رواية أحببت أخي الفصل الثاني بقلم الكاتبه أروي عادل حصريه وجديده على مدونة النجم المتوهج للروايات والمعلومات
 |
رواية أحببت أخي الفصل الثاني بقلم الكاتبه أروي عادل حصريه وجديده على مدونة النجم المتوهج للروايات والمعلومات
إيلا ٠٠ يووووو بقى . سيف أسمع إللى هقولو كويس انا هروح الكليه بنفس منظرى ده برضاك أو غصب عنك تمام كده
سيف ٠٠ تمام . و أدى قاعدة . لما أشوف هتمشى ازاى كدة غصب عنى
إيلا ٠٠ خليك قاعدة انا ماشية
وعندما كانت إيلا على وشك المغادرة اقترب منها سيف و سحب القميص من على خصرها و مزقوا إلى نصفين هنا قالت إيلا
آيلا٠٠ ايه إللى عملتوا ده أنت أتجننت .انت قليل الذوق و مستفز .. ازاى ......
٠٠قطع سيف عبارتها وقال٠٠
سيف ٠٠ أنا اتأخرت على شغلى دقيقة واحده و تكونى فى العربية إلا همشى هيبقى مافيش كلية النهاردة
إيلا ٠٠ ماشى بس اقسم بالله يا سيف هردهالك
سيف٠٠ فات ٣٠ ثانيه من الدقيقة .. شكلك مش عايزه تروحى الكلية النهاردة
أستسلمت إيلا لأوامر سيف لكنها كانت تتوعد له بأنتقام
بقلم أروى عادل
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
فى كافيتريا الجامعة
تجلس إيلا مع صديقاتها ملك /ميرنا/رقيه
ملك : توجد صداقه قويه بين عائلة ملك و عائلة آيلا
كما أن شقيقيها لملك أصدقاء سيف وهما حازم و مروان كما أن مروان معجب بأيلا كما تسكن عأئلة ملك فى فيلا بجوار فيلا يحيى
رقيه: بنت ناهد صديقة أميرة
ميرنا: أخت جاسر صديق سيف ايضآ
ملك ٠٠ ممكن أعرف مالك متعصب ليه على الصبح
إيلا ٠٠ اتخنقت مع سيف
رقيه ٠٠ طيب ايه الجديد ما انتم كل يوم على كده
إيلا ٠٠ لأ بس المردى زودها معايا شوية
ميرنا ٠٠( بتنهيده) أنا مش فاهمه حد يكون عنده أخ مز زى سيف و يدايق منه
إيلا٠٠ ايه يا بت انحنحه دى ما تهدى على نفسك شويه
رقية ٠٠ هى عندها حق أخوكى جامد بصراحة
ملك ٠٠ رقية ايه إللى جرالك ما كنتى عاقله
ميرنا ٠٠ رقية اسمعى انتى عارفه ان سيف الكراش بتاعى يعنى خط أحمر فاهمة
إيلا ٠٠ تعرفوا انا غلطانه انى قاعد مع حبة عيال زيكم تاكم القرف
هنا قامت من مجلسها لتغادر
ملك ٠٠ أستنى بس رايحه فين
إيلا ٠٠ عندى محاضرة
ملك ٠٠ طيب هستناكى عشان نروح سوا
---------------------------------------
بعد ثلاث ساعات
فى سيارة ملك
ميرنا ٠٠ بقولك يا إيلا هو سيف شكله ايه بالبدلة الظباطى كده أكيد شكلو يجنن
إيلا ٠٠ الظباطى . بقولك ايه يا ميرنا هو انتى متأكده ان ماكنش عندكم حد أهبل فى عيلتكم
ضحكوا البنات على كلام إيلا
ميرنا ٠٠ تقصدى ايه بكلامك أنى هبله مش كدة
إيلا ٠٠ لأ يا سمح الله.. يا هبله انا أكتر من مره قولتلك سيف لأ.. و قولتلك كمان انه بيعرف بنات كتير .. غير انه مرتبط بجودى
ملك ٠٠ شكلها بتحب تتخزوق
ميرنا ٠٠ أعمل ايه بحبه يا بنات
