رواية هي طفلتي أم زوجتي الفصل الثالث بقلم ريم حسن حصريه وجديده
بتوصل طيارة صهيب الجد وكمال لمطار لندن بكون مضر بااستقبالن
مضر: ببوس ايد جدو الحمد لله عسلامتك جدي نورت
الجد: هههه ماشاء الله شو كبران ياولد
مضر: يخليلنا ياك يارب وبسسلم على عموو وببوس ايدو كمان
كمال مستغرب: لا ابني استغفر الله
مضر: له ياعمي انت بمقام الوالد الله يرحمو وهاد واجبي بوس ايدك وتنحط الراس
الجد؛ باابتسامه(صاير شقفه عن نديم بس شبه امو)
(نسيت احكيلكن مواصفات اخي شب طويل ونحيف بس مو كتير يعني عصايه طقي😂😂 شعراتو لونن اشقر عيونو خضر لماما مالو دقن بس سكسوكه شقرا اخي بجنن بس مغرور بجمالو كتيربنات بيتقربو منو بس هوي بعاملن كا اصدقاء مو اكتر قلبو حنون كتير ووقت الجد نزق وعصبي الو عضلات راسمين صدرو وكتافو بجماليه كبيره )
مضر: عنك عمي الشنته رح اخدا عالسياره تفضلو بيمشي مضر قدامن بخطوات ليحط الشنتا بالسياره
كمال:بابا شفت احترامو لك ضياء ابن عامر بحياتو ماباس ايدي
جدي:بفخر هههه عجبني هالشب والله وتربايتك منيحه ياغنى.
 |
///ببيتنا//
عند الباب منستقبل جدي وعمي
غنى:اهلين عمي الحمد لله عسلامتكن بتبوس ايد جدي
جدي بيعطها ايدو بتكبر" اي الله يسلمك ياكنه بوسي ايدي بوسي احترامك واجب
امي انخنقت من كلمتو بس ردت بلباقه اكتر لتبين قوتها وثباتا
غنى:ولو ياعمي انتا كبيرنا واجب علينا نحترمك لانك ابو الغالي
جدي: هههه اسلوبك الراقي باانتقاء الكلمات ماتغير بتجاوبي بااصول
شفق: اهلين جدو بتبوس ايدو
جدي وعمي : مين هالبنت
شفق"انا شفق جدي
عمي:صلي عالنبي انتي انتي شفق حبة البطاطا
شفق:هههه اي عمي ماغيرا
عمي:شو صايرلك ياعمي
شفق:عمي محدا بيضل على حالو الكل بيتغير واطلعت ب جدها
بيرمقا جدا بنظرات مخيفه وغير مفهومه وبيحكي بصوت خشن:شو رح تخلونا عالباب
مضر: منعتذر جدو اتفضلو
بيقعدو بغرفه الضيوف
جدي: اييه ياغنى شو صار بموضوعنا كلمه وحده مابدي تنتين
غنى: متل مابدك بصير عمي
جدي باابتسامه نصر ههههه الله يرضى عالكل
ايه ابني مضر اتصللنا بشي شيخ لنكتب الكتاب دق الحديد وهوي حامي
غنى : العفو منك عمي بس استنى لترتاح من سفرتك عالاقل
جدي بحده:شو ياكنه نسيتي طبعي رح يتنفذ كلامي بعدين ووقت بكون مبسوط ورايق بنسى التعب يلااا مضر
مضر بيطلع بشفق: حاضر جدي
بعد شوي بيوصل الشيخ بيكتبو الكتاب غائبا بكون وكيل العاروس مضر والوكيل عن العريس ابوه
جدي : مبروك ياكنتنا الصغيره وهلق صرتو متزوجين رسمي عرس مارح نعمل بتعرفو الاسباب وهلق قايم ارتاح يالله
غنى ؛ مضر وصل جدك على غرفتك ليرتاح
بيروح جدي بيقوم عمي بيقعد جنبي
