رواية هي طفلتي أم زوجتي الفصل الاول بقلم ريم حسن حصريه وجديده
شفق اسمي شفق أبي وأمي سموني هيك لانو كانت ولادتي وقت ظهور الشفق رح عرفكن عن حالي( عمري ١٧ سنه دبه مدعبله خدودي منفوخين كتير لدرجه مغطيين على عيوني اللوزيات لون عيوني عسلي شهل رموشي كثيفه بشرتي حنطيه شعري اسود ناعم حريري بيصل لكتافي و اكتر شوي سناني مفشكله حاطه تقويم ماني طويله وسط بس بحس حالي قزومه😅 عايشه مع ماما واخي امي عمرا ٣٨سنه تزوجت بعمر ١٧ سنه لأنو كانت حلوه كتير امي شقرا اخي مضر طالعلا بس انا طالعه لأبي مضر عمرو ٢١ سنه عبيدرس دكتورا وانا بس ادخل جامعه حابه ادرس هندسه
غنى ام شفق: ياحبة البطاطا وين صرتي شو صار معك رح تتأخري عالنادي يلا وعندك درس موسيقا وفي مراجعه للدكتور خلصيني
مضر:ههههه امي وكيف رح تلحق لكل هدول اي السلحفه اسرع منا
(ههه متل ماشفتو لانو سمينه وبشرتي حنطيه بينادوني حبه البطاطا نحنا ساكنين بلندن بابا اخدنا وطلع ليتعالج لانو معو القلب بابا عمرو ٤٥ سنه اتوفى تحت ايدين الدكاتره بالعمليه عشنا ابشع لحظات حياتنا وقت بابا اتوفى نحنا مو بس طلعنا كرمال بابا طلعنا لنهرب من عيشه بيت جدي وكرهن اللي مالو حدود وخصوصي انا كنت مأيده هالروحه كتير لأنو كانو يجرحوني بالحكي والمسخره انا بطبعي هادئه مسالمه وقت حدا يزعجني مابعرف رد عليه )
 |
بقينا قاعدين بلندن تلات سنين سجلت هندسه كنا سهرانين انا وماما واخي بيرن تلفون ماما وبترد
غنى :الو اهلين عمي الحمد لله الولاد بخير لا لا شو ماعاد اتحكى اعوذ بالله مابطلع عن شورك ابدا (فجأءه ماما قالت شو مستحيل بعدين الولاد عندن دراسه لا عمي لا حاضر حاضر مع السلامه
شفق:شو امي شو بدو هاد كمان
مضر:امي ليش تغير لونك شبك
غنى؛ قال جدكن لازم نرجع عالبلد وفورا هيك حكا
شفق:مستحيل اني ارجع مستحيل
غنى:بنتي بتعرفي جدك وعصبيتو وهوي قادر يجيبنا عالبلد خطف ومابيغلب بعدين هددني اذا مارجعنا مارح ناخد شي من ورتت ابوكن
مضر :اي امي وليش زعلانه وبلاها هالورته نحنا مابدنت شي
غنى:ابني شو انت نسيان من وين مصاريف دراستك انت واختك ولا النوادي اللي مسجلين فيهن كلو من مال جدك وابوك
واذا بيوم قطع المصروف علينا من وين بدنا نعيش
مضر:امي انا ماعدت صغير صار عمري ٢٤ سنه قادر افتح بيت رح اشتغل بشهادتي واصرف عليكن
غنى:هاد حكي بيرضيك ياامي صحيح انك دكتور بس لسا في قدامك مشوار كبير ولا تنسى الدبلوم والاختصاص
شفق:شو يعني هلق
وقت حكيت اطلعت فيني امي نظره وكأنها محموسه نزلت منها دمعه محروقه
شفق:فيكي شي ماما خلص ماتزعلي انا مستعده انزل ولا شوف دمعتك
غنى(بقلبا*اخ ياامي لو تعرفي شو مستنيكي) لا ماما مافي شي اتذكرت ابوكن
مضر: خلص امي كل شي ولا زعلك بعدين معك حق انتي
غنى:ياابني بتعرف انو جدك من اغنى اغناء البلد وانا مابقبل بعد ماكبرتو صرتو شباب انكن تنحرمو من ميراث ابوكن اللي بيقدر بملايين هاد حقكن ياولاد
شفق:،معك حق امي هاد حقنا ولازم ناخدو
غنى :هلق قومو ارتاحو بقوضكن لنفكر شو رح نعمل
*غنى*
ياربي كيف بدي خبرن بالمصيبه الكبيره والله اذا مااتزوجت شغف رح ينحرمو من الورته ومن عدا هيك عمي وبعرفو والله ليجيبنا شحط بعد قتل وبهادل
