 🤷🏻♀️
سوسن : ايوة عندك حق 😒
( يعدي الوقت والكل يقعدوا يتغدوا ، بعد دقايق ، قاعدين بيشربوا الشاي ، ف مكان تاني ، قدام مستشفى ، تقف الاسعاف وينزل منها شاب ع الترولي وبنت كانت راكبة معاه عمالة تعيط ، يدخلوا المستشفى ، يدخل الشاب ع الطوارئ وتستنى البنت برة ، تمسك فونها ، ف البيت ، يرن فون غيث ، ياخده ويبعد عن الناس ويرد )
غيث : ايه ي نيرمو في حاجة ولا ايه ؟
نرمين : يعنى انت مش عارف في ايه 🤷🏻♀️
غيث ب تريقة : ايه حمزة مزعلك 😏
نرمين ب انفعال وعياط : انت هتستعبط عليا انا ف المستشفى ب حمزة 😧
غيث ب استغراب : مستشفى !!! ليه حصل ايه ؟!!
نرمين ب عياط : انت الي سلطت علينا ناس تضربنا ي غيث انا متأكدة متعملش فيها مش فاهم خلاص بقيت بلطجي ومجرم .. حرام عليك حمزة بين الحياة والموت بسببك 😣
غيث : انتي جيبتي الكلام دة منين انا مسلطش عليكوا حد 😒
نرمين ب عصبية : بقولك ايه متعصبنيش البوليس هنا ومستنى حمزة يبقا كويس وهيدخل يسأله وهنقول ع كل حاجة 🙅🏻♀️
غيث : بقولك انتي ايه .. انا مش فاضيلك لا انتي ولا حبيب القلب والي عاوزين تعملوه اعملوه انتي عرفاني مبخافش ولا بتهز م الهبل دة وعارفة كويس مين الي هيتأذي ف الاخر .. سلام ي نيرمو 🙂
( يقفل ف وشها )
نرمين ب غيظ : ماشي ي غيث .. ماشي 😡
( يطلع الدكتور م الطوارئ ، تجري عليه نرمين )
نرمين ب قلق : طمني والنبي ي دكتور حمزة عامل ايه ؟؟
الدكتور : الحمدلله بقا احسن .. شوية كدمات بسيطة وعملناله اشعة عشان نطمن بس خير متقلقيش
نرمين ب ارتياح : الحمدلله يارب .. ينفع ادخله ؟
الدكتور : اه ينفع اتفضلي
نرمين : شكراً ي دكتور
الدكتور : العفو
( تدخل نرمين عند حمزة ، قاعد ع السرير ودماغه ودراعه ملفوفين ب شاش )
نرمين وهي بتقرب عليه : حبيبي بعد الشر عليك 😟
( تقعد قصاده وتحضنه )
نرمين : انا اسفة حقك عليا متوقعتش الامور توصل ل كدة خالص 😕
حمزة ب قلق : سيبك من كل دة المهم انتى كويسة ؟؟
نرمين : اة الحمدلله متقلقش
*( ملحوظة .. نرمين وحمزة مخطوبين وكانوا صحاب غيث وبينهم مشاكل ، دلوقتي هنعرفها )*
حمزة ب ارتياح : الحمدلله
نرمين : والله م هسكت وهقول ل البوليس ع كل حاجة خليه يتأدب
حمزة ب خضة : متقوليش حاجة اوعي ☝️
نرمين ب استغراب : مقولش حاجة ازاي بعد الي حصلنا دة !!!!!
حمزة : ي نرمين احنا لا اد غيث ولا اد جنانه اديكي شايفه لمجرد اننا اتخطبنا عمل فينا ايه 🤷🏻♂️
نرمين : يعني ايه ي حمزة هنسيب حقنا كدة ؟!!!
حمزة : اننا نتهمه دة هيخليه يحطنا ف دماغه اكتر وانا معنديش اي مشكلة مشكلتي فيكي انتي انا بس اخاف يعمل فيكي حاجة 😕
نرمين : وبعدين طيب هنفضل ف الرعب دة كتير .. ايه يعني كنت مخطوباله وسيبته مهو بني ادم ميطاقش اصلاً 🤷🏻♀️
حمزة : تفكير غيث مش ف انك سيبتيه بس تفكيره ف انك بقيتي مع حد اقل منه .. هو قلهالي قبل كدة لو كانت سابتني وراحت لحد احسن مني مكنتش حطيتك ف دماغي
نرمين : بني ادم تافهه ومريض 😒
( ف البيت ، غيث بيتكلم ف الفون )
غيث : اصبر بس هما لسة شافوا مني حاحة انا فاضيلهم 😏
( بتجري حياة ع برة ، تخبط ف غيث )
غيث : ع مهلك !!
