رواية أحببت أخي الفصل الثالث بقلم الكاتبه أروي عادل حصريه وجديده على مدونة النجم المتوهج للروايات والمعلومات

رواية أحببت أخي الفصل الثالث بقلم الكاتبه أروي عادل حصريه وجديده على مدونة النجم المتوهج للروايات والمعلومات

فارس ٠٠ ايوه يا أبوى انى جيبلك خبر أبمليون جنيه

جمال ٠٠ واه خير يا ولدى

فارس ٠٠ أنى شوفت بنت عمى يحيى أهنه فى الأقصر

جمال ٠٠ واه هتجول الحج يا ولدى معجول بعد السنين دى كلاتها

فارس ٠٠ زى ما بجولك اكده يابوى

جمال ٠٠ جولى شوفتها وين

فارس ٠٠ فى الفندق إللى أنى نازل فيه

جمال٠٠ متأكد يا ولدى من الحديد ده

فارس ٠٠ أنى سامع المشرف هو بينادى على أسمها

جمال ٠٠ يعنى هى. متوكد يا ولدى

لا تكون تشابه أسماء

فارس ٠٠ يا أبوى يعنى هيكون تشابه حتى فى الاسم الروباعى أنى سامع الراچل هو عم بيجول إيلا يحيى عبدالحميد المهدى

جمال٠٠ واه و بعد السنين دى كلاتها نتجابل يا بنت أخويا .. أسمع خلى عينك عليها و أنى هجيب أعمامك و أنزل على الأقصر طوالى

فارس ٠٠ حاضر يا أبوي

( إنتهت المكالمة)

بقلم أروى عادل

¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤

فى فيلا يحيى أبو اليزيد

أميرة ٠٠ إيلا وحشتنى

يحيى ٠٠ هى لحقت ده يادوب مسافره النهاردة

أميرة ٠٠ مش عارفه انا قلبى مش مطمن

لسفريه دى

يحيى ٠٠ أطمنى ان أشاء الله هترجع بالسلامة.. و بعدين هتفضلى لأمتى خايفه عليها تروح فى أيه حته خلى البنت تعيش حياتها

أميرة ٠٠ أفرض أهل أبوها شافوها هعمل ايه انا ساعتها

يحيى٠٠ ان شاء مش هيحصل

( هنا وصل سيف من المأمورية )

سيف ٠٠ مساء الخير

يحيى ٠٠ حمدالله على السلامة

أميرة ٠٠ حمدالله على السلامة يا حبيبى . قولى جعان أحضرلك الأكل

سيف ٠٠ لأ أنا جعان نوم بقالى يومين منمتش

يحيى ٠٠ يارب بس تكون اتوفقت فى مأموريتك

سيف٠٠ الحمدالله قبضنا على أكبر عصابة لتهريب السلاح فى الشرق الأوسط

أميرة ٠٠ أكيد دى هتكون فيها ترقية محترمة

سيف ٠٠ طبعآ

يحيى ٠٠ مبروك مقدمآ .. أه بالمناسبة .. مروان كلمنى على إيلا

سيف ٠٠ كلمك عليها ازاى يعنى

يحيى ٠٠ عايز يخطبها

أميرة ٠٠ مروان شاب ممتاز و مناسب لإيلا

سيف٠٠ لأ طبعآ مش مناسب .. كمان إيلا لسه صغيرة على الكلام ده

يحيى ٠٠ صغيرة ازاى .. إيلا عندها ٢٠ سنه .. و مروان مش أول واحد يتقدم لها .. بس انا شايف ان مروان كويس

سيف ٠٠ هو فى ايه .. يعنى عشان إيلا عندها ٢٠ سنه يبقى لازم ترتبط

أميرة ٠٠ لأ طبعآ بس انا شايفه ان مروان كويس و مناسب كمان .. بعدين مروان صحابك وانت اكتر واحد عرفو

سيف٠٠ انا ماعنديش أعتراض على مروان انا عندى أعتراض على ارتباط إيلا فى الوقت ده هى لسه صغيرة مش أد مسؤوليه الأرتباط