*مضر*
مابعرف حاسس امي مخبي شي رح قوم احكي معا
*شفق*
ياربي انا ماسدقت استقر وتتحسن نفسيتي هلق بدي ارجع لهنيك وانا مو طايقه حدا فيهن ليش هيك ياربي اخدت منا بابا وهلق رح نرجع للعذاب والبهادل والروتين والنظام شي بيقرف النفس مم يالله رح اصبر كرمال ماما وبعدين جدي ومنعرفو طبعو صعب وكلمتو رح تتنفذ وخلقا بيكرهنا وانا مو مستعده يغضب على ماما اكتر خلقه بيكرها
(جدو بيكره امي لانو بابا كان يحبا كتير ومايسمع لكلامو دايما وينصاع لرغباتو وراحتو هوي وامي كان الاغلبيه بيكرهو امي متل عمتي ونسوان عمامي تنين بيغارو منها لانو احلى منهن واخر شي اخدنا وسافر ومارد عليه وزاد كره جدي لماما وقت مات ابي واتهما انو هيه السبب من كتر ماكنت تنق عليه وانو هيه غايتها السفر مو علاج بابا
بيدق الباب مضر على غرفه امو
غنى:مين
مضر :انا ماما بقدر ادخل
غنى:بتمسح دموعا بسرعه فوت ابني فوت
مضر:بيطلع باأمو باأستغراب وبيمشي خطوات سريعه لعندا.ماما ليش عبتبكي في شي احكيلي
غنى:ماقدرت تخبي شهقاتا ودموعا ضمه مضر وصارت تبكي بزياده
مضر:امي كرمالي اهدي شبك اول مره بشوفك بها الحاله جدي قلك شي زعجك
غنى :بتمسح دموعا وبتهدي حالها شوي . ابني انت الكبير والواعي لهيك بدي اياك توقف معي مو ضدي
مضر:أمي شو عبتحكي انا معك للموت انتي امي ودمعتك غاليه عندي
غنى: تسلم ياروحي لهيك رح احكيلك شو بدو جدك
مضر:والله قلبي كان حاسسني في شي غير اللي حكيتي
غنى:ابني جدك طالع لهون بعد تلات ايام
مضر:ايه اهلا وسهلا بس ليش
غنى :ابني جدك جدك طلب مني طلب صعب بس مطررين نوافق غصب عننا
مضر:شو هوي هالطلب
غنى: قال لازم اقنع شفق تتزوج صهيب ابن عمك
مضر:شووووووو😱
////////_/////////
رح عرفكن على عيلة بيت جدي
صهيب العامري ابو كمال عندو تلات ولاد وبنتين عمامي وعماتي عمي الكبير كمال والوسط ابي نديم والصغير عامر وعماتي الكبيره اكبر من ابي بالترتيب اسمها صفيه والصغيره اخر العنقود سعاد
عمي *كمال* عندو بنتين وصبي غاليه على اسم ستي وجودي وصهيب
بابا :عندو انا شفق ومضر
عمي* عامر* عندو بنت وصبي ضياء ونور
عمتي صفيه :عندا بنت اسمها ملاك
وسعاد مو متزوجه بس عمرا كبير
جدي صهيب العامري رجل صلب كتير صارم بقرارتو كلمتو رح تتنفذ ولو كلفو التمن حياة اللي بعاندو ستي غاليه بعكسو تماما بتحمل قلب كبير وحنون كتير اتعودت على جدي واتحملت طباعو لانو كان عندا قلب كبير وبيسع الكل
/ ببيت جدي/
مرت عمي عامر لبنى: والله ياعامر انا مو متحمله شوف بنتي عبتتدبل قدامي هيك
عامر :خلصنا لبنى ابي قرر وبتعرفي ماحدا بيقدر يعارض كلمتو وانتو اخترتو بنت اخي نديم شو اعمل يعني
لبنى: اوف يابنتي شو هالحظ اللي ألك
عامر: خلصنا بيكفي شو نعمل ابي بدو يشوف خلفه صهيب وبنتك صرلا متزوجه خمس سنين ولهلق ماحملت
لبنى " يالله شو رح نعمل المهم البنت منعرفا بشعه ومحدا بحبا لانو متل حبه البطاطا والكل كان يتمسخر عليها حتى صهيب ماكان يحاكيها
عامر : اوف من كيد النسوان
لبنى:لك بكرها بكرها لها المرا ومن شان تكمل رح تصير بنتا ضرة لبنتي
