رواية حين تقع في الحب الجزء الثالث البارت التاسع عشر والعشرين بقلم الكاتبه ندي علي حبيب حصريه وجديده
حوالي الساعه 2 ونص الفجر رجع الشباب وكل واحد طلع علي شقته
في شقة غسان
نور كانت لبسة قميص بنفسجي وروب عليه ونايمه علي الكنبه اللي في الصاله غسان دخل البيت ولقي منظرها كدا ابتسم عليها وحط الاكياس علي السفره وراح عندها قعد علي ركبته
غسان بهمس :نورر بت
نور بنوم :اممم
غسان :قومي نامي جوا يا روحي
نور بنوم :بس انا مستنياك علشان نسهر سوا
غسان بحب :انتي شكلك تعبان وعوزه تنامي ادخلي نامي ونسهر في اي يوم تاني وباس راسها
نور :طيب تكسب فيااا ثواب لو دخلتي جوا
غسان ابتسم وقرب منها وشالها :يارب نخس
نور نامت علي صدره وايدها حولين رقابته :انت وحشتني اوووي
غسان ببتسامه :انتي اكتر والله بس انا عامل انك نايمه علي نفسك وعاوز رحتك ونيمها علي السرير
نور بحب :طيب تعالي نام جنبي عوزه انام في حضنك
غسان رفع حاجبه :انتي عوزه تنامي ولا لاء
نور هزت راسها ب لاء
غسان بخبث:مش تقولي كدا
حبيبه عيطت
غسان بغضب :انا لازم اهدي دي بنتي مش عسكري في الجيش
نور :عين العقل اللي انت قولته دا سيبني بقااا اقوم اشوفها
غسان باسها برقه :قومي شوفي قدري بتعيط ليه انا قولت مش عاوز اخلف الدنيا كلها قالت ليه ودا النتيجه بقاااا
نور شالت حبيبه وفضلت تمشي بيها
بعد ساعه
نور قاعده علي السرير وغسان ماشي بحبيبه بينيمها بزهق
غسان بغضب :يارب الصبر نامي يا حببتي نامي يا بابا نامي يلا علشان انا كرهت حياتي
نور بنوم :غسان انا هنام مش قادره تصبح علي خير
غسان بص لنور بغضب :خدي يا ماما هنا بنتك اهي نيمها صاحيها قعدها اللي انتي عوزاه اعمليه انا داخل اتشطف وانام هو يوم اسود وباين من اوله وسبها ودخل الحمام
نور شالت حبيبه :هو بزعق ليه هو انا يعني اللي صحيتك لا اله الا الله ياربي نامي يا بنتي نامي
***************
في شقة نسمه
قاسم قاعد قدام باب الحمام ونسمه جوا بترجع
قاسم ماسك فوطه وهيموت وينام :هاااا خالصتي يا نسمه
نسمه طلعت متعرقه وهبطانه :قوووم بسرعه امسكني
قاسم قام ومسك ايدها وايد اشتالت بطنها وركنت علي كتف قاسم براحه :تعالي اهدي خاالص واسترخي وانا جنبك اهو
نسمه بعياط :حسه ان هولد بطني تقيله انا حسه ان في قالب طوب في بطني
قاسم بضحك :قالب طوب بحاله بس متخافيش يا قمري انا معاكي اهو
نسمه بتعب :بقولك ايه انا هعد علي السرير وانت اوفع رجلي عليه علشان مش قادره
قاسم :حاضر ونسمه قعدت وهو رفع رجلها وغطاها
نسمه :لالالا شيل الغطي دا
قاسم شاله :كدا خلو ادخل انام بقااا
نسمه :لاء روح هات اشرب الاول هموت من العطش
قاسم :حاضر وراح علي المطبخ جاب كوباية مايه وراح ليها اسربي يا روحي
نسمه شربت وحطت الكوبايه جنبها بدموع :قاسم بنت الكلب مش راضيه تسكت بيرفص في بطني
قاسم :حصل هي بنت كلب معلش يا حبي استحملي شويه
نسمه بعياط :مش راضيه تسكت برضو هو انا كدا هولد بقااا
