رواية غريبه في بيتي الحلقه الحاديه عشر بقلم الكاتب عادل عبدالله حصريه وجديده على مدونة النجم المتوهج
 |
رواية غريبه في بيتي الحلقه الحاديه عشر بقلم الكاتب عادل عبدالله حصريه وجديده على مدونة النجم المتوهج
أسيل : حاضر ، حاضر يا هيام .
هيام : قومي يلا ألبسي علشان هنروح مشوار أنا وأنتي .
أسيل : مشوار !!! لوين؟؟
هيام : تعالي معايا وأنتي تعرفي .
أرتدت أسيل ملابسها وخرجت مع هيام كالمنقادة لا تعرف أين ستذهب !!!
ركبتا سيارة أجرة وسارت بهما في الطرقات حتي وصلت أحد المناطق الشعبية ودخلت بين الأزقة والطرقات حتي وقفت السيارة أمام أحد المنازل الصغيرة المتهالكة ، ثم أخرجت هيام بعض النقود أعطتها لسائق السيارة وألتفتت إلي أسيل وقالت لها : قاعدة ليه ؟ يلا أنزلي .
أسيل : نحن وين؟؟
هيام : هسسسس !! أنتي تمشي معايا وأنتي ساكتة خالص .
أسيل : حاضر .
يتفاجئ أدهم باتصال من أخيه ممدوح ...
أدهم : أيوه يا ممدوح .
ممدوح : أنا بكلمك علشان أفكرك أننا أخوات و المفروض مكانش الحوار ما بينا يوصل للدرجادي !!
أدهم : أنت السبب يا ممدوح ، أنا كل اللي طلبته منك أني أخد حقي .
ممدوح : وأنا معنديش مانع ، لكن بشرط بدون ما تبيع منه حاجة .
أدهم : وأنت مالك يا أخي أنا حر .
ممدوح : يا أدهم ، زي ما أنت عارف أنا فاقد الذاكرة وناسي كل حاجة ، لكن رغم كده عندي أحساس جوايا بيقولي أحافظ علي ملك أبويا و حاسس إنك هتضيعه بتهورك وسمعاك لكلام مراتك .
أدهم : أنا مسمحلكش تجيب سيرة مراتي .
ممدوح : وأنا يا أدهم قدمنا فرصة أخيرة علشان نفضل أخوات والشيط،،ان ميدخلش بينا ، كل حاجة تفضل زي ما هيه ولو عايز تدير أنت شغل أبوك أنا موافق ، لكن بشرط أن مفيش أي حاجة تتباع !!
أدهم : تبقي المحكمة والقانون هوه اللي هيفصل بينا .
تدخل أسيل مع هيام المنزل ...
المنزل يبدو من الداخل كأحد الكهوف في الجبال !!! حوائط متهالكة والعنكبوت منتشر في كل مكان وكأنه منزل مهجور منذ زمن !!
بالرغم من ذلك حينما دخلت أسيل معها وجدت الكثير من النساء يجلس علي بعض المقاعد الخشبية القديمة !!
شعرت أسيل بالأنقباض ولكنها سارت معها مضطرة .
في الأمام يوجد باب مغلق وبجواره تجلس أمرأة خمسينية تمسك بسيجارة مشتعلة تدخنها بشراهة !!
تقدمت إليها هيام و تحدث إليها هامسة ، بينما كانت تنظر تلك المرأة إلي أسيل وهي تسمع همسات هيام !!
ثم أخرجت هيام بعض النقود وأعطتها إياها وعادت إلي أسيل و قالت لها : أقعدي هنا .
أسيل " بخو،ف " : يلا نمشي.. يلا نمشي.. أنا خايفة كتير !!
هيام : متخا،فيش أنا معاكي .
جلست أسيل تتابع بنظرها في خو،ف النساء الموجودات في المكان ، حتي أنتفضت حين أشارت المرأة لهيام فأمسكت بيدها وقالت : يلا تعالي .
أسيل : رايحين على وين ؟
هيام " بحزم " : قولتلك متخا،فيش .
دخلت هيام من باب الغرفة تسحب بيدها أسيل التي بمجرد دخولها هابها منظر رجل غامض م،خيف طويل الشعر واللحية ، و أدخنة البخور تنطلق من أمامه لتملأ كل أرجاء المكان !!
