رواية حظ عوالم الفصل الثامن للكاتبة..حنان حسن حصريه وجديده على مدونة النجم المتوهج
رواية حظ عوالم الفصل الثامن للكاتبة..حنان حسن حصريه وجديده على مدونة النجم المتوهج
بعدما اتورطت في جوازي من يحي
لقيتة جاي في ليلة الدخلة
وبيقولي..في ناس معايا بره
واعملي حسابك انهم هيعيشوا معانا هنا علي طول
فسالتة. ..
وقلتلة..
مين الناس الي هيعيشوا معانا دول ؟
فا راح يحي للباب ..وفتحة
وقال...ادخلوا تعالوا
واقفين بره ليه ؟
دا بيتكم الجديد
وبمجرد ما يحي فتح الباب
شوفت ادامي حماتي... ..وابنة علاء الي كان عنده ١٢ سنة
للكاتبة..حنان حسن
في اللحظة دي
اتعصبت عليهم
وسالتهم بغضب
وقلت...انتوا جايين تعملوا ايه هنا؟
فا رد يحي ببرود
وقالي.. اصل نورا مسافرة عند اهلها في البلد
فا قولت اجيب امي وابني لغاية ما نورا ترجع
واهو نعيش كلنا مع بعض زي زمان
للكاتبة..حنان حسن
في اللحظة دي
رديت بغضب
وقلتلة...مفيش الكلام دا
امك وابنك مش هيعيشوا في بيتي لحظة
فا تجاهلت حماتي اعتراضي
ولقيتها بتبص ليحي وبتقولة
هو المطبخ منين يا بني
اصل الواد علاء جعان وعايزة اعملة لقمة يأكلها
بصراحة برودها عصبني اكتر وكنت هصرخ في وشها واقولها اطلعي بره
لكن صوت الكورة الي رماها علاء
علي شاشة التليفزيون
خلاني اسيب حماتي واصرخ في علاء
واقولة..امشي يا واد انت اخرج بره بيتي
وخد جدتك معاك
فا رد الواد علاء ببجاحة
وقالي..البيت دا بيت ابويا ..
وهنعيش فيه غصب عنك...
وهنعمل الي احنا عايزينة
فا اقطمي بقي يا مراة ابويا بدل ما اعملها معاكي
فا بصيت ليحي بزهول
وقلتلة...سمعت ابنك بيكلمني ازاي؟
فا رد يحي
وقالي...مهو انتي الي عصبتية
والواد علاء صغير و عصبي و عايز المسايسة
وعموما حصل خير
المهم دلوقتي جهزي اوضة لامي..
و علاء
علي ما امي تجهزلنا العشاء
وتركني يحي بغلي ودخل يفرجهم علي الشقة
للكاتبة..حنان حسن
وفي اللحظة دي
كنت عايزة اضرب نفسي مية جزمة لاني وافقت علي الجوازة المهببة دي
وفضلت اجلد في نفسي
واقول..
ما كنت بلغت عن يحي ولا حتي كنت قلت للمحامي وهو يتصرف معاه؟
لكن رجعت قلت..
منا لو كنت قولت للمحامي علي ابتزاز يحي ليا
كان هيبلغ عنه. والمباحث هتسأل وهتدور وراه ...وورايا انا كمان واكيد ساعتها كانوا هيعرفوا اني جمعت بين زوجين ..وزورت في اوراق رسمية..والانيل من دا كله انهم هيكتشفوا اني انا الي قتلت فؤاد
ودي فيها اع...؟دام
ولو انا اتع..&دمت
ولادي كانوا هي..&تشردوا من بعدي..
فا كان لازم اوافق علي الجواز من يحي
و اهو علي الاقل ولادي دلوقتي في حضني
للكاتبة..حنان حسن
المهم..
