رواية ندم لا يفيد الفصل الاول والثاني والثالث بقلم الكاتبه نور محمد حصريه وجديده على مدونة النجم المتوهج
رواية ندم لا يفيد الفصل الاول والثاني والثالث بقلم الكاتبه نور محمد حصريه وجديده
قالت برعب وخوف: ياماما تعالي خديني من هنا بسرعه بابا بيخوفني اوي.. بيعمل حجات غربية في غرفته
رد امها بصدمه وقلق: حجات ايه يابت.. ابوكي عمل فيكي حاجه هو ضربك والا ايه قولي متخافيش؟!
مريم بخوف: تعالي خدني الاول وبعدها هقولك ارجوكي ياماما انا خايفه اوي
زينب بقلق: طيب حاضر مسافه السكه وهكون عندك ياقلبي
قفلت مريم معاها وهي بتنظر لغرفه ابوها برعب وخوف رغم انه خارج البيت حاليا
..الروايه بقلم نور محمد
وبعد نص ساعه **
سمعت مريم جرس الباب فجرت تفتح لامها اللي اول ماشفتها حضنها برعشه وخوف
زينب بصدمه وقلق: في ايه يابت مالك بتترعشي كده ليه ابوكي ضربك والا ايه قولي وريحي قلبي عليكي
مريم بدموع: انا بقيت بخاف منه اوي ياماما مش عاوزه اقعد معاه تاني خدني اعيش معاكي انتي وبس
زينب بحنيه: حاضر بس قوليلي الاول ابوكي عمل ايه علشان اخدك معايا
مريم بصت لها بخوف وقعد معاها وقالت: باليل كل يوم بسمع من اوضه النوم بتاعته صوت ضحك غريب كده مش قادره احدد صوت الضحك ده لبنت والا ولد وبفضل الليل كله مرعوبه منه ومش قادره اسئل بابا علشان بخاف یتعصب علیا
زينب بصدمه وستغراب: انتي متأكده من كلامك ده يابت يامريم؟!
مريم بتأكيد وخوف: ايوه والله ياماما متأكده اوي منه خديني البيت معاكي ارجوكي
زينب بشفقه وحب: حاضر ياقلبي هاخدك معايا وبعدين ابقى اتكلم مع ابوكي عن الحوار الغريب ده؟!
مريم وقفت بفرحه وسعاده وزينب ابتسمت لها ومسكت ايدها علشان يخرجوا من البيت بس فجأه فتح الباب قدامهم ودخل محمد.. الروايه بقلم الكاتبه نور محمد
محمد بصدمه: زينب انتي ازاي تدخلي بيتي بدون اذني؟!
زينب بتوتر وارتباك: احم انا بس.. مريم وحشتني فجيت اشوفها واخدها معايا كام يوم کده يامحمد
محمد بضيق:دی اخر مره اشوفك فيها جوه بيتي بدون ماتقولي ليا قبلها ومريم مش هتخرج معاكي احنا متفقين سوى من يوم طلاقنا.. تقعد مريم عندك اسبوع وعندي اسبوع.. وانا اسبوعي لسه مخلصش لو سمحتي ياله بره بيتي
زينب بصتله بتفهم وخوف ومريم مسكت في ايدها بقوه وقالت بهمس: ماما لا خديني معاكي ارجوكي عاوزه امشي معاكي انا
محمد سمع همسها فتعصب: مريم تعالي هنا واسمعي كلامي فاضل يومين بس وامك هتاجي تاخدك معاها زي العاده ياله دلوقتي ادخلي اوضتك
مريم بصتله بخوف وزينب قالت بنفعال: جرى ايه يامحمد مابراحه على البنت بتخوفها منك كده ليه؟!
محمد بغضب: بنتي وانا حر فيها يازينب وتاني مره متدخلیش بيتي بدون ازني زي مانا بحترمك وباخد ازنك قبل ما بروح عندك البيت انتي كمان لازم تعملي كده وياله بره البيت انا جاي تعبان وعاوز ارتاح
زينب بصت لمريم بقله حيله: مريومه ادخلي اوضتك واسمعی الکلام وانا يومين وهاجي اخدك ماشي ياقلبي
مريم برفض ودموع: لا انا عاوزه امشي معاكي والنبي علشان خاطري وغلاوتي عندك
زينب تأثرت اوي بكلامها بس محمد غلى الغضب في عروقه فقرب من مريم وشدها بقوه من ايد امها
محمد بغضب: انا مش قولت تدخلي اوضتك يازفته انتي مش بتسمعي كلامي ليه ياله غوري من قدامي على الاوضه ياله
مريم اترعبت منه فجرت على غرفتها وزينب قربت منه بغضب وحزن على بنتها
زينب بغضب وحزن: ربنا شايف ومطلع على عمايلك دي يامحمد وبكره هتعرف غلاوتها عندك بس هتقول ياريتني ما عملت معاها كده؟!