كان الفز.ع أكبر حين ناداهما بصوته الأجش : واقفين ليه ؟ تعالوا أقعدوا هنا قدامي !!!
سارت أسيل مع هيام بخطي متثاقلة وهي ترتجف حتي جلست بجوار هيام أمامه مباشرة !!
هيام : انا جايالك عم منصور وواقعة في عرضك تساعدني .
الساحر : قولي مشكلتك .
هيام : سلفي أخو جوزي ويبقي جوز أسيل طليقته عملاله اعمال .
الساحر : أعمال بأيه ؟ بيحصل منه ايه ؟
هيام : علطول بيبهد،ل مراته وعامل مشاكل مع اخوه اللي هوه جوزي ، عاوزاك يا عم منصور تعمله عمل يصلح حاله مع مراته وأخوه ، يسمع كلامهم ويبطل مشاكل معاهم .
يظل يتمتم الساحر بكلمات غريبة غير مفهومة ثم تجحظ عينيه ويقول " بحزم " : لما أنتي جايالي أساعدك بتكدبي عليا ليه ؟؟
ترتبك هيام :أنا !!! كدبت في أيه ؟؟
الساحر : أنتي عايزة أخو جوزك يعطي اخوه ميراثه في أبوه علشان هو رافض.
هيام : أيوه .
الساحر : وعايزاني أعمله عمل علشان مراته تسقيه له وينفذ المطلوب .
هيام : أيوه صح يا عم منصور .
الساحر : لكن الأسياد لهم طلبات ولازم تتنفذ علشان يساعدوكي .
هيام : عينيا لك وللأسياد .
الساحر : هتدفعي ألفين جنية .
هيام : حاضر .
الساحر : بكرة بالليل الساعة عشرة تجيلي مراته لوحدها ومعاها الفلوس .
أسيل : أنااااا ؟؟؟ لااااا .
الساحر : بقول لازم تنفذوا المطلوب وإلا الأسياد هتغضب عليكم وتحول حياتكم لجحيم .
هيام تمسك بيد أسيل وتقول : حاضر ، حاضر يا عم منصور ، أسيل هتجيلك ومعها الفلوس .
الساحر : وتكون لوحدها ، فاهمة ؟؟ تيجي لوحدها .
هيام : حاضر ، حاضر .
الساحر : دلوقتي هتدفعي ٥٠٠ جنية عربون علشان أشتري طلبات الأسياد .
هيام : أتفضل يا عم منصور .
أنصرفت هيام ومعها اسيل التي مازالت تر،تعد خوفاً !!
أسيل : أنا مش جايّة لهون تاني .
هيام : هتيجي لمصلحتك ولمصلحتنا كلنا .
أسيل : لأ، هالرجل خلّاني مرعوبة! مش راح أجي تاني .
هيام : بقولك أيه يا أسيل ، أنا بتكلم وأتناقش معاكي أهو وبحاول أقنعك ، لكن يكون في علمك لو فضلتي كده تعترضي علي اي حاجة أقولهالك يبقا مفيش قدامي إلا إني أعرف جوزك كل حاجة !!
أسيل : أنا ما عملت شي غلط.
هيام : و تفتكري جوزك لو شاف الصور برضو هيقول أنك معملتيش حاجة غلط ؟؟ ولو عرف كدبك عليه علشان يطلق مراته وام عياله تفتكري بعدها ممكن يصدقك في أي كلمة تقوليها ؟ ولا هيتأكد أن الصور دي حقيقية ؟؟
أسيل : حر،ام عليّك! ليش عم تعملي فيي هيكو؟!
هيام : زي ما قولتلك لمصلحتك ولمصلحتنا كلنا .
عادت أسيل إلي منزلها وكل تفكيرها في خو،فها من الذهاب مرة أخري للساحر وخو،فها أيضاً من تهد،يد هيام لها !!!
كل شيئ هين إلا أن تف،ضحها هيام أمام زوجها وأمام الجميع !!!
ولكن هل تجروء علي الذهاب للساحر مرة أخري ؟؟؟ ولماذا يريدها أن تذهب إليه وحدها ؟؟
يتبع
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
الحلقه الاولى والثانية والثالثة والرابعة من هنا
الحلقه الخامسه والسادسه والسابعه من هنا
تعليقات
إرسال تعليق