 |
نوفيلا بنت الحاره كامله
ساره:محمااااااا يمحمااااا محمد...
محمد:خمسه ف
سته
ساره:محمد
محمد:شبح الحته يسااااره
ساره:بتت الحااره
محمد:خلاااص اخلصي المحاضرة هتفوتنا انا تحت البيت
ساره:استنا بعمل الشندوشتات
محمد :شندوشتات ...ده ع اساس انك مش بتضربيلك علبتين كشرى بعد المحاضرة
ساره:قبل الله اكبر
محمد:اخلصي يساره اخلصي بدل م صبرى يخلص عليكي اخلصي
ساره:خلاص يعم متزوقش كده
هاااا اديني نزلت اهو يلا ع المخروبه امتا اخلص بقا واتجوز واقعد ف بيتي معززه مكررره
محمد:مكرره ليه زيت تموين
ساره:هههيههيهي خفه..
محمد:ايد امك التقيله دى
ساره:ملكش دعوه بأمى
محمد:ثم ان ايه عاوزه اتجوز دى اتقلي شويه مش قدامى
ساره:بقولك ايه اتنيل ع اساس ان الواد تقله جايب اخر للدنيا ده انت من كلؤمتين بتسلم
محمد:نظرتين سعادتك نظرتين من فناجين القهوه دول
ساره:هييييح يلا يخوايا ادخل الدكتور هيطردنا
ساره ومحمد ف المحاضره كالعاده سايبين الدكتور وفاتحين واتس اب
سارره:انا مش فاهمه حاجه
محمد :وانتى من امتا بتفهمى
ساره: والله طب فهمني انت يحدق
الدكتور:Transportation and communications technology the......
ساره:محماا الحق الدكتور بيرجع
يكونش حامل
محمد:ههههه
ولكن بصوت عالِ فصمتت القاعه والكل نظر اليه باستغراب
الدكتور:ايه اللي يضحك ف اللي انا قولته
محمد:اسف يدكتور مكانش قصدى سرحت شويه
الدكتور:طب اسرح بره بقا ومشوفش وشك ف محاضرتى تانى
محمد ف سره :ده ع اساسانى فاهم من شكلك حاجه والله ريحتني
خرج محمد ووراه ساره بتجرى محمااا يمحماااد
محمد:طلعتي ليه مكملتيش المحاضرة
ساره(وهى تكتم ضحكاتها):وده يحصل برضه ازاي اسيبك تمشي لوحدك ده انا عطيتلك الدكتور درس مينساهوش
محمد:والله ليه عملتى ايه
ساره:قومت كده بكل ثقه وقولتله "هو انت مفكر نفسك مين يعني تدخل وتطلع بمزاحك هو احنا شغالين عندك وبعدين انت اصلا شرحك وحش يزمتك انت فاهم اللى انت بتقوله وقومت رزعت الشنطه ع البنش وقولتله تبًا لك ايها الاحمق وطلعت من المدرج بكل فخر ورزعت الباب ورايا"
محمد:والحقيقه
ساره:قولتله عاوزه اروح الحمام ربنا يستر عرض ولايااك
محمد:ههههههههه شحاته بحب شحاته
ساره(بدلع):شحاته ف عينك حق عليا انى خوفت عليك
محمد:طب اتظبطي يساره اتظبطي لاظبطك احنا ف شارع وامشي عدل كده
ساره:حمش هههه
محمد:سااااره
ساره:حاضر طيب طيب اتعدلت اهو
يلا بقا نضرب كشرى...