محمد ببرود: خلصتي كلامك ياله بره ومش عاوز اشوف وشك في البيت تاني بدون ازني
زينب مشت بحزن ودموع ومحمد دخل غرفه بنته ** الروايه بقلم نور محمد
محمد بضيق: مريم تعالي عاوز اتكلم معاكي
مريم بخوف: انا اسفه وهسمع كلامك كله بس متقربش مني ارجوك
محمد بصدمه: مريم انا مش قصدي اخوفك كده انتي بنتي الوحيده ياحبيبتي متخافيش من بابا
تعالي
قربت منه بخوف فحاوطها بحنان وقال: ها ياقمر انتي قولتي ايه بقى لماما علشان تاجي نشوفك في البيت كده بدون عملي
مريم بخوف: مقولتش لها حاجه كلمتها علشان وحشتني بس
محمد بغموض: امم متأكده مقولتيش لها حاجه يامريم
هزت رأسها بتأكيد وخوف منه فقال محمد: ماشي يامريم انا هخرج احضر العشاء.. ناكل سوى وبعدها تدخلي اوضتك وتنامي علطول.. واوعي تطلعي منها لغايه مايطلع الصبح مهما حصل مفهوم
مريم بطاعه وخوف: حاضر يابابا
خرج محمد يحضر العشاء زي العاده
وفي منتصف الليل في غرفه مريم **
كانت متكوره برعب على السرير وهي سامعه نفس الصوت ده واصل لعندها
مريم بخوف: لا لا مش هخرج بابا هيزعل مني لو خرجت بس انا خايفه اوي
فضلت على الوضع ده لمده ساعه والصوت لسه مستمر
مريم بتعب وارهاق: انا لازم اعرف سبب الصوت ده علشان اقدر اتغلب على خوفي منه حتي لو بابا هيزعل مني برضو لازم اعرف وارتاح
وحسمت امرها وطلعت من غرفتها وهي بتتسحب بهدووء لغايه ماوصلت لغرفه محمد ابوها وقربت من خرم الباب علشان تشوف اللي بيحصل داخل الغرفه
وبعد دقايق بس عنيها وسعت بصدمه وزهول كبير وهي مش مصدقه اللي شافته داخل الغرفه...
#البارت_الثاني
مريم بصدمه وتوتر: الوو ياماما مش هتصدقي اللي شوفته امبارح في اوضه بابا باليل
زينب بتوتر وقلق: قولي يامريم شوفتي ايه ياقلبي احكيلي؟!
مريم بخوف وتوتر: احم انا بصراحه سمعت امبارح نفس صوت الضحك وكنت مرعوبه منه فخرجت وبصيت من خرم الباب اوضه نوم بابا و شوفت خالتي هند جوه اوضه وكانوا يعني كانوا الاتنين سوى بيعملوا...