حياة ب احراج : اسفة 😅
غيث وهو بيبصلها ب ابتسامة : ولا يهمك 🙂
( يقفل الفون ، لسة هتمشي )
غيث : مستعجلة ليه كدة مش عاوزة تقفي معايا ؟!
حياة : لا عادي والله بس عشان معطلكش انت !
غيث : اتعطل عشانك وايه يعني 🤷🏻♂️
حياة ب كسوف : تسلم 🤭
غيث وهو بيحط ايده ف جيبه : انتي عندك كام سنة بقا ؟
حياة : ١٩ سنة ف اولى كلية اعلام
غيث : امممم تباني اصغر !!
حياة : اه للاسف عشان قصيرة بس 😅
غيث وهو بيبصلها ب اعجاب : حلو الصغنن .. يعجب 🙂
حياة ب احراج وارتباك : اااا انت بقا خريج ايه ؟؟
غيث : تجارة
حياة : اها حلو
غيث : عندي ٣٣ سنة
( تبصله حياة ب صدمة )
غيث ب ابتسامة : اتخضيتي .. كبير مش كدة ؟
حياة ب توتر : ااا لا لأ هو كان باين انك كبير بس متوقعتش دخلت ف التلاتينات يعني !!!!
غيث : لا دخلت من بدري 🙂
( تشوفهم ام غيث ، تبصلهم ب غيظ وتقرب عليهم )
حياة : هههههه لا والله عندك حق 😄
سوسن وهي بتقف معاهم : منورة ي حبيبتي
حياة : ميرسي ي عمتو دة نورك والله 😊
سوسن : انتي بقا مش واخدة بالك من دراستك ليه ومزعلة ابوكي منك ؟
حياة : مقدرش والله ي عمتو الفكرة اني بس مكنتش حابة ادخل اعلام ف عشان كدة متوفقتش ف الكلية
سوسن : امممم .. اهو جاب اخره منك وهيجوزك ويريح نفسه 🤷🏻♀️
( تتحرج حياة )
غيث وهو بيبص ل حياة : وايه يعني وماله الجواز 🙂
سوسن : لا مالوش ي حبيبي خدنا ايه م التعليم يعني .. تعالى عوزاك 😒
( تروح سوسن اوضتها )
غيث : هشوفها
حياة : اه اوك !
( يروح غيث ل مامته )
غيث : في ايه مالك ؟!
سوسن : شوف بقا انت البت دي لو في حاجة ف دماغك من ناحيتها ف تشيلها نهائي انت فاهم ☝️
غيث : ايه ي سوسو مالك داخلة عليا حامية كدة ليه 🤷🏻♂️
سوسن : انا بقولك اهو انا مستحيل دي تبقا مرات ابني 🙅🏻♀️
غيث : طب ممكن افهم انتي كرهاها اوي كدة ليه ؟!
سوسن : مش زينا ولا زي دماغنا ولا عادتها زي عادتنا ومش سالكة كدة وباينة مش سهلة وكفاية انها مطلعة عين خالك 😐
غيث : طب هي عملت حاجة ضايقتك ؟؟
سوسن : ممكن تسمع كلامي وتريحني ؟
غيث : ايوة الي هو ايه بقا ؟
سوسن : تبعد عنها او تبعدها عنك يعني متدهاش فرصة تقربلك
غيث : حاضر عيوني .. حاجة تاني ؟؟
سوسن : لأ 🙄
الحلقة الرابعة { ٤ } 👩❤️👨
غيث : اوك 😊
( يعدي الوقت ويمشي ابو حياة ، حياة واختها ف الاوضة )
حياة وهي بتبص م الشباك : ايه الهدوء دة بيناموا بدري اوي !!!!
دنيا وهي باصة ف الفون : امممم 🤳
حياة : الجو حر كمان !!
( يخبط باب الاوضة وتدخل فدوى )
فدوى : لسة صاحيين ؟!
حياة : هو احنا بننام دلوقتي دة الساعة لسة ١٢ ونص !!!
فدوى وهي بتقعد ع السرير : اة .. ع فكرة خالو فعلاً هيجوزك وكلم ماما ف كدة
حياة ب فرحة : ايوة بقا الحمدلله يارب .. جيالك ي قرة عيني 😁
فدوى : متفرحيش اوي كدة يختي مش غيث 🤷🏻♀️
حياة ب استغراب : اومال مين ؟؟
فدوى : ذياد اخويا 😐
حياة ب خضة : لا والله !!!!!!
فدوى : وربنا
حياة : ليه ؟؟ اشمعنا ذياد دة ؟!!!
فدوى : هو شايف ان ذياد مناسب ليكي اكتر من غيث
حياة ب زعل : طب ياخد رأيي حتى يسألني انا طيب 😧
فدوى : ذياد مش وحش والله 😕
حياة : مش ع وحش وحلو دة حتى مقاليش !!!!!