بنت الحاره
أسماء صبرى
الفصل التاني
ساره بتخبط على بابا ام محمد(بتطبل):يحاااجه ي ام محمد يحماااتى
ام محمد:ساره ازيك يحبيبتي ليكي وحشه والله
ساره:ليه وحشه ايه بس يطنط ده زمانك عاوزه تخنقيني ده انا كل شوية نطالكوا هنا
ام محمد:بيتك يحبيبتي تنوريه ف اى وقت
اوعى يكون الواحد محمد مزعلك ف حاجه
ساره:نعممم هو يقدر
محمد:بتقولى حاجه يساره(بصوت مرتفع)
ساره:ده محمد ده يطنط مفيش ف حنيته ولا طيبته ربنا م يحرمني منه ابدا قولى امين
ام محمد:هه امين يارب ويجمعكوا على خير هدخل اعملكوا كوبيتين شاى
محمد:جايه ليه يزفته انتى
ساره(وهى تسبل عينيها):وحشتني وجايه اشوفك
محمد:ايوه اتسوهكى اتسهوكى انا عارف الشويتين دول
ساره:انا بتسهوك برضه يمحاميحو
محمد:محاميحو اللهم طولك يروح ساره انا مش فاضيلك
ساره(كالراديو مسرعه):اصل يمحمد وانا بذاكر يمحمد فماده الدكتور علي ربنا يفضحه لقيت نفسي مش فاهمه ولا كلمه ولا كلمه تخيل وعندنا امتحان بعد يومين وانت عارف ان الماده دى صعبه وانا مش فاهمه حاجه وهسقط عاااااا .......
محمد: بس بس بااااس خلااص بالعه راديو يعني طلعت مش واحشك والا حاجه اهو
ساره:لا انت واحشنى ع طول بس يلا اشرحلى
محمد:بصي يستى الترم ده بيتجزأ لاربع اجزاء الاول بيتكلم عن التربه وانواعها وخصائصها والتانى عن النبات وعملية البناء الضوئي والثالت عن للحيوانات اللى بتتغذى ع النبات والرابع عن الانسان كدورة الحياه يعني الاول هنقسم فصل فصل.........
محمد: ها تمام كده
ساره:والله انت احسن من الدكاتره ال ..... اللى عندنا ف الكليه قليل عليك تبقا طالب والله
محمد: طب يلا يختى ورايا شغل
ساره :حموو
محمد:عاوزه عسليه عارفه حفظتها من وانتى سبع سنين مبتاكليش غير عسليه
ساره:بحبك
محمد:يلا يبت روحى متخلينيش افقد اعصابي عليك
(ع فكره هما مخطوبين)
ساره:طب يالا انا ماشيه باااى
محمد مفيش اخبار عن ابوك
محمد(بحزن):لا مفيش قفلى ع السيره دى احسن
بنت الحته
اسماء صبرى
الفصل الثالث
منشور لساره علي الغيس بوك(انا لوحدى😓)
محمد:ايه يساره يحبيبتي ايه البوست اللى انتى منزلاه ده مالك
ساره:......
محمد:ساره انا بكلمك ردى عليا متقلقنيش
ساره:.....
محمد:يبنت الناس استهدعلى ي بالله وردى عليا
ساره:انا اصل مش مهمه عند حد ولا فارقه مع حد انتوا كلكوا بعيد عنى وانا لوحدى بجد كلكوا منظر بس
محمد:طب اهدى بس حصل ايه لده كله
ساره:وانت كمان كذاب وبكره تبعد عنى زيهم وهتسيبني وتشوفلك واحده تانيه عااااا
انا محمد:صبرنى ع ما بلتني يارب الصبررر
ساره:شوف حتى كلامي مش طايقه
محمد:يبنت الناس قوليلي بس عملت ايه انا لكل ده قصرت معاكى ف حاجه
ساره:لا
زعلتك ق حاجه؟
ساره:لا
محمد:طلبتي حاجه وقولتلك لا؟
ساره:لا
محمد(بنفاذ صبر):ولما هو لا يبنت الناس الطيبين بتنكدي علي خلقتنا ليه
ساره:عااااااا مش طايقني خلاص معتش عجباك وبتتلكك عشان تطلعنى نكديه
محمد:طب حصل ايه يحبيبي احكيلي بالراحه طب تحبي نتقابل احسن
ساره:مش عاوزه اشوف حد
محمد:طب حصل ايه
ساره: تخنت يمحمد تخنت ومش قادره اذاكر ولل ابطل اكل وعندى امتحان ومكتئبه صحيت فطرت صنية بشاميل واتغديت محشي واتعشيت ببواقي الاتنين وحليت بكشرى وبسبوسه اعااا
محمد:كل ده عشان تخنتى!!