إيلا ٠٠ تصدقى انا غلطانه انى بنبهك بكرة تخدى أكبر خزوق
رقيه ٠٠ خليها احنا كلنا فهمنها براحتها بقى
ميرنا ٠٠ متشكره على النصيحه ممكن تنزلينى هنا عشان أجيب عربيتى من الصيانة
إيلا ٠٠ أخيرآ هنرتاح من رخمتك
ثم قالت إيلا بسخرية على ميرنا بحبه يا بنات
بعد ما قامت ملك بتوصيل رقيه لمنزلها قالت
ملك ٠٠ أنا عايزه اطلب منك خدمة
إيلا ٠٠ خير
ملك ٠٠ أنا عاوزكى تدخلى على حساب أسلام انا شكه انه بيعرف واحده عليا
إيلا ٠٠ تانى يا ملك
ملك ٠٠ المردى بجد انا شوفت رسالة من واحده أسمها ميار هو قالى انها زميلته فى الشغل بس انا مش مصدقه
إيلا ٠٠ طيب بس دى هتكون أخر مره فاهمه
ملك٠٠ أوكى واللهى مش هطلب منك أختراق أى تليفون تانى
بقلم أروى عادل
¤¤¤¤¤¤¤¤¤¤¤¤¤¤¤¤¤¤¤¤¤¤¤¤
فيلا يحيى أبو اليزيد
عندما وصلت إيلا إلى الفيلا ذهبت إللى غرفتها كانت معاها ملك وفتحت الاب توب و قامت أختراق حساب أسلام حبيب ملك و أبن عم سيف
فعلآ كان يوجد رسايل من زميلتة إللى أسمها ميار التى من واضح من رسائلها انها بتحاول تتقرب من أسلام
ملك ٠٠ شوفتى طلع عندى حق لزاى
آيلا٠٠ انتى هبله .. هى إللى بتحاول تتقرب منه لكن هو مش متجاوب معاها
ملك٠٠ خلاص نفتح حسابه كل يوم و نشوف هيتجاوب معاها ولا لأ
آيلا ٠٠ ليه هو انتى اشتريتنى . بعدين انا خلاص مش هخترق حساب حد تانى دى أخر مره
ملك ٠٠ إيلا حبيبتى مش احنا صحاب .
إيلا ٠٠ لا انسى مش هتضحكى عليا بكلمتين.. و بعدين يا مفتريه أسلام شاب محترم و بيحبك ومخلص ليكى خلى عندك ثقه فيه بقى
ملك ٠٠ يعنى انتى عايزانى اصدق ان فيه شاب مخلص فى الأيام دى . لأ طبعآ عندك مثلآ اخواتى حازم و مروان كمان سيف كلهم بيكلموا بنات ده حتى زياد أخوكى إللى عنده ١٠ سنين مصاحب هو كمان
إيلا ٠٠ واللهى عندك حق بس بردوا أسلام غيرهم
ملك ٠٠ يمكن . على العموم انا هروح
إيلا ٠٠ خليكى نتغدا سوا بدل ما اتغدا لوحدى
ملك ٠٠ أمال فين الناس إللى فى البيت ده
آيلا ٠٠ ماما مع زياد فى النادى عنده تمرين و بابا فى الشركة و سيف فى الشغل
ملك ٠٠ طيب يلا ننزل نقعد فى جنينة
إيلا ٠٠ أستنى ثوانى
ملك ٠٠ بتعملى فى الاب توب
إيلا ٠٠ بحاول افتح حساب الماسنجر بتاع سيف بس عامل حماية لجهازه بس على مين
ملك٠٠ انتى مش لسه قايله انك بطلتى تخترقى حساب حد تانى
إيلا ٠٠ آه بس دى أخر مره .
ملك٠٠ هتعملى أيه بالماسنجر سيف
إيلا ٠٠ هو انا هعدى إللى عملوا معايا النهارده الصبح .. اهو فتحتوا
ملك ٠٠ أستنى عندى فضول أشوف مسجات سيف
قرأت إيلا و ملك بعض الرسايل من على حساب سيف و هنا قررت إيلا تبعت رساله إلى جودى صديقة سيف .. لتنهى العلاقه بينهم
( جودى صديقة مايا اخت سيف كما أن أم جودى صديقة صافى أم سيف لذلك صافى تريد من سيف ان يتزوج جودى)
ملك ٠٠ هتعملى أيه يا مجنونه .
