رواية المتهم X الحلقه السادسه والسابعه كتابة واقتباس محمد منصور **منص** حصريه وجديده
 |
رواية المتهم X الحلقه السادسه والسابعه كتابة واقتباس محمد منصور **منص** حصريه وجديده
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
من قدام جثة وحيد اللي كان عريان ومتفحمة تمام يقف حمزة ومعه زيدان وكان حمزة بيبص للجثة بتركيز شديد. وبعدها بص لجاكت وحيد اللي كان محروق تلت ارباعة تقريبا وكارينة وحيد محروق نصة بص حمزة للكارينة وقال
غريبة
زيدان
اية الغريب
حمزة
اللي كان عنده وقت يحرق جثة بني ادم لغاية ما تتفحم بالشكل دة. لية ما حرقش الجاكت بالكارنية علشان يخفي دي جثة مين
زيدان
ممكن حس ان في حد شافه فخاف يتمسك
وقرر يهرب
حمزة
الجثة علشان تتفحم بالشكل دة انت بتتكلم في حوالي ساعة او ساعة ونص النار بتاكل فيها. يعني لو في حد شافه وهو هرب كان من باب اولي اللي شافه دة يطفي النار عن الجثة ويبلغنا مثلا. لكن القاتل فضل موجود في المكان دة وشاف الجثة وهي بتتحرق لغاية ما اتفحمت. وبعد كدة النار انطفت وهو مشئ
زيدان
يعني اللي مات دة ممكن ما يكنش وحيد
حمزة
اللي هيقدر يجوابنا علي السؤال دة. دكتور الطب الشرعي. أمر بنقل الجثة للكشف عليها. وبعد تقرير الطب الشرعي هنقدر نتحرك. لان انا شاكك ان وحيد عرف اننا هنا وبندور عليه فقرر يتوهنا بجثة محروقة زي د ووقتها ممكن يكون دة وحيد وممكن ما يكنش هو. حل اللغز دة عند فريدة مراته، ،،،،،،،،
ومن جوة المطعم كانت فريدة بتنزل اكل لزبائن وقت ما دخل المطعم حمزة بص لها وهي بصت له وكملت تنزيل الطلبات وهو قرب منها وقال
ممكن نتكلم بعيد عن الزبائن
فريدة
وقت الشغل ما حبش اتكلم الا في اللي يخص الشغل
ابتسم وقال
بس اللي انا جاي لك في ما يستناش لانه يخص وحيد جوزك. ودلوقتي ممكن نقعد علي تربيزة نتكلم ل دقائق بسيطة
فريدة بصت ل مفيدة وزينب وقالت
خدوا مكاني وخلو بالكم
وقعدت فريدة علي التربيزة وقعد قدام منها حمزة بصت له بانتباة شديد وقالت
وحيد كان جوزي علشان نبدأ كلامنا صح
حمزة
الله. يعني طلعتي تعرفي اهو اومال لية اول مرة سالتك عنه قولتي. انك ما تعرفهوش
فريدة هنا افتكرت كلام حكيم ليها وهو بيقول لها
لازم كل ما سيرة وحيد تيجي علي لسان حمزة تتمالكي اعصابك وتردي بثبات انفعالي ما تخلهوش يشك فيكي
حمزة لاحظ سرحان فريدة فقال
روحتي مني فين
فريدة
بص يا حضرة الظابط بصراحة كدة وحيد دة كان جوزي وهربت منه وجيت هنا علشان كل اللي كان بيقدر يعمله انه يضربني ويهيني وياخد فلوسي ومهما كنت ابلغ عنه بعلاقاتة في الدخلية البلاغ يتحفظ ويرجع تاني ويضربني ويهني واخر حاجة اعرفه عنه انه جه السلوم وهو فاكر ان جميلة بنته وعايز ياخدها مني. لكني رفض وبشدة واتخانقنا وقولت له ما تورنيش وشك تاني ومن وقتها ما عرفش هو فين ومش عايزا اعرف
