رواية أم العيون السود 2 الاشتياق الحزين الحلقه الخامسه بقلم الكاتب محمد منصور حصريه وجديده على مدونة النجم المتوهج
رواية أم العيون السود 2 الاشتياق الحزين الحلقه الخامسه بقلم الكاتب محمد منصور حصريه وجديده على مدونة النجم المتوهج
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
ويرفع ياسين ايدة علشان يضرب جعفر لكن جعفر يمسك ايدة ويزقة بعيد عنه ولكن ادم يلحق ياسين قبل ما يقع علي الحديد المسلح الموجود في مدخل البيت ويهجم ادم علي جعفر بمنتهي الغل ويقول له
انت مين و ازاي تمد أيدك علي عم ياسين
فيمسك جعفر في ادم بمنتهي القوة ويقول
انت اللي مين
وهنا افتكر جعفر الصورة اللي في جواز السفر وعرف ان دة ادم فقال. بمنتهي العصبية
هو أنت يا أبن الخاين
ويخرج الخنجر بتاعه ويستعد لطعن ادم وسط صرخات من خديجة وبنتها وردة ولكن أدم يمسك ايد جعفر اللي فيها الخنجر ويزقه بعيد عنه ولسة هيهجم جعفر. لتاني مرة علي ادم. تقف وردة قدام جعفر وتقول له بتهديد
أوعي تمد ايدك علي جوزي. والا. الدم اللي هاينزل من جوزي يعتبر دم من اهل عائله ياسين والقصاص هايكون دمك قصاد دم أدم ودي تقاليد اهالينا
فيبص لها جعفر ويقول باستغراب شديد
جوزك ازاي
ياسين
ايوة هايكون جوزها ويبقي من عايلتي
جعفر
ازاي تجوزها للي، ،،،،،،،
وردة مقاطعه له بعصبيه شديدة
أخرج برة بيتنا انت غير مرغوب فيك هنا. وأي كلام هاتقوله هايكون كذبة جديدة منك
جعفر وهو يبتسم ابتسامه صفراء
كدة. ماشي بس هانتكلم تاني
ويدخل ادم الي البيت مع ياسين وتقفل وردة الباب في وش جعفر وهو يقول لها بصوت خافت
هانتكلم. تاني هه
تبص وردة بقرف وتقفل الباب في وشة،،،،،،،،
وبعدها بيوم تقعد وردة مع ديما في الشركه وتحكي وردة ل ديما كل اللي حصل. من جعفر امباراح وبعد ما تخلص وردة الحكاية قالت لها ديما
دي كدة اتعقدت رسمي. الجوازة بتاعتك لو تمت من ادم يبقي اتحرم علي حلا. ووقتها انتي مش هتسامحي نفسك
وردة
كنت اعمل اية طيب. جعفر كان هيقتله لولا اني قولت كدة ولو ما قتلهوش هو كان كفاية اوي ان والدي يعرف ان دة ادم اللي رسم حلا
في الوقت دة يسمعوا صوت خبط علي باب المكتب فتقول ديما
ادخل
يتفتح الباب ويدخل عليهم جعفر ويبص ل وردة ويقول
ازيك يا وردة.
وردة بعصبيه
انت. بتعمل ايه هنا
جعفر ببرود وهو رايح ناحية المكتب
في ميعاد بيني وبينك. عشان نخلص مصلحه تخصك وتخص ادم
وردة
انا مافيش ميعاد بيني وبينك
ديما
من فضلك اطلع برة بدل ما اطلب لك امن الشركه
جعفر يقول ببرود لديما
اولا انتي مالكيش الحق تتكلمي عشان اللي بيني وبين وردة مشكله عائلية.
