رواية هي طفلتي أم زوجتي الفصل الرابع بقلم الكاتبه ريم حسن حصريه وجديده
بصباح اليوم التالي بتفيق شفق بتلاقي صهيب عبجهز حالو للنزله
شفق( يخرب بيتو ايمتى لحق ينام ويفيق مدري لأي ساعه مانام)
صهيب: صباح الخير بنت عمي ياريت تقومي تجهزي نفسك للننزل وبتمنى منك انك تساعديني بها التمثيليه السخيفه
شفق: صهيب انت كأنو زودتا كتير بالاهانات مابسمحلك ابدا احترامك واجب لألي
بيقرب منا صهيب بيمسك ايدها وبيلويها: لمين هي مابسمحلك وليك
شفق: ماتقول وليك احسن الك انا ماعدت هديك البنت الضعيفه ياللي الكل بيتمسخر عليها
صهيب بقمه غضبو😡 ولك لاتكبري بالحكي احسن ماصبحك بكف ينزعلك وشك بينترا من ايدا وبكمل لبسو
بتقوم شفق بنتوره بتدخل للحمام بتاخد معا افرول جينز قصير على شكل شورت وتحتو بلوزه بيضاء ساده بنص كم بتجهز نفسا بتترك شعراتا اللي طولو بها الفتره على كتافا بتكتفي بالمسكاره وروج زهر غامق عشفافا
بتطلع بتكون جاهزه
بيندار صهيب وبيطلع فيها من قلبو بأاعجاب بس من برا بحزم وزوره
صهيب: ممم شطوره يلا ننزل
منطلع انا وهوي مننزل لنص الدرجه بتفاجأ بأايدو يلي بتكسك اطراف اصابيعي بطلع فيه بيحكي بهدوء
 |
صهيب: لزوم التمثيليه
منكمل لتحت وعيون الكل علينا حتى نور القاعده غصب بتطلع فيني بكره كبير
جدي : اهلا وسهلا بالعرسان نورتو صباحكن سوا
والكل بلش واحد واحد يباركلنا انا وصهيب نرد عليهن بهدوء وابتسامه متصنعه بس حسيت بنظرات امي انو عرفانه كل شي
بقي ماسك ايدي لوصلة للكرسي المخصص لألي سحبو لورا وقلي تفضلي قعدني بعدين قعد بتوقف نور محروره بس بكلمه من جدي بتقعد
غاليه ستي: مبروك ياصهيب عقبال ما نفرح بخلفتكن وكأنو هالكلمات نزلت فوق راس نور وعامر ولبنى متل الصاعقه نزلت دمعه من نور مسحتا بسرعه
غنى: مبروك ياأميرة الماما
شفق: الله يبارك بعمرك ياامي
بعد صمت قصير بوقف صهيب ليطلع على شغلو بس جدي مابيقبل انو يروح قال لانو عريس لازم يبقى معي اليوم
منخلص فطور بطلع انا وامي عالجنينه وبأيدينا فنجين قهوه
ماما: شو ياعروس طمنيني
شفق: بخجل امي نحنا يعني انا وصهيب ما.