قاطعتها شهقت زينب: اييه انتي بتقولي ايه ازاي كلامك ده يابت خالتك هند ايه اللي هجيبها عند ابوكي
مريم يخوف وارتباك: معرفش انا لما طلعت وبصيت من خرم باب اوضه بابا لقتها معاه على السرير بيضحكوا سوى
زينب بصدمه: انتي متأكد من كلامك ده يابت يامريم اوعي تكوني بتكذبي عليا اصل الموضوع ده خطير اوي
مريم بتأكيد وصدق: ايوه متأكده اوي ياماما انا شوفتهم بعنيا والله بقول الحقيقه انا عمري ماهكذب عليكي ابدا
زينب ب بصدمه وتفكير: تمام بصي ياحبيبتي اوعي حد تاني يعرف بالكلام ده فاهمه هو كله يوم واحد وهاجي اخدك عندي وبعدها هتصرف انا بطريقتي في الموضوع ده ماشي
مريم بطاعه: حاضر ياماما بس انا خايفه اوي اقعد مع بابا تاني
زينب بحنيه: متخافيش ياقلبي من حاجه ابدا بس المهم خليكي جوه اوضتك ومتطلعيش منها وقت وجود محمد تمام
مريم ردت عليها بتفهم وطاعه وقفت معاها وقعد مكانها على السرير بقلق وخوف
وعلى الناحيه الاخرى عند محمد في شغله **
دخل مكتبه هند بدلال: صباح الورد والياسمين على عيونك الحلوين ياقلبي
محمد بتوتر وقلق: هند انا كام مره قولتلك بلاش تاجي عندي في المكتب علشان محدش من الموظفين يشك فينا
قربت منه هند بدلع: اعمل ايه يامحمد ماانتي اللي بتوحشني ديما وعلطول نفسي اشوفك قدامي ماهو انت لو سمعت كلامي من البدايه مكنش بقي حالنا ده دلوقتي
محمد بتوتر وضيق:قولتلك ميه مره مقدرش اعلن جوازنا قدام الناس ابوكي واخوتك لو عرفوا هيحرموني من بنتي مريم
هند بغيره وغيظ: طب ماتسيبها يامحمد لامها وخلاص وانا اقدر اجيب لك بدل عيل عشره ياحبيبي
محمد باعتراض ورفض: لا طبعا مقدرش اعمل كده حتي لو سبت زينب وطلقها بس مريم هتفضل بنتي من لحمي ودمي ومقدرش اسيبها تبعد عني وتشبع بيها زينب لوحدها
هند بضيق وغيظ: ماشي يامحمد براحتك بس انا عاوزه اعرف لغايه امتي هيفضل جوازنا سر كده محدش يعرف عنه حاجه غيري انا وانت وبس وانا باجي عندك البيت اخر الليل زي الحراميه كده؟!
محمد بتوتر وارتباك: قريب هلاقي حل ياهند بس حاليا اصبري عليا انتي عارفه ابوكي واخوتك الولاد صعبين ازاي وممكن يعملوا فيا ايه لو عرفوا بجوازنا
هند نفخت بضيق وهي خارجه: تمام ماشي يامحمد لما نشوف اخرتها معاك ايه؟!
طلعت هند من المكتب ومحمد تهند بضيق وزهق: ياريتني مااجوزتك اصلا ولا بليت نفسي بيكي في الاول فضلت تلف عليا هنا وفي كل مكان علشان اطلق مراتي زينب واجوزها.. ودلوقتي كمان عاوزه تبعد بنتي عني وتحرمني منها.. تمام ماشي ياهند انا هعرف اتصرف معاكي بطريقتي الخاصه
وفي نفس الوقت في مكتب هند **
هند بغيظ وغيره كبيره:يانااري منك يازينب دنا ماصدقت انه طلقها علشان يجوزني انا.. لانه من البدايه كان جاي يتقدم ليا جواز صالونات ومكنش لسه شاف شكلي حتي بس وقتها لما شاف زينب داخله معايا عنده افتكر انها هي العروسه واصر عليها وكسفني انا قدام بابا واخواتي كلهم ومن وقتها وانا حلفت لاخده تاني منها
حتي بابا وقتها قال ده قسمه ونصيب يابنتي واكيد محمد ده مش نصيبك.. بس اهو في النهايه برضو اجوزته بقى من نصيبي انا.. ماشي يازينب وديني ماهسيبك ياانا ياانتي بقى والبادي اظلم
خلصت كلامها وقعد على المكتب بغيظ وتفكير خبيث في القادم بس فجأه سمعت صوت رساله وصلت لها على الوتس ففتحتها وهنا عنيها وسعت بصدمه وزهول وهي بتقرأ المكتوب من رقم مجهول
:انا عارف سرك اللي انتي مخبياه عن اهلك وعارف كمان بجوازك من طليق اختك في السر تفتكري لو ابوكي واخواتك الولاد عرفوا ممكن يعملوا فيكي ايه وقتها؟!!
بلعت ريقها بصدمه وخوف وهي بتكتب:انت..انت مين وعرفت ده كله ازاي؟!
وصلتها رساله تاني منه:مش مهم عرفت ده كله منين.. بس لو عاوزه تعرفي انا مين تعالي على العنوان ده***" النهاردا الساعه خمسه العصر سلام
هند برعب وتوتر: ياترى مين ده وعاوز مني ايه اروح اقول لمحمد يتصرف معاه والا اروح اقابله زي ماطلب مني أفضل
فضل دقايق تفكر وبعدها قالت: لا انا اروح اقابله بنفسي انا كده كده لازم اعرف مين الشخص ده علشان اعرف اتصرف معاه.
