عند بسملة قعدت على الدكه وهي ماسكه ايد باسم وبتقول له اهدى يا حبيبي ما فيش حاجه قل لي بس هو ضربك ولا لا
هز راسه بالرفض اتنهدت بسمله وقالت له طب ايه اللي حصل
وحكى لها باسم كل اللي حصل وهي حضانته
وقالت له ما تزعلش يا حبيبي كل حاجه هتتعدل
وصل عم فكري ومعاه شنطه الاكل وقال لها يعني ينفع اللي عملتيه ده يا بسمله
ردت عليه ما انت شايفه انه قليل الادب يا عم فكري وانا ما كنتش هعمل كده غير لما هو جه على كرامتي وانا موتي وسمي اللي يكلمني بالطريقه ديت
رد فكري طيب يا بسمله خدي الاكل اهو
ردت بسمله استنى يا عم فكري وطلعت نص الاكل واديته له
وقالت له عشان تتغدى انت وخالتي ام مصطفى
قال لها طيب يا بنتي صحيح انا كنت هنسى خدي الفلوس اهي
ردت بسمله لا يا عم فكري ده حق القزاز اللي انا كسرته
رد عليها يا بنتي دولت مش محتاجين الفلوس بتاعتك دولت يعتبروا ملاليم قصاد الملايين اللي عندهم وهو اصلا اتصل بحد جه خد العربيه والراجل رمى الفلوس في الارض زي ما هو قال له انا قلت المها وانتي اولى بيها
اتنهدت بسمله وقالت له طيب يا عم فكري واخذها باسم وهو بيقول لها يلا خلينا نروح نجيب الكوتش بتاعي
ضحكه بسمله وقالت له كل الاول وبعد كده نروح نجيب الكوتش اكون خلصت كم عربيه
رد باسم بفرحه حاضر
اما في شقه اميمه ادهم كان بياكل ومعاه زين اللي بيتكلم مع اميمه
وقالت مالك يا ادهم في حاجه مزعلاك
رد ادهم ما فيش حاجه يا جدتي ما تسيبك من الشقه دي وتيجي تقعدي معايا في الفيلا
ضحكه اميمه وقالت له مستحيل يا حبيبي اسيب الشقه عندي فيها ذكرياتي مع جدك وكمان ايام شبابي
رد ادهم ما انتي هتقعدي معايا في الفيلا انا وانتي لوحدنا كمان شايفه بابا بيقعد على طول في الفيلا يعني
اتنهدت اميمه وقالت له وهي دي الجوازه الكام
ضحك ادهم وقال لها بطلت اعد
قالت له سيبك من الكلام ده انا عايزاك تيجي معايا المزرعه عشان المحصول وكمان هشتري الارض اللي جنب المزرعه وهعملها الجناين فاكهه
رد ادهم حاضر هاجي معاكي بس اشوف الاول الشركه ما انتي عارفه ان ابراهيم بيه ما بيجيش الشركه خالص غير ياخد فلوس ويمشي وما دام جه النهارده يبقى هياخد الفلوس اللي محتاجها ومش هشوفه ثاني
ردت اميمه معلش يا ادهم مهما كان ده ابوك و لازم تتحملوا
رد زين بصراحه يا اميمه هانم الاكل تحفه جدا ده احلى من كل مره
ابتسمت اميمه وقالت له فعلا البنت دي شاطره وعملت الاكل بامتياز وكمان عملت الشقه من غير اي غلطه
رد ادهم يا سلام اميمه هانم اول مره تشكر في حد كده
ردت اميمه انت عارف اني ما بحبش النفاق ودايما بقول الصح صح والغلط غلط
رد عليها زين فعلا وادهم طالع لك في الموضوع ده ضحكه اميمه وقالت له لا والله طالع لي باماره ايه ده خاطب شاهي بنت سعد اكتر راجل حرامي في البلد ديت ومش عارفه ابوه شاركه على ايه
رد ادهم ليه كده بس يا جدتي ما انتي عارفه اني شاهي كويسه هي اه عايزه تتظبط شويه
ضحكه بسخريه وقالت له قصدك تتظبط كثير دي يا ابني ما تنفعش ام دي حياتها كلها نوادي وخروجات دي ازاي هتبقى ام وهتعرف تربي طفل