ماما: بتفهم فهمت عليكي مامي بس لأيمتى
شفق: مابعرف رح نتركا للأيام
بتجي عمتي سعاد وبتنضم لألنا وبعدا جودي
جودي بضمني :يالله قديه متغيره وحليانه لك صرتي احلى بنت بكل هالفيلا بمزاح*قلبتي من حبة ا
لبطاطا لأصبع بطاطا والكل بيضحك*
بتسمع جودي صوت وراها جودي بنت ناعمه كتير
مضر: كأنو سمعت سيرة البطاطا
بتخجل جودي وبتنزل راسا ؛مضر انا انا مابقصد اتمسخر شفق مابتنزعج مني صح شفق
شفق: هههه شبك انخطف لونك اي انا مابزعل منك اخي جودي كانت عبتمازحنا
مضر بيبتسم على جودي اللي تغير لونا: هههه ماتخافي بنت عمي مارح اكلك هههه
جودي: بتوردو خدودا من كلمه مضر : بتتركن وبتركد لجوا الفيلا
شفق: ههه مضر خجلتا
مضر: اي ماحكينا شي بس على فكرة بتتاكل 😅
سعاد : ههه استحي ياولد😉
منكون قاعدين بتدخل ستي علينا باابتسامه خفيفه ومعها مرت عمي حماتي
ستي: شو هالجمعه الحلوه مجتمعين عند النبي ان شاء الله
غنى : بتقوم لستي وبتقعدا مكانا : تسلمي مرت عمي تفضلي
ستي: شو كل هالحلا ياكنتي كل ماعبتكبري عبتحلي
بترمقا بهية بنظرة غضب
غنى: ههه تسلمي يأامي
ستي: واعز ان شاء الله
بهية: شو كنتي شايفتك هون ليش مو مع زوجك
شفق: مرت عمو حبيت ااقعد بجنينه مع ماما شوي
بهية: اي قومي لعندو جدك خبرني ااقلك تطلعي وماتتركي لانك عروس يابعدي
شفق:( بنظره الامبالاه😒) اي حاضر قايمه
بطلع عالدرج بااتجاه غرفتي اول شي بالترتيب بتجي غرفه صهيب ونور واخر شي غرفتنا انا وماشيه بسمع صوت بكاء من غرفه نور فضولي بخليني اوقف واتسمع عليهن ههه ضره شو نعمل😁
نور: ببكاء صهيب بحبك ياروحي لاتتركني انا خايفه تبعد عني وتنساني
صهيب: بهدوء وحنيه : لاتخافي نور انتي زوجتي من خمس سنين مانسيتك لتجي شفق تنسيني اياكي
نور: 😭بحبك صهيب بحبك بترجاك تسامحني على كل شي بس والله مو بأايدي
صهيب بحب: ههه مجنونه تعالي لحضني تعي بضما وبيمسح على كتفه(ببالو*اوف منكن ياهالنسوان لك قلبي مو قبلان يتقبلك حبيبه) خلص اهدي وبوعدك اذا بقيتي تسمعي كلمتي مارح زعلك مني ابدا
نور: وعد مارح عليي صوتي ابدا بحضورك بس وعدني تبقى تحبني
صهيب: وعد نور وعد
نور: حبيبي ممكن اسألك سؤال خاص شوي
صهيب:نور بعرف شو رح تسأليني بس عيب وهاد شي خاص ومالازم احكي فيه صح يانور
نور: صح حبيبي وانا كمان مابريد تحكي لحدا الشي اللي بيناتنا
صهيب: ببوسا من جبينا يلا ياروحي رح اتركك ترتاحي
نور : اوك الله معك
بيطلع صهيب من الغرفه وبتركد شفق لغرفتا قبل ماينتبه لوجودا
بتمسح نور قناع البراء والحزن ودموع التماسيح بدخلة امها
لبنى: هههه شو بنتي عملتي متل ماقلتلك
نور بخبث: هههههه انا نور ياامي الله لا يخليني اذا رح هنيهن لا والاجدب اقتنع بدموعي هههه
لبنى: ولك اسكتي لا حدا يسمعك
نور: ههههه اه ياماما بحبو بحبو والنار بتاكلني وقت شوفو معها