بالصالون تحت"
جدي :شو ياكمال شو صار معك اقتنع صهيب
كمال: والله يابابا صهيب وبتعرفو هوي عنيد كتير ومابيتحكا حكيت معو مع اول كلمتين ترك البيت وطلع
جدي: مو بكيفو رح يتزوح يابنت عمو او غيرا
بهيه مرت كمال: ياعمي حاج نضغط على هالولد اخر شي رح يهج اول شي جبرناه ببنت عمو وهلق بزواجه تانيه
جدي: اسكتي ياكنه وقت بتحكي الكبار الصغار بيسكتو
بهيه:امرك عمي
(صهيب متزوج من نور قبل مانطلع على لندن بتذكر كان عمري ١٥ سنه وقت تزوج نور اكبر مني بتلات سنين يعني انا هلق ٢٠ هيه ٢٣ رح تسألو كيف اكبر مني وابي اكبر من ابوها ابي من كتر ماحب امي وعشقا وبيت جدي عارضو كتير بقي فتره مايحكي معهن كوسيله ضغط وعمي اتزوج قبل ابي لهيك ولادو اكبر مننا
اما صهيب(عمرو تلتين سنه اي لا تستغربو هوي اول حفيد لها العائله الكبيره هلق ملامحو ماني متذكرتا لانو اكيد تغير بها التلات سنين بس بتذكر كان اسمراني بشعر اسود غزير وناعم ودقن مليانه وسودا بالمختصر بيشبه جبل شيخ الجبل😁
اتزوج من نور من خمس سنين ولهلق ماصار عندو ولاد منا هوي اخدا بالضغط والغصب من جدو من ناح بنت عمو ومن ناح بحب جدو كتير ومابيرفضلو طلب هوي متل جدو حاد الطباع ومابيتحكا كلمه لسا اكتر من جدو
/بلندن/
مضر: أمي كرمال الله فهميني لك كيف وصهيب متزوج
غنى: بعرف يأامي بعرف بس شو اعمل انا جدك قال بها التلات ايام رح يجي يكتب كتابه واول ماتخلص فصل الدراسه لازم ننزل وبالغصب
مضر: ياربي طيب كيف وليش ونور شو موقفا عمي عامر شو حكا
غنى: قال انو نور مابتجيب ولاد وبدن شفق لانو جدك مابجيب غريبه للبيت
قال مارح يعيد غلطت ابوك لانو انا غريبه والكل بيكرهني نسوان عمامك من قرايبين العيله
مضر ؛ والحل واذا ماوافقنا او انزلنا
غنى : للأسف جدك هددني اول شي بتنحرمو من الورثه وتاني شي بيوقف مصاري دراستكن ووجدك من كتر مو ايدو طايله قادر يوقفكن اذا حاولتو تشتغلو وعدا هيك قلي رح جيبكن بالقتل اذا اطر الامر انا عمك وبتعرفيني😔
مضر: اي امي شو هلق
غنى : مطريين نخبر شفق ونرضخ للأمر الواقع ياابني جدك مو سهل بالمره
مضر 😔
&بغرفه شفق&
شفق:(بعصبيه) لك شو عبتحكو انتو مستحيل ماما مستحيل بنتحر ولا بتزوج صهيب
غنى: ليش لك امي ليش طولي بالك لنحكي
شفق:مارح احكي بشي وانا كنت ناويه انزل بس هلق لأ
مضر: اختي مابصير هيك طولي بالك لنفهمك (وحكولا كلشي)
شفق: بس هوي كبير اكبر مني بعشر سنين
غنى: والله يابنتي انا تعبت تعبت كتير تعبت مع بيت جدك وابوكي بمرضو وهلق رح اتعب معكن غير الاهانه من جدك وتسميع الحكي على هدول اخر تربايتك ياغنى من غير شي بيكرهوني وبدن تصرف غلط منكن ليهتوني
شفق😔
غنى : بنتي انا مارح اضغط اكتر وااقنعك غصب عنك هي جدك ةبتعرفيه انا بستسلم لأي قرار رح تاخدي ورح كون معك فكري منيح
_طلعو مضر وغنى وتركو شفق لحالا بغرفتا مصدومه بأافكارا اللي داخله بصراع متين
ذكرياااااااااااات
يتبع
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
تابعوا صفحتي عليها كل الروايات بدون لينكات علشان يوصلكم اشعار فور نزول الروايات من هنا 👇 ❤️ 👇
❤️💙🌺🌹❤️💙🌺🌹❤️💙🌺🌹❤️💙🌹🌺💙❤️
تعليقات
إرسال تعليق