رواية حريم الباشا الفصل الاول حتى الفصل السابع بقلم الكاتب إسماعيل موسي حصريه وجديده على مدونة النجم المتوهج
رواية حريم الباشا الفصل الاول حتى الفصل السابع بقلم الكاتب إسماعيل موسي حصريه وجديده
البنت دى بنت مين يا فخرى ؟
__اى بنت يا كبير؟ الشارع مليان بنات وستات !!
إلبنت إلى هناك إلى ماسكه فى ايدها كيس عيش
_تقصد البنت الصغيره يا فارس بيه ؟
صغيره ؟
دى صغيرة يا فخرى ؟
ركز فخرى بعينه على البنت ،عمرها يدوبك خمستاشر ستاشر سنه يا فارس بيه
ابتسم فارس الناطورى، لكن مش باين عليها خالص يا فخرى إلى يبص عليها يقول شابه
سحب فخرى من السيجاره ونفخ دخان ازرق يتلوى مثل الحيه، البنات يا بيه الزمن ده بتكبر ذى الفريرة،لكن معقول يا بيه مش عارفها بنت مين ؟
رفع فارس الناطورى ايده وعلى وشه لمحة انزعاج هعرفها من فين يا فخرى؟ انا بأجى الحاره هنا كل فين وفين ابص على الشركه وامشى.
يعرف فخرى ان فارس الناطورى لا يحب أن يسأل السؤال مرتين، وانه حتى لو كان فى حالة مزاجيه جيده فأن إى غلطه كفيله ان تزهق روحة فهمس بسرعه
دى فريدة بنت سيد الساعى إلى كان شغال فى شركة حضرتك من زمان لكنه واترفد من الشركه بعد ما عمل حادثه وحصلتله إعاقه ،رجله اتق_طعت.....
ياه، تأسف فارس الناطورى ،وقال وهو بيبص على فخرى نظره يحفظها فخرى جيد اوعى تقول انه ما أخدش مكفأة نهاية الخدمه ؟
__همس فخرى ،مخدش حاجه يا بيه
البنت كانت وصلت المكان إلى قاعدين فيه ومرت قدامهم وعيون فارس الناطورى بتعاينها ،نهض فارس الناطورى
وهمس بنبرة آمرة يلا بينا يا فخرى..
على فين يا بية؟
قال فارس الناطورى بأستغراب كأنه لا يتوقع سؤال بمثل كل هذا الغباء ، ندى الراجل مكفأة نهاية الخدمه
طرق فخرى باب الشقه القديم المتهالك ،بعد دقيقه فتح طفل صغير الباب وسابه مفتوح وجرى،الشقه صغيره ومكركبه كله حاجه فوق بعضها
بص فارس الناطورى على الصاله بقر_ف وفخرى نادى بصوت عالى يالى هنا ؟ يالى هنا ؟
طلعت على الصوت ست جميله جدا فى أواخر الثلاثينيات رغم خيوط الكدح إلى كانت واضحه على وشها وشعرها وعودها
لما شافت رجاله رجعت لورا بكسوف وقالت لحظه واحده اناديلكم سيد
بلع فارس الناطورى ريقه وهمس فى سره مش خساره حتتة القشطة دى فى البهدله ؟ شقة قذ_ره ونصف رجل ؟ دى تتلف وتتحط فى فاترينه عرض اتفرج عليها وحدى
خرج سيد عبد المتعال يجر قدمه مستند على عصا
اول ما شاف فخرى واسامه بيه وقف دقيقه مدهوش مش مصدق عنية، قبل ما يقول فارس بيه؟ معقول ؟
دا احنا زرنا النبى واحد من عيلة الناطورى فى شقتنا المتواضعه ؟
ساد صمت ذهاء دقيقه اخرج فيها فارس الناطورى سيجار وضعه فى فمه بعد أن جلس واضعآ ساق على ساق
وقبل ان يتملل قال فخرى ،فارس بيه وهو بيفتش فى ملفات الموظفين القديمه اسمك ظهر قدامه ولما سأل شؤن العاملين عنك عرف حكايتك المأسويه الاليمه وانك اترفدت من الشركه دون علمه من غير معاش او مكفأة ،وانت عارف فارس بيه ميحبش الظلم، غضب جدأ وعنف كل الموظفين واصر يقدملك المكفأه بنفسه ،اخرج فخرى النواحى شيك موقع من جيبه بمبلغ تافه ١٥ عشر الف جنيه وحطه على الترابيزه
انفتحت عيون سيد عبد المتعال رغم ان المبلغ بسيط الا انه كان محتاجه جدأ
ايه ده يا فخرى ؟ رفع فارس الناطورى صوته وهو يشاور تجاه الشيك ؟
الشيك إلى طلعته شؤن العاملين والحسابات يا باشا
__دا تهريج رفع فارس الناطورى صوته حتى ان مراة سيد خرجت على الصوت
الراجل فقد ساقه واترفد من الشغل واترمى ذى الكل_ب فى الشارع وفى الأخر مكفأه ١٥ الف جنيه ؟
اطلق فارس مدكور دفعه من الدخان فى وش سيد وعينه على مليكه مراته
حط صفر يا فخرى جنب إلى ١٥ واعمل معاش لسيد
انحنى فخرى النواحى بطاعه حاضر يا فارس بيه اوامرك
بوجه منشرح قال سيد الساعى تعالى يا مليكه شوفى الهنا إلى انا فيه، زغرتى يا وليه
تجرع فارس الناطورى دفعه من الدخان وهو يرمق سيد بأحتقار ،يا ولية؟ اسم لم يسمعه من زمن طويل
مليكه التزمت وكانت واقفه بخجل ملاحظة نظرات الضيف إلى بتلاحقها داخل الشقه وبتعاين مظهرها
تحركت مليكه ناحيت الأوضة ،لكن سيد جوزها أمرها،خليكى معانا يا وش السعد انتى ، اعملى عصير للبيه
تنهد فارس الناطورى بضيق ،ملوش لازمه يا سيد الكلام ده متجبرش مراتك على حاجه هى مش عايزاها انا معملتش غير الواجب..
بدرت نظره من فخرى ناحيت سيد نظره ذات معنى جعلت سيد يصرخ ،يلا يا مره اعملى عصير بسرعه مالك واقفه كده ليه..