/عند شفق بالغرفه/
بيدخل صهيب بلاقيها قاعده قدام البيرو
شفق: شو طالبني
صهيب: انا بحياتي ماطلبت من مرا تجي لعندي بس هاد جدي
شغف: اهاا
صهيب: مو حابب ناقشك بشي لهيك لو سمحتي بدي ارتاح ونام تمام
شغف: اي خود راحتك
بيتركني عبفكر بكلامو مع نور(ياترى عنجد بحبا بس مو مبين اووف وانا شو بدي فيهن المهم يبقى بعيد عني)
بيسحبا صهيب نومه للمسا بعدين بفيق بيظبط هندامو بمشط شعراتو وبرش من عطرو الفاخر وقبل ماينزل
شغف: صهيب بتقدر اليوم تنام عند نور اذا مشتقلا
صهيب: وهوي عاطيها ضهرو: انا بقرر مو انتي
شغف: اي عراحتك بس حبيت انك تنام عند نور اليوم حسيت انك مشتقلا
صهيب بيلتفت: اهاا اي وكيف عرفتي اني مشتقلا
شغف: مم مابعرف يعني اكيد وحده زوجا تزوج عليها وعبنام بغرفه غير غرفتا اكيد حتكون مشتاقتلو ومشتقلا
صهيب: اي ريحي حالك ولا تفكري كتير انا نازل بيتركا وبينزل
بتبقى شغف ببيجاما المخصص للنوم وبتنزل لتحت لتتعشا
/عالسفره/
جدي: اسماع ياصهيب بكره بتوصي لشغف على طقم الماس هدية زواجا متلا متل نور
صهيب: تكرم جدي كنت رح اوصي قبل ماتخبرني
جدي: عفارم ياسبع جدك
عامر : بابا لازم كلنا بكره نكون بااجتماع كبير حتى انت معنا لتتأكد من الشغل بنفسك
جدي: مافي داعي ياعامر انا بوثق بولادي وحفيدي
كمال: تسلم ابي ان شاء االله رح نكون قد هالثقه
سعاد: بابا بتسمحلي احكي
جدي: احكي ياسعاد بس شي ينسمع
سعاد: من بعد اذنك انا فكرت باانو صهيب وشغف اتزوجو بلا حفله خطبه او عرس فأاكيد هالزواجه لازم تنعلن لانو بكره اذا حدا سمع رح يستغربو واكيد رح يطالعو حكي بلا طعمه
جدي: قصدك لازم نعمل حفله ونعزم عليها الاصدقاء والاقرباء
سعاد: اي ابي من بعد اذنك
جدي: كلامك صحيح ياسعاد اذن كمال حدد يوم واعزم فيه كل المقربين رح نعمل حفله لشغف وصهيب واطلع بنور وقال والحضور ألزامي
نزلت عيونا نور لأنو مابتقدر تحكي شي
كمال : شو رأيك بعد بكره ابي بلا مانطول
جدي: اذا اتفقنا وبعد بكره مناسب لأني رح اطلع عالمشفى بات فيها لأعمل شويه تحاليل وفحوصات لانو مابحب جو الحفلات
لبنى بغيظ بتنكش بنتا: لترجع طبيعيه من بعد الحكي اللي سمعتو
غنى: تسلم كتير ياعمي الله يرزقك ويشدك بعافيتك
جدي: أي الله يسلمك ياكنة
صهيب ماعجبو الاقتراح وانا عادي مابهمني بالعكس منغير جو
سعاد: معناتا رح نخبر اختي صفيه ورح ننزل عالسوق بكره لزوم نحضر للحفله
جدي: اي لكن واجب تكونو جاهزين انتو عائله صهيب العامري .كمال بتعطيهن كرت مفتوح
كمال: امرك بابا
///////////
تاني يوم بفيق متأخره عند الضهر على صوت ماما
ماما: شفق يالله قومي عنا روحا للسوق انجبلك فستان وشويه اغراض
شفق: بتثاؤؤب ماشي ماما شو وينو صهيب نزل
غنى: ياحبيبي وماحسيتي اذا نزل ولا لأ مابصير هيك ماما بعدين اي نزل شفتو هوي ونور بالجنينه
شفق: اي اريح