وعلى الجهه الاخرى في بيت زينب**
دخل والد زينب غرفتها وقعد جنبها على السرير وقال بحزن واعتزار:زينب يابنتي انتي كويسه حالك مبقاش عاجبني الفتره دي.. انا والله من بدايه لما شوفت محمد قولت ده شخص كويس ومحترم مكنتش متوقع منه يعمل كده معاكي سامحني يابنتي انا حاسس نفسي ظلمتك في الجوازه دي
ابتسمت له زينب بحزن:متقولش كده يابابا ده نصيبي وانا الحمد لله راضيه بيه وكفايه عليا بنتي مريم دي بالدنيا كلها عندي الحمد لله
تهند عز بتردد وتوتر وقال:انا عارفه اللي هقوله لك ده مش وقته بس انا ابوكي وعاوز صلحتك وراحتك يابنتي.. بصراحه فيه واحد اتقدم لك هو صاحب اخوكي كريم.. هو ارمل مراته ماتت من شهور ومخلفش منها اطفال وفي مره شافك هنا في البيت لما اجه مع اخوكي فطلب ايدك منه الاول وكريم قالي علشان اقولك ايه رأيك انتي؟!
زينب انصدمت من كلامه ومردتش عليه فحمحم عز ووقف وقال:انا هسيبك تفكري براحتك وبعد ماتاخدي وقتك في التفكير ابقى ردي عليا علشان ارد عليه تمام
هزت رأسها بطاعه وطلع عز وسابها لوحدها وزينب فضلت تفكر ياتري هي مستعده لدخول علاقه تاني بعد تجربيتها الفاشله مع زوجها السابق محمد والا لا
وبعد مرور ساعات في منزل محمد **
رجع محمد بيته بتعب وارهاق كبير فتح الباب وكان الهدووء مسيطر علي الشقه كلها فتوتر وقلق على مريم بنته وجرى على غرفتها فتحها وبص جواها بس مريم مكنتش موجوده
فطلع محمد وفتش البيت كله بقلق وخوف كبير واخر مكان دخله كانت غرفه نومه دخل بسرعه ولهفه وهنا كانت الصدمه بجد
مريم واقفه قدامه وفي ايدها قمـ*ـيص نو*م احمر اول ماشافت ابوها قدامها قالت بصدمه وزهول:ايه ده يابابا مش ماما سابت البيت من وقت كبير واخدت كل حجاتها معاها القمـ*ـيص ده يبقى بتاع مين بقى؟!
محمد بلع ريقه قدامها بتوتر وارتباك كبير ووووو
#البارت_الثالث
مريم قدام ابوها وفي ايدها قمـ*ـيص نو*م احمر اول ماشافت ابوها قدامها قالت بصدمه وزهول:ايه ده يابابا مش ماما سابت البيت من وقت كبير واخدت كل حجاتها معاها القمـ*ـيص ده يبقى بتاع مين بقى؟!
محمد بلع ريقه قدامها بتوتر وارتباك كبير وجرى خطف منها القمـ*ـيص بغضب
محمد بحده وغضب: مريم انتي ازاي تدخلي اوضتي في غبابي وتفتشي فيها كمان بدون ازني
مريم بخوف ورعشه: انا.. انا بس شاحن الفون بتاعي ضاع فدخلت اخد الشاحن بتاعك وانا بدور عليه لقيت القمـ*ـيص ده تحت السرير
محمد ضم القميص في ايده بغضب وقال بحده: وانتي تقربي عليه ليه دي حجات ناس كبار عيب عليكي تشوفيها والا تلمسـ*ـيها حتي انتي فاهمه
هزت مريم رأسها بخوف منه ومحمد كمل بامر: غوري على اوضك فورا ودي اخر مره تدخلي الاوضه بتاعتي بدون ازني بكره امك هتاجي تاخدك معاها لو نطقتي بحرف من الكلام ده قدامها انا هعاقبك مفهوم
مريم بخوف وطاعه:حاضر يابابا
قالت كده وجرت خارج الغرفه بخوف لغرفتها ومحمد تهند وقعد على السريره بتعب وندم
محمد بتعب وندم:انا اللي جبته لنفسي من البدايه.. ازاي سبت هند تضحك عليا وتلعب بعقلي لغايه ماطلقت زينب اللي كانت مريحاني وشايله عني كل حاجه في غيابي وجبت لنفسي بلوه زي هند دي.. بس في النهايه برضو كله بسبب غبائي وتسرعي انا.. وياترى الندم دلوقتي ممكن يفيد او يصلح حاجه من اللي ضاغ زمان مني.