قاسم مسك ايدها وقعد جنبها :انتي حسه بإيه
نسمه بعياط:انا حاسه بحاجه نزله كدا ومش عرفه امشي وبطني بيجي فيها غزه جمده اوووي
قلسم بص ليها بتوتر :طيب اهدي خالص ومتتوتريش تمم
نسمه الوجع كل شويه بيزيد كل شويه بيزيد وهي بدأت تصرخ بقوه
قاسم جاب عبايه وحطها علي جسمها البيت كله اتلم علي صراخها
نفين :فس ايه يا ولاد خير اللهم ما اجعله خير
قاسم بخوف :نسمه بتولد لازم نروح المستشفي بسرعه
غسان :طيب اهدي متقلقش محمد تعالي بسرعه انزل شغل العربيه علي ما اجيب المخفظه بتاعتي واجي
محمد :طيب تمام يلا
نور دخلت لنسمه وبتسمح شعرها وعرقها هي ونورهان
نور :بس اهدي كل حاجه هتتحل بس اهدي انتي خدي نفس
نسمه بصريخ :مش قادره يا بنااااات مش قااادره حسه بروحي بتطلع
نور افتكرت ولادتها وعيطت علي نسمه :بس يا روحي خلاص يلا هتمشي اهو
وقاسم اشتال نسمه وطلع علي برا وهي نزله عض في كتفه وهو مش حاسس كل همه ينقذها وينقذ بنته ونزل بيها علي العربيه وغسان نزل جري باترنج اللي لبسه وركب عربيته وجنبه امه وورا نسمه وقاسم ومشي علي المستشفي بسرعه
نسمه بصريخ :يا ماااااااماااااا مش قادره همووووت حد يشيلها من بطني بقاااااا
قاسم :هنشيلها والله بس اهدي انتي علشان قلبك يا نسمه
غسان :بقولكم ايه احنا نطلع علي الخاص علطول وهمشي علي بنزين 180 علشان انضف وأمن
قاسم :خاص خاص بس بسرعه
**************
في منزل منير الالفي
نور بعياط :اتبهدلت في ولادة حبيبه اووي يا نورهان كنت بشوف الموت كدا
نورهان :عرفه والله انا علشان ولدت كيسري مش حسه بس مقدره الوجع ربنا يقومها بسلامه يارب
عاصي بحزن :ماما
نور مسحت دموعها وبصت ليه :نعم يا حبيبي
عاصي بخوف :احضنيني
نور حضنته وقعدته علي وجليها وبتلعب في شعره :اسر تعالي يا روحي نام علي رجلي هنا
اسر بحزن :لاء انا هستني نسمه ترجع علشان اسوف اختي
نورهان قامت شالته بحب :ونسمه هترجع وتبقي احسن من الاول بس احنا لازم يكون عندنا صبر وندعي ليها ان ربنا يقومها بسلامه
نورهان ونور قعدو والولاد علي رجلهم وفرحه وحبيبه نيمين الوقت كان في حدود اذان الفجر
**************
في المستشفي
دخلت نسمه علي قسم الولاده علي التورلي وهي بتصوت بصوت عالي ومنع الدكاتره دخول حد معاها
قاسم قعد علي كرسي وحط راسه بين ايده :يارب طلعها ليا بسلامه يارب
غسان :ولااا انت بتعمل كدا ليه دي هتكون احسن من الاول هي ولا مراتي اللي ولدت في البيت وانحملت كل الطلق لوحدها اجمد كدا
محمد بمرح :مش كفايه مطلعنا بابجامات وشباشب الحمام دي
عمر :ومش شايف شكلي بنف واتف وزوري مكتوم ازاي
قاسم :خلاص يا حدعان انتو هتشحتو
ضحك الاكل عليه وفي قلبهم قلق علي نسمه والكل بيدعي تقوم بسلامه
مر ساعه وكأنها قرن علي الجميع كل دقيقه يحمدو ربنا انها عدت واخيراً طلعت الممرضه ببنوته زي القمر
الممرضه :مشاء الله تبارك الله فيها زي القمر اللي اخرنا في الولاده ان حجم الطفله زياده شويه بس الحمدالله بخير
