رواية أم العيون السود 2 الاشتياق الحزين من تاليفي محمد منصور. ** منص ** حصريه وجديده على مدونة النجم المتوهج
رواية أم العيون السود 2 الاشتياق الحزين من تاليفي محمد منصور. ** منص ** حصريه وجديده على مدونة النجم المتوهج
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
فتنصدم وردة لان ديما قالت الحقيقه وتبص لها وردة وتقول بارتباك
انا. لا. لا.
ديما
بتحبي ادم. وعشان كدة كل يوم والتاني بقيتي تيجي المحل عشان تشوفي وفي الوقت اللي عم ياسين مش موجود في
وردة
اسكتي. ويلا نمشي من هنا
وتستعد وردة للخروج من المحل فتلاقي والدها ياسين في وشها فتنصدم وردة فيقول لها ياسين بحدة
بتعملي ايه هنا ياوردة
ديما
انا اللي قولتها نيجي عش،،،،،،،
ياسين مقاطعه ديما
بلاش كذب انا سمعتك وانتي بتتكلمي معها
ويبص ياسين في عيون وردة ويقول بحدة ممزوجا بحنان الاب
أنتي بتيجئ هنا علشان أدم
فتبص وردة لديما فيقول لها ياسين
ردي عليه.
وردة
انا عايزا امشي
فيوسع لها ياسين الطريق وهو يقول
امشي لكن كلامنا لسه ماخلصش
وتمشي وردة ومعها ديما ويبص لها ياسين وهي خارجة من المحل. فيقول لنفسه
الاقيها منين ولا منين
ويروح لمكتبة ويقعد ويبص علي ادم وهو شغال في الدور التاني بيرتب العطور وفضل يبص ل ادم وهو بيقول لنفسه
أيه يا ياسين للدرجه ماعرفتش تربي بناتك. العيب فيك يا ياسين ولا في الايام اللي احنا عايشنها دلوقتي. طيب والعمل يا ياسين تسيب بنتك التانيه تضيع زي حلا ولا تعمل ايه. لازم ابعد البنزين عن النار قبل مالدنيا تولع. انا لازم اطرد ادم
وينادي ياسين علي ادم بمنتهي الحدة فينزل أدم ل ياسين ويقول له
نعم يا عم ياسين
فيبص ياسين ل ادم وهو مش قادر ينطقها ف أدم بقي بالنسبه لياسين زي ابنه لانه امين وحافظ علي المحل بمنتهي الاخلاص والشرف ودي صفات من النادر ان حد يلاقيها في الزمن دة. فلاحظ ادم سكوت عم ياسين فقال تاني
عم ياسين عايزني في ايه
ياسين
هو انت لو مشيت من هنا هاتروح فين
ادم باستغراب
ليه يا عم ياسين انا زعلتك في حاجه
ياسين
رد علي سؤالي
ادم
انا ماعرفش حد هنا غيرك انت وديما ووردة بنتك. ولو انا مشيت من هنا استاذنك ابقي افرش وانام قدام المحل. عشان اخلي بالي منك لو عوزت حاجه
ياسين بتاثر شديد
يعني انا بطردتك من الشغل وانت هاتستني قدام المحل وتفضل في خدمتي
ادم بصوت حزين
انا ماعرفش ليا اهل وانت كنت حنين عليه ولا كانك والدي ومهما تعمل فيا انا هافضل في خدمتك
ياسين
للدرجه دي
ادم
واكتر. انت خليتني اكل عيش في المحل بتاعك وخلتني انام في المحل ازاي اقدر ازعل منك
ياسين
طيب روح شوف شغلك
ادم
طيب ليه يا عم ياسين عايزني امشي واسيبك
ياسين
ادم . روح علي شغلك،،،،،،،،
ومن جوة عربية ديما تقعد ديما مع وردة ووردة بتبص لها وتقول بصوت حزين
ماعرفش امتي وازاي حصل كدة. بس حلا كان عندها حق تحب ادم.
ديما
يااااااااا. للدرجه دي حبيتي
وردة والدموع المحبوسه هربت من عيونها
اللي زي ادم. نسمع عنه بس في القصص. ومستحيل نلاقي في الحقيقة اللي زي ادم تتمني اي واحدة قلبه يكون ملكها. شوفي اول ما حلا احتاجت لي ساب بلدة واهله وناسه وجه علشانها لبلد عمره مانزلها
ديما
انا معاكي ان ادم دة الواحدة مننا ممكن تقابله مرة واحدة في حياتها بس قلبه وعقله لما يرجع له. هايكون ملك حلا. مش ملكك
وردة
وهي فين حلا.