غنى: يلا قومي حاجه كسل رح نفطر برا دوبنا نلحق الكل جهز حالو وناطرينك
بتقوم غنى بتلبس فستان طويل صيفي بارد وفضفاض الو شرطه من جنب بتبين رجلا كلا الو زمه عند الخصر بتعمل شعرانا ويفي وبتنزل لتحت هنن وطالعين بينادي عليها صهيب
صهيب: شفق لحظه
شفق: شوفي صهيب
صهيب: خدي هاد الكارت اشتري شو بدك
شفق بتغمغم عيونا: لا مافي داعي جدو عطانا كرت مفتوح😒
صهيب: انا شو حكيت خلي معك دائما وشو بنفسك بتشتري
شفق: اي حاضر بس لا تعصب خليني رايقه🙄
صهيب🤨
بنروح كلياتنا عالسوق بسيارتين منتشتري فساتين وعطورات اكسسسوارات كل شي منحتاجو انا وماما كنا بحزب وضرتي واما بحزب ههه😂😂🤣
/////////_////////
بعد مانخلص منرجع للبيت وكل واحد من طرف العدو مادد بوزو شبرين حماتي وغاليه بنتا اللي شايفه حالا نور وامها ماعدا جودي وعمتي سعاد حتى ملاك انضمت للحزب
/بيوم الحفله/
منفيق كالعاده منفطر مع جدي جدي بيطلع للمشفى وصهيب بكون نايم عند نور بينزل هوي وياها هيه مشنكلتو وكأنو رح يطير هيه طبعا عبتجاكرني نزلو وابتسامتن على وجوهن خصوصي نور
اما انا ماانهزلي ساكن ولا كأنو شفتن
منخلص فطور منلبس ومنطلع على صالون التجميل طبعا انا وجودي اللي اكلت من أما ٩٠ بهدله لانو رايحه معي وماما وعمتي سعاد
مرت عمي وغاليه راحو لصالونن للخاص
نور وملاك ولبنى كمان لصالون تاني
احسن حتى مانتشاكل بهيك يوم
نور: بالصالون: أمي رح خلي الكوافير طالعني انا اليوم العاروس مو هديك السمينه رح خلي صهيب يجن عليي ورح ننفذ خطتنا بس لتخلص الحفله
لبنى: ههه لكن بنتي وانا رح اطلع احلى من نسوان عمك التنتين وخصوصي غنى
ملاك: ولي الله لا يعلق حدا معكن هههههه
الكل ههههههه
_شفق؛ من بعد اذنك حبيبتي عمليلي شعراتي هيك وهيك صارت تشرحلا الموديل ياللي ببالا وهيه اشرفت على تسريحه امها وعمتا وجودي عطتهن موديلات بيناسبو كل وحده وعمرا
شفق : سحبت شعرا كلو لورا مع نفخه خفيفه والباقي من ورا عالفير حطت مشط الماس بااخر الرفعه
امها: سشورت شعراتا القصار واكتفت بحبسه ناعمه عزيق شعرا من الالماس
سعاد: قصة شعرا و صبغتو وعملت تسريحه
جودي عملتو كلو فير وحطت تاج لولو
رجعنا عالبيت كل وحده دخلت لغرفتا تتجهز دخلت معي ماما للغرفه لحتى تجهزني كنت مختاره فستان ذهبي عبيبرق برق فتحت الصدر رقم سبعه واسعه بتبين مفاتن صدري بتوصل لأول البطن من فوق قطع بلاحمالات بس من جناب الفستان في سلسله ذهبيه رفيعه بتحمل الفستان والضهر مكشوف للأخير هوي ديق كتير من فوق بعدين بينزل واسع من تحت بغربول ناعم ونفشه خفيفه
ماما لبست فستان احمر على قد جسما طويل بيحلي دبوس الماس اكابري وزاد ا اللون الابيض جمال مع بياض بشرتا
جودي فستان اخضر مشكوك بخرز قصير لحد الركبه مبنق
ضرتي : لبست فستان ابيض وكأنو هيه العاروس ههه قصير للركبه .