قاسم :ومراتي اخبارها ايه
الممرضه:الام بخير نص ساعه وهتكون في غرفة خاصه حالاً
قاسم اشتال الطفله :مشاء الله الشوكلاته جابت فايده وزنها تقيل وحلو
غسان :تتربي في عزك يا حبيب اخوك يا رب
محمد :حببت عمها دي ربنا يحميها يارب
عمر :نفسي احي اشيالها بس عياااان
نفين :هنسميها ايه بقاااا
قاسم ببتسامه:زهره انشاء الله
منير :مبروك يا ابو زهره تتربي في عزك يا حبيبي
قاسم :حبيبي يا حج الله يبارك في عمرك
وبعد وقت طلعت نسمه واتنقلت غرفه خاصه وغسان اتصل بنور عرفها ان نسمه ولدت والكل فرح اوووي والولاد بقو فرحانين اوووي بأختهم الجديده
***************
نور بفرحه :والله يا ماما ولدت بنوته زي القمر اسمها زهره
سكينه بقلق :ونسمه عمله ايه فآت ولا لاء
نور :نسمه زي الفل
سكينه :الساعه 11 الضهر هكون عندكم
نور :حاضر يا ماما وقفلت
نورهان بذهول :ربنا يحميها يارب ويخليها لينا يارب وخمسه وخميسه في عيني تخيلي وزنها كام
نور بستغراب :بعد كميه الكلام اللي قولتيه دا اديها 5 كيلو
نورهان :تؤ 10 كيلو
نور بصت ليها بصدمه :كدابه وهزت راسها اسكتي ربنا يحميها يارب
نورهان بضحك :يارب
نور بضحك:نورهان غسان جوزي ولا طيقني ولا طايق حبيبه بنتي دلوقتي
نورهان بضحك :يا ساتر ليه كدا عملتو في الراجل ايه
نور:كل ما نيجي ونقول يا هادي العيال كلها تصحي وتجوع وكل حاجه وحبيبه بنتي بقااا بتحس بيا كنت هموت وانام النهارده صحت بقااا وفضلت تعيط وغسان لولا بيحبها كان رماها في الشارع النهارده
نورهان اللي فطسانه ضحك :يا نهاااااار اسود عليكو الحق الله يكون في عونه طول اليوم في الشغل ويرجع بدل ما يلاقي مراته بيلاقي حبيبه بنته
نور بضحك :حصل وبصت في فونها الساعه 7 الصبح اهو قومي نعمل فطار وناكل علشان العيال
نورهان :قومي يلا
وعملو فطار وفطرو وحبيبه وفرحه صحو وفضلو قاعدين مستنين نسمه
*************
في المستشفي
نسمه مش قادره ترفع رجليها خالص
الدكتوره :انتي ممكن متقدريش تمشي علي وجلك فتره علشان الجرح كبير بس متقلقيش البنج زياده علشان متخسيش بوجع والحقن دي هتمشي عليها اسبوع والف مبروك ربنا يبارك فيه
نسمه بتعب :الله يبارك فيكي يارب وبصت عليها وعلي حجمها وابتسمت
قاسم قعد جنبها بهمس :بطة زي امها
نسمه بتعب وابتسامه :مشاء الله وزنها جميل بس انا هروح امتي
قاسم :النهار يطلع واخدك ونروح بس نامي شويه بقاا
نسمه غمضت عينها وهزت راسها ونامت ونفين جنبها
قاسم :امه انا هطلع للرجاله برا
نفين :روح يا حبيبي انا معاها اهو
قاسم طلع ليهم
قاسم :شباب انتو كدا ملكوش لازمه هنا يلا مع السلامه
التلاته بصو لبعض
غسان هرش في رقابته :تف عليا لو مشيت مع حد فيكم تاني المهم مراتك كويسه
قاسم بضحك :بخير بس انتو لازم تروحو البنات لوحدهم في البيت
عمر :انا اصلا مش قادر اقف فا همشي
غسان :وانا عايز انام اذن يلا نروح احنا
مشو الشباب مع بعض علي البيت