بعدما فكرت مع نفسي شوية
لقيتني مضطرة استسلم للامر الواقع
واوافق علي وجودهم جميعا معايا في شقتي
وكمان لقيتها حجة كويسة عشان اعمل اني مقموصة
ومخليش يحي ينام في غرفتي ولا يلمسني
وقلت لنفسي
هو اصلا متجوزنيش حبا فيا
دا متجوزني عشان طمعان في القر شين الي ورثتهم عن المرحوم حمزة
فا مش هيفرق معاه ان كان ينام في غرفتي او لا
وبالفعل
يحي لما لقاني مشغولة مع عمر الرضيع...ومش بعطية وش نهائي
بقي ينام في غرفة لوحده
..
وحماتي كانت بتنام مع علاء حفيدها في غرفة لوحدهم
فا حاولت اتأقلم علي الوضع الجديد
وامشي اموري معاهم
ساعتها كنت بعطي كل وقتي لعمر
وتقريبا مكنتش بنام
ولا كنت بقدر اشوف شغل البيت لوحدي
فا عشان متحصلش مشادة بيني وبين حماتي بسبب الطبيخ والتنظيف
جيبت شغالة تانية تساعد في التنضيف و الطبيخ..عشان حماتي مندخلش المطبخ نهائي
وكنت فاكرة ان الي عملتة دا هيخليهم يهدوا ويعيشوا معايا في سلام
لكن الي حصل غير كدا
للاسف حماتي طلقت عليا حفيدها المزعج (علاء)
والواد علاء حفيدها كان مس..&تفز لاقصي درجة
الواد كان عبارة عن كائن مخ..&رب
دا بخلاف انه كان عديم التربية
ومفيش حاجة في البيت الا لما كس..&رها وخرب..&ها
وكل دا وكنت بسكت واطنش
لكن ...
لما بناتي اشتكوا منه وقالولي ان علاء بيضربهم ..وبيضايقهم
عملت عقلي بعقلة وضر..&بتة ادام الجميع
يومها حماتي شتمتني ويحي زعق معايا ومسكنا في بعض.. وكانت ليلة
واستمر الوضع علي كدا
والخناق والزعيق اصبح يوماتي
كل ما الواد يضرب بنت من بناتي كنت بضربة واعمل مشكلة معاهم بسبب ابنهم
لغاية ما في يوم
دخلت ملك الحمام عشان تستحمي
وكنت انا بنيم عمر
فا اتصلت بيا ملك من الحمام وطلبت مني اناولها الهدوم بتاعتها
فا اخدتلها الملابس بتاعتها وروحت علي الحمام
للكاتبة..حنان حسن
في اللحظة دي
شوفت الواد علاء وهو بيبص علي ملك بنتي وهي بتستحمي
وبمجرد ما شافني طلع يجري واختفي من ادامي
ساعتها الدم غلي في عروقي
و روحت ليحي عشان افولة علي الي عملة ابنة
لكن يحي مكنش موجود في البيت
فا جيبت سك...&ينة المطبخ
واقسمت بالله ان نهاية علاءهتكون علي ايدي
للكاتبة..حنان حسن
في اللحظة دي
الشغالات الي عندي في البيت حاولوا ينقذوة من ايدي
ولما حماتي سمعتني جت تجري
واول حاجة عملتها حماتي هي..انها قفلت علي حفيدها باب الاوضةبتاعتها وانقذتة مني
وطبعا لما وصل يحي حماتي
قالتلة علي الي حصل
وبدل ما يحي يزعق لابنة ويربية
فضل يزعق معايا انا
ويقولي ..انتي ازاي كنتي عايزة تق..&تلي ابني؟
انتي مش عارفة ان علاء دا الواد الي طلعت بيه من الدنيا؟
بصراحة موقف يحي كان مستفز لابعد الحدود
يحي مخدش حق بنتي من ابنه
ولا حتى قالة عيب
وموقفة دا خلاني هددت يحي
وقلتلة...
