رواية وردة في وسط الصعيد الحلقة الخامسة والسادسه والسابعه بقلم الكاتبه الصغيره حصريه وجديده على مدونة النجم المتوهج للروايات والمعلومات
 |
رواية وردة في وسط الصعيد الحلقة الخامسة والسادسه والسابعه بقلم الكاتبه الصغيره حصريه وجديده على مدونة النجم المتوهج للروايات والمعلومات
نزلت وردة في الوقت دا واول ما شافت المنظر دا وكان عمر ماسك رجل جميلة عشان يشوف منطقة الالم اتعصبت جدا
وردة : اي اللي بيحصل هنا
عمر : دا رجل جميلة اتلوت كنت بشوفها
فهمت وردة اللي جميلة بتحاول تعمله وقربت منهم وابتسمت
وردة : وانتي رجلك عاملة اي دلوقتي
جميلة : تعباني اوي
وردة : انا عندي ليكي حل ادخل ي عمر جيب كيس تلج من جوة وانا هتصرف
جميلة : لا انا بقيت كويسة
وردة : لا ازاي روح انت ي عمر وانا هقعد جمبها لوقت ما تيجي
قام عمر ودخل المطبخ ووردة قعدت جمب جميلة وهي بتبتسم
وردة : انا فاهمة انتي بتعملي اي
جميلة : قصدك اي
وردة : يعني تمثيلك ان رجلك بتوجعك دا هيدخل علي عمر مش عليا انا
جميلة : انتي بتقولي اي
وردة : انتي سامعة انا بقول اي وعاوزاكي تفهمي اللي هقوله وتحطيه حلقة في ودنك لو مش عاوزاني أأذيكي تبعدي عن عمر خالص وحركاتك دي تبطلي تعمليها والا انا مش هضمن نفسي
جميلة : انتي عارفة نتيجة كلامك هتبقي صعبة اوي وانا مش هسكت الا لما احقق اللي في دماغي
وردة : وانا هفضل مكاني هنا عشان ابطل كل خططك عاوزاكي تعرفي اني هكون موجودة دايما عشان اوقفك عند حدك
سمعوا صوت خطوات عمر فسكتوا هما الاتنين عشان ميسمعهمش
وردة : الف سلامة عليكي ي حبيبتي اكيد هتبقي كويسة دلوقتي
عمر : خدي ي وردة
اخدت وردة التلج منه وحطته علي رجل جميلة جامد وجعتها رجليها بس مقدرتش تتكلم عشان عمر واقف
وردة : الف سلامة عليكي ي جميلة افضلي حاطة التلج دا علي رجلك وانتي هتبقي كويسة
ابتسمت وردة باستفزاز لها ومسكت ايد عمر ومشيت من قدامها كانت جميلة هتموت من الغيظ
في الحديقة كانت امل واقفة مع صفاء وبيضحكوا لحد ما سمعت صوت حد بيناديلها بصوت هادي بصت كان احمد اللي مستخبي ورا الشجر
امل : معلش ي صفاء هرجع دلوقتي
صفاء : علي فين
امل : ورايا شغل وهرجع تاني
جه ادهم في الوقت وحمدت امل ربها انه هينقذها من اسئلة صفاء الكتيرة راحت بسرعة لاحمد اللي اول ما شافها ابتسم
احمد : وحشتيني اوي
امل : عاوز اي
احمد : هو دا ردك علي اللي انا قولته
امل : احمد انا خايفة ان حد يشوفنا وقتها هقولهم اي
احمد : متخافيش ما احنا دايما بناقابل حد بيشوفنا
امل : بس احنا دلوقتي في القصر يعني لو حد شافنا هموت فيها
احمد : ي بت انتي هتموتيني انا اسكتي خليني اقولك اللي انا عاوز اقولهولك
امل : اتفضل قول
احمد : انا هاجي النهاردة عندكم
امل : تعمل اي ان شاء الله
احمد : والله لو ما اتخرستي لامشي واسيبك
امل : خلاص اتخرست اهو
احمد : هاجي عندكم النهاردة وهقابل الوالد عشان اطلب ايدك
امل : بجد
احمد : ايوة انا قولت لجدي ولعمي واتفقت معاهم اننا هنطلب ايدك
امل : انا مش مصدقة انك اخيرا عملت كدة
احمد : بقولك اي ما تجيبي بوسة
سمع احمد صوت من وراهم اتخض اما امل فخبت وشها في هدومه
عمر : اهلا عاملين اي
احمد : الحمدلله كويسين
عمر : تقدر تقولي حضرتك كنت بتعمل ايه هنا معاها
احمد : وانت مالك