يحيى ٠٠ على العموم الرأى الأول و الأخير فى الموضوع ده لى إيلا . لم ترجع من السفر يبقى يبقى ناخد رأيها

سيف ٠٠ سفر أيه ده .. أوعى تقولولى أنها راحت رحلة الأقصر و أسوان

أميرة ٠٠ آه راحت

سيف ٠٠ بابا انتى أزاى توافق على سفرها

يحيى ٠٠ و دى فيها ايه يا سيف

سيف ٠٠فيها كتير . وانا قولت انى مش موافق على سفرها. افرض حد شافها من أهل أبوها

يحيى ٠٠ سيف انت مش شايف انك أوفر شويه أتجاه آيلا وبعدين ده انت هتخاف عليها أكتر من أميرة نفسها

قال سيف بأرتباك

سيف٠٠ لأ بس أنا خايف الرحلة دى تعملنا مشاكل

أميرة قالت بخوف

أميرة ٠٠ تفتكر ممكن تحصل مشاكل لإيلا

يحيى ٠٠ شوفت أديك خوفتها هى كمان

سيف ٠٠ خلاص انا أسف مش هتكلم

تانى و هطلع انام كمان عشان ترتاح منى

¤¤¤¤¤¤¤¤¤¤¤¤¤¤¤¤¤¤¤¤¤¤¤

صباح اليوم التالى

فى الأقصر تحديدآ فى معبد الكرنك

المشرفين على الرحلة يقولون لطلاب الجامعة الا يبتعدوا عن المكان وبعد ساعتين سوف يتقابلون فى نفس المكان

لاحظت ميرنا نظرات فارس لى آيلا

ميرنا٠٠ انا متأكده انه ماشلش عينه من عليكى

ملك ٠٠ عادى يعنى إيلا جميله و ممكن أى حد ممكن يعجب بيها

ميرنا ٠٠ بس ده ماشى ورانا

رقيه ٠٠ بقولك أيه انتى هتخوفينى ليه بقى. أحنا نرجع نقول للمشرف عليه

آيلا ٠٠ ايه انتى هتكبرى الموضوع ليه انتى كمان ده أكيد واحد بيعاكس عادى يعنى هى دى أول مرة حد يعاكس

ميرنا ٠٠ بس ده كأنه بيرقبنا. كمان منزلش عينه من عليكى يا إيلا

إيلا٠٠ بقولك ايه أكيد انتى متهيألك. وخلينا بقى نستمتع برحلة و نتفرج على المعبد

بقلم أروى عادل

¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤

فى مساء

فى نفس الفندق

وصلوا اعمام إيلا..

جمال ٠٠ هى وين دلوك

فارس ٠٠ فى أوضتها مع صحابها

جمال٠٠ انا مش خابر احنا لحد دلوك ساكتين ليه

حسن٠٠ مش نتوكد لاول يا أخويا أنها هى بت يحيى

جمال٠٠ واه يعنى كل ده واحنا مش متوكدين ما جالك أنها أسمها إيلا يحيى عبدالحميد المهدى فى ايه تانى عاد

على٠٠ بس أنى لما سألت عليها جالوا أنها أسمها إيلا يحيى أبو اليزيد و أبوها راچل أعمال كبير جوى فى القاهرة

فارس ٠٠ بس أنى سمعت المشرف و هو بيجولها إيلا يحيى عبدالحميد المهدى

حسن ٠٠ يبقى لازم نشوف بطاقتها و نتوكد الاول

على ٠٠ أيوه مش عايزين نغلط لا تكون مش هى بنت يحيى أخوك يبقى وجعنا حالنا فى مشكلة كبيره

فارس ٠٠ واه انت ماشوفتش شكلها كيف..هى نفس شكلها وهى صغيرة العينين الزرقه و الوش الأبيض المدور حتى الغمزات هى نفسها

على ٠٠ يخلق من الشبه أربعين ياولدى

جمال٠٠ واه يخلق من الشبه أربعين و يخلق من الاسم أربعين بردك

حسن٠٠ نتأكد بس من الاسم الاول

فارس ٠٠ أنى أعرف موظف أهنه فى الإستقبال أكيد عنده أسمها بالكامل هروح أشوفو.