إيلا ٠٠ هبعت مسج لى جودى من حساب سيف
لانى بصراحة مش بحب البت دى . وهقولها
نص الرسالة :
جودى أنا أسف بس انا مش قادر اكمل معاكى .صدقينى انا حاولت أحبك بس مقدرتش لأننا أحنا مختلفين عن بعض
ياريت تفهمى اننا ماننفعش لبعض
وعندما قرأت ملك الرسالة قالت
ملك ٠٠ الله يخرب بيتك ايه إللى عملتيه ده
إيلا امسحى الرسالة دى سيف لما يعرف انتى عارفه هيعمل فيكى ايه
إيلا٠٠ هيعرف منين
ملك ٠٠ هو فى حد غيرك بيعرف يخترق الحسابات
إيلا ٠٠ مش مهم .. أهم حاجة انى أرد له إللى عملوا معايا النهاردة ..
ملك ٠٠ انا خايفه عليك من سيف
إيلا ٠٠ متخافيش.. آخره هيتعصب و يقوله كلمتين
¤¤¤¤¤¤¤¤¤¤¤¤¤¤¤¤¤¤¤¤¤¤¤
فى المساء
أميرة ٠٠ سيف ممكن تهدى عشان أفهم
سيف ٠٠ قوليلى فين إيلا بعد كده تبقى تفهمى
أميرة ٠٠ هى فى أوضتها
سيف ٠٠ لأ هى مش موجودة فى أوضتها انا دورت عليها فى الفيلا كلها مش موجودة
يحيى٠٠ يمكن تكون عند ملك اتصل عليها
سيف ٠٠ مش بترد
( لان فيلا عائلة ملك بجوار فيلا ابو اليزيد لذلك ذهب سيف بنفسه ليبحث عن آيلا ..
بعد ربع ساعة رجع سيف و قال )
سيف ٠٠ مش موجودة عند ملك
أميرة ٠٠ قولتلك هى ماخرجتش من الفيلا
يحيى ٠٠ أنا عايز أعرف هى عملت أيه خلتك عامل زى المجنون كده
سيف ٠٠ اخترقت حسابى تانى . بعتت مسجات من حسابى
يحيى ٠٠ لمين بعتت المسجات
سيف ٠٠ هى هتفرق يا بابا
أميرة ٠٠ أنا أسفه يا سيف واللهى انا نبهت عليها أكتر من مرة ماتفتحش حسابك بجد انا تعبت منها و خايفة ان الموضوع أختراق الحسابات و المواقع ده هيوقعها مره فى مصيبه
سيف ٠٠ لازم تعرفى ان أختراق الحسابات تعتبر جريمة
أميرة ٠٠ يا مصيبتى لا يا سيف متقولش كده
يحيى ٠٠ فى ايه انت و هى هتكبروا الموضوع ليه .ده كله هزار
سيف ٠٠ لأ يا بابا ده مش هزار هى عدت حدودها
يحيى ٠٠ يا سلام طيب ما انتى دايقتها الصبح و قطعت ليها قميصها .
