رواية اللعب مع الشياطين البارت الثامن والتاسع بقلم الكاتبه منال عباس حصريه وجديده على مدونة النجم المتوهج للروايات والمعلومات
كان احمد يحاوط تقى بذراعيه وينتظر ردها على طلب الجواز ...تقى وهى تحت تأثير أنفاسه ...انا انا ..لتخرج سارة وتشاهدهم بهذا المنظر لتفاجئهم بقلم منال عباس
سارة : كدا نقول مبروك ...لولولوى
ابتعدت تقى وهى تنظر إليها بتحذير
لتكمل سارة : اصلا تقى عملت استخارة ووافقت يا آبيه ..قولى الفرح امتى علشان انا لسه ما اشتريتش الفستان اللي. هحضر بيه ...
وكمان الميكيب ارتيست ...وصحيح تقى هتجيب لها فستان على زوقها ما ينفعش تجيب انت من غير ما هى تختار ...ظلت تثرثر
بالحديث ولا احد يسمعها
فكانت تقى وأحمد فى دنيا تانيه
كان يأكلها بنظراته وتقى تحاول أن تهرب من تلك النظرات الثاقبه حيث كانت ترسل ضجيج لقلبها الصغير ...
ليقطع صمتهما
احمد : عيونك حلوة اوووى يا تقى ...انا بس ليا طلب واحد بس ..وليكى حريه الاختيار
تقى : ايه هو
 |
احمد : الجمال دا مش عايز حد يشوفه غيرى لو تقدرى تلبسي النقاب ديما ...
تقى برفع الحاجب : مش بتقول جوازنا جواز على الورق ...يعنى هيفرق معاك ايه البس ايه وما البسش ايه ...
احمد : هيفرق انك هتكونى مكتوبه على اسمى
تقى بحزن فى نفسها : يعنى مش علشان حبيتنى ...انانى زى اى راجل عايز ممتلكاته وانا مش من ضمن الممتلكات ...يمكن لو كنت حسيت انك حبيتنى كنت عملت كدا وبطيب خاطر كمان لانى فعلا ارتبطت بالنقاب ..
احمد : هه قولتى ايه ؟
تقى : سيبنى افكر ...
احمد : طب هسيبكم تفطروا وتجهزوا حاجتكم الضروريه وهفوت عليكم بعد الشغل ..اخدكم
سارة : بس انا عندى درس وهروح مع خديجة
احمد : خلاص نكلم خديجة واوصلك فى طريقنا
لترد سارة بسرعة : لا مفيش داعى آبيه مصطفى هيوصلنا ...
احمد : مفيش مشكله وانا هتفق مع مصطفى يرجعك عندنا فى الفيلا ..
نظر إلى تقى وتحدث بجديه : يلا سلام وارجع الاقيكى جاهزة ويخرج بسرعة قبل أن ترد ...بقلم روايات منال عباس
فى الشركة
يصل كلا من احمد ومصطفى
احمد فى مكتبه
احمد : وصلت لايه فى موضوع المناقصه
مصطفى : اطمن عملت كل احتياطتنا وقدمت كل الاوراق المطلوبة ..
احمد : كدا تمام ...علاء دا حسابه تقل معايا وخصوصا بعد اللى عمله مع تقى ...
مصطفى : صحيح ناوى تعمل ايه معاها
قص احمد عليه ما حدث وأخبره أن سارة
أخبرته أنها ستذهب معه هى وخديجة للدرس
ابتسم مصطفى بداخله سيرى تلك الصغيرة الشقيه مرة أخرى ....
عند فريدة
فريدة : اطمنى يا حبيبتي هو احمد هيلاقى احلى منك فين ..انتى جمال وحسب ونسب
شهد : بس يا طنط بحس أن احمد مش حابب وجودى
فريدة : لا يا حبيبتي ما تقوليش كدا احمد بس جاد شويه بكرة تتعودى على طبعه ..
