المليونير راح الملجأ يختار البنت اللي هيتجوزها عشان تخلف الوريث
مراته الأولى مبتخلفش وهي اللي طلبت منه يختار بنت يتجوزها وبعد ما تخلف يتم الطـ،ـلاق
وقفوا بنات كتير قدامهم والمديرة رشحتلهم بنت منهم.
كانت بنت جميلة جدا
ريناد مراته الأولى.. اول لما شافت البنت حست بالغيرة وقالت برفض: لا.. شوفي بنت تانيه غيرها أنا مش هسمح بإن جوزى يتجوز البنت دي.
والد ريناد قال : ريناد.. البنت حلوة ومناسبه علشان الطفل يبقى حلو وبعدين الفحوصات كلها أثبتت إنها هتخلف ميه فى الميه.
جاسم كان محتار وهو بيبص على البنت اللي المفروض هيتجوزها عشان تخلف له ابن يشيل إسمه.. البنت صحيح جميلة.. لكنه حاسس إن البنت مغصوبه بس مش عارف يعترض هو عايز عيال ولما صدق انه يلاقي الحل من غير ما ينفصل عن ريناد مراته.
هدى مديرة الدار: طب اطلعى إنتى يامروه دلوقتى.
البنت طلعت وقابلت چودي صحبتها إلى أول ماشفتها اترمت فى حضنها وحكتلها إلى هدى مديرة الدار ناويه تعمله معاها..
چودى اتضايقت من مديرة الدار.
وفجأه وبدون مقدمات ذهبت إلى غرفة هدى وفتحت الباب بدون أى إنذار الكل اتفاجأ بوجودها.
چودى بصت لـ مديرة الدار وقالت بعصبيه: إنتى إيه ياشيخه حرام عليكى كفايه الدنيا جايه علينا هو إحنا مش بنى أدمين بتلعبو بينا.. الهانم عايزه طفل ومبتخلفش يقوم إيه؟ الباشا مش عايز يزعل المدام بتاعته يجيبلها واحده تخلف ليها عيل وبعد كده يرميها فى الشارع.. أه مهو الشارع مش بعيد عليها مهى جايه منه بس لحد كده ونوقف ومش هيحصل..
مروه مش هتتجوز حد وإنتا ياباشا روح شوفلك واحده تتجوزها من الطبقه إلى إنتا منها إحنا كفايه علينا كده منكم ومن الدنيا إرحمونا شويه كفايه ظلم فينا.
جاسم بص لها شوية.. البنت دي أجمل من البنت الأولى بكتير.. ويضيف على جمالها انها جريئة ومش بتخاف..
قام وقف وبصلها باعجاب وقال: عندها حق ياجماعه أنا مش هتجوز البنت اللي كانت هنا قبلها.. هي فعلا متنفعش.
ريناد مراته بصدمة: جاسم إنت بتقول إيه ؟ إنت لازم تتجوزها ده الحل الوحيد.
هدى مديرة الدار زعقت لـ چودي: إنتى هربيكى وهعلمك الأدب إزاى تدخلى مكتبى كده وتتدخلى فى إللى ميخصكيش.
چودى :إيه هتخلينى أكنس وأمسح وأكوى واطبخ حاجات أنا متعوده عليها هتضربينى برضو مش جديد تقدرى تقولى إنى مش فارق معايا ولو الجوازه دى تمت هقتـ،ـلك وأهو سجن بسجن والحمدلله الباشا إقتنع ومش هيتجوز مروه عن إذنكم.
جاسم وقفها بتحدى : لا إستنى عندك.. أنا قولت مش هتجوز البنت بس مقولتش إنى مش هتجوز خالص وأنا قولت هختار العروسه بنفسى.
چودى بعدم فهم : يعني إيه ؟
جاسم: انا اخترت اتجوزك إنتى وأعرفك إزاى تقفى فى وش جاسم عز الدين وأحب ابشرك إن أيامك الجايه هتكون عباره عن عذاب وبس يعنى إستعدى.
چودى بتحدي : نجوم السما أقربلك مني.
جاسم قعد الكرسى براحه والكل واقف يشاهد المنظر وقال بغرور: يبقى هتجوز صحبتك إللي زعلانه عشانها دي.. ولو مخلفتش هرميها فى الشارع واجى هنا اختار غيرها إنتى متعرفيش أنا مين وممكن أعمل إيه والملجأ إلى لمك إنتى وأصحابك ده بمكالمه واحده أقفله قولتى إيه.
چودى : إنت أكيد مش بنى أدم.
جاسم : قلة أدبك ديه هحاسبك عليها بعدين..
وغمز لها بوقاحه: بطريقتي الخاصة..
البنت بصتله بصدمة ومراته ريناد كانت هتموت من الغيظ والغيرة وجاسم قال ببرود: هاا مستنى ردك علشان على أساسه هعمل حاجات كتير.
چودي فكرت في اصحابها اللي ممكن المغرور ده يأذيهم لو هي رفضت وبصتله بتحدي وقالت: موافقة
جاسم :كده إنتى عاقله وعارفه مصلحتك هاتيجى معايا الفيلا دلوقتي
وغمز لها: والجواز هيتم هناك
ريناد مراته: لاااا أنا سكتت كتير دلوقتى إحنا مكشفناش على الهانم ولا عرفنا بتخلف ولا لأ وأنا مش هخاطر لازم تكشف قبل الجواز.
البنت بصتلهم بصدمة وجاسم قام وقف وقفل ازرار بدلته وقال: حتى لو كشفت وطلعت مبتخلفش هتجوزها برضه....
تعليقات
إرسال تعليق