دنيا : ممكن هو شايف حاجة انتي مش شيفاها 🤷🏻♀️
حياة ب عصبية : بلا شايف بلا زفت اسكتي ✋
( يسكتوا البنات )
حياة : جابني مكان معرفهوش وكمان هيجوزني حد معرفهوش وولا اخد رأيي .. كأني عاملة عاملة وبيداريها 😒
( تطلع البلكونة متضايقة ، يبصوا البنات لبعض ، يخبط باب الاوضة ، تقوم فدوى تفتح )
فدوى : عاوز ايه يلا انت ؟؟
كرم : هعوز منك ايه يختي انا مش جايلك انتي
فدوى : عاوز ايه اخلص 😑
كرم : امك باعتة الفاكهة دي ل بنات خالك 🥭🍌
فدوى وهي بتاخدها منه : طيب هات 👋
( يبص كرم يلمح دنيا قاعدة ع السرير ، تبتسمله ، يبتسملها )
فدوى وهي بتزقه ف صدره ب عنف : يلا هوينا ✋
( تقفل الباب ف وشه )
كرم ب غيظ : ربنا ياخدك 🙄
( يعدي الوقت ، يوصل ذياد البيت ، يطلع اوضته يغير هدومه ويلبس قفطان وطاقية وياخد كتاب وينزل تحت ، يطلع برة البيت يقعد ف الجنينة يقرأ الكتاب ، حياة ف اوضتها عمالة تتقلب مش عارفة تنام م الحر ، تبص ع دنيا تلاقيها ف سابع نومة )
حياة : حلوفة نايمة مش حاسة !!!!
( تقوم حياة تلبس روب ع البيچامة وتطلع م الاوضة ، تنزل تحت ، تلاقي باب البيت مفتوح ، تطلع برة ، تشوف ذياد من ضهره قاعد ، تقرب عليه )
حياة : والنبي ي حج هو مفيش اي اوضة هنا فيها تكييف ؟؟
( يبصلها ذياد وهو حاطط الكتاب عند وشه )
حياة : ايه يابا رد عليا 🤷🏻♀️
ذياد : لأ 😶
حياة وهي بتلف تقعد جنبه : يادي النيلة .. شكلي هشوف ايام سودة هنا 🤦🏻♀️
( يفضل باصصلها )
حياة وهي بتبصله ب استغراب : بتبصلي كدة ليه .. صعبانة عليك صح .. ايوة انا عارفة .. يعني مش كفاية خدني العشم ع حاجة ولبست ف حاجة تانية لا وكمان الحر يحط عليا .. حطي ع جراحي كزبرة ي دنيا كمان 🤷🏻♀️
ذياد : كلونيا 😐
حياة : لو حطيط ع جرح كزبرة هتوجعك بردوا
( يشاورلها ب اة )
حياة : وبعدين انت مالك انت هتصاحبني !!!!
( يضير وشه )
حياة وهي بتبص للكتاب الي ماسكه : اول مرة اشوف بواب مثقف 🤔
( يبصلها )
حياة : انت خريج ايه ي حج ؟
( ميردش )
حياة : اكيد كلية زراعة قسم ابو قردان هههههههه 😂
( يفضل باصصلها )
حياة ب احراج : احم بايخة صح معلش اصلي زهقانة اوي .. انت اكيد عارف الي اسمه ذياد دة اوصفهولي كدة
( ميردش )
حياة : لا هو مش سر الخطة العسكرية انت لازم تقولي انا داخلة ع جواز .. انت ي بيه !!!!
ذياد : اممم ؟
حياة : قولي صفاته طباعه كدة يعني اي فكرة عنه 🤔
( ميردش )
حياة : هو انت عليك طار انت حاطط الكتاب كدة ليه !!!!!
( تشد الكتاب من ع وشه ، تتخض انه شاب )
حياة وهي بتديله الكتاب : احم سوري !!
( ياخد منها الكتاب ويقوم يدخل جوة )
حياة ب ضحك : بواب وسيم هههههه 🤭
( يطلع ذياد اوضته وهو عارف ان دي بنت خاله لكن من احراجه مقدرش حتى يرحب بيها ، تاني يوم الصبح ، ذياد قاعد مع مامته )
ذياد ب خضة وهو بيقوم : ايه لا لا بتهزري طبعاً 😮
سماح : لا ي حبيبي دة خالك بنفسه هو الي قال عليك
ذياد ب توتر : طب بس انا ..........
سماح : اقعد بس الاول
( يقعد ذياد )
سماح : انت مالك خايف كدة ليه دة بقولك هنعمل خطوبة بس 🤷🏻♀️
ذياد : ي ماما انا قلتلك قبل كدة ان موضوع الخطوبة دة لسة بدري عليه انا لسة متخرج ومتوظف !!!