اقولك جاتلى فكرة ...بقلم منال عباس
شهد : ايه هى يا طنط
فريدة : ايه رأيك تيجى تتغدى معانا اهو تقعدوا سوا مع بعض تتعرفوا اكتر ومش هوصيكى شويه دلع وكدا
شهد بفرحة : حبيبتي يا طنط اكيد اطمنى ..وأغلقت الهاتف بعد أن ودعتها
شهد فى نفسها : اخيرا يا احمد هتبقي ملكى
بس نتجوز علشان اقدر إدارى المصيبه اللي انا فيها ...ما عدش وقت لازم الجواز يتم بأسرع وقت ...
عند تقى
كانت ترتب كل ما يخص سارة فى حقائب
سارة : انا ممكن اعمل انا حاجتى يا تقى كدا هتتعبي
تقى : طول ما انتى بتذاكرى ف انا مش تعبانه ...اطمنى ..
سارة بحب : ربنا ما يحرمني منك ❤️❤️
فى الشركة
هايدى : ايوا زى ما بقولك كدا سمعته بيقول أنه هياخدها النهارده عنده الفيلا
شهد : انتى متأكدة من كلامك دا ؟!
هايدى : ايوا سمعته بيكلم مصطفى وانا بدخل ليهم القهوة ...بس ما عرفتش بيتكلم على مين ...
شهد : تمام ...كدا انا لازم اتصرف بأسرع وقت ...وأغلقت الهاتف واتصلت على احد الاشخاص
شهد : عاجبك كدا الورطه اللى ورطتني فيها وفضيحتى هتبقي بجلال
الطرف الآخر : فى ايه فهمينى ..
شهد : اهو طلع بيعرف بنت وهياخدها النهارده عنده الفيلا ...اتصرف انت بقي لازم نتجوز قبل ما حد يعرف اللى انا فيه
الطرف الآخر : أهدى ...انتى من النهارده لازم تكونى زى خياله ما تسيبهوش لحظه واحدة
أما البنت دى : سيبيها عليا ...
لترد شهد : انا بجد خايفه ..احمد مش سهل وممكن يعرف كل حاجه..
الطرف الآخر : لو عايزة نتجوز فى الاخر يبقى تنفذى اللى اقولك عليه ...
واغلق الهاتف
الطرف الآخر : حتى دى عايز تاخدها منى يا احمد ..دا على جثتى ...بقلم منال عباس
يمر الوقت
حتى يأتى ميعاد درس سارة
تنزل سارة لتقابل مصطفى بابتسامه ساحرة
وكادت أن تجلس بالكنبه الخلفيه
خديجة : آه رجلى ..جالى شد عضلي ...ساعديني يا سارة اقعد فى الكنبه ورا وتعالى انتى هنا
سارة : حبيبتي سلامتك وساعدتها حتى جلست بالكنبه الخلفيه وفردت لها قدمها ..
سارة : تحبي نروح مستشفى
خديجة لأ هبقى كويسه ..يلا اقعدى انتى جنب آبيه علشان ما نتأخرش
كان مصطفى يستمع لحديثهم ويبتسم فهو يعلم أن ما يحدث مجرد خطه من خديجة لتجعل سارة بجانبه ....
عند تقى
انتهت من تجهيز كل شئ واتصلت على البواب ...لإنزال الحقائب بالاسفل ..
وجلست تنتظر قدوم احمد وهى مرتبكه لما سيحدث معها مع ذلك الشاب ..فهى لا تنكر أنها تشعر ببعض المشاعر تجاهه ..لكنه يبدو لها أنه جاف المشاعر مجرد شخص يساعدها لوضعهم ...
رن جرس الباب ابتسمت تقى فها هو قد وصل لتفتح الباب بسرعة لتجد القادم ......
البارت التاسع
بعد ان جهزت تقى جميع الحقائب طلبت من البواب انزال الحقائب بالاسفل وجلست في انتظار حضور احمد بعد وقت قصير رن جرس الباب لتفتح تقى بسرعه لتجده علاء تقى: علاء ايه اللي جابك هنا تاني
علاء : ما تنسيش انك بنت عمي واجي وقت ما احب
تقى : لا مش ناسيه يا ابن عمى ..ولا ناسيه انك السبب فى موت بابا وانك سرقتنا ...