ساره:ممممم
محمد:طب معلش يحبيبتي بكره تخسيهم متزعليش
ساره(بشرشحه):مين دى اللى تخس ليه هو انا تخينه والا ايه لا حاسب ع كلامك لنا عاحبني نفسي اوى وواثقه ف نفسي جدا وبعدين انا وزنى مفيش امثل منه انت مش عاجبك دورلك ع واحد مسلوعه سلك بيها سنانك
محمد:...............
ساره:ماترد والا القطه كلت لسانك
محمد:.........
ساره:محمد انت معايا
محمد:تصبحي علي خير يساره سلام
ساره:محمد است..
تيت تيت تيت
بتقفل ف وشي طب والله لاوريك
تاني يوم ساره راحت الكليه لوحدها مستنتش محمد واول م وصلت لقيت واحده واقفه مع محمد (ايه)
ايه:محمد ممكن سكتش محاضرات انقل منه حاجه
محمد(شاف ساره واتجاهلها)اه طبعا اتفضلى
ايه ماشيه ساره قابلتها خبطتها بقصد
ساره:ف ايه يعاميه انتى مش تفتحي
ايه:ايه انتي مش شايفه قدامك والا ايه وبعدين حسني ملافظك دي
ساره:انا ملافظى عاوزه تتحسن طااايب انا هحسنلك خلقتك بوشك اللى طالع من سكيب الدهانات ده تعالى
بوم بوم طاااخ بوووم
بعد محاولات كتير من محمد قدر يشدها واتأسف للبنت اللى صممت تشتكيها
احمد:اتا اسف يا انسه والله معلش ارجوكى متشكيش
ايه:لا يمحمد هى غلطت
ساره:دي بتقوله محمد حاف وديني ...
محمد:اهدى يساره خلاص عشانى انا المره دى
ايه:بس لو اتكررت مش هرحمها
محمد:امشي انجرى قدامى
ساره:عاوز ايه
محمد:ممكن افهم ايه اللى غملتيه ف البنت ده؟
ساره:عملت ايه يعني!؟
محمد:اها عضتيها وخلعتي شعرها ف ايدك وخربشتيها وبتقولى عملت ايه
ساره:بص يمحمد لو حد اتعدى علي ملكيتك الخاص هتعاقبه والا لا
محمد:هعاقبه طبعا بس ده دخله ايه بموضوعنا
ساره:ده هو موضوعنا نفسه هي اتعدت علي ملكيتي الخاصه ولازم اعاقبها
محمد:قصدك انا يعني وهى عشان خدت الاسكتش ده تعدى!؟
ساره(بعصبيه):ده تعدى ونص وتلت اربع كمان
محمد:طيب خلاص اهدي حرام عليكي البت هتاخد واحد وعشين حقنه دلوقت
ساره:نعممم يعنيا ليه شايفني كلب
محمد:(ببلاهه)ها مين كلب ازاى
ساره:محمد والله م هسيبك عاااا
محمد:يبت المجنونه خلاص خلاص اهدي اومال لوخدت رقمى كنتي هتعملى ايه ؟!
ساره:كنت قتلتها وعصرت دمها اتبرعت بيه لمصاصين الدماء وفرمت لحمها وعملته برجر للكلاب و...
محمد:خلاااص خلاااص وادى راسك ابوسها
وبعدين خودى هنا مش كنتي مش طيقاني ولا طايقه حد وانا لوحدى
ساره:ايه مين ايه ده حصل اواى انا قولت كده اخص عليك يحمد بقا متقولش كده
واضافت بدلع
هو انا اقدر ابعد عنك يمحاميحو
محمد:محاميحوههههه
بنت الحته
اسماء صبرى
الفصل الرابع
ساره مع صاحبتها المفضله سندس
سندس:يساره والله محمد ده ليه الجنه ع اللي بتعمليه ده حرام عليكي احرجتيه قدام الناس كده
ساره:احرجته ايه يعني مفروض اسيبها تكلمه وناخد الاسكتش وهيهيهي وهيهييو
سندس:هههه والله انتى مصيبه
بس برضه مينفعش متزعليش متي تصرفك همجي جدا
ساره:طب اعمل ايه انتى عارفه طول عمرى مبحبش حد يقرب ناحيه محمد
سندس:حاولى تبقي هاديه شويه وكيوت مبتشوفيش البنات بتبقا عامله ازاى
ساره :كيوت ازاى يعني ؟!