رد ادهم كل حاجه بتتغير يا اميمه هانم
ردت عليه الا البني ادمين ما بيتغيروش اسمع مني
وتليفون زين رن وقال لهم بعد اذنكم وبعد دقائق رجع زين وقال له العربيه راحت التوكيل والعربيه الثانيه تحت
رد ادهم تمام
وقالت اميمه هي العربيه حصل لها حاجه
رد ادهم ده القزاز اتكسر فقلت تروح التوكيل احسن
ردت اميمه تمام يلا عشان نشرب الشاي
وبعد وقت راحت بسمله هي وباسم اشتروا كوتشي وهدوم لباسم وراجعه على العشه اللي هي عاملاها في الشارع عشان يقعدوا فيها
وقالت له ممكن بقى تكتب الواجب بتاعك عشان تروح المدرسه بكره رد عليها حاضر حاضن الكوتشي بتاعه فرحه كتب الواجب
اما بسمله فخرجت بره تخلص الشغل اللي وراها
وفي عربيه ادهم قال جبت المعلومات عن البنت دي يا زين
رد عليه ايوه جيت دي بنت غلبانه وشكلها مش من هنا خالص ما حدش يعرف عنها حاجه
يتضايق ادهم وقال له ماشي يا زين كان نفسي اعرف كل حاجه عن البنت دي عشان اعلمها الادب ازاي تتكلم معايا بالطريقه دي
رد زين سيبك منها دي بنت من الشارع يعني تلاقيها في كل جنينه شويه
رد ادهم معاك حق خلينا في الشغل احسن
وقال زين في سره الحمد لله ان ادهم ما يعرفش حاجه عن البنت دي وربنا يسترها من اللي جاي
وعدى فتره وادهم على طول في الشركه ومش فاضي لاي حاجه وكمان راح المزرعه واشترى الارض اللي جدته قالت له عليها وظبط الامور
اما بسمله فكانت حياتها ماشيه بالروتين الطبيعي الصبح غسل العربيات وابيع الجرايد واوقات كانت بتطلع لاميمه هانم في الشقه
والنهارده ادهم كان رايح عند جدته عشان عايز امضتها على ورق يخص الشغل وهو ماشي بالعربيه شاف بسمله وهي بتغسل العربيه وتضايق وقف العربيه وهو نفسه ينزل يضربها قلمين على اللي عملته معاه
ومسك تليفونه واتصل على واحد صاحبه ظابط في المنطقه قال له في واحده انا عايزه اربيها
رد جاسر يا سلام من عينيا الاتنين يا ادهم باشا مين دي بس اللي ضايقتك
رد ادهم دي واحده شغاله في الشارع بتمسح العربيات وكمان عامله عشه
رد جاسر تمام اديني بس انت العنوان وانا هتصرف
رد ادهم ماشي يا جاسر هبعته لك في رساله واقفل معاه وابعت له العنوان وابتسم
وكمل بالعربيه على شقه جدته في شقه اميمه قالت ورق ايه يا ادهم اللي عايزني امضي عليه
رد عليها دي ورقه تخص الصفقه الجديده اللي احنا داخلينها
ردت عليك تمام وماضيه الورق
وقالت له اقعد اتغدى معايا
رد عليها مش هينفع عشان ورايا شغل كثير وتليفونه رن باسم جاسر
وقال لها سلام دلوقتي ونزل ادهم ركب العربيه وقف في مكان بعيد وشاف الحكومه وهي بتشد بسمله وبتركبها البوكس
وابتسم وماسك التليفون واتصل على جاسر وقال له انا عايزها تتربى شويه يومين ثلاثه بقى كده اخرجها
رد جاسر من عينيا الاثنين
وفي قسم قالت بسمله انا عملت ايه
اتعصب جاسر وضرب على المكتب
وقال لها يعني انتي مش عارفه انتي عملت ايه
ردت عليه لا ما اعرفش ويا باشا انا اخويا لوحده في الشارع ما ينفعش اسيبه احنا ملناش حد
رد عليها بقول لك ايه سيبك من الحوارات ديت انتي نهارك اسود النهارده معايا