نهض فارس الناطورى وحط ايده فى جيبه واتمشى فى الصاله بين اكوام الملابس ،يعرف ان وقته هنا انتهى
لكنه لازال هناك شيء اخر
#حريم_الباشا
٢
بص فارس الناطورى على مليكه، امرأة يافعه، ناضجة ،لو احتجت إى حاجه يا سيد قول بس لفخرى متعملش فرق
صرخ سيد العفو يا باشا احنا فين وانت فين، كفايه انك شرفتنا النهرده...
احضرت ملكيه العصير ووضعته آمام الباشا وشاهد الباشا انحنأتها المثيره فنفخ من سيجاره، ملوش لازمه التعب دا يا مدام!؟
همست مليكه، العفو يا بيه انتو ضيفونا ودى اقل حاجه
فيه حاجه ناقصاك تانى يا سيد ؟ نظر الباشا إلى سيد فجأه
بنتك محتاجه حاجه؟
ومع كلمته وصلت فريده إلى الشقه، همس سيد سلمى على الباشا يا فريده
بخجل مدت فريده يد رقيقه ناعمه ثم جذبتها بسرعه
نهض الباشا، لو احتجت إى حاجه فخرى هيسيب العنوان لمراتك وياريت متتكسفش منى ،انت خدمت الشركه كتير وواجبنا نكافأك..
غادر فارس باشا الشقه وترك فخرى خلفه ،يعرف فخرى عمله جيدا عندما يتعلق الأمر بمزاجية الباشا
كان فخرى اتفق مع سيد عبد الهادى ان يبعث له مرتب شهرى
يتضاعف بأمر الباشا ،ولو سيد احتاج اى حاجه كل ما عليه فعله ان يرسل خبر مع زوجته إلى الباشا.
فضيت الشقه وسيد مسك الشيك فى ايده واتسند على العصايه ،شايفه يا وش الفقر العز إلى بقينا فيه ؟
150000 جنيه ومرتب شهرى انا فى حلم ولا علم؟
همست مليكه، ياريت متضيعش الفلوس، اعمل بيها مشروع او اى حاجه، هات الفلوس دى اشيلها
ابعدى ايدك يا مره، صرخ سيد عبد الهادى لحسن اقطعهالك
دى فلوسى انا ،انا الى اشتغلت يجى عشرين سنه فى الشركه وبعدها طردونى ذى الكلب
برقه قالت مليكه ودا يخليك تحافظ على الفلوس أكتر
عشان بنتنا
بصلها سيد عبد الهادى بغضب، اسكتى يا مره قلت
انا لازم انغنغ نفسى ،ادفع الفلوس للدكاكين والايجار
وانزل القهوه ذى زمان، المعلم سيد هيرجع ذى زمان
الباشا عنده فلوس ملهاش اخر ولما مليكه حاولت تمنعه
صفعها سيد عبد الهادى على وشها، اسمعى يا مره
لازم تعرفى ان فيه راجل للبيت وكلمته لازم تتسمع
ثم دخل غرفته وخرج بعد دقيقه ،انا نازل القهوه ولما ارجع عايزك تحضرى عشا حلو كده فاهمه
صفع سيد عبد الهادى باب الشقه المخلع ونزل الشارع يخطو على قدم والأخرى يسحبها خلفه
رمق العباد ،البشر إلى كانو بيحتقروه، أصحاب الدكاكين والمطاعم وتذكر معاملتهم القذره له ،كل بسبب الفلوس
لكن انا معايا كتير، كتير اوى، مر على الدكاكين وسدد ديونه
كلها وأمر الصبيان ان يرسلو الاطعمه إلى شقته ودفع حسابها
بعدها جلس فى المقهى معاين نظرات الخلق ،لما عجز وقعد فى الشقه مفيش واحد فيهم فكر يزوره رغم انهم كانو أصدقائه ولما الحال ضاق بيه ونزل القهوه عملو نفسهم ميعرفهوش ،نزل قهوه وشاى لكل الناس إلى فى القهوه يا عوض على حسابى، تردد عوض دقيقه لكن نظرة سيد عبد الهادى والفلوس إلى طلعها من جيبه خلته يتحرك بسرعه
أراد سيد ان يكسر عيونهم، ان يعرفو انه عاد ومعه نقود
كثيره ،ارادهم ان يطلبو مساعدته ،فيقبل ويرفض
المعلم سيد الذى حلم به وجده اخيرآ
صرف سيد من الفلوس بلا حساب ،كل ليله يحاسب لاصدقائه إلى تجمعو حوله ويلقبونه بمعلم سيد.
دخلت مليكه غرفة سيد ،قلبها كان حاسس ان سيد خرب الدنيا ،كان عارفه المكان إلى سسد مخبى فيه الفلوس
لما فتحت الصندوق ملقتش غير تلتين الف جنيه
والباقى صرفه سيد ،يا خرابى ؟ همست مليكه
الفلوس خلصت قبل ما الشهر يعدى
فضلت صاحيه مرضتش تنام ولما سيد رجع لقيها فى وشه
سيد ؟ انت خلصت الفلوس كلها؟
رفع سيد ايده ،بس يا مره متضيعيش الدماغ إلى انا عاملها
مش هسكت يا سيد، احنا هنبقى على الحديده
فتح سيد باب غرفته مليكه جريت وراه مينفعش كده يا سيد
حرام عليك، افتكر الايام إلى كنا بنام فيها من غير عشا ؟
قلتلك اطلعى بره صرخ سيد ولما لقى ملكيه لسه واقفه
رفع عصايته ونزل عليها ضرب وقعت مليكه على الارض
قلتلك يا مره فيه راجل البيت فاهمه؟
ونزل بالعصا على جسد مليكه ،أياكى فى حياتك تحاسبينى
ملكيش غير لقمتك اكتر من كده لا فاهمه؟
فاهمه يا اخويا صرخت مليكه يعد ما عضمها تكسر من الضرب
#حريم_الباشا
٣
كانت مليكه بتقطع الملوخيه فى الصاله،وشها للمرايه تحاوط الحله بقدميها ،سيد عبد الهادى بينفخ دخان سيجارة كليوباترا
وهو بيرمض مليكة بغضب..