على ٠٠ أنى چاى أمعاك

ذهب فارس و على لموظف الإستقبال و بعد ما أخذ منها مبلغ من المال أعطاهم الاسم بالكامل لذلك اتأكدوا انها بنت شقيقهم

¤¤¤¤¤¤¤¤¤¤¤¤¤¤¤¤¤¤¤¤

فى غرفة إيلا

------------

إيلا ٠٠لا طبعآ انا مش بفكر فى الأرتباط دلوقتى

ملك ٠٠ على العموم مروان كلم عمو يحيى

إيلا٠٠ ليه بس انا قولتلك لأ

ملك ٠٠ ماليش دعوة مروان هو إللى كان مصمم بعدين انا مش فاهمه مروان مش عاجبك فى ايه

إيلا ٠٠ بالعكس مروان شاب لذيذ بس انا مش عايزه أرتبط من الأساس

هنا جائت ميرنا و رقية

ميرنا٠٠ ايه مش هنزل تحت شوية

إيلا ٠٠ لا انا عايزه أنام .. أحنا تعبنا أوى النهاردة. كمان بكرة الصبح هنروح على أسوان يعنى لازم نقوم بدرى

بقلم أروى عادل

¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤

صباح اليوم التالى

عندك كانت إيلا نائمة هى و ملك عندما . دق الباب

إيلا ٠٠ هى الساعة كام . هو احنا اتأخرنا

ملك ٠٠ لأ. الساعة لسه ٦ الصبح

إيلا٠٠ غريبة مين بيخبط علينا ٦ الصبح

ملك ٠٠ يمكن الروم سرفيس

إيلا .. و الروم سرفيس هيخبط علينا ٦ الصبح ليه بقولك ايه قومى افتحى الباب انا عايزه اكمل نومى

ملك٠٠ مش قدره عايزه أنام.. ولا اقولك خلاص هقوم أفتح

عندما فتحت ملك الباب و هى بتحاول تفتح عينيها بصعوبة رأت أمامها بعض الرجال يرتدون جلباب لفين العمامة على رأسهم

( زى الصعيدى )

افتكرت فى بداية الأمر انهم جاءوا إلى الغرفة الخطأ لكنهم قالوا لها

جمال ٠٠ احنا عايزين إيلا

قالت ملك بدهشة

ملك ٠٠ عايزين آيلا ليه انتم مين

حسن ٠٠ احنا أهلها

لأن ملك عارفه قصة أهل أبو إيلا حاولت تقفل الباب بسرعة و هى تصرخ على إيلا لكى تهرب من أهل أبوها . لكن جمال حط أيده مانع ملك من أغلاق الباب و هنا قالت إيلا

إيلا ٠٠ ايه إللى بيحصل هنا

جمال ٠٠ كيف حالك يا بت أخويا

إيلا ٠٠ أنتم مين . و ازاى تقتحموا علينا الأوضة بالشكل ده

حسن ٠٠ حد مايعرفش أعمامه يا بت يحيى

آيلا ٠٠ أعمام مين وهو انتو بتتكلموا على ايه م انا معرفكش انتو مين

جمال٠٠ يبقى تيجى امعانا و أبقى تعرف على بعض براحتنا فى الدارنا

إيلا ٠٠ أجي فين.. اتفضل انت وهو من هنا بدل ما اطلبلكم أمن الفندق

جمال ٠٠ شكل أميرة معرفتش تربيكى زين

ملك ٠٠ آيلا هم دول بجد أهل باباكى إللى بيدوروا عليكى

إيلا ٠٠ أنتى ايه اللى قولتى ده .. أسكتى خلاص ولا كلمة تانى

جمال ٠٠يعنى أنتى خابره زين أننا أهل أبوكى كمان خابره أننا كن بندور عليكى طيب زين أكده

إيلا٠٠ لأ انا معرفش حاجة اتفضل أمشى من هنا. انت وهو

حسن ٠٠ دى نتيجة تربية أميرة . بتتنكرى من أهلك

إيلا ٠٠ أنتم مش أهلى فاهمين مش أهلى

وهنا ضربها جمال على وجهها و هو يصرخ بيها ويقول

جمال ٠٠ بنت جليلة الحيه. لازمآ تتربى من أول و چديد

كانت الصفعة صدمة قويه هزت إيلا من الداخل للمرة الأول يقوم شخص بصفعها

للحظات لما تستوعب إيلا ما حدث...