حمزة
يعني ما تعرفيش انه اتقتل
هنا فريدة ارتبكت جدا وقالت ل نفسها
معقوله يكونو لقو الجثة طيب ازاي وحكيم ما اكد لي ان مستحيل حد يوصل لها
حمزة
سرحتي تاني لية
فريدة
مش قادرة اصدق اللي انت بتقولو
حمزة
مدام فريدة لو افترضنا انك هربانه من وحيد وهو عرف طريقك. ف وحيد في السلوم علشانك ودة معني انك قدام القانون المتهمة الاولي في قتل وحيد
ولو افترضنا ان الجثة اللي لقينا مش جثة وحيد. ف وحيد برضو هنا في السلوم علشانك وفي الحالة دي انتي بتساعدي علشان يهرب برة مصر يعني في الحالتين قدام القانون انتي المتهمة الاولي والاخيرة وفري علي نفسك تعب القلب وعرفيني الحقيقية
فريدة
الحقيقية اني اخر واحدة ممكن اكون عارفة مكان وحيد واخبئ عنك او اساعدة لاني بمنتهي البساطة انا اكتر واحدة بتكرة وحيد في الدنيا دي.
حمزة
يعني افهم من كدة انك انتي اللي قتلتي
فريدة تمالكت اعصابها بشدة و باصة اوي في عيون حمزة. لانها بدات تتعلم من حكيم ان الكذاب ما بيقدرش يبص في عيون اللي قدام منه وقت الكذب وقالت
انا بعد اللي شوفته من وحيد وبعد اللي كان عايز يعمله في بنتي جميلة. انه بس فكر يبيع جسمها زي ما باع جسمي. هكون عايزا اقتله بدل المرة الف مرة. لكن مش انا اللي قتلته
حمزة فضل ساكت وباصص في عيون فريدة اللي سكتت ل ثواني وبعدها شافت لمعه غريبة في عيون حمزة لمعه تخطف القلب فارتبكت وقالت
في اي اسئلة تاني.
حمزة ابتسم وقال
دلوقتي لا. يمكن يكون في بعدين
قامت وقفت وراحت تشوف شغلها وهو اتنهد وقال ل نفسه
وبعدين بقي في القضية الحلوة دي. بجد هزعل لو طلعتي معه. او طلعتي قتلتي. انا في خطر
وقام وخرج من المطعم وفريدة عماله تبص عليه وتقول لنفسها
بصة عيونه مش عادية. شكلي هقع، ،،،،،،،،
وبالليل الساعة 8.30. كانت فريدة رافعة سماعة التيلفون الارضي وبتقول ل حكيم
دة شاكك اني بساعدة ولما كنتش بساعدة فهو شاكك اني انا اللي قتلته.
حكيم
اطمئني انا هتصرف
فريدة
هما ازاي وصله للجثة دة انت ما اكد عليه انهم مش هيوصلو ليها ابدا. هو انت قاصد انهم يوصلو للجثة
حكيم سكت للحظات فقالت فريدة
دة من تخطيطك
حكيم
قولت لك انا عارف انا بعمل اية. وعايزك تجهزي لليوم بتاع بكرة لان حمزة هيكون محضر لك اسئلة اصعب من بتاعت النهاردة
فريدة
انا مش هقدر استحمل الضغط العصبي دة حمزة دة فعلا مش سهل وعنيد زي ما انت قولت
حكيم
عارف علشان كدة لازم زي ما انتي المتهمة الاولي في القضية دي. لازم نفضل ماشيين في خطتنا ان المتهم يكون X. دة الحل الوحيد علشان تطلعي من القضية دي بخير
فريدة
حكيم انا بجد تعبتك معايا
حكيم
حكيم.