جعل يتمطى، ويبصق ،يتملل ،لكن مليكه غير مهتمه، من اول ما ضربها سيد عبد الهادى وكسر عضمها وهى عايشه مع نفسها
الفلوس خلصت، نطق سيد عبد الهادى اخيرآ كأنه بيكلم نفسه
والمرتب معدش مكفى ،بقالى يومين مش بنزل القهوة وصحابى بيسألو عليه ،المعلم سيد فين ؟ المعلم سيد فين
حل صمت لم يقطعه سوى صوت السكين فى الملوخيه
متردى يا مره هو انا بكلم نفسى؟
أدارت مليكه وجه بلورى لا تشوبه شائبه حتى الحبوب التى تهاجم النساء هربت منه كأنه ترياق سيقتلها
تبدو مليكه من جلستها أصغر من عمرها، من يراها لا يقول ابدا انها فى منتصف الثلاثين
نساء برجوزايات غيرها يدفعن نصف عمرهم ويحصلون على قوام يضاهى قوامها
هرد اقول ايه ؟ ياما نصحتك يا سيد ،قلتلك البنت كبرت ألبنت كبرت لكن انت اهم حاجه معاك دماغك
انا بأيدى ايه اعمله ؟ لا شغلانه ولا مشغله
ابتلع سيد ريقه ،لا فى ايدك كتير
استدارت ملكيه بأستغراب ،هعمل ايه يعنى؟
تروحى للباشا تطلبى فلوس ،فارس بيه قال لما تحتاج فلوس ابعت مراتك
الباشا ؟ مش كفايه الفلوس إلى ادهالك الله يباركله ؟
تنهد سيد وعرج على رجله، دى ملاليم، انا خدمت الشركه عمرى كله ،عيلة الناطورى محقوقالى اوى
اقومى غيرى هدومك إلى تقرف دى وروحى فيلة الباشا وهاتى الفلوس
اروح فين يا سيد؟ انت اتجننت ؟
تروحى لفارس بية وهو هيديكى الفلوس
يا راجل عايز مراتك تروح بيت راجل غريب؟
مش عايز كلام كتير يا مره، يلا قومى متعكريش مزاجى
والا والله وبالله هكسر عضمك..
نهضت مليكه غيرت هدومها، طيب هقوله ايه ؟
انا هموت من الكسوف
انتى بس روحى وهو هيفهم، فخرى هناك وعارف أن فلوسى خلصت
مشت مليكه فى الشارع وركبت الاتوبيس العنوان فى ايدها
فارس الناطورى فى التجمع بعد ساعتين وصلت الفيلا
وقفها الحارس رايحه فين يا ست
طلعت مليكه الكارت وورته للحارس ،رايحه اقابل الباشا يا اخويا ..
لحظه واحده، تحدث الحارس فى الهاتف إلى رن فجأه وانشغل عنها
بعد انتظار مليكه دخلت لما زهقت لان الحارس اختفى
وقفت على باب الفيلا وقعدت تخبط
فتحت لها خادمه تبدو انيقه ،انتى اخيرآ وصلتى ؟
سطان بقى بيعك اوى فى شغله، يلا ادخلى انتى هتعاينينى ؟
مشت مليكه خلف السكرتيره ،عبرت الرواق
المطبخ هناك شوفى شغلك امرتها السكرتيره من غير حتى ما تسمع لها
اعملى قهوه وطلعيها للباشا فى الدور التانى ،قهوة مظبوطه
وقفت مليكه مرتبكه مش عارفه تعمل ايه
لكن السكرتيره اختفت فى الغرف الكتيره
بصت على المطبخ الفاخر، بتردد عملت القهوة لكنها مش خبيره فيها ،حملت الصينيه ولقيت السلم قدامها
طلعت الدور التانى فيه اكتر من غرفه، احتارت طيب الباشا فين ؟
مشيت قدام الغرف وسمعت صوت طالع من جوه غرفه مغلقه
فكرت يبقى هو هنا، طيب هقوله ايه؟
وقفت دقيقه تفكر، انا كده كده كنت جايه اقابله هقله على إلى سيد طلبه منى
خبطت على الباب ووصل الصوت من جوه لحظه واحده
ادخل!!
فتحت مليكه الباب وشها احمر من الخجل، القهوه يا باشا
سيبيها عندك واتفضلى امشى ،همس فارس الناطورى الى كان مديها ضهره وغرقان فى الملفات والورق
مليكه نزلت القهوه على الطاوله ووقفت متكتفه مش عارفه تعمل ايه
فارس من غير ما يبص فيه حاجه ؟
ترددت مليكه وخرج صوتها ضعيف انا مليكه يا باشا
ملكيه مين ؟
الخدامه الجديده ؟
ملكيه مراة سيد عبد الهادى يا فارس باشا
استدار فارس الناطورى بمقعده واندهاشه تعلو وجهه
تذكر مليكه ،ملامحها الاسبرطيه ،معقوله جايبه القهوه بنفسك ؟
معلهش يا بيه اصل افتكرونى الخدامه الجديده ومحدش رضى يسمع منى
دا من حسن حظى يا هانم اتفضلى اقعدى
جلست مليكه متخشبه إيديها وسط رجليها على المقعد
هاتى القهوه يا مليكه
وقفت مليكه مره تانيه وقربت القهوة من فارس باشا
باحراج وخجل ونسيت تقعد
تفكر فارس الناطورى وهو يراقبها بعينية هذا ما يحتاجه تحديدا طاعه مطلقه ،خنوع كلبى خالى من التمرد
تجرع القهوه وترك الفنجان على جنب ،ايه ده يا مليكه ؟
محدش قالك ان قهوتى مظبوطه ؟
احتارت مليكه فى الرد، انها ليست خادمه ولا تعرف كيف يتحدث معها بتلك الطريقه
نهض فارس الناطورى ومشى فى المكتب ويده جنبه
مش بحب اى شخص يغلط فى طلباتى ،كل الخدم عارفين ان إلى بيغلط بيتعاقب ،سمعت مليكه انفاسه الساخنه تمر جوار أذنها
وانتى مش استثناء مسك فارس الناطورى ودن مليكه وفركها بقسوه
همست مليكه ودنى يا بيه وجعتنى
#حريم_الباشا
٤
انتظر فارس الناطورى ان تصرخ مليكة، ان تستهجن فعلته ،ان تثور وتشتم ،لكنه وجدها طائعه مكسوره ،النوع الذى يعجبه.
تنهد فارس وهمس بنبره مؤدبة اسف يا هانم ،الظاهر نسيت نفسى وعاملتك معاملة الخدم
_اتفضلى اقعدى ،تشربي ايه ؟
مهتزه تعاين الأضرار همست مليكه بصوت لا يكاد يسمع
مش عايزه اشرب حاجه يا فارس باشا ،سيد جوزى بعتنى لحضرتك ذى ما طلبت منه...