وعلى الناحيه الاخرى في الكافيه على النيل **
دخلت هند الكافيه وهي بتتلفت حولها على وجوه كل الموجودين في المكان بس فجأه عنيها وقعت على اخر شخص ممكن تتوقعه قدامها
هند بصدمه وزهول:زينب انتي بتعملي ايه هنا؟!
ابتسمت لها زينب ببرود:اقعدي ياهند انا اللي بعت لك الرسايل دي علشان عاوزه اتكلم معاكي
هند بصدمه كبير:ايييه انتي اللي كنتي بتهدديني.. طب وعرفتي ده كله ازاي ومنين؟!
زينب ببرود:مش مهم عرفت ازاي ومنين المهم اني عرفت كل حاجه ياهند وانا مطلبتش اقابلك هنا علشان اهددك واطلب منك تبعدي عن طليقي والجو ده لا انا خلاص صفحه محمد قفلتها من حياتي من يوم طلاقي منه.
تهندت هند براحه بعد ماسمعت كلامها وقالت:امال طلبتي تشوفيني ليه مدام مش زعلانه على جوازي من طليقك يازينب
زينب بحزن:طلبت اشوفك علشان انتي اختي ومن واجبي احزرك منه انا عشت مع محمد 12 سنه كنت فيهم بخدمه برموش عنيا وشلت معاه كل حاجه وشاركته كل اوقات الحزن والفرح عمري ماحسسته اني تعبانه او الحمل ده تقيل عليا
لان بينا عشره كبير وده واجبي تجاهه بس في النهايه هو عمل ايه طلقني في يوم وليله بحجج فارغه واسباب كانت بتحصل معانا ديما وهو بيعديها بس المره دي وقف وعند علشان ناوي يطلقني وانا مش زعلانه لانه طلقني بالعكس هو كشف ليا حقيقته واني مهما هضحي معاه برضو ههون عليه في النهايه و..
قاطعتها هند بزهق وسخريه:و.. ايه تاني كفايه يااختي ندب وقال وبعد ده كله ومش زعلانه انه طلقك امال لو زعلانه كنتي هتعملي ايه؟!
زينب بصدمه:انتي ازاي بتقولي كده انا بحكيلك علشان افهمك ان محمد ده صنف واطي ومهما هيمر السنين والعشره بيكم هتهوني عليه برضو
هند بغرور:لا ياحبيبتي اتكلمي على نفسك اصل انا مش هبله وغبيه زيك واللي زي محمد ده انا هعرف ازاي امشيه على العجين ميلغبطوش
ضحكت زينب بقوه عليها وقالت:ماشي يازكيه هانم لما نشوف ابداعك ده بقى معاه بس مدام طلعتي بتاعت مصلحتك كده اوي.. احب كمان اوضح لك اني أم ومصلحه بنتي مريم فوق الجميع حتي لو من لحمي ود*مي.. بنتي خط احمر ياهند ولو مش عاوزه تشوفي وش زينب التاني مع اعداءها شكله ازاي ابعد عن طريقي انا وبنتي وصلت الرساله كده
خلصت زينب كلامها ووقفت وهي بتبصلها بنظرات قرف واستحقار وسابتها ومشت وهند ضربت الطاوله قدامها بغيظ وغضب
هند بغيظ وغضب:ماشي يازينب انا هوريكي ازاي تقفي قدامي كده وتعرفي تهددني كمان هتشوفي هندمك ازاي بعدين؟!
وعلى الناحيه الاخرى في بيت زينب **
دخلت زينب البيت بتعب ووجع في قلبها اللي كسرته اختها هند من حقدها وكرهها تجاها وقبل ماتطلع غرفتها وقفت على صوت ابوها
عز بضيق:زينب استني يابنتي في حد عاوز يتكلم معاكي في الصالون جوه
التفتت له زينب بصدمه:حد..حد مين ده يابابا؟!