ديما
قصدك ايه
وردة
قصدي اني حلا بتموت. وادم اللي بيحب حلا. مش موجود. واللي معانا دلوقتي واحد تاني. يبقي ليه مايكنش ليا
ديما وهي مصدومة
وردة. ماتخليش حبك لي ادم يعميكي عن حبك لي حلا. اختك اللي ممكن شفائها يكون علي ايد ادم اللي المفروض انك انتي خرجيتي من المستشقي علشان تحمي من جعفر ويكمل شفاء وترجع له الذاكرة ويكون لي اختك حلا
وردة بعصبيه
تاني حلا.
ديما بحدة
اة تاني وتالت. وفوقي من اللي انتي فيه دا وافتكري اختك حلا. اللي متستاهلش منك انك تعملي معها كدة. مستحيل وردة صاحبتي واختي تكون انانية
فتبص لها وردة وما تردش ،،،،،،،،
ويحل الظلام. ومن جوة اوضة ياسين وخديجه يقعد ياسين علي السرير ويقول لخديجة
قول لي بقي هاعمل ايه في المصيبه دي
خديجة
وهي دي فيها كلام اللي اسمه ادم دة يمشي من عندك
ياسين
يمشي. وهو ذنبه ايه انا سالت ديما صاحبه وردة من وراء وردة وحلفت لي بالله ان ادم ملهوش ذنب في اللي بتفكر في وردة
خديجة
طيب والعمل
ياسين
مش عارف انا هاتجنن وخايف اعمل اي تصرف غلط يكلفني ان اخسر وردة زي ماخسرت حلا
خديجة
طيب ايه رايك لو نجوزه وردة
ياسين بسخريه
نجوزها لمين والعار حل علي البيت بعد اللي حصل من حلا
وماحدش من اهلنا بقي يعبرنا
خديجة
نجوزها أدم طالما بتحبه
ياسين مصدوما
انتي بتقولي ايه
خديجة
وفيها ايه الشاب كويس زي ما انت بتقول وامين. وقريب صاحبك . وانت عمرك ماهاتلاقي زيه يشيل لك المحل علي كتفة وانت خلاص كبرت ومحتاج حد يريحك يبقي ليه تقول لا
ياسين
بس دة مش من بلدنا ولا يعرف عادتنا ولا عمرة في يوم هايبقي زينا
خديجة
وفيها ايه طول ما هو وسطينا هايبقي زينا
ياسين
يعني شايفه ان دة الحل
خديجة
مش احسن ما وردة تغلط
ياسين
طيب سيبني افكر، ،،،،،،،
وفي نفس الوقت ومن جوة اوضة وردة تقعد وردة علي السرير وتبص في البوم صورها مع حلا وتفتكر احلي ألايام اللي كانت بينها وبين حلا وكلام حلا عن ادم وحبها ل ادم وحب ادم ليها وتعيط بحرقة ودموعها تنزل علي الصور وتقول لصورة حلا.
حقك عليه ضعفت وحبيت ادم من كتر كلامك عنة ولقيت ادم قدامي ناسي حبك وناسيكي. اعمل اية حبيته.
وتنزل الدموع من عيونها غزيرة وتقول
شيطاني غلبي وخلاني انسي نصي التاني. اطيب اخت واحلي حلا في الدنيا
وتتنهد وتقول
ربنا يرجعك لينا بالسلامه يا اختي وحبيبتي وصاحبتي
ووعد مني انا هاحافظ علي ادم وهاخلي يفتكر اللي كان وترجعي انتي لينا.
وتبوس صورة اختها وتاخدها في حضنها وهي بتقول
حلا سامحيني. ،،،،،،
وعدي اسبوع بالظبط ودخلت خديجه علي وردة اوضتها وهي كانت بتكلم الدكتور نضال وبتطمئن علي حاله حلا. اللي لسه في غيبوبه وقفلت وردة الموبيل بسرعه وبصت لخديجة وقالت
ماما خضتيني افتكرتك بابا
خديجة
هو انتي بتكلمي مين علشان تخافي كدة
وردة
بكلم الدكتور نضال اللي ييعالج حلا.
