رواية احفاد المحمدي الفصل الاول بقلم الكاتبه ساره ياسر حصريه وجديده في مدونة النجم المتوهج للروايات والمعلومات

بواسطة كاتب مميز - يوليو 17, 2025

الابطال2

👑 زينب الهديان (زوجة محمد المحمدي – كبيرة عائلة المحمدي)

70 سنة

ست ذات حضور طاغٍ، ملامحها مصرية أصيلة، بيضا خمرية البشرة، وشها فيه هيبة ووقار، عيونها واسعة سوداء فيها لمعة حنان لكن كمان فيها شدة وقت اللزوم. شعرها كان أسود فاحم في شبابها، دلوقتي مبيض لكنه دايمًا ملفوف في طرحة أنيقة أو إيشارب بسيط بلون هادي. ملامحها ناعمة لكنها قوية، والحزن سايب أثره في عينيها بعد فقد الأحبة.

كانت دايمًا صوت الحكمة داخل القصر. الكل يسمع كلامها حتى الجد محمد نفسه كان بيحترم رأيها. قلبها طيب، لكنها وقت الجد تعرف تاخد قرارها وتتحمل نتيجته. ست مؤدبة، متدينة، بتحب الخير للكل، لكنها ما بتسامحش في الكرامة أو العرض.

هي عمود البيت، ست القصر، حضن الأحفاد، ورا كل واحد منهم دعوة منها وسند. كانت بتدير شؤون القصر بإتقان، وبتجمع شمل العيلة وقت الخلاف. في غياب الجد، كلمتها تمشي، والكل ينفذ أوامرها.

ست محترمة ومحبوبة في البلد كلها، الكل كان بيقول عنها "الست زينب ست الأصل والشهامة". عمرها ما رفعت صوتها، لكن لما تتكلم الكل يسمع.

علاقتها باحفادها بتعتبرهم عيالها مش أحفادها، همسها ليهم فيه حب، لكن عينيها عليهم صقر يحرسهم من الغلط. هي اللي بتهدّي قسوتهم لما يزيدوا، وهي اللي بتدعي لهم في ظهرهم.

#رواية احفاد المحمدي

#الابطال3

أحفاد المحمدي:

💎 ياسين المحمدي

34 سنة

طويل جدًا (حوالي 190 سم)، جسمه رياضي مفتول، شعره أسود ناعم دايمًا مهندم، عيونه عسلية قاتلة، دقنه خفيفة، ملامحه حادة جدًا وكأنها مرسومة بدقة، صوته عميق وجذاب.

رئيس مجلس إدارة مجموعة شركات المحمدي القابضة (تعمل في العقارات، البترول، التكنولوجيا)، مسؤول استخباراتي بارز (يتعامل مباشرة مع المهام الخاصة جدًا للمخابرات).

خريج كلية الهندسة قسم ميكانيكا، حاصل على ماجستير إدارة أعمال من جامعة أكسفورد، ودورات عسكرية متقدمة.

💎 مراد المحمدي

32 سنة

185 سم، شعره بني غامق وعيناه بنية دافئة لكنها ثاقبة، ابتسامته نادرة لكنها ساحرة، جسمه رياضي لكنه أنحف من ياسين، دايمًا أنيق وكلاسيكي في لبسه.

المدير التنفيذي لمجموعة شركات المحمدي، خبير اقتصادي عالمي، مستشار اقتصادي سري للدولة.

خريج كلية الاقتصاد والعلوم السياسية، حاصل على دكتوراه في الاقتصاد من هارفارد.

💎 زين المحمدي

29 سنة

183 سم، شعره أسود متموج وعيناه سوداء عميقة، ملامحه تجمع بين الغموض والوسامة، جسمه رياضي مرن، دايمًا يلبس كاجوال شيك، شخصيته فيها هدوء مرعب.

عبقري التكنولوجيا، مؤسس لشركات تقنية ضخمة تابعة لمجموعة المحمدي، مسؤول عن الأمن السيبراني في المخابرات.

خريج كلية هندسة اتصالات، حاصل على ماجستير في الذكاء الاصطناعي من MIT.

💎 جاسر المحمدي

31 سنة

188 سم، بشرته سمراء جذابة، شعره أسود وعيناه بنية غامقة، ملامحه رجولية جدًا، دقنه خفيفة، جسمه مفتول بالعضلات، دايمًا لبسه عملي.