عمر : لا اتعدل وشوف بتكلم مين انا هروح اقول لجدي وابقي اتكلم معاه
مسك احمد عمر بسرعة وهو خايف وقاله وهو بيبوسه : ويرضيك بردوا ي عمور تعمل كدة في اخوك
عمر : اه يرضيني
احمد : اخس طب يرضيك الغلبانة دي واللي هيحصل فيها
عمر : عشان خاطرها بس تعالي معايا كلنا قاعدين بردة
اخدهم عمر معاه وراحولهم كانوا بيضحكوا مع ومندمجين في الكلام
عمر : بتتكلموا في اي
ادهم : لا بس كانت وردة بتحكي عن ذكرياتكم في الجامعة
بص عمر ليها بتحذير انها تتكلم وهي اخدت بالها من كدة فحاولت انها تغير الموضوع
وردة : اومال انت كنت فين
عمر : اصل انا سمعت صوت من وري الشجر واتوقعت انه يبقي كلب وفعلا طلع كدة
خلص كلامه وهو بيبص لاحمد اللي بيبصله بغيظ شديد بس مش قادر يتكلم
ادهم : طب تعالوا اقعدوا يلا
قعدوا معاهم واتكلموا في الوقت نفسه كانت جميلة واقفة في شباك اوضتها وبتبصلهم بحقد دخلت عليها فرح
فرح : واقفة بتعملي اي
جميلة : بتفرج عليهم وهما فرحانين
فرح : طب تعالي
جميلة : انا مش قادرة ي ماما اشوفهم مع بعض انا اللي فضلت سنين علي امل انه هيتجوزني انا بس في الاخر حبها هي واتجوزها هي هي فيها اي زيادة عني
فرح : تعالي بس جنبي عاوزاكي في موضوع ها قوليلي الاول عملتي اللي قولتلك عليه
جميلة : ايوة عملت نفسي ان رجلي اتلوت ومش قادرة امشي عليها وكانت كل حاجة ماشية كويس بس
فرح : اي اللي حصل
حكتلها جميلة علي كل اللي حصل معاها وعلي كلام وردة اللي خلاها تتغاظ
فرح : انتي اللي غبية مكنش لازم انك تبيني لها نيتك الحقيقية بس استني عليا وانا هقولك هتعملي اي
جميلة : اعمل اي
فرح : ………
رواية وردة في وسط الصعيد الحلقة السادسة
حكتلها جميلة علي كل اللي حصل معاها وعلي كلام وردة اللي خلاها تتغاظ
فرح : انتي اللي غبية مكنش لازم انك تبيني لها نيتك الحقيقية بس استني عليا وانا هقولك هتعملي اي
جميلة : اعمل اي
فرح : ………
جميلة : بس هتكشفنا اكيد هي عارفة اللي احنا بنخططله
فرح : انها تصدق سيبي دي عليا
جميلة : انا خايفة اوي من الموضوع دا مش هيبقي بالساهل
فرح : انتي لو خايفة يبقي تنسي خالص عمر
جميلة : لا انا مش هقدر انا بحبه اوي ي ماما
فرح : يبقي تسمعي كلامي وتنفذيه بالحرف الواحد
جميلة : بس انتي عارفة ان عمر بيحبها اوي
فرح : وهو انتي مفكرة اني مش مخططة لدا انا عاملة حساب كل حاجة انا عاوزاكي تسمعي الكلام وخلاص
جميلة : حاضر
برة كان الكل قاعد في الحديقة وكانوا بيتكلموا وهما مبسوطين لحد ما دخل عليهم راجل وهو بيجري وبينادي علي الجد اول ما شافوا عمر راحله علي طول
عمر : في اي ي جدع انت بتجري كدة ليه
الراجل : في حريقة قامت في الارض بتاعة القمح بتاعتكم
عمر : انت بتقول ايه
الراجل : احنا منعرفش اللي حصل بس لقينا القمح كله بيولع وحاولنا اننا نطفي النار بس كانت كلت نص المحصول
عمر : تعالي معايا علي الارض وانت ي احمد انت وادهم ادخلوا وقولوا لجدي وعمي علي ما انا اروح اشوف في اي
مشي عمر مع الراجل وراح معاه الارض اللي كانت فيها دخلت كتير بعد ما طفوا الولعة قرب عمر منها وهو جواه غضب شديد وبيفكر في مين اللي عمل كدة لانه متاكد انه بفعل فاعل
كان الباقي جاي في الطريق له اول ما سمعوا الخبر
الجد : اي اللي حصل ي ابني
عمر : انا معرفش مين اللي عمل كدة