علاء : وانا اهو جايلك وبقولك كل هيبقي تحت رجليكى بس توافقى يا بنت عمى على جوازنا ..
تقى : اظن انت عارف رأيي كويس فيك
وعرفت أنى مخطوبة لاحمد ..
علاء : احمد ..احمد دا يبقي اكبر مقلب شربتيه فى حياتك
واللى ما تعرفهوش انك مجرد نزوة فى حياته
ومش اول بنت يعرفها ..
وانا لسه باقى عليكى ...
تقى بحده : احمد دا برقبتك ويلا امشي من هنا ..
علاء : بقي بتطردينى انا علشان احمد بتاعك بكرة ترجعيلى وانتى راكعه وتبكى بدل الدموع د*م ...وابقي اسأليه وصل لايه مع شهد ورمى لها بعض الصور وخرج
أمسكت تقى الصور لتشاهد احمد وشهد فى اوضاع خليعة
تقى بحزن : الحيوان الكذاب ..وانا اللى كنت مصدقه أنه محترم ...
تقى : بقي انا يخدعنى ...ماشي يا احمد حسابك معايا أن ما دوقتك من اللى عملته فيا ....بقلم منال عباس
وبعد دقائق رن جرس الباب وكان القادم احمد
احمد بانبهار بجمالها : ازيك يا تقى جهزتى حاجتك
تقى : ايوا تحت عند البواب
احمد : طب يلا بينا
تقى ببرود : يلا وأغلقت الباب وذهبت معه
طيلة الطريق ظلت صامته ..
احمد : تقى هو فى حاجه مضايقاكى
تقى : لا مفيش
احمد : تحبي نروح اى مكان نقعد نتكلم فيه الاول
تقى بجمود : مفيش لزوم
احمد : بس انا حاسس ان فيكى حاجه متغيرة
تقى : وانا قولت مفيش
احمد : تمام على راحتك وقت ما تحبي تتكلمى انا تحت امرك ...
شعر احمد ان هناك ما تخفيه تقى فهى تبدل حالها ليست كالامس
ظلوا صامتين حتى وصلوا الى الفيلا
امر احمد البواب بإدخال الحقائب
دخل احمد هو وتقى إلى الفيلا
كانت فريدة تجلس بالصالون
فريدة : ايه الشنط دى يا احمد ومين اللى معاك دى
احمد : دى تقى يا ماما
فريدة وهى تنظر إلى الفتاة باندهاش
فريدة : تقى ..تقى اللى ليقاطعها احمد بسرعة خوفا ان تجرح تقى بلفظ. خادمه
احمد : ايوا يا ماما انا خطبت تقى وخلال يومين هنتجوز بقلم منال عباس
فريدة وهى تهب واقفه : تتجوز ..كل دا من امتى وتنظر إلى تقى باندهاش
احمد : فى ايه يا ماما مش هتباركى لينا
فريدة بفرحة مكسوره فقد وعدت شهد اليوم بالحضور والتقرب من ابنها ..
فريدة : طبعا مبروك يا حبيبي بس انت فاجئتنى ...كانت تقى تشعر بالاحراج مما يحدث ..وكيف احمد يضعها فى هذا الموقف لماذا لم يخبر والدته بقرار كهذا ...
ظلت تقى صامته حتى اقتربت منها فريدة
فريدة بهدوء وحكمه : مبروك يا بنتى ..بس انا محتاجه اعرف منك كل حاجه
ونظرت ل احمد واكملت وانت يا احمد سيبنا لوحدنا شويه
احمد : حاضر يا ماما وتركهم ودخل إلى مكتبه ...
