البارت 10
رواية المتمرد علي قوانين الحب الفصل العاشر بقلم الكاتبه منة الله الجزار حصريه وجديده على مدونة النجم المتوهج
رواية المتمرد علي قوانين الحب البارت العاشر بقلم الكاتبه منة الله الجزار
رواية المتمرد علي قوانين الحب الحلقه العاشره بقلم الكاتبه منة الله الجزار
رواية المتمرد علي قوانين الحب الجزء العاشر بقلم الكاتبه منة الله الجزار
رواية المتمرد علي قوانين الحب الفصل العاشر بقلم الكاتبه منة الله الجزار حصريه وجديده على مدونة النجم المتوهج
عارفه اني مقصرة معاكم بس ولله غصب عني الدكتوره منعني من اي ضغط علي اعصابي بس بكتبه عشان مزعلكمش مني "
نبدا بسم الله الرحمن الرحيم
😍😍😍
زياد ساب جميلة لامه وراح مسك احمد من هدومه ونزل فيه طح'ن ام احمد فضلت تصوت ومحمد جري علي زياد عشان يحوشه عن احمد بس زياد مكنش شايف قدامه وكانت دي فرصته انه ينتقم من احمد هو اخدها منه وغير كدا هو عدا كل الحدود انه بيتههمها في شرفها وشرفه لازم ياخد حقهم الاتنين وهو اصلا مكنش طايقه.......
زينب كانت شمتانه في احمد وهي شايفه ان ابنها بياخد حق الكل من ايه هي متعرفش بس المهم عندها انها فرحانه وبسمه كانت كدا وجميلة كانت فاتحه بؤقها ومش مستوعبه اللى بيحصل الجيران كلهم اتلمو علي صوت الزعيق وحاولو يدخلو يحوشو زياد بس لا حياة لمن تنادي.
جمال وعبد المحسن كانو جابو تاكسي تحت وكانو طالعين عشان ينزلو جميلة عشان تروح للدكتوره.. سمعت صوت دوشه جايه من الدور اللى هما فيه جمال بصله بزعر كان خايف تكون جميلة حصل ليها حاجة طلع جري وعبد المحسن وراه لقيو زياد منيم احمد في الارض ومدشمل وشه كله و محمد ماسك كتف زياد وبيحاول يحوشه عنه وام احمد كانت عماله تشتم وتصوت.
عبد المحسن بغضب... زززياد ابعد عنه.
زياد مردش وكمل ضر'ب ... جمال دخل وهو واتنين من الجيران شالو بالعافيه وكانو مش عارفين يمسكو كان بيزقهم ومدد ايده عاوز يجيب احمد من زمره رقبته يزمر بيها 😂
جمال بغضب وهو ماسكه كدا... في ايييييه لده كله وبعدين انت ازاي تتجرء وتمد ايدك عليه؟
زياد بصله بغل وشر.. انت لو عرفت هو عمل ايه هتكمل عليه.
جمال بعدم فهم.. عمل ايه؟
ام احمد بغضب.. معملش حاجة ابني برئ الدور والباقي علي اختك اللى كانت في حضنه وكنتم عاوزين تلبسوها لابني والحمد لله ربنا كشفكم قبل ما ابني يقع معاكم ويتجوزها.
جمال بصلها بشر.. انتي عارفه انتي بتقولي ايه؟
واحد من الجيران.. بغضب.. اللى بتكلمي عليها دي اختنا وبنت منطقتنا اتعدلي في كلامك ده عشان مش اي حاجة هنسكت ليكي عليها.
احمد بسخرية.. شكلها مدورها معاك انت كمان.
احمد كان ساند علي امه ومش قادر يقف.
الشاب بغضب.. تصدق اننا كنا غلط لما حوشنا زياد من عليك المره دي مش زياد اللى هيضر'بك لوحده انا كمان.. وهب بوكس 👊لبس في وش احمد رجعه لورا وزياد وجمال بصو لبعض وابتسمو ابتسامه صفرا والتلاته هجمو علي احمد مكنش عارف بيجي الضر'ب ليه منين.
زياد جرجره من هدومه علي السلم ونزل بيه في قلب الشارع و اتكلم بعلو صوته... الشارع بتاعنا لو سالت عليه في مصر كلها هتلقيه انضف شارع و الناس اللى فيه انضف ناس مايجيش واحد زبا"له زيك يقول علي انضف بنت يقول عليها كدا دانا اقطع لسانك ولسان اي 🐕 يجيب سيرتها او سيرت اي بنت علي لسانه هو اللى فيه عيب بيفكر الناس كلها زيه وبعدين انت ياض انت انا مكنتش مستريح ليك ودورت وراك ولقيت وراك حاجات لو وصلت للبوليس هتوديك ورا الشمس ومش هترجع تاني وانا مكنتش هجوزها ليك برضو حتي لو كانت هي عاوزاك.. وبص لفوق لقاهم وافقين في البلكونه والشارع كله اتلم عليهم.. وبقول قدامها اهو وقدام الكل لو شوفت وشك هنا تاني لهخلي امك تولول عليك انت فاهم وزقه بقرف.
جمال بغضب.. ملكش عرايس عندنا غور في داهيه.
محمد وعبد المحسن كانو وافقين ساكتين.
احمد امه سندته وكانو ماشين وقفه صوت زياد.
زياد بصوت عالي.. استني.
احمد لف ليه بشر..
زياد بصوت عالي.. جمييييله ارمي ليه شبكته.
جميلة قلعت الدبله والخاتم اللى كان جايبهم في الشبكه ورمتهم من البلكونه لاحمد.