عمي: بنتي اميرتي رفعي راسك يابنت الغالي والله انتو غالليين على قلبي متل ابوكن وولادي ههه مبروك ياكنتي والله اللي صار غصب عن الكل شوفة عينك
شفق:بتمسح دمعه بطرف عينا الله يسلمك عمي هاد اللي صار وانا استسلمت لها الواقع المر
عمي:ببوس راسي وبضمني بيمسح على ضهري لا تبكي يا غاليه لاتبكي مارح اسمح لكنتي الصغيره تبكي ههه روح عمك
شفق:
وقت ضمني عمي حسيت براحه شميت فيه ريحه ابي ياالله نيال ولادو عمي حنون من جوا بس مابيقدر يظهر حنيتو اما بابا كان مايحسب حساب وحنيتو ظاهره للكل
بيقعدو جدي وعمي تلات ايام
جدي ياكنه لاطولو شهرين مو اكتر لتخلص بنتك وابنك امورن بتنهو كل شي وبتنزلو
غنى: حاضر عمي
ودعنا جدي وعمي اخدن مضر يوصلن
بالطياره
جدي: اسماع ياكمال مابتحكي شي من اللي شفتو ابدا
كمال: حاضر ابي بس ليش
جدي : شفت البنت كيف صايره واذا سمعو النسوان رح يصرعونا ويخربو كل شي ومتل مابتعرف هنن اختاروها لأنها كانت سمينه
كمال:اي صح بابا كيد نسوان
/عند صهيب/
نور ببكاء شديد مبروك ياعريس
صهيب:حلي عني مووناقصك
نور :وليش مو مبسوط حدا بيصحلو يتزوج وبكون عابس ولا لانو مو عاجبتك العاروس
صهيب: نور بكفي بكفي خنقتيني لك ياربي شو اعمل فيكي شو شو
نور؛ههه هاد حبك لألي هاد حاج تعيط عليي بكفي
صهيب: لك نور كرمال الله اسكتي لك بحاول اتقرب منك بس انتي بتبني حواجز كبيره بنقك بجي لأرتاح بغرفتي ومعك بتقلبي قعدتنا نق وبكاء وصراخ
نور: بحبك شو اعمل بغار عليك من نسمه الهوا
صهيب(بصراخ): بكفي بكفي اللي بحب بيريح حبيبو مو بتعبو
نور: خلص صهيب اسفه اسفه كل شي ولازعلك بضمو من ضهرو اخر مرة وعد
صهيب: بضحكة قهر جانبيه هه متل كل مره بعد الخناق اعتذار وياريت يضللي نفس
نور: وعد اخر مره
بيتركا صهيب وبيطلع بينزل لعند ملجأوالوحيد
بينقر عالباب
صهيب: ستي بقدر ادخل
ستو: انت بتدخل من دون اذن.ياستي
صهيب بيفتح الباب وبيدخل بيقعد جنب ستو عالتخت بيرمي راسو بحضنا وهيه بتمسح بشعراتو وبتهديه لانها عرفت انو مهمووم
صهيب:تعبت ياستي تعبت
ستو: الله يريح قلبك ياستي
صهيب؛ مابحبا ياستي مابحبا خمس سنين وماقدرت تكسب قلبي
ستو: ههه اصبر ياستي مابعد الديق الا الفرج
صهيب بحسره: اه ياستي اللي بشوفني ضعيف هيك مابقول هاد صهيب ماحدا غيرك بيفهم عليي حتى امي اللي لازم تكون اقرب وحده هيه ابعد وحده ملتهيه بغيرتا الجنونيه بمرت عمي والتانيه مو انظم لك بتمنى تجي تسألني اذا مبسوط انا ونور بحياتي بحسا شايله مسؤؤليه كونها حمايه لحتى ماتحتد فيهن المشاكل هيه ومرت عمي
ستي: صهيب انت كبير وواعي صار عمرك ٣٥سنه شوف ياابني طلع الشيب بشعرك من كتر التفكير انا واثقه ياستي رح تتغير حياتك بس اصبر
صهيب بضحكه قهر: ههههه اي صح رح تتغير للاأبشع بوجود الضراير الله يسامحك ياجدي.