عز بضيق:طليقك محمد اجه وعاوز يتكلم معاكي وانا حاولت امشيه بس هو لزق وقال مش ماشي قبل مايكلمك
زينب بتعجب وتفهم:ماشي يابابا هدخل اكلمه بس ممكن تاجي معايا انت عارف مقدرش دلوقتي اقعد معاه لوحدنا
عز ببسمه وفخر:عندك حق يابنتي اكيد هاجي معاكي بدون ماتقولي
دخلت زينب الصالون الاول ومحمد وقف لها بسعاده بس ملامحه اتقلبت لضيق لما شاف عز داخل خلفها
محمد بضيق:لو سمحت ياعمي انا حابب اتكلم معاها على انفراد لو ممكن
عز ببرود:لا طبعا مش ممكن انت طلقتها من خمس شهور وعدتها خلصت يبقى مينفعش دلوقتي تقعد معاها لوحدكم
تهند محمد بضيق كبير لانه كان عاوز يتكلم مع زينب لوحدهم بدون وجود ابوها او اخواتها بس مطر يعمل كده غصب عنه
قعدت زينب على الكنبه المقابله لمحمد وقالت:اتفضل كنت عاوز تتكلم معايا في ايه بقى يامحمد؟!
تهند محمد وعنيه كانت مصوبه تجاه عز اللي قعد جنب زينب وبعدها قال:انا عارف ان كلامي ده وقته اتأخر اوي وكان لازم اراجع نفسي من زمان بس اللي حصل مش هقدر اغير منه حاجه لكن اللي عاوزه هحاول بكل الطرق علشان اوصله
زينب منطقتش حرف هي او عز ومحمد تنفس بعمق وكمل:انا حابب ارجعك تاني يازينب ولان عدتك خلصت من شهرين عادي نجوز تاني من اول وجديد وكمان لو عاوزه اعملك فرح كبير زي اول مره اجوزنا فيها انا موافق
زينب سمعته للنهايه وبعدها ضحكت بقوه:ههههه لا بجد كلامك يامحمد ضحكني اوي بقى بعد ماطلقتي من خمس شهور وبدون سبب مقنع كمان جاي دلوقتي تطلب ارجع لك.. لا وكمان اجوزك من اول وجديد انت فاكر اني لعبه اشتريتها بفلوسك تزهق منها تقوم ترميها ولما تحن لها تاني عاوز ترجعها بكل سهولة كده
لا ياحبيبي فوق مش زينب عز الدين القاضي اللي تكرر غلطتها مرتين انت جوازي منك كان غلطه ونقطه سوده حياتي وانا استحملت علشان بنتي مريم تفضل في حضني.. قولت لو طلبت الطلاق منك ممكن تحرمني منها بس الحمد لله انها اجت منك انت يامحمد وبرضو خلصت منك ومستحيل ارجع اظلم نفسي معاك تاني
محمد سمعها وملامحه كلها قلبت لصدمه وزهول وعز كان بيبص على بنته بفخر وسعاده
محمد بصدمه:يعني ده اخر كلام ليكي يازينب فكري تاني وراجعي نفسك علشان خاطر بنتك اللي متبهدله بينا وكل اسبوع عند حد فينا.. خلينا نرجع بيت واحد تاني علشان راحتها وانا هحاول اصلح من نفسي علشانك وعلشانها
قال كده ولما ملقاش رد من زينب على كلامه قال بنفعال لعز:ماتقول حاجه انت ياعم عز عقل بنتك والا انت راضي بخراب بيتها وتعب بنتها بينا كده
عز بصله ببرود وقال:والله دي حياتها هي وانا مقدرش اغصبها عليك كفايه اول مره انا اللي قنعتها بيك لما شوفتك زمان قولت ده باين عليه واحد مقتدر ومحترم وهتسعدها العمر كله بس اهو شوفت في النهايه النتيجه بقت طلعت ايه
بص يابني انا الاول قولت لزينب ده قسمه ونصيب وكملي يابنتي مدام ربنا كاتب لك كده اكيد ده خير ليكي.. ودلوقتي هقولك انت نفس الكلام كمان ده قسمه ونصيب برضو وربنا كاتب دي تبقى نهايه علاقتكم سوى
زينب كانت فرحانه اوي بدعم وكلام ابوها لها بس محمد وقف بغضب وحده وقال:يعني دلوقتي بقيت واقف معاها وبتدعمها في خراب بيتها بإيدها ياعمي
عز ببرود وجمود:بظبط كده بس انا مش بدعمها في خراب بيتها لان جوازها منك من البدايه كان غلطه واكيد بيت بنتي الحقيقي لسه جاي وانا برضو هفضل ادعمها في أي قرار هتاخده هي في النهايه
محمد بصدمه وعدم فهم:اييه.. قصدك ايه بالكلام ده ياعم عز؟!