*************
:شوفي شكل الضلمه دا انا حابه علشان سامع صوتك فيه بس حاسس بيكي حوليا دا مخليني سعيد
:انا موافقه اتجوزك
حين تقع في الحب 3
البارت العشرون
الكاتبه /ندي علي حبيب
ادهم من الصدمه والفرحه مش عارف يرد :انتي بتقولي ايه موافقه تتجوزيني بجد
ياسمين رفعت عينها ليه :ايوا موافقه اتجوزك بس تطلعني من هنا
ادهم من الفرحه قرب منها وباسها من شفايفها بقوه وياسمين قرفانه منه بقوه :انا مش مصدق نفسي اخيراً هتكوني ليا
ياسمين :انا وفقت علي الجواز بشرط انك تطلعني من هنا النهارده
ادهم بفرحه :هطلعك وحياتك في قلبي هطلعك
ياسمين في نفسها :اطلع من هنا واخلص منه الاول وبعد كدا اهرب الموت اهون من العيشه معاه
ادهم بيبص ليها بعينه الزيتوني ومش مصدق وبقول في نفسه :هعيشك اجمل ايام عمرك هخليكي ملكة علي العالم
************
الساعه 11 الضهر وصلت سكينه علي بيت منير الالفي ونور ونورهان مش مصدقين عينيهم انهم اخيرا شافو امهم
نورهان :وحشتينا يا سوسو
سكينه :اوعي يابت بقااا فين البت نسمه عوزه اشوفها بس الاول اشوف احفادي
اسر وعاصي جيرو عليها بحب وسلمت عليهم وعرفت ان نسمه لسه مرجعتش قعدت مع البنات تتكلم معاهم وتشوف اخبارهم
غسان من شقته :نوررررر
نور :نعم يا غسان
غسان :اطلعي كدا
سكينه :قومي اطلعي لجوزك شوفي عاوز ايه
نور استأذنت وطلعت
*****************
في شقة غسان
نور دخلت وقفلت الباب
نور :غسان نعم بتنادي ليه
غسان قرب منها ورجع شعرها لورا وباس رقبتها :مفيش مراتي وحشاني ايه عيب
نور رجعت ورا :ايوا ياروحي عيب علشان ماما تحت ولازم انزل ليها
غسان غمض عينه وبص ليها :ماما مين سوسو
نور :بالظبط كدت
غسان رفع حاجب :هو انا ربنا غضبان عليا حد داعي عليا اللهي متستغرض بمراتك يا بعيد قوليلي بس
نور ضحكت عليه :انا ذنبي ايه المهم يلا البس وتعالي علشان تسلم عليها
غسان بغيظ:انزلي وانا جي وراكي وقبل ما تنزلي غيري القميص دا ومش عاوز اشوفك خارجه بيه برا باب الشقه والكلام انتهي يلا
نور بتبص علي جسمها :ماله القميص يا غسان ما هو حلو اهو
غسان بص ليها بغضب :انتي سمعتي انا قولت ايه صح
نور بغيظ:ايواا
غسان بغضب :يبقي ايه لازمة المناقشات اللي في الاخر كلامي هو اللي هيمشي في نهايتها تدخلي تقلعي القميص دا وتلبسي واخد واسع وتلمي شعرك انا مش **** علشان مراتي تمشي قدام اخواتي بلبس زي دا اخلصي
نور بغيظ دخلت الاوضه تطلع اسدال :حلو دا
غسان :فل الفل والبسيه واعدلي الطرحه ومش عاوز اشوف شعرايه طالعه احنا مش هنعمل عرض
نور قلعت القميص ولبست الاسدال وغسان لبس ترنج بيتي وحط برفان خفيف
غسان :يلا ننزل
نور :يلا وغسان نزل قدامها ونور نزلت وراه
غسان :انا بقول البيت منور ليه اتاري الغاليه هنا وراح باس ايدها وراسها
سكينه بحب :منحرمش من كلامك الجميل دا ابدا البيت منور بصحابه اعد يا حبيبي اعد قولي البت دي مزعلاك في حاجه
غسان بضحك :تزعلني ازاي وانا في حمايتك بقااا
سكينه بضحك :ربنا ما يجيب زعل ابدا