ونده على عسكري وقال له خدها على الحجز ووصي عليها شويه
رد عليه حاضر يا باشا وشد بسمله وهي قعدت تقول له يا باشا اخويا صغير وفي الشارع ما ينفعش اسيبه طب اتصل بحد ياخده
وقال بصوت عالي خدها يا عسكري
والعسكري شدها وهي عيطت
وقالت له والنبي يا باشا اخويا صغير طب اتصل بحد ياخده
رد العسكري انتي شكلك حد موصي عليك جامد ان جاسر باشا ما ينزلش النزله دي غير لما يكون في حد قايل عليك
ردت بسمله مش مهم المهم اخويا والنبي اتصل بالرقم ده وقول له خلي بالك من اخويا وان انا هنا في قسم
العسكري صعبت عليه وقال لها تمام هات الرقم
ردت عليه ربنا يسترها معاك ومليته الرقم ودخلها الحجز وندها على واحده وقال لها جاسر بيه بيقول لك دلعيها شويه
ردت الست عيني الجاسر بيه
وخرج العسكري اتصل بالرقم وقال له انها في القسم وبتقول لك خلي بالك من اخوها
رد عم فكري بقلق هي عملت ايه
رد العسكري والله ما اعرف بس شكل حد موصي عليها
رد فكري ماشي يا ابني واقفل معاه و قالت ام مصطفى في ايه يا فكري
رد عليها بسمله في القسم وشكلها كده حد موصي عليها
ردت عليه يا مصيبتي طب انت هتعمل ايه
رد عليها وانا بايدي ايه اعمله لها انا هروح بس اجيب الواد باسم من المدرسه يقعد معانا اليومين دولت لغايه ما هي تخرج بالسلامه
ردت عليه طب ما تشوف لها المحامي يروح يخرجها
رد عليها ما ينفعش العسكري قال شكل حد موصي عليها
ردت ام مصطفى انا مش عارفه البنت دي حظها قليل ليه في الدنيا كده يلا ربنا يسترها معاها
رد فكري يا رب وبرده هشوف المحامي يمكن يعرف يخرجها
ردت عليه يا رب يا اخويا وخرج فكري عشان يجيب باسم
وفي شقه اميمه كانت بتتكلم في التليفون مع صاحبتها وقالت لها يعني انتي مش هتيجي الجمعيه النهارده يا اميمه
ردت عليها لا مش هقدر اجي
ردت صاحبتها خلاص يا ستي انا هعدي عليك النهارده بالليل نقعد مع بعض
ردت اميمه تمام هستناكي وقفلت معاها واتصلت على فكري وقالت له ابعت لي بسمله عشان تظبط الدنيا عندي وتعمل لي حلويات
رد فكري والله يا ست هانم مش هقدر ابعتها لك
ردت اميمه ليا فكري هي تعبانه ولا حاجه
رد عليها لا يا ست هانم بس اتقبض عليها في القسم
ردت اميمه ليه هي سرقت حاجه
رد عليها ابدا والله يا ست هانم البنت دي محترمه ونظيفه من ساعه ما جت من خمس سنين هنا
ردت اميمه وهي اتقبض عليها ليه
رد عليها والله ما اعرف بس العسكري بيقول في حد موصي عليها
ردت اميمه تمام يا فكري انا هتصرف
رد عليها ربنا يخليك يا ست هانم وقفلت مع فكري
ومسكت التليفون وطلعت رقم اللواء زوج صديقتها في الجمعيه
اللي رد عليها تليفوني نور يا اميمه هانم
ردت عليه شكرا يا صالح بيه
رد عليها اخبار الجمعيه ايه
قالت له كل حاجه كويسه وماشيه تمام بس انا كنت متصله بيك عشان محتاجه منك خدمه صغيره
رد عليها اؤمر يا اميمه هانم
قالت له في بنت اتقبض عليها النهارده الصبح عندك في القسم وهي ما عملتش حاجه
رد صالح ازاي يعني
قالت لي انا مش عارفه بس ده اللي انا فهمته
قال لها طب هي اسمها ايه
قالت له بسمله