خديجة
حلا. واحشتني اوي. هي لسه في غيبوبه
وردة
لسه. ادعي لها ربنا يشفيها
خديجة
يارب. وكمان والدك يرضي عنها ويخليها تحضر فرحك
وردة بدهشه
فرحي.
خديجة
أة. والدك قرر انك تتجوزي ادم
وردة بحدة
انا اتجوز ادم لا طبعا.
خديجة
هو ايه اللي لا. مش انتي بتحبي ادم
وردة بصريخ
لا. لا.
خديجة وهي تحضنها خايفه عليها من العصبيه وتقول لها
وردة اهدي. في ايه مالك
وردة
ماما انا مش هاينفع اتجوز ادم.
خديجة
ليه بس. دة انا قولت ان حاجه زي دي هاتفرحك وخصوصا لما عرفت باللي بينك وبينه
وردة
مافيش حاجه بيني وبين ادم.
خديجة
اومال ليه كنتي بتروحي المحل عندة
وردة بارتباك
علشان دة قريب صاحبتي وكنت لازم اطمئن عليه
خديجة
يعني ايه انتي مش بتحبي
وردة بتردد
لا. مش بحبه
خديجة
وبعدين بقي في المصيبه دي
وردة
مصيبه ايه بس
خديجة
ادم طلب أيدك من والدك وهو وافق
وردة باستغراب شديد
ادم عمل كدة. امتي
خديجة
ليله امبارح بعد ما والدك مهد له الطريق واتكلم معه بمنتهي الصراحه وادم طلع معجب بيكي. واتفق معه علي كل حاجه تخص جوازك من ادم
وردة بضيق
ازاي والدي يعمل كدة. وازاي يوافق علي الجوازة دي من غير مياخد رايي. وازاي اللي اسمه ادم دة يعمل كدة
خديجة
والدك كان فاكر انة كدة بيعمل اللي نفسك في. دة حتي كمان جاي هو وادم في الطريق عشان يقرأ الفاتحة بتاعتك
وردة وهي تنهض ومنفعله
انا مستحيل اوافق علي الجوازة دي. انا ما ينفعش اكون لي ادم
خديجة
ليه بس
وردة
علشان ادم دة يبقي.،،،،،،،
وتسكت وردة لانها خافت تقول ل امها علي حقيقه ادم فتقول خديجة
قولي ادم دة يبقي ايه
فيسمعا الاثنين صوت رن جرس باب البيت فتنهض خديجة وهي تقول
اهو والدك جه. ومعه ادم
وتخرج خديجة من الاوضة ووردة معها وتفتح خديجة الباب علشان تلاقي جعفر واحفادها التلاته. ولاد حلا وجعفر بيدخل العيال للشقة وبيقول
عيال بنتك اهم انا زهقت من تربيتهم خدوهم وربوهم انتو بمعرفتكم
ويترموا الاطفال التلاته في حضن خديجة وهم بيعيطوا اوي فتحضنهم خديجة وهي بتقول
حبايب قلبي مالكم بس بتعيطوا ليه
وهنا يوصل ياسين ومعه ادم فيبص ياسين ل جعفر بقرف ونرفزة ويقول بعصبية شديدة
انت بتعمل ايه هنا
جعفر
جاي ارمي لكم زبالة بنتكم
ياسين
انت قليل الادب
ويرفع ياسين ايدة علشان يضرب جعفر لكن جعفر يمسك ايدة ويزقة بعيد عنه ولكن ادم يلحق ياسين قبل ما يقع علي الحديد المسلح الموجود في مدخل البيت ويهجم ادم علي جعفر بمنتهي الغل ويقول له
انت مين و ازاي تمد أيدك علي عم ياسين
فيمسك جعفر في ادم بمنتهي القوة ويقول
انت اللي مين
وهنا افتكر جعفر الصورة اللي في جواز السفر وعرف ان دة ادم فقال. بمنتهي العصبية
هو أنت يا أبن الخاين
ويخرج الخنجر بتاعه ويستعد لطعن ادم وسط صرخات من خديجة وبنتها وردة ، ،،،،،،،،،،،،،
أيه اللي مستنيك يا ادم علي ايد جعفر وانت في بلدة وبين اهلة وناسه. ياتري اللي جاي ايه. استنوني وسلالللللللمو عليكم
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺🌹❤️🌺🌹🌹❤️🌺💙
تعليقات
إرسال تعليق