لذا قالت ملك

ملك ٠٠ انت انسان همجى ازاى تمد ايدك عليها انا هطلبلكم البوليس

تجاهل جمال كلام ملك٠ وقال لى إيلا الذى كانت ترتدى ترنج

جمال ٠٠ استرى نفسك و تعالى أمعانا

إيلا ٠٠ أنت ازاى تمد ايدك عليا .. هو انت فاكر الدنيا سايبه.. انا هوديكم فى ستين داهيه

جمال ٠٠ و أقتلك كمان لو ملمتيش لسانك لا عايز حشو

هنا أخرج جمال مسدسه و صوبة اتجاه إيلا

فارس ٠٠ اهدى يابوى مش أكده

على ٠٠ جمال ياخويا البت لساته جاهله ماخبراش حاچة

جمال٠٠ عليا الطلاق لو مش مشيت جدامى دلوك لا اكون ضربها عيارين

أمخلص عليها

هنا صرخت ملك و إيلا مرعوبين من المسدس

بينما قلع حسن العباية الرجالى الذى كان يرتديها ثم وضعها على إيلا .

ثم سحبها هو و فارس خارج الغرفة .. صرخت أيلا على أمل أن يسمعها أحد

و يساعدها .

وفعلآ تدخل بعض نزلاء الفندق الذين أستيقظوا على صوت صراخ إيلا و حاولوا يساعدها لكن أطلق جمال بعض من رجالتة الرصاصة فى الهواء

فأبتعد الجميع خوفآ على حياتهم .

بالفعل لقد خرجوا من الفندق و غادوا بسيارتهم و معاهم آيلا

ميرنا ٠٠ ايه ده إللى حصل يا ملك

كانت ملك منهاره

ملك ٠٠مش عارفه ده حصل ازاى

رقية٠٠ انتى متأكده أنهم دول فعلآ أهلها

ملك ٠٠ أيوه أهلها

ميرنا ٠٠هو مش لازم نبلغ البوليس

رقية ٠٠ مشرفين الرحلة بلغوا كمان بلغوا أدارة الجامعة و الرحلة اتلغت و عايزنا نرجع القاهرة حالآ

ملك ٠٠ نرجع من غير إيلا

ميرنا ٠٠ لأ مستحيل نمشى و نسيبها

رقيه ٠٠ أهم حاجة دلوقتى. أحنا أزاى نبلغ الخبر لطنط أميرة أكيد هى عارفة مكان أهل إيلا ده هيساعد البوليس فى أنهم يلاقوها

ملك ٠٠ أنا مش ممكن أقول لطنط أميرة خبر زى ده

رقية ٠٠ ولا انا

ميرنا ٠٠ خلاص نكلم عمو يحيى أو سيف

ملك ٠٠ أنا هكلم عمو يحيى

ثم أتصلت يحيى وهى تبكى

بينما أستغرب يحيى من أتصل ملك.

لأن الساعة حينها كانت لم تتجاوز السابع صباحآ

¤¤¤¤¤¤¤¤¤¤¤▪︎▪︎▪︎▪︎▪︎▪︎▪︎▪︎▪︎

فى نفس الوقت فى فيلا يحيى

-------------------------

فى غرفة يحيى و أميرة

أميرة ٠٠مين بيتصل عليك بدرى كده

يحيى ٠٠ غريبة دى ملك

أميرة ٠٠ طيب رد بسرعة ممكن تكون إيلا

( بداية المكالمة)

