رواية أم العيون السود الجزء الثاني الاشتياق الحزين الفصل الاول بقلم الكاتب محمد منصور حصريه وجديده على مدونة النجم المتوهج
رواية أم العيون السود الجزء الثاني الاشتياق الحزين الفصل الاول بقلم الكاتب محمد منصور حصريه وجديده على مدونة النجم المتوهج
خلص الموسم الاول من ( أم العيون السود ) وأدم بقي بينه وبين حلا لحظات ويترمي في حضنها ومع انه كان قريب منها جدا لكنة بقي بعيد عنها واختار القدر ان لقاء العشاق يتاجل ليوم مايعرفهوش الا الله.
وبعد الحادثه اللي أتعرض ليها أدم بكام ساعة يفوق ادم من الغيبوبه اللي كان فيها ودماغه كانت مربوطه بشاش ويبص للدكتور المعالج لي ويقول
انا مين. وفين
الدكتور
انت مش عارف انت مين
أدم وهو يحاول ان يتذكر اسمه.
لا. مش فاكر.
الدكتور
واضح انك بتعاني من فقدان في الذاكرة،،،،،،،
دة كان اخر مشهد في احداث الموسم الاول والنهاردة اول حلقات الموسم التاني اللي بعنوان
الاشتياق الحزين
من تاليفي، ،
محمد منصور. ** منص **
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
أدم بصعوبه
فقدان ذاكرة. يعني أيه
الدكتور
يعني الحادثه اللي حصلت لك قصرت علي مركز الذاكرة اللي في مخك. وسببت لك نسيان لكل حاجه تخص حياتك قبل الحادثه
فيحاول ادم انه يتحرك لكن الدكتور يمنعه وهو بيقول
بلاش تتحرك خالص دلوقتي.
فيتوجع ادم وينام زي الاول ويقول له الدكتور
انت باين عليك من طريقه كلامك انك مصري.
ادم باستغراب
مصري.
الدكتور
أة. طريقه كلامك مصريه. بس بقي ياتري انت بتعمل أيه هنا في الاردن
أدم وهو بيحاول يفتكر اي حاجة
أنا مش فاكر حاجه خالص
فتدخل احدي الممرضات وهي الممرضه اللي أستقبلت حاله أدم. وتدعي جوليا يبص لها الدكتور ويقول
جوليا مين اللي أستقبلت حاله ادم في قسم الحوادث
جوليا
انا يا دكتور
الدكتور
مافيش اي اوراق أثبات شخصيه كانت معه
جوليا
لا. يا دكتور
الدكتور
كدة الحكايه بتتعقد، ،،،،،،،،
وفي نفس الوقت ومن جوة اوضة حلا في المستشفي يفتح باب الاوضة فتبص حلا ووردة للباب مسرعا وتقول حلا فرحا
ادم
لكنهم يلاقو جعفر اللي يدخل الاوضة والطبنجة بتاعته في ايده ويقول بغضب شديد
هي حصلت كمان يجي ليك لغايه هنا
حلا بنرفزة
انت بتعمل ايه هنا
جعفر
جاي اتعرف علي حبيب مراتي وبالمرة ابعته مشوار لجهنم
فتبص حلا لوردة بصة معناها عرف ازاي دة ان ادم جاي وفهم جعفر
طبعا بتسالي نفسك انا عرفت ازاي. عشان ماتتعبيش نفسك وتفكري كتير حساب الفيس بتاعك وبتاع اختك متهكر وتحت ايدي. ولو اللي اسمه ادم دة عرف يهرب من ظافر اخويا اللي في مصر مش هايعرف يهرب مني هنا.
وردة بضيق شديد
هو انت عايز ايه من اختي مش كفايه انك فضحتها في البلد وفضحتها قدام والدي. وخليته يتبري منها. و طلقتها سيبها بقي تعيش حياتها
جعفر وهو ببقعد علي كرسي وبيبص لهم ويقول بتهديد
أنا مش هاسيب اختك في حالها الا لما انتقم لشرفي من الخاين اللي اسمه ادم
حلا
ادم مش جاي
جعفر وهو يضحك ضحكه صفراء
ازاي بس وهو باعت لك رساله النهاردة الصبح قايل لك فيها انه وصل مطار الاردن
حلا
لو عايز تنتقم لشرفك أقتلني انا
جعفر
اقتلك.