غسان :امين يارب نور اعملي شاي ليا شاي وشوفي امي هتشرب ايه
سكينه :شاي برضو بس اقلعي الطرحه دي هو مين اللي هنا دا جوزك
غسان :لالا خليها لبساها هنا محمد صحبي وعمر ورجاله برضو يا امي وانا مسمحش ليها تمشي كدا مش عملها عرض انا
سكينه ابتسمت :ربنا يكملك بعقلك يا بني لاء مينفعش تعد قدامهم قلعه هما رجاله برضو
غسان :انا قولت ليها فوق انشالله تقلعي انما تحت حشمه واحترام مبحبش انا شغل النسو*ان دا
سكينه :ايوا فوق اهي في شقتها تعمل اللي تعمله هي حره محدش شايفها غيرك وانت حوزها حلالها
غسان اخد حبيبه من علي رجل سكينه :وحببت بابا كدا قاعده بتسمع انا بقول ايه وباس خدها وبلغب في بطنها وهي تضحك اومال فين عاصي
سكينه :مش عرفه باين نورهان اخدته هو واسر تأكلهم جوا المهم الا جدتك نور كانت بتقول جايا مجتش ولا ايه
غسان :ايوا كانت جايا الاسبوع اللي فات تعد فتره معانا ورجعت قالت انا مش هقدر اجي من الصعيد لهنا هبقي اجي في وقت تاني
سكينه :ايوااا مشوار برضو
نور :الشاي يا جماعه غسان اخد كوبايه وسكينه كوبايه
نور :هات حبيبه ارضعها زمانها جاعت اخدت حبيبه وقعدت جنب غسان ورضعت حبيبه البت دي جابت اجلي بترضع كتير بتسحب الاكسجين اللي في جسمي كله
غسان بخبث:لاء واحنا محتاجين الاكسجين دا اجمدي كدا علشان الباقي
نور بغيظ:الوحده بتكون بتولد وخلاص هتموت وتقول عمري ما هعملها واحمل تاني وفتره وتحمل انت لو بتولد مش هتقولي كدا
غسان بضحك :انا عارف وجبي ومجهودي وبعمله
نور خجلت جدا وضربته في كتفه وسكينه اتفتحت في الضحك
سكينه :ربنا يخليكو لبعض وميجبش وحش بنكو وتقومي يا نسمه يابنت قلبي بسلامه يارب
نور وغسان :امين يارب العالمين
غسان :اومال محمد وعمر لسه مصحوش ولا ايه
نور :لاء من ساعة ما رجعتو وهما نايمين
غسان :خليهم نايمين وانا هعمل مكالمة شغل واجي علطول
سكينه :روح يا حبيبي
******************
في المستشفي
نسمه بتحاول ترضع زهره بوجع وتعب كبير جدا
نسمه والعرق مالي وشها :مش قادره يا ماما مش هقدر ارضعها
نفين :استني بس يا نسمه نحاول مره كمان
الدكتوره دخلت :السلام عليكم
نفين :وعليكم السلام تعالي يا دكتوره نسمه مش قادره ترضع البت خالص ومش عرفين نعمل ايه
الدكتوره :اهدي بس يا امي نسمه لسه ولده النهارده والحليب مش هيجي علطول كدا ابعتي حد يجيب سحابه حليب من الصيدليه واحنا هنسحب منها ونرضع الطفله لحد ما الحليب ينزل لوحده
نفين طلعت علشان تقول لقاسم علي السحابه
الدكتوره :وانتي ويا نسوم لازم تكلي وتشربي سوايل كتير والخضار يا نسمه انا بحذرك اهو الخضار اهم حاجه كلي خضار كتير علشان تقدري ترضعي زهره ومشاء الله وزنها زي العسل
نسمه ابتسمت :عرفه ان وزنها زياده بس دا من اكل الشوكلاته كنت باكل كتير منها
الدكتوره ابتسمت :ربنا يحميها يارب لما السحابه تيجي هرجع ليكي علطول تمام يا قمر
نسمه هزت راسها وفضلت تبص علي زهره
( انتظرو القادم )
تعليقات
إرسال تعليق