قائد عمليات ميدانية خاصة بالمخابرات، يمتلك شركات شحن دولي وموانئ بحرية.

خريج كلية الحقوق، حاصل على ماجستير في القانون الدولي من فرنسا، ومدرب عسكري محترف.

#رواية احفاد المحمدي

#الابطال4

عائلة الألفي♥️

👑 رأفت الألفي (والد بنات الألفي)

العمر: 58 سنة

رجل متوسط الطول (حوالي 177 سم)، جسمه رياضي رغم سنه، لأنه بيهتم بصحته. بشرته قمحية، شعره أسود فيه خصلات بيضا على الجانبين، عيونه بنية دافية لكنها فيها لمعة ذكاء وحزم، ملامحه وسيمة ووقورة، دقنه دايمًا حالقة أو فيها خفيف خفيف، وابتسامته نادرة لكنها صادقة.

رجل أعمال ناجح جدًا في مجاله (عنده شركات مقاولات وعقارات كبيرة)، شخصيته قوية، هادي الطباع، متزن جدًا، كلامه قليل لكنه مؤثر. معروف عنه الشرف والنزاهة، وما بيقبلش الظلم أبدًا. من نوع الرجال اللي وجوده في أي مكان يحسسك بالأمان، لكن في نفس الوقت وجوده يرعب اللي نواياهم مش سليمة.

مؤسس ورئيس مجلس إدارة مجموعة الألفي للمقاولات العامة والاستثمار العقاري. ليه سمعة محترمة في عالم المال، الكل يشهد بنزاهته وشطارته. بعيد عن السياسة والسلطة لكنه معروف عند الكبار.

خريج كلية الهندسة قسم مدني، حاصل على دبلومات ودورات في إدارة الأعمال.

الناس كلها بتحبه، معروف بكرمه وجدعنته، ودايمًا بيساعد الغلابة، وبيمد إيده بالخير للكل من غير ما يستعرض.

بيحب بناته حب شديد، هما نقطة ضعفه، دايمًا بيخاف عليهم، علمهم القوة والكرامة، ورباهم على الاحترام والطموح. هو سندهم الأول في الحياة، والبنات شايفين فيه مثلهم الأعلى.

ورغم إن رأفت الألفي كان سند لبناته طول عمرهم، إلا إن اللي زود تمسكه بيهم كان فقدانه لأغلى ما يملك... زوجته هالة الشريف، اللي كانت حب عمره ورفيقة دربه. فقدها من سنين قليلة بعد مرض خبيث، وساعتها الدنيا ضلمت في عينه، لكنه وقف رغم الوجع، وشال الحمل لوحده، وتحمل مسؤولية بناته الأربع وكأن روحه معلقة بيهم.

اتحول رأفت من رجل أعمال مشغول طول الوقت، لأب حاضر في كل تفاصيل حياتهم. بقى الأب والأم والسند والضهر. كان بيحاول يخفي حزنه عشان ما يكسّر قلوبهم، وبيزرع فيهم القوة عشان يعرفوا يواجهوا الدنيا من بعده.

دايمًا عينه عليهم... خايف عليهم من غدر الزمن، من الطمع، من قسوة القلوب. عشان كده لما لقى إن الوحوش قربت من عياله، اتحول من الراجل الهادي للبركان اللي ما يوقفه حد.

#رواية احفاد المحمدي

#الابطال5

بنات الألفي:

💖 ليلى الألفي

24 سنة

شعر بني فاتح ناعم، عيون عسلية واسعة، ملامح بريئة لكنها قوية، جسمها رشيق وطولها 165 سم.

مصممة أزياء، صاحبة براند صغير بدأ ينتشر.

خريجة فنون تطبيقية قسم تصميم أزياء.

💖 سلمى الألفي

26 سنة

شعر بني غامق مموج، عيون بنية غامقة، جسمها ممشوق، طولها 168 سم، ملامحها هادية لكنها ذكية وواثقة.

صحفية استقصائية، مشهورة بتحقيقاتها الجريئة.

خريجة إعلام قسم صحافة.

💖 ملك الألفي

23 سنة

شعر أسود حريري طويل، عيون سوداء كبيرة، جسمها نحيف وطولها 163 سم، ملامحها تجمع بين الرقة والعناد.

مهندسة معمارية، لسه متخرجة وبتشتغل في مكتب استشارات هندسية.

خريجة كلية الهندسة قسم عمارة.