لو ابنك قعد في البيت هنا انا (هقت..&لهولك) يا يحي
فا احسنلك تاخد ابنك وامك وتمشوا من هنا
للكاتبة..حنان حسن
في اللحظة دي
كشر يحي عن انيابة وفضل يضرب فيا بمنتهي القسوة
لدرجة اني نزلت علي رجلة ابوسها عشان يرحمني
فا توقف عن الضرب
وقالي.. احنا مش هنمشي من بيتنا
ولو حصل وقربتي من ابني تاني
هقدم فيكي بلاغ ..واخليهم يحبسوكي و متشوفيش الاسفلت تاني
وبعد ما انتهي يحي من ضربة فيا وتهديدة ليا...
تركني ودخل غرفتة
فا ابتسمت حماتي ابتسامة شماتة
وقالتلي...
متبقيش تدايقي جوزك تاني
بدل ما ينفذ كلامة ويحبسك
في اللحظة دي
اتمنيت لو كان حمزة موجود
عشان يحميني و ياخدلي حقي منهم
بس فين حمزة ما خلاص راح
المهم
تركتها.. ودخلت غرفتي وفضلت اعيط واقول..سيبتني ليه يا حمزة ؟
لو كنت معايا دلوقتي مكنوش الاغراب
استوطنوا في بيتي
ولا كانوا اتحكموا فيا... وقهروني
للكاتبة..حنان حسن
المهم...
لما ملقتش فايدة من النواح والنحيب
استسلمت للامر الواقع كا العادة
وفضل الوضع علي حالة
لكن انا كنت متعشمة في ربنا يساعدني في حل مشكلتي
و كل يوم كنت بدعي ربنا يخلصني من يحي... وامة.. وابنة
بس يظهر ان دعوتي مكنتش مستجابة
لان بعد كام يوم
يحي قالي ..انه هياخد امة ويروح البلد عشان يصالح زوجتة نورا
وهيجيبها من البلد ويجي
يعني نورت هتعيش معانا هي كمان
وطلب مني اني اخد بالي من ابنة (علاء)
فا اتنكدت وحالتي النفسية سأت اكتر
لان دا معناه ان المص..&ايب هيزيدوا واحده
اصل نورا بالنسبالي كانت اكتر من مص..يبة
للكاتبة..حنان حسن
المهم..
بعدما سافر يحي .. وامة
دخلت نمت ..واخدت بناتي معايا
في غرفتي
لاني كنت خايفة عليهم من الواد علاء
وبعدما قفلت عليا وعلي بناتي سمعت صوت تكسير وكأن حد كسر كوب زجاج علي باب غرفتي
فا قلت لنفسي..انا لازم اخرج اربي الواد الي بيكسر في شقتي دا واعلمة الادب
لكن رجعت خوفت لا يتصل با ابوه ويقولة..
فا يحي لما يرجع يضربني تاني
فا تراجعت عن فكرة تاديبة
وكل الي عملتة اني خرجت عشان اقولة بطل الي بتعملة دا .. وروح نام
لكن..
لما خرجت من غرفتي ملقتوش ادام الباب
وسمعتة بيتحرك في غرفتة
فا روحت عند غرفتة وقفلت عليه غرفتة بالمفتاح
وبعد كده
نيمت العيال ونمت جنبهم
وكنت فاكرة اني هنام للصبح
لكن بعدما عيني راحت في النوم
صحيت علي صوت حمزة
وكأنة بينادي عليا
والصوت كان قريب جدا
ولقيتة بيقولي..
اصحي بسرعة يا عوالم
البيت بيت..&حرق ...
شقتك بتو..&لع
للكاتبة..حنان حسن
في اللحظة دي
شميت ريحة شياط قوية لدرجة ان الريحة كانت قافلة صدري ومكنتش عارفة اتنفس منها نهائي
فا فتحت عنيا بسرعة
للكاتبة..حنان حسن
وفي اللحظة دي
شوفت حمزة ادامي فعلا
وشوفت كمان الدخان كان مالي الغرفة
فا صرخت وقولت..ولادي ..ولادي فين؟
فا همس حمزة في وداني
وقالي...