///////_//////
بيمرقو يوم ورا يووم وتوتري بيزداد ياترى شو مخبيلي الزمن نور بلش دلالاا يزيد واهتماما بصهيب كتر بسبب الغيره ولساماشافت بنت عما بس هيك اسما ضره اجا اليوم الموعود للسفر خبرنا جدي طلعنا بالليل بوقت متأخر ووصلنا وش الصبح كان الكل نايم ومحدا بيخبر برجعتنا الا صهيب وستي وجدي وعمي كمال اول مادخلنا شمينا ريحه ابي الكل صار يبكي اتذكرنا ضحكو حكيو مزحو غضبو وقت كان يحكي مع جدي لملمنا جروحنا ودخلنا استقبلتنا ستي وكالعاده ماسدقت اني انا شفق انا تغيرت ٢٤ درجه نحفت كتير صار وزني ٥٥ من اصل ٩٣ شلت التقويم بعد ماصارو سناني صف لولو عملت عمليات شد للترهلات الناتجه عن التغيير من عدا التمارين الخاصه لشد الجسم ظهرت مفاتن جسمي كلا وعيوني العسيلات بينو بعد ماراحو خدودي وغمازة الدقن هههه محلا
دخلنا انا وامي لغرفتا هيه وابي ماكنت حابب اتركا لوحدا لانو بعرف انو رح تتذكر بابا وتبكي واخي راح لغرفتو السابقه بعدا متل ماهيه
دخلت ماما لغرفتا ومتل ما توقعت انهارت وهيه تبكي وانا هديها هيك لنمنا التنيتن بحضن بعض وماحسينا الا على دقة الباب كانت عمتي سعاد
سعاد: مرت اخي فايقه ممكن ادخل
ماما ببحه من البكاء: اي سعاد اتفضلي
دخلت عمتي وحضنت امي بحب قمت من مكاني اطلعت بعمتي فجأه نقذت
سعاد: مرت اخي مين هالبنت الغريبه سكتت شوي بعدين شهقت لا لاتقولي هي شفق شفق والله شفق
شفق: ههه اي عمتي هاتي ضمه
ضمتني عمتي بفرح كبير هيه حنونه وهاديه متلي مابتحب تزعل حدا انطوائيه لهيك مااتزوجت لقلة الاختلاط خلصنا سلام وبوسات
سعاد: يالله قومو الكل تحت وناطرينكن لنفطر سوا واجت صفيه وملاك كمان
غنى : يلا لنجهز حالنا
سعاد: يلا رح اسبقكن ومضر تحت نزل قبلكن مشيت لناح الباب اطلعت فيني واتنهدت وحكت ههه الله يكون معك يانور وماتصيبك جلطه ثلاثيه يالبنى
اطلعنا انا وامي ببعضنا واضحكنا قمت اخدت دوش سريع هيك متعوده قبل مانام واول مافيق ماما لبست تنوره سودا قصير للركبه وقميص زهر بارد الو ايشارب حول قبة القميص رفعت شعرا بطريقه عصريه تليق بعمرا اكتفت بروج زهر بارد يعني شو مالبست كان يلبقلا لانو لسا جسما رشيق وحلوه وانيقه
اما انا لبست فستان كمان زهر بارد مخنصر من جنب الخصر مبين خصري النحيف وقصير كتير بفتحه خفيفه عند الصدر ولبست كعب ابيض ليبين طولي كنت مغيره لون شعري رفعتو دنب حصان مع غره مقصوصه على مدار جبيني حطيت مكياج خفيف وانزلنا انا وماما ايدينا باايدن بعض وقلبي عمبدق كتير مو خوف بس لحتى شوف ردت فعلن وقت يشوفوني
كنت بتمنى هي اللحظه يكون عندي ١٠٠ عين لأققدر شوف وجوهن واحد واحد وردت فعلن لانو الكل كان يتمسخر عليي
وصلنا انا وماما وعيونا عبتراقب الكل امي حست انو ايدي بردو ضغطت على ايدي لتقويني اتنهدت وكملنا صوت واحدانا وماما
صباح الخير للكل
كانت عيوني عبتراقب صهيب ونور اللي كانو جنب بعض نور رفعه راسا وفتحت تما بعد ماكانت راسمه ابتسامه ملتويه جانبيه اختفت وقت شافتني وشهقت اما صهيب مارفع راسو ابدا الا وقت شهقت نور من جنبو اخد نظره سريعه ليعود يلتفت لنور رجع دار وشو واطلع فيني بثبات وحزم