تنهد فارس باشا، وسحب سيجاره القاها فى فمه ،سيد خلص الفلوس صح ؟
خشيت مليكه ان تقول الحقيقة، يغضب الباشا ،قالت معرفش يا فارس بيه
على كل مفيش مشكله يا هانم، سيد عايز كام؟
صمتت مليكه، أكبر مبلغ رأته عينها كان مع سيد، معرفش يا باشا إلى حضرتك تأمر بيه هيكون كافى
وقراء فارس باشا وجهها وارتباكها ،خجلها المغرى وأراد ان يرى هذا الوجه مرات كثيرة، النقود غير مهمه عندما يتعلق الأمر بمزاجيته، لديه من النقود اكوام لا يعرف عددها
لم يكتب شيك، فتح الخزنه وأخرج خمسة رزم
اتفضلى يا هانم دول 50 الف جنيه ولا ما تخلص من فضلك
متتحرجيش تقصدينى واسف مره تانيه افتكرت الخدامه
وضعت مليكة الفلوس فى شنطتها ووقفت استأذنك يا باشا!؟
ثم غادرت المكتب الفخم ويدها على أذنها وهى تهمس هو ايه أصله دة ؟ ودنى كانت هتتقلع الله يحرقك يا سيد
وهى فى الاتوبيس جاتها فكره ،سيد هيخلص الفلوس كلها
وبنتها بتكبر، فتحت الشنطه وخبت عشرين ألف جنيه
وطلعت على الشقه حطت الشنطه قدام سيد
رمق سيد النقود بعيون لامعه ،كام دول يا مره؟
معرفش يا سيد، انا خدتهم وحطيتهم فى الشنطه ،يعنى كان ينفع اقول الباشا دول كام ؟
فحص سيد الثلاثة رزم 30000 جنيه بس ؟
فارس الناطورى دا راجل بخيل، هو قالك ايه؟
قالى سيد عايز كام؟ وانا خفت اتكلم
مره غراب،وش فقر، مقدرتيش تقولى مية الف؟ هر هتفرق معاه ابن الرفضى ده ؟
قال إيه تانى ؟
همست مليكه، قال اول ما تخلص الفلوس اروح عنده ذى ما انت اتفقت معاه
تمام، قال سيد عبد الهادى ونهض إلى القهوه بعد أن وضع الرزم فى جيبه
قعدت مليكة مع نفسها، هو انا غلطت لما كدبت عليه!؟
مش كان لازم اعرفه ان الباشا قرص ودنى ؟
ثم تذكرت العصا، وضرب سيد لها حتى كسر عظمها
لا مش هقوله انا مش ناقصه ضرب.
تمرغ سيد عبد الهادى فى متع الحياه ،امتلأت الثلاجه باللحمه البلدى والكوارع والكبد والفاكهه ،عندما يمشى فى الشارع
يخاطبه معارفه بالمعلم سيد
ترن الكلمه فى اذنه ويمشى بانشكاح ،فى المقهى تعد
له افضل طاوله ويتجمع أصدقائه حوله مثل خلية نحل
وعندما عاد الى الشقه متأخرا وجد مليكه نايمه مع بنتها
انتى يا مره فزى قومى نايمه ليه من المغرب كده؟
تعبانه يا سيد من شغل الشقه
تجهم وجه سيد ،ايه إلى انتى لابساه ده ؟ دا لبس مراة المعلم سيد على سن ورمح ؟
وفكر سيد فى النساء التى يراها فى الشارع وفى التاكسي حريم تحل من على حبل المشنقه
ولما عاتب زوجته عرف ان ليس لديها ملابس جديده او مستحضرات تجميل ،سيد ينفق كل نقوده على نفسه
فتح السياله واخرج نقود ،خدى اشتريلك هدمه وروشنى نفسك من الأحمر والاصفر بتاع ستات اليومين دول
لكنه عندما دخل غرفته وعاين النقود المتبقيه ركبه
الهم ،لم يتبقى سوى ثلاثة الاف جنيه.
-_____
داخل القصر بعدما غادرت مليكه ،نقر فارس الناطورى الجرس
وصلت السكرتيره تلهث
نعم ية فارس باشا ؟
_الست إلى كانت هنا....
ماله يا فارس بيه؟ انا اكتشفت غلطى دى مش الخدامه تحب لما تيجى تانى نمنعها تدخل ؟
بالعكس، همس فارس الناطورى وهو ينفخ الدخان
تدخل على طول وتتعامل معاملة الخدم
إبتسمت رزان، الظاهر عجبتك يا باشا!؟
رقمها فارس الناطورى بنظرة غضب جعلت وجهها يتلوى من الرعب وادركت انها تعدت حدودها
مشت بطاعه نحو خزانة الملابس ،فتحتها ،لم تخرج بذله او قميص او فانله، بل سوط صغير ووضعته فى يد فارس الناطورى ثم استدارت وتركت ظهرها امامه وانحنت كاشفه جزء من ظهرها.
____________
لم يمر سوى يومين وقضى سيد على النقود المتبقيه
كم مضى من ذهاب مليكة إلى القصر ؟ 15 يوم
أستيقظ كاره نفسه ،يشخط وينهر ويسب ويلعن
يلف ويدور فى الشقه، دماغه يكاد ينفجر ،مفتقد حتت الافيون التى تعدل المزاج
كوباية شاى يا مره صرخ سيد عبد الهادى من جلسته فى الشرفه
ولع سيجاره وعينه على الشارع، اقعدى هنا أمرها سيد عبد الهادى لما جابت الشاى
هتروحى لفارس باشا تطلبى الفلوس ،وقبل ان ترفض مليكه قال سيد تطلبى خمسين الف جنيه
اروح فين يا سيد؟ وبأى وش
دا انا يا راجل كنت هناك من نص شهر؟
فتح سيد عبد الهادى عيون غاضبه انتى هتعملى إلى أمرك بية والا ورحمة آمى هقتلك،انتى مجرد رسول
فتحت مليكه بقها تتكلم لكن عيون سيد الحمره والعصا فى يده اخرصتها
من سكات بدلت ملابسها وراحت عن فيلا الباشا
عرفها حارس الآمن لما وصلت ،وقفها وسألها انتى الخدامه الجديدة ؟
قالت ملكيه لا، انا جايه اقابل الباشا
رفع الحارس ايده ،أوامر الباشا محدش يدخل من هنا غير الخدم
انا مش خدامه يا استاذ ،مشت مليكه بعيد عن البوابه وتذكرت سيد ،طيب هيعمل ايه فيا لو رجعت من غير فلوس؟؟
فهمت مليكه ما ينتظرها من جحيم، استدارت وعادت تجاه القصر
ايوه انا الخدامه يا اخويا
اتفضلى ادخلى أمرها الحارس ،دخلت مليكه ،السكرتيره كانت فى انتظارها، الحارس ارسل لها الخبر
دخلت مليكه الرواق، عايزه اقابل الباشا لو سمحتى
رمقتها رزان من فوق لتحت، ادخلى الغرفه إلى هناك هتلاقى ملابس خدم غيرى هدومك ،اعملى قهوه واطلعى للباشا
وبلاش كل مره تكدبى وتعملى نفسك مش الخدامه فاهمه ؟
ثم اختفت رزان، داخل الغرفه بدلت مليكه ملابسها
تنورة خدم ضيقه وقصيره قميص على مقاسها شعرت فيه انها عاريه، همست هو ايه أصله ده وايه الهدوم الملزقه دى الله يحرقك يا سيد انت والباشا فى يوم واحد
صنعت القهوه وصعدت درجات السلم، وقفى عندك
صرخت رزان، مغطيه شعرك ليه ؟
#حريم_الباشا
٥
شعر إيه إلى اطلع بيه ؟ انا عمر شعرى ما انكشف غير على جوزى سيد، مش كفايه اللبس المحزق إلى لبستهولى ؟
دى تعليمات فارس باشا بتسرى على كل الخدم وانتى مش استثناء..