اطمني... ولادك بخير
ولقيتة بيلفني في بطانية. واخدني وخرج من بين النيران
وبعدما خرجني حمزة بره البيت خالص
اكتشفت انه كان مخرج ولادي كمان
للكاتبة..حنان حسن
في اللحظة دي ..
حمزة سالني
وقالي..انتي بخير؟
فا هزيت راسي وانا ببصلة بزهول
وقلتلة..انا كويسة
فا مد ايده ليا بالحقيبة بتاعتي الي فيها اوراقي وفلوسي والفيزا
وقالي..خدي شنطتك
لحظتها انا كنت مصدومة من شكل النيران وقوة الدخان
فا حطيت الشنطة جنبي
وفضلت اتفحص جسم ولادي
عشان اطمئن عليهم
وبعدما اطمنت عليهم
رجعت ابص علي حمزة عشان اتأكد انه معايا فعلا
لكن...ملقتش غير الشنطة
وحمزة اختفي تماما
وسالت نفسي
وقلت..مش حمزة هو الي جابلي الحقيبة من قلب الن...&ار؟
امال هو راح فين؟
حمزة اختفي فجاءة ليه
انا مش شايفة غير.. سيارات المطافي والاسعاف
وبرغم كدا فضلت اتلفت يمين وشمال
وعنيا كانت بتبحث عن حمزة
معقولة يكون الي حصل دا كله كان حلم؟
طب انا خرجت من الحريق ازاي
انا وعيالي؟
وفضلت انادي
واقول..انت فين يا حمزة؟
لكن برضوا حمزة مكنش له اي اثر
لكن
في الوقت دا
ظهر واحد من رجال الاسعاف كان جاي يلبي النداء
وسالني
ان كان في اشخاص تاني كانوا في الشقة معانا
للكاتبة..حنان حسن
في اللخظة دي
تذكرت الشغالات ..والواد علاء
فا قلتلة... ايوه كان في ولد صغير معانا في الشقة
وكمان كان في اتنين من عاملات النظافة
بس معرفش ان كانوا مازالوا في الشقة ولا خرجوا
بعدما استمع المسعف لكلامي
اخدني انا وعيالي وركبنا سيارة الاسعاف
وقالنا انتظرواهنا
وشوية ...
شوفت سيارات البوليس.. والنجده
.. والمطافي
بقوا منتشرين في المكان
وفضلت محاولات الاطفاء مستمرة لساعات
وفي الاخر سيطروا علي الحريق تماما
وبمجرد ما انتهوا من اخماد الحريق
سمعت رجال الاطفاء بيقولوا
اتقذنا اتنين من العاملات
لكن..
عثرنا علي جثة طفل صغير متفحمة
وواضح ان الباب كان مقفول علي الولد من بره
وعشان كده معرفش يهرب من النيران
بمجرد ما سمعت الخبر
لقيت نفسي بلطم
وبقول بيني وبين نفسي..
يلهوي...يعني الواد علاء مات بسببي؟
طب هقول ايه لابوه ؟
دا كان سايبة معايا امانة؟
دا يحي لو عرف بالي حصل هيقت..&لني
وللاسف...الي كنت خايفة منه حصل
مفيش كام ساعة
ولقيت يحي وصل
ومعاه نورا ...وحماتي
وهما الثلاثة
وقفوا يتهموني باني انا الي قتلت ابنهم
وللاسف التهمة كانت لبساني
لان عاملات التنظيف شهدوا ضدي واحده منهم قالت.. اني كنت قافلة الباب علي الولد من بره ...وشهدت كمان اني هددت بقتلة في السابق
اما العاملة التانية
فا شهدت باني انا الي اشعلت النار في الشقة
لا معلش لحظة
العاملة بتقول انها شافتني وانا بشعل النيران في الشقة
عارفين دا معناه ايه........؟
لو عايز باقي احداث الرواية صلي علي رسول الله وطبعا مش هننسي نضع عشر ملصقات مع متابعة صفحتي الشخصية
مع تحياتي
الكاتبة
حنان حسن
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺
تعليقات
إرسال تعليق