عز بشماته وبرود:قصدي واضح يامحمد فيه واحد متقدم لبنتي زينب وانا شايف انه مناسب لها والمره دي سئلت وتأكدت منه اوي وفاضل بس اسمع مواقفه زينب عليه وبعدها عمل لهم اكبر فرح في البلد دي كلها
محمد سمعه وعنيه وسعت بصدمه وزهول كبير ونطق بنفعال وصوت عالي: انت بتخرف تقول اييه.. الكلام ده على جثتي انا قبلها ياعم عز بنتك لو مش هترجعلي يبقى مش هتتجوز واحد تاني غيري ولو عملت كده يبقى تستعد من دلوقتي لخساره بنتها علشان عريس الغلفه ده
صوته العالي قدامهم خلى عز وقف قدامه بغضب وباقي اخوات زينب الولاد نزلوا من شققهم ودخلوا الصالون عند ابوهم بتحفز وستعداد
كريم الكبير بغضب:فيه ايه يابا مين ده اللي كان بيعلي صوته عليك هنا وفي نص بيتك؟!
احمد والوسطاني بحده:ايوه مين الكلب اللي بيعلي صوته على الحج عز الدين القاضي كبير البلد دي كلها وفي نص بيته
محمود الصغير بتخفز واعصاب مشدوده:شاور بس عليه يابا واحنا نجـ*ـيبه متقـ*ـطع حـ*ـتت ونرميه تحت رجلك
عز بص لمحمد بشامته وانتصار ومحمد بلع ريقه قدامهم بخوف فقال عز:اهدوا ياولاد معاش والا كان اللي يعلي صوته هنا عليا والا انت ايه رأيك يامحمد
محمد بخوف وتوتر:ايوه اكيد ياحج عز عندك حق انا لازم امشي دلوقتي علشان سبت مريم لوحدها في البيت و
قاطعته تدخل زينب اللي قالت بصدمه:اييه انت سبت مريم لوحدها في البيت والدنيا ضلمت دلوقتي انت من امتي بتعمل كده وبنتك بتخاف تقعد باليل لوحدها في البيت يامحمد
محمد بتوتر ورتباك:احم مانا قفلت عليها الباب وسيبتها نايمه في اوضتها وقولت لغايه ماارجع تكون لسه نايمه برضو
زينب بقلق وخوف:طب اطلع قدامي نطمن عليها مريم لو صحيت وانت مش موجود ممكن تنهار لوحدها
محمد بلع ريقه بقلق كبير وطلع قدامه وهي خلفه بس عز قال:كريم اطلع ورا اختك تروح تطمن على بنتها وتجيبها هي ومريم كمان معاك مفهوم
كريم بطاعه:حاضر ياحج عز
وبعد وقت وصل محمد وفتح الباب الشقه **
جرى محمد على غرفه بنته ودخل بقلق وخوف بس الغرفه كانت فاضيه
زينب دخلت خلفه بخوف:الاوضه فاضيه يامحمد مريم فين.. بنتي فين؟!
محمد بقلق وخوف:يمكن صحيت ودخلت اوضه تاني دوري معايا في الشقه هي ديما بتعمل كده معايا؟!
زينب هزت رأسها وهي بتقلب الشقه كلها على بنتها بس ملقتش لها اثر
زينب بخوف كبير:الشقه فاضيه ومريم مش موجوده..البت راحت فين يامحمد انت متأكد انك قفلت الشقه عليها؟!
محمد بصدمه وزهول:ايوه اكيد متأكد وفتحتها تاني قدامك بالمفتاح هتكون راحت فين مريم لوحدها من هنا يعني
كريم قرب ومسكه بغضب بعد ماشاف اخته زينب وهي بتعيط برعب على بنتها:بقولك ايه يالا شغل العبط ده مش عليا وديني لو مطلعتش مريم بنت اختي قدامنا دلوقتي لهشرب من د*مك وابقى قول على نفسك يارحمن يارحيم أميين
محمد بصله برعب وقلبه بيدق بعنف من الخوف والقلق على بنته مريم ياترى اختفت راحت فين وهو متأكد انه قفل الشقه بأيده بعد خروجه منها بالمفتاح وووووو
يتبع.
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺
إرسال تعليق