همست مليكه، انا مش خدامه، يكش يعنى الراجل الى واقف على البوابه قال محدش يدخل غير الخدم، فدخلت
_رفعت رزان صوتها، مضيعيش وقتى،هتنفذى التعليمات هتطلعى للباشا مش هتنفذى اتفضلى اطلعى بره وفيه مية خدامه غيرك تتمنى تخدم الباشا
وبعدين انتى مشيتى اخر مره من غير ما تاخدى اجرتك ليه ؟
رفعت مليكه حاجبها ،آجرة ايه ؟
آجرة شغلك هتلاقيها فى الظرف فى المطبخ عندك
رجهت مليكه على المطبخ فتحت الظرف فلوس كتير عدتها
خمس تلاف جنيه
همست كل دى فلوس عشان فنجان قهوه؟ امال إلى شغالين هنا بياخدو كام فى الشهر ؟
لم تتمكن مليكه بعقلها البسيط من توقع مرتب شهر الخادمه فى قصر الباشا، لكنها أدركت انه مبلغ كبير
كانت رزان اختفت ك العاده، حطت رزان القهوه على الطاوله
يعنى هيحصل ايه ؟
انا كده كده مش هينفع اروح من غير فلوس سيد هيدبحنى
نزعت الطرحه وأمام المرآه سرحت شعرها ثم صعدت درجات السلم نحو المكتب.
وقفت قدام الباب شدت الجيبه على جسمها وخبطت
الصوت متأخرش ادخل
كعادته كان فارس الناطورى مشغول فى عمله لكن لما سمع صوت مليكه استدار، رمقها كلها من اصبع قدمها وحتى شعرها الناعم السارح خلف ظهرها
اهلا يا مليكه عامله ايه ؟
بخير الحمد لله يا باشا ،بنفذ تعليماتك بتاعت الخدامين اهو
ابتسم فارس، تصدقى لايق عليكى لبس الخدم
لم ترد مليكه، لا تعرف كيف ترد اصلا، سحقها ارتباك وعيون فارس تأكلها
حطى القهوه عندك واقعدى يا مليكة
نفذت مليكه الأمر وجلست على المقعد، رفع فارس الناطورى لوح ورق ممكن تحطى رجل على رجل؟
احط ايه بس يا بيه، دا انا عمرى ملبست كده حتى لجوزى
_حطى رجل على رجل يا مليكه هرسمك
ترسمنى إزاى يا بيه ؟
لوح فارس الناطورى بلوح الرسم ،كانت هناك رسمه غير منتهيه لمليكه ،عايز اكمل الرسمه دى
_فتحت مليكه بقها بأستغراب، دى انا
ايوه انتى اصل انا برسم كل خدامه تشتغل عندى
بعد صمت قالت مليكه، لكن انا مش خدامه يا باشا ،انا جايه فى مشوار وهمشى
استدار فارس بيه بمقعده واولاها ظهره ،طيب اتفضلى امشى
ظلت مليكه على مقعدها ،كيف ترحل دون نقود ؟
وكيف تطلب النقود ؟
اعتراها الخجل وصمتت تشعر بالخزى
لسه قاعده ليه، اتفضلى امشى همس فارس الناطورى بنبره غليظه أمره
طيب والفلوس يا باشا ،دا سيد كان يدبحنى!؟
اطلق فارس باشا رصاصته __طالما مش هتنفذى الاوامر حلى مشاكلك مع جوزك بطريقتك
يعنى لو حطيت رجل على رجل هتدينى الفلوس يا باشا؟
قابلها فارس بأبتسامه ودوده، طبعآ هتاخدى الفلوس
بخجل وضعت مليكه ساق على ساق نظر فارس الناطورى إلى لوح الرسم وامسك فرشاته
كانت مليكه تمتلك وجه بريء غير متصنع وجه بكر لم تسحقه الحياه.