ويبص جعفر لوردة وهو بيقعد علي كرسي قدام منها ويقول
خليها تطلع برة
وردة
ديما مش هاتروح في حته
جعفر
خلاص اروح انا علي محل ياسين والدك واعرفه اللي فاتح له بيته ده يبقي ادم اللي رسم حلا بنته وحط صورتها علي النت. واكيد كان في بينه وبينها علاقه
وردة
اللي انت شوفته امبارح دة مش أدم الرسام. دة واحد فاقد للذاكرة ومش فاكر أي حاجه
جعفر
بجد
وردة
والله دي الحقيقه هو مش فاكر هو ليه جه الاردن ولا فاكر حلا ولا حتي فاكر اسمه وممكن اتصل بالدكتور اللي بيعالجه قدامك وتكلمه بنفسك
جعفر
لا وعلي أيه انا مصدقك لانه فعلا لو مش فاقد الذاكرة كان مستحيل يقبل يتجوزك. بس دة مايمنعش اني لازم استغل الفرصه وأطلع كسبان من الصفقه دي
فتبص وردة لديما وتقول
يعني أيه مش فاهمه
جعفر
20 الف دينار وأنا كمان افقد الذاكرة زي ادم
وردة بصدمه
انت مجنون واجيب لك منين المبلغ دة
جعفر
اتصرفي انا من ساعه ما طلقت اختك وانا مش لاقي فلوس
وردة
واللي مش معه المبلغ دة
جعفر
ازاي يعني بنت ياسين المليونير صاحب اكبر محل عطور
ماتعرفش تتصرف في مبلغ صغير زي دة
ديما
خلاص يا وردة اللي انت عايزة خدة مني
وردة
بس يا ديما
ديما
مافيش بس. خلينا نخلص منه
وترجع ديما تبص ل جعفر وتقول له
بس أنسي انك تاخد مبلغ تاني مننا
جعفر
بس كدة. ولا هاتشوفو وشي تاني الا يوم الفرح وانا جاي ابارك ل وردة
فتبص له وردة وهي مش مصدقه اللي بيقوله. وتروح ديما ناحية شنطتها وتكتب شيك بالمبلغ وتدي ل جعفر ويبص جعفر في الشيك وهو زي السعران ويخرج من المكتب وتبص وردة ل ديما وتقول لها
انتي مصدقه انه مش هايطلب فلوس مننا تاني
ديما
لا. طبعا
وردة
اومال ليه أديتي له الشيك
ديما
عقبال مايصرف الشيك والفلوس تخلص يكون فرحك جه واتجوزتي ادم وساعتها حتي لو عمي ياسين عرف ان دة أدم الرسام هايكون جوزك ومش هايقدر يعمل معاه حاجه
وردة
طيب وحلا. انا مش هاسامح نفسي اني اتجوزت ادم. انا اصلا مش مسامحه نفسي اني فكرت اخون حلا وحبيت ادم
ديما
خلاص انتي فوقتي. وجوازك من ادم حمايه لي من غدر جعفر. فلازم الجوازة تتم ولو علي الورق
وردة
تقصدي انه، ،،،،
فتقاطعها ديما وتقول
ايوة. أقصد انه مش هايدخل عليكي. وفي ليله الدخله هاتحكي ل ادم اصله وفصله وهو جه الاردن ليه
وردة
تفتكري دة الحل
ديما
مافيش غير كدة عشان نوفر الحمايه ل ادم وترجع حلا بالسلامه تلاقي ادم مستنيها،،،،،،،
وعدت الايام وبدات حلا تفوق من الغيبوبه اللي كانت فيها وأول ما وقعت عينيها وقعت عينيها علي جعفر اللي قاعد قدامها فتبص له حلا باستغراب شديد وتقول بضيق
انت.
جعفر
ومستنيا مين غيري يكون جنب منك يا روح قلبي
حلا بدهشه
روح قلبي.