امه لمتهم من علي الارض بغضب.. ولله لدفعك التمن غالي ماهو اللى انتي كنتي في حضنه طبيعي يعمل كدا عشان يداري علي عملتكم السوده انتي وهو وتلقيكي حامل منه.
زينب و زينات سندو جميلة لبسمه ونزلو جري ليها 😂مايجبهاش اللى حريم منطقتنا 😂
زينات بغضب.. راحت جابتها من شعرها.. مين دي اللى حامل يا وليه هو انتي وابنك جاين تو"سخو سمعة بنتي وبعدين يوم ما تيجو تكلمو تكلمو عليها هي وزياد.
زينب بغضب.. ابني ارجل من ابنك بمليون مره معذور ماهو الناقص بيشوف الناس ناقصه زيه يلا يا ست انتي وابنك من هنا ملكمش حاجة عندنا.
عبد المحسن بغضب.. يلا يا مدام خدي ابنك واتفضلو من هنا.
محمد بغضب.. معاك حق احنا غلطنا لما دخلناكم بيتنا.
احمد وامه مشيو وهما بيتوعدوا ليهم.
زياد.. يلا كل واحد علي شغله الهيصه اتفضت.
الكل مشي و طلعو لفوق عند محمد.
جمال بشكر.. شكراً يا زياد علي اللى انت عملته وانا اسف لو اتقال كلمه في حقك وحشه.
زياد ببتسمه.. عيب عليك يصحبي اللى يرميك بورده ارميه بالد'م.
بسمه.. بضحك.. كنت همو"ت من الضحك و زياد ماسك احمد ونازل فيه طح'ن.
زينات.. بضحك.. مش انتي بس يابت ولله كلنا.
محمد بشكر.. شكراً يابني انت حمية شرفي.
زياد.. مفيش شكر ياعمو وبعدين ده واد صايع اصلا ومكنش يستاهل انها تكون معاه.
عبد المحسن بخبث.. امال تستاهل تكون مع مين؟
زينب فهمت لجوزها واتكلمت بنفس الخبث.. اه زي مابتقول واد صايع ومش هيسيب جميلة في حالها وممكن يسلط عليها حد يأذيها ساعتها هنعمل ايه وغير كدا ممكن يسوء سمعتها زي ما انتم شوفتو؟
زياد وجمال في نفس الوقت.. بشر.. يبقي حفر قبره بايده.
عبد المحسن.. كمل.. هي محتاجه تكون علي ذمة راجل يحميها من اي 🐶زي احمد او غيره.
محمد.. وده هنلقيه فين؟
العيون كلها اتحولت وراحت لزياد.
عبد المحسن.. وندور بره ليه اديك شوفت عمل ايه لما حد اتكلم عليها؟
زينات.. مين تقصد يا ابو زياد.؟
زينب.. قصده زوز حبيب قلب ماما.
زياد فتح عيونه بصدمه... مييين؟
جميلة بحزن.. بس زياد ما بيطقنيش اصلا.
زياد بتصنع البرود.. فعلاً معاكي حق ما بطقتيش بس الجوازه دي هتبقي مصلحه بس اني احميكي لا اكتر ولا اقل.
جميلة سكتت بحزن.
عبد المحسن.. زياد تعال اقعد هنا وانت يا ابو جميلة اقعد قصاده وحطو ايديكم في ايد بعض حد يجيب منديل يا جماعه.
محمد.. هتعمل ايه؟
عبد المحسن.. هنكتب كتابهم علي بعض دلوقتي نسيت اني المأذون بتاع البلد وانت وكيل العروسه ام زياد روحي من فضلك هاتي الدفتر من الاوضه بتاعتنا عشان نتمم علي شرع الله وسنة نبيه عليه افضل الصلاة والسلام.
زينب بفرحه.. حاضر. وراحت جري جابت الدفتر وبعد دقايق كان زياد حاطط ايده في ايد محمد وعبد المحسن... قول ورايا يا ابو جميلة.. زوجتك ابنتي جميلة البكر الرشيد علي سنة الله ورسوله وعلي مذهب الامام ابي حنيفه النعمان وعلي الصداق المسمي بيننا.
محمد قال اللى هو قاله.
عبد المحسن.. قول ورايا يا زياد.. زياد كان قلبه بيرقص من جوه بس الوش الخشب اللى كان مرسوم علي وشه.. اقول ايه؟
عبد المحسن.. قبلت الزواج من ابنتك جميلة علي سنة الله ورسوله.....
زياد قال كدا وعبد المحسن فضل يقول ادعيه ليهم وهما يرددوا وراه و قال لجميلة توقع وهو وقع وجمال كان الشاهد والشاب اللى كان بيضر'ب احمد معاهم وقع برضو وبسمه زغرطت اول لما خلصو ولوووووولووووووووي.
محمد سلم علي زياد وخده في حضنه وجمال سلم عليه ببتسامه.. مبروك يا ابو نسب.
زياد.. الله يبارك فيك.
جميلة كانت بتبصله بحزن علي الكلام اللى هو قاله وقد ايه هو جر'حها بس هتعمل ايه؟
مرة واحده زياد مسك راسه ومحسش بالدنيا بعدها.
سمعو صوت حاجه بتترمي علي الارض.
زينب بصويت...ابنننننني. وويتبع.
برايكم زوز هيمو'ت ولا هينكشف انه مدمن واحمد ناوي علي ايه وايه الحاجات اللى عند زياد اللى ماسكها علي احمد؟
عاوزه تفاعل كاتبه وانا تعبانه شجعوني بقا.
رواية المتمرد علي قوانين الحب
للكاتبة منة الله الجزار
اشوفكم بخير.
باي.
إرسال تعليق