__تمام تقدرى تمشى
الظرف إلى فيه الفلوس قدامك خديها وروحى لسيد
كان لم يمضى سوى خمسة دقائق، تعرف مليكه ان ما من رسام يستطيع أن يرسم شخص فى هذا الوقت الضيق
لكن مهمتها تمت بنجاح وليذهب الباشا إلى الجحيم
نزلت حاضنه الفلوس ،غيرت هدومها واخدت أجرتها وغادرت القصر
معها عشرة الاف جنيه وهتسرق من سيد عشرين ألف
يبقى كده عال العال
لكنها مقدرتش تمنع نفسها التفكير فى الباشا وعقله التافه
يدفع خمس تلاف جنيه فى فنجان قهوة ؟
انها لا تعتقد انه رسام ثم شعرت بالخجل لما تذكرت شعرها الظاهر ولبسها الملزق
كل دا بسببك يا سيد يا واطى ،لما وصلت البيت لقيت سيد مستنيها على باب العماره اخد منها الفلوس وطلع على القهوه
فكره مليكه ،دا حتى مفكرش يسألنى ايه إلى حصل ؟
ولا انا جبت الفلوس ازاى؟ وكان ضميرها يعاندها فظلت ساهره حتى وقت رجوعه
سيد قالت مليكه قبل ما سيد يدخل غرفته فيه موضوع عايزه اتكلم معاك فيه
يعرف سيد ان لا حديث قد يجمعه مع تلك المرأه
علاقتهم الحميمه انقطعت منذ زمن ،عايزه فلوس ؟
قالت لا
امال فيه ايه يا وش الفقر
الباشا يا سيد
ماله الباشا، شعر سيد بالخطر ولف الافيون فى دماغه
كل ما اروح هناك يا اخويا يعاملنى معاملة الخدم
معاملة الخدم ازاى ؟
السكرتيره بتاعته بتخلينى اطلعله القهوه عشان اخد الفلوس
وبو مطلعتش القهوه مكتبه مفيش فلوس
صرخ سيد لمسك يا مره ؟
صرخت مليكه هى الأخرى ،لمسنى ايه يا راجل؟
هو فنجان القهوه
صمت سيد يعنى لازم تقدميله القهوه ؟
فنجان قهوه تمنه تلاتين الف جنيه ؟ صحيح البشوات دول دماغهم متخلفه فعلا
انا مش رايحه هناك تانى يا سيد يكون فى علمك انا مش خدامه
رفع سيد صوته، وناكل ونشرب من فين ؟
انا هكلم الباشا شخصيا واطلب منه يعاملك كويس
راحت مليكه تناقش لكن سيد صرخ انا عايز انام متبوطيش دماغى
كانت اللوحه آمام فارس الناطورى جميله رشيقه مغريه
انه غير مستعجل، يحب أن تستوى الأمور على نار هادئه
لا يحب القفز، يستمتع بالتفاصيل ،حيثيات الخضوع والانكسار
لم يستخدم طرقه بعد يترك المواقف تقوده ،تذكر معارضتها وعنادها وشعر بالغضب
فى المره القادمه سيعاقبها، يجعلها تندم على كل كلمه خرجت من فمها
ضغط على الجرس حضرت رزان راكضه
نعم يا باشا
عايزك تتواصلى مع البنت إلى اسمها ثم صمت
قالت رزان مليكه يا باشا
ايوه مليكه، عايزها عندى فى القصر بعد بكره تاخد الشهريه بتاعتها
حاضر يا باشا ،اى أوامر تانيه ؟
لا تقدرى تمشى
لم تنجح رزان فى كبح ابتسامتها الباشا لديه لعبه جديده
لا تعرف رزان ان الباشا يمتلك اربع عيون
اوقفتها صرخته
رزان ؟
وقفت رزان فى مكانها نعم يا بك ؟
بتضحكى ليه ؟
ابتلعت رزان ريقها كادت ان تقول مضحكتش يا باشا
لكنها تعرف كلفة الكذب مع فارس
اسفه يا باشا مش هيحصل تانى، لكن هيهات ان مزاجية فارس الناطورى لا يعلى عليها داخل القصر
الكل يعمل حسب مزاجيته
اقفى على البلاطة إلى جنبك يا رزان ومتتحركيش من عليها لحد ما أأمرك
ثم نهض ونفخ دخانه ولف حول رزان
#حريم_الباشا
٦
كانت رزان واقفة على البلاطة كتمثال، عضلاتها مشدودة، لا تجرؤ حتى على بلع ريقها.
فارس الناطوري كان يتحرك حولها ببطء، خطواته محسوبة، كأنه يقيس المسافة بينها وبين خوفها،وقف خلفها تمامًا، دون أن يلمسها.
قال بهدوء مريب:
— القصر ده يا رزان… مش محتاج ناس ذكية قوي، محتاج ناس مطيعة
هزّت رأسها بسرعة،— حاضر يا باشا
ابتسم، تلك الابتسامة التي لا تطمئن أحدًا
ليكى كام سنه شغاله يا رزان داخل القصر ؟
_عشر سنين يا باشا
عشر سنين ومعرفتيش ان الباشا مش بيسمح لأى شخض يضحك او يسخر منه
وقبل ان ترد رزان صفعها الباشا صفعه جعلت جسمها يهتز
اعتبرى دا تحذير يا رزان
همست رزان حاضر يا باشا حاضر مش هتتكرر تانى
جلس فارس الناطورى على المقعد الوثير ونفخ داخن سيجاره
بكره الصبح تروحى بيت مليكه ،هتقوليلها ان اسمها اتكتب فى كشف الخدم ،وأن مفيش فلوس غير لما تقدم القهوة كل يوم
هتعترض وتثور وترفض ،مش هتعملى حاجه، هتسيبى الظرف إلى فيه آجرة القهوه على الترابيزه وتقولى كلمه واحده بكره الصبح تكونى عند الباشا.
حاضر اوامرك يا باشا ،تقدرى تمشى، شدت رزان قدميها المتعبه من الوقوف فى انكسار
ثم أغلقت الباب خلفها ونزلت درجات السلم وهو تهمس يعنى مليكه دى فيها مختلف عن اى بنت دخلت القصر ؟
لكنها تعرف أن الباشا لديه نظره أعمق لن تفهمها حتى لو حاولت وان مزاجية الباشا غير متعلقه بمعايير الجمال الفارغه بل على قدر الطاعه المقدم.