شوي منجهز بتجي عمتي سعاد بتخبرنا انو الكل وصل وصار بحديقة للفيلا وبلشت للحفله
اما صهيب بيتأخر ليجي بكون عندو اجتماع بالشركه ماقدر يأجلو
بتنزل شغف وامها على حديقه اافيلا المزينه وبتبلش نظرات الكره والغيره منا ومن امها بتبلش تسلم عالضيوف وتتعرف والكل بيعرف انو صارت زوجة تانيه لصهيب الكل بيمدح بجمالا ونور الفايره من الغيره امها جنبها وعبتهديها
نور: ليكي امي ليكي لك شوفي هيه وامها تقولي اميرات الحفله
لبنى بضيق: اي والله يخرب بيت جمالن فكرنا حالنا رح نطلع احلى شي
نور: امي فشرت خلي صهيب عندا الليله
لبنى : اهدي بنتي كل شي بوقتو حلو
عطرف
ضياء: ملاكي شو هاد طالعه بتجنني يابنت
ملاك: ههه تسلم حبي بس كانو في ناس خطفت الاضواء
ضياء: معك حق شوفي شفق: طالعه برنسس ااخ شبك
بتضربو بعكس ايدا على خاصرتو
ملاك: يادب عبتتغزل فيها قدامي
ضياء: ههه يسلملي الغيور اي بعدين انت اللي حكيت عنن
ملاك: اي صح بعترف انن بجننو بس هاد مو معناتو تتغزل فيهن قدامي
ضياء: ههههه امرك ملاكي اصلا انتي اسم على مسمى بيحمل ايدا ووببوسا
شفق: امي انا توترت كل الناس عبتطلع عليي لك حاسه حالي رح دوخ
مضر: هههه شبك سدقتي حالك عاروس
شفق"سكوت ياغليظ بها الاثناء بتجي جودي
شفق: اها اجت البرنسس التانيه
بيرفع راسو مضر وبيبقا صافن فيها لحد ماتوصل
جودي: مسا الخير شو شفق ليه هيك وشك احمر شبك
شفق: ولك مو متعوده عالحفلات
مضر: احم احم🙄 نحنو هنا
بتلتفت جودي: اووه مضر اسفه مااانتبهتلك
مضر: بربك كل هالطول ماانتبهتي احكي نكته تتسدق
جودي: شبك مضر قلتلك اسفه مانتبهت بتتركو وبتروح معصبه
مضر: ليكي انعما انعما من فوق مو غلطانه وقال زعلت كمان
شفق: هههههه ولك ياجحش هالبنت حساسه
غنى؛ عيب بنتي شو هالحكي
مضر: امي معا حق قد الجحش وماانتبهتلي 😠
شفق🤣🤣🤣🤣🤣😂
مضر: انتي ضحكي لقلك ووينو عريس الغفله
شفق:شو بغرفني بجوز هرب هههه
غنى؛ ولك بكفي هلق حلن براغيكي يفرطو
شفق: اسفه مام
لحظات قليله وبيدخل صهيب عالحفله باابتسامه مزيفه بيخطف انظار الصبايا بجمالو وهيبتو بكون لابس بنطلون اسود وقميص اسود ديق بيظهر عضلات صدرو وفوقو جاكيت اسود سبور
وقت تشوفو نور دخل بتروح لعندو
نور: اميري طالع بتجنن بس ياحسرتي
صهيب: ههه نور من كل عقلك عبتحكي هيك لك والله جاي غصب عني
نور: جد حبيبي يعني مابتحبا لشفق
صهيب: اميرتي هلق اتركينا من هالحكي وفتلي خليني شوف فستانك
بتبتسم نور بدلع وبتبرم
صهيب: واو لأهيك كتير من يوم يومك ليدي
نور: جد صهيب
صهيب(اووف لك والله من حسرتي واختصار لوجع راسي مضر جاملك) امم برنسس اكيد جد الجد مابدي اياكي تزعلي طالعه احلى وحده بالحفله وهلق خليني روح عيب العالم عبتطلع عليي
نور: اوك بحبك علت راسا وباست خدو
طبعا كانت عيون شفق عبتراقب كل شي للحظه حست بالغيره الليله ليلتا وهوي مع نور
بيوصل بوقف حدا بكل برود
صهيب: مسا الخير ياجماعه بعتذر تأخرت
غنى: عادي ابني خود راحتك
صهيب: في شي شفق
شفق: لأ شو بدو يكون في يعني عادي