💖 جودي الألفي

25 سنة

شعر بني مموج، عيون بني فاتح، جسمها رشيق، طولها 166 سم، ملامحها طفولية لكنها بتتغير لما تغضب.

دكتورة صيدلانية، عندها صيدلية خاصة بيها.

خريجة كلية صيدلة.

***********************

ورغم إن دول أبطال الحكاية اللي معروفين للناس، إلا إن باقي الشخصيات لسه مستنية وقتها عشان تطلع للنور...

أبطال وأعداء، حبايب وغرباء، هيتعرفوا قدام في قلب المعارك، في لحظات الضعف والقوة، وفي وسط لعبة كبيرة الكل فيها ليه دور... والكل عليه حساب.

"أحفاد المحمدي"... قصة لسه ما بدأتش، وأسرار لسه هتتكشف!"🔥

"ولأن كل قارئ له خياله الخاص، ما حطيتش صور لأبطال الرواية... عشان أنتم تتخيلوهم بنفسكم، ترسموا ملامحهم زي ما قلوبكم شايفه، وتشوفوهم بعينكم جوه كل مشهد وكلمة."

#رواية احفاد المحمدي

#الفصل الأول1

قصر المحمدي...

تحفة معمارية واقفة في عز كبرياءها على مساحة أكتر من عشرة آلاف متر، وسط أراضي خضرا بتمتد حواليه زي ما تكون بتحرسه. بوابة حديدية ضخمة مزخرفة بنقوش عربية قديمة، بتتفتح بس للّي ليه مقام. القصر مبني بطراز يجمع بين الأصالة والحداثة، جدرانه حجرية شامخة، شبابيكه كبيرة عليها شرفات من الحديد المشغول، وكل شرفة كأنها بتطل على أسرار جوه القصر.

القصر من جواه، كأنه متحف:

الدور الأرضي فيه:

صالونين كبار بيستقبلوا الكبار بس.

قاعة اجتماعات فخمة، بيستخدموها لما الأمور تكبر.

أوضة مكتب ضخمة لياسين، مليانة ملفات وتقارير سرية.

غرفة طعام تكفي جيش.

والدور الأول:

خمس أجنحة خاصة بالرجالة الأربعة، وجناح مخصص للضيوف الكبار.

كل جناح فيه أوضة نوم رئيسية، أوضة ملابس، أوضة معيشة صغيرة، حمام كبير زي حمامات القصور الملكية.

والدور الأخير:

صالة رياضية مجهزة، غرفة أسلحة، وغرفة مراقبة فيها شاشات بتعرض كل ركن من القصر.

حوالي القصر جنينة واسعة فيها حمام سباحة كبير، واسطبل للخيول، وجراج للعربيات الفارهة.

***

كانت الشمس لسه بتبزغ بهدوء لما فتحت أوضة ياسين أبوابها على اتساعها.

وقف قدام المراية الطولية، بصل صورته في انعكاس الزجاج، وكأن عينه بتفتش ورا الملامح.

ياسين المحمدي...

34 سنة من الهيبة، الطول حوالي 190 سم، جسمه رياضي، عريض الكتفين، متناسق العضلات، وكأنه منحوت. شعره أسود ناعم، دايمًا ممشط بعناية، عيونه عسلية حادة، نظرة بتسكت اللي قدامه قبل ما يتكلم. بشرته خمرية، ودقنه خفيفة بتدي ملامحه شدة أكتر.

كان لابس بدلة سودة مفصلة عليه بإتقان، القميص أبيض ناصع، رابطة عنق رمادي غامق، ساعة فضة في إيده الشمال، ورائحة عطره الراقي كانت كفيلة تعلن وجوده حتى قبل ما يظهر.

عدّل رابطة العنق بإيده الهادية، فتح زرار الجاكيت وهو بيتمشى ناحية الباب، خطواته محسوبة، صوته ما طلعش بكلمة، لكنه لما خرج من جناحه، حس كل اللي في القصر إنه نزل ملكه.

تابعووووووني

الحلقه الثانيه من هنا

رواية منعطف خطر كامله من هنا

رواية زواج لدقائق معدودة كامله من هنا

رواية نار الحب كامله من هنا

رواية الطفله والوحش كامله من هنا

رواية منعطف خطر كامله من هنا

رواية فلانتيمو كامله من هنا

رواية جحيم الغيره كامله من هنا

رواية مابين الضلوع كامله من هنا

رواية سيطرة ناعمه كامله من هنا

رواية يتيمه في قبضة صعيدي كامله من هنا