الجد : يعني انت شاكك ان في حد هو اللي عملها
عمر : لا انا متاكد لان مستحيل الارض تولع لوحدها كدة احنا مش بنتكلم في معجزات
سمعوا صوت من وراهم كانوا الرجالة ماسكين واحد وجايين بيه ناحيتهم
الجد : سيبوه اي اللي حصل
الراجل الاول : احنا لقيناه طالع يجري وبيهرب وبعدها الارض ولعت اكيد هو اللي عملها
الجد : انت اللي عملت كدة
سكت الشخص دا ومردش ودا اللي خلاهم يتاكدوا
عمر : هاتوه وتعالوا ورانا
مشيوا كلهم من عند الارض وكان وراهم الرجالة ماسكين الشخص اللي ولع في الارض
في القصر كان الكل قلقان من اللي سمعوه وقاعدين مستنيين اي خبر
الجدة : ياتري اي اللي حصل لهم وايه موضوع الارض دا
صفاء : خير بإذن الله اهدي ي جدتي
الجدة : بإذن الله
فرح : صحيح الخير علي قدوم الواردين
جميلة : كل واحد بيتعرف من وشه وهي مبقلهاش يوم هنا والمشاكل نازلة ترف علي دماغنا
الجدة : اسكتي ي جميلة
فرح : وهي غلطت في حاجة يما هي عندها حق دي مكملتش 24 ساعة والارض ولعت لو قعدت اكتر من كدة اي اللي هيحصل تاني
الجدة : انا قولت اسكتوا واللا هو كلامي مبيتسمعش
وردة : لو انتوا مفكرين ان من كلامكم دا انا هزعل تبقوا غلطانين واوي كمان لاني عارفة نفسي وحاطة نفسي في مكاني الصح ولو علي الارض فانا متاكدة ان عمر مش هيسكت وهيعرف مين عمل كدة ووقتها هنشوف مين اللي هيكون السبب
فرح : تقصدي ايه
وردة وهي بتقرب لها : انتي عارفة انا اقصد ايه
بصت فرح لجميلة بتوتر ورجعت بصت لوردة اللي كانت بتبتسم فرحت الجدة وصفاء من رد وردة عليهم وانها قدرت تقفلهم وتسكتهم
في الوقت دا دخل عمر للقصر قبل الكل عشان يعرفعم انهم وصلوا
الجدة : في اي ي ابني مين اللي عمل كدة
عمر : منعرفش لسة لحد دلوقتي بس احنا مسكنا الراجل اللي ولع في الارض وهو اكيد هيعترف باللي خلاه يعمل كدة المهم انتوا تدخلوا لانهم جايين ومعاهم الراجل دا عشان نقدر نعرف منه
الجدة : حاضر ي ابني
دخلوا كلهم جوة وطلع عمر لهم ودخلوا كلهم معاه قعدوا في الصالة ومعاهم الراجل دا
عمر : تقدر تقول دلوقتي انت عملت كدة ليه او مين وزك علي عمايل كدة
الراجل : مفيش حد قالي اعمل كدة
عمر : والله يعني طلعت في دماغك انك تولع في الارض فولعت فيها
الراجل : انا معملتش حاجة
الجد : اومال طلعت تجري ليه وقت الحريقة
الراجل : كنت بدور علي حاجة اطفي بيها الحريقة
الجد : ما كانت الماية جمبكم انا مش هأذيك متقلقش انا بس عاوز اعرف مين عمل كدة
الراجل : محدش قالي
عمر : انت اكيد عارف لو انا اجبرتك علي الكلام هيبقي اجباري عامل ازاي انت اكيد مش تايه انطق يلا بمزاجك قبل ما اجبرك علي الكلام بطريقتي
الراجل : هتكلم
الجد : قول وانا اللي هحميك
الراجل : حسين الصعيدي
عمر : انت بتقول اي ي جدع انت
الراجل : هو اللي قاللي اعمل كدة
الجد : انت عارف لو كنت بتكدب علينا اي هيكون مصيرك
الراجل : وانا هكدب ليه انا بقول الحقيقة هو اللي قالي اعمل كدة
الجد : ادهم انت واحمد خدوا الراجل دا بس اوعوا تخلوه يهرب
احمد : متقلقش ي جدي
ادهم : قوم ي راجل انت قدامي قوم
اخدوه هما الاتنين وطلعوا بيه علي برة اما الباقي فكانوا قاعدين مستغربين من اللي سمعوه
الجد : ممكن حسين هو اللي يكون عمل كدة فعلا
عمر : وانت هتصدق راجل كداب زي دا ي جدي
الجد : وهو هيستفاد اي لما يكدب كدبة زي دي