وضحك باستهزاء وقال
أنتي كدة كدة ميته بصي لنفسك.
ويضرب كف علي كف ويقول باستغراب
انا مش عارف حب فيكي ايه. عموما انا مش هاخرج من الاوضه دي الا وهو جثه
حلا بغل وهي تقترب من جعفر وتمسكه من لاياقه القميص
عارف يا جعفر لو عملت حاجه ل ادم انا هاقتلك
جعفر وهو يبعد ايد حلا عن القميص يقول
أتكلمي كلام تكوني قدة
ويزقها بعيد عنه بمنتهي القوة فتقع حلا علي الارض فتروح لها وردة وتاخذها في حضنها وتقول
حلا. انتي كويسه
تبص لها حلا وهي بتتوجع وتحط أيدها علي قلبها وتقول بصعوبه
وردة. مش قادرة اخد نفسي
وتحاول حلا التنفس ولكنها لا تستطيع وجعفر يبص لها ويقول بجحود
لا. اوعي تموتي. قبل لما تشوفي حبيب القلب وهو ميت
وردة وهي تحضن حلا وتصرخ قائلا
اطلع برة. حرام عليك اختي هاتموت بسببك
وتنادي وردة باعلي صوت ليها وهي عيونها علي حلا اللي وشها اصفر وبدات تفقد الوعي وتقول
دكتور. أختي بتموت، ،،، ،،،،،
ومن جوة بيت والد حلا ويدعي ياسين. يقعد ياسين وهو يقرأ القرأن فتعدي من قدامه خديجه مراته فيبص لها ويقفل المصحف وهو يقول
صدق الله العظيم. خديجه
فتنظر له خديجه وتقول
نعم يا ياسين
ياسين
هي بنتك وردة لسه ما رجعتش من السفر اللي تبع شغلها
خديجه بارتباك.
لا. لسه
وتستعد للانصراف فيقف ياسين وهو يقول
خديجه. انا لسه ماخلصتش كلامي
فتقف خديجه وتبص له بارتباك وتقول
عندي شغل كتير في البيت يا ياسين
ياسين وهو بيقف قدام منها
اول مرة تكدبي عليا يا خديجه
خديجة بارتباك شديد
انا. كدبت في ايه
ياسين بحدة
فين وردة
خديجه
مسافرا تبع شغلها
ياسين
كل الفترة دي مسافرا. دي عمرها ماحصلت
ويمسك ياسين خديجه من ذراعها ويقول بحدة وهو بيبص في عيونها
فين وردة يا خديجه. وبلاش تكدبي عشان باين عليكي
فتبص له خديجه وتقول
هاقول لك علي كل حاجه بس بالله عليك ما تغضب علينا
ياسين بحدة
بلاش تحلفيني بالله الا لما اعرف مخبيه ايه انتي وبنتك،،،،
وبعدها بشهر ومن مصر تقعد فريدة وهي بتعيط وتبص لها هاله وتقول
يا ماما اهدي ماينفعش كدة
فريدة
اهدئه ازاي. اخوكي بقاله شهر غايب ومش عارفه عنه حاجه ولا عارفين نوصل له. ولا بيفتح فيس ولا اي حاجه تعرفنا هو حصل له ايه. انا قلبي مش مطئمن اخوكي شكله حصل له حاجه
هاله
يا ماما ان شاء الله خير
فريدة
ان شاء الله. يارب ماتوريني في مكروة. انا قولت بلاش يسافر كان قلبي حاسس اني مش هاشوفه تاني
هاله
بعد الشر عنه. أن شاء الله هايرجع بالسلامه.