الكل بنظرات استغراب عمتي صفيه ملاك جودي ضياء غاليه نسوان عمامي بهيه ولبنى الكل رمى الشوك من ايدو اتقدمنا انا وامي قربت لجدي انحنيت بست ايدو ووقفت جنبو وامي نفس الشي قعدت امي مقابيل بهيه وجنب مضر اما انا كنت رح اتحرك لأمشي
جدي:شفق اقعدي بحد زوجك ميلت راسي بحركه استفزازيه لضرتي هههه وبست جدي من خدو مع انو يمكن انا اول وحده بعملا بس ماكنت خايفه
جدي فتح عينو بس ماحكا مابعرف ليش😳😳
شفق: اوك جدو بتأمر مشيت وصلت لحد صهيب جيت لاااقعد حكا جدي
جدي: صهيب شو مارح تسلم على عاروستك
انصدم صهيب من طلب جدي اطلع فيه وقااام وقف بثبات مد ايدو وقال
صهيب:مرحبا شفق
شفق:اهلين صهيب
صهيب:الحمد لله عالسلامه
شفق:الله يسلمك
وقعدنا والكل مربوط لسانو عبطلع بأامي وابتسم وبأاخي اللي غمزني وضحك
/صهيب بيحكي/
ياالهي اول مالمحت وشا رجعت درورت وشي تغبشت الرؤيا عندي رجعت طلعت عليها صدمتني هي هيه شفق كيف وايمتى يالله قديه اتغيرت اطلعت بنور اللي كانت فايره من منظر شفق ابتسمت بسمه شماته فيها لانو هيه اللي اختارتا هيه واما وزادت ابتسامتي لما طلعت بستي وغمزتني يالله شو ارتحت رفعت حاجبا وابتسمت كانو عبتقلي شفت شو خبرتك
جدي: شفق من اليوم بتنامي بغرفة صهيب التانيه انتهى ( انتهى انو مابدو نقاش ابدا)
قام جدي بعد ماخلص ووراه قام صهيب وعمامي
ملاك بشراسه: اي يااهلا وسهلا بحبة البطاطا
شفق بضحكه ممزوجه بجكر: ايييه الله يسلمك بنت العمه
عمتي :شو عامله بحالك يابنت غنى
شفق : ههه بنت غنى تغيرت وصارت اميره
وقت حكيت هيك ضربت نور ايدا بالطاوله وقامت تركض لغرفتا ولحقتا امها
حماتي بهيه😅 ااحمد لله عسلامتك كنتي ومبروك: شفق: الله يسلمك طنط عفوا قصدي مرت عمو باابتسامه 😊
امي وعمتي سعاد وستي ومضر كانو يطلعو فيني ويبتسمو
انا بحياتي ماكنت اتخيل اني ارجع قويه كل هللقد وااقدر احكي ورد بقوه وثبات واحترام لكن جارح تعلمت هااشي من امي عقوله جدي يالبقة
قامت جودي لعندي سلمت عليي وضمتني جودي الوحيده كانت توقف معي وقت يتمسخرو عليي
ضميتا بحب ولهفه واجا ضياء ليسلم وقفت ودرت وشي وامشيت
// بالليل///
دخلت لقوضة صهيب اخدت نظره سريعه كانت كبيره فيها حمام وخزانه ووقسم خاص للملابس وتخت كبير وبيرو عليه عطوررات صهيب وقسم من الساعات والنظارات .
وعلى طرف الغرفه مكان بيشبه المكتب لاكن صغير بيحتوي على طاوله وكرسي واغراض العمل ومكتبه صغيره بتحتوي على كتب ورورايات
دخلت معي الخادمه رتبت اغراضي وطلعت قمت طالعه بيجاما ريشيه ناعمه بشيالات دخلت تحممت واطلعت نشفت شعراتي سشورتن رفعتو بطريقه ملخبطه انا وغبحط اللقطه انكسرت
غنى: اوف هلق وقت تنكسري قمت لمكتب صهيب اخدت قلم وثبتت شعري مليت صرت اتفقد الكتب بلكي بلاقي شي يعجبني وااقراه
(عند نور)
نور: اه اه بتبكي صهيب مارح تروح تنام عندا مارح خليك انت ألي
صهيب: حاج تعيطي مو هاد اللي بدك اياه هيه او غيرا انتي اللي اخترتي هالشي بمساعدت البروفسور امك وجدي
نور: تشهق بس والله غصب عني غصب بعدين ماتوقعتا هيك
صهيب: اها اها قولي كنتي راسمه بمخيلتك البنت السمينه اللي مارح يطلع فيها صهيب لهيك اطمنتي وهلق شو ااه شوو انقلبت اللعبه ضدك