بصوت مخنوق من البكاء

ملك ٠٠ ألووو عمو يحيى

يحيى ٠٠ ملك. مال صوت .. فى حاجة

ملك ٠٠ أه إيلا يا عمو يحيى

بصوت متوتر قال

يحيى ٠٠ مالها إيلا

هنا قالت أميرة بخوف

أميرة٠٠فى ايه مالها أيلا

يحيى ٠٠ أستنى يا أميرة أفهم فى ايه

أميرة ٠٠ طيب أفتح الصوت

بعد ما فتح يحيى الصوت قال

يحيى ٠٠ فى ايه مالها إيلا

ملك ٠٠ أهل باباها أخدوها من الفندق

هنا شهقت اميره بصدمه ثم صرخت لرعبها على أبنتها

يحيى ٠٠ يعنى ايه أخدوها. أمتى الكلام ده

ملك ٠٠ من ساعة . انا مش عارفه اعمل ايه انا خايفه عليها ده عمها ضربها و سبحها قدامى و مقدرتش أعملها حاجة

يحيى ٠٠ ابعتلى أسم الفندق إللى انتم فيه حالآ أنا جايلكم بالطيارة خاصه دلوقتى حالآ

بقلم أروى عادل

( أنتهت المكالمة)

---------------------------

ببكاء و نحيب قالت أميرة

أميرة ٠٠ بنتى . أخدوا بنتى منى

يحيى ٠٠ أهدى يا أميرة احنا هنسافر دلوقتى و هنتفهم مع أهلها و هنرجعها

أميرة ٠٠ أنت متعرفش الناس دى دول قلوبهم حجرة ياترى يا بنتى عملوا فيكى ايه.. انا كان قلبى حاسس من الأول

و قولتلها بلاش ماكنش لازم اسيبها تسافر

يحيى ٠٠ مش وقت الكلام ده دلوقتى..

هنا اتصل بالشركة الطياران لتجهيز طيارة خاصة فى خلال نصف دقائق

عندما كانوا على وشك المغادرة أوقفهم سيف وقال

سيف ٠٠ فى ايه انتم رايحين فين .. ماما أميرة مالك

يحيى ٠٠ أهل أبو آيلا أخدوها من الفندق

قال سيف و هو غاضب

سيف ٠٠ اخدها ازاى . وعرفوا منين أنها فى الصعيد. ..وبعدين انتم كنتم مشين من غير ما حد يقولى حاجة

يحيى٠٠ الموضوع جه بسرعة و انا حجزت طيارة لازم نلحقها دلوقتى

سيف ٠٠ أنا جاى معاكم

يحيى ٠٠ وشغلك

سيف ٠٠ المهم أيلا دلوقتى

¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤

فى الفندق الأقصر

بعد نصف بالطائره كانوا فى الأقصر تحديدآ فى الفندق

بعد ما حكت ملك كل ما حدث بالتفصيل

وعندما سمع سيف كل ما حدث كان مثل البركان إللى على وشك الانفجار من الغضب لدرجة انه كان على إستعداد أن يقتل أي أحد يقف امامه من عائلة أهل إيلا فى ذلك الوقت

بعد ذلك وصلوا إللى قسم الشرطة الخاص بالمركز الذي يتابع له أهل أبو إيلا

هنا قرروا يذهبوا إلى منزل عائلة المهدى أهل أبو إيلا و معهم البوليس لكن يحيى رافض انا يأتى معاهم سيف و هو بهذه الحالة لأنه يعلم جيدآ ان من الصعب السيطرة على سيف وهو غاضب

لذلك قال سيف بغضب

سيف ٠٠ بابا انت بتقول أيه انا لازم أروح معاكم

يحيى ٠٠ قولتلك لأ البوليس هيكون معانا

سيف ٠٠ بس يا بابا انا

قطع يحيى عبارته بعصبيه وقال

يحيى ٠٠ ده أخر كلام عندى انا مش مستعد أخسرك فى لحظة غضب منك

أميرة ٠٠ أسمع الكلام يا سيف يحيى عنده حق.. و كفايه وجع قلبى على أيلا متوجعش قلبى انت كمان

بالفعل ذهب يحيى و أميرة مع البوليس دون سيف إلى منزل عائلة المهدى

¤¤¤¤¤¤¤¤¤¤¤¤¤¤¤¤¤¤¤¤¤¤¤

فى منزل عائلة المهدى

□□□□□□□□□□□□□□□□□□□□

كاتبة/أروى عادل