فريدة
اسفة استاذ حكيم
حكيم
لا. بلاش استاذ. دة انا اول مرة احب اسمي
فريدة
بجد انا بشكرك علي كل اللي انت بتعمله علشاني
حكيم
انا لسة ما عملتش حاجة انتي تستاهلي اكتر من كدة
فريدة
طيب مش ناوي تقولي ازاي التيلفون دة شغال من غير حرارة
حكيم ابتسم وقال
دة اختراع قديم بس جديد. بعدين ابقي اعرفك كل حاجة. عرفي جميلة تقول اية لما يسالها
فريدة
هي بكرة الاسئلة هتكون اية
حكيم
ما ينفعش اقول لك علشان لازم تتفاجئ بكل سؤال والا حمزة هيعرف انك محضرة اجابات الاسئلة
فريدة
انا عايزا اعرف انت اية
حكيم
انا حكيم مدرس رياضة بسببك بقيت مجرم. والغريبة اني مش زعلان
فريدة
انت مش مدرس رياضة.
حكيم ارتبك وقال
انا لازم اقفل علشان محتاج انام.
وقفل حكيم وفريدة حطت السماعة وقالت
ادفع نص عمري واعرف حكايتك اية يا حكيم، ،،،،،،،،،
وعند دقات الساعة. 2. بالظبط وقت ما فريدة بتقفل مطعمها وبعد ما مشيت مفيدة وزينب. ووقت ما كانت فريدة رايحة للمدرسة تجيب جميلة. يظهر لها حمزة ويقول
ممكن نتكلم
بصت له فريدة وقالت
دة وقت خروج بنتي من المدرسة وما حبش اتاخر عليها
حمزة
خلاص نتكلم واحنا ماشيين
فريدة مشيت وقالت
هو في اية تاني. انا قولت لك امبارح كل اللي اعرفه واللي يفيدك
حمزة
اصل دكتور الطب الشرعي قدر يعرف الميعاد اللي اتقتل في وحيد.
فريدة
وانا مالي
حمزة
انتي كنتي فين يوم 11 في الشهر
فريدة
11 دة اللي هو يوم الاثنين صح
حمزة
بالظبط
فريدة
خد جميلة بعد المدرسة وروحنا مرسي مطروح
حمزة
لية
فريدة
كان نفسها تدخل السيما وناكل. سمك في مطعم السماك
حمزة
يعني كنتي تقريبا اليوم كله برة
فريدة
رجعنا وقتها الساعة 11 بالليل
حمزة
مش غريبة خروجة زي دي تكون في وسط الاسبوع. وبنتك رايحة مدرسة تاني يوم الصبح بدري
فريدة
الوقت ما بيفرقش معانا. وبعدين معلش هي الحكومة دلوقتي بتمسك اللي بيتفسحوا في وسط الاسبوع
حمزة
اصل وحيد اتقتل يوم 11. الساعة 7; م
فريدة وقفت
حضرة الظابط هو انت عايز تقول اية
حمزة وقف هو كمان وبص لها وقال
وقفتي لية مش عايزين نتاخر علي جميلة
فريدة
عايزة اعرف اخرته اية الموال دة
حمزة
نوصل للي قتل جوزك
فريدة
مش جوزي وما يهمنيش اية اللي حصل له ولا يهمني تعرفو اللي عمل في كدة. دة واحد كان جاي علشان يبيع لحم بنتي. تفتكر هزعل عليه انه مات
حمزة هز دماغة وقال
صح. كملي طريقك وانا هكمل طريقي. بس اوعدك لو طريقك غير طريقي مش هنتقابل انما لو طريقك نفس طريقي هنتقابل وساعتها ما تزعليش مني لاني ساعتها هاجي ومعايا كلبشات تزين ايديكي الحلوة
وبص علي ايدها اترعبت فريدة وهو سابها ومشي، ،،،،،،،،،
ومن جوة مدرسة حكيم ووقت ما كان حكيم خارج من المدرسة يلاقي حمزة واقف قدام منه بيبص له وبيضحك ضحك حكيم وقال
اية ليك تلميذ هنا جاي توصي عليه
حمزة
لا. جاي لك انت
حكيم
خير
حمزة
تعرف اية عن فريدة
حكيم
اعرف انها فاتحة مطعم والناس بتشكر في اكلها
حمزة
وانت بتروح تاكل عندها
حكيم
مش ديما لما بكون قريب من المطعم بدخل اشتري سندوتش
حمزة