اجا ليمشي مسكتو بسرعه من كم قميصو وشدتو ومن عزم الشده اتشق القميص اطلع فيها صهيب بحده وبغضب قرب منا وضربا كف خلاها توقع بالارض
رجع مسكا وحكا من بين سنانو
صهيب: شوفي وليك انا سكتلك كتيرر وانا مو من طبعي اسكت فهمانه كل مره صبر حالي صبر حالي كرمال عمي وجدي بس انتي اخدتي وش زياده واطرتيني لأول مره اضربك بيجي ليضربا الكف التاني بيندق الباب
صعيب بغضب ؛ ميين
جدو: انا صهيب
بيتركا وبيقوم بيفتح لجدو
صهيب اهلين جدو اتفضل
جدي : بيطلع على نور اللي بالارض وشكلا بيرعب
شوفي سمعت صواتكن بتعلا للمره الاولى بيلتفت على نور ولا شو يانور
صهيب: وقفي بااحترام لجدك قومي
بيبتسم الجد لكلمه صهيب
جدي: شو يانور بلشنا .رح احكي كلمتين الك يوم ولبنت عمك يوم عجبك اهلا وسهلا ماعجبك عادي منطلقك ومنقعدك بالبيت وممنوع الزواج من اي شخص تاني وصوتك مره تانيه مابيعلى بها البيت فهمتي ولو مو عامله شغله غلط وكبيره ماكان ضربك صهيب صح يلا اعتذري لزوجك وهلق
نور: بشهقاات وايدا على خدا . ببعتذر صهيب بعتذر😭😭 لا جدو بترجاك مابدي اترك صهيب
جدي: تمام لكن مابدي مشاكل واصوات نسوان تعلا بها البيت
/بغرفه كمال/
بهيه: لك ليش ماخبرتونا انو بنت غنى متغيره
كمال بحده: وليش ياخانم من شان تخربو هاالزواجه
بهيه: لا لا ياروحي شو نخربا ليش نحنا منسترجي
كمال: هههه ماعبعرفك يامطيعه
بهيه( ممم شي حلوو بدنا نتسلى بخناقات لبنى وبنتا وكنتي التانيه هههه يلا فخار يكسرن كلن)☺
عند شفق
بتختار كتاب وبتقعد لتقرا بيندق الباب نقرتين وبيدخل صهيب وهوي عابس وبيقرب من شفق
صهيب: مسا الخير
شفق بدون ماترفع راسا؛ مسا النور
بينزعج صهيب من تصرفا
صهيب : شو كأنو محدا دخل عليكي محدا معبي عينك يعني
بتترك شفق الكتاب وبتقوم بثقه: مم ولو ياابن عمي وانت صهيب العامري الحفيد نسخه مصغره عن الاصلي بس مطوره😉
صهيب بحده: شوفي يابنت عمي منيح انك بتعرفي طباعي هالمره رح احترم انك ضيفه بس تاني مره انتي شفق تعيديها وخصوصا رد الجوابات
شفق : يعني هلق انا لازم خاف منك واسمع الكلمه
صهيب: لاتخبصي بالحكي حزرتك شفق بعدين رح قول شغله انا مستحيل قرب عليكي واتخذك زوجه تانيه
شفق بغضب: عفواً لحظه لحظه حدا قلك اني قاتله حالي بعدين ليك شوف الكنبه جهزتها لحتى نام عليها
صهيب: ايه رحيتيني من الحكي الزائد رح اعتبرك مو موجوده بغرفتي وأياكي ثم أياكي تمد ايدك على شغله من خصوصياتي
طلعة عالكتاب اللي بأيدها؛ ههه قصدك الكتاب اي عفوا منعتذر سيد صهيب واووو بعدين شو هالحب والاخلاص للست نور
صهيب بيشد على قبضة ايدو: شفق لاتدخلي بخصوصياتي فهمانه بتمنى انك تكوني عبتفهمي عليي مع اني بشك🤨
وهلق بتقدري ترتاحي بالتخت انا مارح نام واذا حسيت حالي بدي اغفى بنام عالكنبه عيب عليي نام عالتخت وفي بنت بغؤفتي
شفق بتتكتف: اه اي كتر خيرك ياشهم
بيتركا صهيب مع زوره ناريه بياخد بيجامتو وبيدخل للحمام
يتبع
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
تابعوا صفحتي عليها كل الروايات بدون لينكات علشان يوصلكم اشعار فور نزول الروايات من هنا 👇 ❤️ 👇
❤️💙🌺🌹❤️💙🌺🌹❤️💙🌺🌹❤️💙🌹🌺💙❤️
تعليقات
إرسال تعليق