سندس:يعني اتكلمى بهدوء وصوت واطى برقه خليكي رومانسيه
ساره:رومانسيه
سندس:اه رومانسيه
ساره:طب واعملها ازاى دى
سندس:صبرنى ياربي انا اقولك
بصي ي ستي لما تخرجوا سوا مثلا تاكلى بالراحه كده وحته صغيره بحته صغيره ومتاكليش الاكل كله وقول انا شبعت وتمسحى ايدك بشياكه كده
ولما يكلمك ركزى ف عنيه واتكلمى بصوت واطى وكل حاجه قوليله حاضر وكونى هاااديه وانتى بتتكلمى كده ماشي
ساره:اممممم
سندس:انا ماشيه دلوقت هحضر نفسي خطيبي جاي انهارده
ساره:تحضرى نفسك ازاى يعني
سندس:شوية ماسكات ع مايك اب وطقم شيك كده يعني يلا باااى
ساره:باي يختي
وانا هعمل اللى هى قالتهولى ده ازاى ربنا يستر
I love it when you call seniorita i wish i could pretend i didn't need yaa but...
ساره:ايه المحن اللى انا بسمعه ده ماله الشعبي انا عاوزه افهم ..ياعود اجنبي انتى دخلتيلي ف كوكبي بس بجد انا الغبي كنت ....
ام ساره:اقفلى المحروق ده عشان مجيش اكسرفوق دماغك وشوفي مذاكرتك عندك امتحانات
ساره:حاضر يماما حاااضر
سندس:الو ايوه يساره بتعملى ايه
ساره:بذاكر يختى هكون بعمل ايه يعني
سندس:انا الحمد لله خدتها من قاصرها وقعدت بلا هم الست ملهاش غير بيت جوزها
ساره:اقفلي يسندس اقفلي الله يخليكي الواحد نفسه مسدوده خلقه اصلا اقفلي
سندس:طيب يختي متزقيش
ساره(تحدث نفسها):والله عندها حق الست ملهاش غير بيت جوزها يعني اللي اتعلموا خدوا ايه تعب ومصاريف ع الفاضي و
محمد بيرن
ساره:الو ايوه يمحمد جيت ف وقتك
محمد:ايه في ايه يبابا
ساره:البت سندس لعبت ف دماغى والست ملهاش غير بيت جوزها وبلا علام بلا هم
محمد:اممم وانتى عاجبك كلامها
ساره:اممم انا كنت بدأت اقتنع بس لا شهادتي هي سلاح ليا صح
وبعدين ف الظروف اللي البلد فيها لازم الاتنين يشتغلوا ويشيلوا المسؤلية سوا صح وبعدين هما شركا ف كل حاجه مينفعش هو يتفحت ف الشغل وهي تتفحت ف البيت والولاد لازم يبقا في شراكه ويساعدها ف تربية الولاد وهى تشتغل ويبقالها كيانها وشخصيتها
محمد:اظن معتش في حاجه اقولها انتى عارفه كويس الصح من الغلط وانا عمرى م اضغط عليكي تشتغلي او لا انا يهمني راحتك وعارف ان انتي هتشتغلي عشان نفسك وشغلك انتى حره تصرفيه ف ايه بس ده ميمنعش انه من الاحسن متشتعليش وتفضيلي هههه
ساره:محمد بجد ممكن متهلينيش اشتغل
محمد:يستى اتنيلي وانجحي انتي بس وبعدين نشوف الشغل
ساره:طب يلا باي بقا عشان اذاكر
محمد:ماشي سلام
ساره:محما استنا انت صليت العشا
محمد:اه الحمد لله وانتى
ساره: الحمدلله صليت متنساش تقرا الكهف بكره الجمعه
محمد:حاضر وانتي كمان
بحبك
ساره:ونا كمان سلام سلاام
محمد:سلام
الفصل الخامس والاخير
ساره:محماااااااد مين اللي عملالك لايك على البوست دى
ساره:ارحمى امى واتس الاقيكي فيس موجوده ف للكليه ورايا حتى الحاره فاضل شوبه ادخل الحمام الاقيكي نازله من الحنفيه
ساره:كركركركر خفه محمد متغيرش الموضوع
مين دى
محمد(ضاحكًا):عادى صديقه عزيزه