طيب التحريات اثبت انها جارتك والحيط في الحيط ما فيش في يوم سمعتها بتتكلم مع حد او بتتخانق مثلا
حكيم عمل نفسه بيفتكر وبعدها قال
عمري ما سمعت ليها حس. هو في اية
حمزة
اقول لك بس يبقي الكلام سر بينا
حكيم
في بير
حمزة
من كام يوم جالها جوزها وعلي كلامها انها ما شافته مرة واحدة وبعدها ما تعرفش هو فين. وجوزها دة اكتشفنا جثتة امبارح والقاتل ولع في لغاية ما الجثة اتفحمت وملامحها اختفت تمام
حكيم
وانت شاكك ان فريدة ممكن تكون هي اللي عملت كدة
حمزة
بالظبط
حكيم
ما افتكرش ان بني ادمة زي فريدة ممكن تكون بالوحشية دي
حمزة
اومال مين بس يكون عمل كدة في جوزها
حكيم
ساعات الحقيقية بتكون قدام عيونا ورغم كدة ما بنبقاش شايفنها. فتح عينك وشوف المعطيات اللي قدام منك توصل ل حل المسالة بالمنطق
حمزة
خلاص خليت القضية مساله حسابية
حكيم
الدنيا كلها عبارة عن مساله حسابية. وعلي اساس المعطيات اللي قدام مننا كل واحد مننا بيوصل ل حل المسالة من وجهة نظرة
حمزة
واني حل بيكون صح طالما كل واحد بيوصل لحل المسالة من وجهة نظرة
ابتسم حكيم وقال
اللي استخدم المعطيات صح.
حمزة
مش فاهم
حكيم
علشان تفهم لازم تعرف انك دلوقتي قدام قضية المتهم فيها X
حمزة
المتهم. X
حكيم
يعني متهم مجهول. فريدة برئية.
حمزة
دة انت بتحبها بقي
حكيم ابتسم اكتر وقال
انا همشي. وهشوفك تاني قريب. علشان نكمل جيم الشطرنج اللي بينا
وسابة حكيم ومشي وفضل حمزة باصص عليه، ،،،،،،،
وبعدها بكام ساعة ومن جوة مشرحة دكتور الطب الشرعي واقف قدام جثة وحيد المحروقة علي طاولة التشريح وجنب منه حمزة وزيدان وكان الدكتور بيقول
واضح من التشريح الاولي ان الجثة قبل ما تتحرق اتخنقت بسلك كهرباء مبطن بقطن محتمل انه يكون سلك مكواة. ودة واضح من اثار الخنق اللي علي الرقبة
وشاور ناحية جهاز بيعرض الجثث المحروقة اللي النار كلت لحمهم عن طريق الاشعة فوق الحمراء.
حمزة
طيب لية بعد ما خنقة هشم وشة بحجر واكتر من مرة وبعد كدة حرقة عريان
الدكتور
مش محتاجة. سؤال هو عمل دة كلة علشان يخفي ملامح الجثة وخصوصا انه قبل ما يحرق الجثة ولع في صوابعة بانبوبة لحام الحديد ودة باين من ذوبان لحم وعظم الصوابع
زيدان
ولما هو بالذكاء دة لية لما ولع في جاكت البدلة ساب لنا الصورة في كارينة الجثة باينة والنار ما حرقتهاش
حمزة
سؤال اجابتة صعبة. دلوقتي لكن خلينا في الاول نعرف مين القاتل الغامض دة ولية يقتل واحد ما فيش بينهم اي علاقة
زيدان
فعلا اسئلة كتير غامضة في ملف القضية دي. وكلها بدور حوالين متهم مانعرفش لي اسم
حمزة
قريب باذن الله هنعرف ولغاية ما نعرف اكتب القضية باسم. المتهم X. زي ما قال حكيم. لكن يفضل جوة مني شك كبير ناحية فريدة
زيدان
التحريات اثبتت ان فريدة كانت في مرسي مطروح وقت ارتكاب الجريمة وازاي ست زي فريدة تقتل حد زي وحيد بالوحشية دي
حمزة
بص بقي حل القضية دي في حالتين اما دة مش وحيد وحد عايز يخلينا نصدق انه وحيد. او اما دة وحيد واللي قتله اما فريدة او فعلا حد مجهول
الدكتور
ما نقدرش نثبت ب نسبة 100%100. ان كان دة وحيد ولا. لا.