بعد اختفائها من الغرفه رفع فارس الناطورى اللوحه على الحامل، اللوحه دى لم تكمل هتبقى هايلة ممكن شارك بيها فى معرض باريس او جنوة
ضغط على جهاز الاستريو فارت موسيقى تارتينى ،الصول الصغير والناى ،خرج فارس الناطورى إلى الشرفه تلتهمه مشاعر مختلطة ،تسريع النسق لا يرضيه ،فى الخارج كانت اغصان الأشجار تؤدى رقصتها تحت شماء ضبابيه ونسمات هواء لعوبه ،الحديقه دى عايزه تتغير، انا مش بحب العشب الأخضر يملى المكان كده ،فين زهور حبة الملكه والغار وجوز الحريه وباترينكا ؟ رزان دى مهلمه جدا لكن مش بقدر استغنى عنها ،انها تحفظ مزاجيتى جيدا وتفهمها ،لمح تالين تعبر بوابة القصر ،همس بضيق هو دا وقتك دلوقتى ؟ كانت تسير مترنحه حتى ان فارس الناطورى همس لو باباها الوزير شافها بالشكل ده ممكن تجراله حاجه
سمع صوت طرق الباب همس ادخلى يا رزان
دخلت روان بسرعه، تالين هنا
بلا مبلاه قال شفتها
اوامرك طيب يا باشا؟
اصرفيها يا رزان مفيش دماغ
بخجل وحذر قالت روان انت عارف تالين يا باشا دماغها ناشفه ومهما اقول مش هتسمع
رفع فارس الناطورى ايده ،هو انا انكتب على اكون استبن ؟
كل واحده تتخان او حبيبها يسبها تيجى تجرى ناحيتى ؟
مفيش وقت يا باشا اعمل ايه ؟
اصرفيها يا رزان ولو رفضت لبسيها لبس الخدم وخليها توقع
فتحت رزان فمها، تعرف أن الباشا متهور لكن ليس لهذا الحد
متأكد يا باشا ؟
فتح فارس عيونه بغضب وفهمت رزان الرساله
مش عايز دوشه، وافقت خليها تيجى رفضت اصرفيها بالقوة
لازم تتعلم ان كل حاجه وليها تمن فى قصر فارس الناطورى
بعد دقائق سمع فارس الناطورى صراخ قادم من الطابق الأرضى
سحق عقب سيجارته ونزل درجات السلم
فيه ايه؟
رفعت تالين وجهها، تعالى شوف الخدامه بتاعتك بتقول إيه ؟
دى اتجننت خالص يا فوفه
مش اسمها خدامه، دى سكرتيرتى واسمها رزان خريجة كلية الألسن وبتتكلم تلت لغات ،ايطالى وفرنسى والمانى دا غير الانجلش
رفعت تالين صوتها مش مهم هتفضل خدامه ،انا عايزاك ترفدها دلوقتى حالآ
مش هيحصل همس فارس ببرود، رزان غاليه عندى اوى
طيب وانا مش غاليه يا فوفه ؟
بتقارنى بخدامه حقيرة ؟ عايزانى البس لبس خدم واعمل قهوه اطلهعالك المكتب ؟
انا تالين بنت مدحت السنجارى اعمل قهوة ؟
ضم فارس قبضته على درابزين السلم ،هتعملى قهوه، وهتلبسى لبس خدم ولو مش عاجبك امشى
ارتفعت نغمات كولان لوبران من مكتبه وصعدت الموسيقى إلى جسده
انت اتجننت يا فارس ؟ فاكر نفسك بتكلم واحده من حريمك ؟
نزل فارس الناطورى السلم واضعا يده فى جيبه، اقترب من تالين المتحديه، عاينها بصمت ثم ابتسم مجرد فتاه تافهه تظن نفسها مركز الكون تخوض كل ليله مغامره جديده وعندما تشعر بالممل تركض اليه اعتادت ان ترى الخوف والانكسار فى عيون الرجال المرتعشين، تذكر مره عندما دخل شقتها الخاصه ووجدها جالسه على الأريكه وساقها ممده فوق ظهر شاب رخيص
لطالما عاملها بأدب واحترام حتى تجرأت وعندما تتجراء يجب أن تعاقب، ان مزاجيته تصرخ داخله ،اكسرها ،شقها
اخضعها ،سمعت تالين انفاسه الساخنه تمر جوار أذنها
البسى لبس الخدم واعمليلى قهوه
مستحيل صرخت تالين بتحدى وغضب
يوه انتى بقا عايزه تضيعى انشكاحى ودندن مع كولان كلمات الاغنيه، ثم مد يده، نفس اليد إلى قرص بها مليكه
استقبلته اذن ناعمه لا تعرف الشقى باهته تكاد ترى من خلالها
ثم فركها، صرخت تالين بتعمل ايه يا مجنون، سيب ودنى دا انا هخلى حياتك جحيم ورحمة آمى لخلى بابا يسحقك
ذى ما عملك
انا محدش عملنى همس فارس الناطورى وهو يجرها من أذنها خلفه ،انا عملت نفسى ودفعت كتير اوى
إلى غرفة الخدم جرها من شعرها واذنها، كانت تالين تصرخ من الوجع، البسى بسرعه
مش هلبس يا فارس مفيش مخلوق يقدر يجبرنى اعمل حاجه مش عايزها
رزان صرخ فارس الناطورى هاتى الكرباج
لف ذراع تالين خلف ضهرها ،رزان الناقمة احضرت السوط بسرعه كأنها كانت مستعده، ناولت السوط لفارس الناطورى
تالين غير مصدقه هتعمل ايه ؟
ابتسم فارس الناطورى واهتز جسده على نغم الموسيقى
انتى الى هتقررى ورمى ملابس الخادمه على الأرض
اختارى
رفعت تالين حاجبها ،انت بتهزر صح ؟ دا مقلب ؟
صفعها السوط برفق على ظهرها لكن بنت الوزير ارتعشت
ووجدت وجه فارس الصارم يلاحقها
همست هاتى يا رزان الهدوم هلبسها
رفع فارس ايده مكانك يا رزان، انزلى هاتى الهدوم بنفسك يا تالين ولوح بالسوط بيده
لوهله كادت تالين ان تصرخ وتطلب المساعده لكن شيء فى عيون فارس اجبرها على التأمل ،صوت داخلى اعجبته اللعبه الجديده لعبه غير معتاده عليها، طيب سيب ايدى هتكسرها
عندما أصبحت حره انحنت على الملابس ،خليك فاكر يا فارس هتدفع التمن كبير اوى ،وضع فارس السيجاره التى اشعلتها رزان من أجله وابتسم ،مش لما يخلص عقابك الأول
غيرى هدومك وهاتى القهوه على المكتب
رزان خليكى واقفه قدام الغرفه اى تلكع قوليلى خلى الهانم تاخد راحتها وهى بتغير هدومها
حشرت تالين نفسها فى ذى الخادمه ودمها يغلى بقا انا تعمل معايا كده يا فارس؟
انت وحتت الخدامه الحقيرة ؟ رغم ذلك عاينت نفسها فى المرآه وأعادت ضبط تسريحتها قبل أن تخرج
كانت رزان اختفت وفارس الناطورى فى الرواق يدخن سيجاره فى يده السوط يلوح به
#حريم_الباشا
٧
اهو لبست لبس الخدم كده مبسوط يا فارس__ عاجبك ؟ممكن اروح بقا ، عايزه ارجع بيتنا..
هتروحى بمزاجى يا تالين هانم ودا لما تكونى مطيعه لأن تمردك هيقابل بمزيد من العقاب
رفعت تالين ايدها ،انت فاكر نفسك مين؟ وسايق فى الدور اوى اصحى يا فارس انا تالين
إبتسمت احب الفتاه التى تعتقد نفسها متمرده وتحشى عقلها بكتب التنميه البشريه وكيف تصبحين فتاه ناضجة، الفتيات الاتى يضعن فى حالتهن على الفيس والانستجرام صورة شقية مع اغنية تافهه لمطرب متصابى فى الستين من عمرة يسقط وسطه بنطاله المخزى ،نفخت دخان سيجارتى
أشعر بها تنهار، اشتم بوادر ضبابيه تزحف على عقلها الرخيص.