مصطفي : عمر عنده حق مستحيل حسين يعمل كدة انت عارف هو بيحبنا قد ايه
الجد : كل حاجة هتبان دلوقتي ابعتوا لحسين ييجي دلوقتي حالا
عمر : بس دا مش يعتبر اتهام
الجد : انا مبتهمش حد انا عاوز اعرف الحقيقة وبس يلا اعمل اللي قولتلك عليه
خرج عمر هو كمان ومفضلش غير الجد ومصطفي
مصطفي : انت ناوي علي اي يابا
الجد : هتعرفوا بعدين
رواية وردة في وسط الصعيد الحلقة السابعة
خرج عمر هو كمان ومفضلش غير الجد ومصطفي
مصطفي : انت ناوي علي اي يابا
الجد : هتعرفوا بعدين
بعد فترة دخل عمر ومعاه حسين وبعدهم ادهم واحمد اتجمعوا كلهم حوالين الجد
الجد : اقعد ي حسين
حسين : انا والله اول ما عرفت اللي حصل في الارض كنت هاجي بس مقدرتش لحد ما قالولي انك عاوزني
الجد : عشت ي حسين اقعد لاني عاوز اكلمك في موضوع
قعد حسين والكل وفضلوا قاعدين ومستنيين اللي الجد هيقوله
الجد : انا عاوز اسالك على حاجه بس متكذبش عليا وتقول الحقيقه
حسين : وانا من امتي بكذب عليك يابا الحاج
الجد : طب احنا مسكنا اللي ولع في الارض وعرفنا مين اللي عمل كده
حسين : مين قال مين طلع مين اللي عمل كده ويا ترى ايه السبب
الجد : قال انه انت
انصدم حسين من كلام الجد وقعد ساكت ومقدرش ينطق والكل قاعدين مستنيين كلامه
الجد : ايه كلامك في الحكايه دي
حسين : انا مقدرش اقول لك حاجه انت عارف كل حاجه
الجد : وعشان كده انا بعتلك هم مفكرين انهم لما يقولوا اسمك ان انا هشك فيك وكده هبقى ضدك لكن انا عارفك كويس انا اللي مربيك ومستحيل انت تعمل كده
حسين : شكرا على ثقتك ده بس انا بجد معرفش حاجه
الجد : هو انا طلبت تبرير منك انا عارف انك معملتش حاجه واللي عمل كده هيتجاب متقلقش انا جيبتك عشان حاجة تانية
حسين : اتفضل
الجد : احنا طالبين ايد امل
حسين : لمين
الجد : لاحمد حفيدي ولو وافقت هنبقي نسايب وعيلة وحدة ها اي قرارك
حسين : دا شرف ليا ان بنتي تتجوز ابنكم بس لازم آخد رايها الاول
احمد بسرعة : هي موجودة هنا تقدر تسالها
ضحك الكل علي ردة فعله ومن استعجاله
الجد : ما تهدي ي ابني خلاص ي حسين انت تدخل لها وتسالها واللي هي تقوله احنا موافقين عليه
جوة كانوا كلهم بيتصنتوا عليهم واول ما سمعوا كدة فرحوا
صفاء : الف مبروك ي امل
وردة : الف مبروك ي حبيبتي
امل بكسوف : علي اي عو في حاجة حصلت لسة
صفاء : هيحصل هما مستنيين ردك يعني كلمتك انتي اللي هتحصل
اول ما شافوهم جايين ناحيتهم طلعوا يجروا عشان ميعرفوش انهم بيتنصتوا عليهم طلع عمر معاه لفوق ودخل الاوضة اللي هما قاعدين فيها
عمر : تعالي ي وردة انتي وصفاء شوية
صفاء :حاضر
اخدهم وطلعوا اما حسين فقعد جمب امل وبيبصلها وهو فرحان
حسين : بصي ي بنتي انا عمري ما جبرتك علي حاجة ابدا ولو عمري هعملها في حياتي بس انا النهاردة عاوز آخد رايك
امل : اتفضل ي بابا
حسين : في عريس متقدملك وكنا عاوزين ناخد رايك
امل : هو مين
حسين : دا علي اساس انتي متعرفيش هو مين هعمل نفسي مش فاهم حاجة وهقولك اسمه احمد ها اي رايك موافقة
امل : رايي هو رايك ي بابا
حسين : يعني انتي مش موافقة
امل : لا موافقة
حسين بضحك : طب خبي عليا حتي ومتقوليهاش مكشوفة كدة
اتكسفت امل من كلامه وفجأة الباب اتفتح وصفاء كانت بتزغرت وهي فرحانة وجمبها وردة اللي بتضحك عليها