حمزة
نقدر عن طريق الحمض النووي
زيدان
تقصد اننا نجيب ان جزء من جسم وحيد ونقارنة مع خلايا الجثة المتفحمة
حمزة
هو دة.
زيدان
ونوصل ازاي للحمض النووي بتاع وحيد
حمزة
الاوضة اللي كان نازل فيها اكيد هنلاقي هناك اي شئ منة ظفر شعراية لعاب مثلا اكيد هنلاقي اللي يوصلنا للحقيقية، ،،،،،،،
ومن جوة الاوضة اللي في الفندق يقف حمزة ومعه زيدان ومعاهم صاحب الفندق وكان حمزة بيقول
يعني انت روقت الاوضة كلها وغيرت الملايات
صاحب الفندق
لازم النظافة وكل يوم بنعمل كدة
حمزة
في حد نزل في الاوضة دي غير وحيد
صاحب الفندق
لا.
حمزة هنا تقع عينه علي مشط في الحمام والمشط كان في شعر فقرب حمزة من المشط وبص للشعر المتساقط وقال
يعني المشط دة ما حدش استخدمة غير وحيد
صاحب الفندق
ايوة يا باشا
حمزة بص ل زيدان وقال
الشعر دة هو اللي هيوصلنا للحقيقية. وياما الجثة اللي تحت ايدينا دي جثة وحيد او اما احنا بيتلعب بينا. الشعر دة يروح المعمل الجنائي وعايز نتيجة التحليل تطلع في اسرع وقت، ،،،،،،،،،
وبعدها بكام ساعة ووقت ما كان حمزة قاعد في مكنب زيدان يدخل زيدان ومعه ورقة ويقول
نتيجة الحمض النووي ل جثة وحيد والمقارنة مع الشعر اللي لقينا. ظهرت
حمزة باهتمام شديد
واية النتيجة
زيدان
الجثة طلعت ،،،،،،،،،،،،،،،
ح(7)
المتهم X
كتابة واقتباس
محمد منصور **منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
وبعدها بكام ساعة ووقت ما كان حمزة قاعد في مكنب زيدان يدخل زيدان ومعه ورقة ويقول
نتيجة الحمض النووي ل جثة وحيد والمقارنة مع الشعر اللي لقينا. ظهرت
حمزة باهتمام شديد
واية النتيجة
زيدان
الجثة طلعت بتاعت وحيد
حمزة
كدة احتمال ان وحيد عايش انتهي وراح. وفريدة دلوقتي قدام مننا هي المتهمة الاولي والوحيدة واللي عندها دافع كبير في ارتكاب جريمة القتل دي لانها كانت بدافع عن بنتها اللي كان عايز. وحيد يبيع لحمها زي ما هي قالت
زيدان
ازاي فريدة قتلته وهي كانت في مرسي مطروح وقت ارتكاب الجريمة وبالتحديد الساعة 7. كانت جوة السيما
حمزة قام وهو بيفكر ومخة شغال بسرعة الصاروخ وافكار كتير بدور في دماغة وبعدها مسك ورقة وقلم وبدأ يكتب في الورقة وهو بيقول
لية ما تكنش دخلت السينما الساعة 6. وخرجت علشان تقابل وحيد في مكان قريب من السينما مثلا. وقتلته
زيدان
حمزة جريمة قتل وحيد حصلت في شقة لانه مخبوط بالمكواة في دماغة وبعد كدة اتخنق بسلك المكواة.