سماح : وانا معارضتش وسيبتك براحتك وبعدين متخرج ومتوظف ايه احنا سيبناك تشتغل ف المستشفى دي عشان انت حابب دة مش عشان محتاجلها انت مشاء الله معاك الي يفتحلك بدل البيت اتنين وتلاتة
ذياد : ي حبيبتي مبتكلمش ع مادياً بتكلم ع نفسياً انا مش متهيأ ل حاجة زي كدة كل تفكيري ف الشغل واني اثبت نفسي فيه بس 🤦🏻♂️
سماح : وجود شخص جنبك وبالذات لو خطيبتك او مراتك او حتى لو حبيبتك دة هيدعمك نفسياً ويخليك احسن
ذياد : لا والله صدقيني دة هيبوظ الدنيا مش هعرف اركز ف جواز ولا ف شغل بالله عليكي بلاش الحوار دة 😟
سماح : مقدرش ي حبيبي خالك يزعل كمان ممكن يفكر انك مش عاوز بنته شخصياً
ذياد ب استغراب : وانتي عجباكي بنته ازاي !! اومال فين مواصفات البنت الي انتي عوزاني اخطبها فين المحجبة المربربة العاقلة دي باينة هبلة اوي وتافهه ومش باينة م الارض !!!!!
سماح : هههههه لا خلاص ي سيدي استغنيت عن المواصفات دي كفاية انها بنت اخويا وبكرة بعد الجواز تربرب وتبقا بطاية كدة مش مهم والحجاب واللبس والكلام دة ف ايدك انت بعدين بقا 🤷🏻♀️
( يتنهد ذياد ويبص للارض )
سماح : هااا ي حبيبي متحرجنيش مع خالك ي ذياد 😕
ذياد ب ضيق : ماشي ي ماما .. الي انتي شيفاه 😒
سماح : يعني موافق اكلم ابوك ؟؟
ذياد : ماشي
( تفرح سماح ، يعدي الوقت ، ف اوضة حياة ، نايمة هي واختها ، تحت ، قاعدة ام ذياد مع جوزها )
حساب ب حيرة : بس انا بصراحة مكنتش حابب ذياد يعمل كدة غير ب ارادته 😕
سماح : وهو انا غصباه ي حساب وبعدين انت عارف لو قعد مليون سنة كدة هيفضل كدة ولا هيهمه جواز ولا بيت ولا عيلة هو اصلاً لا بيحب يتكلم مع حد ولا يختلط بحد ف دي فرصة 🤷🏻♀️
حساب : خلاص مدام انتي شايفة ان دة ف مصلحته اتوكلي ع الله وكلمي جلال
سماح : ماشي كدة كدة ذياد اجازة انهاردة الجمعة هكلم خاله ونحدد ميعاد للخطوبة .. ولا المفروض تكلمه انت ؟
حساب : كلميه انتى بس ان الدنيا تمام وبعدين ابقا اكلمه انا احدد معاه ميعاد
سماح : ماشي
( حنان كانت واقفة ع السلم وسمعاهم ، تضايق م الكلام ، تطلع فوق ، يعدي الوقت ، تدق الساعة ٣ ونص العصر ، ف اوضة حياة ، مازالوا نايمين ، يخبط الباب وتدخل فدوى )
فدوى : يخربيتكوا انتوا لسة نايمين بقينا العصر انتي وهي اصحوا 🤷🏻♀️
حياة وهي بتتقلب : دقايق بس دقايق 😞
فدوى : ي بنتي اصحي الساعة داخلة ع ٤ !!
حياة : لا والله !!
فدوى : وربنا
( تقوم حياة تقعد ، تقرب فدوى ع دنيا )
فدوى : دنيا اصحي .. دنيااااا !
دنيا ب نعاس : ايوة صاحية صاحية 😞
فدوى وهي بتسقف : لا قوموا اغسلوا وشكوا وفوقوا كدة وانزلوا عشان الغدا يلا 👏
حياة : ماشي 🥱
( تمشي فدوى ، ذياد ف اوضته ، قاعد ع مكتبه بيقرأ ، يخبط باب الاوضة )
ذياد : ادخل
( تدخل حنان )
حنان : عامل ايه ؟
ذياد : الحمدلله !!
حنان وهي بتقرب عليه : انت فعلاً هتخطب حياة بنت خالو جلال ؟؟
ذياد وهو بيقف : ايوة .. ماما عاوزة كدة
حنان : وانت مالك ومالها م تشوف انت عاوز ايه 🤷🏻♀️
ذياد : انا مش عاوز اعمل كدة 😕
( متنسوش اللايك ورأيكم .. 💛✨ )
قصة_يشبهك_قلبي_ سهيله سعيد
تعليقات
إرسال تعليق