كان لازم اعرفها ان دى مش مجرد لعبة وبذلت مجهود مضاعف لاتغلب على مزاجيتى.
، وقفت وقربت منها،فضلت واقف جنبها لحد ما شعرت بانفاسها المرتعبه ،مسكت شعرها الطويل لفيته حوالين ايدى جرتها ناحيتى وبعزمى كله جلدتها على ضهرها كان ضرب موجع لكنه مش مؤذى ،هتعملى قهوه وتقدميها لسيدك فارس فى مكتبه ولما راحت تعترض لسعها السوط على ضهرها
على قدر عنادك هيكون عقابك يا تالين انتى الوحيده إلى تقدرى تحررى نفسك من الألم ده، سمعينى حاضر
كاد شعرها ان ينقلع فى ايدى ،حاضر
بتقولى ايه مش سامع، حاضر يا فارس حاضر
خليكى فاكره لو قربت منك مره تانيه لو عصتينى، العقاب هيكون قاسى جدا طلعت الكلمات منى عنيفه صارمه
مش هتهرب من العقاب يا فارس باشا اوعدك
تركت كلتها تطير مع دخان سيجارتى ،لم تكن لدى رغبه لافساد مزاجى ،موسيقى كولان لوبران تنشينى
اصنعى قهوه مظبوطه رغم انى عارف انك فاشله فى شغل المطبخ لكن حاولى ترضينى دا من مصلحتك
بذلت تالين مجهود كبير فى صنع القهوه وسمعت صراخها عندما انكوى اصبعها أكثر من مره.
هاتى القهوه واطلعى ورايا، فارس ممكن اعرف هتعمل ايه بالضبط؟
لو كنت هتغتصبنى اتفضل وريحنى من القرف ده
خلفى تسير منزوعة الأراده تثرثر بكمات غبيه ،فتحت باب المكتب جلست على مقعدى، هاتى القهوه
القهوه قدامك اتفضل خدها انت اتشليت ؟
سحقت عقب لفافة التبغ فى المنفضه وفتحت درج المكتب
أخرجت حبل رفيع
هتعمل ايه يا مجنون؟ فارس؟، قيدت يديها خلف ظهرها
تقدرى تتفضلى تقعدى فى صمت مش عايز اسمع صوتك
قدرتك على الصمت مفتاح تحريرك يا تالين دى اخر فرصه
كانت نبرتى صارمه وأدركت الفتاه المدلله أننى جاد لابعد حد وان محولاتها للتمرد لن تزيدنى سوى عناد وتجبر
جلست مطيعه تفكر، يدها تؤلمها وعينها ترصد حركتى القادمه أكثر من ربع ساعه مضت بلا صوت
تعالى اقعدى هنا
اقعد فين ؟
قلت هنا
غير مصدقه نهضت ونفذت الأمر ،بعد دقيقه همست تقدرى تروحى انتى حره.
حللت قيدها وسمحت لها ان تغادر القصر.
على باب الشقه وقفت رزان انيقه جميله لا تشعر انها خادمه
كانت مليكه تنشر الغسيل على الحبل عندما طرقت الباب
انتى عايزه ايه منى ؟
طيب قولى اتفضلى الأول، اقتحمت رزان الشقه بثقه
الباشا عايزك فى القصر، ودا آجرة فنجان القهوه وضعت رزان المظروف المغرى على الطاوله
لو نفذتى الامر هيديكى فلوس لسيد كمان
نفخت مليكه بضيق ،هو الباشا فاكر نفسه ايه ؟
يملك الكون بأيده ؟
انا مش هروح عنده غير لما سيد يطلب منى واتفضلى خدى فلوسك
الباشا لما يرغب بحاجه دايما بينولها يا مليكه متصعبهاش على نفسك
كانت رزان صادقه فى نصيحتها لقد عاشرت الباشا سنين طويله وتعرف مزاجيته
يفتح الله يا حلوه ارجعى لسيدك وقليله مليكه مش بتنفذ غير أوامر جوزها
ومش هتدخل القصر غير بعد خمسة عشر يوم، اتفضلى اطلعى بره.
إبتسمت رزان، الباشا يقراء الطالع ولا ايه كان يعرف انها ستثور ومؤكد يعرف كيف يروضها
بشوقك يا مليكه انا عملت المطلوب منى، وخليكى فاكره
إلى يجى بمزاجة احسن من إلى يجى غصب
برة طردتها ملكيه الثائره
عندما وقفت مليكه آمام فارس الناطورى رفض ان يستمع إليها ،همس ببرود عارف إلى حصل ايه
لما تيجى هنا عايزك تخليها توقع على الورقه قبل ما تطلعلى
نفس الورقه إلى وقعت عليها تالين فاهمه؟
فاهمه يا باشا
إلى متى قد يطول عنادها ؟ يوم ،شهر؟ لكنى لا أحب التلكع
تانى يوم طلعت تليفونى وجبت سيد عبد الهادى مكتبى مع فخرى
رأيت فى وجهه آثار الإدمان ،البدره والافيون ،دماغ ضايع غير متزن
انا طلبت مراتك تيجى هنا تاخدلك فلوس ورفضت يا سيد
دا ينفع ؟ مقبول ؟
فكر سيد للحظه مش مقبول يا باشا
مراتك رافضه تخدمنى تقدملى فنجان قهوه نظير الفلوس إلى بتاخدها هى مراتك متعرفش ان كلكم بتخدمونى ؟
تردد سيد لحظه ثم همس كلنا خدمينك يا باشا
طيب ارجع لمراتك يا سيد وعقلها والا مفيش قرش واحد هيوصلك منى.
ذرع سيد سيجاره فى فمه وهو خارج من القصر وبصق على الأرض
هو فاكر نفسه ايه ؟
الرزق بايد ربنا ،ورحمة آمى لولا الخوف من السجن لكنت قتلتله مطرحه
صحيح ديل الكلب عمره ما يتعدل ذى ابوه بالضبط
يغور الباشا وفلوسه نفخ سيد دخان سيجارة الحشيش وارتفع مزاجه انا المعلم سيد عبد الهادى الناس بتحلف بعمرى
قال عايز مراتى تقدمله القهوه قال وشعر بطرب خفيف يحرك ذهنه وهو يمشى فى الشارع ودماغه تحلق مع عصافير الشارع
يتبع
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺
تعليقات
إرسال تعليق