حمزة
اتقابله في شقة مفروشة مثلا او هي سلطت اللي يقتله وهي في مرسي مطروح علشان تبعد عنها اي شبهه
زيدان
دة اللي هو المتهم X.
حمزة
بالظبط. او ممكن تكون قطعت تذكرة السيما الصبح ورجعت السلوم وما دخلتش السينما اصلا. لانها كانت في السلوم. وقتها
زيدان
اية يا عم الخيال دة. دة تخطيط ما يطلعش الا من مجرم متمرس ودي في الاول والاخر ست بيت عادية بتربي بنتها
حمزة
معاها حد بيساعدها
زيدان
انت لية مصمم انها وراء اللي حصل ل وحيد ما يمكن حد من اللي صورهم وحيد في مواضع مخلة. قرر ينتقم منه وبعد وراء اللي يعمل في كدة
حمزة
هو يعني لو حد عايز يقتله ما يجيش يقتله الا في اخر بلاد المسلمين ما كان قتلو في القاهرة
زيدان
منطقي برضو.
حمزة
اسمع مني فريدة وراء اللي حصل ل وحيد دة. سواء بقي لوحديها او في حد بيساعدها. انا حاسس انها وراء اللي حصل وهعرف الحقيقية بطريقتي
زيدان
هتسالها تاني
حمزة
لا. هسال بنتها، ،،،،،،،،
وفي نفس اليوم بالليل كانت فريدة بتتكلم مع حكيم في التيلفون وكان حكيم بيقول
مين قال انها خلصت. مع حمزة احنا لسة بنتدي.
فريدة
هو هيفضل شاكك فيا
حكيم
لازم يشك فيكي لانك غلطتي لما قولتي انك ما شفتهوش والغلطة دي كلفتنا كتير
فريدة
انا اسفة
حكيم
عدي وقت الاسف احنا دلوقتي قدام مشكلة ولازم نحلها.
فريدة
طيب هو حمزة دة ممكن يعمل اية تاني
حكيم
معاكي انتي. ممكن يوقف تحريات واسئلة لكنه هيركز مع جميلة
فريدة
لا. انا مستحيل اقبل ب كدة بنتي برة الحدوتة دي
حكيم
ما حدش فيكم برة الحدوتة دي. وعرفي جميلة ان حمزة قريب ممكن يسالها كانت فين يوم 11. اياك تتلغبط
فريدة
حاضر هقولها، ،،،،،،،
وتاني يوم الصبح ووقت ما كانت جميلة في حوش المدرسة قاعدة مع اصحابها يقف قدام منها حمزة ويبص لها ويقول
ازيك
جميلة بصت له وقالت
انت مين
حمزة قعد جنب منها وقال
اعتبريني صديق وجاي ادردش معاكي
جميلة
ماما هتزعل لو عرفت اني قعد مع حد غريب واتكلمت معه
حمزة
انا مش غريب. عنكم وبلاش ماما تعرف اني جيت واتكلمت معاكي
جميلة
لية
حمزة
اصلها زعلانه مني. لكني قريب هصالحها. المهم بقي عرفيني كنتم فين يوم 11 الساعة 7.