جلست فريدة هى وتقى
تقى : انا عارفه ان حضرتك مستغربه كل شئ
ودا حقك انا فكرت أن احمد عرفك كل حاجه
فريدة : انا مش رفضاكى لا سمح الله لا تكونى فاهمه انى رافضه علشان كنتى بتشتغلى هنا انا مش كدا
انا زوجى الله يرحمه كان موظف بسيط فى شركة بابا وحبيته واتجوزنا رغم رفض العائلة
انا عمرى ما هكرر اللى اهلى عملوه ...انا بس محتاجه افهم كل حاجه..وامتى دا حصل
تقى : وانا هحكيلك كل حاجه ...
عند سارة وخديجة
سارة : ايه الحظ دا يعنى بعد المشوار دا كله
يلغى المستر الدرس ..
خديجة : هو انتى زعلانه ..دى فرصه نفك من الدروس شويه ونغير جو ...تحبي نروح فين
سارة : لا ما ينفعش مادام الدرس اتلغى يبقي نروح ..بقلم منال عباس
خديجة : يا بنتى نروح ازاى احنا مصدقنا يبقي عندنا وقت فاضى ..
سارة : لا يا خديجة مفيش وقت وكل دقيقه احنا محتاجينها لتجد صوت من ورائها
مصطفى : برافووو عليكى يا سارة ..كل يوم بيزيد اعجابي بيكى واقترب من خديجة وأمسكها من أذنها ...وانتى بقي يا ست خديجة عايزة تخرجى من غير ما نعرف
خديجة : بسم الله الرحمن الرحيم هو حضرتك طلعت منين يا آبيه مش كنت مشيت
مصطفى : ايوا مشيت بس قولت اتصل على السنتر اعرف الحصه هتخلص امتى ؟ لقيتهم بيعتذروا ان المستر اعتذر عن الحصه ..
سارة : طب استاذنكم انا هاخد تاكسي علشان اروح عند احمد وتقى
مصطفى : اولا احنا اتفقنا انى هوصلك
ثانيا : لسه بدرى ..تعالوا اعزمكم على الفطار وبعدها نروح
سارة : بس ..
خديجة : والنبي ما بسش ولا حاجه دى فرصه نفك شويه
ضحك مصطفى على حديث أخته وأخذهم فى سيارته إلى أحد المطاعم القريبه ....
عند تقى
تقى : هى دى الحكاية
فريدة بحب وقد نسيت أمر شهد ووعدها معها ..يا حبيبتي يا بنتى انتم صغيرين على انكم تتعرضوا وقامت واحتضنتها ...على دخول شهد ..
شهد باستهزاء: ازيك يا طنط ...ايه دا هى الخدامه الجديدة قلعت الحجاب ولا ايه
ليأتى من خلفها صوت احمد الحاد
احمد : الزمى حدودك يا شهد ...تقى تبقي خطيبتك ...
شهد بتمثيل وبكاء : خطيبتك ...أومال انا ابقي ايه ...ولا نسيت ليالينا ..وانا اللى كنت هضحى بحياتى علشانك انت ..
الجميع فى ذهول
احمد : ايه اللى بتخرفى بيه دا ليالى ايه اللى بتتكلمى عليها ...
شهد بتمثيل الإعياء : هتنكر دا كمان هتنكر أننا متجوزين وأخرجت ورقه زواج عرفى من حقيبتها ..بقلم روايات منال عباس
تقى بحزن : معقول كلام علاء صح ..انا ازاى صدقته انه شهم ...
فريدة : ايه كلامك دا يا شهد واتجوزتوا امتى
شهد : من خمس شهور يا طنط و النهارده جايه افرحه انى .
يتبع
رواية متمرده عشقها الشيطان من هنا
رواية عذرا لقد نفذ رصيدكم من هنا
رواية نار قلبي وانكسار فؤادي من هنا
رواية قاصره في قلب صعيدي من هنا
رواية مالم تخبرنا به الحياه من هنا
رواية اللعب مع الشياطين من هنا
❤️🌺❤️💙🌺❤️💙🌺❤️💙🌺❤️💙🌺❤️💙🌺
الروايات الكامله والحصريه من هنا
انضموا معنا على تليجرام ليصلكم اشعار بالروايات فور نزولها من هنا
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