سيف ٠٠ و حضرتك عرفت منين.. هى إللى قالتلك مش كدة .. بابا أوعى تكون عارف مكانها و مخبى عليا
يحيى ٠٠ بقولك ايه انا ماليش دعوة بحوراتكم دى انا طالع انام تصبح على خير يلا يا أميرة
سيف ٠٠ أنا دلوقتى متأكد أكيد بابا عارف هى فين على العموم ماشى يا آيلا أكيد مش هتفضلى مستخبية طول عمرك
كانت إيلا مستخبية على التراس الفيلا كان يحيى يعلم مكانها
بقلم أروى عادل
¤¤¤¤¤¤¤¤¤¤¤¤¤¤¤¤¤¤¤¤
نزلت إيلا من على التراس وهى تمشى بخطوات بطيئة حتى لا يسمعها سيف
و عندما فتحت باب غرفتها اتفجأت بسيف أمامها يجلس على المقاعد داخل الغرفتها ينتظرها و يقول
سيف ٠٠ أنا قولت استنا هنا يعنى أكيد أنتى فى النهاية هتيجى أوضتك
إيلا ٠٠ لوسمحت اطلع بره أوضتى حالآ
سيف٠٠ لأ وليكى عين تتكلمى ده انتى بجحه بجد
إيلا ٠٠ احترم نفسك يا سيف أحسنلك
بدء سيف يقترب منها و هو يتحدث و يقول
سيف ٠٠ أنا أحترم نفسك صح
إيلا ٠٠( بخوف) أه على فكرة أوعى تفتكرنى خايف منك
هنا أمسكها سيف من شعرها وهو يقول
سيف ٠٠ أنا نبهتك كام مرة أنك ماتفتحيش حسابى
إيلا ٠٠ يسيب شعرى يا متخلف
سيف٠٠ بطلى غلط احسن واللهى
( قطعت عبارته وقالت)
إيلا ٠٠ طيب سيب شعرى و اللهى بيوجعنى .. بعدين انت إللى بدأت لما قطعتلى القميص بتاعى . و انا قطعتلك علاقتك مع اليدى جودى يبقى خلصين
سيف ٠٠ واللهى طيب أسمعى عشان دى أخر مره هقولها اقسم بالله يا إيلا لو دخلتى على حسابى تانى انا هحبسك
إيلا ٠٠ تحبس أختك دى الرجولة بردوا
سيف٠٠ واللهى دلوقتى بقيتى أختى أمال فين كلامك بتاع الصبح
آيلا٠٠ طيب ممكن تسيب شعرى وبعد كدة نتخانق . ولا انت عايز شعرى فى حاجة .
سيف ٠٠ لا انتى بتهزرى .. طيب
هنا أخذ سيف الاب توب بتاع إيلا من على المكتب لذلك قالت إيلا بتحذير
إيلا ٠٠سيف انت هتعمل ايه بالاب توب .. سيف إلا ده . انت عارف الاب توب مهم عندى أد أيه
سيف٠٠ و جودى كمان كانت مهمه عندى
آيلا ٠٠ أنا مش عارف بتحب فيها ايه دى بنى أدمه رخمة و دمها يلطش ..
سيف ٠٠ عجبانى .. انتى مالك تدخلى فى حياتى ليه
إيلا ٠٠ صحيح الطيور على أشكالها تقع و انت وهى نفس العينه
سيف ٠٠ أوعى تكونى بتغيرى من جودى
إيلا٠٠ ههههههه و مين جودى دى إللى انا أغير منها شكلك اتجننت
سيف ٠٠ أمال ليه بعتلها الرسالة
إيلا ٠٠ أنا بعت الرسالة عشان أدايقك انت لكن جودى دى مش فى دماغى أساسآ .. ممكن بقى تسيب الاب توب
سيف٠٠ انا هسيب الاب توب بس ده أخر تحذير ليكى أنما جودى انا هعرف أصالحها ازاى
آيلا ٠٠ يكش تولعوا انتم الإتنين فى بعض
سيف ٠٠ لمى لسانك
آيلا ٠٠ اطلع بره أوضتى
¤¤¤¤¤¤¤¤¤¤¤¤¤¤¤¤¤¤¤¤¤¤¤¤
فى صباح اليوم التالى
كانت آيلا تريد أن تذهب الى رحلة مع أصدقاء
إيلا ٠٠ يا ماما صحابى كلهم رايحين الرحلة دى أيشمعنا انا لأ
أميرة ٠٠ أنتى عايزانى أوديكى الصعيد لأهل أبوكى
إيلا ٠٠ يا ماما الرحلة دى للأقصر و أسوان و أهل بابا فى قنا
أميرة ٠٠ بردوا لأ
سيف ٠٠ خليها تروح يمكن نخلص منها
إيلا ٠٠ مش لما نخلص منك انت الأول .. بعدين مالكش دعوة
سيف ٠٠ طيب ايه رأيك انت مش هتروحى الرحله دى. و ماما عندها حق
أميرة ٠٠ شوفتى أهو رأيه زى رأي
إيلا ٠٠ ماما سيف بيقول كده عشان يدايقنى و بس
سيف٠٠ لأ مش عشان أدايقك بس انا مش موافق تروحى رحله لمدة أسبوع مع أصحابك يعنى عايزه تباتى بره البيت لمدة اسبوع لوحدك
آيلا ٠٠دى رحلة تبع الجامعة و بعدين ما أختك راحت الرحلة دى السنه إللى فاتت ما أعترضتش ليه ساعتها
سيف ٠٠ لأن ظروفك غير ظروف مايا و كلنا عارفين أهل أبوكى بيدوروا عليكى تقومى تروحلهم برجلك
إيلا ٠٠ أنت مالك .. أنت مالك ان شالله اموت عشان أرتاح منك
يحيى ٠٠ ممكن توقفوا خناق شوية.. أميرة أظن انتى مزودها شويه ..