وفي هذة اللحظة يسمعوا صوت خبط علي باب الشقة فتروح هاله وتفتح الباب فتلاقي سناء فتقول لها
فين امك
هاله
اسمها امك برضو
سناء
مش وقته يا ابله هاله. البت تعبانه ومحتاجه فلوس
هاله بخضه
تعبانه مالها
سناء وهي تدخل الي الشقه وتنظر لي فريدة
اهي تعبانه وخلاص. ماهو ابنكم يخلف ويرمي وانا اللي ربي زي مايكونو العيال دول مش من لحمكم
فريدة بضيق
سناء. انا مش طايقه نفسي.
سناء
ولا انا. اديني فلوس اروح اكشف علي البت
فريدة
انتي لسة من يومين واخدة مني 500 ج. عشان تكشفي علي الواد ولما هاله راحت لقيت الواد سليم ومافيهوش حاجه.
سناء بعصبيه
يعني أيه انا كدابه. هي العيال دي مش لحمكم. وملزومين من المحروس ابنك. اللي سابيهم وسافر
هاله
سناء. اتكلمي عدل وماتعليش صوتك
سناء بصوت عالي وعصبيه زيادة
نعم. نعم. يا ابله هاله أيه انتي اللي هاتعلميني أتكلم ازاي. ولا اكمني بطلب حقي وحق عيالي أبقي وحشه
فريدة
اسمعي يا بنت الناس انتي مش كل يومين والتاني تيجي تاخدي فلوس بحجه العيال. انا مش قاعدة علي تل فلوس انا عايشة انا وبنتي من معاش جوزي اللي بيكيفنا بالعافية.
سناء وهي بتحط ايدها في وسطها
يعني اية. اشيل انا حمل العيال لوحدي. هو ابنك فالح يخلف ويرمي
فريدة
لو مش قادرة تصرفي علي العيال هاتيهم هنا يتربوا وانا كفيله أصرف عليهم. لكن انا مش ملزمه أصرف عليكي انتي ومرات اخوكي اللي في السجن
سناء بارتباك
أنتي بتقولي ايه
فريدة
بقول اللي سمعتي. انا عارفه انك بتسحبي مني الفلوس عشانك انتي ومرات اخوكي وعامله حجتك العيال لكن لا. مليم تاني انا مش هادفع وعيال ابني انا اولي بيهم اصرف عليهم
سناء بعصبيه
هي بقيت كدة يا فريدة. طيب ماشي انا هاعرف اخد حقي وحق عيالي ازاي
وتخرج سناء من الشقه وتغلق الباب خلف منها وفريدة تبكي وتقول
هي نقصاكي انت كمان. ربنا يرجعك ليا بالسلامه يا ادم، ،،،،
وبعديها بثلاث شهور ومن قدام بيت ياسين ابو حلا تعلق الزينه ويقام أحتفال كبير بمناسبه زواج وردة ويقف ياسين وسط الاهل والاحباب ويرحب بهم جمعيا وبجانب وردة العروسه يقف أدم وهو كان العريس ومن بعيد تقف حلا تبص للي بيحصل وكانت بتعيط بحرقه ووردة بتتكلم مع ادم وهي بتضحك وادم باصص ل وردة و كان باين عليه الفرحه الشديدة وبيرقص مع وردة سلو وهو في حضنها فتقول حلا لنفسها
اول مرة اشوفك فيها علي الحقيقه تكون في احضان واحدة غيري. ومين وردة أختي. لية كدة يا وردة ليه ياأدم ليه تخلي أشتياقي ليك حزين ،،،،،،،،،،،
طبعا انتم بتقولو وبصوت عالي اتا سامعه كويس أزاي وردة تبيع حلا وهي عارفه قد ايه حلا بتحب ادم. وازاي ادم يتجوز ورده وياسين ابو حلا وافق ازاي علي الجوازة دي. اسئله كتير واجابتها في باقي احداث قصتنا. اوعو تروحوا بعيد وتابعوني في اللي جاي. وسلاللللللللمو عليكم
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
❤️🌹💙🌺❤️🌹💙🌺❤️🌹💙🌺❤️🌹💙🌺❤️🌹💙🌺❤️🌹
تعليقات
إرسال تعليق