ساره :عزيزه اه قولتلي طيب خليها تنفعك بقا بلوق بلوق بلوق
محمد:ساره ببت المجنونه اصبرى بس هفهمك
عملت بلوك الحق اكلمها واتس قبل م تعمله هو كمان يلهوى انتى لحقتي اما ارن عليها
الهاتف المطلوب غير متاح حاليا من فضلك حاول الاتصال في وقت لاحق ياااارب ارحمنى
ساره:بس يستى انا عارفه انه بيهزر بس عشان يحرم
سندس:ههههه الله يكون ف عونك يمحمد
ساره:نكدت عليه انا طلعت عنيه انا مش هسأل فيه ده انا بلعب وياك يحبيبي وعملت بلوك كده واتس وفيسبوك وده هيموت ويفك انا بحرق دمك يحبيبي بس خلاص شفيت غليلي
سندس:هبله والله
اهو جه اهو اما نشوف هيعمل فيكي ايه
محمد راح البيت عند ساره ومامتها استقبلته
محمد:كنت عاوز اتكلم مع حضرتك ف موضوع مهم يطنط
ام ساره:خير يحبيبي في ايه
محمد:بصي يطنط انا وساره بقالنا سنيين مخطوبين وكلها كام شهر ونتخرج ولو استنينا نحوش نجيب شقه هنقعد سنين كتير تانى وحضرتك عارفه الظروف
ام ساره:وايه تجيب شقه يبني اصلا شقتك ماشاء الله زى الفل
محمد:عشان ساره متحيش انها اقل من حد ف قولت لازم اخد رأيها ورأيك اننا هنقعد ف شقتي مع امى لحد م ربنا يسهل الحال انتى عارفه امى لوحدها مقدرش اسيبها
ام ساره:عداك العيب يبني
محمد:انا بقول ناخد رأي ساره برضه
ام ساره :يساره تعالى يبنتي محمد عاوزك
ساره:نعم عاوز ايه بلوك كش هفك اشطا
محمد:اممممم
ام ساره:هقوم احضر الغدا بقا
محمد:تسلمى يطنط
ساره:نعم عاوز ايه
محمد:عاوز اتجوزك عندك مانع
والا لو عندك يعني هتحوزك غصب عنك برضه
ساره:انت بتهزر صح امتا
محمد:واقعه واقعه يبنتي اتقلي شويه مش كده قولنا هههه عمتا يستى بعد الامتحانات ان شاء الله
ساره:بجد والله بجد يعني مش بتهزر بصحيح
محمد:اه والله بجد
ساره:لولولولولولولولولولولى
محمد:هههه اقعدى يمجنونه اقعدى عشان عاوزك ف موضوع مهم
ساره:امممم
محمد:بصي يستي انتي عارفه الظروف كويس اوى تمام
ساره:تمام
محمد:احنا هنتحوز ف شقتي مع امى لحد م ربنا يسهل الحال ونجيب شقه اكبر عاوزك تستحملى معايا شويه لحد م ربنا يسهلنا الحال وانا ان شاء الله محرمكيش من حاجه قولتي ايه
ساره:اخص عليك يمحمد انت مفكرنى ممكن ارفض اعيش مع امك او ف شقتك اتت لسه متعرفنيش والا ايه وبعدين امك زى امى ومقدرش اقولك تسيبها لوحدها
محمد:ربنا م يحرمني منك يارب
بعد ٤ شهور
محمد:بارك الله لنا وبارك علينا وجمع بيننا في خير ان شاء الله
ساره:انا مبسوطه اوى يمحمد والله حاسه ان الكون ده كله مش سايع فرحتى ربنا م يحرمنى منك ابدا يارب
محمد:ولا يحرمني منك يااارب
ساره:طيب مش هتشيلنى بقا والا ايه
محمد:اشيلك ايه يساره انتى مش شايفه نفسك والا ايه هههه
ساره:والله اتريق اتريق طب ايه رأيك مش داخله الا وانت شايلنى
محمد:اشيلك يستى وامرى لله ربنا يسترها على عمودى الفقرى بس
ساره:شيل وانت ساكت
الله يمحمد
محمد:ايه مبسوطة انك كسرتى ضهرى
ساره:ضهرك ايه بس شامم اللى انا شماه
محمد:ايه
ساره:ريحة حمام محشي وبشاميل وبط و....