صهيب اي لكن تعالي لحظه معي بيمسك ايدي وبيسحبني وراه بوقف بنص الحديقه بيجي شب حامل معو علبه مجوهرات عرفت انو هي هديه صهيب
بيفتح العلبع ووبتكون عقد الماس ناعم كتير وبنصو في حجر كريم مدور على شكل كوكب بيضم الوان كتيره متل لون الشفق وقت بيظهر والاسواره نفس الشي حتى الخاتم بيلبسني اياهن بيرفع ايدو لتبلش الموسيقا بيمد ايدو لألي والايد التانيه ورا ضهرو
صهيب: بتسمحيلي
شفق: بتهز براسا اهم بترفع ايدا لأيدو وبتحط الايد التانيه عكتفو ايدا اللي مسكا كمان بيرفعا لناح صدرو بيضم خصرا بيقربو راسن من بعض بشكل معاكس وببلشو الرقص تحت انظار الكل
£صهيب£
انا وماشي وقت شفتا مابنكر كانت احلى من نور بكتير وانعم واهدا ووقت سلمت عليها حسيتا مزعوجه مني ليش ماعرفت وقت لبستا الطوق انا وعبشكلو شميت ريحة عطرا ورقبتا كأنو كهربا حركة قلبي
¥شفق¥
وقت شفتو عبيفتل نور حسيت حالي غرت كتير
ووقت قرب وشفت هيبتو ومشيتو يالله كان مااحلاه وقلت بقلبي حقك يانور شو ماعملتي وقت قرب عليي ليلبسني الطوق اجا راسي على صدرو شميت ريحة عطرو ممم مااطيب هالريحه واماادفا هالشعور
مضر: بيجي من ورا جودي وبيهمس باادنا، اسف اذا زعلتك
بتلتفت جودي: انا انا اللي اسفه ماانتبهتلك
مضر: مابعرفك خساسه لها الدرجه
جودي: لأ مو هيك بس مو متعوده على هيك حكي يمكن عندك مزح بس انا لأ
مضر: اها وهلق ممكن تسمحيلي بهالرقصه عربون اعتذار
جودي: باابتسامه؛ ممكن
عند نور
نور: امي مابقا اتحمل اكتر ماعاد فيني
لبنى: بتمسكا اصحك يابنت والله بتفضحي حالك قدام هالناس وبعدين بتبيني انك غيرانه ياحوبه
نور:امي حسي فيني رح موت
لبنى: يعني اذا رح تتصرفي بشي غلط لاتنسي تفكري بتهديد جدك
نور؛ اووف جاي عبالي ااقتلو وارتاح
لبنى: لك اخرسي لحدا يسمعك جنيتي انعما طلعي قدامي لشوف
_صهيب: شبك ليش قالبه خلقتك
شغف:مافي شي
صهيب: كذابه
شفق: مابسمحلك ياختيار
صهيب😱 انا ختيار
شفق: اي شعرك مليان شيب ابيض
صهيب: اولا الشيبه هيبه تانيا من الهموم اللي فوق راسي تالتا لابقا تعيديها
شفق: واذا عدتا شو رح تعمل
صهيب :جربي
شفق:ختيار 😏
بيطلع بيلاقي نور دخلت مع اما بقرب من رقبت شفق وبيعضا منها بتصرخ بالم يادوب مسموع
شغف: اه لك شو عملت مجنون
صهيب: قلتلك لا تعيديها ماحبيت احرجك اكتر هاد شي خفيف ولا تقولي مجنون انتبهي لكلماتك بيشد على خسرا لتقرب اكتر عليه
شغف: اه عبتوجعني كتير
صهيب: معليش من شان اضلي منتبهه لكلماتك
شغف بتضربو على صدرو مليت منك اتركني
صهيب: بس انا مبسوط . اي شو عجبتك هديتي
شفق😏 مقبوله
صهيب: لا ولو
شفق: وليش اخترت هالكوكب هاد
صهيب: امم لانو الوانو متل الوان ظهور الشفق يعني ليلبق لأسمك
شفق بااحراج : تسلم ايديك
صهيب: ولو الواجب مدام صهيب
شفق😲
صهيب
وقت ضميتا لصدري اكتر ههه كانت يادوب واصله لصدري مع الكعب في فرق بيناتنا ١٥سنه حسيتا بنتي الصغيره
يتبع
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
تابعوا صفحتي عليها كل الروايات بدون لينكات علشان يوصلكم اشعار فور نزول الروايات من هنا 👇 ❤️ 👇
❤️💙🌺🌹❤️💙🌺🌹❤️💙🌺🌹❤️💙🌹🌺💙❤️
إرسال تعليق