قال لها تمام 10 دقائق وهكون عندك لو هي مش عليها حاجه
ردت اميمه شكرا قوي يا صالح بيه وبصراحه عمري ما هنسى المعروف ده
رد عليها ما تقوليش كده يا اميمه هانم انا تحت امرك في اي حاجه واقفل معاها
ورفع تليفوني المكتب وقال له في بنت جت النهارده اسمها بسمله
رد الظابط مش عارف يا باشا بس هسال واقول لحضرتك
رد صالح يا ريت بسرعه
وفي الحجز بسمله كانت واقفه بعد ما ضربت الوليه وقالت بصوت عالي هو انتم فاكريني ضعيفه لا ده انا هطلع عين امكم هنا وفضلت تضرب في الوليه بغل وقهر
اما الظابط اتصل باللواء وقال له فعلا في واحده جت هنا وكانت شغاله في الشارع وعامله عشه من غير تراخيص
رد اللواء ابعتها لي على مكتبي
رد الظابط حاضر يا فندم وقفل معايا ونده على عسكري وقال له روح هات من الحجز البنت اللي اسمها بسمله
رد العسكري بس جاسر بيه قال انها تتروق عليها تحت
رد الظابط اسمع الكلام وهاتها بسرعه
رد العسكري حاضر يا فندم ونزل الحجز عشان يجيب بسمله واتفاجئ باللي عملته في الوليه
وقال لها تعالي معايا الظابط عايزك
قالت له حاضر وخرجت معاه
مكتب اللواء قال لها انا خرجك بس عشان خاطر اميمه هانم بس انسي انك تقعدي في الشارع تاني او في العشه ديت عشان اتشالت فاهمه ولا لا
عيطت بسمله وقالت له ليه كده يا باشا اقعد فين انا واخويا دلوقتي
صعبت عليه وطلع فلوس من جيبه وقال لها انتي شكلك بنت ناس ومش قد المرمطه ديت خدي الفلوس ديت اجر اوضه واقعدي فيها انتي واخوك بدل قعده الشارع ديت
ردت عليه شكرا يا باشا ربنا بيسترها
رد عليها اسمعي يا بنتي خدي الفلوس دي اهي تساعدك اتكسفت بسمله
وهو اخذت الفلوس حطها في ايديها
وقال لها يلا اطلعي وروح على اميمه هانم عشان هي عايزاكي
ردت عليه حاضر
و في شقه اميمه كانت بسمله واقفه وقالت لها شكرا يا ست هانم على وقفتك جنبي
ردت عليها ولا شكر ولا حاجه انا عايزاكي تسيبك من وقفه الشارع ديت وتشتغلي عندي هنا
ردت بسمله انا اسفه يا هانم بس مش هينفع
ردت عليها ليه
قالت لها عشان انا معايا اخويا مش هقدر اسيبه
ردت اميمه خلاص انا هديك الاوضه اللي فوق السطح تقعدي فيها انتي واخوك بس طول النهار تبقي معايا هنا في الشقه وتعملي لي طلباتي والحاجه اللي هطلبها منك
ردت بسمله حاضر يا ست هانم وندهت اميمه على فكري
وقالت له ادي لبسمله مفتاح الاوضه بتاعت السطح عشان تقعد فيها
رد فكري بس الاوضه فيها كراكيب يا هانم وما فيهاش حاجه بيناموا عليها
ردت بسمله انا هنزل اجيب الحاجه اللي كانت في العشه بس هات انت المفتاح وانا هروقها
رد فكري طيب يا بنتي
وقالت اميمه وهي بتطلع الفلوس خذي يا فكري وشوفي الاوضه ناقصها ايه وهاته لها
ردت بسمله شكرا يا هانم ايجار الاوضه دي كام
ردت اميمه مش هاخد منك حاجه المهم انك طول النهار تبقي هنا
ردت بسمله مش هينفع يا ست هانم وطلعت الفلوس اللي في جيبها
وقالت لها تفضلي ده ايجار الاوضه
ردت اميمه اسمعي بس يا بسمله خدي الفلوس ديت وانا هبقى اخصم ايجار الاوضه من مرتبك
وافقت بسمله على الكلام
تابعووووني
تعليقات
إرسال تعليق