عمر : احنا آسفين ي جماعة بس مقدرتش امنع فضولهم
حسين : عادي ي ابني
راحت صفاء ناحية امل وحضنتها بفرحة شديدة
صفاء : الف الف الف مبروك ي حبيبتي ربنا يتمملك علي خير
وردة وهي بتحضنها : الف مبروك ي امولة فرحتلك ي حبيبتي
نسيبهم ونروح للي كانوا قاعدين في اوضتهم وهيطقوا من الغيظ والحقد
جميلة : اهي الخطة فشلت ومفيش حاجة حصلت
فرح : ما تهدي ي بت وتخليني افكر هعمل ايه في الموضوع دا
جميلة : مش هتقدري تعملي حاجة ي ماما
فرح : هو واحد بس اللي يقدر يساعدنا
جميلة : مين دا
فرح : اشرف
جميلة : اشرف مين ابن خالي
فرح : ايوة هو مفيش غيره دي دماغه سم وهو اللي هيجيب الحل من الآخر
جميلة : بس انا مبحبهوش ي ماما مبيتريحش لنظراته ليا
فرح : بلا نظراته بلا هبل احنا عاوزين نخلص من البت دي وخلاص
جميلة : تمام كلميه ونشوف
اتصلت فرح عليه وهو رد بسرعة وقال : في اي ي عمتو
فرح : كنت عاوزاك في موضوع مهم اوي تعالالي بسرعة
اشرف : اجيلك فين
فرح : يعني هتجيلي فين وهو انا بخرج من القصر تعالي ليا بحجة اني وحشتك وعاوز تشوفني
اشرف : هو في اي بس
فرح : اسمع الكلام وانجز تجيلي النهاردة قبل بكرة
اشرف : هي جميلة معاكي
فرح : ايوة موجودة اهي
اشرف : تمام مسافة السكة وهاجي
قفلت معاه المكالمة وبصت لجميلة اللي كانت بتبصلها بضيق
فرح : في اي ي بت ما تفردي وشك كدة
جميلة : ي ماما انا مبحبهوش ومش عاوزة اشوفه
فرح : خلاص ي ستي اول ما ييجي ادخلي انتي في اي اوضة او اقعدي في مكان تاني ويلا نطلع عشان نبارك لهم مش عاوزينهم يشكوا في حاجة
جميلة : حاضر
اخدتها فرح وخرجوا وسمعوا صوت الزغاريط اول ما شافوهم عملوا نفسهم ميعرفوش حاجة
فرح : هو في اي ي صفاء بتزغرطي ليه
صفاء : احمد طلب ايد امل ووافقوا ولسة هيحددوا ميعاد الخطوبة
فرح : الف مبروك ي حبيبتي
جميلة وهي بتحضنها وبتمثل الفرحة : الف مبروك ي حبيبتي ربنا يتمملك علي خير
امل : الله يبارك فيكم
بعد مدة وصل اشرف ودخل للقصر اول ما عمر شافه راحله بسرعة وهو متضايق من وجوده
عمر : خير جاي ليه دلوقتي
اشرف : جاي اشوف عمتي والا مينفعشي
عمر : ياتري ايه الحب اللي ظهر فجأة دا
اشرف : عمر اوعي لو سمحت انا مش حابب اتخانق معاك دلوقتي انا جاي اشوف عمتي وهمشي
عمر : اطلعلها فوق هتلاقيها في اوضتها
مشي اشرف من قدامه وكان رايح اوضة فرح بس شاف جميلة قدامه بصلها بخبث وقرب منها من غير ما تاخد بالها
اشرف : الجميل بيعمل ايه
جميلة : اشرف انت بتعمل اي هنا
اشرف : جاي اشوف عمتي بس قوليلي ايه الحلاوة دي
جميلة : انت اتجننت ابعد ايدك احسنلك
اشرف : تؤ تؤ تؤ عيب كدة
جميلة : ابعد عني
تابعووووووني
رواية زواج لدقائق معدودة كامله من هنا
رواية خيانة الوعد كامله من هنا
رواية الطفله والوحش كامله من هنا
رواية جحيم الغيره كامله من هنا
رواية مابين الضلوع كامله من هنا
رواية سيطرة ناعمه كامله من هنا
رواية يتيمه في قبضة صعيدي كامله من هنا
الروايات الكامله والحصريه بدون لينكات من هنا
إللي خلص القراءه يدخل هيلاقي كل الروايات اللي بيدور عليها من هنا 👇 ❤️ 👇
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
الصفحه الرئيسيه للروايات الجديده من هنا
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
تعليقات
إرسال تعليق