آيلا٠٠ قولها يا بابا .. كمان حتى لو أهل لو أهل بابا شافونى مش هيعرفونى ولا انا حتى هعرفهم
أميرة٠٠ يابنتى انا خايفه عليكى
إيلا ٠٠ ماتخفيش بالله عليكى يا ماما وافقى
سيف ٠٠ بس انا مش موافق
إيلا ٠٠ أسكت بقى . و ارحمنى .. انت مش رايح شغلك قوم أمشى أحسن هتتأخر
سيف ٠٠ تمام انا فعلا هتأخر على الشغل .. على فكرة انا رايح مأمورية تبع الشغل ممكن أغيب كام يوم
إيلا ٠٠ أحسن هتريحنا
سيف ٠٠ و بردوا مش موافق انك تروحى الرحلة
غادر سيف.. و بعد ما غادر سيف أقنعت إيلا أميرة برحلتها إلى الأقصر و أسوان
بعد يومين ذهبت إيلا إلى الرحلة
بقلم أروى عادل
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
فى إحدى الفنادق فى الأقصر
وقف المشرف على الرحلة ينادى كل طالب بأسمة لكى يعطيهم مفاتيح غرافهم الخاصة بهم و عندما قال
المشرف ٠٠ إيلا يحيى عبد الحميد المهدى و ملك طاهر مصطفى المحمدى فى غرفة رقم ٣١
أخذت إيلا و ملك المفتاح و ذهبوا إلى غرفتها
كان وقف شاب فى منتصف العشرينات كان واضح عليه الصدمة عندما سمع أسم إيلا
ثم قامة بالاتصال بشخص أخر باللهجة الصعيدية قال
( مكالمة هاتفية)
فارس ٠٠ ايوه يا أبوى انى جيبلك خبر أبمليون جنيه
جمال ٠٠ واه خير ولدى
فارس ٠٠ أنى شوفت بنت عمى يحيى أهنه فى الأقصر
جمال ٠٠ واه هتجول الحج يا ولدى معجول بعد السنين دى كلاتها
فارس ٠٠ زى ما بجولك اكده يابوى
جمال ٠٠ جولى شوفتها وين
فارس ٠٠ أهنه فى الأقصر. فى فندق(٠٠٠٠٠)
يـــــــّتُـــــــبّـــــــعــــــــ
بّـــــــقــــــلَمِــــــــ٠أروُى٠عــــــــآدلَ
□□□□□□□□□□□□□□□□□□□□
الكاتبة/ أروى عادل
انتهى البارت الثانى
إلى القاء فى البارت الثالث
ماذا سيفعل مع إيلا من عمها جمال
ماذا سيكون موقف إيلا مع عائلة ولدها
أنتظروا القادم
ايه رأيكم فى البارت الثانى
رواية الطفله والوحش كامله من هنا
رواية جحيم الغيره كامله من هنا
رواية مابين الضلوع كامله من هنا
رواية سيطرة ناعمه كامله من هنا
رواية يتيمه في قبضة صعيدي كامله من هنا
الروايات الكامله والحصريه بدون لينكات من هنا
إللي خلص القراءه يدخل هيلاقي كل الروايات اللي بيدور عليها من هنا 👇 ❤️ 👇
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
الصفحه الرئيسيه للروايات الجديده من هنا
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