جعفر وهو بيبوس أيدها ويبص لها ويقول
ومين غيرك يكون روح قلبي
فتبعد حلا أيدها عن ايد جعفر وقلبها مقبوض وتقول له
هي فين وردة
جعفر
وردة. ياااااااااا. انتي لسة فاكرة
حلا
مالها وردة حصل لها أيه
جعفر
هاتتجوز
حلا باستغراب
هاتتجوز
جعفر
اة. دخلتها كمان أسبوع عشان كدة مش فاضيه. ليكي
حلا بابتسامة
مش مهم. المهم تبقي فرحانه هي ياما تعبت معايا واستحملت عشاني كتير
جعفر
خلاص خفي عشان تخرجي من المستشفي وتحضري فرح اختك
حلا باستغراب
في أيه. انت مالك بقيت حنين عليه كدة
جعفر
عشان بحبك وعرفت قد ايه انتي غاليه عندي.
ويبوس جعفر ايدها مرة تانية وهو بيقول
خفي بقي كدة وارجعي ليا بالسلامه عشان تخرجي من هنا، ،،،،،،،
ويعدي الاسبوع وتخرج حلا من المستشفي وخلال هذة الفترة لم تتصل وردة بحلا وجعفر استعد وخد حلا معه لفرح وردة وخلاها تقف بعيد وقال لها
مش هاينفع تخشي الا لما اخد الاذن من ياسين والدك
ووقفت حلا بعيد وشافت ادم وهو في حضن وردة في ليله فرحهم وقالت حلا لنفسيها
كدة يا ادم اول مرة اشوفك فيها علي الحقيقه تكون في احضان واحدة غيري. ومين وردة أختي. لية كدة يا وردة ليه ياأدم ليه تخلي أشتياقي ليك حزين
وقعدت تعيط ورجع لها جعفر بحنيه فلاقها بتعيط فقال لها
مالك
حلا
عايزا اروح. انا من النهاردة ماليش غيرك في الدنيا دي
جعفر بمسكنه
لية بس ايه اللي حصل
حلا
مافيش. روحني من هنا. انا مابقاش ليا حد هنا
جعفر
عندك حق. تصدقي ان والدك رفض انك تدخلي فرح اختك لا وكمان بيقول انك ميته
حلا ودموعها علي خدها
انا فعلا موت النهاردة
وتحط حلا أيدها علي صدرها فيبوسها جعفر بمنتهي الخبث ويقول
بعد الشر عليكي من الموت
فتبص له مستغربه اللي بيحصل فقال
علي فكرة انا رجعتك لعصمتي. يالا بينا نروح
ويضمها الي صدرة ويقول لنفسه
كدة اعرف اخد كل اللي حيلتك. بعد ما ياسين يموت النهاردة
ويروح جعفر وحلا ناحيه عربيته وركبو العربية وانطلقت بهم، ،،،،،،،
ومن جوة شقه وردة وادم الموجودة في الدور التاني من بيت ياسين يقف ادم قدام وردة مراته ويبص لها ويقترب منها وتقترب وردة وكانها ضعفت من جديد قدام حب ادم واقتربت منه اكثر واكثر وارتمت في حضنه وفجاة تخيلت ان حلا واقفة وراء ادم وبتبص لها وهي بتعيط فخرجت وردة من حضن ادم بسرعه وبعدت عنه فبص لها ادم وقال باستغراب
مالك في ايه
وردة وهي تمسح دموعها
في حاجه لازم تعرفها
ادم باستغراب
حاجه أيه
وردة
انت اسمك ادم وجيت من مصر لي الاردن عشان، ،،،،،،،،،
وفي نفس الوقت يسمعوا صوت ضراخ خديجة اللي بتصرخ وبتقول
ياسين اتقتل ياسين اتقتل ، ،،،،،،،،،،
ايه اللي حصل ياسين هايموت فعلا ولا اية. وممكن ينكتب للعاشقان انهم يتقابلو. هنشوف بكرة والحلقة الاخيرة من ام العيون السود
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺🌹❤️🌺🌹🌹❤️🌺💙
تعليقات
إرسال تعليق