جميلة
كنا في السيما
حمزة
هو يوم 11 دة كان يوافق اية في ايام الاسبوع
جميلة ارتبكت وقالت
ماعرفش
حمزة
يعني عارفة انك يوم 11 كنتي في السينما ومش عارفة 11 دة يوم اية من ايام الاسبوع
جميلة ركزت اكتر وقالت
كان يوم الاثنين
حمزة
شطورا. وكنتو بتتفرجوا علي فيلم اية
جميلة
فيلم انيميشن اسمة دورا. بحب الفيلم دة واتحيلت علي ماما علشان توديني السيما اتفرج عليه
حمزة
بيحكي عن اية الفيلم دة
جميلة
عن بنت بتعيش في الغابة اسمها دورا
وبدات جميلة تحكي لة الفيلم بالتفصيل. وبعد ما خلصت قال حمزة
مين من صحابك يعرف الفيلم دة وبيحبة زيك
جميلة
صاحبتي يارا.
حمزة بمكر
وهي فين يارا دي
جميلة
كانت لسة في الحوش هنا. ادور لك عليها
حمزة
ياريت
وقامت جميلة تدور علي يارا وحمزة بيبص لها بتركيز شديد ورن موبيلة طلع الموبيل وقال
ايوة يا زيدان
زيدان
انت لسة في المدرسة
حمزة
اة. قاعد مع جميلة
زيدان
مش طولت كدة
حمزة
اصلها بتحكي لي الفيلم كله
زيدان باستغراب
فيلم اية
حمزة
دورا
زيدان باستغراب اكتر
هو في اية
حمزة
في ان جميلة متحفظة تقول اية. ودة باين اوي من ردها علي اسئلتي
وشاف جميلة جاية من بعيد مع يارا فقال
اقفل انت دلوقتي
وقفل زيدان وقال حمزة ل جميلة وهو باصص ناحية يارا
هي دي بقي يارا
جميلة
هي.
حمزة
قمر. ما شاء الله
يارا
شكرا يا عمه
حمزة طلع 30.ج. واداهم ل جميلة وقال
جميلة انا عطشان اوي ما تروحي تجيب لنا تلاته كانز برتقال
جميلة خدت الفلوس وقالت
تعالي يا يارا معايا
حمزة
لا سيبي لي يارا انا عايزها
راحت جميلة تجيب الكانز وحمزة بص ل يارا وقال
ازيك يا يارا
يارا
انا بخير والحمد لله
حمزة
جميلة قالت لك انها راحت السينما واتفرجت علي دورا
يارا
لا ماقالتش
حمزة
طيب انتي اتفرجتي علي دورا دة
يارا
اتفرجت علي الجزء الاول اللي بيجي في التيلفزيون لسة ما شوفتش الجزء الجديد
حمزة
طيب ما تحكي لي كدة الجزء الاول
وبدات يارا تحكي نفس اللي حكته جميلة وهنا قال حمزة
الله دي نفس القصة اللي حكتها ليا جميلة
وبعدها قال في سرة
كدة جميلة ما دخلتش السينما. يعني فريدة كذابة ،،،،،،،،،
وخرج حمزة من المدرسة والموبيل علي ودانه وكان بيقول ل زيدان
انا صح. فريدة بتكذب وما دخلتش السينما
زيدان
دة برضو مش دليل ادانة واضح وصريح لان الجريمة تمت في السلوم وهي كانت في مرسي مطروح وقتها
حمزة
هي فريدة بتنزل مرسي مطروح كام مرة في الاسبوع
زيدان
التحريات بتقول انها بتزل يومين في الاسبوع السبت والخميس علشان تجيب بضاعة للمطعم بتاعها
حمزة
تمام
زيدان
ناوي علي اية،،،.،،،،،،،
وبالليل كانت جميلة بتتكلم في التيلفون الارضي مع حكيم وبتقول
وسالني علي قصة الفيلم
حكيم
وحكيتي القصة
جميلة
حكيت قصة الفيلم اللي بيجي في التيلفزيون لاني يوم ما دخلت السيما مع ماما نمت من كتر التعب.