محمد:بسسسسس ده مش وقت اكل وحياة امك ارحمينى
ساره:حرام عليك انا م اكلتش طول اليوم هموت بص هاكل نص اكله اشطا ماشي
محمد:طب نصلي الاول طيب
ساره:ممم ماشي بس تقرا من سورة البقره
محمد:انت تؤمر يجميل
ساره:طب يلا بينا
ساره ومحمد خلصوا صلاه وقعدوا يدعوا ربنا يبارك في حياتهم الجايه
محمد:ربنا يباركلى فيكي يارب يساره انا لو لفيت الدنيا كلها مش هلاقي زيك
ساره:ولا انا هلاقي زيك يمحمد والله انت ابويا اللى اتحرمت منه واخويا وصاحبي اللي من ساعة م وعيت ع الدنيا وهو سندى ربنا يحفظك ليا ويقدرنى انى اسعدك
محمد:ويقدرنى انى اسعد بنتى اللي مطلعه عيني دى اللى من ساعة م اتولدت وهى طفلة وهتفضل طفلة
ساره:طب يلا بقا الاكل برد
بعد نص ساعه
محمد:يساره هى دى اللي نص اكله حرام عليكي انتى فاضل شويه وتاكليني
ساره:لا انت معظم متخافش مش هاكلك
محمد:كده طب يلا قومي
ساره:الحته دى بس الحته دى
محمد شالها من الاكل
هشششش بس مفيش كلام
اللهم انى اسألك خيرها وخير ما جبلتها عليه وأعوذ بك من شرها وشر ما جبلتها عليه
ورقد اثنان ثالثهما الحب تحوطهما رعاية الله وحفظه
بعد مرور ستة اشهر
ام ساره:طب يبنتي م تروحى لدكتورة شوفي الحمل اتأخر ليه
ساره:رينا يسهل يماما هشوف محمد ونروح سوا
محمد:يساره انتى قلقانه ليه سيبيها علي الله يستى انا كفاية عليا انتي مش عاوز عيال دلوقت
ساره:عشان خاطرى يمحمد عشان خاطرى
محمد:ماشي يستى انا نشوف اخرتها
الدكتوره:للاسف المدام عندها مشكله وصعب انها تخلف
ساره:يعني انا مش هبقا ام
الدكتورة:دى حاجه بايد ربنا هي صعبه بس مش مستحيله ربنايكرمك يارب
محمد:أهدىيساره مش كده ارحمى نفسك من العياط دى ارادة ربنا ينفع تعترضي بالشكل ده
ساره:مش مصدقه يمحمد مش هيبقالى طفل منك طب وانت هتسيبني وتتجوز
محمد:ايهالجنان اللىبتقولى ده انا لو نتجوزك عشان خلفه كنت كشفت عليك من قبل الجواز والا من ساعة ماتجوزنا انا متحوزك عشان بحبك ومقدرش اعيش من غيرك ومن غير ضحكتك الحلوه تقومى تعيطي وتحرميني منها
ساره:وانا كمان بحبك يمحمد والله ومقدرش استغني عنك طب خلاص بقا كفايه عياط
ساره:حااضر
بعد عشر سنين
ساره ومحمد (ف نفس واحد):حامل
الدكتورة:اه والله حامل والحمد لله الجنين تمام جدا
ساره:الحمد لله ياربي الحمد لله
محمد:مش قولتلك ربنا كبير
توته توته خلصت الحدوته وعاشوا ف تبات ونبات عشر سنين من غير ولاد وبنات
تعليقات
إرسال تعليق