حكيم
وبعدين
جميلة
خلاني انادي يارا صحبتي
حكيم
واتكلم معاها في اية
جميلة
يارا قالت لي انه سالها علي قصة الفيلم
حكيم
طيب اديني مامتك
وخدت فريدة السماعة من جميلة فقال حكيم
حمزة كدة شك انكم ما دخلتوش السينما
فريدة
بس احنا دخلنا السينما وهي نامت لكن انا فضلت صاحية ومستعدة اواجه بكدة
حكيم
قانونا اللي قالته جميلة مش دليل ادانة لكن مع حمزة دة دليل قوي علي انك انتي اللي قتلتي وحيد
فريدة
هيقدر يعمل اية
حكيم
هيقرب منك اوعي تخلي يقرب مهما حصل
فريدة
حاضر
حكيم
وحاولي تقفلي معه باب الكلام في القضية تاني
فريدة
حاضر، ،،،،،،،،
ومن الموقف يوم الخميس كانت فريدة بتدخل الموقف وقت ما لقت حمزة بيمشي جنب منها وبيقول
اية الصدفة الجميلة
فريدة اتخضت وقالت
انت
حمزة
اية رايحة فين كدة
فريدة
رايحة مرسي مطروح اجيب بضاعة
حمزة
دة اية الصدفة الجميلة دي. انا كمان نازل مرسي مطروح
فريدة بصت له بتوتر وقالت
دي صدفة ولا ،،،،،،
حمزة قرب منها وقطعها وقال
ولا.
فريدة
هو انت حكايتك اية بالظبط كل يوم عندي في المطعم وكل شوية تفتح معايا كلام عايز مني اية
ابتسم وقال
بحميكي
فريدة
من اية بقي
حمزة
من اللي قتل جوزك مش ممكن يكون عايز يقتلك
فريدة
انا اعرف احمي نفسي كويس شكرا
ولسة هتمشي مسك حمزة ايدها بصت له وبصت ل ايدة سابها وقال
ما ينفعش تمشي وانا لسة بتكلم
فريدة
الكلام خلص
حمزة
ما خلص. طالما ما انا ما وصلتش للي قتل وحيد
فريدة
حمزة باشا. هو انا متهمة
حمزة
لا.
فريدة
طيب عايز مني اية
حمزة
تاكلني سمك في مطعم السماك اللي في مرسي مطروح
فريدة استغربت
نعم
حمزة
دة من ضمن مجري التحقيقات وما تقدريش ترفضي والا
وسكت حمزة فقالت فريدة
والا اية
حمزة
بعدين تعرفي. هجيب عربيتي واجي وهتركبي معايا وفي السكة هنتكلم
ومشي حمزة وما كنش قدام فريدة غير انها تسكت وتقبل. وفعلا رجع حمزة بالعربية بتاعته ووقف قدام فريدة اللي ما رضيتش تركب نزل من العربية وفتح لها الباب وقال
اركبي انا مش هاكلك
جت تركب اتكعبلت كانت هتقع مسك حمزة ايدها وبص في عيونها وقال
حاسبي
وساعدها تركب في نفس الوقت كان واقف من بعيد حكيم شاف اللي حصل واتصدم واللي شافه خلي يفهم غلط ونار الغضب بدات تاكل قلبه وقال بمنتهي الغضب
بعد كل اللي عملته معاكي وبسببك بقيت مجرم في الاخر هو اللي يفوز بيكي كلكم كدة. لكن انتي لو مش ليا يبقي حلال فيكي حبل المشنقة
و طلع موبيلة واتصل برقم واستني للحظات وبعدها قال
الو. الشرطة
صوت بيقول
ايوة
حكيم ونار الغضب عميا
عايز ابلغ عن واحدة قتلت جوزها. اسمها فريدة، ،،،،،،،،،،،،
خلصت حلقة النهاردة اللي يارب تكون عجبتكم. سلام
اللي بيحب الروايات الكامله والحصريه من هنا 👇 ❤️ 👇
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
الحلقه السادسه والسابعه من هنا
❤️🌺🌹❤️🌺❤️🌹❤️🌺🌹🌹❤️🌺🌹❤️🌺❤️🌺🌹💙❤️🌺🌹💙
تعليقات
إرسال تعليق